Ճանապարհային դեպարտամենտ

«Ճանապարհային դեպարտամենտ» հիմնադրամի գործադիր տնօրենի տեղակալ Արման Խաչատրյանը հետևել է Մ-4, Երևան-Սևան ավտոճանապարհի կմ64+174-կմ68+000 (աջ գոտի, մոտ 3.8կմ) հատվածում իրականացվող միջին նորոգման աշխատանքներին։ Այստեղ կատարվում են ասֆալտբետոնե ծածկի տեղադրման աշխատանքներ։ Միջին նորոգումը կատարվում է ՀՀ պետական բյուջեի միջոցներով։ Երթևեկությանը պատճառելիք անհարմարություններից խուսափելու համար շինարարությունը կատարվում է երեկոյան և գիշերային ժամերին։

‼️ՀՀ ՏԿԵՆ-ը հայտարարել է Մ-6, Վանաձոր (Մ-3 հատման կետ)-Ալավերդի-ՀՀ սահման (Բագրատաշեն) միջպետական նշանակության ավտոճանապարհի կմ67+050-կմ67+220 փլուզված հատվածի վերակառուցման աշխատանքների ձեռքբերման մրցույթ (ծածկագիր՝ ՏԿԵՆ-ՀԲՄԱՇՁԲ-2026/47Շ)։ ⏳Հայտերն ընդունվում են մինչև հուլիսի 6-ը՝ ժամը 16.00։ 👉Մրցույթի մասին այլ մանրամասներ հետևյալ հղմամբ՝ https://armeps.am/epps/cft/listContractDocuments.do?resourceId=12234635

ԱԶԲ և ԵՆԲ կողմից ֆինանսավորվող Դիմակայուն և ներառական ճանապարհային հատվածի բարելավման ծրագրի շրջանակում կայացել է «Ճանապարհային դեպարտամենտի ԱԶԲ-ի, CARE Caucasus, WINNET Goris կազմակերպությունների ներկայացուցիչների մասնակցությամբ առցանց հանդիպում։ Դիմակայուն և ներառական ճանապարհային հատվածի բարելավման ծրագիրը միտված է Սիսիան-Քաջարան ճանապարհի մոտ 27կմ հյուսիսային հատվածի կառուցմանը։ Ծրագրի շրջանակներում նախատեսված է իրականացնել կանանց տնտեսական հզորացմանը և ձեռնարկատիրության զարգացմանն ուղղված միջոցառումներ՝ շուկայի ուսումնասիրություն, կարողությունների կատարելագործման և բիզնեսի աջակցության ծրագրերի մշակում։ Աջակցություն կցուցաբերվի կին ձեռնարկատերերին և կանանց պատկանող փոքր և միջին ձեռնարկությունների զարգացմանը։ ԱԶԲ-ն ընտրել է CARE Caucasus կազմակերպությանը՝ WINNET Goris-ի հետ համագործակցությամբ, իրականացնելու կանանց տնտեսական հզորացման և ձեռնարկատիրության զարգացմանն ուղղված նախատեսված միջոցառումները։ Առցանց հանդիպման ընթացքում ներկայացվել է աշխատանքների նախնական շրջանակը, քննարկվել են մի շարք հարցեր։

Կհիմնանորոգվի Գեղաշեն-Զառ տեղական նշանակության ավտոճանապարհի 5.4կմ երկարությամբ հատվածը։ Աշխատանքները նախագծման փուլում են։

‼️ՀՀ ՏԿԵՆ-ը հայտարարել է Հ-92, Դավթաշենի տրանսպորտային հանգույց-Դավթաշեն-/Մ-1/ հանրապետական նշանակության ավտոճանապարհը Հ-93, /Մ-1/-Կաթնաղբյուր-/Մ-1/ հանրապետական նշանակության ավտոճանապարհին միացման հատվածի կառուցման աշխատանքների նախագծերի պատրաստման, ծախսերի գնահատման ծառայությունների ձեռքբերման մրցույթ (ծածկագիր՝ ՏԿԵՆ-ԲՄԽԾՁԲ-2026/50Ն)։ ⏳Հայտերն ընդունվում են մինչև հուլիսի 24-ը՝ ժամը 17.00։ 👉Այլ մանրամասներ հետևյալ հղմամբ՝ https://armeps.am/epps/cft/listContractDocuments.do?resourceId=12234551

Այսօր տեղադրվել են Երևան-Սևան ավտոճանապարին՝ Չարենցավանի մոտ, կայծակի հարվածից վնասված կամրջի հեծանները։

«Ճանապարհային դեպարտամենտ» հիմնադրամի և Պարեկային ծառայության համագործակցության արդյունքում Սյունիքի մարզի ճանապարհներին կատարվում են ճանապարհային երթևեկության անվտանգության բարելավման միջոցառումներ։ Մեկնարկը տրվել է Կապանի տարածաշրջանից։ Անվտանգության բարելավման միջոցառումները կշարունակվեն բոլոր տարածաշրջաններում։

«Ճանապարհային դեպարտամենտ» հիմնադրամն իր մասնագիտական բանկը համալրելու և հետագա հնարավոր համագործակցության նպատակով հրավիրում է համապատասխան որակավորում և փորձառություն ունեցող մասնագետներին ներկայացնելու իրենց ինքնակենսագրականները։ Մենք հետաքրքրված ենք հետևյալ մասնագետների ներգրավմամբ՝ 1. Ինժեներներ (ճանապարհաշինության, քաղաքացիական շինարարության և հարակից ոլորտների մասնագետներ) 2. Իրավաբաններ 3. Գնումների մասնագետներ 4. Ֆինանսիստ-հաշվապահ Դիմելու կարգի և այլ մանրամասների համար՝ https://armroad.am/am/news/inner/News_30.06.2026

«Ճանապարհային դեպարտամենտ» հիմնադրամի գործադիր տնօրեն Արկադի Չերչինյանը, փոխտնօրեն Սերժիկ Պետրոսյանը հետևել են Մ-2 միջպետական ճանապարհի` Ծղուկից Սառնակունք և Սպանդարյան տանող մոտ 7.5կմ հատվածում (կմ182+532-կմ190+000) թերությունների վերացման աշխատանքների ընթացքին։ Հիշեցնենք, որ կատարված հիմնանորոգման աշխատանքները հանձնաժողովի կողմից չեն ընդունվել առկա թերությունների պատճառով։ Շինարարին տրվել է ժամկետ՝ ի հայտ եկած թերությունները վերացնելու ուղղությամբ։ Կապալառու կազմակերպությունն աշխատանքները կատարում է իր միջոցներով։

‼️ՀՀ ՏԿԵՆ-ը հայտարարել է Հ-4, Երևան-Եղվարդ-Արագյուղ-Հարթավան-/Մ-3/ հանրապետական նշանակության ավտոճանապարհի կմ15+600-կմ28+000 հատվածի հիմնանորոգման աշխատանքների ձեռքբերման մրցույթ (ծածկագիր՝ ՏԿԵՆ-ՀԲՄԱՇՁԲ-2026/45Շ)։ ⏳Հայտերն ընդունվում են մինչև հուլիսի 2-ը՝ ժամը 16.00։ 👉Մրցույթի մասին հավելյալ տեղեկություններ հետևյալ հղմամբ՝ https://armeps.am/epps/cft/listContractDocuments.do?resourceId=12228210

‼️«Ճանապարհային դեպարտամենտ» հիմնադրամն իր մասնագիտական բանկը համալրելու և հետագա հնարավոր համագործակցության նպատակով հրավիրում է համապատասխան որակավորում և փորձառություն ունեցող մասնագետներին ներկայացնելու իրենց ինքնակենսագրականները։ ✅Մենք հետաքրքրված ենք հետևյալ մասնագետների ներգրավմամբ․ 1. Ինժեներներ (ճանապարհաշինության, քաղաքացիական շինարարության և հարակից ոլորտների մասնագետներ) 2. Իրավաբաններ 3. Գնումների մասնագետներ ❗️Հիմնական ակնկալիքները թեկնածուներից․ 🔹Մասնագիտական բարձրագույն կրթություն 🔹Աշխատանքային փորձ համապատասխան ոլորտում (ոլորտային նախագծերի հետ աշխատանքի փորձը կդիտարկվի որպես առավելություն) 🔹Համակարգչային գրագիտություն (MS Office փաթեթի և մասնագիտական ծրագրերի տիրապետում) 🔹Օտար լեզուների (ռուսերեն, անգլերեն) իմացությունը կդիտարկվի որպես առավելություն 🔹Թիմում աշխատելու, հաղորդակցման և պատասխանատվության բարձր զգացում 🔹Չի բացառվում համագործակցությունը նաև սկսնակ մասնագետների հետ

ՀՀ ամենամեծ շինհրապարակը. Քաջարանի թունելի կառուցման մեկնարկը՝ Իրանի փոխնախագահի մասնակցությամբ:

Մեկնարկում է Հյուսիս-հարավի Քաջարանի թունելի շինարարությունը։

Երևան-Սևան ավտոճանապարհին՝ Չարենցավանի մոտ, կայծակի հարվածից տուժած կամրջի հիմքերի ամրացման և մինչ այս փուլն անհրաժեշտ այլ աշխատանքները կատարվել են։ Հեծանները պատվիրված են, անհրաժեշտ է որոշակի ժամանակ, որպեսզի բետոնե կոնստրուկցիաները ձևավորվեն և համապատասխանեն շինարարական նորմերին։ Առաջիկա 1-2 օրերին հեծանները կբերվեն, և կսկսվեն դրանց տեղադրման աշխատանքները։

Քաջարանի թունելի շինարարության մասին՝ հոլովակում։

ՀՀ միջպետական և հանրապետական նշանակության ավտոճանապարհներին իրականացվում են ամառային պահպանման աշխատանքներ։ Անխափան և անվտանգ երթևեկության ապահովման նպատակով կատարվում է ավտոմոբիլային ճանապարհների հողային պաստառի, տրանսպորտային հանգույցների, արհեստական կառույցների, կահավորանքի և ինժեներական շինությունների խնամք, ավտոմոբիլային ճանապարհների (թունելների) սարքավորումների և այլ տարրերի վնասվածքների առաջացման կանխարգելում և այլն։ Ուշադրություն է դարձվում‚ որպեսզի մետաղական արգելապատնեշները ժանգոտած կամ վնասված չլինեն‚ լուսային անդրադարձիչները չբացակայեն‚ ճանապարհային նշանները տեղում ու հստակ տեսանելի լինեն‚ աղբը ճանապարհից ժամանակին հավաքվի։ Մաքրվում են վաքերը, ճանապարհի եզրերի կամ բաժանարար գոտու խոտը‚ թփերը՝ էտվում‚ կատարվում է փոսային նորոգում, ինչպես նաև բազմաթիվ այլ աշխատանքներ։

Հունիսի 27-ին ստորագրվել է Քաջարանի թունելի կառուցման պայմանագիրը։ 7.2կմ երկարությամբ թունելը հագեցած կլինի անհրաժեշտ այնպիսի ժամանակակից համակարգերով, ինչպիսիք են՝ • Էլեկտրաէներգիայի մատակարարման և բաշխման ավտոմատ համակարգ • Լուսավորության ավտոմատ համակարգ • Տարհանման ազդանշանների և ճանապարհային լուսային նշիչների համակարգ • Օդափոխման ավտոմատ համակարգ • Տարհանման ելքի օդափոխության և պաշտպանության համակարգեր • SOS կայանների համակարգ • Տեսահսկման ավտոմատ համակարգ • Ռադիոդիֆուզիոն համակարգ • Հրդեհի հայտնաբերման ավտոմատ համակարգ • Հրդեհաշիջման ավտոմատ համակարգ • Կառավարման կենտրոն Թունելի ներսում կառուցվող ճանապարհը կունենա երկու երթևեկելի գոտի և մայթեր՝ 10.6 մետր ընդհանուր լայնությամբ։ Բացի այդ, տրանսպորտային միջոցների արտակարգ կանգառներն ապահովելու նպատակով յուրաքանչյուր 250 մետրը մեկ նախատեսվում է թունելի երթևեկելի գոտու լրացուցիչ 3 մետր խորությամբ լայնացում։ Արտակարգ իրավիճակների դեպքում տարհանման նպատակով թունելի տակ կկառուցվի նաև ելք։ Կկառուցվեն նաև թունելին միացնող 4կմ ճանապարհներ։

Քաջարանի թունելի կառուցման ծրագիրը թևակոխել է նոր՝ շինարարության փուլ։ Կապալառուի հետ պայմանագրի կնքմանը նախորդել է տարիների դժվարին աշխատանք՝ նախագծման, փորձաքննությունների, գնումների և այլն։ Այս հսկայածավալ աշխատանքը «Ճանապարհային դեպարտամենտ» հիմնադրամի մեծ թիմի համատեղ մասնագիտական գործունեության արդյունք է։ Յուրաքանչյուրի ներդրումը, սրտացավությունը և մասնագիտական մոտեցումը անգնահատելի են: Շնորհավորում ու շնորհակալություն ենք հայտնում բոլորին անսահման նվիրվածության ու մեծ ձեռքբերման համար։ Մաղթում ենք ուժ, կորով, ամուր նյարդեր. առջևում է՜լ ավելի մեծ գործեր են։

Իրանի Իսլամական Հանրապետության նախագահի տեղակալ Համիդ Փուրմոհամադիի, Հայաստանի Հանրապետության փոխվարչապետ Մհեր Գրիգորյանի մասնակցությամբ տեղի է ունեցել Հյուսիս-հարավի Քաջարանի թունելի շինարարության պայմանագրի ստորագրումը։ Շրջայց է կատարվել նաև Քաջարան-Ագարակ ճանապարհահատվածում։

Այսօր «Ճանապարհային դեպարտամենտ» հիմնադրամի ու «Թունել Սադ Արիանա» և «Աբատ Ռահան Պարս Ինթերնեյշնլ Գրուպ» համատեղ ձեռնարկության միջև կնքվել է Հյուսիս-հարավի Քաջարանի թունելի՝ 7.2կմ երկարությամբ, շինարարության պայմանագիրը, որն ազդարարում է թունելի կառուցման մեկնարկը։