រដ្ឋបាលខេត្តកំពង់ចាម

អភិបាលខេត្តកំពង់ចាម អញ្ជើញចូលរួមពិធីបើក «សិក្ខាសាលាចែករំលែកបទពិសោធន៍របស់អាជ្ញាធរមូលដ្ឋាន ក្នុងការកសាងអង្គភាពផ្តល់សេវាសាធារណៈគំរូ ក្នុងវិស័យអប់រំ និងសុខាភិបាល» (រាជធានីភ្នំពេញ) នៅព្រឹកថ្ងៃទី២៣ ខែកក្កដា ឆ្នាំ២០២៦ ឯកឧត្តម អ៊ុន ចាន់ដា អភិបាលខេត្តកំពង់ចាម អញ្ជើញចូលរួមពិធីបើក «សិក្ខាសាលាចែករំលែកបទពិសោធន៍របស់អាជ្ញាធរមូលដ្ឋាន ក្នុងការកសាងអង្គភាពផ្តល់សេវាសាធារណៈគំរូ ក្នុងវិស័យអប់រំ និងសុខាភិបាល ក្រោមអធិបតីភាពដ៏ខ្ពង់ខ្ពស់ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានគណៈកម្មការវាយតម្លៃអង្គភាពផ្តល់សេវាសាធារណៈថ្នាក់ជាតិ (គ.វ.ជ.) និង ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ស្ថិតនៅទីស្តីការក្រសួងមហាផ្ទៃ។ សិក្ខាសាលានេះមានការអញ្ជើញចូលរួមពីទេសរដ្ឋមន្រ្តី រដ្ឋមន្ត្រី ថ្នាក់ដឹកនាំក្រសួងមុខងារសាធារណៈ និងក្រសួងមហាផ្ទៃ តំណាងអគ្គស្នងការដ្ឋាននគរបាលជាតិ លេខាធិការដ្ឋាននៃគណៈកម្មាធិការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ សាលាជាតិរដ្ឋបាលមូលដ្ឋាន និងគណៈអភិបាលរាជធានី ខេត្ត គណៈអភិបាលក្រុង ស្រុក ខណ្ឌ សមាគមន៍ក្រុមប្រឹក្សារដ្ឋបាលថ្នាក់ក្រោមជាតិ ស្នងការដ្ឋាននគរបាលរាជធានី ខេត្ត មន្ទីរអប់រំ យុវជន និងកីឡា មន្ទីរសុខាភិបាល និងមន្ទីរមុខងារសាធារណៈ អធិការ ប៉ុស្តិ៍នគរបាលក្រុង ស្រុក ខណ្ឌ និងមេឃុំ ចៅសង្កាត់ ដែលបានចូលរួមដោយផ្ទាល់ និងតាមប្រព័ន្ធអនឡាញ។ ក្នុងប្រសាសន៍ស្វាគមន៍អង្គសិក្ខាសាលា ឯកឧត្តម យក់ ប៊ុនណា រដ្ឋលេខាធិការប្រចាំការក្រសួងមុខងារសាធារណៈ និងជាអនុប្រធានប្រចាំការគណៈកម្មការវាយតម្លៃអង្គភាពផ្តល់សេវាសាធារណៈថ្នាក់ជាតិ (គ.វ.ជ.) បានគូសបញ្ជាក់ពីសាវតា ដំណើរការអនុវត្ត ព្រមទាំងកំណត់នូវលក្ខណៈវិនិច្ឆ័យគោល នៃកម្មវិធីវាយតម្លៃអង្គភាពផ្តល់សេវាសាធារណៈគំរូក្នុងវិស័យអប់រំនិងវិស័យសុខាភិបាល ដែលត្រូវបានដាក់ឱ្យអនុវត្តការប្រកួតប្រជែង ក្នុងគោលដៅដើម្បីពង្រឹងអភិបាលកិច្ចក្នុងការគ្រប់គ្រង និងការផ្តល់សេវាសាធារណៈជូនប្រជាពលរដ្ឋនៅតាមមូលដ្ឋានឱ្យកាន់តែល្អប្រសើរឡើងនៅតាមអង្គភាពសាលារៀន ចាប់ពីសាលាមត្តេយ្យសិក្សារហូតដល់វិទ្យាល័យ សម្រាប់វិស័យអប់រំ និងអង្គភាពមន្ទីរពេទ្យ ចាប់ពីមណ្ឌលសុខភាពរហូតដល់មន្ទីរពេទ្យបង្អែកដែលផ្តល់សេវាសំណុំសកម្មភាពបង្គ្រប់កម្រិត១ កម្រិត២ និងកម្រិត៣ សម្រាប់វិស័យសុខាភិបាល។ ភាពជោគជ័យរបស់អង្គភាពផ្តល់សេវាសាធារណៈគំរូ ដោយសារកត្តាមួយចំនួន រួមមាន កត្តាផ្ទៃក្នុងអង្គភាព (មានឆន្ទៈ សាមគ្គីភាព សហការរៀបចំដោយការទទួលខុសត្រូវខ្ពស់ និងមានភាពច្នៃប្រឌិតប្រកបដោយនវានុវត្តន៍) កត្តាខាងក្រៅ (មានទំនាក់ទំនង និងសហការល្អ មានការចូលរួមនិងគាំទ្រពីប្រជាពលរដ្ឋ សហគមន៍ និងដៃគូអភិវឌ្ឍនានា) និងកត្តាអាជ្ញាធរមូលដ្ឋាន និងអង្គភាពជាអាណាព្យាបាលអង្គភាព (ការយកចិត្តទុកដាក់ ការផ្តល់ចក្ខុវិស័យ ការតម្រង់ទិស ការផ្តល់កិច្ចសហការ និងការជួយជ្រុំជ្រែងរបស់អាជ្ញាធរមូលដ្ឋាន និងអង្គភាពជាអាណាព្យាបាល)។ ឯកឧត្តមរដ្ឋលេខាធិការប្រចាំការ បានលើកឡើងថា ដើម្បីឆ្លុះបញ្ចាំងអំពីទិដ្ឋភាពនៃការអនុវត្តជាក់ស្តែង ក្រសួងមុខងារសាធារណៈ ជាគណៈកម្មការវាយតម្លៃអង្គភាពផ្តល់សេវាសាធារណៈថ្នាក់ជាតិ និងក្រសួងមហាផ្ទៃ បានផ្តួចផ្តើមគំនិត និងសហការរៀបចំសិក្ខាសាលានេះឡើង ដើម្បីបង្ហាញពីការយកចិត្តទុកដាក់គាំទ្ររបស់អាជ្ញាធរមូលដ្ឋាន ក៏ដូចជាការចែករំលែក នូវបទពិសោធរបស់អាជ្ញាធរមូលដ្ឋាន លើការជួយនិងគាំទ្រជ័យលាភីអង្គភាពផ្តល់សេវាសាធារណៈគំរូក្នុងវិស័យអប់រំនិងវិស័យសុខាភិបាល ក្នុងការសម្រេចបាននូវឧត្តមានុវត្តន៍លើលក្ខណៈវិនិច្ឆ័យគោលទាំង៨ ក៏ដូចជាការខិតខំជាបន្តក្នុងការពង្រឹងគុណភាព និងប្រសិទ្ធភាពនៃការគ្រប់គ្រង និងការផ្តល់សេវាសាធារណៈរបស់អង្គភាព សាលារៀន និងមន្ទីរពេទ្យ ក្នុងដែនសមត្ថកិច្ចរបស់អាជ្ញារធរមូលដ្ឋានរបស់ខ្លួន ឱ្យកាន់តែល្អប្រសើរឡើងជូនប្រជាពលរដ្ឋ។ ឯកឧត្តមរដ្ឋលេខាធិការប្រចាំការ បានបញ្ជាក់ថា “កន្លងមកយើងធ្លាប់បានរៀបចំសិក្ខាសាលាជាបន្តបន្ទាប់ ដើម្បីចែករំលែកបទពិសោធនៃការគ្រប់គ្រង និងការផ្តល់សេវាសាធារណៈរបស់ជ័យលាភីអង្គភាពផ្តល់សេវាសាធារណៈគំរូក្នុងវិស័យអប់រំនិងវិស័យសុខាភិបាល ឥឡូវនេះយើងបានឈានមួយជំហានទៀត គឺការរៀបចំឱ្យមានការចែករំលែកបទពិសោធរបស់អាជ្ញាធរមូលដ្ឋាន ដែលបានជួយ និងគាំទ្រទៅដល់ជ័យលាភីអង្គភាពផ្តល់សេវាសាធារណៈគំរូ ក្នុងវិស័យអប់រំ និងវិស័យសុខាភិបាល។ តាមរយៈសិក្ខាសាលាថ្ងៃនេះ ការជំរុញជវភាពនៃប្រព័ន្ធតួអង្គតែមួយ ក្នុងការគាំទ្រ កសាង និងអភិវឌ្ឍន៍អង្គភាពសាលារៀន និងមន្ទីរពេទ្យ មានលក្ខណៈកាន់តែសកម្ម និងផុសផុល ក្នុងគោលដៅរួម គឺការធានាបាននូវគុណភាព ប្រសិទ្ធភាព និងស័ក្តិសិទ្ធភាពនៃការផ្តល់សេវាសាធារណៈទាំងសេវាអប់រំ និងសេវាសុខាភិបាល៕”

ឯកឧត្ដម អ៊ុន ចាន់ដា អញ្ជើញចុះពិនិត្យវឌ្ឍនភាពការងារសាងសង់​អគាររដ្ឋបាលសាលាខេត្ត(ថ្មី​​) សម្រេចបាន95% 📲CTV8 ព័ត៌មាន | Telegram | CTV8 News

នៅថ្ងៃទី២២ ខែកក្កដា ឆ្នាំ២៩២៦ ឯកឧត្តម ខ្លូត ចិន្តា អភិបាលរង នៃគណៈអភិបាលខេត្ត និងជាប្រធានក្រុមការងាររាជរដ្ឋាភិបាលចុះមូលដ្ឋានឃុំស្វាយទាប ស្រុកចំការលើ ខេត្តកំពង់ចាម បានចុះពិនិត្យមើលលទ្ធភាព នៃការរៀបចំប្រព័ន្ធទឹក តាមការស្នើសុំ និងសំណូមពរ របស់បងប្អូនប្រជាកសិករស្ថិតនៅភូមិអូរដា ឃុំស្វាយទាប ស្រុកចំការលើ ខេត្តកំពង់ចាម ។

នៅព្រឹកថ្ងៃទី២២ ខែកក្កដា ឆ្នាំ២០២៦ ឯកឧត្តម ខ្លូត ចិន្តា អភិបាលរង នៃគណៈអភិបាលខេត្ត និងជាប្រធានក្រុមការងាររាជរដ្ឋាភិបាលចុះមូលដ្ឋានឃុំស្វាយទាប ស្រុកចំការលើ ខេត្តកំពង់ចាម បានបន្តចុះសួរសុខទុក្ខ អ្នកគ្រូ និងចៅៗ នៅសាលាមត្តេយ្យសិក្សាអូរដា ស្ថិតនៅភូមិអូដា ឃុំស្វាយទាប ក្នុងឱកាសនោះដែរឯកឿត្តមបានជូនថវិកាមួយចំនួន ដល់អ្នកគ្រូ និងជូននំដល់ចៅ ប្រកបដោយភាពស្និតស្នាល និងរីករាយ ។

នាព្រឹក ថ្ងៃទី២២ ខែកក្កដា ឆ្នាំ២០២៦ ឯកឧត្តម ខ្លូត ចិន្តា អភិបាលរង នៃគណៈអភិបាលខេត្តកំពង់ចាម និងជាប្រធានក្រុមការងាររាជរដ្ឋាភិបាលចុះមូលដ្ឋានឃុំស្វាយទាប ស្រុកចំការលើ បានអញ្ជើញចូលរួមបើកវេទិកាសាធារណ: នៅភូមិវាលរីកើត ឃុំស្វាយទាប ស្រុកចំការលើ ខេត្តកំពង់ចាម ។ ក្នុងអង្គវេទិកាមានការចូលរួមពីសំណាក់ក្រុមការងារ រដ្ឋបាលឃុំ និងប្រជាពលរដ្ឋចំនួន ៧៥នាក់ផងដែរ ។ អង្គវេទិកាសាធារណ: ក្រុមការងារ រដ្ឋបាលឃុំ និងប៉ុស្តិ៍នគរបាលរដ្ឋបាលឃុំ ទទួលបានសំណើ និងសំណូមពរ ចំនួន០៣ ក្នុងនោះករណី សំណើ និងសំណូមពរខាងលើត្រូវបានក្រុមការងាររាជរដ្ឋាភិបាលចុះមូលដ្ឋានឃុំស្វាយទាប និងរដ្ឋបាលឃុំ ទទួលយក និងដោះស្រាយចប់ជាស្ថាពរ ។

ស្ថានីយបូមទឹកវ៉ៃកូ

កម្មវិធី៖ ការវះកាត់ភ្នែកដោយឥតគិតថ្លៃ កាលបរិច្ឆេទ៖ ថ្ងៃទី ២២ ខែ សីហា ឆ្នាំ ២០២៦ ចាប់ពីម៉ោង ៨:០០នាទី ទីតាំង៖ មន្ទីរពេទ្យបង្អែកខេត្តកំពង់ចាម សូមឲ្យប្រជាពលរដ្ឋដែលមានបញ្ហាភ្នែកឱ្យមកទទួលសេវាព្យាបាល និងវះកាត់ដោយឥតគិតថ្លៃឱ្យបានច្រើនកុះករ។

រដ្ឋបាលក្រុងកំពង់ចាម និងក្រុមហ៊ុន ស៊ីទ្រី ចុះហត្ថលេខាលើកិច្ចសន្យា បន្តបម្រើសេវាកម្មប្រមូល និងដឹកជញ្ជូនសំរាម-សំណល់រឹង JOIN មន្ទីរព័ត៌មានខេត្តកំពង់ចាម 👉 Facebook    👉 YouTube             👉 Website 👉 TikTok 👉 X (Twitter)

អភិបាលរងខេត្តកំពង់ចាម ដឹកនាំកកិច្ចប្រជ៉ំក្រុមការងារចុះសិក្សា ស្រាវជ្រាវករណី សុំចុះបញ្ជីវិញ្ញាបនបត្រសម្គាល់ម្ចាស់អចលនវត្ថុ ប្រព័ន្ធធារាសាស្ត្រក្នុងខេត្តកំពង់ចាម កំពង់ចាម៖ នារសៀលថ្ងៃទី២១ ខែកក្កដា ឆ្នាំ២០២៦នេះលោក ចាន់ រ៉ាន់ អភិបាលរង តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានអញ្ជើញដឹកនាំ «កិច្ចប្រជុំក្រុមការងារចុះសិក្សា ស្រាវជ្រាវករណីសុំចុះបញ្ជីវិញ្ញាបនបត្រសម្គាល់ម្ចាស់អចលនវត្ថុ ប្រព័ន្ធធារាសាស្ត្រក្នុងខេត្តកំពង់ចាម» ដែលបានរៀបចំឡើងនៅសាលប្រជុំតូច សាលាខេត្តកំពង់ចាម។ កិច្ចប្រជុំនេះ រៀបចំឡើងក្នុងគោលបំណងដើម្បីពិនិត្យ ពិភាក្សា និងផ្ទៀងផ្ទាត់ទិន្នន័យ ព្រមទាំងវាយតម្លៃលើដំណើរការនៃការចុះបញ្ជីដីធ្លីដែលជាសម្បត្តិសាធារណៈរបស់រដ្ឋ ជាពិសេសប្រព័ន្ធធារាសាស្ត្រនានានៅតាមបណ្តាក្រុង-ស្រុក និងឃុំ-សង្កាត់ ដែលកំពុងបម្រើឱ្យវិស័យកសិកម្ម និងការគ្រប់គ្រងប្រភពទឹកក្នុងខេត្ត ឱ្យមានភាពច្បាស់លាស់ ស្របតាមនីតិវិធីច្បាប់ សំដៅការពារទ្រព្យសម្បត្តិរដ្ឋ និងទប់ស្កាត់ការរំលោភបំពានទន្ទ្រានកាន់កាប់ខុសច្បាប់ពីភាគីណាមួយ។ ក្នុងឱកាសនោះ លោកអភិបាលរងខេត្ត ក៏បានណែនាំ ដល់ក្រុមការងារបច្ចេកទេស និងអាជ្ញាធរពាក់ព័ន្ធទាំងអស់ ត្រូវបន្តយកចិត្តទុកដាក់ខ្ពស់លើការពិនិត្យ និងផ្ទៀងផ្ទាត់ទិន្នន័យឱ្យបានត្រឹមត្រូវ ច្បាស់លាស់ ផ្អែកលើលទ្ធផលនៃការចុះសិក្សាស្រាវជ្រាវផ្ទាល់ដល់ទីតាំងជាក់ស្តែងនាពេលកន្លងមក។ ជាមួយគ្នានេះ សូមស្រង់រាល់បញ្ហាប្រឈម និងកង្វល់នានាដែលបានជួបប្រទះ សម្រាប់ដាក់បញ្ជូលក្នុងរបាយការណ៍លម្អិត ដើម្បីគោរពរាយការណ៍ជូនឯកឧត្តមអភិបាលខេត្ត ពិនិត្យ និងសម្រេច លើគោលការណ៍ណែនាំ សម្រាប់អនុវត្តបន្ត សំដៅពន្លឿនការរៀបចំ និងចុះបញ្ជីប្រព័ន្ធធារាសាស្ត្រ ក្នុងភូមិសាស្ត្រខេត្តកំពង់ចាម បានឆាប់រហ័ស និងមានប្រសិទ្ធភាពខ្ពស់ផងដែរ៕

អភិបាលខេត្តកំពង់ចាម និងប្រធានក្រុមប្រឹក្សាខេត្ត អញ្ជើញចុះពិនិត្យវឌ្ឍនភាពការងារសាងសង់​អគាររដ្ឋបាលសាលាខេត្ត(ថ្មី​​) សម្រេចបាន95% (កំពង់ចាម​) អភិបាលនៃគណៈអភិបាលខេត្តកំពង់ចាម​ ឯកឧត្ដម​ អ៊ុន ចាន់ដា និង ឯកឧត្តម ខ្លូត ផន ប្រធានក្រុមប្រឹក្សាខេត្ត នៅព្រឹកថ្ងៃទី21 ខែកក្កដា ឆ្នាំ2026 នេះ បានដឹកនាំក្រុមការងារ និងមន្ត្រីបច្ចេកទេស អញ្ជើញចុះពិនិត្យវឌ្ឍនភាពការងារសាងសង់​អគាររដ្ឋបាលសាលាខេត្តកំពង់ចាម (ថ្មី​​) សម្រេចបានប្រមាណ95%ហើយ។ ក្នុង​ឱកាស​នោះ ឯកឧត្តម អ៊ុន ចាន់ដា អភិបាលខេត្តកំពង់ចាម បានស្នើឲ្យមន្ត្រីបច្ចេកទេស ធ្វើការសិក្សាលម្អិត ជុំវិញការរៀបចំតុបតែង លម្អ ក្នុងអគាររដ្ឋបាលថ្មី ដូចជាផ្ទាំងគំនូ និងបុស្បុក ជាដើម ដើម្បីឲ្យស្របទៅតាមបទដ្ឋានបច្ចេកទេស និងសាកសមជាអគាររដ្ឋបាលគំរូ។ ទន្ទឹមនេះ ឯកឧត្តម អភិបាលខេត្ត ក៏បានស្នើឲ្យក្រុមជាងត្រូវបង្កើនការយកចិត្តទុកដាក់ក្នុងការសាងសង់ សំណង់ខាងលើ ឲ្យបានរួចរាល់តាមផែនការកំណត់ និងមានគុណភាពខ្ពស់ ដើម្បីទុកប្រើប្រាស់បានគង់វង្សយូរអង្វែង។ បើតាមលោក ប្រាក់ ទិត្យ នាយកទីចាត់ការផែនការ និងវិនិយោគ សាលាខេត្តកំពង់ចាម បានបញ្ជាក់ឲ្យដឹងថា បច្ចុប្បន្នសំណង់នេះ​កំពុង​សាងសង់​លទ្ធផល​សម្រេចបាន​ប្រមាណ 90% ហើយ​ ខណៈ​គម្រោងអាគារថ្មី​ នៃរដ្ឋបាលសាលា​ខេត្ត​មួយនេះ​ ត្រូវ​បាន​សាងសង់ឡើង​អំពី​បេតុង​អាមេ​ ជញ្ជាំងរៀបឥដ្ឋ និងតំបូលប្រក់ក្បឿង ដែលមានទំហំបណ្តាយជាង​ 53ម៉ែត្រ ទទឹង 24ម៉ែត្រ និងកម្ពស់ 3ជាន់​ ដោយមានទីតាំងនៅ​ក្នុងបរិវេណសាលាខេត្ត ស្ថិត​ក្នុង​ភូមិទី7 សង្កាត់កំពង់ចាម ក្រុងកំពង់ចាម៕

ពិធីចុះកិច្ចសន្យាជាផ្លូវការ​ ស្តីពីការគ្រប់គ្រងសំរាម​ រវាងរដ្ឋបាលក្រុងកំពង់ចាម​ និងក្រុមហ៊ុនស៊ីនទ្រី​ បន្ទាប់ពីបានអនុវត្តសាកល្បងដោយជោគជ័យ ចាប់តាំងពីឆ្នាំ ២០២៣ មកដល់បច្ចុប្បន្ន (កំពង់ចាម) រដ្ឋបាលក្រុងកំពង់ចាម និងក្រុមហ៊ុន ស៊ីទ្រី (CINTRI) នាព្រឹកថ្ងៃទី២១ ខែកក្កដា ឆ្នាំ២០២៦ បានរៀបចំពិធីចុះកិច្ចសន្យាជាផ្លូវការ​ ស្តីពីការគ្រប់គ្រងសំរាម​ រវាងរដ្ឋបាលក្រុងកំពង់ចាម​ និងក្រុមហ៊ុនស៊ីនទ្រី​ បន្ទាប់ពីបានអនុវត្តសាកល្បងដោយជោគជ័យ ចាប់តាំងពីឆ្នាំ ២០២៣ មកដល់បច្ចុប្បន្ន តាមអនុក្រឹត្យលេខ ១១៣ ស្តីពីការគ្រប់គ្រងសំរាម របស់រាជរដ្ឋាភិបាលកម្ពុជា។ ពិធីចុះហត្ថលេខានេះ បានប្រព្រឹត្តទៅនៅសាលាខេត្តកំពង់ចាម ក្រោមអធិបតីភាព ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម ស្ថិតនៅសាលាខេត្ត ដោយមានការចូលរួមពីសំណាក់ លោកអភិបាលក្រុងកំពង់ចាម តំណាងក្រុមហ៊ុន ស៊ីទ្រី លោក-លោកស្រី អភិបាលរងក្រុង ប្រធានមន្ទីរ-អង្គភាពពាក់ព័ន្ធ ចៅសង្កាត់ទាំង៤ និងមន្ត្រីជំនាញផងដែរ។ ផ្អែកតាមកិច្ចសន្យា ក្រុមហ៊ុន ស៊ីទ្រី បានប្តេជ្ញាចិត្តបង្កើនមធ្យោបាយដឹកជញ្ជូន បំពាក់ឧបករណ៍សម្ភារទំនើបបន្ថែម និងបន្ថែមប្រជាកម្លាំង ដើម្បីប្រមូលសំរាមឱ្យអស់ពីតាមដងផ្លូវ និងទីប្រជុំជនបានទាន់ពេលវេលា។ រៀបចំកាលវិភាគ និងរថយន្តប្រមូលសំរាមតាមបណ្តាសង្កាត់ និងផ្លូវនីមួយៗឱ្យបានទៀងទាត់ ជៀសវាងការទុកសំរាមចោលយូរដែលបណ្តាលឱ្យធំក្លិន និងបាត់បង់សោភ័ណភាព។ បង្កើតក្រុមការងាររហ័ស ដើម្បីកែសម្រួល និងដោះស្រាយរាល់ការអាក់ខាន ឬបណ្តឹងតវ៉ារបស់ប្រជាពលរដ្ឋអំពីបញ្ហាសំរាមឱ្យបានឆាប់រហ័ស។ ឯកឧត្តម អភិបាលខេត្ត ក៏បានជម្រុញឲ្យអាជ្ញាធរក្រុងកំពង់ចាម ខិតខំរកដៃគូសម្រាប់ការវិនិយោគសំរាម កុំឲ្យគេទុកចោលឥតប្រយោជន៍ ដើម្បីជាជ្រុងមួយនៃ ចំណូលសេដ្ឋកិច្ចរបស់ក្រុងផងដែរ។ ឯកឧត្តម អ៊ុន ចាន់ដា អភិបាលខេត្តកំពង់ចាម បានសង្កត់ធ្ងន់ថា ការបន្តកិច្ចសន្យានាពេលនេះ គឺជាជំហានដ៏សំខាន់ក្នុងការលើកកម្ពស់សោភ័ណភាពក្រុង។ ឯកឧត្តមបានណែនាំឱ្យក្រុមហ៊ុន ស៊ីទ្រី ត្រូវតែអនុវត្តតាមលក្ខខណ្ឌដែលបានព្រមព្រៀងគ្នាក្នុងកិច្ចសន្យាឱ្យបានម៉ឺងម៉ាត់ និងមានទទួលខុសត្រូវខ្ពស់ ដោយត្រូវប្រមូលសំរាមឱ្យអស់ និងទាន់ពេលវេលា ដើម្បីធានាថា ក្រុងកំពង់ចាម មានបរិស្ថានស្អាត គ្មានសំរាមកកស្ទះ និងសមស្របជាក្រុងទេសចរណ៍គំរូ ដែលទទួលបានជ័យលាភី "ទីក្រុងស្អាត រំដួលបីទង" ច្រើនអាណ្តិជាប់គ្នា៕

ដើម្បីរួមគ្នាទប់ស្កាត់ព័ត៌មានក្លែងក្លាយ យុវជន និងអ្នកប្រើប្រាស់បណ្ដាញសង្គមទាំងអស់ ត្រូវផ្ទៀងផ្ទាត់ប្រភពព័ត៌មានឱ្យបានច្បាស់លាស់ មុននឹងចុច Like និង Share

កសិករចិញ្ចឹមសត្វពាហនៈក្នុងស្រុកកងមាស រីករាយពេលទទួលបានវ៉ាក់សាំងបង្ការជំងឺផ្សេងៗដោយឥតគិតថ្លៃ

សេចក្ដីណែនាំ ស្ដីពីការត្រួតពិនិត្យទីតាំងរក្សាទុកផលិតផលបង្កក ផលិតផលត្រជាក់ និងការនាំចូលទំនិញក្លែងក្លាយខុសច្បាប់ ក្នុងភូមិសាស្ត្រខេត្តកំពង់ចាម