የሰመራ ዩኒቨርሲቲ ሙስሊም ተማሪዎች ጀመዓ

በሐሰተኛ ስሞች የሚፈርሱ የእስልምና ድንበሮች (ክፍል 2)፡ በዩኒቨርሲቲ ግቢ ውስጥ የሸይጧን ደረጃ በደረጃ ወጥመድ! ​የሰው ልጅ ተፈጥሮ (ፊጥራ) በተቃራኒ ጾታዎች መካከል የመሳሳብ ስሜትን አስቀምጧል። ይህንን የሚታወቅ የተፈጥሮ ሕግን እያወቁና እየካዱ፤ በዩኒቨርሲቲ ግቢ ውስጥ “እኛ እኮ እንደ እህትና ወንድም ወይም እንደ ንጹሕ የክፍል አጋሮች ብቻ ነን” በሚል ውብ ቅብ ገጽታ ራስን ማታለልና በቴክስትም ሆነ በአካል በሚደረግ የረጅም ሰዓት ግንኙነት ልብን ማደንዘዝ ፈጽሞ አይቻልም። ​መጀመሪያ ላይ እጅግ ንጹሕ፣ መንፈሳዊና ተራ የትምህርት ጓደኝነት በሚመስል መልኩ የሚጀመር ቅርበት... ጊዜ እያለፈ ሲሄድ ወደ ስሜት መለዋወጥ፣ ከዚያም ወደ መተሳሰብ፣ በመጨረሻም ልብን አሸንፎ ወደ ከፋ ውድቀት (ወደ ማይወጣበት የኃጢአት አዘቅት) ማምራቱ በግቢ ውስጥ እጅግ የሚያሳዝንና የማይካድ እውነታ ነው። ​ሌላው የዲጂታሉ ዘመን ኸልዋ (ብቸኝነት) በግቢ ውስጥ ​የአላህ መልክተኛ ﷺ እንዲህ ብለዋል፦ ​«አንድ ወንድና አንዲት ሴት ለብቻቸው አይገለሉ፤ ሦስተኛቸው ሸይጧን ነውና።» ​ብዙዎቻችን ኸልዋ (ብቸኝነት) የሚመስለን በአንድ ዝግ ክፍል ውስጥ በአካል መገኘት ብቻ ነው። ነገር ግን በዩኒቨርሲቲ ማደሪያችን (ዶርም) ወይም በቤተ-መጽሐፍት ጸጥታ ውስጥ ሆነን፤ በሶሻል ሚዲያ ኢንቦክስ ሌሊቱን ሙሉ ለብቻ መጻጻፍ፣ ስልክ ማውራት፣ የልብ ምስጢር መለዋወጥና በስልክ ገለል ብሎ ለሰዓታት ማውራት ራሱ የዘመናችን ትልቁና አደገኛው የብቸኝነት ዓይነት ነው። የሸይጧን ደረጃ በደረጃ ጉዞ በካምፓስ ሕይወት ​ሸይጧን ተማሪዎችን በአንድ ጊዜ ወስዶ ትልቅ ወንጀል ውስጥ አይጥልም፤ ምክንያቱም አላህን የሚፈራ አማኝ ልብ በቀጥታ ወደ ወንጀል ሲጠሩት እንደሚደነግጥና ራሱን እንደሚከላከል በደንብ ያውቃል! ይልቁንም እሱ የሚጓዘው ደረጃ በደረጃ፣ እጅግ በተቀባበለና በተንኮለኛው መንገድ ነው። ​መጀመሪያ አካባቢ ወደ ልብህ መጥቶ እንዲህ እያለ ያሾክሻል፦ ​“እሷ እኮ የክፍል አጋርህ ናት፣ በዲኗ እንዲታገዝ አግዛት፣ Note አጋራት...” እያለ መርዙን በደግነት ስም በልብ ውስጥ ይረጫል። ​አየሽ እህቴ? በ"እህትና ወንድም" ስም የተቀባው ያ የሐሰት መጋረጃ... በመጨረሻ የልብን ንጽህና አጥፍቶ፣ የኢማንን ብርሃን አደበዝዞ፣ የትምህርት ትኩረትን በመንሳት ወደማይወጣበት የጸጸት ማዕበል ይዞን ይነጉዳል። ​ ተማሪዎች ልባችንን እንዴት እንግገዝ (እንዴት እንጠብቅ)? ​1. ልብን በአላህ ፍርሃት ማረም፦ በግቢ ውስጥለ (ለብቻችን) ስንሆንም ሆነ ከሰዎች ጋር ስንቀላቀል አላህ ሁልጊዜም ተመልካቻችን መሆኑን ማስታወስ። ​2. ድንበሮችን ማክበር፦ በሸሪዓ የተወሰኑትን ወሰኖች ያለ ማወላወል መቀበል፤ “እኛ እንተማመናለን” ከሚል ውሸት ራሳችንን ማጽዳት። ​3. ጊዜን በኢልም እና በኢባዳ ማዋዋል፦ አእምሯችንንና ጊዜያችንን በትምህርት፣ በቁርኣን ንባብ እና ጠቃሚ በሆኑ የጀማዐ ስራዎች ላይ ማባዛት። ​ ወንድሞቻችንና እህቶቻችን! በግቢ ቆይታችን ዲናችንን አስቀድመን፣ ከእንደዚህ ዓይነት ስውር የሸይጧን ወጥመዶች ልባችንን እንጠብቅ። ​በክፍል 3 (ማጠቃለያ) ከዚህ ስውር ወጥመድ ራሳችንን የምናድንባቸውን መፍትሄዎችና እውነተኛውን የሸሪዓ መስመር በሰፊው እንመለከታለን። ኢንሻአላህ! ​ጀዛኩሙላሁ ኸይረን! From HUMSJ