Elektron kitoblar

#Savodxonlik Probel Probel — bu soʻzlar orasidagi boʻsh joy, interval. Afsuski, koʻpchilik buni oʻz oʻrnida ishlata olmaydi. Shu bois bugun uni toʻgʻri qoʻllashni oʻrganamiz: 1. Har bir soʻz orasi ochib yoziladi: Xushkelibsiz ❌ Xush kelibsiz ✅ 2. Nuqtadan keyin joy ochib yoziladi: Salom.Bugun dushanba ❌ Salom. Bugun dushanba ✅ 3. Nuqtadan oldin probel qoʻyilmaydi: Salom .Bugun dushanba ❌ Salom. Bugun dushanba ✅ 4. Vergul, ikki nuqta (:), nuqtali vergul (;), undov belgisi (!), soʻroq belgisi (?), gap soʻngidagi uch nuqta (...) uchun ham xuddi shu qoidalar amal qiladi: Nima ?Ha ,mayli ❌ Nima? Ha, mayli ✅ 5. Defis (-) bilan yoziladigan juft soʻzlar, takror soʻzlar, baʼzi qoʻshimchalar (-ku, -da, -a, -u va b.) orasida boʻsh joy qoldirmay yoziladi: Oldi - berdi ❌ Oldi-berdi ✅ Asta - sekin ❌ Asta-sekin ✅ 6. Umuman olganda, defisning ikki tarafida hech qachon boʻsh joy boʻlmaydi. Faqatgina osma defis bundan mustasno: 5 - noyabr ❌ 5-noyabr ✅ Audio - va videoaloqa ❌ Audio- va videoaloqa ✅ 7. Vaqt oraligʻini ifodalash uchun ishlatiladigan qisqa tire (–) qatnashgan soʻzlar boʻsh joy qoldirmay yoziladi: 3 – 4 dona ❌ 3–4 dona ✅ 1941 – 1945-yillar ❌ 1941–1945-yillar ✅ 8. Gaplarni va gap boʻlaklarini ikkiga ajratuvchi tire (—) har ikki tomondan boʻsh joy qoldirib yoziladi: Til—bu millat gʻururi ❌ Til — bu millat gʻururi ✅ Qaragʻay—bu daraxt ❌ Qaragʻay — bu daraxt ✅ 9. Qavs ichidagi soʻz yoki soʻzlar qavsdan ajratmay yoziladi: ( Qavs ichidagi soʻz ) ❌ (Qavs ichidagi soʻz) ✅ 10. Qoʻshtirnoq ichidagi soʻzlar ham qoʻshtirnoqdan ajratmay yoziladi: “ Qoʻshtirnoq ichidagi soʻz ” ❌ “Qoʻshtirnoq ichidagi soʻz” ✅ 11. Son yoki boshqa biror belgidan soʻng birikib kelgan qoʻshimchalar ajratib yoziladi: 15dan ziyod ❌ 15 dan ziyod ✅ 100%gacha ❌ 100% gacha ✅ (*Foiz belgisini son bilan qoʻshib yoki ajratib yozish borasida turli qarashlar mavjud) 12. Dona sonlar raqamlar bilan yozilsa, ta alohida yoziladi: 5ta ❌ 5 ta ✅ ©️xatoliklar 📚 @kitoblar_pdf

Mikroqarz — 30 kungacha 0%, ilovani yuklab oling Istalgan maqsadlar uchun 100 mlngacha. 30 kungacha 0%, AVO bank ilovasida oling Oʻrnatish #reklama 16+ avo.uz

📚 Ingliz tilini o‘rganish endi yanada qiziqarli! Ezabon — ingliz tilini o‘rganish, mashq qilish va o‘z rivojlanishingizni kuzatib borish uchun yaratilgan zamonaviy platforma. 🚀 Platformada siz: 📖 Grammar Guide — ingliz tili grammatikasini tushunarli tarzda o‘rganing. 📚 Essential Words — kundalik va muhim inglizcha so‘zlarni o‘rganing. 🔤 Irregular Verbs — eng muhim noto‘g‘ri fe’llarni shakllari va misollar bilan mashq qiling. 💬 Common Phrases — ingliz tilida ko‘p ishlatiladigan iboralarni o‘rganing. 📝 Quiz & Practice — o‘rgangan bilimlaringizni interaktiv testlar orqali mustahkamlang. 📊 Personal Statistics — o‘z natijalaringiz va faolligingizni kuzatib boring. 📈 Progress Tracking — ingliz tilini o‘rganishdagi rivojlanishingizni kuzating. 🏆 Leaderboard — boshqa o‘rganuvchilar bilan raqobatlashing va reytingda yuqorilang. 👨‍🏫 Tutors — ingliz tili tutorlarini ko‘rib chiqing va ularning profillari, tajribasi, sertifikatlari hamda tanishtiruv videolari bilan tanishing. Va yoki o'zingiz tutor bo'ling va bilimingizni boshqalar bilan ulashing. ⭐ Tutor Reviews & Ratings — tutorlar haqida fikr bildiring, baho bering va boshqa o‘rganuvchilarning fikrlari bilan tanishing. 🔐 Shaxsiy profil — o‘z profilingizni yarating, ma’lumotlaringizni boshqaring va platformadagi shaxsiy faoliyatingizni kuzating. ——————————————— 🎯 Ezabon kimlar uchun? Boshlang‘ich darajadan yuqori darajagacha ingliz tilini o‘rganayotganlar uchun. A1 → A2 → B1 → B2 → C1 O‘rganing. 🧠 Mashq qiling. ✍️ Natijangizni kuzating. 📈 Va ingliz tilida yanada ishonchli gapiring. 🚀 🌐 Ezabon bilan ingliz tilini o‘rganishni bugundan boshlang! www.ezabon.com

1 daqiqada kartaga pul Garovsiz, kafillarsiz va ma'lumotnomasiz 100 mlngacha kredit Oʻrnatish #reklama avo.uz

TUSHUNMOVCHILIK Bo‘ldi, yig‘lamayman, bo‘ldi – kulmayman, Yuragingni ortiq etmayman bezor. O‘zimdan boshqani xafa qilmayman, O‘zimdan boshqaga bermayman ozor. Kimlarning ko‘ngliga qarab kun ko‘rdim, Yalinib bormayman Baxtning yoniga. Kulib baxtsizlarga xalaqit berdim, Yig‘lab baxtlilarning tegdim joniga. ✍️Behzod Fazliddin 📚 @kitoblar_pdf

Formula 1 Qatar Airways Azerbaijan Grand Prix 2026 Sting xarid qiling, chekdagi QR-kodni orqali ro‘yxatdan o‘tkazing va Formula 1 Qatar Airways Azerbaijan Grand Prix 2026 poygasiga yo‘llanma o‘yinida ishtirok eting!⚡ Batafsil #reklama 16+ qr.stingpromo.com

#Savodxonlik Oʻzlashgan va oʻzgargan soʻzlar Tilimizda rus tilidan oʻzlashgan, lekin oʻzlashganda ham moslashib oʻzlashgan soʻzlar talaygina. Ularni bir qarashda oʻzimizning soʻzlar, deb oʻylashingiz ham mumkin. Quyida ularning baʼzilari: Patnis — поднос (подносить) Poson — фасон Poʻrim — форум Pudrat — подряд Choʻt — счёт Chor — царь ©xatoliklar 📚 @kitoblar_pdf

#mutolaa Hazrat Umar roziyallohu anhu hikoya qiladilar: "Sayyidul Anbiyo sollallohu alayhi vasallam Tabuk safari oldidan qo'shinga moddiy yordam kerakligini ma'lum qildilar. O'sha kunlari qo'limda yetarli mol bor edi. Yarmini ajratdim. O'z-o'zimga: "Abu Bakrdan o'tsam, shu safar o'taman", dedim. Katta miqdordagi molni olib bordim. Shunda Payg'ambarimiz sollallohu alayhi vasallam: "Oilangga ham qoldirdingmi?", dedilar. - Bir qismini qoldirdim, - dedim. Birozdan so'ng Abu Bakr roziyallohu anhu ham molini keltirdi. Payg'ambarimiz sollallohu alayhi vasallam ayni shu savolni unga ham berdilar. - Ularga Alloh taoloni va Payg'ambarini qoldirdim, - javob berdilar. Abu Bakr hamma molini keltirgan edi. Shundan keyin undan aslo o'tolmasligimga ishonch hosil qildim". ✍️Ahmad Lutfiy Qozonchining "Hazrat Abu Bakr Siddiq (roziyallohu anhu)" kitobidan 📚 @kitoblar_pdf

Mikroqarz — 30 kungacha 0%, ilovani yuklab oling Istalgan maqsadlar uchun 100 mlngacha. 30 kungacha 0%, AVO bank ilovasida oling Oʻrnatish #reklama 16+ avo.uz

‍​"Nima qayoqqa ketadir?" - Ishchining topqani xo‘jayinning xaltasig‘a ketadi. - Sovdagarning topqani o‘g‘ul to‘yisig‘a ketadi. - Toshkand ko‘nchilarining topqani qishliq to‘kma bilan yozliq gapka ketadi. - Qimorbozning topqani gardkam* bilan to‘rtta oshiqqa ketadi. - Bedanabozning topqani tariqqa ketadi. - Muridning topqani eshonga ketadi. - Eshonning topqani sakkizta xotung‘a ketadi. - Xotunlarning topqanlari issiq-sovuqchi domlag‘a ketadi. - Boybachchaning topqani «Turkvino»* bilan barishnaxonlarg‘a ketadi. - Eski shahar Ispolqo‘mining topqani har xil yuqori shefstvolarga ketadi. - Yoshlaring topqanlari upa-elik bilan o'smasurmalarga ketadi. - Vaqf sho'basining* topqani idorasini bejash uchun qip-qizil gilamlarga ketadi. - Boʻrining topqani tulkiga ketadi. - "Mushtum” ning topqani turkistonliklarning tumshugʻiga ketadi. - Ushbularning oʻqugan kishining dami — dambalig'a* ketadi! - Bizning topqanimiz achchiq-tiziqqa ketadi! – deb Mulla Julqunboy yozdilar. - “Mushtum”: yozg‘anlaringizning hammasi ham havoga ketadur! — deb biz ham muhrimizni bosdiq. “Mushtum” — 1923-yil, 3-son *Gardkam — oʻrtaga tikilgan narsaning hammasiga oʻynalganda aytiladigan soʻz. *«Turkvino” — Oʻsha paytda “Turkvino” nomli Turkiston Davlat tresti boshqarmasi turli xil vino ichimliklari chiqargan. *Vaqf shoʻbasi — vaqf yerlar inqilobidan so'ng ma'orif ixtiyoriga berilib, daromadi maktab va ma’orif ehtiyojlariga sarflangan. *Dambal — ishton. ✍ Abdulla Qodiriy 📚 @kitoblar_pdf

#Nazmiy 📜 Charx avzoyi bu dam avvalgilarg‘a o‘xshamas, Kotibu davru raqam avvalgilarg‘a o‘xshamas, Endi inson qadri ham avvalgilarg‘a o‘xshamas, Ko‘nglum ichra dardu g‘am avvalgilarg‘a o‘xshamas, Kim ul oyning hajri ham avvalgilarg‘a o‘xshamas. Ne uchar yulduzlar o‘tdi chalg‘itib elni juda, Necha avlod yo‘li-yu umidin aylab behuda, Davr mezoni bilan tortay bu kun o‘zimni-da, Ne sitamkim qilsa rahm maxfiy erdi zimnida, Emdi qilsa ne sitam avvalgilarg‘a o‘xshamas. Bul Jahon tun birla tong bahs etar bir hujrakim, Voh, quyosh savdosig‘a shamlar nechuk bo‘ldi hakim, Ishq, bu - o‘z umrim, anga nechuk qasamlar ichmakim, Demangiz Shirinu Layli oncha bor ishq ichrakim, Xo‘blikda ul sanam avvalgilarg‘a o‘xshamas. Qay kishikim bir ulug‘ ishga etibdi jon nisor, Shiddati pastu baland kelganda ham bo‘lmaydi or, Ey falak, hech kimni etma besamar yo‘llarda xor, Javridin erdi alamlar, emdi tutmish o‘zga yor, O‘lmishamkim, bu alam avvalgilarg‘a o‘xshamas. Ona Sharq tojin kiyur! Zulmatda ushlatmang meni, Bodayi haq mastiman, yolg‘onga uyg‘atmang meni, O‘z xayolimg‘a qo‘ying, o‘zgaga ishlatmang meni, Ishq aro Farhod ila Majnung‘a o‘xshatmang meni, Kim bu rasvoyi dajam avvalgilarg‘a o‘xshamas. Har kima har xil yozur Arsh Mirzosi sana, Aylanur oyina bu, hech bitta ish topmas pana, Nafs ipiga bog‘lidur ruh iplarin uzgan tana, Ko‘yining ehromidan ko‘nglimni man etmang yana, Kim anga azmi haram avvalgilarg‘a o‘xshamas. So‘kmak o‘tganlar ishin notavonlar rasmikim, O‘z zamonin rost etar qavmi mardsir asli kim, Shu hayot tilsimlarin ochmoq omonlar kasbikim, Ey Navoiy qilma Jamshidu Faridun vasfikim, Shoh Gʻoziyga karam avvalgilarg‘a o‘xshamas. ✍️Omon Matchon 📚 @kitoblar_pdf

#Savodxonlik 1-noyabrdan 5-noyabrgacha “1-noyabrdan 5-noyabrgacha” jumlasini qisqaroq qilib “1–5-noyabr” shaklida yozsa ham boʻladi. Bunda faqatgina 1 va 5-noyabr emas, ularning orasidagi 2, 3 va 4-noyabr ham nazarda tutiladi. Eʼtibor berish kerak boʻlgan joyi — raqamlar orasiga qisqa tire qoʻyiladi. Tire va chiziqcha haqida mana bu yerda maʼlumot berganmiz: https://t.me/kitoblar_pdf/3558 Faqatgina muayyan sanalarni koʻrsatish kerak boʻlsa, ular vergul bilan ajratiladi: 1, 2 va 5-noyabr. Lotin alifbosida yil va oylarni koʻrsatuvchi raqamlardan soʻng -nchi qoʻshimchasini ifodalash uchun chiziqcha (-) qoʻyiladi: https://t.me/kitoblar_pdf/2868 ©xatoliklar 📚 @kitoblar_pdf