Orthodox Tewahedo ኦርቶዶክስ ተዋሕዶኦርቶዶክስ ተዋሕዶ

ከእስልምና ወደ☦️ክርስትና     ​      ✍️ ክፍል ፮ ​📌(ኃይል በቁርዓን፣ ሰላም በወንጌል እና የሴቶች መብት) ​ቁርዓን አማኞችን ወደ መግደልና ወደ ጦርነት የሚጠሩ ስፍር ቁጥር የሌላቸው ጥቅሶች አሉት።

እስልምና በዓለም ላይ የተስፋፋው በሰይፍ እንደሆነ ሙስሊሞች ራሳቸው ያምናሉ።

አምላክ እንዴት ሰውን ወደ መግደል ያነሳሳል? እስልምናን የተወ ሰው (ሙርተድ) እንዲገደል ይታዘዛል። አምላክ ግን ነጻ አድርጎ ነው የፈጠረን። ክርስቶስ ግን በኃይል በተጋፈጡት ጊዜ፣ ጴጥሮስ ሰይፉን ሲመዝ፦ «ሰይፍህን ወደ ስፍራው መልስ፤ ሰይፍ የሚመዙ ሁሉ በሰይፍ ይጠፋሉ» አለው (ማቴዎስ 26:52-54)። ክርስቶስ «ቀኝ ጉንጭህን ለሚመታህ ግራህን ደግሞ ስጠው» በማለት ፍቅርን አስተማረ (ማቴዎስ 5:39)። ​

በፍርድ ቤት ምስክርነት ላይም፣ ቁርዓን የአንድ ወንድ ምስክርነት ከሁለት ሴቶች ምስክርነት ጋር እኩል እንደሆነ ይናገራል (አንደኛዋ ብትረሳ ሌላኛዋ እንድታስታውሳት!)።

የሴት ልጅ አእምሮ ከወንድ ያነሰ መሆኑን የሚያሳይ ምንም የሳይንስ ማረጋገጫ የለም። እኔ ራሴ በ1963 ዓ.ም ከፍተኛ የትምህርት ዲግሪ ይዤ የትምህርት ቤት ርዕሰ መምህርት በነበርኩበት ወቅት፣ የአባቴን የውርስ ጉዳይ ለመፈጸም ፍርድ ቤት ስሄድ፣ የእኔ ምስክርነት ውድቅ ተደርጎ የሌላ ሴት ረዳትነት እንድፈልግ ተደረገ፤ ነገር ግን የ16 ዓመት ዕድሜ የነበረው የወንድሜ ልጅ ምስክርነት ብቻውን ተቀባይነት አገኘ። ይህ ሕግ በበረሃ ለነበሩ የዱሮ ጎሳዎች እንጂ ለዘመናዊው ዓለም የሚሆን አይደለም።

በሃይማኖታዊ መጋረጃ (ኒቃብ/ሒጃብ) ረገድም፣ የወንዶችን ስሜት ለመጠበቅ ሲባል ሴት ልጅ ከራስ ፀጉሯ እስከ እግር ጥፍሯ እንድትሸፈን መገደዷ ስህተት ነው፤ ክርስቶስ ግን «ሴትን በምኞት ዓይን ያየ ሁሉ በልቡ አመንዝሯል» በማለት ኃጢአቱን ለወንዶችም ጭምር ሰጥቷል (ማቴዎስ 5:28)።

ክፍል ፯ ይቀጥላል✍️ ✍️ባለ ታሪክ ጸሐፊ ፦ናህድ ማሕሙድ መተወሊ ╭══✧•|❀:✧๑♡๑✧❀•✧══╮   @OrthodoxTewahedoTrue ╰══✧•ೋ•✧๑♡๑✧•✧══╯

​📖📖 ስንክሳር ዘወርኀ ሰኔ ፱/9 🤩በስመ አብ ወወልድ ወመንፈስ ቅዱስ አሐዱ አምላክ አሜን። ​📌ሰኔ ዘጠኝ በዚች ዕለት የታላቁ ነቢይ ሳሙኤል የዕረፍቱ መታሰቢያ ነው። የዚህ ቅዱስ አባቱ ሕልቃና ይባላል የእናቱም ስሟ ሐና ነው። እነርሱም ከሌዊ ነገድ ከካህኑ አሮን ወገን ናቸው። ሐናም መካን ነበረች፤ ክብር ይግባውና ወደ እግዚአብሔር እያለቀሰች አዘውትራ ስለ ማለደች ይህን የተባረከ ልጅ ሰጣት፤ በቤቷም ሦስት ዓመት አሳደገችው። ​📌ከዚህም በኋላ ገና ስትፀንሰው እንደተሳለች ወደ እግዚአብሔር መቅደስ አቀረበችው፤ ካህኑ ኤሊንም በመላላክ የሚያገለግለው ሆነ። የካህኑ የኤሊ ልጆች ግን ክፉዎች ነበሩ፤ እግዚአብሔርንም አይፈሩም ነበር፤ በቅዱስ መሥዋዕቱም ላይ በደሉ። ይህ ሕፃን ሳሙኤል ግን በኤሊ ፊት ለእግዚአብሔር ሲያገለግል ኖረ፤ በነዚያ ወራቶችም ቃለ እግዚአብሔር ውድ ነበር፤ የሚታይ ራእይም አልነበረም። ​📌ከዚህም በኋላ በአንዲት ሌሊት እንዲህ ሆነ፤ ኤሊ በመኝታው ተኝቶ ሳለ ዐይኖቹም መፍዘዝ ጀምረው ነበር፤ ማየትም አይችልም ነበር። የእግዚአብሔርንም መብራት አብርቶ ለማሳደር ገና አላዘጋጁም ነበር፤ ሳሙኤል ግን በቤተ መቅደስ በእግዚአብሔር ማደሪያ ታቦት አጠገብ ተኝቶ ነበር። ​📌እግዚአብሔርም ሳሙኤልን "ሳሙኤል ሳሙኤል" ብሎ ጠራው፤ እነሆ እኔ አለሁ አለ። ወደ ኤሊም ፈጥኖ ሄደ "ስለጠራኸኝ እነሆ እኔ መጣሁ" አለው፤ ኤሊም "አልጠራሁህም ተመልሰህ ተኛ" አለው፤ ሄዶም ተኛ። ​📌እግዚአብሔርም ዳግመኛ "ሳሙኤል ሳሙኤል" ብሎ ጠራው፤ ሳሙኤልም ተነሥቶ ወደ ኤሊ ሄደ "ስለጠራኸኝ እነሆ መጣሁ" አለው። ኤሊም "አልጠራሁህም ተመልሰህ ተኛ" አለው። ሳሙኤልም ከዚህ አስቀድሞ እግዚአብሔርን በራእይ ገና አላወቀውም ነበር፤ ቃለ እግዚአብሔርም አልተገለጠለትም ነበር። ​📌ዳግመኛም እግዚአብሔር ሳሙኤልን ሦስተኛ ጊዜ ጠራው፤ ተነሥቶም ወደ ኤሊ ሄደ "ስለጠራኸኝ እነሆ መጣሁ" አለው፤ ኤሊም ያንን ልጅ እግዚአብሔር እንደጠራው አሰበ። "ልጄ ተመልሰህ ተኛ፤ የሚጠራህ ካለ 'እኔ ባሪያህ እሰማለሁና ጌታዬ ተናገር' በለው" አለው፤ ሳሙኤልም ሄዶ በመኝታው ተኛ። ​📌እግዚአብሔርም መጥቶ እንደ መጀመሪያው በፊቱ ቆሞ ጠራው። ሳሙኤልም "እኔ ባሪያህ እሰማሃለሁና ጌታዬ በል ተናገር" አለው፤ እግዚአብሔርም ሳሙኤልን "የሰማው ሁሉ ሁለቱን ጆሮዎቹን ይይዝ ዘንድ እነሆ እኔ በእስራኤል ላይ የተናገርሁት ቃሌን አደርጋለሁ። ​📌በዚያችም ቀን በኤሊና በወገኑ ላይ የተናገርሁትን ሁሉ አጸናለሁ፤ እጀምራለሁ እፈጽማለሁም። ልጆቹ የእግዚአብሔርን ቃል አቃልለዋልና እርሱም አልገሠጻቸውምና በልጆቹ ኃጢአት እኔ ወገኑን ለዘላለም እንደምበቀለው ነገርሁት። ስለዚህም ነገር በዕጣንም ቢሆን በመሥዋዕትም ቢሆን የኤሊ የወገኑ ኃጢአት እስከ ዘላለሙ ድረስ እንዳይሠረይ ራሴ እንዲህ ብዬ ማልሁ" አለው። በኤሊ ወገኖችና ልጆች ላይ እግዚአብሔር የተናገረው ሁሉ ተፈጸመ። ​📌ከዚህም በኋላ የቂስ ልጅ ሳኦልን ቀብቶ ለእስራኤል ልጆች ያነግሠው ዘንድ እግዚአብሔር ሳሙኤልን አዘዘው፤ እንዲያነግሥላቸው ለምነዋልና። ሳኦልም የልዑልን ትእዛዝ በተላለፈ ጊዜ፣ ዳግመኛ ለእስራኤል ንጉሥ ሊሆን የዕሴይ ልጅ ዳዊትን ይቀባው ዘንድ ይህን ነቢይ ሳሙኤልን ዳግመኛ አዘዘው። ይህም ነቢይ ሳሙኤል በሕይወት በኖረበት ዘመን ሁሉ እስራኤልን አስተዳደራቸው። ከዚህም በኋላ በሰላም አረፈ። ​"ለእግዚአብሔር ምስጋና ይሁን እኛንም በዚህ ታላቅ ነቢይ ጸሎት ይማረን በረከቱም ከእኛ ጋራ ትኑር ለዘላለሙ አሜን ።" ምንጭ፦📖#መጽሐፈ_ስንክሳር ​"ፍቅር ያጌብረኒ ከመ እንግር ዜናሆሙ ለቅዱሳን" (የቅዱሳንን ዜና/ታሪክ እንድናገር ፍቅር ያስገድደኛል) ✍️አባ ጊዮርጊስ ዘጋስጫ (መጽሐፈ ምሥጢር📔) ╭══✧•|❀:✧๑♡๑✧❀•✧══╮   @OrthodoxTewahedoTrue ╰══✧•ೋ•✧๑♡๑✧•✧══╯

📍 ለመሆኑ በቴሌግራም ትልቁን የኦርቶዶክስ መዝሙር ቻናል ተቀላቅለዋል ? የሰርግ ፣ የሀዘን ፣ የንግስ መዝሙራት ፣ የተለያዩ ወረባት ፣ የመዝሙር ግጥሞችን ያገኛሉ ። አብረውንም መዝሙራትን ያጠናሉ ። # ይቀላቀሉን  👇👇 https://t.me/+_R21gL_5brU5MDRk https://t.me/+_R21gL_5brU5MDRk

የዘማሪ አቤል መክብብን ድንቅ የዝማሬዎችን ስራዎችን ማግኘት ይፈልጋልሉ ⁉️ለማግኘት ይቀላቀሉ።🙏🙏

https://t.me/synergycounseling ሲነርጂ መንፈሳዊ ፔጅ ነው ፤ አላማውም በሥነ ልቦና ቀውስ ውስጥ የገቡ ሰዎችን በመንፈሳዊ(Orthodox Psychotherapy) እንዲሁም በሥነ ልቦና (Counselling Psychology) መርዳት ነው ፤

​📖📖 ስንክሳር ዘወርኀ ሰኔ ፰/8 በስመ አብ ወወልድ ወመንፈስ ቅዱስ አሐዱ አምላክ አሜን። ​📌ሰኔ ስምንት በዚች ቀን አምላክን የወለደች በሁለት ወገን ድንግል የሆነች የእመቤታችን ማርያም የታወቀችው በውኃ ምንጭ ዘንድ ያለች የቤተ ክርስቲያንዋ ቅዳሴ ነው። እርሱም ክብር ይግባውና ጌታችን ኢየሱስ ክርስቶስ ከእርሷ ጋር ወደ ግብፅ አገር ተሰዶ ሲመለስ ያፈለቀው የተባረከ መታጠቢያ ነው። ​📌ይህም እንዲህ ነው፤ ለጻድቁ ዮሴፍ የእግዚአብሔር መልአክ በሕልም ተገልጾለት "ሕፃኑንና እናቱን ይዘህ ወደ ግብፅ አገር ሂድ" አለው። ዮሴፍም ነቅቶ ተነሣ፤ ክብር ይግባውና ሕፃኑን ጌታችንን፣ እናቱንና እኅቷ ሰሎሜን ይዞ ወደ ግብፅ አገር ሄዱ፤ በዚያም በውስጧ ባሉ በብዙ አገሮች እየዞሩ ሦስት ዓመት ከስድስት ወር ኖሩ። ​📌ሄሮድስም ከሞተ በኋላ የእግዚአብሔር መልአክ ለዮሴፍ ሁለተኛ ተገለጠለት፤ ወደ እስራኤልም አገር ሕፃኑንና እናቱን ይዞ እንዲመለስ አዘዘው ። በሚመለሱም ጊዜ ወደ መዓልቃ ደረሱ፤ ከዚያም ወደ መጣርያ አገር ደረሱ፤ ይቺም ክብር ይግባውና ጌታችን ኢየሱስ ክርስቶስ ውኃ ያፈለቀባትና የመታጠቢያ ቦታ የሆነች ናት፤ እርሷም እስከ ዛሬ አለች ። ​📌ሰዎችም ከአገሩ ሁሉ ከየነገዱ ሁሉ መጥተው አምላክን ወደ ወለደችና በድንጋሌ ሥጋ በድንጋሌ ነፍስ ወደ ጸናች ቅድስት ድንግል እመቤታችን ማርያም ይለምናሉ፤ ከተባረከውም የውኃ ምንጭ ታጥበው ከደዌያቸው ሁሉ ይድናሉ፤ በዛሬዪቱ ቀን ከከበረች ቤተ ክርስቲያንም ይባረካሉ። ​"እርሷን እመቤታችንን ለመረጣትና ለወደዳት፣ በሥጋም እናቱ ላደረጋት፣ ስለ እርሷም ዘመድ ለሆነንና ወደ እርሱ ላቀረበን፣ ወራሾቹም ላደረገን ለእግዚአብሔር ምስጋና ይሁን ለዘላለሙ አሜን ።" ምንጭ፦📖#መጽሐፈ_ስንክሳር ​"ፍቅር ያጌብረኒ ከመ እንግር ዜናሆሙ ለቅዱሳን" (የቅዱሳንን ዜና/ታሪክ እንድናገር ፍቅር ያስገድደኛል) ✍️አባ ጊዮርጊስ ዘጋስጫ (መጽሐፈ ምሥጢር📔) 🌺🌺🌺🌺🌺🌺🌺🌺                      📎 👇 ╭══✧•|❀:✧๑♡๑✧❀•✧══╮   @OrthodoxTewahedoTrue ╰══✧•ೋ•✧๑♡๑✧•✧══╯

✝ የኦርቶዶክስ ተዋህዶ መዝሙር ይፈልጋሉ?

🇪🇹 የኢ/ኦ/ተ/ቤ/ክርስቲያን አስተምህሮ ና ስርአትን የጠበቁ የትኞቹን መዝሙራት ማግኝት ይፈልጋሉ❓

በስመ አብ ወወልድ ወመንፈስ ቅዱስ አሐዱ አምላክ አሜን። ​እንኳን ለሥሉስ ቅዱስ (አብ፣ ወልድ፣ መንፈስ ቅዱስ) ወርሃዊ የክብር በዓል በሰላምና በጤና አደረሳችሁ! ​ዛሬ ሰኔ ሰባት ቀን ቅድስት ቤተክርስቲያናችን የሥሉስ ቅዱስን ወርሃዊ በዓል በደስታ ታስባለች። ይህ ዕለት እግዚአብሔር አምላክ ለአባታችን ለአብርሃም በመምሬ ዛፍ ሥር በሦስትነቱና በአንድነቱ የተገለጠበትን ታላቅ ምስጢር የምናስብበት ነው (ዘፍጥረት ፲፰)። ​📌ከበዓሉ የምንማረው ​የደግነት ፍሬ አብርሃም እንግዶችን በቅንነትና በትሕትና በመቀበሉ የይስሐቅን መወለድ አገኘ። እኛም የተቸገሩትን በደግነት ስንረዳ የእግዚአብሔርን በረከት ወደ ቤታችን እንጋብዛለን። ​በንጽሕና መኖር ልባችንን ከክፋትና ከቂም አጥርተን በሃይማኖት ስንጸና፣ ቅድስት ሥላሴ በሕይወታችንና በቤታችን ማደሪያ ያደርጋሉ። ​የቤተሰብ ሰላም ባለ ትዳሮችና ቤተሰቦች በፍቅርና በጸሎት በአንድነት ሲኖሩ፣ እግዚአብሔር በዚያ ቤት ውስጥ የኑሮና የጤና በረከትን ያፈስሳል።

​"ቅዱስ አብ ሆይ ጠብቀን፤ ቅዱስ ወልድ ሆይ አድነን፤ ቅዱስ መንፈስ ቅዱስ ሆይ አጽናን፤ ስምህ ለዘላለሙ የተመሰገነ ይሁን። አሜን።"

  ╭══✧•|❀:✧๑♡๑✧❀•✧══╮   @OrthodoxTewahedoTrue ╰══✧•ೋ•✧๑♡๑✧•✧══╯

😇መምህር ገብተዋል 📖📖 📚😇ነገረ ክርስቶስ😇📖📚 📔 ትምህርት ተጀምሯል ላይቭ ግቡ 🙏 ከታቺ ባለው ሊንክ ግቡ ቭኦይስ ቻት ግቡ 👇👇 https://t.me/Bete_kidus_Michael_12?videochat=132ae57e1a061a7502 https://t.me/Bete_kidus_Michael_12

የርእሰ ሊቃውንት አባ ገብረ ኪዳን ግርማን ትምህርቶች በቀላሉ በትንሽ MB የምታገኙበት የ Telegram ቻናል እንሆ ቤተሰብ ሁኑ👇

ይሄንን የሊቀ መዘምራን ቴዎድሮስ ዮሴፍን መዝሙሮችን የሚተላለፉበት ቴሌግራም ቻናል መቀላቀል አለባችሁ!!!               👇👇👇 https://t.me/+2ua4-eAbNTI1MTRk https://t.me/+2ua4-eAbNTI1MTRk