Башҡорт донъяһы

📌 Ринат Сәғитовтың хәтерен мәңгеләштерҙеләр. Өфөлә күренекле дәүләт һәм йәмәғәт эшмәкәре, РФ Дәүләт Думаһының V саҡырылышы депутаты, Рәсәйҙең почетлы төҙөүсеһе, Башҡортостан Республикаһының атҡаҙанған төҙөүсеһе Ринат Сәғитовҡа арналған таҡтаташ асылды.

📍 Ул баш ҡаланың Дорофеев урамындағы йортта урынлаштырылды.

🔹 Ринат Шәйхимансур улы Өфөлә тыуған. Хеҙмәт юлын слесарь-йыйыусы булып башлай. Армияла хеҙмәт итеп ҡайтҡас, Өфө эре панелле йорттар төҙөү тресына ташсы-монтажсы булып урынлаша һәм генераль директорҙың беренсе урынбаҫарына тиклем юл үтә. 🔹 Башҡортостан Республикаһының төҙөлөш, архитектура һәм юл комплексы министрлығы, Башҡортостандың төҙөлөш, архитектура һәм транспорт буйынса дәүләт комитеты, Өфө ҡалаһы хакимиәтендә төрлө йылдарҙа беренсе урынбаҫар вазифаларын биләй. 🔹 2007 йылда «Берҙәм Рәсәй» партияһынан Дәүләт думаһы депутаты итеп һайлана, Ер мөнәсәбәттәре һәм төҙөлөш буйынса комитет ағзаһы була. 🔹 Ринат Сәғитов 2017 йылдың 24 авгусында Өфө ҡалаһында вафат булды. Башҡорт донъяһы МАХ-та: https://max.ru/channel_bashkortdonja

📌 Власть һәм депутаттар бергә эшләргә тейеш. Шулай тип иҫәпләй Баймаҡ районы хакимиәте башлығы Азамат Иҙрисов. Быға ул матур миҫал да килтерә: районда бергә атҡарылған эштәрҙең һөҙөмтәһе күренә. Бына яңыраҡ Ишбирҙе ауылында профилле хеҙмәттәр етәкселәрен, урындағы округ депутаттарын дә йәлеп итеп үткәрелгән халыҡ менән осрашыу һөҙөмтәһендә мәктәп алдындағы майҙандың асфальт түшәме яңыртылған.

💯 "Округ депутаты Фидан Вәхитов мөрәжәғәт буйынса эш башланы, ошо көндәрҙә тейешле эштәр тамамланды. Система нәҡ шулай эшләргә тейеш - башҡарма власть һәм депутаттар бергә эш итергә, халыҡты ишетергә һәм һөҙөмтә өсөн яуап бирергә. Фидан Вәхитовҡа тиҙ эшләүе һәм үҙ округына ысынлап ярҙам итеүе өсөн рәхмәт",

- тип яҙған сәхифәһендә Азамат Иҙрисов. ❓ Ә һеҙҙә яңы уҡыу йылына әҙерлек нисек бара? Яҙығыҙ! Башҡорт донъяһы МАХ-та: https://max.ru/channel_bashkortdonja

Шатланғанда яҡын дуҫың, Шатланмаһа һинең йөрәк, Ҡайғырғанда яҡын дуҫың, Ҡайғырмаһа һинең йөрәк, Бындай дуҫлыҡ кемгә кәрәк? Радик ХӘКИМЙӘН. Фото: Аделия Lulu Weightless. Башҡорт донъяһы МАХ-та: https://max.ru/channel_bashkortdonja

📌 Селек ҡаласығында ҡаҙыныу эштәре. 2026 йыл. "Археостан" төркөмөнөң ҡыҫҡа видеоһында Башҡортостандың Баймаҡ районындағы "Ирәндек" музей-ҡурсаулығы биләмәһендә урынлашҡан Селек тораҡ пунктында ҡаҙыныу эштәре күрһәтелгән.

Был ҡаласыҡ Арҡайымға оҡшаш.

Селек түңәрәк һәм оҙонса түңәрәк тупраҡ урҙарҙан тора. Был ябыҡ майҙансыҡтарҙа торлаҡтар урынлашҡан, әле улар урынына тик соҡорҙар ҡалған. Ваҡытында бында тормош ҡайнап торған🔥 Башҡорт донъяһы МАХ-та: https://max.ru/channel_bashkortdonja

📌 Халыҡ-ара кимәлдәге көрәшсе Миәкә районынан Айгиз Зәйнетдиновҡа "Рәсәйҙең халыҡ-ара класлы спорт мастеры" исеме бирелде. Рәсәй Федерацияһы Спорт министрлығы йүнәлткән награданы көрәшсе һәм тренерға Башҡортостан Республикаһы Башлығы Радий Хәбиров тапшырған.

"Айгиз Ғәлиулла улын лайыҡлы исем бирелеү менән ысын күңелдән ҡотлайым! Был - уның рух көсөн, фиҙаҡәр хеҙмәтен һәм эшенә тоғро булыуын Бөтә Рәсәй кимәлендә баһалау. Бына шундай, һис тартынмай әйтәм, бөйөк кешеләр беҙҙең арала йәшәй, изге Миәкә ерендә райондың спорт тормошон һәм милли көрәште үҫтерә",

- тип ҡотлау һүҙҙәрен еткерә Миәкә районы хакимиәте башлығы Наил Ғүмәров. Бынан алда беҙ Айгиз Зәйнетдинов тәрбиәләгән көрәшселәр районда үткән ярышта 1 миллион һумлыҡ төп бүләкте яулаған, тип хәбәр иткәйнек. Афарин! 👏 Башҡорт донъяһы МАХ-та: https://max.ru/channel_bashkortdonja

📌Бөрйәндәр "Хеҙмәткә һәм оборонаға әҙер"! 26 августа Бөрйән районы Иҫке Собханғол ауылында сәғәт иртәнге 11-ҙә бәләкәй ГТО майҙансығы асыла. Саралар Баҙал биҫтәһе стадионында үтә. "Хеҙмәткә һәм оборонаға әҙер" Бөтә Рәсәй физкультура-спорт комплексы нормативтарын тапшырыу - халыҡты сәләмәт тормошҡа ылыҡтырыу. 📍 Әйткәндәй, ГТО нормативтарын "алтынға" үтәгән мәктәп уҡыусыларына ҡайһы бер вуздар уҡырға алғанда балл өҫтәй, хатта стипендияны ла арттырыуҙары ихтимал. Ә рәсми эш урынында эшләүселәр алтын билдәгә тапшырһа, һалымды кәметә ала. 🔹 60 йәштән олораҡ хаҡлы ялдағы Башҡортостан халҡы ГТО тапшырып, 10 мең һумлыҡ сертификатҡа эйә була ала. Был ярҙам сараһы Башҡортостан Республикаһы Башлығы Радий Хәбиров ҡарары буйынса ҡабул ителгән. Уны спорт секцияларында шөғөлләнеүгә тотонорға мөмкин. Башҡорт донъяһы МАХ-та: https://max.ru/channel_bashkortdonja

Йыл туйы - 2026 🔥 Рөстәм Ғиззәтуллин икенсе йәшлеген кисерә - өйләнгән 💍 Видео: Зөлфиә Солтанова.

📌Мәктәптәрҙә Башҡортостан тарихын өйрәнәсәктәр. 🔹 Быйылғы уҡыу йылынан алып мәктәптәрҙә тарих курсы өс өлөштән - дөйөм тарих, Рәсәй тарихы һәм тыуған яҡ тарихынан торасаҡ. Ошоға бәйле республика тарихсылары 5, 6 һәм 7-се класс уҡыусыларына тәғәйенләнгән Башҡортостан Республикаһы тарихы буйынса дәреслектәр әҙерләне.

🔹 Китаптар федераль исемлеккә индерелде.

🔹 Теге аҙнала Ишембай ҡалаһында үткән Республика педагогтарының август кәңәшмәһендә яңы предметты уҡытыуға арналған кәңәшмә ойошторолған. Унда "Тыуған яғыбыҙҙың тарихы. Башҡортостан Республикаһы" әсбаптары, улар буйынса уҡытыу алымы тураһында һөйләшкәндәр. 📍 Тыуған яҡ тарихын 2026 йылдың 1 сентябренән уҡыта башлайҙар. Башҡорт донъяһы МАХ-та: https://max.ru/channel_bashkortdonja

❓ Балаң математиканы яратамы? ✅ Математика лицей-интернатына һайлап алыу конкурсында ҡатнашһын. Был фотоларҙа - Өфөләге Математика лицей-интернатында төҙөлөш барышы. Ул 360 урынлыҡ була һәм республиканың иң шәп математиктарын туплаясаҡ.

💯 "Яңы мәктәп концепцияһын һәм проектын эшләгәндә беҙ илдәге иң яҡшы миҫалдарҙан илһам алдыҡ. Лицей яҡташыбыҙ, беренсе совет электрон иҫәп-хисап машиналарын уйлап табыусы Бәшир Рәмиев исемен йөрөтәсәк. Бында иң талантлы педагогтар эшләйәсәк, бөтә республиканан иң һәләтле балалар уҡыясаҡ. Бының өсөн лицей эргәһендә уңайлы ҡунаҡхана төҙөйбөҙ. Һайлап алыу етди һәм, һыҙыҡ өҫтөнә алам, ғәҙел - күп баҫҡыслы буласаҡ. Маҡсатыбыҙ - бында күренекле йәш математиктарҙы туплау, республикабыҙ һәм илебеҙҙең интеллектуаль элитаһын әҙерләү",

- ти был турала Башҡортостан Республикаһы Башлығы Радий Хәбиров. 🔹 Лицей уҡыусыларының физик әҙерлеген дә хәстәрләйҙәр: белем усағының үҙендә спорт өсөн яҡшы шарттар булдырыла, шулай уҡ Ө. Мостафин исемендәге Спорт әҙерлеге үҙәгендә лә шөғөлләнә аласаҡтар. Лицейҙың попечителдәр советын Радий Фәрит улы шәхсән үҙе етәкләйәсәк. Бында остазлыҡ системаһы ойоштороласаҡ. 🔥 Яңы белем усағы киләһе йыл ишектәрен аса. Уға уҡыусыларҙы быйылдан һайлай башлайҙар - 1 октябрҙән. Башҡорт донъяһы МАХ-та: https://max.ru/channel_bashkortdonja

Хәйерле дүшәмбе! Бер аҙнанан - сентябрь. 🌻 Ә бөгөн мосолмандар өсөн изге байрамдарҙың береһе билдәләнә - Мәүлит кисе. Был - Мөхәммәд ғәләйһис-сәләмдең тыуған көнө. Һижри йыл буйынса рабиғел әүүәл айының 12-се көнөндә таң алдынан донъяға килгән ул. 📍 Йөрәктау, Стәрлетамаҡ районы. Фото: Ләйсән Миңлебаева. Башҡорт донъяһы МАХ-та: https://max.ru/channel_bashkortdonja

"Йөрәк һине яратмай, Ҡайтып кит, давай-давай",

- тигәндәре бармы һеҙгә? 😁 Булһа - күңелде йыуатыу өсөн, булмаһа - моңайып алыу өсөн ошо видеоны ҡарағыҙ😉 Видео: Хәйҙәр Хәмиҙуллин.

📌 1943 йылдың 23 авгусында Совет ғәскәрҙәре Курск һуғышында немец-фашист хәстәрҙәрен тар-мар итә. 🔥 Сағыштырмаса бик ҙур булмаған урында 4 миллион кеше, 13 мең танк һәм үҙйөрөшлө орудие, 12 меңгә яҡын самолет бәрелешә. 📍 Курск дуғаһында алыш 50 көн бара - 1943 йылдың 5 июленән 23 авгусына тиклем. Нәҡ ошо еңеүҙән һуң Ҡыҙыл Армия был дәһшәтле һуғышта өҫтөнлөк ала. ✅ Башҡортостан халҡы ла Курск дуғаһындағы яуҙарҙа ҡатнаша - 20 меңдән ашыу яҡташыбыҙ Көнбайыш, Брянск, Үҙәк һәм Воронеж фронттарында алыша. Шуларҙың береһе - пулеметсы-герой, башҡорт яҙыусыһы - Зөлфәр ХИСМӘТУЛЛИН. 🔹 Зөлфәр Фазыл улы 1923 йылдың 11 июлендә хәҙерге Белорет районы Сәрмән ауылында тыуа. 🔹 1941 йылда Белорет металлургия техникумын тамамлап, заводта эшләй башлай. Артабан педагогия институтына уҡырға инергә теләй, әммә һуғыш ҡамасаулай. 🔹 18 йәшлек егет үҙ теләге менән фронтҡа китә. 1942 йылда Өфө хәрби-пехота училищеһын тамамлап, Калуга өлкәһенең Кутиково ауылы өсөн алышта тәүге сирҡаныс ала. Белый ҡалаһы өсөн алышта күрһәткән ҡаһарманлығы өсөн кесе лейтенант званиеһы бирелә. 📍 1943 йылдың мартында Зөлфәр Хисмәтуллин 1-се танк армияһының 3-сө механизацияланған корпусы 10-сы бригадаһының пулемёт взводы командиры булараҡ Белгород өлкәһенә килә. 🔥 Пулеметсылар 1943 йылдың 5 июленән 6-на ҡарай Луханино һәм Алексеевка ауылдары эргәһендә алышҡа инә. Таңда йөҙәрләгән немец танкы ҡаршыға сыға. Һауанан тиҫтәләгән самолет һөжүм итә. Беренсе булып Зөлфәр ут аса, уларҙың взводы йөҙәрләгән фашисты юҡ итә. 🔹 Уның менән бергә хеҙмәт иткән Сирай Абдрахманов шулай тип хәтерләй:

💯 "Зөлфәр танк пулемётын иңенән бер ҡасан төшөрмәне. Бынан тыш ул вещмешок, каска, противогаз, көрәк йөкмәй - бөтәһе 32 кг ауырлыҡ. Курск дуғаһында беҙ 1943 йылдың 12 июленә тиклем алыштыҡ, йоҡламаныҡ тиерлек. Аҙыҡ-түлекте ваҡытында килтереп өлгөрмәүҙәре арҡаһында ҡайнар аш ашаманыҡ, төндә генә ризыҡлана инек - тәүлегенә бер тапҡыр. Беҙҙең взвод ике көн торҙо, бер дошманды ла үткәрмәне. Өсөнсө көнөнә ҡамауға эләктек, дошман танкылары окоптарҙы урап үтте. Зөлфәр танкыға ҡаршы граната менән немец танкыһын яндырҙы, пулеметтан атыуын дауам итеп, пехоталарын юҡ итте. Бөтә һалдаттарыбыҙ задача үтәне. Иҫән ҡалған бер нисә кеше ҡамауҙан сыҡты. Зөлфәр Хисмәтуллин батыр булды, бомба ташлаған саҡтарында бер ҡасан да эйелмәне. "Мине бер ҡасан да дошман снаряды алмаясаҡ!" - тиер ине",

- тип хәтерләй ул. 🔹 Ошо ҡан ҡойошта иҫән ҡалған Зөлфәр Хисмәтуллин Украина, Ольга, Румыния, Чехословакия ерҙәрен азат итеүҙә, Берлинды алыуҙа ҡатнаша. 🔹 1845-1946 йылдарҙа Төньяҡ ғәскәрҙәр төркөмөндә хәрби комендатурала иҡтисадсы офицер була. II дәрәжә Ватан һуғышы, ике тапҡыр Ҡыҙыл Йондоҙ ордены һәм миҙалдар менән наградланған. 🔹 Еңеү менән тыуған яҡҡа ҡайтҡас, Зөлфәр Фазыл улы журналист һөнәрен һайлай. 1951 йылда хыялланған Тимирязев исемендәге Башҡорт педагогия институтын (хәҙерге ӨФТУ) тамамлай, "Ленинец" гәзитенең яуаплы сәркәтибе итеп тәғәйенләнә. 1955 йылдан "Һәнәк" журналында ошо уҡ вазифала эшләй. 1974 йылдан 1983 йылға тиклем СССР-ҙың Әҙәбиәт фондының Башҡортостан бүлексәһе директоры була. 🔹 Зөлфәр Хисмәтуллин юмористик хикәйәләр һәм китаптар авторы. Уның әҫәрҙәре әзербайжан, урыҫ, татар, үзбәк, украин һәм сыуаш телдәренә тәржемә ителгән. 🔹 Фронтовик яҙыусы 1983 йылдың 8 апрелендә донъя ҡуя. Башҡорт донъяһы МАХ-та: https://max.ru/channel_bashkortdonja

📌 Благовещен ҡалаһына 270 йыл. Кисә ҡаланың 270 йыллығына арналған байрам саралары үтте. Унда Башҡортостан Республикаһы Башлығы Радий Хәбиров ҡатнашты.

💯 "Ҡала йылдан-йыл матурая бара. Бында ныҡлы иҡтисад, көслө сәнәғәт предприятиелары эшләй, яңы производстволар асыла, эш урындары булдырыла. Йылдам үҫеш биләмәһе уңышлы эшләй - Башҡортостанда иң һөҙөмтәлеләрҙең береһе. Республика һәм федераль бюджет ярҙамында социаль өлкә үҫешә, ҡала өсөн мөһим объекттар төҙөйбөҙ һәм ремонтлайбыҙ. Йөрөүе яҡшы булған төҙөкләндерелгән урындар күбәйә. Быйыл Благовещен уңайлы ҡала мөхитен булдырыуҙың иң яҡшы проекттар конкурсында өсөнсө тапҡыр еңде",

- тине Радий Фәрит улы. Шулай уҡ ул ҡаланың төп байлығы - кешеләре, нәҡ улар Башҡортостан һәм Рәсәй мәнфәғәте өсөн намыҫлы эшләй, ил менән Еңеү өсөн барыһын да атҡаралар, тип билдәләне. 📍 Әйткәндәй, ҡала тарихы 1756 йылда Өшкәле (Потеха) йылғаһы буйында Сембер сауҙагәре Матвей Мясников төҙөткән баҡыр иретеү заводынан башлана. 🔹 Тәүге эшселәре һәм халҡы - Мясников Семберҙән алып килгән 109 завод ҡарамағындағы крәҫтиән. Әле ҡаланың бер өлөшөн "Инза" тип йөрөтәләр, нәҡ шунда ошо крәҫтиәндәр йәшәгән, улар Сембер провинцияһының Инза йылғаһы буйындағы ауылдарҙан килтерелгән була. 🔹 Потеха фабрикаһы эргәһендә ҡасаба барлыҡҡа килә, уны 1783 йылда асылған завод сиркәүе атамаһы менән йөрөтә башлайҙар, тип иҫәпләнә - Благовещение Пресвятой Богородицы. 🔹 1941 йылда Благовещен район ҡарамағындағы ҡала статусын ала, ә 1989 йылдан республика ҡарамағындағы ҡала була. Башҡорт донъяһы МАХ-та: https://max.ru/channel_bashkortdonja

Тос башаҡтан, буш башаҡтан Тороп ҡала бер үк һалам, Тос башаҡтан сыҡҡан бойҙай Ерҙе имен тота һаман. Йомабикә ИЛЬЯСОВА.

Хәйерле йәкшәмбе иртәһе менән 🌾

📍 Бишбүләк районы Фото: Иван Волков.

🔥 Баймаҡ, Нөгөш, Малаяҙ - әҙерһегеҙме? Асыҡ һауала концерт менән "Бишбармаҡ" оркестры, Ирдан һәм Baby Ti килә һеҙгә был көндәрҙә! Башҡорт донъяһы МАХ-та: https://max.ru/channel_bashkortdonja

❓ Күҙгәнәкте күргәнегеҙ бармы? ✅ Был Башҡортостандың Ғафури районындағы ҡая. 📍 Ул Еҙем буйында урынлашҡан. Толпар ауылынан 17 км алыҫта, Мәмбәт ҡаяһынан - 1,5 км тирәһе. Өҫтән ҡараһаң елкәнгә оҡшаған. Ә бына атамаһы ҡая уртаһында үтә сыҡмалы мәмерйәгә бәйле.

Төндә уның аша ай нуры арғы яҡҡа төшөп яҡтырта, тиҙәр.

Шуға ла күҙгәнәк тип атағандар, тип иҫәпләйҙәр. 💯 Ә башҡорт телендә күҙгәнәк - ул индек ҡапҡаның һайғауҙарын һалыу өсөн бағанаға уйылған тишек йәки тәҙрә быялаһының бер бүлкәте тигәнде аңлата. Видео: Глеб Олейников. Башҡорт донъяһы МАХ-та: https://max.ru/channel_bashkortdonja

📌 Уҡыу йылы алдынан - яңы автобус. Кисә Ишембай ҡалаһында үткән Республика педагогтарының август кәңәшмәһендә Башҡортостан Республикаһы Башлығы Радий Хәбиров мәктәптәргә яңы, уңайлы, заманса йыһазландырылған 10 автобустан асҡыстар тапшырған.

💯 "Был беҙҙең автопаркты яңыртыу буйынса һуңғы йылдарҙа алып барылған ҙур һәм мөһим эштең дауамы. Былтыр ғына ла федераль һәм республика бюджеты иҫәбенә 207 автобус һатып алдыҡ. Быйылғы йыл аҙағынаса тағы 59 аласаҡбыҙ. Башҡортостанда бөтәһе 56 мең бала автобуста уҡырға йөрөй. Һәм беҙҙең бурыс - уларҙың белемгә юлы мөмкин тиклем уңайлы һәм хәүефһеҙ булыуын тәьмин итеү",

-тип яҙған сәхифәһендә Радий Фәрит улы. Ул шулай уҡ мәктәп автобустарын йөрөткән водителдәргә оло рәхмәтен һәм хөрмәтен белдергән. Эйе, нәҡ уларҙың көндәлек хеҙмәте алыҫ ауылдарҙан булған балаларға үҫешергә мөмкинлектәр бирә. Белем тауҙарына тигеҙ юлдар теләйбеҙ! 😇 Башҡорт донъяһы МАХ-та: https://max.ru/channel_bashkortdonja

📌 "Башҡорт" ҡушаматлы алышсы тағы еңеү яулаған! 51 йәшлек яҡташыбыҙ Венер Ғәлиев Мәскәүҙә үткән Аса 206 турнирында элекке чемпионды беренсе раундта нокаутҡа ебәреп, еңеү яулаған🔥 Ул 34 йәшлек Бразилия алышсыһы Фелипе Фроесты еңгән. Шуныһы һоҡландыра: алыштан өс аҙна алда Венер Ғәлиев өс ҡабырғаһын һындырған һәм хатта ҡатнашмаҫҡамы икән, тип тә уйлаған.

💯 "Уға түгел, ә башҡаларға 51 йәш булғандай һуғыша",

- тип маҡтаған Венер Ғәлиевты АСА етәксеһе Магомед Бибулатов. Ғорурланабыҙ! Башҡорт донъяһы МАХ-та: https://max.ru/channel_bashkortdonja

📌 "Башҡортостан" полкы яугирҙары Рәсәй Федерацияһының Дәүләт флагы көнө менән ҡотлаған. Был турала Башҡортостан Республикаһы Башлығы Радий Хәбиров хәбәр иткән.

💯 "Рәсәй триколоры - беҙҙең ғорурлыҡ, беҙҙең көс, беҙҙе берләштергән нәмә. Бөйөк ил һәм еңеүҙәребеҙ символы",

- тип белдергән Радий Фәрит улы. Һәм яугирҙарҙың ҡотлауҙарына ҡушылып, барыһын да байрам менән тәбрикләгән.

Байрам менән! 🇷🇺 Теүәл 35 йыл элек Мәскәүҙә Аҡ йорт өҫтөндә өс төҫлө Рәсәй флагы күтәрелә. Яңы ил һәм дәүләт ҡоролошон символлаштыра ул саҡта.

🇷🇺 Бөгөн был аҡ, күк һәм ҡыҙыл төҫтән торған әләм һәр кемебеҙ өсөн ҡәҙерле, яҡын төшөнсәне - тыуған илде сағылдыра.

🔹 Рәсәй Дәүләт Флагы төҫтәренең рәсми аңлатмаһы юҡ, әммә бөгөн уларҙы ошолай билдәләйҙәр: 🤍 Аҡ - тыныслыҡ, сафлыҡ, юғары намыҫлылыҡ, асыҡлыҡ. 💙 Күк - тоғролоҡ, рухилыҡ, тотороҡлолоҡ, күк йөҙө. ❤️ Ҡыҙыл - дәрт, көс, батырлыҡ, Ватан өсөн түгелгән ҡан. Бөгөн "Ҡашҡаҙан" паркында һәм башҡа ял итеү урындарында байрам саралары ойошторола, музейҙарҙа флагҡа арналған ҡыҙыҡлы күргәҙмәләр үтә. Башҡорт донъяһы МАХ-та: https://max.ru/channel_bashkortdonja