FMC Sport ፋና ስፖርት

رفتن به کانال در Telegram

This is Fana Media Corporation’s (FMC) Sport official Telegram channel. @Fanatelevision @afanoromofana @tigrignafana For more updates please visit https://fanamc.com/amharic/

نمایش بیشتر

أثيوبيا921 ورزش1 915...

📈 تحلیل کانال تلگرام FMC Sport ፋና ስፖርት

کانال FMC Sport ፋና ስፖርት (@fmcsport) در بخش زبانی امهری بازیگری فعال است. در حال حاضر جامعه شامل 36 544 مشترک است و جایگاه 1 915 را در دسته ورزش و رتبه 921 را در منطقه أثيوبيا دارد.

📊 شاخص‌های مخاطب و پویایی

از زمان ایجاد در невідомо، پروژه رشد سریعی داشته و 36 544 مشترک جذب کرده است.

بر اساس آخرین داده‌ها در تاریخ 29 ژوئیه, 2026، کانال فعالیت پایداری دارد. در ۳۰ روز گذشته تغییر اعضا برابر 140 و در ۲۴ ساعت گذشته برابر -11 بوده و همچنان دسترسی گسترده‌ای حفظ شده است.

وضعیت تأیید: تأیید شده (به صورت رسمی توسط تلگرام)
نرخ تعامل (ER): میانگین تعامل مخاطب 7.62% است و در ۲۴ ساعت نخست پس از انتشار، محتوا معمولاً 4.48% واکنش نسبت به کل مشترکان کسب می‌کند.
دسترسی پست‌ها: هر پست به طور میانگین 2 786 بازدید دریافت می‌کند. در اولین روز معمولاً 1 638 بازدید جمع‌آوری می‌شود.
واکنش‌ها و تعامل: مخاطبان به‌طور فعال حمایت می‌کنند؛ میانگین واکنش به هر پست 4 است.

📝 توضیح و سیاست محتوایی

نویسنده این فضا را محل بیان دیدگاه‌های شخصی توصیف می‌کند:
“This is Fana Media Corporation’s (FMC) Sport official Telegram channel. @Fanatelevision @afanoromofana @tigrignafana For more updates please visit https://fanamc.com/amharic/”

به لطف به‌روزرسانی‌های پرتکرار (آخرین داده در تاریخ 30 ژوئیه, 2026)، کانال همواره به‌روز و دارای دسترسی بالاست. تحلیل‌ها نشان می‌دهد مخاطبان به‌طور فعال با محتوا تعامل دارند و آن را به نقطه اثرگذاری مهم در دسته ورزش تبدیل کرده‌اند.

36 544

مشترکین

-1124 ساعت

-217 روز

+14030 روز

2 786

نمایش های پست

~ 1 63824 ساعت

~ 1 98448 ساعت

7.62%

نرخ مشارکت

~ 7

پست های در روز

Ads index

beta

آرشیو پست ها

36 545

ቼልሲ ማክሰንስ ላክሮክስን ከክሪስታል ፓላስ አስፈረመ አዲስ አበባ፣ ሐምሌ 23፣ 2018 (ኤፍ ኤም ሲ) የምዕራብ ለንደኑ ክለብ ቼልሲ ፈረንሳዊውን ተከላካይ ማክሰንስ ላክሮክስ ከክሪስታል ፓላስ አስፈርሟል፡፡ የ26 አመቱ ተጫዋች በ52 ሚሊየን ፓውንድ የዝውውር ሂሳብ ነው ስታምፎርድ ብሪጅ የደረሰው፡፡ በፈረንጆቹ 2024 ከጀርመኑ ክለብ ዎልፍስበርግ በ15 ነጥብ 5 ሚሊየን ፓውንድ ክሪስታል ፓላስን የተቀላቀለው ተጫዋቹ ለፓላስ 55 ጨዋታዎችን አድርጓል፡፡ ላክሮክስ በሴልኸረስት ፓርክ ቆይታው የአውሮፓ ኮንፈረንስ ሊግ፣ የኤፍ ኤ እና የኮሚኒቲ ሺልድ ዋንጫዎችን ማሸነፍ ችሏል፡፡ ላክሮክስ በ2026ቱ የአለም ዋንጫ ለፈረንሳይ ብሔራዊ ቡድን በሶስት ጨዋታዎች ተሰልፎ ተጫውቷል፡፡ ማክሰንስ ላክሮክስ ከሞርጋን ሮጀርስ እና ማርኮ ፓሌስትራ ቀጥሎ ሶስተኛው የዣቪ አሎንሶ የክረምቱ ፈራሚ ሆኗል፡፡

36 545

ጆርዳን ሄንደርሰን ከብሬንትፎርድ ጋር ተለያየ አዲስ አበባ፣ ሐምሌ 22፣ 2018 (ኤፍ ኤም ሲ) እንግሊዛዊው የመሐል ሜዳ ተጫዋች ጆርዳን ሄንደርሰን ከብሬንትፎርድ ጋር ተለያይቷል፡፡ የ36 ዓመቱ ተጫዋች በፈረንጆቹ 2025 ከአያክስ አምስተርዳም የፕሪሚየር ሊጉን ክለብ ብሬንትፎርድን መቀላቀሉ ይታወሳል፡፡ ሄንደርሰን ከአንድ የውድድር ዓመት ቆይታ በኋላ በስምምነት ከብሬንትፎርድ ጋር መለያየቱን ዘ አትሌቲክ ዘግቧል፡፡ ተጫዋቹ በክረምቱ የተጫዋቾች የዝውውር መስኮት ቼልሲን ለመቀላቀል ከስምምነት የደረሰ ሲሆን እስከ ፈረንጆቹ 2028 የሚያቆየውን ውል ይፈራረማል ተብሎ ይጠበቃል፡፡

36 545

የ2019 ዓ.ም የኢትዮጵያ ፕሪሚየር ሊግ የሚጀምርበት ቀን ይፋ ሆነ አዲስ አበባ፣ ሐምሌ 21፣ 2018 (ኤፍ ኤም ሲ) የ2019 ዓ.ም የኢትዮጵያ ፕሪሚየር ሊግ ውድድር የሚጀምርበት ቀን ይፋ ሆኗል፡፡ በዚህም መሰረት አዲሱ የውድድር ዓመት መስከረም 30 ቀን 2019 ዓ.ም እንደሚጀምር የኢትዮጵያ ፕሪሚየር ሊግ አክሲዮን ማህበር ለሊጉ ተሳታፊ ክለቦች በዛሬው ዕለት አሳውቋል።

36 545

ማንቼስተር ሲቲ የጆስኮ ግቫርዲዮልን ውል አራዘመ አዲስ አበባ፣ ሐምሌ 21፣ 2018 (ኤፍ ኤም ሲ) ማንቼስተር ሲቲ የተከላካይ ስፍራ ተጫዋቹን ጆስኮ ግቫርዲዮል ውል ለተጨማሪ ዓመታት ማራዘሙን ይፋ አድርጓል፡፡ ክሮሺያዊው የተከላካይ ስፍራ ተጫዋች በውሉ መሰረት እስከ ፈረንጆቹ 2031 ድረስ በማንቼስተር ሲቲ ቤት የሚቆይ ይሆናል፡፡ ጆስኮ ግቫርዲዮል በ2023 በ90 ሚሊየን ዩሮ ማንቼስተር ሲቲን መቀላቀሉ ይታወሳል፡፡ የ24 ዓመቱ ተጫዋች ከማንቼስተር ሲቲ ጋር የእንግሊዝ ፕሪሚየር ሊግ፣ የዓለም ክለቦች ዋንጫ እና የአውሮፓ ሱፐር ካፕን ጨምሮ የተለያዩ ዋንጫዎችን አሳክቷል፡፡ ግቫርዲዮል ማንቼስተር ሲቲን ከተቀላቀለ ወዲህ ለቡድኑ 122 ጨዋታዎችን አድርጎ 13 ግቦችን አስቆጥሯል፡፡

36 545

ዚነዲን ዚዳን የፈረንሳይ ብሔራዊ ቡድን አሰልጣኝ ሆነ አዲስ አበባ፣ ሐምሌ 21፣ 2018 (ኤፍ ኤም ሲ) ዚነዲን ዚዳን የፈረንሳይ ብሔራዊ ቡድን አሰልጣኝ ሆኖ ተሾመ፡፡ ፈረንሳዊው አሰልጣኝ ዚዲን ዚዳን ከአምስት ዓመታት ቆይታ በኋላ ወደ ኃላፊነት ተመልሷል፡፡ ከ2026 የዓለም ዋንጫ መጠናቀቅ በኋላ ከአሰልጣኝ ዲዴ ዴሻምፕ ጋር የተለያየው የፈረንሳይ ብሔራዊ ቡድን የቀድሞ ተጫዋቹ ዚነዲን ዚዳንን አሰልጣኙ አድርጓል፡፡ የ54 ዓመቱ አሰልጣኝ ዚነዲን ዚዳን እስከ 2030 የዓለም ዋንጫ ድረስ የሚያቆየውን ውል ተፈራርሟል፡፡ የዚዳን የመጀመሪያ የነጥብ ጨዋታ ፈረንሳይ ከቱርክዬ ጋር በኔሽንስ ሊግ የምታደርገው መርሐ ግብር ይሆናል፡፡ የሪያል ማድሪድ የቀድሞ አሰልጣኝ ዚዳን በተከታታይ ሦስት ጊዜ የአውሮፓ ሻምፒየንስ ሊግ ዋንጫን በማንሳት ቀዳሚውና ብቸኛው አሰልጣኝ ነው፡፡ ዚዳን በተጫዋችነት ዘመኑ የፈረንሳይ ብሔራዊ ቡድንን ከፈረንጆቹ 1994 እስከ 2006 ያገለገለ ሲሆን፤ በፈረንጆቹ 1998 የዓለም ዋንጫን ከሀገሩ ጋር ማሳካቱ ይታወሳል፡፡ በተጫዋችነት ዘመኑ በፈረንሳይ ብሔራዊ ቡድን፣ በሪያል ማድሪድ እና በጁቬንቱስ ስኬታማ ጊዜ ያሳለፈው ዚዳን የባሎንዶር ሽልማት ማሸነፉም አይዘነጋም፡፡

36 545

ማንቼስተር ዩናይትድ ዌልሳዊውን ግብ ጠባቂ ኪት ማርጌሰን አስፈረመ አዲስ አበባ፣ ሐምሌ 20፣ 2018 (ኤፍ ኤም ሲ) ማንቼስተር ዩናይትድ ኪት ማርጌሰንን ከስዋንሲ ሲቲ ለማስፈረም በቡድኖቹ መካከል ከስምምነት ላይ ተደርሶ ዝውውሩ ተጠናቅቋል፡፡ የ20 ዓመቱ ግብ ጠባቂ ኪት ማርጌሰን የመጀመሪያ ኢንተርናሽናል ጨዋታውን ባሳለፍነው መጋቢት ወር ለሀገሩ ዌልስ ከ 21 ዓመት በታች ብሔራዊ ቡድን ተሰልፎ ተጫውቷል። የስዋንሲ ሲቲ አካዳሚ ፍሬ ለሆነው ግብ ጠባቂ ዝውውርም ማንቼስተር ዩናይትዶች የካሳ ክፍያ ለሻምፒዮንሺፑ ክለብ እንደሚከፍሉ ዘ አትሌቲክ ዘግቧል፡፡ ማንቼስተር ዩናይትዶች ቡድናቸውን ለማጠናከር በዝውውር መስኮቱ በንቃት እየተሳተፉ እንደሆነ ይታወቃል፡፡

36 545

አቶ ቢኒያም ነገሱ የኢትዮጵያ ብስክሌት ፌዴሬሽን ፕሬዚዳንት ሆነው ተመረጡ አዲስ አበባ፣ ሐምሌ 19፣ 2018 (ኤፍ ኤም ሲ) አቶ ቢኒያም ነገሱ የኢትዮጵያ ብስክሌት ፌዴሬሽን ፕሬዚዳንት ሆነው ተመርጠዋል፡፡ የኢትዮጵያ ብስክሌት ፌዴሬሽን በዛሬው ዕለት መደበኛ ጠቅላላ ጉባኤውን አካሂዷል፡፡ በዚህም አቶ ቢኒያም ነገሱ ፌዴሬሽኑን ለሚቀጥሉት 4 ዓመታት በፕሬዚዳንትነት እንዲመሩ በአብላጫ ድምጽ ተመርጠዋል። አቶ ቢኒያም ከምርጫው በኋላ ለፋና ሚዲያ ኮርፖሬሽን በሰጡት አስተያየት፤ የኢትዮጵያ ብስክሌት በዓለም ቀፍ ደረጃ ተወዳዳሪ እንዲሆን ለማድረግ እሰራለሁ ብለዋል። በሰለሞን በቀለ

36 545

ኢንተር ሚያሚ ካሴሚሮን አስፈረመ አዲስ አበባ፣ ሐምሌ 15፣ 2018 (ኤፍ ኤም ሲ) የሜጀር ሊግ ሶከሩ ኢንተር ሚያሚ ብራዚላዊውን አማካይ ካሴሚሮን አስፈርሟል፡፡ የሪያል ማድሪድና ማንቼስተር ዩናይትድ የቀድሞ ኮከብ ካሴሚሮ ኢንተር ሚያሚን በፈረንጆቹ እስከ 2027 በሚቆይ ኮንትራት የተቀላቀለ ሲሆን÷ ውሉ እስከ 2029 ሊታደስ የሚችልበት ሁኔታ መኖሩን ዘ አትሌቲክ ዘግቧል፡፡ የ34 ዓመቱ ካሴሚሮ በያዝነው ክረምት ከማንቼስተር ዩናይትድ ጋር መለያየቱ ይታወሳል፡፡ ተጫዋቹ በ2026ቱ የዓለም ዋንጫ ሀገሩ ብራዚልን ወክሎም ተጫውቷል፡፡

36 545

የመቻል እግር ኳስ ክለብ ውበቱ አባተን ዋና አሰልጣኝ አድርጎ ሾመ አዲስ አበባ፣ ሐምሌ 14፣ 2018 (ኤፍ ኤም ሲ) የመቻል እግር ኳስ ክለብ ውበቱ አባተን ዋና አሰልጣኝ አድርጎ ሾመ፡፡ አሰልጣኙ ከመቻል እግር ኳስ ክለብ ጋር ለሁለት ዓመታት የሚያቆይ ውል ተፈራርመዋል፡፡ በውሉ መሠረት አሰልጣኙ ክለቡን የኢትዮጵያ ፕሪሚየር ሊግ ዋንጫ ተፎካካሪ ከማድረግ ባለፈ ዋንጫ የማሳካት ኃላፊነት ተሰጥቶታል፡፡ አሰልጣኝ ውበቱ አባተ ከዚህ ቀደም የኢትዮጵያ ብሔራዊ ቡድንን ጨምሮ ሰበታ ከተማ፣ ፋሲል ከነማ፣ ኢትዮጵያ ቡና፣ ሀዋሳ ከተማ፣ አዳማ ከተማ እንዲሁም ከሀገር ውጪ የሱዳኑ አል ሀሊ ሸንዲ እና የደቡብ ሱዳኑን ጃሙስ ክለብን አሰልጥኗል፡፡ በሰለሞን በቀለ

36 545

ማንቼስተር ዩናይትድ ትይናን ቶምፕሰንን ከቶተንሃም አስፈረመ አዲስ አበባ፣ ሐምሌ 13፣ 2018 (ኤፍ ኤም ሲ) ማንቼስተር ዩናይትድ ወጣቱን የክንፍ ተጫዋች ትይናን ቶምፕሰን ከቶተንሃም ሆትስፐር ማስፈረሙን ይፋ አድርጓል፡፡ ዩናይትድ የ18 ዓመቱን እንግሊዛዊ ለማዘዋወር ብቃቱ እየታየ የሚጨመር 4 ሚሊየን ፓውንድ ጨምሮ 8 ሚሊየን ፓውንድ ወጪ እንደሚያደርግ ተገልጿል፡፡ ተጫዋቹ ባለፈው የውድድር ዓመት በሰሜን ለንደኑ ክለብ ከ18 ዓመት በታች ቡድን ባደረጋቸው ጨዋታዎች 13 ግቦችን አስቆጥሮ ስድስት ግብ የሆኑ ኳሶችን አመቻችቶ ማቀበል ችሏል፡፡

36 545

ለሜሲ ያማል! አዲስ አበባ፣ ሐምሌ 13፣ 2018 (ኤፍ ኤም ሲ) በኒውዮርክ ሰማይ ስር የእግር ኳስ ታሪክ አዲስ ንጉስ መውለዱን ለዓለም አውጇል። የሊዮኔል ሜሲን የመጨረሻ ዳንስ ለመመልከት በተሰበሰበው የዓለም ሕዝብ ፊት ሳይጠበቅ የመጣው የስፔን የአዳጊዎች ስብስብ የክብር ዘውዱን ነጥቋል። ይህ ድል የስፔን ብቻ አይደለም፤ በሜሲ እጅ ገላውን ታጥቦ ያደገው የላሚን ያማል የንግስና ዘመን ይፋዊ ማብሰሪያ ጭምር… https://www.fanamc.com/archives/319099

36 545

ስፔን የ23ኛው የዓለም ዋንጫ አሸናፊ ሆነች አዲስ አበባ፣ ሐምሌ 12፣ 2018 (ኤፍ ኤም ሲ) ስፔን አርጀንቲናን 1 ለ 0 በሆነ ውጤት በማሸነፍ የ23ኛው የዓለም ዋንጫ ሻምፒዮን ሆናለች፡፡ በአሜሪካ፣ ካናዳ እና ሜክሲኮ በጋራ አስተናጋጅነት ሲካሄድ የቆየው የ2026ቱ የዓለም ዋንጫ በዛሬው ዕለት ፍጻሜውን አግኝቷል፡፡ ምሽት 4 ሰዓት ላይ በተካሄደው የፍጻሜ ጨዋታ ስፔንና አርጀንቲና የመደበኛ ጨዋታ ክፍለ ጊዜውን ያለምንም ግብ አቻ በማጠናቀቃቸው ወደ ተጨማሪ 30 ደቂቃ አምርተዋል፡፡ በተጨማሪ ደቂቃውም ስፔን አርጀንቲናን 1 ለ 0 በሆነ ውጤት በማሸነፍ የ2026ቱን የዓለም ዋንጫ ማንሳት ችላለች፡፡ የስፔንን ብቸኛ የማሸነፊያ ግብ ፌራን ቶሬስ ከመረብ ያሳረፈ ሲሆን ÷ በዚህም ስፔን በታሪኳ ለ2ኛ ጊዜ የዓለም ዋንጫን ማሳካት ችላለች፡፡

36 545

አርጀንቲና 0- 0 ስፔን ፦ የመደበኛ የጨዋታ ክፍለ ጊዜ ውጤት የፍጻሜ ጨዋታው ወደ ተጨማሪ 30 ደቂቃ አምርቷል። ኢንዞ ፈርናንዴዝ በሁለት ቢጫ ካርድ ከሜዳ ተሰናብቷል።

36 545

የ23ኛው ዓለም ዋንጫ የመዝጊያ ሥነ ሥርዓት እየተካሄደ ነው አዲስ አበባ፣ ሐምሌ 12፣ 2018 (ኤፍ ኤም ሲ) የ23ኛው ዓለም ዋንጫ የመዝጊያ ሥነ ሥርዓት በኒውዮርክ ሜትላይፍ ስታዲየም እየተካሄደ ነው። ላለፉት 39 ቀናት በአሜሪካ፣ ካናዳና ሜክሲኮ ጣምራ አስተናጋጅነት ሲካሄድ የቆየው 23ኛው የዓለም ዋንጫ ስፔንና አርጀንቲና ምሽት 4 ሰዓት ላይ በሚያደርጉት የፍጻሜ ጨዋታ ይጠናቀቃል። ከፍጻሜ ጨዋታው በፊትም የመዝጊያ ሥነ ሥርዓቱ በሜትላይፍ ስታዲየም በተለያዩ ሁነቶች በደማቅ… https://www.fanamc.com/archives/319094

36 545

ስፔን ከአርጀንቲና…ዓለም በጉጉት የሚጠብቀው የፍጻሜ ጨዋታ አዲስ አበባ፣ ሐምሌ 12፣ 2018 (ኤፍ ኤም ሲ) በአሜሪካ፣ ካናዳ እና ሜክሲኮ አስተናጋጅነት እየተካሄደ የሚገኘው የ2026ቱ የዓለም ዋንጫ ዛሬ ምሽት 4 ሰዓት ላይ ፍጻሜውን ያገኛል፡፡ በፍጻሜ ጨዋታው በወጣት ተጫዋቾች የተደራጀው የስፔን ብሔራዊ ቡድን ከአርጀንቲና አቻው ጋር ኒውዮርክ በሚገኘው ሜትላይፍ ስታዲየም ይፋለማሉ፡፡ በአሰልጣኝ ሉዊስ ዴ ላፎንቴ የምትመራው ስፔን እስካሁን ባደረገቻቸው ጨዋታዎች በአንዱም ሳትሸነፍ በተጋጣሚዎቿ ላይ 13 ግቦችን አስቆጥራለች፤ የተቆጠረባት ደግሞ አንድ ግብ ብቻ ነው፡፡ ስፔን በታሪኳ ለመጀመሪያ ጊዜ በፈረንጆቹ 2010 ደቡብ አፍሪካ ባዘጋጀችው የዓለም ዋንጫ ማሸነፏ የሚታወስ ሲሆን ÷ በድጋሚ በመድረኩ ለመንገስ ዛሬ በፍጻሜው ከአርጀንቲና ጋር የምታደርገው ፍልሚያ በጉጉት ይጠበቃል፡፡ አርጀንቲና እስካሁን ድረስ ባደረገቻቸው ጨዋታዎች በተጋጣሚዎቿ ላይ 19 ግቦችን ያስቆጠረች ሲሆን ÷ 7 ግቦች ደግሞ ተቆጥረውባታል፡፡ ኳታር ያዘጋጀችውን የ2022 የዓለም ዋንጫን ያነሳችው አርጀንቲና በተከታታይ ዋንጫውን ለማሸነፍ የምታደርገው ፍልሚያ ተጠባቂ ነው፡፡ ስፔን በታሪኳ ለ2ኛ ጊዜ እንዲሁም አርጀንቲና ደግሞ ለ4ኛ ጊዜ የዓለም ዋንጫን ለማሸነፍ የሚያደርጉት ትንቅንቅ በእግር ኳስ ቤተሰቡ ዘንድ በጉጉት ይጠበቃል፡፡ በፍጻሜ ተፋላሚዎቹ ተሸንፈው ጉዟቸው የተገታው እንግሊዝ እና ፈረንሳይ ትናንት ምሽት 6 ሰዓት ላይ ባደረጉት ፍልሚያ እንግሊዝ 6 ለ 4 በሆነ ውጤት አሸንፋለች፡፡ https://www.fanamc.com/archives/319057

36 545

ቼልሲ ሞርጋን ሮጀርስን ለማስፈረም በቃል ደረጃ ተስማማ አዲስ አበባ፣ ሐምሌ 11፣ 2018 (ኤፍ ኤም ሲ) ቼልሲ እንግሊዛዊውን ሞርጋን ሮጀርስ ለማስፈረም ከአስቶን ቪላ ጋር በቃል ደረጃ መስማማቱ ተነግሯል፡፡ የ23 ዓመቱ አማካይ 117 ሚሊየን ፓውንድ በሆነ የዝውውር ዋጋ በቀጣይ ቀናት ለምዕራብ ለንደኑ ክለብ ፊርማውን እንደሚያኖር ዘ አትሌቲክ ዘግቧል፡፡ ሮጀርስ ለሰማያዊዎቹ ለስድስት ዓመታት የሚያቆይ ውል እንደሚፈርም የሚጠበቅ ሲሆን፥ ለተጨማሪ አንድ ዓመት በስታምፎርድ ብሪጅ የሚያቆይ አማራጭ በውሉ ተካትቷል፡፡ የህክምና ምርመራን ጨምሮ ቀሪ ጉዳዮችን የፊታችን ሰኞ ለማጠናቀቅ ቀጠሮ መያዙ ዘገባው አመልክቷል፡፡ ሻምፒዮኑ አርሰናል የሞርጋን ሮጀርስ ከፍተኛ ፈላጊ መሆኑ ሲገለጽ ቢቆይም ተጫዋቹ ቼልሲን ምርጫው ማድረጉ ነው የተገለጸው፡፡ በመልካም ፈቃዱ

36 545

ለዋንጫ የተገመተችው ፈረንሳይ ለደረጃ ትጫወታለች አዲስ አበባ፣ ሐምሌ 11፣ 2018 (ኤፍ ኤም ሲ) የ2026 የዓለም ዋንጫ የደረጃ ጨዋታ በፈረንሳይ እና እንግሊዝ መካከል ይደረጋል፡፡ ለዋንጫው ተጠብቃ የነበረችው ፈረንሳይ ጉዞዋ በግማሽ ፍጻሜው በስፔን ተገትቶ የደረጃ ጨዋታ ለማድረግ ተገድዳለች፡፡ ፈረንሳይ በፈረንጆቹ 1998 እና 2018 የዓለም ዋንጫን ያሳካች ሲሆን፤ ለሦስተኛ ጊዜ በመድረኩ ሻምፒዮን የመሆን ሕልሟ በስፔን ብሔራዊ ቡድን ሳይሳካ ቀርቷል፡፡ ፈረንሳይ የግማሽ ፍጻሜ ጨዋታውን አሸንፋ ቢሆን ለተከታታይ ሦስተኛ ጊዜ የዓለም ዋንጫ ፍጻሜ ላይ በመገኘት ታሪክ የመስራት ዕድል ነበራት፡፡ ፈረንሳይ በዘንድሮው የዓለም ዋንጫ ከሴኔጋል፣ ኢራቅ፣ ኖርዌይ፣ ስዊድን፣ ፓራጓይ እና ከሞሮኮ ጋር ያደረገቻቸውን ጨዋታዎች ብታሸንፍም በግማሽ ፍጻሜው በስፔን ተሸንፋ ዋንጫ የማሳካት ጉዞዋ ከመንገድ ላይ ቀርቷል፡፡ በአሰልጣኝ ዲዴ ዴሻምፕ የምትመራው ፈረንሳይ እስከ ግማሽ ፍጻሜ ድረስ ባደረገቻቸው ጨዋታዎች 16 ግቦችን ተጋጣሚዎቿ ላይ አስቆጥራ፤ የተቆጠረባት አራት ግብ ነው፡፡ አሰልጣኝ ዲዴ ዴሻምፕ የፈረንሳይ ብሔራዊ ቡድንን እየመሩ የመጨረሻ ጨዋታቸውን የሚያደርጉ ሲሆን፤ ከዚህ ጨዋታ በኋላ ከብሔራዊ ቡድኑ ጋር የሚለያዩ ይሆናል፡፡ https://web.facebook.com/share/p/1DGmo1Ha39/

36 545

ጋዜጣ ሲያነቡ ባገኙት የስራ ማስታወቂያ ወደ ብሔራዊ ቡድን አሰልጣኝነት የመጡት ሉዊስ ዴላፎንቴ አዲስ አበባ፣ ሐምሌ 11፣ 2018 (ኤፍ ኤም ሲ) ወቅቱ የስፔን እግር ኳስ ፌዴሬሽን ብሔራዊ ቡድኑን ወደ አሸናፊነት የሚያመጣ ሰው የሚፈልግበት ጊዜ ነበር፡፡ ግን በቂ ገንዘብ ስላልነበረው በክፍያ የማይደራደር እና በሚሰጠው እድል ተስማምቶ የሚሰራ አሰልጣኝ ለአዳጊ ቡድን እንፈልጋለን የሚል ማስታወቂያ በጋዜጣ አወጣ። ወቅቱ ሉዊስ ዴላፎንቴ ከዲፖርቲቮ አላቬስ ጋር ተለያይተው ለ18 ወራት ያለ ስራ የተቀመጡበት ነበር። ዴላፎንቴ በወቅቱ በፌዴሬሽኑ ውስጥ ይሰሩ የነበሩትን ኢኛኪ ሳኤዝን በስልክ ያነጋገሩ ሲሆን፤ ሳኤዝም ሀሳቡን ደግፈው ለእግር ኳስ ፌዴሬሽኑ ጥቆማ ሰጡ። በወቅቱ የፌዴሬሽኑ የቅጥር ኃላፊ የነበሩት ጊኔስ መሌንዴዝ ከዴላፎንቴ ጋር ማድሪድ ውስጥ ከተወያዩ በኋላ ለ3 ወራት በሚቆይ አጭር የሙከራ ጊዜ ውል የእድሜ እርከን ቡድኑ አሰልጣኝ አድርገው ቀጠሯቸው። ሉዊስ ዴላፎንቴ በጋዜጣ በወጣ ክፍት የስራ ቦታ ማስታወቂያ እግራቸው የስፔን እግር ኳስ ፌዴሬሽን ደጅ ደረሰ። የዴላፎንቴን የሕይወት ታሪክና ውጣ ውረድ በመጽሐፍ መልክ ያዘጋጀው ኤድዋርድ ቨርዱ በወቅቱ የነበረውን ሁነት ሲገልጽ፤ “እሱ የመጣው በጊዜያዊ ውል እና በብሔራዊ ቡድኑ ውስጥ ያለው ቆይታ በማንኛውም ሰዓት ሊያበቃ ይችላል በሚል ስሜት ነበር” ሲል የዴላፎንቴን የመጀመሪያ ቅጥር ያስታውሰዋል። https://web.facebook.com/share/p/19Cdfj7kJK/

36 545

ሊቨርፑል የዶሚኒክ ሶቦዝላይን ውል አራዘመ አዲስ አበባ፣ ሐምሌ 10፣ 2018 (ኤፍ ኤም ሲ) የመርሲሳይዱ ክለብ ሊቨርፑል የመሐል ሜዳ ተጫዋቹን ዶሚኒክ ሶቦዝላይ ውል ለተጨማሪ ዓመታት ማራዘሙን ይፋ አድርጓል፡፡ ዶሚኒክ ሶቦዝላይ በውሉ መሰረት በሊቨርፑል ቤት እስከ ፈረንጆቹ 2031 ድረስ የሚቆይ ይሆናል፡፡ ሶቦዝላይ በፈረንጆቹ 2023 ከጀርመኑ ክለብ አርቢ ሌፕዚሽ ቀዮቹን መቀላቀሉ ይታወሳል፡፡ ተጫዋቹ በተጠናቀቀው የውድድር ዓመት ለሊቨርፑል በሁሉም ውድድሮች ባደረጋቸው 53 ጨዋታዎች 13 ግቦችን አስቆጥሮ 12 ለግብ የሚሆኑ ኳሶችን አመቻችቶ አቀብሏል፡፡ ሶቦዝላይ ሊቨርፑል ለ2026/27 የውድድር ዓመት የአውሮፓ ሻምፒየንስ ሊግ ተሳትፎ ቦታን ይዞ እንዲያጠናቀቅ ትልቅ ሚና ከነበራቸው ተጫዋቾች መካከል አንዱ ነው፡፡ ሶቦዝላይ በተጠናቀቀው የውድድር ዓመት የሊቨርፑል የዓመቱ ምርጥ ተጫዋች ተብሎ መመረጡ ይታወሳል፡፡ ዶሞኒክ ስቦዝላይ ሊቨርፑልን ከተቀላቀለ ጀምሮ እስካሁን ድረስ በሁሉም ውድድሮች 147 ጨዋታዎችን አድርጎ 28 ግቦችን አስቆጥሯል፡፡ የ25 ዓመቱ ተጫዋች በ2024/25 የውድድር ዓመት ከሊቨርፑል ጋር የእንግሊዝ ፕሪሚየር ሊግ ዋንጫን አሳክቷል፡፡

36 545

ፔሌ በ1958ቱ የዓለም ዋንጫ ፍጻሜ የለበሰው ማሊያ 4 ነጥብ 9 ሚሊየን ዶላር ተሸጠ አዲስ አበባ፣ ሐምሌ 10፣ 2018 (ኤፍ ኤም ሲ) የቀድሞው የብራዚል ብሔራዊ ቡድን ተጫዋች ፔሌ በ1958ቱ የዓለም ዋንጫ የፍጻሜ ጨዋታ ላይ የለበሰው ማሊያ 4 ነጥብ 9 ሚሊየን ዶላር ተሽጧል፡፡ በዚያ ዓለም ዋንጫ ብራዚል ስዊድንን በማሸነፍ የዋንጫው ባለቤት በሆነችበት የፍጻሜ ጨዋታ ላይ ፔሌ ሁለት ግቦቸን አስቆጥሮ ነበር፡፡ በወቅቱ የመጀመሪያውን የዓለም ዋንጫ ሲያሳካ የ17 ዓመት ወጣት የነበረው ፔሌ የዓለም ዋንጫን ማሸነፍ የቻለ በዕድሜ ትንሹ ተጫዋች ነው፡፡ በአጠቃላይ ሦስት ጊዜ ከሀገሩ ብራዚል ጋር የዓለም ዋንጫን ማሳካት የቻለ ሲሆን፥ በዓለም ዋንጫ የፍጻሜ ጨዋታ ግብ ያስቆጠረ በዕድሜ ትንሹ ተጫዋች (17) በመሆን አሁንም ድረስ ክብረወሰኑን ይዞ ይገኛል። በ1986 የዓለም ዋንጫ ላይ ዲያጎ ማራዶና በእንግሊዝ ላይ 'የእግዜር እጅ' በመባል የሚታወቀውን ግብ ሲያስቆጥር የለበሰው ማሊያ በ2022 በ7 ነጥብ 1 ሚሊየን ፓውንድ መሸጡ ይታወሳል፡፡ የፔሌ ማሊያ ከአርጀንቲና ብሔራዊ ቡድን የቀድሞ ተጫዋች ማራዶና ቀጥሎ ከፍተኛ ዋጋ የወጣለት የእግር ኳስ ማሊያ ሆኗል። በወንድማገኝ ጸጋዬ