FMC Sport ፋና ስፖርት

Open in Telegram

This is Fana Media Corporation’s (FMC) Sport official Telegram channel. For more updates please visit https://fanamc.com/amharic/

Ethiopia905 Sports1 889...

📈 Analytical overview of Telegram channel FMC Sport ፋና ስፖርት

Channel FMC Sport ፋና ስፖርት (@fmcsport) in the Amharic language segment is an active participant. Currently, the community unites 36 470 subscribers, ranking 1 889 in the Sports category and 905 in the Ethiopia region.

📊 Audience metrics and dynamics

Since its creation on невідомо, the project has demonstrated rapid growth, gathering an audience of 36 470 subscribers.

According to the latest data from 22 June, 2026, the channel demonstrates stable activity. Although there has been a change in the number of participants by -444 over the last 30 days and by -14 over the last 24 hours, overall reach remains high.

Verification status: Not verified
Engagement rate (ER): The average audience engagement rate is 5.79%. Within the first 24 hours after publication, content typically collects 4.26% reactions from the total number of subscribers.
Post reach: On average, each post receives 2 112 views. Within the first day, a publication typically gains 1 554 views.
Reactions and interaction: The audience actively supports content: the average number of reactions per post is 4.

📝 Description and content policy

The author describes the resource as a platform for expressing subjective opinions:
“This is Fana Media Corporation’s (FMC) Sport official Telegram channel. For more updates please visit https://fanamc.com/amharic/”

Thanks to the high frequency of updates (latest data received on 23 June, 2026), the channel maintains relevance and a high level of publication reach. Analytics show that the audience actively interacts with content, making it an important point of influence in the Sports category.

36 470

Subscribers

-1424 hours

-697 days

-44430 days

2 112

Post views

~ 1 55424 hours

~ 1 85048 hours

5.79%

Engagement rate

~ 7

Posts per day

Ads index

beta

Posts Archive

36 469

አርጀንቲና ጥሎ ማለፉን ተቀላቀለች አዲስ አበባ፣ ሰኔ 15፣ 2018 (ኤፍ ኤም ሲ) በዓለም ዋንጫ የምድብ 2ኛ ጨዋታ አርጀንቲና ኦስትሪያን 2 ለ 0 በሆነ ውጤት አሸንፋለች። የአርጀንቲናን ሁለቱንም የማሸነፊያ ግቦች ሊዮኔል ሜሲ ከመረብ አሳርፏል። ይህን ተከትሎም አርጀንቲና ስድስት ነጥቦችን በመሰብሰብ ከወዲሁ ወደ ጥሎ ማለፉ መቀላቀሏን አረጋግጣለች። ሜሲ በዓለም ዋንጫ ታሪክ 18 ግቦችን በማስቆጠር የዓለም ዋንጫ የምንጊዜም ከፍተኛ ግብ አስቆጣሪነት ክብረ ወሰንን መስበር ችሏል።

36 469

ሊዮኔል ሜሲ የዓለም ዋንጫ የምንጊዜም ከፍተኛ ግብ አስቆጣሪነት ክብረ ወሰንን ሰበረ አዲስ አበባ፣ ሰኔ 15፣ 2018 (ኤፍ ኤም ሲ) የእግር ኳስ ጥበበኛው ሊዮኔል ሜሲ በዓለም ዋንጫ ታሪክ ውስጥ የማይረሳ አዲስ ታሪክ በመጻፍ የምንጊዜም ከፍተኛ ግብ አስቆጣሪነት ክብረ ወሰንን መስበር ችሏል፡፡ ምሽት 2 ሰዓት ላይ መካሄድ በጀመረው እጅግ አስደናቂ ጨዋታ ላይ ሜሲ ክብረ ወሰን መስበር ያስቻለችውን ታሪካዊ ግብ ከመረብ አሳርፏል፡፡ በዓለም ዋንጫ መድረክ ያስቆጠራት 17ኛዋ ግብ በጀርመናዊው ኮከብ ሚሮስላቭ ክሎዝ በ16 ግቦች ተይዞ የነበረውን የምንጊዜም ከፍተኛ ግብ አስቆጣሪነት ታሪካዊ ክብረ ወሰን በይፋ የግሉ እንዲያደርግ አስችላዋለች፡፡

36 469

አርባምንጭ ከተማ ወደ ከፍተኛ ሊግ ወረደ አዲስ አበባ፣ ሰኔ 15፣ 2018 (ኤፍ ኤም ሲ) አርባምንጭ ከተማ ወደ ከፍተኛ ሊግ መውረዱ ተረጋግጧል፡፡ በ36ኛ ሳምንት የሲቢኢ ኢትዮጵያ ፕሪሚየር ሊግ መርሐ ግብር ፋሲል ከነማ አርባምንጭ ከተማን 2 ለ 0 አሸንፏል፡፡ በአዳማ ሳይንስና ቴክኖሎጂ ዩኒቨርሲቲ ስታዲየም ቀን 9 ሰዓት ላይ በተደረገው ጨዋታ የፋሲል ከነማን የማሸነፊያ ሁለት ግቦች ታምራት ኢያሱ አስቆጥሯል፡፡ ውጤቱን ተከትሎ አርባ ምንጭ ከተማ ቀሪ ሁለት ጨዋታዎች እያሉት ወደ ከፍተኛ ሊግ መውረዱ ተረጋግጧል። አርባምንጭ ከተማ ከ2018 የሲቢኢ ኢትዮጵያ ፕሪምየር ሊግ የወረደ የመጀመሪያው ክለብ ሆኗል። በተመሳሳይ ሰዓት በአበበ ቢቂላ ስታዲየም በተካሄደው ጨዋታ ኢትዮ ኤሌክትሪክ ወላይታ ድቻን 2 ለ 1 አሸንፏል፡፡ የኢትዮ ኤሌክትሪክን የማሸነፊያ ግቦች በረከት ወልደዮሐንስ እና አቤል ሀብታሙ ከመረብ አሳርፈዋል፡፡ ወላይታ ድቻን ከሽንፈት ያልታደገውን ግብ ያሬድ ዳርዛ አስቆጥሯል፡፡ የሊጉ ጨዋታ ሲቀጥል በአዳማ ሳይንስና ቴክኖሎጂ ዩኒቨርሲቲ ስታዲየም ምሽት 12 ሰዓት ላይ ወልዋሎ ዓዲግራት ዩኒቨርሲቲ ከሀድያ ሆሳዕና ይገናኛሉ፡፡

36 469

ስፔን ከሳዑዲ አረቢያ… አዲስ አበባ፣ ሰኔ 14፣ 2018 (ኤፍ ኤም ሲ) በአሜሪካ፣ ሜክሲኮ እና ካናዳ አዘጋጅነት እየተካሄደ በሚገኘው የ2026 የዓለም ዋንጫ የምድብ 2ኛ ጨዋታዎች ዛሬም ቀጥለው ይደረጋሉ፡፡ በምድብ 8 የምትገኘው ስፔን ምሽት 1 ሰዓት ላይ ከሳዑዲ አረቢያ ጋር የምድብ ሁለተኛ ጨዋታዋን ታደርጋለች፡፡ በ2026 የዓለም ዋንጫ ለሻምፒዮንነት ቅድመ ግምት የተሰጣት ስፔን በውድድሩ የመጀመሪያ ሦስት ነጥብ ለማሳካት ወደ ሜዳ የምትገባ ይሆናል፡፡ ተጋጣሚዋ ሳዑዲ አረቢያም በተመሳሳይ በውድድሩ ሦስት ነጥብ ለማሳካት የምታደርገው ፍልሚያ ይጠበቃል፡፡ በዚሁ ምድብ የሚገኙት ዩራጋይ እና ኬፕቨርዴ ሌሊት 7 ሰዓት ላይ ጨዋታቸውን ያደርጋሉ፡፡ በምድብ-7 ቤልጂየም ከኢራን ምሽት 4 ሰዓት ላይ እንዲሁም ኒውዚላንድ ከግብጽ ሌሊት 10 ሰዓት ላይ ይገናኛሉ፡፡

36 469

ቱኒዚያ በዓለም ዋንጫው ሦስተኛዋ ተሰናባች ሀገር ሆነች አዲስ አበባ፣ ሰኔ 14፣ 2018 (ኤፍ ኤም ሲ) በአሜሪካ፣ ሜክሲኮ እና ካናዳ አዘጋጅነት እየተካሄደ በሚገኘው የ2026 የዓለም ዋንጫ የምድብ 2ኛ ጨዋታዎች እየተደረጉ ይገኛሉ፡፡ ዛሬ ጠዋት 1 ሰዓት ላይ በምድብ 6 የምትገኘው ጃፓን ቱኒዚያን 4 ለ 0 በሆነ ሰፊ የግብ ልዩነት አሸንፋለች፡፡ የጃፓንን የማሸነፊያ ግቦች ካማዳ፣ ጁንያ ኢቶ እና አያስ ኤዳ (2) አስቆጥረዋል፡፡ ጃፓን አራት ነጥብ በመሰብሰብ በኔዘርላድስ በግብ ክፍያ ተበልጣ በምድቡ 2ኛ ደረጃ ላይ መቀመጥ ችላለች፡፡ ሰሜን አፍሪካዊቷ ሀገር ቱኒዚያ ቱርክዬ እና ሄይቲን በመከተል ከውድድሩ መሰናበቷ የተረጋገጠ ሲሆን፥ በቀጣይ የምድብ 3ኛ ጨዋታዋን ለመርሐ ግብር ማሟያ ከኔዘርላንድስ ጋር ታደርጋለች፡፡ ቱኒዚያ ከመጀመሪያ የምድብ ጨዋታ በኋላ አሰልጣኝ ብትቀይርም ከምድቡ ማለፍ ሳትችል ቀርታለች፡፡ ትናንት ምሽት በዚሁ ምድብ በተደረገ ጨዋታ ኔዘርላንድስ ስዊድንን 5 ለ 1 በሆነ ሰፊ የግብ ልዩነት ማሸነፏ ይታወቃል፡፡ በሌላ የምሽቱ ጨዋታ ጀርመን ኮትዲቯርን 2 ለ 1 ስታሸንፍ፥ ኢኳዶር ከኩራሳኦ ያለ ግብ አቻ ተለያይተዋል፡፡

36 469

በኢትዮጵያ ፕሪሚየር ሊግ ዛሬ አራት ጨዋታዎች ይደረጋሉ አዲስ አበባ፣ ሰኔ 14፣ 2018 (ኤፍ ኤም ሲ) በ36ኛ ሳምንት የሲቢኢ ኢትዮጵያ ፕሪሚየር ሊግ መርሐ ግብር በዛሬው ዕለት አራት ጨዋታዎች ይደረጋሉ፡፡ በዕለቱ የመጀመሪያ ጨዋታ ሀዋሳ ከተማ ከባህር ዳር ከተማ ቀን 7 ሰዓት ላይ በአበበ ቢቂላ ስታዲየም ጨዋታቸውን ያደርጋሉ፡፡ በተመሳሳይ ስታዲየም ቀን 10 ሰዓት ላይ መቐለ 70 እንደርታ ከአዳማ ከተማ ይገናኛሉ፡፡ መቻል ከኢትዮጵያ መድን ቀን 9 ሰዓት እንዲሁም ምድረ ገነት ሽረ ከቅዱስ ጊዮርጊስ ምሽት 12 ሰዓት ላይ በአዳማ ሳይንስና ቴክኖሎጂ ዩኒቨርሲቲ ስታዲየም ጨዋታቸውን ያደርጋሉ፡፡

36 469

ሲዳማ ቡና የኢትዮጵያ ፕሪሚየር ሊግ ሻምፒዮን ሆነ አዲስ አበባ፣ ሰኔ 13፣ 2018 (ኤፍ ኤም ሲ) ሲዳማ ቡና በታሪኩ ለመጀመሪያ ጊዜ የሲቢኢ ኢትዮጵያ ፕሪሚየር ሊግ ሻምፒዮን ሆኗል። በ36ኛ ሳምንት የሲቢኢ ኢትዮጵያ ፕሪሚየር ሊግ መርሐ ግብር በአዲስ አበባ ስታዲየም ቀን 10 ሰዓት ላይ ከነገሌ አርሲ ጋር የተገናኘው ሲዳማ ቡና 1 ለ 1 በሆነ አቻ ውጤት ተለያይቷል፡፡ ይህን ተከትሎም ሲዳማ ቡና ሁለት ቀሪ ጨዋታዎች እያሉት የሊጉ ሻምፒዮን መሆኑን አረጋግጧል። በጨዋታው የመጀመሪያ አጋማሽ ብርሃኑ በቀለ ባስቆጠራት ግብ ሲዳማ ቡናን መሪ ሲያደርግ በረከት ወልዴ ደግሞ በፍጹም ቅጣት ምት ባስቆጠራት ግብ ነጌሌ አርሲን አቻ ማድረግ ችሏል።

36 469

ሲዳማ ቡና ሻምፒዮንነቱን ለማረጋገጥ… አዲስ አበባ፣ ሰኔ 13፣ 2018 (ኤፍ ኤም ሲ) በ36ኛ ሳምንት የሲቢኢ ኢትዮጵያ ፕሪሚየር ሊግ መርሐ ግብር በዛሬው ዕለት ሦስት ጨዋታዎች ይደረጋሉ። በአዲስ አበባ ስታዲየም ቀን 10 ሰዓት ላይ የሳምንቱ ተጠባቂ ጨዋታ በሲዳማ ቡና እና በነገሌ አርሲ መካከል ይደረጋል። የሊጉ መሪ ሲዳማ ቡና ከዛሬው ጨዋታ አንድ ነጥብ የሚያገኝ ወይም ድል የሚያደርግ ከሆነ ቀሪ ሁለት መርሐ ግብሮች እያሉት ሻምፒዮን መሆኑን ያረጋግጣል። በዚህም በታሪኩ ለመጀመሪያ ጊዜ የሊጉ ሻምፒዮን ይሆናል። ተጋጣሚው ነገሌ አርሲ ጨዋታውን የሚያሸንፍ ከሆነ ደግሞ በዋንጫ ፉክክር ውስጥ የሚቆይ ይሆናል። ሲዳማ ቡናም የሊጉ ሻምፒዮንነቱን ለማረጋገጥ ቀጣይ ጨዋታዎችን ለመጠበቅ ይገደዳል። ሲዳማ ቡና ከዚህ ቀደም በ2002 እና በ2011 ዓ.ም የሊጉን ዋንጫ ለማንሳት ተቃርቦ ሳይሳካለት መቅረቱ ይታወሳል። በተመሳሳይ ስታዲየም ቀን 7 ሰዓት ላይ ኢትዮጵያ ንግድ ባንክ ከኢትዮጵያ ቡና ጨዋታቸውን ያደርጋሉ። በአዳማ ሳይንስና ቴክኖሎጂ ዩኒቨርሲቲ ስታዲየም ደግሞ ቀን 10 ሰዓት ላይ ድሬዳዋ ከተማ ከሸገር ከተማ ይገናኛሉ። ሲዳማ ቡና ሊጉን በ64 ነጥብ ሲመራ ነገሌ አርሲ በ56 ነጥብ ይከተላል። አቤል ያለው እና ናትናኤል ዳንኤል በተመሳሳይ 14 ግቦች የሊጉን ከፍተኛ ግብ አስቆጣሪነት ደረጃ እየመሩ ይገኛሉ። ታምራት ኢያሱ በ12 እንዲሁም አዲስ ግደይ በ11 ግቦች ይከተላሉ።

36 469

የዓለም ዋንጫው የምድብ 2ኛ ጨዋታዎች… አዲስ አበባ፣ ሰኔ 10፣ 2018 (ኤፍ ኤም ሲ) በአሜሪካ፣ ሜክሲኮ እና ካናዳ አዘጋጅነት እየተካሄደ በሚገኘው የ2026 የዓለም ዋንጫ የምድብ 2ኛ ጨዋታዎች ዛሬም ቀጥለው ይደረጋሉ፡፡ በምድብ አራት የምትገኘው አዘጋጇ ሀገር አሜሪካ ምሽት 4 ሰዓት ላይ ከአውስትራሊያ ጋር ጨዋታዋን ታደርጋለች፡፡ በምድብ የመጀመሪያ ጨዋታ አሜሪካ ፓራጓይን እንዲሁም አውስትራሊያ ቱርክዬን በማሸነፍ በግብ ክፍያ ተበላልጠው በምድቡ 1ኛ እና 2ኛ ደረጃ ላይ ተቀምጠዋል፡፡ በዚሁ ምድብ በመጀመሪያ ጨዋታዎቻቸው ሽንፈት ያስተናገዱት ቱርክዬ እና ፓራጓይ የመጀመሪያ ነጥባቸውን ለማሳካት ነገ ማለዳ 12 ሰዓት ላይ ጨዋታቸውን ያደርጋሉ፡፡ በሌሎች የምድብ 2ኛ ጨዋታዎች ምድብ ሦስትን እየመራች የምትገኘው ስኮትላንድ ከሞሮኮ ዛሬ ሌሊት 7 ሰዓት ሲገናኙ፥ በዚሁ ምድብ ብራዚል የመጀመሪያ ድሏን ለማሳካት ሌሊት 9 ሰዓት ከ30 ሄይቲን ትገጥማለች፡፡

36 469

የእንግሊዝ ፕሪሚየር ሊግ መርሐ ግብር ይፋ ሆነ አዲስ አበባ፣ ሰኔ 12፣ 2018 (ኤፍ ኤም ሲ) የእንግሊዝ ፕሪሚየር ሊግ የ2026/27 የውድድር ዘመን የጨዋታ መርሐ ግብር ይፋ ተደርጓል፡፡ ሻምፒዮኑ አርሰናል በሜዳው ኢምሬትስ ከአዲስ አዳጊው ኮቬንትሪ ሲቲ ጋር የሊጉን የመክፈቻ ጨዋታውን ያደርጋል። በአዲሱ አሰልጣኝ ኢንዞ ማሬስካ የሚመራው ማንችስተር ሲቲ በሜዳው ከ በርንማውዝ የመጀመሪያ ሳምንት ጨዋታውን የሚያደርግ ይሆናል፡፡ በአሰልጣኝ ማይክል ካሪክ የሚመራው ማንቼስተር ዩናይትድ በበኩሉ ወደ ሊጉ ካደገው ሃል ሲቲ ጋር በመጀመሪያ ሳምንት ጨዋታው ይገናኛል፡፡ አንዶኒ ኢራኦላን በኋላፊነት የሾመው ሊቨርፑል ከኒውካስል ዩናይትድ የመጀመሪያ ሳምንት ጨዋታውን ያደርጋል፡፡ ከአውሮፓ ውድድሮች ውጪ ሆኖ የውድድር ዓመቱን ያጠናቀቀው ቼልሲ በመጀመሪያ ሳምንት ከፉልሀም ጨዋታውን ያደርጋል፡፡ ሌላኛው ወደ ሊጉ ያደገው ኢፕስዊች ታውን የመጀመሪያ ሳምንት ጨዋታውን ከሰንደርላንድ ጋር የሚያደርግ ይሆናል፡፡ የወቅቱ የሊጉ ሻምፒዮን አርሰናል በ3ኛ ሳምንት የሊጉ መርሐ ግብር በሜዳው ቼልሲን የሚያስተናግድበት ጨዋታ ተጠባቂ ነው፡፡ በሊጉ ከሚጠበቁ ጨዋታዎች መካከል አንዱ የሆነው የአርሰናል እና ማንቼስተር ዩናይትድ ጨዋታ በ16ኛ ሳምንት በኢምሬትስ ስታዲየም ይካሄዳል፡፡ ተጠባቂው የማንቼስተር ደርቢ ጨዋታ በ4ኛ ሳምንት የሊጉ መርሐ ግብር በኦልድትራፎርድ ይደርጋል፡፡ የላንክሻር ደርቢ ጨዋታ ደግሞ በአንፊልድ ሮድ ስታዲየም በ11ኛ ሳምንት የሚካሄድ ይሆናል፡፡ በመርሐ ግብሩ መሰረት አዲሱ የእንግሊዝ ፕሪሚየር ሊግ የውድድር ዘመን ነሐሴ 15 ቀን 2018 ዓ.ም የሚጀመር ይሆናል፡፡

36 469

ሮናልዶ የቡድኑ ድክመት ከደቂቃዎች በኋላ በኤክስትራ ታይም ስፖርት ቀጥታ ስርጭት ይጠብቁን #ስፖርት_ፖድካስት #ፖድካስት #ፋናፖድካስት #ፋናሚዲያኮርፖሬሽን #fanapodcast #fanadigitalmedia #fanamediacorporation #PoodkaastiiFaanaa #fanadigitalmedia فانا_عربي_بودكاست

36 469

ደቡብ አፍሪካና ቼክ ሪፐብሊክ አቻ ተለያዩ አዲስ አበባ፣ ሰኔ 11፣ 2018 (ኤፍ ኤም ሲ) በዓለም ዋንጫ የምድብ አንድ 2ኛ ጨዋታ ደቡብ አፍሪካ እና ቼክ ሪፐብሊክ 1 ለ 1 በሆነ ውጤት ተለያይተዋል፡፡ የቼክ ሪፐብሊክን ግብ ሚሼል ሳዲሌክ ሲያስቆጥር÷የደቡብ አፍሪካን የአቻነት ግብ ደግሞ ሞክዌና ከመረብ አሳርፏል፡፡ የቼክ ሪፐብሊክ ግብ በ2026 ዓለም ዋንጫ እስካሁን ከተመዘገቡት ግቦች ውስጥ ፈጣኗ መሆን ችላለች፡፡

36 469

በዓለም ዋንጫ የጋሪ ሊንከርን ክብረ ወሰን የተጋራው ሃሪ ኬን… አዲስ አበባ፣ ሰኔ 11፣ 2018 (ኤፍ ኤም ሲ) እንግሊዛዊው የፊት መስመር ተጫዋች ሃሪ ኬን በዓለም ዋንጫ ውድድር በርካታ ግቦችን በማስቆጠር የሀገሩን ልጅ ጋሪ ሊንከር ክብረ ወሰን ተጋርቷል፡፡ በአሜሪካ፣ ሜክሲኮ እና ካናዳ አዘጋጅነት እየተካሄደ በሚገኘው የ2026 የዓለም ዋንጫ የምድብ የመጀመሪያ ዙር ጨዋታ ትናንት ምሽት እንግሊዝ ክሮሺን 4 ለ 2 ማሸነፏ ይታወቃል፡፡ እንግሊዛዊው የ32 ዓመቱ… https://www.fanamc.com/archives/316987

36 469

በዓለም ዋንጫ የከፍተኛ ግብ አስቆጣሪነት ክብረወሰንን የተጋራው ሊዮ ሜሲ.. አዲስ አበባ፣ ሰኔ 10፣ 2018 (ኤፍ ኤም ሲ) በስድስት የዓለም ዋንጫ ውድድሮች በመጫወት ክብረወሰን ያስመዘገበው ሊዮኔል ሜሲ በ16 ግቦች የዓለም ዋንጫ የምንጊዜም ከፍተኛ ግብ አስቆጣሪነትን ክብረ ወሰን ተጋርቷል፡፡ በፈረንጆቹ 2006 በጀርመን ዓለም ዋንጫ በ18 አመቱ ሀገሩን ወክሎ መጫወት የጀመረው የሮዛሪዮው ተወላጅ ሊዮኔል አንድሬስ ሜሲ የዘንድሮውን ጨምሮ በስድስት የዓለም ዋንጫዎች ተሳትፏል፡፡ ትናንት ምሽት አርጀንቲና አልጀሪያን 3 ለ 0 ባሸነፈችበት የምድብ የመጀመሪያ ጨዋታ ሦስቱንም ግቦች በማስቆጠር ሀትሪክ የሰራው ሜሲ የዓለም መነጋገሪያ ሆኗል፡፡ ለሀገሩ አርጀንቲና እስካሁን 200 ጨዋታዎችን ያደረገው የ38 አመቱ ኮከብ በጀርመናዊው ሚሮስላቭ ክሎስ ተይዞ የነበረውን የምንጊዜም የውድድሩ ከፍተኛ ግብ አስቆጣሪነት ክብረወሰን ተጋርቷል፡፡ የ2022ቱ የኳታር ዓለም ዋንጫ አሸናፊው ሜሲ አሁንም የቡድኑ ቁልፍ ተጫዋች መሆኑን ከማስመስከር ባሻገር ሀገሩ በዘንድሮውም ዓለም ዋንጫ ለአሸናፊነት እንድትታጭ አስችሏል፡፡ የዘንድሮውን የዓለም ዋንጫ ጅማሮ በሀትሪክ ያሳመረው ሊዮ ሜሲ በቀጣይ ጨዋታዎች ክብረ ወሰኑን የግሉ የማድረግ ሰፊ እድል አለው፡፡ የ26 አመቱ ፈረንሳዊ ኪሊያን ምባፔ ትናንት ምሽት ሀገሩ ሴኔጋልን ባሸነፈችበት ጨዋታ ያስቆጠራቸውን ሁለት ግቦች ጨምሮ 14 ግቦችን ከመረብ ያሳረፈ ሲሆን፥ ክብረ ወሰኑን የግሉ ለማድረግ ከሜሲ ጋር ተፋጧል፡፡ ሊዮኔል ሜሲ በተጨማሪም በዓለም ዋንጫ ታሪክ በአንድ ጨዋታ ሦስት ግቦችን ያሰቆጠረ በእድሜ አንጋፋው ተጫዋች በመሆን ተጨማሪ ክብረ ወሰን የግሉ አድርጓል፡፡ በአቤል ነዋይ

36 469

ፖርቹጋል ከኮንጎ ዴሞክራቲክ ሪፐብሊክ.. አዲስ አበባ፣ ሰኔ 10፣ 2018 (ኤፍ ኤም ሲ) በዓለም ዋንጫው የክሪስቲያኖ ሮናልዶ ሀገር ፖርቹጋል የመጀመሪያ የምድብ ጨዋታዋን ዛሬ ምሽት ታደርጋለች፡፡ ፖርቹጋል ምሽት 2 ሰዓት ላይ ከኮንጎ ዴሞክራቲክ ሪፐብሊክ ጋር በሂውስተን ስታዲየም በምታደርገው ጨዋታ የማሸነፍ ቅድመ ግምት ተሰጥቷታል፡፡ የመጨረሻው የዓለም ዋንጫ ተሳትፎውን የሚያደርገው ፖርቹጋላዊ ኮከብ በጨዋታው ልዩነት ፈጣሪ እንደሚሆን ይጠበቃል፡፡ በአውሮፓ የተለያዩ ክለቦች ቁልፍ… https://www.fanamc.com/archives/316942

36 469

ሩበን አሞሪም የኤሲሚላን አሰልጣኝ ሆኑ አዲስ አበባ፣ ሰኔ 9፣ 2018 (ኤፍ ኤም ሲ) የማንቼስተር ዩናይትድ የቀድሞ አሰልጣኝ ሩበን አሞሪም የኤሲሚላን አሰልጣኝ ሆነው ተሾሙ፡፡ አሰልጣኙ በጣሊያኑ ክለብ ኤሲሚላን እስከ ፈረንጆቹ 2028 የሚያቆያቸውን ውል ነው የተፈራረሙት፡፡ የ41 ዓመቱ አሰልጣኝ ማንቼስተር ዩናይትድን ለ14 ወራት ማሰልጠን ቢችሉም በውጤት ማጣት ምክንያት መሰናበታቸው አይዘነጋም፡፡ ኤሲሚላን በተጠናቀቀው የውድድር ዓመት በሴሪ ኤው 5ኛ ደረጃን ይዞ ማጠናቀቁ ይታወሳል፡፡

36 469

ወላይታ ድቻ ባሕር ዳር ከተማን አሸነፈ አዲስ አበባ፣ ሰኔ 9፣ 2018 (ኤፍ ኤም ሲ) በ35ኛ ሳምንት ሲቢኢ የኢትዮጵያ ፕሪሚየር ሊግ መርሐ ግብር ወላይታ ድቻ ባሕር ዳር ከተማን 2 ለ 0 አሸንፏል፡፡ ቀን 10 ሰዓት ላይ በአዲስ አበባ ስታዲየም በተደረገው ጨዋታ የወላይታ ድቻን የማሸነፊያ ሁለት ግቦች ያሬድ ዳርዛ አስቆጥሯል፡፡ በተመሳሳይ ስታዲየም አስቀድሞ ቀን 7 ሰዓት ላይ የተገናኙት ኢትዮ ኤሌክትሪክ እና መቐለ 70 እንደርታ ያለምንም ግብ አቻ መለያየታቸው ይታወቃል፡፡ በአዳማ ሳይንስና ቴክኖሎጂ ዩኒቨርሲቲ ስታዲየም ቀን 10 ሰዓት ላይ የተገናኙት ሸገር ከተማ እና ወልዋሎ ዓዲግራት ዩኒቨርሲቲ ያለምንም ግብ አቻ ተለያይተዋል፡፡

36 469

ሪያል ማድሪድ የአንቶኒዮ ሩዲገርን ውል አራዘመ አዲስ አበባ፣ ሰኔ 9፣ 2018 (ኤፍ ኤም ሲ) ሪያል ማድሪድ የተከላካዩን አንቶኒዮ ሩዲገር ውል ለተጨማሪ አንድ ዓመት ማራዘሙን ይፋ አድርጓል፡፡ ጀርመናዊው ተጫዋች ሩዲገር በሎስብላንኮዎቹ ቤት እስከ ፈረንጆቹ 2027 ድረስ የሚቆይ ይሆናል፡፡ አንቶኒዮ ሩዲገር ከምዕራብ ለንደኑ ክለብ ቼልሲ በፈረንጆቹ 2022 ሪያል ማድሪድን መቀላቀሉ ይታወሳል፡፡

36 469

ፈረንሳይ ከሴኔጋል… አዲስ አበባ፣ ሰኔ 9፣ 2018 (ኤፍ ኤም ሲ) በአሜሪካ፣ ሜክሲኮ እና ካናዳ አዘጋጅነት እየተካሄደ በሚገኘው የ2026 የዓለም ዋንጫ የምድብ የመጀመሪያ ዙር ጨዋታዎች ዛሬም ቀጥለው ይደረጋሉ፡፡ በምድብ 9 ላይ የምትገኘው የሁለት ጊዜ የመድረኩ ሻምፒዮን ፈረንሳይ ከአፍሪካዊቷ ሀገር ሴኔጋል ጋር ምሽት 4 ሰዓት ጨዋታዋን ታደርጋለች፡፡ በዚሁ ምድብ የሚገኙት ኢራቅ እና ኖርዌይ ሌሊት 7 ሰዓት ላይ ጨዋታቸውን ያደርጋሉ፡፡ በምድብ 10 የተደለደሉት አርጀንቲና እና አልጄሪያ ደግሞ ሌሊት 10 ሰዓት ላይ ጨዋታቸውን የሚያደርጉ ይሆናል፡፡

36 469

ቱኒዚያ በዓለም ዋንጫ ከአንድ ጨዋታ ሽንፈት በኋላ አዲስ አሰልጣኝ ሾመች አዲስ አበባ፣ ሰኔ 9፣ 2018 (ኤፍ ኤም ሲ) በዓለም ዋንጫ እየተሳተፈች የምትገኘው ቱኒዚያ በመጀመሪያ የምድብ ጨዋታ ከተሸነፈች በኋላ አዲስ አሰልጣኝ ሾመች፡፡ ሰሜን አፍሪካዊቷ ሀገር በስዊድን የደረሰባትን የ5 ለ 1 ሽንፈት ተከትሎ አሰልጣኝ ሳብሪ ላሞቺን ከኃላፊነት አሰናብታለች፡፡ በምትካቸውም የ57 ዓመቱን ፈረንሳዊ አሰልጣኝ ሄርቬ ሬናርድን የብሔራዊ ቡድኑ አሰልጣኝ አድርጋ ሾማለች፡፡ ሄርቬ ሬናርድ በአሰልጣኝነት ዘመናቸው ቱኒዚያ 5ኛ አፍሪካዊ ብሔራዊ ቡድናቸው ሲሆን፥ ከዚህ ቀደም ዛምቢያ፣ አንጎላ፣ ኮት ዲቯር እና ሞሮኮን ማሰልጠናቸው ይታወሳል፡፡ ምድብ 6 ላይ የምትገኘው ቱኒዚያ በቀጣይ ከጃፓን እና ኔዘርላንድስ ጋር ጨዋታዋን ታደርጋለች፡፡