"El-yurt umidi" Foundation

Korrupsiya haqida xabar berish — xavf emas, masʼuliyat. Siz boshlang — ortingizdan boshqalar ham ergashadi.

Korrupsiyaga duch kelsangiz quyidagi aloqa manzillariga murojaat qilishingizni so‘raymiz: Korrupsiyaga qarshi kurashish agentligi: Call-markaz – 1253 “El-yurt umidi” jamgʻarmasi: korrupsiya holatlari haqida xabar berishga moʻljallangan bot @EYUFANTIKORBOT 📞Telefon raqam +998936688855, +998712030045 🔗 Website: El-yurt.uz Telegram | Facebook |Instagram| YouTube

📌“Notinch dunyoda tinch mamlakat bor — bu O‘zbekiston” Prezident Shavkat Mirziyoyev Andijonga tashrifi davomida hududdagi vaziyat va yechimini kutayotgan masalalar haqida fikr bildirar ekan, so‘nggi kunlarda kam uxlayotganini aytdi. Davlat rahbari Andijonda havo yaxshi ekanini, biroq hududda hal qilinishi kerak bo‘lgan masalalar ko‘pligi sababli o‘ylar uni qiynayotganini ta’kidladi. Shuningdek, Prezident kecha suhbatlashgan oqsoqollardan birining “Notinch dunyoda tinch mamlakat bor — O‘zbekiston” degan so‘zlarini alohida qayd etdi.

“Siyosatdan yiroq odam, lekin yuragidagi bor gapni gapirdi. Men juda xursand bo‘ldim”, — dedi Prezident.

🔗 Website: El-yurt.uz Telegram | Facebook |Instagram| YouTube

⚡️ BMT Bosh Assambleyasi 81-sessiyasida O‘zbekistonning pozitsiyasi bildirildi BMT Bosh Assambleyasining 81-sessiyasida 130 ga yaqin davlat delegatsiyalari qatorida O‘zbekiston delegatsiyasi ham ishtirok etdi. Sessiya doirasida O‘zbekiston Respublikasi Prezidenti Administratsiyasi rahbari Saida Mirziyoyeva nutq so‘zladi. Nutqda bugungi dunyoda ziddiyatlar tobora kuchayib, o‘zaro ishonch susayib borayotgan bir sharoitda O‘zbekistonning aniq pozitsiyasi bayon etildi:

“Tanlagan yo‘limiz aniq — ochiqlik, yaxshi qo‘shnichilik va muloqot. Biz tinchlik, hamkorlik hamda inson qadr-qimmatini e’zozlash tarafdorimiz”.

Nutqda, shuningdek, Markaziy Osiyodagi tub o‘zgarishlar, O‘zbekistonning taraqqiyot yo‘li va aholining turmush darajasi yaxshilanayotgani, BMTning bugungi dunyodagi o‘rni, Afg‘oniston masalasi, bolalar huquqlari va demografik barqarorlik, Orol fojiasi va ekologik muammolar, sun’iy intellekt taraqqiyoti, qonun ustuvorligi va ayollar huquqlari, Toshkentdagi Islom sivilizatsiyasi markazi hamda inson qadrini ulug‘lash kabi dolzarb masalalarga to‘xtalib o‘tildi.

“Bugun hech bir davlat global muammolarni yolg‘iz o‘zi hal eta olmaydi. O‘zbekiston ishonch va o‘zaro hurmatga asoslangan kelajakni barpo etish yo‘lida munosib hissasini qo‘shishga doimo tayyor”.

🔗 Website: El-yurt.uz Telegram | Facebook |Instagram| YouTube

Prezident Shavkat Mirziyoyev Andijon shahrining Oʻrikzor mahallasida tashkil etilgan gastronomik turizm koʻchasi bilan tanishdi. Davlatimiz rahbari koʻcha boʻylab sayr davomida aholi bilan ko‘rishdi. Andijonliklar Prezidentni ochiq chehralar va ezgu tilaklar bilan kutib oldilar. #Mirziyoyev #tashrif #Andijon #bunyodkorlik 🔗 Website: El-yurt.uz Telegram | Facebook |Instagram| YouTube

#Xalqaro_hamkorlik ⚡️AQSH bilan taʼlim sohasidagi hamkorlikning yangi istiqbollari muhokama qilindi Bugun, 23-sentabr kuni “El-yurt umidi” jamgʻarmasi ijrochi direktori Gulnoza Ismailova AQSHning Oʻzbekistondagi elchixonasi Jamoatchilik bilan aloqalar boʻlimi rahbari Lienn Kennon bilan uchrashdi. Tomonlar ilk bor amalga oshirilayotgan “EYUF–Fulbright” qoʻshma stipendiya dasturining saralash bosqichini yakunlash tafsilotlarini, shuningdek, “EducationUSA” global taʼlim tarmogʻi doirasidagi hamkorlikni kengaytirish istiqbollarini muhokama qildilar. Akademik mobillikning amaliy jihatlariga alohida eʼtibor qaratildi. Jamgʻarma va AQSH universitetlari oʻrtasida kadrlar tayyorlash, ilmiy-tadqiqotlar va kasbiy rivojlanishning Oʻzbekiston uchun ustuvor yoʻnalishlari boʻyicha ixtisoslashgan hamkorlikni mustahkamlash masalasi muzokaralarning alohida mavzusi boʻldi. 🔗 Website: El-yurt.uz Telegram | Facebook |Instagram| YouTube

#Farzandimiz_stipendiat #Minnatdorlik_maktublari Aliqul Qurbonov, shifokor, shifokor (Toshkent shahar), “El-yurt umidi” stipendiati Muhammadamin Abdurahimovning otasi: — Bir asr avval jadid bobolarimiz yoshlarni xorijda oʻqitib, olgan bilimlarini yurt ravnaqiga safarbar etishni orzu qilgan edilar. Bugun bu ezgu gʻoya davlat siyosati darajasida davom etayotganini koʻrib turibmiz. Farzandlarimiz uchun shunday keng imkoniyatlar yaratib berayotgan Prezidentimizga chuqur minnatdorligimni bildiraman. Ishonamanki, oʻgʻlim sanoat iqtisodiyoti yoʻnalishida egallagan zamonaviy bilim va tajribasi bilan Vatanimiz sanoatini rivojlantirishga munosib hissa qoʻshadi. Eng katta tilagim — u xalqimizga sadoqat bilan xizmat qiladigan, yurtimizga naf keltiradigan yetuk mutaxassis boʻlib kamol topsin. 🔗 Website: El-yurt.uz Telegram | Facebook |Instagram| YouTube

#OAV_biz_haqimizda Andijondan — Birmingemga “Hamkor press” gazetasining navbatdagi sonida “El-yurt umidi” jamgʻarmasi stipendiati Jaloliddin Abdugʻopporov haqida maqola chop etildi.

Jaloliddin Birmingem universitetining “Buxgalteriya hisobi va moliya” yoʻnalishi boʻyicha bakalavriat bosqichida tahsil olmoqda. Maqolada u Britaniya taʼlim tizimi, talabalik hayoti, foydali odatlari hamda Oʻzbekiston moliya sohasini rivojlantirishda qoʻllamoqchi boʻlgan bilimlari haqida soʻz yuritadi. Stipendiatlarimizning hikoyalari — bu maqsad sari intiluvchanlik, masʼuliyat va oʻz kuchiga boʻlgan ishonch tarixidir.

🔗 Website: El-yurt.uz Telegram | Facebook |Instagram| YouTube

🌐 Google bilan hamkorlik yangi bosqichda: O‘zbekistonda AI, raqamli xizmatlar va yangi avlod kadrlari ekotizimi yaratiladi O‘zbekiston Respublikasi Prezidenti Administratsiyasi rahbari Saida Mirziyoyeva Google kompaniyasi vise-prezidenti Karan Bxatiya bilan uchrashdi. Uchrashuvda O‘zbekiston va Google o‘rtasidagi texnologik hamkorlikni yangi bosqichga olib chiqish, O‘zbekistonda YouTube monetizatsiyasini ishga tushirish masalalari muhokama qilindi. “Biz so‘nggi yillarda shaxsga doir ma’lumotlarni qayta ishlash va raqamli to‘lovlar sohasidagi qonunchilikni takomillashtirdik. Buning natijasida O‘zbekistonda xalqaro to‘lov tizimlaridan erkin foydalanish uchun keng yo‘l ochilmoqda”, — deydi Prezident Administratsiya rahbari. Bugun bu hamkorlik oddiy raqamli xizmatlar doirasidan ancha kengayib, O‘zbekistonning IT salohiyatini oshirish va Markaziy Osiyoda texnologik markaz sifatidagi imkoniyatlarini kengaytirishga qaratilgan strategik yo‘nalishga aylanmoqda.

Bu hamkorlikning eng muhim natijalari quyidagi yo‘nalishlarda namoyon bo‘ladi: ▫️Google Pay O‘zbekistonda ishga tushadi. Visa va Mastercard kartalari uchun Google Pay xizmatini yo‘lga qo‘yish rejalashtirilgan. ▫️O‘zbek tili Google Gemini’ga integratsiya qilinadi. Google Cloud Gemini platformasida o‘zbek tilini qo‘llab-quvvatlash mahalliy tildagi AI yechimlarini yaratish uchun yangi imkoniyatlar ochadi. BigQuery va Dataplex kabi texnologiyalar esa iqtisodiyot tarmoqlarida katta hajmdagi ma’lumotlarni tahlil qilish bo‘yicha pilot loyihalarda qo‘llaniladi. ▫️Kiberxavfsizlik va raqamli kadrlar. Google texnologiyalari asosida milliy kiberxavfsizlik yo‘nalishida mutaxassislar salohiyatini oshirish, yangi o‘quv dasturlari va xalqaro sertifikatlash imkoniyatlarini kengaytirish ko‘zda tutilmoqda. ▫️O‘zbekiston kadrlari Google ekotizimiga kirib bormoqda. Coursera orqali Google’ning “Inson + AI” kurslarida 737 mingdan ziyod foydalanuvchi ta’lim olgan va sertifikatlarga ega bo‘lgan. Shuningdek, har yili 25 nafar talabani Google ofislarida stajirovkaga yuborish rejalashtirilgan. Eng muhimi, hamkorlik startaplarni qo‘llab-quvvatlash, xakatonlar o‘tkazish, ta’lim va AI bo‘yicha mutaxassislar tayyorlash orqali mahalliy IT ekotizimini rivojlantirishga qaratilgan. Google bilan hamkorlikning yangi bosqichi O‘zbekistonda texnologiyani shunchaki iste’mol qilishdan uni yaratish, moslashtirish va eksport qilishga o‘tish uchun yangi imkoniyatlar ochmoqda. “Kompaniya bilan juda ko‘p yo‘nalishda hamkorlik qilish imkoniyati bor. Oldimizda esa katta va muhim vazifalar turibdi”, — deb ta'kidladi S.Mirziyoyeva.

🔗 Website: El-yurt.uz Telegram | Facebook |Instagram| YouTube

Prezident Shavkat Mirziyoyev Andijon viloyatiga tashrifi doirasida umumiy qiymati 9 milliard 400 million dollar boʻlgan 206 ta loyihani ishga tushirish va qurilishiga start berish marosimida ishtirok etdi. — В рамках поездки в Андижанскую область Президент Шавкат Мирзиёев принял участие в церемонии ввода в строй и начала строительства 206 проектов на общую сумму 9 миллиардов 400 миллионов сумов. 🔗 Website: El-yurt.uz Telegram | Facebook |Instagram| YouTube

#Qonunchilikdagi_yangiliklar ❗️Ish joyida tazyiq va zo‘ravonlikka qarshi yangi tizim: murojaat endi nazorat ostida bo‘ladi 2026-yil 21-sentabr kuni “Mehnat sohasida xavfsiz va hurmatga asoslangan ish muhitini ta’minlash chora-tadbirlari to‘g‘risida” Prezident qarori qabul qilindi. Hujjat bilan ish joyida tazyiq, zo‘ravonlik, shahvoniy shilqimlik, ruhiy bosim, ta’qib va kamsitishning oldini olish, murojaatlarni xolis ko‘rib chiqish va bunday holatlarni yashirishga yo‘l qo‘ymaslik bo‘yicha yaxlit tizim joriy etilmoqda. ❓ Raqamli tizim qachondan ishlaydi? 2026-yil 1-dekabrgacha “Xavfsiz va hurmatga asoslangan ish muhiti” axborot portali ishga tushiriladi. U orqali tazyiq va zo‘ravonlik holatlari bo‘yicha murojaatlar onlayn qabul qilinadi, murojaatlarni ko‘rib chiqish, dalillarni yig‘ish, xulosa tayyorlash va tekshiruv natijalarini nazorat qilish jarayonlari raqamlashtiriladi. Eng muhim kafolatlar ✔️Murojaat qilgan xodimning shaxsiy ma’lumotlari himoya qilinadi. Bunday ma’lumotlarning qonunchilikda nazarda tutilmagan hollarda oshkor qilinishiga yo‘l qo‘yilmaydi. ✔️ Rahbar ustidan murojaat tushsa, masala yuqori turuvchi instansiyaga avtomatik yo‘naltiriladi. Bu manfaatlar to‘qnashuvining oldini olishga xizmat qiladi. ✔️ Murojaat uchun bosim o‘tkazishga yo‘l qo‘yilmaydi.

⛔Qaror materiallarida xodim o‘z huquqlarini himoya qilgani uchun uning ish sharoitlarini yomonlashtirish yoki jazolashga yo‘l qo‘yilmasligi alohida ta’kidlangan.

Zarur holatlarda “112” orqali vakolatli organlarga yuborish mexanizmi ham tizimga integratsiya qilinadi. 🔷Davlat organlari va tashkilotlari xodimlari har yili qisqa trening kurslarida o‘qitiladi. Har bir tashkilotda portalni yuritish va profilaktik treninglarni tashkil etish uchun kamida bir nafar mas’ul xodim belgilanadi. 🔷Nodavlat tashkilotlar uchun ham dmi.mehnat.uz tizimida mazkur imkoniyatlardan ixtiyoriy foydalanish sharoiti yaratiladi.

⛔Qarorning asosiy mazmuni bitta: ish joyidagi tazyiq yoki zo‘ravonlikni yashirish emas, uni xavfsiz bildirish, xolis ko‘rib chiqish va natijasini nazorat qilishning aniq mexanizmi yaratilmoqda.

Hurmat — imtiyoz emas. Xavfsiz ish muhiti esa endi alohida talab emas, tizimli vazifaga aylanmoqda. 🔗 Website: El-yurt.uz Telegram | Facebook |Instagram| YouTube

#OAV_biz_haqimizda “El-yurt umidi” orqali Buloqboshidan Birmingemga ochilgan yoʻl 🔗 Website: El-yurt.uz Telegram | Facebook |Instagram| YouTube

#OAV_biz_haqimizda “Xorazm haqiqati” gazetasining navbatdagi sonida “El-yurt umidi” jamgʻarmasi stipendiati Islombek Tojiddinovning intervyusi chop etildi. Islombek oʻqishini Glazgo universitetining magistraturasida veterinariya yoʻnalishi boʻyicha davom ettiradi. U Buyuk Britaniyada olgan bilimlari va xalqaro tajribasini Oʻzbekistonda veterinariya va chorvachilikni rivojlantirishda qoʻllash niyatida. 🔗 Website: El-yurt.uz Telegram | Facebook |Instagram| YouTube

Saida Mirziyoyeva BMT qarorgohida Antoniu Guterrish bilan muloqot o‘tkazdi Prezident Administratsiyasi rahbari Nyu-York shahrida BMT Bosh kotibi bilan uchrashdi. Unda o‘zaro aloqalarni rivojlantirish masalalariga e’tibor qaratildi.

“Xalqaro munosabatlar tizimi uchun murakkab bo‘lgan hozirgi davrda global miqyosda yetakchilik salohiyatini namoyon etayotgani hamda xavfsizlikning barcha asosiy jabhalarida mamlakatimizni qo‘llab-quvvatlayotgani uchun janob Guterrishga samimiy minnatdorlik bildiraman”, — dedi S.Mirziyoyeva. Mamlakatimiz va BMT institutlari o‘rtasidagi munosabatlar bugun aniq ko‘rsatkichlar bilan mustahkamlanib bormoqda. Hozirgi vaqtda tashkilot tuzilmalari ishtirokida yurtimizda umumiy qiymati 293 million dollarlik 166 ta qo‘shma loyiha amalga oshirilmoqda. Ushbu dasturlar sog‘liqni saqlash, sifatli ta’lim, kambag‘allikni qisqartirish va ekologik barqarorlikni ta’minlash kabi eng muhim yo‘nalishlarni qamrab olgan.

🔗 Website: El-yurt.uz Telegram | Facebook |Instagram| YouTube

#OAV_biz_haqimizda ⚡️Uchqoʻrgʻondan — Londonga: “El-yurt umidi” jamgʻarmasi stipendiati Sherzod Komilovning hikoyasi Sherzod Komilov — “El-yurt umidi” jamgʻarmasi stipendiati va University College London (UCL) magistranti. Buyuk Britaniyada u moliya sohasida zamonaviy bilimlarni egallab, xalqaro tajribani oʻrganmoqda va global iqtisodiyot rivojini belgilovchi yondashuvlarni oʻzlashtirmoqda. “Oʻzbekiston 24” telekanalining maxsus lavhasida Sherzod Londondagi oʻqishi, xorijiy taʼlim imkoniyatlari va Oʻzbekiston yoshlari oldida ochilayotgan kasbiy istiqbollar haqida soʻzlab berdi. Uning asosiy maqsadi — Vatanga qaytish hamda orttirilgan bilim va tajribasini mamlakat moliya tizimi va iqtisodiyotini rivojlantirishda qoʻllashdan iborat. Sherzodning hikoyasi — orzudan katta maqsad sari yoʻl, bildirilgan ishonch uchun masʼuliyat va taʼlimni Oʻzbekiston kelajagiga qoʻshiladigan aniq hissaga aylantirishga boʻlgan intilish haqidadir. Videoni tomosha qilish 👉https://youtu.be/Jjpe0iJ5FUk 🔗 Website: El-yurt.uz Telegram | Facebook |Instagram| YouTube

#Munosabat #AntiFake ⚠️ Telegram messenjerida tarqalayotgan ushbu akkaunt Oʻzbekiston Respublikasi Prezidenti huzuridagi Istiqbolli kadrlarni tayyorlash boʻyicha “El-yurt umidi” jamgʻarmasi ijrochi direktori Gulnoza Ismailovaga tegishli emasligini maʼlum qilamiz. Shu munosabat bilan, fuqarolarni ushbu manba orqali tarqatilayotgan axborot, xabarlar, murojaatlar va boshqa materiallarga ishonmaslikka hamda faqat rasmiy axborot manbalariga tayanishga chaqiramiz. Hozirda mazkur holat yuzasidan belgilangan tartibda tegishli amaliy choralar koʻrilmoqda. ❗️Hurmatli fuqarolar, agar siz shunday vaziyatga duch kelsangiz yoki shubhali taklif olsangiz bu haqda toʻgʻridan-toʻgʻri Jamgʻarmaga xabar bering: ▫️@EYUFANTIKORBOT Telegram-boti; ▫️Telefonlar: +998 93 668-88-55, +998 71 203-00-45 (3003) 🔗 Website: El-yurt.uz Telegram | Facebook |Instagram| YouTube

⚡️"Biz sizni yaxshi ko‘ramiz" Davlatimiz rahbari Shavkat Mirziyoyev Nukus shahridagi 24/7 ishlaydigan ko‘chaga tashrif buyurdi. Prezident korteji ko’chada rejadan tashqari to’xtadi. 🔗 Website: El-yurt.uz Telegram | Facebook |Instagram| YouTube

#Farzandimiz_stipendiat #Minnatdorlik_maktublari Gulziba Qazimbetova, hisobchi (Qoraqalpogʻiston Respublikasi), “El-yurt umidi” stipendiati Shinbergen Xojanbergenovning onasi: — Farzandimizning xorijga oʻqishga kirishi va “El-yurt umidi” jamgʻarmasi stipendiatiga aylangani oilamiz uchun katta quvonchdir. Yoshlarimiz uchun shunday imkoniyatlar yaratilayotgani uchun Prezidentimizga chuqur minnatdorligimizni bildiramiz. Oʻgʻlimiz bolaligidan konstruktorlar, robototexnika, matematika va fizikaga qiziqqani uchun mahsulot dizayni muhandisligi yoʻnalishini ongli ravishda tanladi. Biz ota-ona sifatida uning IELTS va SAT imtihonlariga tayyorgarlik koʻrishidan boshlab, har bir qadamida qoʻllab-quvvatlashga harakat qildik. Ishonamizki, u xorijda egallagan bilim va tajribasi bilan Vatanimizga qaytib, mamlakatimiz taraqqiyotiga munosib hissa qoʻshadi. 🔗 Website: El-yurt.uz Telegram | Facebook |Instagram| YouTube

#Men_stipendiatman Murodjon Abdurahmanov, “El-yurt umidi” jamgʻarmasi stipendiati, Reding universiteti (Buyuk Britaniya) magistratura bosqichi bitiruvchisi: — Buyuk Britaniyaning Reding universitetida meteorologiya va iqlimshunoslik yoʻnalishi boʻyicha magistraturani tamomlab, olgan bilimlarimni yurtimiz taraqqiyotiga yoʻnaltirish maqsadida Oʻzbekistonga qaytdim. Magistrlik tadqiqotimda sunʼiy intellekt yordamida Oʻzbekiston hududidagi ob-havoni prognoz qilish masalalarini oʻrgandim va bu ishni mahalliy olimlar bilan davom ettirmoqchiman. Ekologiya va iqlim oʻzgarishi milliy qoʻmitasida faoliyatimni boshlab, atmosfera havosi sifatini monitoring qilish va kelgusidagi holatini prognozlash tizimini rivojlantirishga oʻz hissamni qoʻshmoqchiman. 🔗 Website: El-yurt.uz Telegram | Facebook |Instagram| YouTube

⚡️Prezident Shavkat Mirziyoyev tashrif bilan Qoraqalpog‘iston Respublikasiga keldi. Ikki kunlik safar davomida davlatimiz rahbari sanoat, qishloq xo‘jaligi, ta’lim, tibbiyot, transport, turizm va sport sohalaridagi loyihalar, aholi bandligini ta’minlash va mahallalarni obodonlashtirish borasidagi ishlar bilan tanishadi. Shuningdek, bir qator yangi loyihalarni ishga tushirish va qurilishiga start berish rejalashtirilgan. Tashrif doirasida Qoraqalpog‘istonni kompleks rivojlantirish bo‘yicha navbatdagi ustuvor vazifalar yuzasidan yig‘ilish o‘tkaziladi.

— Президент Шавкат Мирзиёев прибыл в Республику Каракалпакстан. В ходе двухдневной поездки глава нашего государства ознакомится с проектами в сферах промышленности, сельского хозяйства, образования, медицины, транспорта, туризма и спорта, а также с работой по обеспечению занятости населения и благоустройству махаллей. Планируется также введение в строй и запуск строительства ряда новых проектов. В рамках поездки состоится совещание по очередным приоритетным задачам комплексного развития Каракалпакстана.

🔗 Website: El-yurt.uz Telegram | Facebook |Instagram| YouTube