MOR North West STO

የ 2019 በጀት አመት የአራተኛ ዙር የሞጁላር ትምህርት ስልጠና መሰጠት ተጀመረ ጥቅምት 5 ቀን 2019 ዓ.ም | አዲስ አበባ በገቢዎች ሚኒስቴር ሰሜን ምዕራብ አዲስ አበባ አነስተኛ ግብር ከፋዮች ቅ/ጽ/ቤት የ2019 በጀት አመት የአራተኛ ዙር የታክስ ትምህርት ሞጁላር ሰልጣኞችን ማሰልጠን ጀመረ። ስልጠናው የታክስ ህግ፣ደንብና መመሪያ ለግብር ከፋዮች ግንዛቤ ለመስጠት ያለመ ሲሆን ግብር ከፋዮች መብታቸው አውቀው ግዴታቸውን እንዲወጡ የሚያደርግ ተከታይ የሞጁላር ስልጠና ነው።የመጀመሪያ ሴምስትር የታክስ ትምህርት ሞጁላር ትምህርቱም ሲጀምር ትኩረቱን ከመቀጠር የሚገኝ ገቢ ግብር ላይ ያደረገውን የመጀመሪያ ሞጁል ስልጠና  የተሰጠ ሲሆን የዕለቱንም ስልጠና ያሰለጠኑት የታክስ ከፋዮች  ትምህርት ከፍተኛ ባለሙያ የሆኑት አቶ ሰይድ እንድሪስ ናቸው፡፡ ይህን ሊንክ በመጫንና የማህበራዊ ሚዲያ ገፆቻችንን በመቀላቀል መረጃዎችን በፈጥነት ያግኙ:-https://linktr.ee/mornwsto

የ2018 በጀት ዓመት ዓመታዊ ሒሳብ ሲቀርብ መሟላት ያለባቸዉ ሰነዶች 1.   ዓመታዊ ሽያጭ ማጠቃለያ (summery report) 2.   ከሽያጭ መመዝገቢያ መሣሪያ ዉጪ የእጅ በእጅ ደረሰኝ የተደረገ ሽያጭ ካለ ማጠቃለያ ሪፖርት 3.   ድርጅቱ ከሚጠቀምበት ባንክ የባንክ ስቴትሜንት 4.   የሂሳብ መግለጫዎች ማለትም የትርፍና ኪሣራ መግለጫ (Profit and loss statement) ፣የሀብት እና የዕዳ መግለጫ (balance sheet) ፣ የጥሬ ገንዘብ ገቢ እና ወጪ መግለጫ (Cash flow statement)፣የባለቤቶቹ ሁኔታ (owners’ equity position) እንዲሁም የመረጃ ቋት(Ledger) 5.   ተከፋይ ሂሳብ(withholding tax) ካለ ማጠቃለያ ሪፖርት እና ዋናዉን ደረሰኝ 6.   ለጥገናና ማሻሻያ የወጡ ወጪዎች ለየትኛዉ ቋሚ ዕቃ መጠገኛ ስለመዋሉ የሚያስረዳ ማስረጃና ማጠቃለያ ሪፖርት 7.   የቋሚ ንብረት ደረሰኝ ወይም ማስረጃ 8.   የእርጅና ቅናሽ የተያዘለት የንግድ ሥራ ሀብት በሠንጠረዥ የተሰላ ቅጽ 9.   የተሰብሳቢና ተከፋይ ሂሳቦች ዝርዝር መግለጫ 10. በግብር እፎይታ ላይ ያለ ግብር ከፋይ ይሄንኑ የሚያረጋግጥ ማስረጃ 11.  ለበጎ አድራጎት ዓላማ የሚደረጉ ስጦታዎች ካሉ ለበጎ አድራጎት የተቋቋመ ድርጅት መሆኑን የሚያሳይ መረጃ እንዲሁም የጥሪ ደብዳቤና ገቢ የተደረገበት የባንክ ስሊፒ 12.  የየወሩን VAT ሪፖርት ዝርዝር መረጃ የሚያሳይ ኤክሴል 13.  ኦንላይን ያሳወቁበት ዓመታዊ ሪፖርት ሀርድ ኮፒ 14.  በኦዲት ቦርድ የተመዘገቡበት የምስክር ወረቀት ቅጂ 15.  ሒሳቡ በተፈቀደላቸዉ የሒሳብ አዋቂዎች የተሠራ ከሆነ የሒሳብ ሠራተኛዉ የታደሰ የንግድ ሥራ ፍቃድ፣የንግድ ምዝገባ እና የግብር ከፋይ መለያ ቁጥር ቅጂ 16.  ሂሳቡ በድርጅቱ የሒሳብ ሠራተኛ የተሠራ ከሆነ የሂሳብ ሠራተኛዉ የትምህርት ማስረጃ እና ተቀጣሪ መሆኑን የሚያመላክት መረጃ ተያይዞ መቅረብ አለበት 17. ዓመታዊ ሂሳብ ማሳወቂያ ቅጽ ከደንበኞች አገልግሎት ወስዶ መሙላት ያስፈልጋል፡፡ ▫️ በሠንጠረዥ ‘ሐ’ መሠረት ግብር የመክፈል ግዴታ ያለበት እና ከአንድ በላይ የንግድ ሥራ መስክ ገቢ የሚያገኝ የደረጃ “ሀ” ግብር ከፋይ፣ በዚህ አዋጅ እና በሌሎች ተፈጻሚነት ባላቸው ሕጎች መሠረት ለእያንዳንዱ የተለየ የሥራ መስክ የሂሳብ መዝገቦችን እና ደጋፊ መረጃዎችን በተናጠል መያዝ አለበት።(በ1395/2017 መሠረት)

ጠቅላይ ሚኒስትር ዐቢይ አሕመድ (ዶ/ር) በዛሬው ዕለት የተለያዩ አመራሮችን በሚኒስትር ዴዔታነት ሾመዋል ጥቅምት 3/2019 ዓ.ም (የገቢዎች ሚኒስቴር) በዚሁ መሰረት ታምራት በየነ (ዶ/ር) የገቢዎች ሚኒስቴር ሚኒስትር ዴኤታ በመሆን ተሾመዋል። እንኳን ደስ ያለን! መልካም የስራ ዘመን!

“ሠንደቅ ዓላማችን ለብሔራዊ መግባባትና ለአንድነታችን” ጥቅምት 2 ቀን 2019 ዓ.ም | አዲስ አበባ  በ19ኛው ብሔራዊ የሠንደቅ ዓላማ ቀን አስመልክቶ፣ የገቢዎች ሚኒስቴር ሰሜን ምዕራብ አዲስ አበባ አነስተኛ ግብር ከፋዮች ቅርንጫፍ ጽ/ቤት አመራር እና ሰራተኞች  “ሠንደቅ ዓላማችን ለብሔራዊ መግባባትና ለአንድነታችን”  በሚል መሪ ቃል የሠንደቅ ዓላማ ቀንን አከበሩ። የቅርንጫፍ ጽ/ቤቱ ሥራ አስኪያጅ አቶ ኪሮስ ደበሱ ሠንደቅ ዓላማ የሀገር ሉዓላዊነትና የሕዝቦች አንድነት መገለጫ በመሆኑ፣ ክብሩን መጠበቅና የሚወክላቸውን ሀገራዊ እሴቶች ማጠናከር የሁሉም ዜጋ ኃላፊነት መሆኑን በመግለጽ። በተጨማሪም በልዩነቶች መካከል የጋራ መግባባትን በማሳደግና በጋራ ዓላማዎች ላይ በመስማማት ለሀገር እድገትና ለሕዝቦች አንድነት መሥራት እንደሚገባ አሳስበዋል። ይህን ሊንክ በመጫንና የማህበራዊ ሚዲያ ገፆቻችንን በመቀላቀል መረጃዎችን በፈጥነት ያግኙ:-https://linktr.ee/mornwsto

ዉድ ግብር ከፋዮቻችን !! የ2018 ዓ.ም የነሐሴ ወር የወርኃዊ የተጨማሪ እሴት ታክስ እና የኤክሳይዝ ማሳወቂያ ጊዜ እስከ መስከረም 30/2019 ዓ.ም መሆኑ ይታወቃል  ስለሆነም ከደንበኛዎ ለሀገር የሰበሰቡትን የመንግስት ግብር/ታክስ ያላሳወቃችሁ ግብር ከፋያችን የሚጠበቅባችሁን ታክስ እንድታሳወቁና እንድትከፍሉ  እናሳስባለን፡፡ የሰሜን ምዕራብ አ.አ አነ/ግ/ከ/ቅ/ጽ/ቤት              ግብር ለሀገር ክብር  !!

በገቢዎች ሚኒስቴር ሰሜን ምዕራብ አዲስ አበባ አነስተኛ ግብር ከፋዮች ቅርንጫፍ ጽ/ቤት የ2018 ዓ.ም የዕቅድ አፈጻጸምና የ2019 በጀት ዓመት ዕቅድ ትውውቅ ከግብር ከፋዮችና ከተለያዩ ባለድርሻ አካላት ጋር ተካሄደ መስከረም 28/2019 ዓ.ም (የገቢዎች ሚኒስቴር) የመድረኩን መክፈቻ ንግግር ያደረጉት የገቢዎች ሚኒስቴር የታክስ ማሳወቅ ዳይሬክተርና የታክስ ኦፕሬሽን  ዘርፍ ተወካይ አቶ ዩሴፍ ሽፈራው፣ ግብር የመንግሥት ዋነኛ የገቢ ምንጭ ከመሆኑም በላይ ለመሠረተ ልማት፣ ለትምህርት፣ ለጤና፣ ለማህበራዊ አገልግሎትና ሌሎች ተግባራትን ለማሟላት  ወሳኝ  ነው ብለዋል። አቶ ዩሴፍ አክለውም ግብር መክፈል የግብር ከፋዩ ግዴታ ብቻ ሳይሆን በሀገር ግንባታና በልማት ውስጥ ያለውን  ቀጥተኛ ተሳትፎ የሚያሳይ መሆኑን ጠቁመዋል። በተጨማሪም የግብር አስተዳደሩን ዘመናዊ ለማድረግ ዲጂታል ቴክኖሎጂዎች ተግባራዊ እየተደረጉ  መሆኑን ገልጸው እነዚህም  ኤሌክትሮኒክ ምዝገባ፣ ኤሌክትሮኒክ ማሳወቂያ፣ ኤሌክትሮኒክ ክፍያ፣ ኢ-ኢንቮይሲንግና ሌሎች ዲጂታል አገልግሎቶች  ናቸው ብለዋል፡፡ የነዚህ አገልግሎቶች ተግባራዊ መደረግ ጊዜና ወጪን ለመቀነስ፣ ግልጽነትን ለማሳደግና የሰው ንክኪን እንደሚቀንስም አስታውቀዋል፡፡ “ከቁጥጥር ወደ ትብብር፣ ከችግር ወደ መፍትሔ፣ ከግዴታ ወደ ፈቃደኝነት እና ከጥርጣሬ ወደ መተማመን መሸጋገር ይገባናል” ሲሉም አቶ ዩሴፍ ገልጸዋል። በገቢዎች ሚኒስቴር የሰሜን ምዕራብ አዲስ አበባ አ/ግ/ከ/ቅ/ጽ/ቤት ሥራ አስኪያጅ አቶ ኪሮስ ደበሱ በበኩላቸው ፣ ቅርንጫፍ ጽ/ቤቱ የግብር አሰባሰብን በብቃት ለማከናወን፣ የአገልግሎት አሰጣጡን ለማሳለጥ፣ የተገልጋዮችን እርካታ ለማረጋገጥ፣ የታክስ ማጭበርበርን ለመከላከልና የታክስ ፍትሃዊነትን ለማረጋገጥ በዲጂታል አሠራር ላይ በትኩረት እየሠራ መሆኑን ገልጸዋል። ቅርንጫፍ ጽ/ቤቱ በ2018 በጀት ዓመት 10 ቢሊዮን 079 ሚሊዮን ብር ገቢ ለመሰብሰብ አቅዶ 10 ቢሊዮን 195 ሚሊዮን  ብር በመሰብሰብ ከ101 በመቶ በላይ የገቢ አሰባሰብ አፈጻጸም ማስመዝገብ መቻሉንም አመላክተዋል። አቶ ኪሮስ ይህ ውጤት የተገኘው በቅርንጫፍ ጽ/ቤቱ ጥረት ብቻ ሳይሆን የግብር ከፋዮች ታማኝነት ታክሎበት መሆኑን ጠቅሰው  ለግብር ከፋዮች ምስጋና አቅርበዋል። በ2019 በጀት ዓመት ዕቅድን ለማሳካት ከሚመለከታቸው ባለድርሻ አካላት ጋር በቅንጅት እንደሚሰራም ገልጸዋል፡፡ በመድረኩ ከግብር ከፋዮችና ከባለድርሻ አካላት የተነሱ ጥያቄዎችና አስተያየቶች በሚመለከታቸው የሥራ ክፍል ኃላፊዎች  ምላሽ እና ማብራሪያ ተሰጥቶባቸዋል፡፡ በመድረኩ  የዋና መ/ቤት የሥራ ክፍል ኃላፊዎች ፣ የሰሜን ምዕራብ አዲስ አበባ አ/ግ/ከ/ቅ/ጽ/ቤት  ም/ሥራ አስኪያጆች ፣ ግብር ከፋዮች፣ የንግዱ ማህበራትና የንግዱ ማህበረሰብ ተወካዮች እና ሌሎች የሚመለከታቸው አካላት  ተሳትፈዋል።

ክብርት ወ/ሮ ዓይናለም ንጉሴ በድጋሚ የገቢዎች ሚኒስቴር ሚኒስትር ሆነው ተሾመዋል። እንኳን ደስ ያለዎት!! መልካም የሥራ ዘመን!! የሰሜን ምዕራብ አዲስ አበባ አነስተኛ ግብር ከፋዮች ቅርንጫፍ ጽ/ቤት

ዐቢይ አሕመድ (ዶ/ር) የኢፌዴሪ ጠቅላይ ሚኒስትር ሆነው ተሰየሙ የሕዝብ ተወካዮች ምክር ቤት እያካሄደ ባለው 7ኛው ዙር 1ኛ ዓመት የሥራ ዘመን የመንግሥት መመሥረቻ 1ኛ መደበኛ ስብሰባ ዐቢይ አሕመድን (ዶ/ር) የኢፌዴሪ ጠቅላይ ሚኒስትር አድርጎ ሰይሟል። በዚህ የ7ኛ ዙር 1ኛ ዓመት የሥራ ዘመን ጉባኤ የመንግሥት መመሥረቻ ስብሰባ ላይ የተለያዩ ከፍተኛ የመንግሥት የሥራ ኃላፊዎች፣ የዲፕሎማቲክ ማኅበረሰብ አባላት እና ጥሪ የተደረገላቸው እንግዶች ታድመዋል።