MOR North West STO

የሰሜን ምዕራብ አዲስ አበባ አነስተኛ ግብር ከፋዮች ቅ/ጽ/ቤት ለረጅም ጊዜ ያገለገሉትን ሠራተኛን በክብር ሸኘ። ህዳር 2 ቀን 2018 ዓ.ም | አዲስ አበባ የሰሜን ምዕራብ አዲስ አበባ አነስተኛ ግብር ከፋዮች ቅ/ጽ/ቤት የሴቶች፣ ህፃናትና ወጣቶች ድጋፍና ክትትል ቡድን አስተባባሪ ሆነው ሲያገለግሉ ለነበሩትና በጡረታ ለተሰናበቱት ወ/ሮ አበባ መኮንን የሽኝት መርሃ ግብር አካሄደ። በመርሐ ግብሩ ላይ የቅ/ጽ/ቤቱ ዋና ሥራ አስኪያጅ አቶ ኪሮስ ደበሱ በመገኘት፣ ወ/ሮ አበባ መኮንን በተለያዩ የሥራ ኃላፊነቶች ላይ በነበራቸው የአገልግሎት ዘመን ለተቋሙ ያበረከቱትን አስተዋጽኦ፣ ያሳዩትን ትጋትና የሥራ ኃላፊነት በብቃት የመወጣት አቅም አድንቀዋል። በተለይም በሴቶች፣ ሕፃናትና ወጣቶች ድጋፍና ክትትል ሥራዎች እንዲሁም በቅ/ጽ/ቤቱ የሕፃናት ማቆያ ማዕከል አገልግሎት ላይ ያበረከቱትን የላቀ አስተዋጽኦ በማንሳት፣ ለሕፃናት እንክብካቤ፣ እድገትና ደህንነት የነበራቸውን ቁርጠኝነት አድንቀዋል። በተመሳሳይ ወ/ሮ አበባ መኮንን ባደረጉት ንግግር፣ በተቋሙ ውስጥ ለበርካታ ዓመታት በተለያዩ የሥራ ኃላፊነቶች ላይ በማገልገላቸው ያገኙትን ልምድና ትዝታ በማካፈል፣እንዲሁም በሕፃናት ማቆያ ማዕከሉ የነበራቸውን ተሳትፎና ኃላፊነት በማንሳት፣ የሕፃናት እንክብካቤና አስተዳደግ በትዕግሥት፣ በፍቅርና በቁርጠኝነት ሊከናወን የሚገባው ኃላፊነት መሆኑን ገልጸዋል። በመጨረሻም የቅ/ጽ/ቤቱ አመራርና ሠራተኞች ለወ/ሮ አበባ መኮንን ላበረከቱት የረጅም ዘመን አገልግሎት ምስጋናና አድናቆታቸውን በመግለጽ፣ በቀጣይ የሕይወት ዘመናቸው ጤና፣ ሰላም፣ ደስታና በረከት እንዲያድላቸው መልካም ምኞታቸውን ገልጸዋል። ይህን ሊንክ በመጫንና የማህበራዊ ሚዲያ ገፆቻችንን በመቀላቀል መረጃዎችን ያግኙ:-https://linktr.ee/mornwsto

የሰሜን ምዕራብ አዲስ አበባ አነስተኛ ግብር ከፋዮች ቅርንጫፍ ጽ/ቤት ለግብር ከፋዮችና ለሠራተኞቹ ምስጋና አቀረበ:: ህዳር 1 ቀን 2019 ዓ.ም | አዲስ አበባ የሰሜን ምዕራብ አዲስ አበባ አነስተኛ ግብር ከፋዮች ቅርንጫፍ ጽ/ቤት የ2018 በጀት ዓመት የንግድ ትርፍ ግብር የማሳወቂያና የመክፈያ መደበኛ ጊዜ ትናንት በጥቅምት 30 ቀን 2019 ዓ.ም መጠናቀቁን አስታውቋል። ቅ/ጽ/ቤቱ ግብራቸውን በወቅቱ አሳውቀው ለከፈሉ ግብር ከፋዮችና ለተሳካው የገቢ አሰባሰብ አስተዋጽኦ ላደረጉ ሠራተኞቹ ምስጋና አቅርቧል። በማሳወቂያና በክፍያ ወቅቱ ግብር ከፋዮች ግዴታቸውን በጊዜ እንዲወጡ ለማስቻል ጽ/ቤቱ የግንዛቤ ማስጨበጫ፣ የቅስቀሳና የማስተዋወቅ ሥራዎችን አከናውኗል። በተጨማሪም አስፈላጊ የቅድመ ዝግጅትና የአገልግሎት ማሻሻያ ሥራዎችን ሠርቷል። የጽ/ቤቱ አመራሮች፣ የዘርፍ ኃላፊዎችና ሠራተኞችም አገልግሎቱ ውጤታማ እንዲሆን በቅንጅትና በትጋት ሠርተዋል። ቅ/ጽ/ቤቱግብራቸውን በአግባቡ አሳውቀው በተቀመጠው የጊዜ ገደብ ውስጥ ለከፈሉ ግብር ከፋዮች ልባዊ ምስጋናና ከፍተኛ ክብር እንዳለው ገልጿል። ግብር ከፋዮች በወቅቱ የሚወጡት ግዴታ የሀገርን ልማት ለማፋጠንና የመንግሥትን የልማት ዕቅዶች ለማሳካት ወሳኝ ድርሻ እንዳለው አመልክቷል።

ቅሬታ እና ጥቆማ ማቅረብ የሚያስችል ሥርዓት ይፋ ተደረገ ጥቅምት 28/2019 ዓ.ም (የገቢዎች ሚኒስቴር) በገቢዎች ሚኒስቴር ይፋ የተደረገው ሥርዓት ቅሬታ እና ጥቆማ ማቅረብ የሚያስችል ሲሆን ሥርዓቱንም የገቢዎች ሚኒስትር ክብርት ዓይናለም ንጉሴ እና የሚኒስቴሩ የኢ-ዳታ ዘርፍ ሚኒስትር ዴኤታ አቶ ዳዊት ውብሸት ይፋ አድርገዋል፡፡ ስርዓቱ ይፋ የተደረገው ተቋሙ የሙስና እና የብልሹ አሰራር መከላከል ልዩ የንቅናቄ እቅድ ውይይት ማጠቃለያ እና የተቋሙ የመጀመሪያው ሩብ ዓመት እቅድ አፈፃፀም የውይይት ባካሄደበት መድረክ ነው። 6844 ነፃ የጥሪ መስመር እና ጥቆማ ማቅረቢያ ስርዓት ማንኛውንም የገቢውን ዘርፍ አሠራሮችን በተመለከተ ጥቆማ መቀበል የሚያስችል መሆኑን የሚኒስቴሩ የመረጃ ቴክኖሎጂ ልማትና አስተዳደር ዳይሬክተር አቶ ኩራቱ ለማ ገልጸዋል፡፡ በዚህ ሥርዓትም ባለጉዳዮች በተቋሙ ሰራተኞች ሥነ-ምግባር ላይ ወይም በማንኛውም አገልግሎት ላይ ቅሬታ ሲኖራቸው በነጻ የሚያቀርቡበት መንገድ እንደሆነም ጠቅሰዋል፡፡ ባለጉዳዮች በዚህ ቁጥር ሲደውሉ የሥነ-ምግባር መከታተያ ዳይሬክቶሬት ሠራተኞችን በቀጥታ እንደሚያገኙ የገለጹት ዳይሬክተሩ በሥራ መደራረብ ምክንያት ስልኩ ባይነሳ ሠራተኞቹ ያልተነሳውን ጥሪ አይተው ወደ ባለጉዳዮች በመደወል ጥቆማውን መቀበል እንደሚችሉ ጠቁመዋል፡፡ ተገልጋዮች ይህንን አገልግሎት ሲጠቀሙ እራሳቸውን በማሳወቅ ወይም ሳያሳውቁ ቅሬታቸውን ማቅረብ የሚችሉ ሲሆን ቅሬታው እንደቀረበ ለአቅራቢዎቹ መከታተያ ቁጥር ይሰጣቸዋል፡፡ ቅሬታ አቅራቢዎቹም ይህንን ቁጥር ተጠቅመው የቅሬታቸውን ሂደት መከታተል ይችላሉ ብለዋል፡፡ ሌላኛው ይፋ የተደረገው የቅሬታ ማቅረቢያ ፖርታል ነው፡፡ ይህ ሥርዓት ገቢዎች ሚኒስቴር እና ጉምሩክ ኮሚሽንን በተመለከተ የተለያዩ ቅሬታዎችን ማቅረብ ያስችላል፡፡ በዚህ ሥርዓት የግብር ማስያዣን በተመለከተ፣ የዘገየ ተመላሽ ገንዘብ፣ ኢ-ፍትሃዊ ቅጣቶች፣ የምዝገባ ጉዳዮች፣ የሁለቱን ተቋማት አጠቃላይ አሠራሮችን እንዲሁም ሌሎች አገልግሎቶች ላይ ያሉ ቅሬታዎች መቅረብ እንደሚችሉ አቶ ኩራቱ ገልጸዋል፡፡ በሽመልስ ሲሳይ ፎቶ:- የትናየት እንዳያፍሩ

ቅሬታ እና ጥቆማ ማቅረብ የሚያስችል ሥርዓት ይፋ ተደረገ ጥቅምት 28/2019 ዓ.ም (የገቢዎች ሚኒስቴር) በገቢዎች ሚኒስቴር ይፋ የተደረገው ሥርዓት ቅሬታ እና ጥቆማ ማቅረብ የሚያስችል ሲሆን ሥርዓቱንም የገቢዎች ሚኒስትር ክብርት ዓይናለም ንጉሴ እና የሚኒስቴሩ የኢ-ዳታ ዘርፍ ሚኒስትር ዴኤታ አቶ ዳዊት ውብሸት ይፋ አድርገዋል፡፡ ስርዓቱ ይፋ የተደረገው ተቋሙ የሙስና እና የብልሹ አሰራር መከላከል ልዩ የንቅናቄ እቅድ ውይይት ማጠቃለያ እና የተቋሙ የመጀመሪያው ሩብ ዓመት እቅድ አፈፃፀም የውይይት ባካሄደበት መድረክ ነው። 6844 ነፃ የጥሪ መስመር እና ጥቆማ ማቅረቢያ ስርዓት ማንኛውንም የገቢውን ዘርፍ አሠራሮችን በተመለከተ ጥቆማ መቀበል የሚያስችል መሆኑን የሚኒስቴሩ የመረጃ ቴክኖሎጂ ልማትና አስተዳደር ዳይሬክተር አቶ ኩራቱ ለማ ገልጸዋል፡፡ በዚህ ሥርዓትም ባለጉዳዮች በተቋሙ ሰራተኞች ሥነ-ምግባር ላይ ወይም በማንኛውም አገልግሎት ላይ ቅሬታ ሲኖራቸው በነጻ የሚያቀርቡበት መንገድ እንደሆነም ጠቅሰዋል፡፡ ባለጉዳዮች በዚህ ቁጥር ሲደውሉ የሥነ-ምግባር መከታተያ ዳይሬክቶሬት ሠራተኞችን በቀጥታ እንደሚያገኙ የገለጹት ዳይሬክተሩ በሥራ መደራረብ ምክንያት ስልኩ ባይነሳ ሠራተኞቹ ያልተነሳውን ጥሪ አይተው ወደ ባለጉዳዮች በመደወል ጥቆማውን መቀበል እንደሚችሉ ጠቁመዋል፡፡ ተገልጋዮች ይህንን አገልግሎት ሲጠቀሙ እራሳቸውን በማሳወቅ ወይም ሳያሳውቁ ቅሬታቸውን ማቅረብ የሚችሉ ሲሆን ቅሬታው እንደቀረበ ለአቅራቢዎቹ መከታተያ ቁጥር ይሰጣቸዋል፡፡ ቅሬታ አቅራቢዎቹም ይህንን ቁጥር ተጠቅመው የቅሬታቸውን ሂደት መከታተል ይችላሉ ብለዋል፡፡ ሌላኛው ይፋ የተደረገው የቅሬታ ማቅረቢያ ፖርታል ነው፡፡ ይህ ሥርዓት ገቢዎች ሚኒስቴር እና ጉምሩክ ኮሚሽንን በተመለከተ የተለያዩ ቅሬታዎችን ማቅረብ ያስችላል፡፡ በዚህ ሥርዓት የግብር ማስያዣን በተመለከተ፣ የዘገየ ተመላሽ ገንዘብ፣ ኢ-ፍትሃዊ ቅጣቶች፣ የምዝገባ ጉዳዮች፣ የሁለቱን ተቋማት አጠቃላይ አሠራሮችን እንዲሁም ሌሎች አገልግሎቶች ላይ ያሉ ቅሬታዎች መቅረብ እንደሚችሉ አቶ ኩራቱ ገልጸዋል፡፡ በሽመልስ ሲሳይ ፎቶ:- የትናየት እንዳያፍሩ

የገቢዎች ሚኒስቴር የሙስና እና የብልሹ አሰራር መከላከል ልዩ የንቅናቄ እቅድ ውይይት የማጠቃለያ ፕሮግራም እና የተቋሙ የመጀመሪያው ሩብ ዓመት እቅድ አፈፃፀም የውይይት በዛሬው እለት እየተካሄደ ይገኛል። ጥቅምት 28/2019 ዓ.ም (የገቢዎች ሚኒስቴር)

  ....

በተደጋጋሚ የተጨማሪ እሴት ታክስን (VAT) በዜሮ ለሚያሳውቁ ግብር ከፋዮች ጋር የግማሽ ቀን ውይይት ተካሄደ፡፡   ጥቅምት 27 ቀን 2019 ዓ.ም | አዲስ አበባ የሰሜን ምዕራብ አዲስ አበባ አነስተኛ ግብር ከፋዮች ቅርንጫፍ ጽ/ቤት ተጨማሪ እሴት ታክስን (VAT) በተደጋጋሚ በዜሮ እያሳወቁ ከሚገኙ ግብር ከፋዮች ጋር የግማሽ ቀን የውይይት መድረክ አካሄደ። የውይይቱ ዋና ዓላማ ግብር ከፋዮች የሚያቀርቡትን የታክስ ሪፖርት ትክክለኛነት ማረጋገጥ፣ የሚያጋጥሟቸውን ችግሮችና የአሠራር ክፍተቶች በጋራ መለየት እንዲሁም በግብር ከፋዮችና በተቋሙ መካከል የጋራ መግባባት በመፍጠር የታክስ ሕግና ግዴታዎች በተገቢው መንገድ እንዲፈጸሙ  ማስቻል መሆኑን የተገለጸ ሲሆን።   በዕለቱ የመወያያ ጽሑፍ ያቀረቡት የቅርንጫፍ ጽ/ቤቱ ዋና ሥራ አስኪያጅ አቶ ኪሮስ ደበሱ ፣ የቅርንጫፍ ጽ/ቤቱን የሦስት ወራት ዕቅድ አፈጻጸም በማቅረብ በተለይም በተጨማሪ እሴት ታክስ ተመዝጋቢዎች የሚታየውን ተደጋጋሚ የዜሮ ሪፖርት አቀራረብ በተመለከተ ሰፊ ማብራሪያ ሰጥተዋል።   ዋና ሥራ አስኪያጁ በማብራሪያቸው፣ በተደጋጋሚ በዜሮ የሚቀርቡ የተጨማሪ እሴት ታክስ ሪፖርቶች በቅርንጫፍ ጽ/ቤቱ የሥራ አፈጻጸም ላይ ክፍተት ከመፍጠራቸውም በላይ የግብር ሥርዓቱን ውጤታማነት እንደሚጎዱ ገልጸዋል። በመሆኑም ግብር ከፋዮች የንግድ ሥራቸውን በሕጋዊና በተገቢው መንገድ እያከናወኑ፣ ገቢያቸውን በትክክል እንዲያሳውቁ፣ የሂሳብ መዝገቦቻቸውን በአግባቡ እንዲይዙ፣ ሕጋዊ የወጪ ማስረጃዎችን እንዲያስቀምጡና የሚጠበቅባቸውን የታክስ ሪፖርት በወቅቱና በትክክል እንዲያቀርቡ አሳስበዋል።   በተጨማሪም የግብር ከፋይ መለያ ቁጥር (TIN) በማውጣት ወደ ንግዱ ዓለም የተቀላቀሉ ሁሉም ግብር ከፋዮች ከሚያከናውኑት የንግድ እንቅስቃሴ ጋር ተያይዞ የሚጠበቅባቸውን የታክስ ግዴታ በወቅቱ መወጣት እንዳለባቸው አስገንዝበዋል። ግዴታቸውን በተገቢው መንገድ የማይወጡ ግብር ከፋዮች ላይም ተቋሙ በሕግ የተጣለበትን የሕግ ማስከበር ኃላፊነት እንደሚወጣ አጽንኦት ሰጥተው ተናግረዋል።   በመድረኩ መጨረሻ ተሳታፊ ግብር ከፋዮች በንግድ ሥራቸውና በታክስ ግዴታዎቻቸው አፈጻጸም ላይ የሚያጋጥሟቸውን ችግሮችና ጥያቄዎች አቅርበው ሰፊ ውይይት ተደርጓል። ችግሮቹን በቅርበት በመመካከር፣ በመግባባትና በተቀናጀ አሠራር መፍታት እንደሚቻልም በማጠቃለያው ላይ ተገልጿል።

የ2018 ዓ.ም. ዓመታዊ የንግድ ትርፍ ገቢ ግብር ማሳወቂያና ክፍያ በተጠናከረ ሁኔታ እየተካሄደ ነው። ጥቅምት 26 ቀን 2018 ዓ.ም | አዲስ አበባ የሰሜን ምዕራብ አዲስ አበባ አነስተኛ ግብር ከፋዮች ቅርንጫፍ ጽ/ቤት ግብራቸውን በወቅቱ ለሚያሳውቁና ለሚከፍሉ ግብር ከፋዮች የሚያደርገው መስተንግዶ በዛሬው ዕለትም ቀጥሏል። በቅርንጫፍ ጽ/ቤቱ የሚሰጠውን አገልግሎት ተጠቅመው ግብራቸውን በወቅቱ የሚያሳውቁና የሚከፍሉ ግብር ከፋዮች ቁጥር እየጨመረ ሲሆን፣ የ2018 በጀት ዓመት ዓመታዊ የንግድ ትርፍ ገቢ ግብር ማሳወቂያና ክፍያ ጊዜ ሊጠናቀቅ አራት ቀናት ብቻ ቀርተዋል። በመሆኑም እስካሁን ዓመታዊ የንግድ ትርፍ ገቢ ግብራቸውን ያላሳወቁ ግብር ከፋዮች፣ የማሳወቂያ ጊዜው ከመጠናቀቁ በፊት ግዴታቸውን እንዲወጡ ቅርንጫፍ ጽ/ቤቱ ያሳስባል። ይህም በመጨረሻዎቹ ቀናት ሊፈጠር ከሚችለው የወረፋና የሲስተም መጨናነቅ ለመዳን፣ እንዲሁም በሕጉ መሠረት ሊያስከትል ከሚችለው ቅጣት ለመታደግ ያስችላል። ይህን ሊንክ በመጫንና የማህበራዊ ሚዲያ ገፆቻችንን በመቀላቀል መረጃዎችን በፈጥነት ያግኙ:-https://linktr.ee/mornwsto

ያልተከፋፈለ ትርፍ ጥቅምት 26/2019 ዓ.ም (የገቢዎች ሚኒስቴር) “ያልተከፋፈለ ትርፍ” ማለት የኩባንያው የሒሳብ ዓመት ካለቀ በኋላ ባሉት አስራ ሁለት (12) ወራት ውስጥ ለባለአክሲዮኖች ያልተከፋፈለ ወይም የኩባንያውን ካፒታል ለመጨመር ያልዋለ ወይም የኩባንያውን አክሲዮን ለመግዛት ያመለከቱ ባለአክሲዮኖችን የአክሲዮን ዋጋ ለመክፈል ያልዋለ የተጣራ ትርፍ ነው። ኢትዮጵያ ውስጥ ባለው በቋሚነት በሚሰራ ድርጅት አማካኝነት የንግድ ሥራ ለሚያካሂድ የውጭ አገር ኩባንያ ያልተላከ ትርፍን ያካትታል። ሚኒስቴሩ በሚያወጣው መመሪያ መሰረት በአንድ የግብር ዓመት ግብር ከተከፈለ በኋላ ለአባላቱ ያልተከፋፈለ እና መልሶ ኢንቨስት ያልተደረገ የተጣራ የድርጅቱ ትርፍ 15% (አስራ አምስት በመቶ) ግብር ይከፈልበታል።