Yetim dasturchi kundaligi

Ismingni bitta harfini almashtirib yuborishganiga project uchun mantiqli gap chiqib qolsa 😄

Butun tarmoqlardagi ozish sirlari, ideal qomat va summer body haqidagi reklamalarni ko‘raverib odamning xayoliga Rubens asarlari keladi. Chunki bugungi go‘zallik standartlari bizga qanchalik tabiiy tuyulmasin, ular doim ham shunday bo‘lmagan. XVII asr Yevropasida, ayniqsa Barokko davrida, to‘ladan kelgan ayol qomati ko‘pincha go‘zallik, salomatlik, farovonlik va fertilitet belgisi sifatida qabul qilingan. Oq va nozik teri esa og‘ir mehnatdan holi, badavlat hayot tarzining ramzi hisoblangan. Bugun ayrimlar ortiqcha vazn deb baholaydigan qomat o‘sha davrda havas qilinadigan ideal bo‘lishi mumkin edi. Bu qarashlarni san'atda ham yaqqol ko‘rish mumkin. Flamand rassomi Peter Paul Rubens asarlaridagi ayollar ozg‘in emas. Ular tirik, iliq, sog‘lom, yumshoq qomatli va hayotga to‘la tasvirlangan. Hattoki bugungi kunda ingliz tilidagi Rubenesque atamasi ham Rubens tasvirlagan ana shunday ayol go‘zalligini anglatadi. Rubensning rafiqasi Helena Fourment ham uning ko‘plab asarlariga ilhom bergan (Portrait of Helena Fourment). Oq-pushti terili, yumshoq qomatli va tabiiy go‘zallikka ega ayol obrazi rassom ijodida qayta-qayta uchraydi. Rassom tasvirlangan The Three Graces (Uch Nafosat ma'budasi) qadimgi yunon mifologiyasidagi Xaritlar (Charites), rim mifologiyasidagi Gratsiyalar (Gratiae) bo‘lib, go‘zallik, quvonch va farovonlik timsoli hisoblanadi. 🔸 Aglaia - go‘zallik, yorqinlik va joziba. 🔸 Euphrosyne - quvonch va shodlik. 🔸 Thaleia - gullash, mo‘l-ko‘llik va farovonlik. Ularning qomati tasodifiy tanlanmagan. O‘sha davr tomoshabini uchun bunday obrazlar hayot zavqi, baraka, salomatlik va go‘zallik bilan bog‘langan. Aslida bunday qarashlar bizga ham begona emas. Yaqin vaqtgacha ayrim qishloqlarda kelin tanlashda qizning jismoniy baquvvatligi, sog‘lom ko‘rinishi va gavdasi muhim mezonlardan biri bo‘lgan. Hatto xalq orasida keng sonli, boldiri baquvvat ayol farzand ko‘rishga va ro‘zg‘or tutishga kuchliroq bo‘ladi degan tasavvurlar ham uchragan. Bugungi mezonlar bilan qaraganda bu qarashlar eskicha tuyulishi mumkin, ammo ular ham o‘z davrining hayotiy tajribasi va qadriyatlaridan kelib chiqqan. Xuddi shuningdek, bugungi kunda ham ideal qomat deb targ‘ib qilinayotgan ayrim standartlar inson tanasining tabiiy xususiyatlarini kamchilik sifatida talqin qiladi. Masalan, ko‘plab ayollar qorin pastki qismidagi tabiiy bo‘rtmani yo‘qotishga harakat qiladi. Vaholanki, bu hududning mutlaqo tekis bo‘lmasligi ko‘pincha ayol anatomiyasining tabiiy tuzilishi bilan bog‘liq. Ya'ni ba'zan biz go‘zallik ortidan quvib, tananing tabiiy normalarini nuqson deb qabul qila boshlaymiz. Demak, tarixning qiziq tomoni shundaki, bugun ideal deb qabul qilinayotgan narsa ertaga o‘zgarishi mumkin. Go‘zallik mezonlari abadiy emas. Ammo inson tanasining tabiiy xususiyatlari modadan ham, reklamalardan ham uzoqroq tarixga ega.

Xullas ilovada bug bor ekan. Mushukcha ushlab turgan aktivlash uchun deyilgan qr kod menimcha serverdan xatolik olib kelyapti. Bar code bilan esa hammasi joyida. Beeline developerlarini shu muammoni topolmay hammani sarso qilishgani va bepul testdan o'tkazib berilgani uchun duo qilib qo'yishsa bo'ladi.

😕🔫

Bugun judayam g'alati holatga duch kelib qoldi odam. Ya'ni Toshkent va viloyatlar o'rtasidagi texnologiya tafovutini real ko'z bilan kuzatish mumkinligini sezdim. Bir yildan oshdiki juda ko'plab mobil operatorlar self registration uchun sim kartalar chiqarishgan. Bu odatda Toshkentdagi istalgan do'konda topiladigan va har qanday odam sotib olishi mumkin bo'lgan tovar. Ya'ni yangilik bo'lmay qolgan. Ana endi masalaning eng qiziq jihati. Namangan viloyatidagi birorta shu sohadagi xizmat ko'rsatuvchilar bunday narsa borligidan xabardor emas. Dahshatlisi esa Namangan shahridagi beeline markaziy ofisi xodimlari ham, beemarketdagilar ham kompaniyalari shunday imkoniyat taqdim etishini bilishmaydi. Aslida bu MyId bilan istalgan joyda o'zingizga maqul servisni ulab olishning qulay yo'li hisoblanadi. Ofisga bor, navbat kut, pasportni chiqar kabi bosh og'riqlar bo'lmaydi. Lekin yangiliklarga birov qiziqib ham ko'rmagani odamni g'alati holatga tushiradi. Xuddiki vaqt mashinasida o'tmishga qaytish kabi bu, seni uyerda hech kim tushunmaydi.

Odatda juda ko'plab web serverlar asosida C yotadi (nginx, lighttpd, apache). Ayniqsa socket server yozib ko'rmagan odam bo'lmasa kerak bu tilda. Bir loyiha doirasida kichikroq http server ko'tarish va web panel qilishga to'g'ri kelib qoldi. Bu narsa uchun esa ikkita qiziq project topib oldim. Sizlarga ham foydasi tegar. https://mongoose.ws/ https://github.com/h2o/picohttpparser

Ustaxona degani mana bunday bo'lishi kerak)

Docker ❌ Linux namespaces ✅ Sizga qiziq bir ma'lumotni aytaman, docker yoki kubernetes kabi konteynerlash muhitlari bunday imkoniyatni ixtiro qilib chiqmagan. Bunday mexanizm 2000-yillardayoq linux kernelda paydo bo'lishni boshlagan. Maqsad ham aslida hozirgidek edi. Bitta serverni virtualizatsiya qilib bo'lish allaqachon bor ammo resurslar moslashuvi tomondan bu ko'p bora muammolar keltirib chiqargan. Shuningdek loyihalarni bir serverdan ikkinchisiga olib ko'chishda ko'pinda resource name conflicts holatlari ham kuzatilgan. Shu sababli linux kernelga namespaces kabi imkoniyat qo'shilgan. Bunga ko'ra namespaces bitta kernel doirasida o'zining hostname, user/grouplar, PID daraxti, networklari va mount pointlarini alohida izolyatsiya qila olish imkonini beradi. Bu ham xuddi virtualizatsiya kabi, faqat kernel asosiy osdagi qolaveradi. Shuningdek util linux paketi doirasida unshare buyrug'i ham bor. Bu aynan shu namespaceslardan foydalanib konteynerlashni ta'minlab beradi. Misol:

sudo unshare --pid --fork --mount-proc bash -c "ps aux"

Yoki, konteyner ochamiz:

sudo unshare --pid --fork --mount-proc bash

Uni ichida:

hostname isolated
hostname
top

Bu haqida ko'proq o'rganish uchun sourcelar: https://man7.org/linux/man-pages/man1/unshare.1.html https://github.com/torvalds/linux/blob/master/include/linux/nsproxy.h https://github.com/torvalds/linux/blob/master/kernel/pid_namespace.c

Kripto kurslar qancha bo'lyapti ekan bolajonlar?) Menimcha sizlar meni taniysizlar. Nu menam endi sizlarni tanishni boshladim. P.S: O'sha nosvoydan chekib yaxshilab o'ylab ko'rganinglar durust. Qariya sifatida maslahat beraman: bilimni boshqa yaxshi ishlar uchunam ishlatsa bo'ladi. Hali ham kech emas.

Men to'lov tizimlarimizda tushuna olmagan narsa manashu maydonni majburiy tiqib qo'yilishi. Paymeda masalan qiziquvchalik bilan titkilab topdim fallback qismida bor ekan amountsiz. Click docda esa har doimgidek odam asabiy bo'ladi)) Qizig'i har ikki tizimning integratsiyada ishtirok etadigan dasturchilarining o'zi bunaqa narsa bor yo'qligidan bexabar)

Menimcha bolajonlar uchun shunaqasidan olib qo'yishyapti. Yoki uch litrli bankadagi liton ishlatishadi) Ma'lumotlar ichkaridan kimdir qasddan chiqaryapti degan taxmin bor edi menda. Bu taxmindagi odam yolg'in emaskanman. Tembole hamma narsa borgan sari o'zini tasdig'ini topib boryapti.

Bolajonlar o'zlari nima qilayotganini anglagani yoq menimcha hali... )

Bugun bayram uchun judayam quvonarli bir ish bo'ldi. Rahmatli Shukrullo Turg'unov (@vodiylik) do'stimizga "Mohir aloqachi" ko'krak nishoni bilan taqdirlandi. Mukofot esa uning onasiga topshirildi.

DevOpsDays Tashkent qaytmoqda — bu yil AI infratuzilmasiga alohida e'tibor bilan 🚀 Toshkentda yana DevOpsDays Tashkent — zamonaviy tizimlarni qurish va qo'llab-quvvatlash bilan shug'ullanuvchi muhandislar uchun xalqaro konferensiya — bo'lib o'tadi. 2025 yilda tadbir birinchi marta o'tkazildi va 350+ ishtirokchi, 5 mamlakatdan so'zlovchilarni birlashtirdi 🌍 Bu yil jamoa keyingi qadamni qo'ymoqda — ko'proq amaliyot, ko'proq muhandislik keyslari va AI infratuzilma, hamda DevOps jarayonlarini qanday o'zgartirayotganiga alohida e'tibor 🤖 Konferensiya nimalar haqida bo'ladi: — Cloud, Kubernetes, SRE va DevSecOps bo'yicha real keyslar — AIOps va MLOps: AI ni prodakshnda qanday joriy etish — LLM va AI platformalarini ishga tushirish va qo'llab-quvvatlash — Tizimlarning xatoliklarga chidamliligi, kuzatuvchanligi va ekspluatatsiyasi — Bularni allaqachon amalga oshirayotgan muhandislarning tajribasi 🤝 Parallel ravishda — ekspertlardan workshoplar, muhokamalar, networking va infratuzilmani quruvchi jamoalar bilan muloqot imkoniyati. 📍 Toshkent, INHA, Ziyolilar ko'chasi, 9 📅 2026-yil 15-may 🎟 Chiptalarni shu yerdan sotib olishingiz mumkin!

Birinchi radio juda ham oddiy tuzilgan. Hech qanday ovoz yuborish yoki qabul qilish imkoniyati bo‘lmagan. Shunchaki bolg‘acha va qo‘ng‘iroqcha kabi mexanik aralash detallardan tashkil topgan. Shu sababli ham ba’zi manbalarda uchqunli telegraf-radio sifatida nom qoldirgan. Bunda antenna, kogerer, rele, elektromagnitli qo‘ng‘iroq va elektr manbasidan foydalanilgan xolos. Bu qanday ishlagan? Agar Faradey qonuniyatidan xabardor bo‘lsangiz hammasi oddiy ekanini tushunish yanada osonlashadi. Kirish konturi sifatida antenna, kogerer va yerga ulanishdan foydalanilgan bo‘lib, bunda yerning sig‘imi xuddi kondensator kabi kogererni aktivlash uchun samaraliroq ishlab bergan. Kalit ulanganda esa rele ulanib mexanik bolgacha va qo‘ng‘iroq aktivlangan. Mantiqan hozirgi kirish konturlaridan farq qilamaydi bu. Kondensator o‘rniga yer va kogerer foydalanilgan xolos. Kogerer nima o‘zi? Bu elektromagnit to‘lqinlarni aniqlash uchun ishlatilinadigan trubka bo‘lib, elektrodlar va ichki qismida metal qirindirlaridan tashkil topgan. Bunda metal qirindirlar odatiy yoyiq holatda turadi, agarda chaqnash sezilsa bir biriga yopishib o‘tkazuvchanlik hosil qiladi. Qirindi uchun nikel va kumush aralashmasi ishlatilingan bo‘lib ular oksidlanishi ortiqdan (Fe₃O₄ va NiO) o‘zida katta qarshilik hosil qiladi. Yopishganda esa bu qarshilik tushib o‘tkazuvchan kalitga aylanadi. Lekin bunday detektorni boshqa bir texnik muammosi ham bor. Tok juda kichik kontakt yuzasidan o‘tganda shu joy qizib, metall zarrachalar bir-biriga yopishib qoladi. Shu sababli kogerer bir marta ishlagach qayta bolg‘acha bilan urib uni reset qilishga to‘g‘ri kelgan. Uzatkich qanday bo‘lgan? Popov tizimida uzatkich sifatida odatda uchqunli generator ishlatilingan. Ya’ni kuchaytiruvchi induksion g‘altakka tok berilganda yuqori kuchlanish sabab uchqun oralig‘ida chaqnash yuzaga kelgan. Ya’ni kuchlanish yetarlicha katta bo‘lganda havo izolyator bo‘lib tura olmaydi. Havo teshiladi va ikki elektrod orasidan uchqun sakraydi. Bu oddiy chaqmoqqa o‘xshaydi, faqat juda kichik ko‘rinishda. Morse yoki hozirgi binary tizimi bilan qaralsa bu hodisa ma’lumot uzatish uchun yetarlicha bo‘lgan. Shu sababli ham radio avvalo telegraf aloqada ishlay boshlagan. Birinchi uzatishlardan kemalarda SOS signallarini yuborishda qo‘llashgan. Popov, Markoni yoki Tesla? Radio tarixiga nazar solsak ixtirochilar sonini ko‘pligini ko‘rish mumkin. Hozirgacha kimdir Rus fizigi Popov desa, boshqasi Italyan muhandisi Markoni deb bahslashadi. Tesla fanatlari ham yo‘q emas. Ammo prinsip jihatdan qarasak Popov va Markoni qurilmalari deyarli bir xilda tuzilgan. Popov qo‘ng‘iroqcha bilan tushuntirgan bo‘lsa, Markonida uskuna telegrafga ulangan. Ya’ni biri impulslarni aniqlash, boshqasida telegraf aloqa tizimi uchun ishlatish xohishi bo‘lgan. Shuningdek Markoni patentlash va buni biznesga aylantirish borasida yaxshi harakatlar qila olgani uchun bu tomonda Popov va Tesladan ustunlik qila olgan. Teslachi? Tesla radio ixtirochilaridan biri deb qaralsada ammo uning uzatuvchi va qabul qiluvchi qurilmasi o'sha davr uchun absolut boshqa maqsadlar uchun boshqa prinsiplarda ishlagan. Tesla ishlari ko‘proq rezonansli yuqori chastota tizimlari, sozlangan konturlar va simsiz energiya signallar uzatish g‘oyalariga yaqin edi (mantiqan bu ham kanallar tizimiga yaqin aslida). Shu sababli aloqa tizimi rivojlangani sayin radio tizimlarda muhim bo‘lgan sozlash tuning masalasida Tesla patentlari katta ahamiyatga ega bo‘lgan. 1943-yilda AQSH Oliy sudi Marconining ayrim patent da’volarini Tesla, Lodge va Stone’ning oldingi patentlari sababli haqiqiy emas deb topgan. @yetimdasturchi

7-may kuni jahon fan va texnikasi tarixiga Radio tug‘ilgan kuni sifatida kirgan. Aynan shu kuni, 1895-yilda Rossiya fizika-kimyo jamiyati yig‘ilishida rossiyalik fizik Aleksandr Stepanovich Popov ma’ruza qilgan va o‘zi yaratgan dunyodagi ilk uchqunli simsiz qabul qiluvchi hamda uzatuvchi radiosistemani namoyish etgan. Ushbu qurilma axborot signallarini ishonchli almashish imkonini bergan. Rossiyada bu voqea radioaloqa tarixining boshlanishi sifatida qabul qilingan. Shu bois bugungi kunda ushbu sana barcha aloqa sohasi xodimlarining kasbiy bayrami hisoblanadi. 1945-yil 7-may kuni SSSRda radio ixtiro qilinganining 50 yilligi keng nishonlangan. Shu munosabat bilan mamlakat hukumati ushbu sanani har yili Radio kuni sifatida nishonlashga qaror qilgan. Keyinchalik bu qaror SSSR Oliy Soveti Prezidiumining 1980-yil 1-oktyabrdagi № 3018-X Bayram va xotira kunlari to‘g‘risidagi Farmoni bilan ham tasdiqlangan. Bugungi kungacha ushbu bayram postsovet hududidagi qator mamlakatlarda Radio kuni yoki boshqa nomlar bilan nishonlab kelinadi.

🗓 7-may — O‘zbekiston Respublikasi axborot-kommunikatsiya texnologiyalari sohasi xodimlari kuni Hurmatli axborot-kommunikatsiya texnologiyalari sohasi vakillari! 💡Sizlarni kasb bayramingiz — 7-may, axborot-kommunikatsiya texnologiyalari sohasi xodimlari kuni bilan samimiy muborakbod etamiz.

Bugungi kunda raqamli texnologiyalar jamiyatimiz hayotining ajralmas qismiga aylanib, iqtisodiyot, davlat boshqaruvi va kundalik turmushimizda muhim o‘rin tutmoqda. Mamlakatimizda olib borilayotgan raqamli islohotlar va zamonaviy loyihalar Prezidentimiz qo‘llab-quvvatlashlari tufayli izchil rivojlanib, yangi imkoniyatlar eshigini ochmoqda. Bu yutuqlarda sizlarning fidokorona mehnatingiz, tashabbuskorligingiz va kasbiy mahoratingiz muhim o‘rin egallaydi.

📱Sizlarning sa’y-harakatlaringiz bilan yurtimizda raqamli infratuzilma tobora takomillashib, aholiga qulay va sifatli xizmatlar ko‘rsatish imkoniyatlari kengayib bormoqda. Ushbu sana munosabati bilan barchangizga mustahkam sog‘lik, raqamlashtirish orqali insonlar hayotini yengillashtirish va qo‘shimcha daromad topish imkoniyatlarini kengaytirish yo‘lida ilhom, yangi g‘oyalar va faoliyatingizda ulkan muvaffaqiyatlar tilaymiz. Telegram | Facebook | Instagram | Youtube | LinkedIn | X

KIUT da 1 yil oldin ancha muncha joylari ochiq holda ko'rgandim. Endi shuni mevasini bugun ko'rib turibmiz

Ipotekabankni ham buzib kirishgani haqida xabarlar tarqalmoqda. Doimgidek AD tizimiga RCE orqali. Takinlanishicha 120GB hajmga yaxqin ma'lumotlar ular orasida karta raqamlar va ularga tegishli CVV kodlar ham bor.

Zoodmall 🥤