Ilm duri

🌷ILM    Bir kishi imom Vaki’ ibn Jarroh rahimahullohni so‘kdi. U kishi indamadi. Kishilar imomdan: - Nega indamadingiz?- deya so‘rashdi. Imom: - Ilmni nega o‘qidim?!- dedi. 📚 @ilm_duri

🌷Ilm va ilmsizlik Bir yigit so‘radi: - Ba’zilar ilm olib adashib ketishyapti. Men ham shundan cho‘chib ilm olmoqchi emasman. Shunga nima deysiz? Abu Dardo (r.a)ning javobi shunday bo‘ldi: - To‘g‘ri, ilmlilarning ba’zilari adashib ketgani rost gap. Biroq, ilmsizlarning hammasi adashadi, hammasi! 📚 @ilm_duri

📓Ilmni tark etma "Ey farzand! Ogoh bo‘l! O‘n yil kasbu hunarsiz, ovqatsiz qolsang ham ilmdan voz kechma! Zero, ilmdan yuz o‘girish barcha yaxshilikdan yuz o‘girishdir. Ilmdan qornim, mansabim yoki boshqa dunyo hojatlar deb ketishing og‘ir musibatdir. Balki hayoting yana ham tangroq, balo va ofatlar bilan mashaqqat girdobiga tortilishiga sabab bo‘ladi. Zinhor ilm tahsilini tark etmagin".

Imom Zarnujiy, «Ilm olish sirlari» kitobidan

📚 @ilm_duri

🌸Ilmga yetishish Tavoze’ hamda ustozni jon qulog‘i bilan tinglash bilangina ilmga yetishish mumkin. Zero, Alloh taolo:  «Albatta, bunda uyg‘oq qalb egasi bo‘lgan yoki o‘zi hozir bo‘lib, quloq tutgan kishi uchun eslatma bordir» (Qof surasi, 37-oyat), deb aytadi. Oyatdagi «qalb egasi»dan murod ilmni qabul qiluvchi, fahmlovchi kishidir. Shogird ustozining tavsiyalariga quloq solmagunicha, qalbini ilm eshitish uchun hozirlamagunicha uni fahmlay olmaydi. Muallimning ko‘rsatmalarini go‘zal tarzda eshitishi, unga itoatda bo‘lishi, shukrini, xursandligini, minnatdorligini izhor etishi lozim. Talaba ustozga nisbatan yumshoq tuproqdek bo‘lishi kerak. Qachon yumshoq tuproqqa mo‘l yomg‘ir yog‘sa, darrov o‘ziga singdiradi. Xuddi shuning singari ustoz dars davomida biror narsaga buyursa, o‘z fikridan voz kechib, so‘zsiz unga itoat etish talabaning burchidir.  Zero, ustozning yanglish so‘zi uning o‘z nazdidagi to‘g‘ri so‘zidan foydaliroq. Manfaati katta bo‘lish bilan birga, eshitilishi g‘aroyib sanalgan daqiq narsalar tajriba orqali bilinadi. Aslida tabib harorati baland kasalga ba’zan quvvatini oshirish uchun muolajani buzadigan darajada haroratni ko‘taruvchi dori bersa, tabobatdan xabari yo‘q kishi taajjublanadi.

Imom G‘azzoliy

📚 @ilm_duri

🌸 Ilmning afzalligi Ilm amaldan besh jihatdan afzaldir. 1. Ilm amalsiz ham bo‘lishi mumkin. Amal esa, ilmsiz bo‘lmaydi. 2. Ilm amalsiz ham foyda berishi mumkin. Lekin amal ilmsiz foyda bermaydi. 3. Amal lozim narsa, ilm esa, chiroqday nurli narsa. 4. Ilm payg‘ambarlarning maqomidir. Payg‘ambarimiz (sollallohu alayhi vasallam) bu haqda bunday deganlar: "Ummatimning olimlari Bani Isroil payg‘ambarlari kabidirlar". 5. Ilm Allohning sifati, amal esa, bandalarning. Allohning sifati, albatta, bandalarning sifatidan ustundir ("Tafsirut taysir").

Durratun nosihiyn (Nasihatgo‘ylar duri) kitobidan

📚 @ilm_duri

🌸Ilm talabi Rabbingiz tomon ilm talabi bilan intiling, amal qiling! Soqolni uzaytirish, ishtonni kaltalash, shippak kiyish, ko‘rinishga va ikkilamchi narsalarga e’tibor qilish bilangina emas. Chunki Kitobingizda birinchi nozil bo‘lgan oyat - "O‘qi!", bo‘ladi..

Doktor Mustafo Mahmud

📚 @ilm_duri

🌸Islom qanday ilmga chaqiradi? Islom chaqirayotgan ilm qanday ilm o‘zi? Faqat diniy ilmmi? Yo‘q, bu ilm bilimsizlikni yo‘qotadigan barcha ilmlardir. Diniy ilmlar bo‘lsa ham, dunyoviy ilmlar bo‘lsa ham (tabiat ilmlari, psixologiya, tarix, jug‘rofiya, sotsiologiya va boshqa ilmlar), Alloh musulmonlarni mana shu barcha ilmlarni o‘rganishga qiziqtiradi. Shoyadki, ushbu ilmlar orqali Allohning qudrati, ulug‘ligini chuqur tushunsalar. Bundan tashqari, o‘z hayotlarida shu ilmlardan manfaatdor bo‘ladilar. Qur’on oyatlarida tabiiy ilmlarni o‘rganishga chaqiriqlar bor. Qur’on musulmon kishining ko‘z oldida turgan mavjudotlarni o‘rganishga chaqiribgina qolmay, avvalgi o‘tgan xalqlarning tarixi, ularning obodonchilik yo‘lida olib borgan ishlari, havoyi nafsga berilib, oqibatda halokatga uchraganlarini ham o‘rganishga undagan.

✍ Shayx Muhammad Sodiq Muhammad Yusuf, "Iymon" kitobidan

📚 @ilm_duri

🌸Ilmni uch narsa uchun olinmaydi va tark qilinmaydi Umar (r.a.) aytadilar: “Ilmni uch narsa uchun olinmaydi va uch narsa uchun tark qilinmaydi. Uni tortishish, faxrlanish va riyo uchun o‘rganilmaydi. Talabidan uyalib, u to‘g‘rida zohidlik uchun va johillikka rozi bo‘lib tark qilinmaydi”. 📚 @ilm_duri

🌸Ilmni e’zozlash Ilm bulog‘i va manbai kitobdir. Demak, kitobga ahamiyat berish, uni ozoda va ko‘rkam tutish, faxr bilan ko‘tarib yurish, pokiza va baland joylarga qo‘yish nafaqat uning hurmati, balki ilmni ulug‘lash hisoblanadi. Shuningdek, kitobni asta varaqlash, imkon qadar bir ochishda kerakli sahifani ochish va zarur bo‘lganda kitobni varaqlash ham ilmni ulug‘lash jumlasiga kiradi. Kitobni varaqlashda kitob varaqlarini g‘ijimlab, buklab, barmog‘iga tuflab varaqlash xunuk va nomaqbul ishdir. Kitob va daftar ustiga jild va g‘ilof tutish moʻtabar amal. Zero kitobni ulug‘lash ilmni ulug‘lash ekan, talaba kitobni har vaqt tahorat bilan ushlamog‘i kerak bo‘ladi. Bu ishga odatlanishi o‘ziga foydadir. Imom Xalvoniy hazratlaridan hikoya qilinadi, u zot: “Men bu ilmga faqat uni hurmat qilib erishganman! Qog‘ozni doim tahorat bilan olib, betahorat kitobga yaqin kelmas edim”, deganlar. Shayxulislom Saraxsiy hazratlari kunlarning birida qorin og‘rig‘i kasalligi bilan og‘ridilar. O‘sha kechasi tahoratlarini takror-takror yangilaganlar. Xullas, o‘n yetti bora tahorat olgan ekanlar. Chunki u zot ilmlarini faqat tahoratda qaytarar edilar. Zero, ilm nurdir, tahorat esa poklik va nurdir. Ikki nur bir-biriga qo‘shilib, nurlar yanada ziyoda bo‘ladi. Tahoratning nuri ilm nurining ziyosini ko‘paytiradi.

📖 Imom Zarnujiy, «Ilm olish sirlari» kitobidan

📚 @ilm_duri

🌿Ilm o‘rganish va o‘rgatish haqida    Muoz ibn Jabal ilm o‘rganish va o‘rgatish haqida aytadilar: «Ilm o‘rganinglar, zero, uni o‘rganish – Allohdan qo‘rqish, uni talab qilish – ibodat, muzokarasi – tasbih, uni izlash – jihod, bilmaganga o‘rgatish – sadaqa, uni o‘z ahliga bildirish – Allohga qurbatdir. Ilm tanholikda hamroh, xilvatda do‘st, to‘g‘ri yo‘l ko‘rsatuvchi dalil, xursandligu xafalik paytida ko‘makchi, do‘stlar oldida vazir, begonalar oldida yaqin do‘st va jannat yo‘lining minorasidir. Alloh ilm bilan qavmlarni yuksaltirib, yetakchi qilib qo‘yadi. Ular odamlarni yaxshilikka yetaklaydi, boshqalar ularning izidan yuradi, qilgan ishlari e’tiborli bo‘ladi.  Har bir quruq va ho‘l narsalar, hattoki dengizdagi baliqlaru hasharotlar, yovvoyi va barcha hayvonlar, osmon va undagi yulduzlar ularning haqqiga istig‘for aytadi».    Zero, ilm ko‘r qalb ko‘zini ochuvchi, qorong‘u zulmatda nur bag‘ishlovchi va zaif badanlarga kuch-quvvatdir. Ilm bilan banda abrorlar darajasiga ko‘tariladi, oliy martabalarga yetishadi. Ilm ustida tafakkur qilish kunduzi ro‘za tutganga, uni muzokara etish kechani ibodat bilan bedor o‘tkazganga tengdir. Allohga toat-ibodat, tavhidni anglash, Allohni ulug‘lash va taqvo qilish ilm bilan bo‘ladi. Ilm bilan qarindoshlik aloqalari bog‘lanadi, harom bilan halol ajratiladi. Ilm peshvo-imomdir, amal unga ergashadi. Ilmdan bahramand insonlar baxtli, mahrumlar esa, baxtsizdir.

📖 Imom G‘azzoliy, "Ihyou ulumid-din" kitobidan

📚 @ilm_duri

🌿“Ilm afzalmi, mol-dunyo afzalmi? Hazrat Аli roziyallohu anhu xavorij toifasidan boʼlgan oʼn kishining “Ilm afzalmi, mol-dunyo afzalmi?” degan savoliga: “Ilm afzal”, deb javob berdilar va ularning har biriga alohida dalil keltirdilar: – birinchisiga: “Ilm paygʼambar­larning merosidir, mol esa Qorun, Shad­dod, Firʼavn va boshqa shunga oʼx­shaganlarning merosidir!”; – ikkinchisiga: “Ilm seni qoʼriqlaydi, molni esa sen qoʼriqlaysan”; – uchinchisiga: “Mol egasining dushmani koʼp boʼladi, ilm egasining doʼsti koʼp boʼladi”; – toʼrtinchisiga: “Molni sarflaga­ning sari u kamayib boradi, ilmni sarf­laganing sari u koʼpayib boradi”; – beshinchisiga: “Mol egasini baxil-qizgʼanchiq degan nom bilan malomat qilib chaqirishadi, ilm egasini esa izzat-ikrom va hurmat-ehtirom bilan chaqirishadi”; – oltinchisiga: “Mol oʼgʼridan yashiriladi, ilm esa oʼgʼridan yashirilmaydi”; – yettinchisiga: “Molning egasi qiyo­mat kuni hisob-kitob qilinadi, ilm egasi esa qiyomat kuni shafoat qilinadi”; – sakkizinchisiga: “Mol uzoq vaqt turishi va zamonlar oʼtishi bilan eski­radi (va qadri ketadi), ilm esa aslo es­kirmaydi va qadri ketmaydi”; – toʼqqizinchisiga: “Mol qalbni qo­raytiradi, ilm esa qalbni yoritadi – yorugʼ va nurli qiladi”; – oʼninchisiga: “Molning egasi bora-bora xudolikni daʼvo qiladi, ilm egasi esa hamisha bandalik maqomida turadi”, dedilar. Soʼngra: “Аgar mendan yana shu savolni soʼrayverishsa, to oʼlgu­nimcha shunday (“Ilm moldan afzal”) deb javob beraveraman!” dedi. Keyin u (xavorij)­lar kel­dilar va hammalari imon kel­tirib, musulmon boʼldilar.

“Hidoyat” jurnalining 2020-yil, 2-sonidan

📚 @ilm_duri

#mutolaa 🌿 Ilmning foydalari Ilmning foydalari son-sanoqsiz ekanini hamma yaxshi biladi. Biz diniy ilmlarning ba’zi foydalarini qisqacha eslab o‘tamiz: 1. Ilm orqali Alloh taniladi, Unga ibodat qilinadi va tavhid asosida yashash yo‘lga qo‘yiladi. 2. Ilm e’tiqodlar va ibodatlarning asosidir. 3. Ilm talab qilish ibodatdir. 4. Ilm jannatga yetish yo‘lidir. 5. Ilm o‘z egasiga Allohdan qo‘rqishni kasb qildiradi. 6. Ilm o‘z egasiga xaloyiqqa nisbatan tavoze’li bo‘lishni o‘rgatadi. 7. Ilmdan avvalo, egasi, keyin boshqalar ham foyda oladi. 8. Ilmning ajri uning egasining ajalidan keyin ham boqiy qoladi. 9. Ilm o‘z egasini payg‘ambarlardan keyingi eng yuqori martabaga erishtiradi. 10. Ilm pastni baland, xorni aziz va singanni butun qiladi. 11. Ilm kishini jaholat zulmatidan ma’rifat nuriga chiqaradi. 12. Ilm tufayli silai rahm qilinadi va haq-huquqlar ado etiladi.

📖 Shayx Muhammad Sodiq Muhammad Yusuf. "Mukammal saodat yo‘li" kitobidan

📚 @ilm_duri

Dunyoni sevmoq Bir necha kishi to'planib, «Zolim nafs, xoin dunyo, musibatlarning eng avvali...» kabi sifatlar bilan dunyoni yomonlashar edi. Qizig'i shundaki, ular dunyoni yomonlagani sari kayfiyatlari chog', go'yo boshqa bir olamga «sayr» qilishardi. Ittifoqo, bu majlisga kelib qolgan haqiqiy bir olim ularga: — Siz dunyoni naqadar sevishingizga hayron qoldim! — deya xitob qildi. Bu gapdan majlis ahli dovdirab qoldi, hamma sukut saqladi. Nihoyat, oralaridagi bir olim chiqib: — Biz dunyoni maqtamayapmiz, aksincha yomonlayapmiz, basharti dunyoni sevganimizda uni maqtardik. Binobarin, sening bu so'zlaring ma'nosiz, mantiqsiz, — dedi. Orif zot shunday javob qildi: — Yo'q, unday emas. Dunyo sizga yor bo'lmagani uchun ham uni yomonlash bilan qalbingiz taskin topmoqda. Agar qalbingizda dunyoga qiziqish bo'lmaganida, u bilan ovora bo'lmas edingiz. Inson sevgan narsasini gapirib tasalli topadi. Siz yomonlash orqali yashirin sevgingizga tarjimon bo'lib, qalbingiz taftini bosmoqdasiz. Hissa Til ko'ngil tarjimonidir. Tillar ko'ngillarga bog'langan. Oshiqning fikri nima bo'lsa, zikri ham o'shadir. Qalbi pokiza, komil inson boshqasining qadrini yerga urishni ep ko'rmaydi, biroq voqealarga ibrat nazari bilan qaraydi, kerakli xulosalar chiqaradi. 📚 @ilm_duri

🌿Hazratning kitobga muhabbatlari «Hazratni xotirlab» ko‘rsatuvining har bir qismidan biz yuzlab xulosalar chiqarishimiz mumkin. Ko‘rsatuvning barcha sonlaridan olgan umumiy xulosalarim quyidagilar bo‘ldi: *️⃣1) Hazratning kitobga bo‘lgan muhabbatlari, ilmga bo‘lgan chanqoqliklarini Alloh taolo bolaliklaridan ko‘ngillariga solib qo‘ygan va bu muhabbat yillar o‘tgan sayin kuchayib borib, hazratning ko‘plab kitoblar muallifi bo‘lishlariga sababchi bo‘lgan; *️⃣2) Hazrat umrlarini doimo kerakli ilmlar, solih amallar, foydali ishlar bilan o‘tkazganlar, vaqtlarining bir soniyasini ham behuda sarflamaganlar; *️⃣3) Oddiy inson, oddiy bashar ekanliklari muomalalarida ko‘rinardi, Haq taolo ilmlari tufayli bizdan ko‘ra ko‘proq fazilat bergani ularning yuzlarida, harakatlarida, amallarida yaqqol ko‘zga tashlanardi; *️⃣4) Hazratning manxajlari, asosan, insonlarni ahli sunna val jamoaga chaqirish bo‘lgan; *️⃣5) Hazratning eng katta maqsadlari – xalqni fiqhda, ya’ni imom Abu Hanifa rohmatullohi alayhning mazhablarida birlashtirish edi; *️⃣6) Hazratning yashash tarzlari hanafiylik mazhabining eng oliy misoli bo‘lgan; *️⃣7) Hazratdan ta’lim olgan har bir shogirdlari u yoki bu sohaning yetuk mutaxassisi bo‘lib yetishgan; *️⃣8) Hazratga Alloh azza va jalla «qabul qilish va qabul qilinish» ne’matini ato etgan edi. Ya’ni, u zot biror insoning oldiga borsalar darrov xush ko‘rilar (qabul qilinar) edilar. Yoki bo‘lmasa, hazrat suhbatlarini boshlasalar, kattayu kichik, yoshu qari, erkagu ayol ularni birdek maroq bilan tinglardi (qabul qilardi). Shuningdek, shayximiz biror kitobni yozishni boshlasalar, Robbil ’alamiynning karomati bilan ana shu kitobda yoritilayotgan ma’lumotlarga insonlar orasida ehtiyoj paydo bo‘lardi. Kitob nashrdan chiqqach insonlar o‘zlarini qiziqtirayotgan masalalarga ana shu kitobni o‘qish orqali javob topardilar; *️⃣9) Hazrat elni birlashtirish, odamlarni ittifoqdosh qilish uchun qo‘llaridan nimaki chora kelsa, barchasini ishga solganlar; *️⃣10) Hazrat jamiki xizmatlarini xolis Alloh subhanahu va taolo uchun qilganlar!

Ibodat Gulmurodova

📚 @ilm_duri

Qiymati milliard so'mdan ortiq 7×7 konkurs 2-fasliga ga start beramiz! @Assanheyabot orqali Shohruh Karimov tomonidan ishlab chiqilgan maqsad xaritasi 7 ta modulini to'ldirasiz va sizga Assanheya group tomonidan  maxsus sertifikat taqdim etiladi. Sertifikatingiz nusxasini ushbu post ostiga yuborishingiz bilan hamma g'alaba qozonadigan o'yin ishtirokchisiga aylanasiz.

1. 7  kishiga Men klubi jonli darslariga 3 oylik yo'llanma (qiymati 6.8mln so'm) 2. 1 kishi uchun Shohruh Karimov bilan Men kimman suhbati ( qiymati 1.5mln so'm) 3. 1 kishi 1 oylik mindset kurslari uchun yo'llanma (qiymati 1mln so'm) 4. Eng ko'p do'sti @Assanheyabot 7 ta modelni to'ldirgan 1-2 va 3- o'rinlarga 17promax planshet 4-5-6- o'rinlarga 700 ming so'm pul mukofoti ; 7-8-9-o'rinlarga Men klubi online live kurslari uchun yo'llanmani qo'lga kiriting. 5. Yana 4 ta  planshet (random ) 6. 4 ta 700 ming so'mlik pul mukofoti (random) 7. 7 ta do'stingizni maqsad xaritasi 7 ta modulini to'ldirishga erishsangiz qiymat 3.8 mln so'mlik men klubi yozib olingan 12 ta strategiya darslariga yo'llanmani qo'lga kiritasiz.

G'oliblar 24 - oktabr kuni 19:00 da jonli efirda random orqali @Assanheya kanalida  aniqlanadi.

Maqsadimiz 1mln kishiga global  maqsadini topishida ko'mak berishga qaratilgan

. Shunchaki ulashing tarqating va hamma chempion bo'la oladigan challenge ishtirokchisiga aylaning. @Assanheya - biz ilm eksport qilamiz. Telegram | Instagram | You Tube

Alixonto‘ra Sog‘uniy o‘zining "Turkiston qayg‘usi kitobida yozadi: "Ongi ochilmagan, bilimsiz bir millat o‘z dushmanlari oldida kushxonaga haydalmoqda bo‘lgan bir to‘p hayvondan hech qanday ayramasi yo‘qdir. Insonning o‘ziga eng yaqin halokatlik dushmani ongsizlik, ilmsizlikdir. Shunga ko‘ra Olloh taolo Qur’onning birinchi surasini o‘qish, uqish, bildirish, yozish, qalam bilan boshlamish edi. Payg‘ambarimiz sollallohu alayhi vasallam erkak-xotin, o‘g‘il-qiz demay butun ummatlarini ilm o‘qishga buyurdilar. Kerakligicha din ilmini o‘qish hammaga farz bo‘lgandek, o‘z hukumatini, vatanini va millatini saqlash uchun zamonaviy fan ilmini o‘qib bilish ham farzdur". 📚 @ilm_duri

🏆 Bugun 5 daqiqa kitob o‘qiganga iPhone 17 Pro Max sovg‘a qilamiz! 😊 25-sentabr “Mutolaa”da “Omadli kun” va bu kunda ilovada istalgan kitobni kamida 5 daqiqa o‘qigan hammaga 1 haftalik BEPUL Mutolaa Premium sovgʻa qilinadi. 📱Bugun 5 daqiqa kitob oʻqiganlar orasidan bir kishiga esa random tarzda iPhone 17 Pro Max ham sovg‘a qilamiz!

🤝 Bugundan kitob oʻqish odatini shakllantirishingiz uchun zo’r imkon! Yaxshi tashabbus.

👉 Hoziroq ilovaga kirib, kitob mutolaa qiling: https://me-qr.com/E8U1zNFP

Men kunlarni aldayapman, yomon kunlarni, Goh kar boʻlib, goh oʻzimni solib mastlikka. Ammo oʻzdin qayga qochay, qayoqqa qochay, Xaqqim bormi yuragimni tanimaslikka. ✍️Halima AHMEDOVA 📚 @kitoblar_pdf