Amhara Education Bureau

የአማራ ክልል ትምህርት ቢሮ የ2018ዓ.ም የክረምት ስራዎች አፈጻጸም ከዞንና ከተማ አስተዳደሮች ጋር ገመገመ። *** ሐምሌ 10/2018ዓ.ም(ትምህርት ቢሮ) የአማራ ክልል ትምህርት ቢሮ የ2018ዓ.ም የክረምት ስራዎች አፈጻጸም ከዞንና ከተማ አስተዳደሮች ጋር ዛሬ ገምግሟል፡፡ ቢሮው ባለፈው ሰኞ የትምህርት ዘርፍ የክረምት ስራዎች እቅድ ለዞኖችና ከተማ አስተዳደሮች ኦሬንቴሽን በዝርዝር ሰጥቷል፡፡ በእቅድ ኦሬንቴሽኑም የአማራ ክልል ትምህርት ቢሮ ኃላፊ የተከበሩ አቶ ጥላሁን ወርቅነህ ተገኝተው የትምህርት መዋቅሩና መላው የትምህርት ባለድርሻ አካላት በክረምት ወቅት ርብርብ ማድረግ ያለባቸውን ተግባራት በዝርዝር አቅርበዋል፡፡ ለተማሪዎች የማጠናከሪያ ትምህርት መስጠት፣ ለተማሪዎች የስኮላስቲክ ማቴሪያ ማሰባሰብ፣ የመማሪያ እና አገልግሎት መስጫ ክፍሎች እድሳትና ግንባታ ማካሄድ፣ የአረንጓዴ አሻራ መርሐ-ግብር በትምህርት ቤቶች መተግበር፣ የጎልማሶች መሰረተ ትምህርት ወደ ተግባር መግባት፣ የተማሪዎች ምገባ አገልግሎት የግንዛቤ ፈጠራና ሀብት ማሰባሰብ ስራን ማጠናከር፣ ቅድመ አንደኛ ደረጃ ት/ቤቶችን መገንባትና ራሳቸውን ማስቻል፣ የት/ቤቶች የውስጥ ገቢ ለማሳደግ የት/ቤቶችን እርሻ መሬት ማሳረስ፣ በ2019 የትምህርት ዘመን ሁሉም እድሜያቸው ለትምህርት የደረሱ ህጻናት ወደ ትምህርት ቤት እንዲመዘገቡ የቅድመ ዝግጅት ስራ መስራት፣ ትምህርትን ከፖለቲካ ማስፈጸሚያነት በጸዳ መልኩ ከየትኛውም የፖለቲካ ወገንተኝነት ተላቅቆ እንዲመራ ማህበረሰቡ በአግባቡ ተረድቶ ልጆቹ እንዲማሩ ማድረግ እንዳለበት አጽኦት ሰጥተው አብራርተዋል፡፡ ከእቅድ ኦሬንቴሽ በኋላም ዛሬ አጠቃላይ ያለፉት አራት ቀናት የክረምት ስራዎች እቅድ አፈጻጸም በዙም ተገምግሟል፡፡ ዞኖች የክልሉን እቅድ መሰረት አድርገው ወደ ታችኛው መዋቅር በማውረድና ወደ ተግባር በመለወጥ ረገድ ተስፋ ሰጭ ስራዎች እንዳሉም ተገምግሟል፡፡ ትምህርት ማህራዊ ዘርፍ እንደመሆኑ መጠን የሁሉንም አካላት ርብርርብ ይጠይቃል ያሉት ተሳታፊዎች ብሔራዊና ክልላዊ ፈተናዎች በሰላም እንዲካሄዱ ማህበረሰቡ ያሳየውን ተስፋ ሰጭ ድጋፍ አመስግነዋል፡፡ የቢሮ አመራሮችም በተሰጡ አስተያየቶች እና በተነሱ ጥያቄዎች ማብራሪያና ማጠቃለያ ሰጥተዋል፡፡ በቀጣይ ትኩረት ተደርገው መሰራት ያለባቸው ተግባራትም በዝርዝር ቀርበዋል፡፡ #AmharaEducation #ትምህርትለትውልድ#በጎነትለኢትዮጵያከፍታ#አንድደርዘንደብተርለአንድተማሪ ከአማራ ብሔራዊ ክልላዊ መንግስት ትምህርት ቢሮ ተጨማሪ መረጃዎችን ለማግኘት የሚከተሉትን አማራጮች ይጠቀሙ 📌 በዌብ ሳይት ገጻችን http://www.anrseb.gov.et/ 📌 በዩቱብ ቻናላችን https://www.youtube.com/channel/UCARNQWN5bm5z2JmKsC_Cn8w 📌 በፌስ ቡክ ገጻችን https://www.facebook.com/Amhara-Education-Bureau 📌 በቴሌግራም ቻናላችን t.me/anrse ያግኙን 📌 በቲክቶክ ገፃችን @amharaeducation bureau 📌 X ገፃችን@amharaeducationbureau