ልህቀት የንባብ ባህል ማጎልበቻ ማዕከል

በንጉሱ በተበረከቱ መጻሕፍት አገልግሎት የጀመረው ወመዘክር በ1936 ዓ.ም በቀዳማዊ ኃይለሥላሴ ተመርቆ በንጉሱ በተበረከቱ መጻሕፍት አገልግሎት የጀመረው የዛሬው የኢትዮጵያ ቤተመዛግብትና ቤተመጻሕፍት አገልግሎት፣ በየዘመናቱ መጠሪያውን እየቀየረ ቢመጣም ከተቋቋመበት ዓላማ አኳያ አሁን ላይ "የኢትዮጵያ ቤተመዛግብትና ቤተመጻሕፍት አገልግሎት" በሚለው ስያሜ ከ2014 ጀምሮ በርካታ ሀገራዊ ተግባራትን እያከናወነ ይገኛል። ተቋሙ ጥንታውያን መጻሕፍት፣ መጽሔቶች፣ ማኑስክሪፕቶች፣ የነገስታት ደብዳቤዎች፣ የጠረፍ ስምምነቶች፣ የፍርድ ቤት መዝገቦች እንዲሁም በዩኔስኮ በዓለም ቅርስነት የተመዘገቡ ቅርሶችን ጭምር በማደራጀት ታሪክን ለትውልድ በማሻገር ላይ ይገኛል። የ«ዲጂታል ኢትዮጵያ 2030» ስትራቴጂካዊ ግብ አካል የሆነውን ዘመናዊ የዲጂታይዜሽን ፕሮጀክት በይፋ በማስመረቅ ሥራ የጀመረው የኢትዮጵያ ቤተመዛግብትና ቤተመጻሕፍት አገልግሎት፣ ያሉትን ታሪካዊ ሀብቶች በዲጂታል መረብ ወደ መላው ዓለም ለማዳረስ የቴክኖሎጂ ሽግግር ሥራዎችን አጠናክሮ ቀጥሏል። ይህንን ዘመናዊ አሰራር እና ልምድ ለመጋራትም አቻ ተቋማቶች ወደ ተቋሙ በመምጣት የልምድ ልውውጥ እያደረጉበት የሚገኝ ትልቅ ሀገራዊ ምዕራፍ ላይ ይገኛል። ወመዘክር-