"El-yurt umidi" Foundation

⚡️Yangi energiya obyektlarining samarali ishlashi malakali kadrlarga bog‘liq. Saudiya Arabistonining “ACWA” kompaniyasi Qoraqalpog‘iston, Buxoro va Sirdaryodagi texnikumlarni jihozlab, har yili yuzlab yoshlarni energetikaning yangi yo‘nalishlariga o‘qitishni boshlamoqda. Prezident Shavkat Mirziyoyev boshqa investorlarni ham o‘z loyihalari uchun xalqaro talablarga mos mutaxassislar tayyorlashda ishtirok etishga chaqirdi. Bunday tashabbuslar uchun investorlarga joylardagi texnikumlarni boshqaruvga berishga tayyorlik bildirildi. Kelasi o‘quv yilidan mahalliy oliygohlarda energetika yo‘nalishlari bo‘yicha qabul kvotalari oshiriladi. Dunyoning yetakchi universitetlarida o‘qish uchun har yili 50 nafar yoshga davlat granti ajratiladi. 🔗 Website: El-yurt.uz Telegram | Facebook |Instagram| YouTube

⚡️Yoqilg‘i-energetika sohasida investorlar kengashi tashkil etildi. Kengashga Prezident Administratsiyasi Rahbari Saida Mirziyoyeva boshchilik qiladi. Kengash yer ajratishdan obyekt ishga tushguniga qadar sarmoyadorlar duch keladigan masalalarga tezkor yechim topish bilan shug‘ullanadi. 🔗 Website: El-yurt.uz Telegram | Facebook |Instagram| YouTube

Energiya saqlash loyihalari uchun qonunchilikda yer va mol-mulk solig‘i bo‘yicha 10 yillik imtiyozlar belgilangan. Ularni qo‘llashdagi turlicha talqinlarga barham berish uchun imtiyozlar akkumulyator yoki quyosh paneli joylashgan maydon bilan birga zarur podstansiya, boshqaruv binosi va yordamchi infratuzilmaga ham tegishli ekani Soliq kodeksida aniq ko‘rsatiladi. Taqsimlash tarmoqlarida xususiy sektor ishtiroki ham kengaytiriladi. Samarqandda boshlangan yondashuvni Jizzax va Toshkent viloyatlarida davom ettirish rejalashtirilgan. Maqsad – elektr yo‘qotishlarini kamaytirish va iste’molchilarga xizmat sifatini yaxshilash.

“Eng arzon energiya – tejalgan energiya”,

- dedi Prezidentimiz. Ijtimoiy soha obyektlari va suv xo‘jaligidagi nasos stansiyalarini energiya tejamkor texnologiyalar asosida modernizatsiya qilishga xususiy sarmoya jalb etiladi. Investorlar tejalgan energiya va karbon kreditlar hisobidan daromad olishi mumkin bo‘ladi. 🔗 Website: El-yurt.uz Telegram | Facebook |Instagram| YouTube

🔴 Suyultirilgan gaz yetkazib berishda davlat monopoliyasi tugatiladi

❗️ Prezident Shavkat Mirziyoyev ilgari davlat monopoliyasida bo‘lgan suyultirilgan gaz yetkazib berish sohasida bosqichma-bosqich bozor mexanizmlari joriy etilayotganini ma’lum qildi.

🔗 Website: El-yurt.uz Telegram | Facebook |Instagram| YouTube

#OAV_biz_haqimizda “El-yurt umidi” jamg‘armasi iqtidorli yoshlar koʻmakchisi 👉Batafsil 🔗 Website: El-yurt.uz Telegram | Facebook |Instagram| YouTube

#Stipendiatlar_hayotidan ⚡️“El-yurt umidi” jamg‘armasi stipendiati xalqaro festivalda ishtirok etdi “El-yurt umidi” jamg‘armasi stipendiati, Birmingem universiteti talabasi (Buyuk Britaniya) Nozimaxon Romazonova Rossiyada o‘tkazilgan Xalqaro yoshlar festivalida O‘zbekiston delegatsiyasi safida ishtirok etdi.

Dunyoning 191 mamlakatidan kelgan yoshlarni birlashtirgan festival tajriba almashish, do‘stona aloqalarni mustahkamlash va xalqaro hamkorlikni rivojlantirishga qaratildi. Nozimaxon festivalning “Ta’lim, fuqarolik faolligi va davlat boshqaruvi” yo‘nalishida qatnashdi. Xalqaro ekspertlar bilan uchrashuvlarda ta’lim tizimini rivojlantirish, yoshlarning jamiyat hayotidagi ishtirokini kuchaytirish, jamoatchilik tashabbuslarini qo‘llab-quvvatlash va samarali davlat boshqaruvi masalalari muhokama qilindi. Festival dasturidan madaniy tadbirlar, konsertlar, ekskursiyalar va ekspeditsiyalar ham o‘rin oldi. Bu stipendiatimizga turli mamlakatlardan kelgan tengdoshlari bilan fikr almashish, yangi professional aloqalar o‘rnatish va madaniyatlararo muloqot tajribasini boyitish imkonini berdi.

🔗 Website: El-yurt.uz Telegram | Facebook |Instagram| YouTube

#Stipendiatlar_hayotidan ⚡️“El-yurt umidi” jamg‘armasi stipendiati AQShda o‘zbek musiqasiga bag‘ishlangan tadqiqotini taqdim etdi “El-yurt umidi” jamg‘armasi stipendiati, Janubiy Florida universiteti (AQSh) doktoranti Sarvinoz Isroilova Kaliforniya shtatining Long-Bich shahrida o‘tkazilgan 2026 NAfME Music Research and Teacher Education Conference xalqaro anjumanida ishtirok etdi.

Sarvinoz Isroilova anjumanda “Student Perceptions of Uzbek and Arabic Musical Excerpts in Music Education Contexts” (“Talabalarning musiqa ta’limi jarayonida o‘zbek va arab musiqiy namunalarini qabul qilishi”) mavzusidagi ilmiy ishini poster taqdimoti shaklida namoyish etdi. Tadqiqotda musiqa yo‘nalishida tahsil olayotgan talabalarning o‘zbek va arab musiqasini qanday qabul qilishi o‘rganilgan. Ishtirokchilar musiqiy namunalarni tinglab, ularni yoqtirish, tanishlik, xotirjamlik, hayajon, ritm va melodiyaning aniqligi kabi mezonlar asosida baholaganlar. Stipendiatimiz, shuningdek, o‘zbek an’anaviy musiqasini zamonaviy musiqa ta’limiga integratsiya qilish, milliy musiqiy merosdan dars jarayonida foydalanish hamda xorijiy talabalarni Markaziy Osiyo musiqa madaniyati bilan tanishtirish bo‘yicha o‘z ilmiy yondashuvlarini taqdim etdi. — O‘zbek milliy musiqasini AQShdagi xalqaro ilmiy va professional muhitda namoyish etish men uchun alohida ahamiyatga ega. Boy musiqiy an’analarimiz nafaqat ijro sahnasida, balki ilmiy tadqiqotlar va zamonaviy ta’lim dasturlarida ham munosib o‘rin egallashi mumkin, — deydi Sarvinoz Isroilova. Ma’lumot uchun: NAfME — National Association for Music Education AQShdagi musiqa ta’limi sohasining yetakchi professional tashkilotlaridan biri bo‘lib, uning konferensiyalari musiqa pedagoglari, olimlar, tadqiqotchilar va doktorantlarni bir maydonda birlashtiradi.

🔗 Website: El-yurt.uz Telegram | Facebook |Instagram| YouTube

👍✅✅✅ #OAV_biz_haqimizda “Biz birgamiz“ ko‘rsatuvining navbatdagi mehmoni — “El-yurt umidi” jamg‘armasi stipendiati, Uorvik universiteti (Buyuk Britaniya) magistraturasi bitiruvchisi Fotima Matmusayeva 📆 17-oktabr, 14:40 📺 “O‘zbekiston“ telekanali, o‘tkazib yubormang. 🔗 Website: El-yurt.uz Telegram | Facebook |Instagram| YouTube

#Stipendiatlar_hayotidan ⚡️Stipendiatimiz — Buyuk Britaniyadagi o‘zbekistonlik talabalar hamjamiyati bosh kotibi “El-yurt umidi” jamg‘armasi stipendiati, Birmingem universiteti talabasi Oyatulla Anvarov UzSU — O‘zbekiston xalqaro talabalar hamjamiyatining Buyuk Britaniyadagi bosh kotibi bo‘ldi.

U yangi vazifasida Buyuk Britaniyada ta’lim olayotgan o‘zbekistonlik yoshlarni birlashtirish, ular uchun ta’lim, madaniy va professional loyihalarni tashkil etish hamda mazkur tashabbuslarni O‘zbekiston elchixonasi vakillari bilan hamkorlikda amalga oshirishga hissa qo‘shadi. Oyatulla Anvarov xorijda bilim olish bilan birga, vatandoshlar manfaatini ifodalash, talabalar o‘rtasidagi hamjihatlikni mustahkamlash va O‘zbekiston yoshlarining xalqaro maydondagi faolligini oshirish yo‘lida muhim vazifalarni ham bajaradi.

🔗 Website: El-yurt.uz Telegram | Facebook |Instagram| YouTube

O‘zbekiston Respublikasi Prezidenti Shavkat Mirziyoyevning Osiyoda hamkorlik va ishonch choralari bo‘yicha kengashning yettinchi sammitidagi nutqi — Выступление Президента Республики Узбекистан Шавката Мирзиёева на седьмом саммите Совещания по взаимодействию и мерам доверия в Азии — Address by the President of the Republic of Uzbekistan at the Seventh Summit of the Conference on Interaction and Confidence Building Measures in Asia 🔗 Website: El-yurt.uz Telegram | Facebook |Instagram| YouTube

#Stipendiatlar_hayotidan ⚡️“El-yurt umidi” jamg‘armasi stipendiati Shveysariyada mavsumning eng yaxshi stajyori deb topildi “El-yurt umidi” jamg‘armasi stipendiati, “César Ritz Colleges” oliygohining turizm va mehmondo‘stlik yo‘nalishi 3-bosqich talabasi Ravshan Husenov “Intern of the Season 2026” (“Mavsumning eng yaxshi stajyori”) unvoniga sazovor bo‘ldi.

Ravshan Shveysariyaning Interlaken shahrida joylashgan tarixiy “Victoria-Jungfrau Grand Hotel & Spa” mehmonxonasida amaliyot o‘tadi. Barcha stajyorlar orasida u o‘zining mehnatsevarligi, mas’uliyatliligi, ishonchliligi, ijobiy kayfiyati hamda jamoa ishiga qo‘shgan hissasi bilan alohida ajralib turdi. Shveysariyaning mashhur mehmonxonalaridan birida o‘talgan amaliyot Ravshan uchun egallagan bilimlarini real kasbiy muhitda qo‘llash imkoniyatiga aylandi. “Eng yaxshi stajyor” unvoni esa O‘zbekiston yoshlari hatto mehmondo‘stlik va xizmat ko‘rsatishning eng yuqori standartlari amal qiladigan joylarda ham o‘zini munosib namoyon eta olishga qodir ekanini tasdiqladi.

🔗 Website: El-yurt.uz Telegram | Facebook |Instagram| YouTube

#Stipendiatlar_hayotidan ⚡️Ekseterda stipendiatimiz Oʻzbekiston haqida taqdimot o‘tkazdi Ba’zan mamlakatni dunyoga tanitish uchun katta anjuman emas, samimiy va mazmunli suhbatning o‘zi kifoya. Buyuk Britaniyaning Ekseter universitetida o‘tkazilgan uchrashuv xalqaro talabalar uchun O‘zbekistonni yaqindan kashf etish imkoniga aylandi.

Universitetning doktoranti, “El-yurt umidi” jamg‘armasi stipendiati Dilshoda Maxmudova “Communicative and Cultural English” kursi doirasida O‘zbekiston haqida taqdimot o‘tkazdi. Unda mamlakatimizning qadimiy tarixi, boy madaniy merosi, jahon ilm-fani va sivilizatsiyasi rivojiga hissa qo‘shgan buyuk allomalar, milliy qadriyat va an’analar haqida so‘z yuritildi. Shuningdek, bugungi O‘zbekistonda amalga oshirilayotgan islohotlar va taraqqiyot jarayonlari ham xalqaro auditoriyaga tanishtirildi. Xitoy, Saudiya Arabistoni, Janubiy Koreya va Fransiyadan kelgan talabalar taqdimotni katta qiziqish bilan qarshi oldilar. Savol-javoblar davomida ular O‘zbekiston tarixi, zamonaviy hayoti va turizm imkoniyatlari bilan qiziqib, kelajakda yurtimizga tashrif buyurish istagini bildirdilar. Uchrashuv faqat taqdimot bilan cheklanib qolmadi. Ishtirokchilarga O‘zbekistondan olib kelingan esdalik sovg‘alari topshirildi, milliy taom va ichimliklarimizdan tatib ko‘rish imkoniyati yaratildi. Bunday tashabbuslar — xalq diplomatiyasining eng samimiy va ta’sirchan ko‘rinishidir. Chunki O‘zbekiston haqida qiziqarli hikoyani eshitgan insonda mamlakatimizni o‘z ko‘zi bilan ko‘rish istagi paydo bo‘ladi.

🔗 Website: El-yurt.uz Telegram | Facebook |Instagram| YouTube

#Yoshlar_uchun_imkoniyatlar 📣 Joylarda “El-yurt umidi” jamgʻarmasi kunlari davom etmoqda. Navbatdagi manzillar: 🗓 15-oktabr 📍Andijon viloyati ➖Andijon davlat tibbiyot instituti — 10:00 ➖Andijon shahridagi Prezident maktabi — 12:00 📍Namangan viloyati ➖Toshkent Kimyo xalqaro universiteti Namangan filiali — 14:30 ➖Namangan shahridagi Prezident maktabi — 16:00 🔗 Website: El-yurt.uz Telegram | Facebook |Instagram| YouTube

🔴 Bolalarni zo‘ravonlikdan himoya qilishga oid qonun imzolandi O‘zbekiston Respublikasi Prezidenti Administratsiyasi rahbari Saida Mirziyoyeva bolalarga nisbatan zo‘ravonlik uchun javobgarlikni kuchaytirishga qaratilgan qonun imzolanganini ta’kidlab, shunday dedi:

“Yosh bolaga nisbatan zo‘ravonlikka aslo toqat qilib bo‘lmaydi, jazo esa muqarrar va murosasiz bo‘lishi shart”.

❗️Qonun bilan 5 ta kodeks va 6 ta qonunga o‘zgartirishlar kiritilmoqda. Unga ko‘ra, 14 yoshga to‘lmagan bolalarga nisbatan jinsiy zo‘ravonlik sodir etgan shaxslarga 25 yilgacha ozodlikdan mahrum qilish yoki umrbod qamoq jazosi tayinlanishi mumkin. Bunday jinoyatlar bo‘yicha javobgarlikka tortish muddatiga cheklov qo‘yilmaydi. Shuningdek, bolaga jismoniy yoki ruhiy azob yetkazgan shaxslar, ularning kimligidan qat’i nazar, qonun oldida javob beradi. Bolaning o‘limiga sabab bo‘lgan jinoyatlar uchun jazoni yengillashtirishga yo‘l qo‘yilmaydi. 🔗 Website: El-yurt.uz Telegram | Facebook |Instagram| YouTube

#Yoshlar_uchun_imkoniyatlar 📣 Joylarda “El-yurt umidi” jamgʻarmasi kunlari davom etmoqda. Navbatdagi manzillar: 🗓 15-oktabr 📍Andijon viloyati ➖Andijon davlat tibbiyot instituti — 10:00 ➖Andijon shahridagi Prezident maktabi — 12:00 🔗 Website: El-yurt.uz Telegram | Facebook |Instagram| YouTube

#OAV_biz_haqimizda Iqtidorli yoshlar uchun yangi imkoniyatlar, xalqaro taʼlim sari dadil qadamlar va kelajakka ishonch. “El-yurt umidi” jamgʻarmasi kunlari"ning bosh gʻoyasi ana shulardan iborat. 👉Batafsil 🔗 Website: Eyuf.uz Telegram | Facebook |Instagram| YouTube

#ElYurtUmidiSuccessStory ⚡️“El-yurt umidi” jamgʻarmasi stipendiati “Kelajak bunyodkori” medali bilan taqdirlandi “El-yurt umidi” jamgʻarmasi stipendiati, Buyuk Britaniyaning Durham universiteti bitiruvchisi Hasanxon Yusupxo‘jayev “Kelajak bunyodkori” medali bilan taqdirlandi.

Hasanxon Yusupxo‘jayev Koreya Respublikasining Inchxon shahrida oʻtkazilgan FIRST Global Challenge xalqaro robototexnika musobaqasida jahon chempioni boʻlgan Oʻzbekiston terma jamoasi menejeri. Jamoa qariyb 190 mamlakat vakillari orasida tarixiy gʻalabaga erishdi. Bu yutuq — xorijda olingan bilim va tajribaning Vatanga qaytib, yoshlar, ilm-fan va zamonaviy texnologiyalar taraqqiyotiga xizmat qilayotganining yorqin namunasidir. Stipendiatimizni yuksak davlat mukofoti bilan samimiy muborakbod etamiz! ✨ Ma’lumot uchun: Hasanxon Yusupxo‘jayev Yoshlar ishlari agentligi direktorining raqamlashtirish va sunʼiy intellekt texnologiyalarini joriy etish masalalari boʻyicha maslahatchisi sifatida faoliyat yuritmoqda.

🔗 Website: Eyuf.uz Telegram | Facebook |Instagram| YouTube