Gurage Zone Government Communication Affairs

በጌታ ወረዳ የመስኖ ልማት ስራዎችን አጠናክሮ በመስራት የአርሶ አደሩ የምግብ ዋስትናና ኢኮኖሚያዊ ተጠቃሚነት እንዲረጋገጥ እየተሰራ መሆኑ የወረዳው ግብርና ጽ/ቤት አስታወቀ። ህዳር 4/2019(ወልቂጤ) ያሉ የውሃ አማራጮችን በአግባቡ ተጠቅመው በመስኖ ልማት ስራ ላይ በትኩረት እየሰሩ መሆኑ በጌታ ወረዳ የፉቻሬ 44 ቀበሌ አርሶአደሮች ተናገሩ። የጌታ ወረዳ ግብርና ጽ/ቤት ኃላፊ አቶ አድማሱ ክፍሌ እንዳሉት በወረዳው የአርሶ አደሩን ምርትና ምርታማነት ለማረጋገጥ ከሚሰራባቸው ዘርፎች የመስኖ ልማት ስራ አንዱ ነው። ከዚህ በፊት በወረዳው ያሉ ዘመናዊ መስኖዎች በአግባቡ ተጠቅሞ ምርቶችን ለገበያ በማቅረብ የኑሮ ውድነትን ማረጋጋት ተችሏል ሲሉ አስታውሷል። አቶ አድማሱ አክለውም ከዚህ በፊት የወረዳው የመስኖ ጸጋዎችንና የውሃ አቅሞችን በአገናዘበ መልኩ እንዲሁም የውርጭ እና ሌሎች ችግሮች ተቋቁሞ በመስራት አመርቂ ስራዎች መሰራታቸው ተናግረዋል። በአሁን ጊዜም የመስኖ ልማት ስራዎችን አጠናክሮ በመስራት የአርሶ አደሩ የምግብ ዋስትናና ኢኮኖሚያዊ ተጠቃሚነት እንዲረጋገጥ እየተሰራ መሆኑ አስገንዝበዋል። ግብርናው ከዘመናዊ ቴክኖሎጂ ጋር በማስተሳሰር፣በግብአት በመደገፍ እና በጥራትና በስፋት በመስራት የምግብና ስነምግብ ዋስትናን እንዲረጋገጥ እየተሰራ ይገኛል ብለዋል አቶ አድማሱ። የጌታ ወረዳ ግብርና ጽ/ቤት ምክትልና የእርሻ ዘርፍ ኃላፊ አቶ ምስጋናው ካሳ እንደገለፁት ለመስኖ ስራ ውጤታማነት ንቅናቄ ተፈጥሮ፣ለባለሙያውዎች ስልጠና የመስጠትና የሶላር ፣የጀነሬተርና ሌሎችም ድጋፍ የማድረግ ስራ መሰራቱ አመላክቷል። በተለይ ፉቻሬ 44፣ወርኮ፣ቋንጤና ፈኘቅር ቀበሌዎች ላይ ያሉ የመስኖ ፕሮጀክቶች በአግባቡ መጠቀም ተችሏል ያሉት አቶ ምስጋናው በሁሉም ቀበሌዎች ደግሞ ይበልጥ እንዲጠናከር በትኩረት እየተሰራ መሆኑ ገልጸዋል። በወረዳው በዋናና በደጋፊ መስኖ 2ሺ 240 ሄክታር መሬት መሬት ለማልማት ሰፊ ጥረት እየተደረገ መሆኑ አስታውቀው ከ5መቶ 26 ሺ ኩንታል ምርት በላይ ለማግኘት ታቅዷል ብለዋል። እስካሁን ከ1ሺ 950 ሄክታር መሬት በላይ ታርሷል ነው ያሉት አቶ ምስጋናው። የበጋ መስኖ ስራው አርሶ አደሩ ከዝናብ ጥገኝነት ተላቆ ዓመቱን ሙሉ ማምረት እንዲችልም እድል መፍጠሩን ጠቅሰዋል። አርሶ አደሮችን በማደራጀት የጓሮ አትክልቶችን በስፋት እንዲያመርቱ ተደርጓል ሲሉ ገልፀዋል ኃላፊው። በወረዳው የመስኖ ልማት ስራ የምግብ ዋስትናን ከማረጋገጥ በተጨማሪ በርካታ ወጣቶች ተሰማርተው የስራ እድል ፈጥረውበታል ሲሉ አቶ ምስጋናው አስታውቀዋል። በጌታ ወረዳ በፉቻሬ 44 ቀበሌ በመስኖ ልማት ስራ ተሰማርተው የሚሰሩት አቶ ቢላሉ ጀማልና አቶ ሀሺም በድሩ እንደተናገሩ በመስኖ ስራ ድንች፣ስንዴ እና የተለያዩ የጓሮአትክልቶች እያመረቱ መሆኑ አስታውቀዋል። ከዚህ በፊት ስለመስኖ ጥቅም በቂ ግንዛቤ እንዳልነበራቸው የገለጹት አርሶ አደሮቹ ይህ በመሆኑ በጓሮዋቸው ያሉ ወንዞች ከአመት እስከ አመት ምንም ሳይሰሩባቸው ይባክኑ እንደነበር አስታውሰዋል። መስኖ እጅግ አዋጪ መሆኑን የሚናገሩት አርሶ አደሮቹ የምግብ ፍጆታቸው በማሳደግ ልጆቻቸው በአግባቡ ለማስተማር እድል እንደሚፈርላቸው ገልፀዋል። በአካባቢው በተገነባላቸው የመስኖ ፕሮጀክት በአመት ሶስት ጊዜ በማምረት ራሳቸውንና ቤተሰባቸውን ከመለወጥና የኑሮ ውድነት ከማረጋጋት አንፃርም ከፍተኛ ጥቅም እንዳስገኘላቸው አመላክቷል።

የመጀመሪያ ዙር የተቀናጀ የፖሊዮ ክትባት ዘመቻ ከህዳር 11 እስከ 14/2019 ዓ.ም ለመስጠት ለጤና ባለሙያተኞች ስልጠና በወልቂጤ ከተማ እየተሰጠ መሆኑ የጉራጌ ዞን ጤና መምሪያ አስታወቀ። ህዳር 4/2019 ዓ.ም (ወልቂጤ) እድሜያቸው ከ5 አመት በታች ለሆኑ ህጻናት ከህዳር 11 እስከ 14 /2019 ዓ.ም ለ4 ተከታታይ ቀናት በጤና ባለሙያተኞች ቤት ለቤት ጉብኝት በማድረግ የፖሊዮ ክትባት እንደሚሰጥ ተመላክቷል። ስልጠናውን በንግግር የከፈቱት የጉራጌ ዞን ጤና መምሪያ የኃላፊ ተወካይ አቶ ክበበው በስር እንዳሉት ከህዳር 11 እስከ 14 /2019 ዓ.ም ቤት ለቤት የፖሊዮ ዘመቻ ይሰጣል። ከወረዳና ከተማ አስተዳደር የተውጣጡ የጤና ባለሙያተኞች ለሁለት ተከታታይ ቀናት የሚቆይ የግንዛቤ ስልጠና እየሰጡ እንደሆነ አመላክተዋል። ስልጠና እየወሰዱ ያሉ የጤና ባለሙያተኞች በቀጣይ ታች ድረስ በመውረድ ክትባት በወረዳዎችና ከተማ አስተዳደር እንደሚሰጡም ተናግረዋል። ከህዳር 11 እስከ 14 የሚሰጠው የፖሊዮ ክትባት ዘመቻ እድሜያቸው ከ5 ዓመት በታች ላሉ ህጻናት በዘመቻ የፖሊዮ ክትባት የሚሰጥም እንደሆነ ገልጸዋል። የፖሊዮ ወረርሽኝ በሽታ በሀገራችን ደረጃ የተከሰተበት ሁኔታ መኖሩም ያመላከቱት አቶ ክበበው ወርሽኙን ለመግታት ለሚሰጠው ክትባት የሚሆን ግብአት በተገቢው ወደ ጤና ተቋም መግባቱም አስረድተዋል። በስልጠናውም ከ87 በላይ የሚሆኑ የጤና ባለሙያተኞች የተሳተፉ ሲሆን ስልጠናው ለሁለት ተከታታይ ቀናት እንደሚቆይም አመላክተዋል።

በጌታ ወረዳ ከ50 ሚሊዮን ብር በላይ ወጪ የተገነባው የፉቻሬ የንጹህ መጠጥ ውሃ ፕሮጀክት ተመርቆ አገልግሎት መስጠት ጀመረ። ሕዳር 3/2019 ዓ.ም (ወልቂጤ) በጉራጌ ዞን ጌታ ወረዳ በመንግስት፣ በኢትዮጵያ ካቶሊካዊት ቤተክርስቲያን የእምድብር ሀገረ ስብከት እና በማህበረሰቡ ተሳትፎ ከ50 ሚሊዮን ብር በላይ ወጪ የተገነባው የፉቻሬ 44 የንጹህ መጠጥ ውሃ ፕሮጀክት ተመርቆ ለአገልግሎት ክፍት ተደረገ። ፕሮጀክቱ ከ8 ሺህ በላይ የሚሆኑ የአካባቢውን ነዋሪዎች ተጠቃሚ የሚያደርግ ሲሆን፣ በተለይም የእናቶችን እና የተማሪዎችን እንግልት እንደሚያቃልል ተገልጻል። በምርቃት ስነ-ስርዓቱ ላይ የተገኙት የማዕከላዊ ኢትዮጵያ ክልል ውሃ፣ ማዕድንና ኢነርጂ ልማት ቢሮ ምክትል ሀላፊ እና የመጠጥ ውሃ አቅርቦትና ሳንቴሽን ዘርፍ ሀላፊ ኢንጅነር ካሳዬ ተክሌ እንደገለጹት፤ በክልሉ የመጠጥ ውሃ ሽፋን አነስተኛ በመሆኑ ችግሩን ለመቅረፍ ህብረተሰቡ፣ አጋር ድርጅቶች እና መንግስት በመቀናጀት እየሰሩ ነው። በመሰረተ ልማት ዝርጋታ ህብረተሰቡን ተጠቃሚ ከሚያደርጉ አጋር ድርጅቶች አንዷ በኢትዮጵያ ካቶሊካዊት ቤተክርስቲያን የእምድብር ሀገረ ስብከት ተጠቃሽ ስትሆን በትምህርት፣ በጤና እና በንጹህ መጠጥ ውሃ አቅርቦት ዘርፍ ማህበረሰቡን ተጠቃሚ እያደረገች መሆኑን ገልጸዋል። የጉራጌ ዞን ምክትል አስተዳዳሪ እና የግብርና መምሪያ ኃላፊ አቶ አበራ ወንድሙ በበኩላቸው፤ ውሃ ለሰው ልጅ ህይወት መሰረት ከመሆኑ ባሻገር ማህበራዊ፣ ኢኮኖሚያዊ፣ ፖለቲካዊ እና አካባቢያዊ ጠቀሜታ ያለው በመሆኑ ልዩ ትኩረት ሊሰጠው እንደሚገባ አስገንዝበዋል። በመሆኑም የሕይወት መሰረት ለሆነው ውሃ ልዩ ትኩረት በመስጠት እና በዘርፉ የሚስተዋሉ ተግዳሮቶችን በመቅረፍ፣ ሁሉም የህብረተሰብ ክፍል ንፁህ የመጠጥ ውሃ ተጠቃሚ እንዲሆን የሚከናወኑ መልካም ተግባራትን አጠናክሮ ማስቀጠል የሁሉም ባለድርሻ አካላት ኃላፊነት መሆኑን አስገንዝበዋል። በዞኑ በርካታ የገጸ እና የከርሰ-ምድር የውሃ ሀብት የሚገኝ ሲሆን ይህንን ጸጋ ለልማት በማዋል ህዝቡን ተጠቃሚ ለማድረግ ከአጋሮችና ከህብረተሰቡ እንደዚሁም ከባለሀብቱ ጋር በመቀናጀት ሰፊ ስራ እየተሰራ ይገኛሉ ብለዋል። በመሆኑም ከመንግስት ጥረት ጎን ለጎን የእምድብር ካቶሊካዊት ቤተክርስቲያን፣ የጉራጌ ልማትና ባህል ማህበር፣ ባለሀብቶች፣ መንግስታዊ ያልሆኑ ድርጅቶች፣ የልማት አጋሮች እንዲሁም መላው ህብረተሰብ በቅንጅት በመሳተፍ አበረታች ውጤቶችን እያስመዘገቡ እንደሚገኙ ገልጸዋል። በተለይም በኢትዮጵያ ካቶሊካዊት ቤተክርስቲያን የእምድብር ሀገረ ስብከት ከመንፈሳዊ አስተምህሮቷ ባሻገር በዞኑ ማህበረሰብ ዘንድ በስፋት የሚወሱና ለታሪክ የሚተላለፉ የንፁህ መጠጥ ውሃ ግንባታዎችን በማከናወን ከፍተኛ አገልግሎት እየሰጠች በመሆኗን ኃላፊው ምስጋና አቅርበዋል። በስነ-ስርዓቱ ላይ የተገኙት የኢትዮጵያ ካቶሊካዊት ቤተክርስቲያን የእምድብር ሀገረ ስብከት ሊቀ ጳጳስ አቡነ ሉቃስ ፍቅሬ ፤ ህብረትና አንድነት ካለ የህዝብን ህይወት መለወጥ ይቻላል። ቤተክርስቲያኒቷ በሰላም እሴት ግንባታ እና በማህበረሰባዊ እድገት ስራዎች ላይ ሀይማኖትና ብሄር ሳትለይ በመላ ሀገሪቱ በስፋት እንደምትሰራ አብራርተዋል። የአካባቢው ነዋሪዎች ቀደም ሲል እናቶችና ተማሪዎች ውሃ ለመቅዳት ረጅም መንገድ በመጓዝ ይደርስባቸው የነበረው እንግልት አሁን በአቅራቢያቸው ንጹህ መጠጥ ውሃ በማግኘታቸው እንደቀረፈላቸው ገልጸው፣ ለመንግስትና ለእምድብር ሀገረ ስብከት ያላቸውን ደስታና ምስጋና ገልጸዋል። የጌታ ወረዳ ዋና አስተዳዳሪ አቶ ዘውዱ ዘፕሬ የወረዳው የመጠጥ ውሃ ሽፋን እጅግ ዝቅተኛ እንደነበር አስታውሰው፣ የፉቻሬ የንጹህ መጠጥ ውሃ ፕሮጀክት እውን በመሆኑ ሽፈሰኑ ከፍ እንደሚያደርገው ገልፀዋል።

የአገልግሎት አሰጣጥን በማዘመን አመራሩ ህዝብ የሚማረርባቸው እና የሚንገላታባቸውን ጉዳዬች ማስቀረት አለብን። ርዕሰ መስተዳድር የትምጌታ አስራት (ዶ/ር)

በእዣ ወረዳ የሚከናወኑ የግብርና ልማት ሥራዎችን በተግባር ለመመልከትና የልማት እንቅስቃሴዎችን በመስክ ለመከታተል የወረዳው የግብርና ሥራዎች የመስክ ጉብኝት እየተካሄደ ይገኛል። ‎ ‎ህዳር 3/2019 ዓ.ም (ወልቂጤ) ‎ ‎ጉብኝቱ በእዣ ወረዳ ግብርና ጽህፈት ቤት አስተባባሪነት በወረዳው የሚከናወኑ የግብርና ልማት ተግባራትን፣ የአርሶ አደሩን የልማት ተሳትፎና በመስክ የተጀመሩ የልማት ሥራዎችን በቀጥታ ለመመልከት ያለመ ነው። ‎ ‎ ‎ጉብኝቱም የግብርና ልማት ሥራዎችን በተግባር በመመልከት ልምድ ለመቀመርና ለቀጣይ የልማት ሥራዎች ጠቃሚ አቅጣጫዎችን ለማመላከት መሆኑን ተመላክቷል። ‎ ‎በጉብኝቱም የወረዳው አመራሮች፣ የወረዳና ቀበሌ ባለሙያዎች፣ የቀበሌ ሊቀመናብርትና ሌሎችም ባለድርሻ አካላት ተሳትፈዋል። ‎ ‎መረጃው የወረዳው የመ/ኮ/ጉ/ጽ/ቤት ነው።

በጉራጌ ዞን ጌታ ወረዳ ፉቻሬ 44 ቀበሌ ከ50 ሚሊየን ብር በላይ ወጪ የተገነባው የንጹህ መጠጥ ውሃ ፕሮጀክት እየተመረቀ ነው። ህዳር 3/2019 ዓ.ም (ወልቂጤ) በጉራጌ ዞን ጌታ ወረዳ ፉቻሬ 44 ቀበሌ በመንግስት፣ በኢትዮጵያ ካቶሊካዊት ቤተክርስቲያን እምድብር ሀገረ ስብከትና በማህበረሰቡ ትብብር ከ50 ሚሊዮን ብር በላይ ወጪ የተገነባው የንፁህ መጠጥ ውሃ ፕሮጀክት ከ8ሺህ በላይ የህብረተሰብ ክፍሎች ተጠቃሚ እንደሚያደርግ ተጠቁሟል። ንጹህ የመጠጥ ውሃ ግንባታው 10 ቦኖዎች ተዘርግቶለት ለቀበሌውና በዙሪያው ላሉ የማህበረሰብ ክፍሎች ተደራሽ እንደሚሆንም ተመላክቷል። የፍቻሬ የንጹህ መጠጥ ውሃ ግንባታ ፕሮጀክት በሰከንድ ከ7 ሊትር በላይ ውሃ ያመርታል። 90 ኪሎ ዋት ማመንጨት የሚችል ሶላር ሲስተም የተገጠመለት ይህ የንጹህ መጠጥ ውሃ ፕሮጀክት ለማህበረሰቡ ተደራሽ እንደሚደረግም ተገልጿል። በምርቃቱ የጉራጌ ዞን አስተዳደር ምክትል አስተዳዳሪና የግብርና መምሪያ ሀላፊ አቶ አበራ ወንድሙ፣ የማዕከላዊ ኢትዮጵያ ክልል ውሃ ማዕድንና ኤነርጂ ልማት ቢሮ ምክትል ኃላፊና የመጠጥ ውሃ አቅርቦት ሳንቴሽን ዘርፍ ኃላፊ ኢንጅነር ካሳዬ ተክሌ፣ የጉራጌ ዞን ብልጽግና ፓርቲ የፖለቲካና አቅም ግንባታ ዘርፍ ሀላፊና ረዳት የመንግስት ተጠሪ አቶ ደሳለኝ ፈቀደ፣ የዞንና የወረዳው ከፍተኛ የስራ ሃላፊዎች፣ በጉራጌ ዞን በኢትዮጵያ ካቶሊካዊት ቤተክርስቲያን የእምድብር ሀገረ ስብከት ሊቀ ጳጳስ አቡነ ሉቃስ ፍቅሬ፣ ሌሎች የሀገረ ስብከቱ የስራ ሀላፊዎችና የአካባቢው ማህበረሰብ ተገኝተዋል።

በጉራጌ ዞን በእኖር ኤነር መገር ወረዳ ወቅታዊ የቡና ምርት አሰባሰብ በምስል!

በምሁር አክሊል ወረዳ ወጣቶች ከከተማ ወደ ቀያቸው ተመልሰው በግብርና በመስራታቸው ለምርታማነት እድገት የድርሻቸው እየተወጡ መሆኑ ተገለጸ ህዳር 3/2019(ወልቂጤ) በምሁር አክሊል ወረዳ በመኸር ወቅት በወጣቶች የለሙ ማሳዎች በተለያዩ የስራ ኃላፊዎች ተጎብኝቷል። ወጣት አለማየሁ ባዘዘው፣ወጣት ታደሰ ናማጋ እና ወጣት ከድር ኑር በምሁር አክሊል ወረዳ በኤቸነ ቀበሌ በግብርና እርሻ ልማት ስራ የተሰማሩ ወጣቶች ናቸው። ከዚህ በፊት ለግብርና ስራ ምንም አይነት ትኩረት ባለመስጠትና የአካባቢን ጸጋ ባለማወቅ ከተማ ሂደው በችግር ይኖሩ እንደነበር አስታውሰው አሁን ግን በርካታ ወጣቶች ወደ ቀያቸው ተመልሰው ግብርና መስራት መጀመራቸው ተናግረዋል። በአካባቢን ያለ ጸጋ በአግባቡ ማወቅ እና መስራት ለስኬት ያበቃል ያሉት ወጣቶቹ በወረዳው ደግሞ በተለይ በግብርና ዘርፉ ብዙ መስራት እንደሚቻል አብራርተዋል። አሁን ግን ከከተማ ወደ ገጠር በመመለስ እስካሁን ምንም ያልታረሱ አዳዲስ መሬቶች በማረስ ስንዴ አምርተዋል። በቀጣይ በስንዴ እና በገብስ የጀመሩት ስራ በጤፍ፣ በአትክልትና ፍራፍሬ፣በመስኖ፣በድለባና በንብ ማነብ ዘርፍ ተሰማርተው እንደሚሰሩ ገልጸዋል። ለዚህ መንግስት ግብአት፣መሬት እና ብደር በመስጠት ላደረገላቸው ድጋፍ አመስግነው በቀጣይ ተጠናክሮ እንዲቀጥልላቸው ጠይቀዋል። የጉራጌ ዞን ምክትል አስተዳዳሪና የግብርና መምሪያ ኃላፊ አቶ አበራ ወንድሙ ወጣቶች በግብርና ስራ ተሰማርተው በመስራት ኢኮኖሚያዊ ተጠቃሚ እየሆኑ ይገኛል። ለአብነትም በምሁር አክሊል ወረዳ በአንድ ቀበሌ ብቻ በ16 ሄክታር መሬት እስከ 35 የሚሆኑ ወጣቶች ተደራጅተው መስራታቸው ለወጣቶች የስራ እድል የሚፈጥርና ምርታማነትን እንዲጨምር የሚያደርግ መሆኑን ተናግረዋል። በምሁር አክሊል ወረዳ ሰፋፊ ያልታረሱ መሬቶች በወጣቶች መታረሳቸው እጅግ የሚደነቅ ተግባር ነው ያሉት አቶ አበራ ይህ ደግሞ የዞናችን ግብርና ወደ ተሻለ ደረጃ ከፍ የሚያደርግ ነው። የወረዳው ግብርና ጽ/ቤት ኃላፊ አቶ መኑር ጀማል እንደገለፁት በወረዳው የሚገኙ የወል፣ የእምነትና የመንግስት ተቋማት ያላቸውን መሬት በማረስ ምርትና ምርታማነትን ማሳደግ እንዳለባቸው እና ወረዳችን ላይ ያለውን የተፈጥሮ ጸጋ በመለየት ወደ ተግባር ተገብቶ ተሰርቷል። በበጀት ዓመቱ ለዘመናት ሳይታረሡ የነበሩ መሬቶችን በመለየት በተለያዩ ሰብሎች መሸፈናቸው የገለጹት አቶ መኑር ለወጣቶቹ የግብአት፣የብድር እና የመሬት አቅርቦት መመቻቸቱ አስገንዝበዋል። ማህበረሰቡ ያለውን መሬት በተገቢው ተጠቅሞ የራሱ የኑሮ ደረጃ በማሻሻልና ለገበያም በማቅረብ ተወዳዳሪ ሊሆን ይገባል ብለው ለውጤታማነቱ መንግስት አስፈላጊውን ድጋፍ እንደሚያደርግ አመላክተዋል።