"El-yurt umidi" Foundation

#Xalqaro_hamkorlik #Dolzarb_mavzu ⚡️Toshkentda koʻkrak bezi saratonini tashxislash va davolash boʻyicha fransuz mutaxassislarining xalqaro mahorat darsi yakunlandi Toshkentda “El-yurt umidi” jamgʻarmasi Fransiyaning eng yirik universitet klinikalari tizimi boʻlgan Assistance Publique – Hôpitaux de Paris (AP-HP), Sogʻliqni saqlash vazirligi va bir qator hamkor tashkilotlar bilan birgalikda tashkil etgan koʻkrak bezi saratonini tashxislash va davolashning zamonaviy yondashuvlariga bagʻishlangan uch kunlik xalqaro mahorat darsi oʻz nihoyasiga yetdi.

Ushbu oʻquv dasturida mamlakatimizning barcha hududlaridan 70 nafarga yaqin mutaxassis, jumladan, Respublika ixtisoslashtirilgan onkologiya va radiologiya ilmiy-amaliy tibbiyot markazi hamda uning hududiy filiallari onkomammologlari, kimyoterapevtlari, nur terapevtlari va radiologlari qatnashdi. Taʼkidlanganidek, soʻnggi yillarda onkologik kasalliklarni erta tashxislash, oldini olish va davolash masalalari davlatimizning alohida eʼtibori markazida turibdi. Prezident Shavkat Mirziyoyev zamonaviy tibbiy texnologiyalarni joriy etish, tibbiy yordam sifatini oshirish hamda ilgʻor xalqaro tajribalar asosida kadrlar tayyorlash zarurligini bir necha bor taʼkidlagan edi. Xususan, yaqinda davlatimiz rahbari onkologik va gematologik tibbiy yordam hamda palliativ xizmat tizimini takomillashtirish boʻyicha takliflar taqdimoti bilan tanishdi. Maʼlum qilinishicha, onkologiya yoʻnalishida multidissiplinar jamoaviy yondashuv, yaʼni bemorga bir nechta mutaxassis ishtirokida tashxis qoʻyish va uni davolash taktikasi joriy etiladi. Shuningdek, onkologik kasalliklarning eng keng tarqalgan turlarini erta tashxislash dasturlari ishlab chiqilib, bosqichma-bosqich amaliyotga tatbiq qilinadi. Uch kun davomida mahorat darsi ishtirokchilari kasallikni erta aniqlash, diagnostika maʼlumotlarini tahlil qilish, individuallashtirilgan terapiya, murakkab klinik holatlarni boshqarish hamda bugungi kunda onkologiyada jahon standarti hisoblanadigan multidissiplinar davolashni tashkil etish boʻyicha zamonaviy xalqaro yondashuvlarni oʻrgandilar. Ishtirokchilarga sertifikatlar topshirildi.

🔗 Website: El-yurt.uz Telegram | Facebook |Instagram| YouTube

#Xalqaro_hamkorlik “El-yurt umidi” jamgʻarmasida Pekin universiteti delegatsiyasi bilan uchrashuv boʻlib oʻtdi “El-yurt umidi” jamgʻarmasida dunyoning yetakchi universitetlaridan biri — Pekin universitetining vitse-prezidenti Nin Chi boshchiligidagi delegatsiyasi bilan uchrashuv boʻlib oʻtdi.

Tomonlar mutaxassislar tayyorlash, ilmiy-tadqiqot faoliyatini rivojlantirish, akademik mobillik hamda qoʻshma taʼlim loyihalarini amalga oshirish boʻyicha hamkorlikni kengaytirish istiqbollarini muhokama qildi. Uchrashuv davomida Xitoy delegatsiyasi vakillariga “El-yurt umidi” jamgʻarmasining faoliyati, amalga oshirilayotgan taʼlim tashabbuslari, xalqaro hamkorlik aloqalari hamda Oʻzbekiston iqtisodiyoti va davlat boshqaruvining ustuvor tarmoqlari uchun yuqori malakali kadrlar tayyorlash dasturlari haqida batafsil maʼlumot berildi. Oʻz navbatida, Pekin universiteti vakillari universitetning imkoniyatlari, fakultetlar, ilmiy-tadqiqot institutlari va zamonaviy laboratoriyalarning faoliyati, shuningdek, oʻquv dasturlari hamda xorijlik talaba va oʻqituvchilar uchun yaratilgan shart-sharoitlar haqida soʻzlab, taqdimot oʻtkazdi. Muzokaralarda yuqori texnologiyali tarmoqlar uchun kadrlar tayyorlash masalalariga alohida eʼtibor qaratildi. Xususan, sunʼiy intellekt, kiberxavfsizlik, robototexnika, dron-texnologiyalar va muhandislik fanlari sohalarida faoliyat yuritayotgan davlat xizmatchilari hamda mutaxassislar uchun maqsadli stajirovkalar va malaka oshirish dasturlarini tashkil etish istiqbollari muhokama qilindi. Uchrashuv yakunida tomonlar akademik va ilmiy aloqalarni rivojlantirishdan oʻzaro manfaatdor ekanini tasdiqlab, taʼlim, tadqiqotlar va kadrlar tayyorlash sohalarida qoʻshma tashabbuslarni amalga oshirishga, shuningdek, oʻzbekistonlik iqtidorli yoshlarning taʼlim olish imkoniyatlarini kengaytirishga koʻmaklashishga tayyorligini bildirdi. Maʼlumot uchun: Pekin universiteti dunyoning yetakchi oliy taʼlim muassasalari qatoriga kiradi va QS World University Rankings xalqaro reytingida 14-oʻrinni egallaydi.

🔗 Website: El-yurt.uz Telegram | Facebook |Instagram| YouTube

#OAV_biz_haqimizda Toshkentda ko‘krak bezi saratonini tashxislash va davolashning zamonaviy yondashuvlariga bag‘ishlangan xalqaro mahorat darsi tashkil etildi 👉Batafsil 🔗 Website: El-yurt.uz Telegram | Facebook |Instagram| YouTube

❗ Narkojinoyatlarga qarshi javobgarlik keskin kuchaytiriladi Prezident Shavkat Mirziyoyev aholi salomatligi va millat genofondini giyohvandlik tahdidlaridan himoya qilishga qaratilgan qonunchilikni takomillashtirish yuzasidan taqdimot bilan tanishdi. ✅ Davlatimiz rahbari tomonidan imzolangan qonun bilan Jinoyat kodeksiga “Aholi salomatligi va genofondiga qarshi jinoyatlar” nomli yangi bob kiritilmoqda. Taqdimotda “Narkotiklar va kuchli ta’sir qiluvchi moddalar to‘g‘risida”gi yangi qonun loyihasi ham muhokama qilinib, unda giyohvandlikka qarshi kurashning 7 ta ustuvor yo‘nalishi, internet orqali sodir etilayotgan narkojinoyatlarga chek qo‘yish, yoshlar va xotin-qizlarda “giyohvandlikka qarshi immunitet”ni shakllantirish, profilaktika va reabilitatsiya tizimini takomillashtirish masalalari nazarda tutilgani qayd etildi. ✅Shuningdek, yo‘l harakati xavfsizligini ta’minlash, voyaga yetmaganlarga transport vositalarini boshqarishga ruxsat berish oqibatida yuz berayotgan og‘ir holatlarning oldini olish va bu boradagi javobgarlikni kuchaytirish yuzasidan takliflar ham ma’qullandi. Prezidentimiz giyohvandlik va narkojinoyatlarga qarshi kurashni zamon talablari asosida tashkil etish, yoshlarni ushbu illatdan asrash hamda fuqarolar xavfsizligini ta’minlash bo‘yicha mutasaddilarga tegishli topshiriqlar berdi. 🔗 Website: El-yurt.uz Telegram | Facebook |Instagram| YouTube

#OAV_biz_haqimizda ⚡️ Onkologiyaga qarshi kurashish: Fransiya tajribasi asosida xalqaro mahorat darsi boshlandi 🔗 Website: El-yurt.uz Telegram | Facebook |Instagram| YouTube

⚡️Onkologiya xizmati va palliativ yordam tizimi takomillashtiriladi ✔️2027-yildan boshlab Jahon sogʻliqni saqlash tashkiloti va xalqaro ekspertlar ishtirokida ishlab chiqilgan saratonga qarshi kurashish boʻyicha Milliy dastur hududlarda bosqichma-bosqich joriy etiladi.

➡️Aholi oʻrtasida eng koʻp uchraydigan saraton kasalliklari boʻyicha maqsadli tibbiy tekshiruvlar bilan qamrab olishni kamida 60 foizga yetkaziladi. ➡️Saraton kasalliklariga chalingan bemorlar orasida 5 yillik umr davomiyligi koʻrsatkichini 35 foizdan kamida 45 foizga oshiriladi.

✔️Xalqaro tavsiyalar asosida klinik qoʻllanmalar qabul qilinadi. Onkologiya yoʻnalishida multidissiplinar jamoaviy yondashuv – bir nechta mutaxassis ishtirokida bemorga tashxis qoʻyish va davolash taktikasi joriy etiladi. ✔️Eng koʻp uchraydigan saraton kasalliklarini erta tashxislash dasturlari ishlab chiqilib, bosqichma-bosqich amaliyotga kiritiladi. Bemorlarni qisqa muddatda tekshiruvdan oʻtkazish va tashxis qoʻyish imkonini beradigan tezkor tashxislash yoʻnalishlari yoʻlga qoʻyiladi. ✔️2026-yil 1-sentabrdan boshlab respublikada palliativ va xospis yordamini koʻrsatishning yagona tizimi tibbiy va ijtimoiy xizmatlar integratsiyasi asosida tashkil etiladi.

➡️2030-yilga qadar aholiga palliativ va xospis yordami koʻrsatish qamrovini kamida 80 foizga yetkazish rejalashtirilgan.

🔗 Website: El-yurt.uz Telegram | Facebook |Instagram| YouTube

Prezident Shavkat Mirziyoyev onkologik va gematologik tibbiy yordam hamda palliativ xizmat koʻrsatish tizimini takomillashtirish yuzasidan takliflar taqdimoti bilan tanishdi. — Президент Шавкат Мирзиёев ознакомился с презентацией предложений по совершенствованию системы онкологической и гематологической медицинской помощи и паллиативной службы. #Mirziyoyev #taqdimot #tibbiyot #onkologiya Prezident.uz|Facebook|Instagram|YouTube|X

#Xalqaro_hamkorlik ⚡️Toshkentda fransiyalik onkologlar ishtirokida xalqaro mahorat darsi boshlandi Bugun, 11-iyun kuni Toshkentda “El-yurt umidi” jamgʻarmasi Fransiyaning AP-HP (Assistance Publique – Hôpitaux de Paris) davlat shifoxonalari tizimi, Sogʻliqni saqlash vazirligi va boshqa hamkorlar bilan birgalikda tashkil etgan koʻkrak bezi saratonini tashxislash va davolash masalalariga bagʻishlangan uch kunlik xalqaro mahorat darsi oʻz ishini boshladi.

Dasturda respublikaning barcha hududlaridan 70 nafarga yaqin mutaxassis, jumladan, Respublika ixtisoslashtirilgan onkologiya va tibbiy radiologiya ilmiy-amaliy tibbiyot markazi hamda uning hududiy filiallarining onkomammologlari, kimyoterapevtlari, radioterapevtlari va radiologlari ishtirok etmoqda. Mahorat darsining tashkil etilishi Oʻzbekiston Respublikasi Prezidentining 2024-yil 22-noyabrdagi “Ayollar orasida onkologik kasalliklarni nazorat qilish tizimini takomillashtirish chora-tadbirlari toʻgʻrisida”gi qarorida belgilangan vazifalarning amaliy ifodasi boʻldi. Soʻnggi yillarda onkologik kasalliklarni erta tashxislash, oldini olish va davolash masalalari davlatimiz rahbarining alohida eʼtibor markazida turibdi. Prezident Shavkat Mirziyoyev Oliy Majlis va Oʻzbekiston xalqiga Murojaatnomasi va dasturiy hujjatlarida tibbiy yordam sifatini oshirish, tashxislash va davolashning zamonaviy texnologiyalarini joriy etish, shuningdek, ilgʻor xalqaro amaliyotlar asosida tibbiyot kadrlarini tayyorlash zarurligini bir necha bor taʼkidlagan. Bundan tashqari, tadbir doirasida “El-yurt umidi” jamgʻarmasi va Fransiyadagi oʻnlab tibbiyot muassasalari hamda ilmiy-tadqiqot markazlarini birlashtirgan, Yevropaning eng yirik universitet shifoxonalari tizimi boʻlgan AP-HP oʻrtasida hamkorlik memorandumi imzolandi. Bu voqea tomonlar oʻrtasidagi hamkorlikni alohida tadbirlar formatidan uzoq muddatli institutsional sheriklik bosqichiga olib chiqishi bilan alohida ahamiyat kasb etadi. Hujjatda maqsadli stajirovka va malaka oshirish dasturlarini tashkil etish, ilmiy tadqiqotlar olib borish, akademik almashinuvlar uyushtirish hamda tibbiyot sohasida qoʻshma loyihalarni amalga oshirish koʻzda tutilgan.

🔗 Website: El-yurt.uz Telegram | Facebook |Instagram| YouTube

#Hamkorlik ⚡️“El-yurt umidi” jamgʻarmasida suv resurslarini barqaror boshqarish sohasi uchun kadrlar tayyorlash masalalari muhokama qilindi “El-yurt umidi” jamgʻarmasi ijrochi direktori Gulnoza Ismailova Suv sohasida barqaror rivojlanish markazi direktori Jaloliddin Usmanov bilan uchrashdi.

Tomonlar suv xoʻjaligi va suv diplomatiyasi sohalarida yuqori malakali mutaxassislar tayyorlash masalalarini, shuningdek, suv resurslarini boshqarish borasidagi xalqaro hamkorlikni rivojlantirish istiqbollarini muhokama qildilar. Taʼkidlanganidek, Oʻzbekiston uchun suv resurslarini samarali boshqarish barqaror rivojlanishning muhim omillaridan biridir. Soʻnggi yillarda Prezident Shavkat Mirziyoyev tashabbusi bilan suvni tejash, zamonaviy sugʻorish texnologiyalarini joriy etish, mintaqaviy hamkorlikni rivojlantirish va suv diplomatiyasini mustahkamlashga davlat darajasida alohida eʼtibor qaratilmoqda. Bunday sharoitda inson kapitalini rivojlantirish suvning oʻzidan kam boʻlmagan muhim manbaga aylanmoqda. Gidrologiya, suv menejmenti, iqlim siyosati, raqamli texnologiyalar va xalqaro hamkorlik sohasida zamonaviy bilimlarga ega xalqaro darajadagi mutaxassislarni tayyorlash mamlakatning uzoq muddatli istiqbolda suv xavfsizligini taʼminlashining zarur shartidir. Shu munosabat bilan uchrashuv davomida dunyoning yetakchi xorijiy universitetlari, ilmiy-tadqiqot markazlari va ixtisoslashgan tashkilotlarida maqsadli stajirovkalar hamda malaka oshirish dasturlarini tashkil etishga alohida urgʻu berildi. Suv resurslari va barqaror rivojlanish boʻyicha amalga oshirilayotgan loyihalar, ixtisoslashgan yetakchi xorijiy taʼlim va ilmiy muassasalar, jumladan, Oksford universiteti, IHE Delft suv taʼlimi instituti, Oregon shtati universiteti bilan hamkorlik istiqbollari yuzasidan fikr almashildi. Shuningdek, soha uchun kadrlar zaxirasini shakllantirish hamda bu yoʻnalishda tadqiqotlar olib borish maqsadida “El-yurt umidi” jamgʻarmasining xorijda tahsil olayotgan stipendiatlarini Suv sohasida barqaror rivojlanish markazida amaliyot oʻtashga jalb etish imkoniyati ham koʻrib chiqildi. Uchrashuv yakunida tomonlar kadrlar tayyorlash, xalqaro akademik aloqalarni kengaytirish va suv resurslarini barqaror boshqarish sohasidagi tashabbuslarni qoʻllab-quvvatlashga yoʻnaltirilgan amaliy hamkorlikni rivojlantirishga tayyor ekanliklarini bildirdilar.

🔗 Website: El-yurt.uz Telegram | Facebook |Instagram| YouTube

#Muhim ⚠️ Bugun, 11-iyun kuni 12:00 da “El-yurt umidi” jamgʻarmasining 2026-yil 1-ochiq stipendiya tanlovi suhbat natijalari yuzasidan yoʻllangan apellyatsiya arizalarining qabuli yakunlandi. Shikoyatlar 5 ish kuni davomida ko‘rib chiqiladi va natijasi haqida murojaatchiga xabar beriladi. ❗️Tanlov jarayonining barcha bosqichlari boʻyicha nomzodlarning qayta suhbatdan oʻtishi, test topshirishi yoki yozma ish yozishiga ruxsat etilmaydi. 🔗 Website: El-yurt.uz Telegram | Facebook |Instagram| YouTube

🔺 “Raqamli dunyoda xotin-qizlar ishtiroki va АT sohasidagi imkoniyatlar” – o‘z sohasining yetakchi vakillari bilan bevosita uchrashuv va muloqot imkoniyatini qo‘ldan boy bermang! 12-iyun kuni, soat 14:30 da sizni GAP" ayollar IT-klubining navbatdagi uchrashuviga taklif etamiz. AT sohasiga qiziqadigan xotin-qizlar uchun tashkil etilayotgan ushbu uchrashuvda АT sohasidagi imkoniyatlar, jumladan, “Sabriya” loyihasi, “El-yurt umidi” jamg‘armasi grantlari va “Zulfiya” nomidagi Davlat mukofotiga ariza topshirish jarayoni hamda muvaffaqiyatli ishtirok etish uchun zarur tavsiyalar haqida so‘z boradi. 🗣Spikerlar bilan tanishing: ⚫️ Kamola Sobirova – Raqamli texnologiyalar vaziri maslahatchisi ⚫️ Gulnoza Ismailova – "El-yurt umidi" jamg'armasi ijrochi direktori ⚫️ Jahongir Akbarov – Inklyuziv loyihalar va ayollar tadbirkorligini rivojlantirish bo'limi boshlig'i ⚫️ O'g'iloy Urazova – Oila va xotin-qizlar qo'mitasining xotin-qizlar faolligi, ilm-fan va gender tenglik bo'limi boshlig'i ⚫️ Janonaxon Berdiyeva - "El-yurt umidi" jama'armas stipendiyasi sohibasi. ⚫️ Sevinch Mavlonova – "Zulfiya" nomidagi Davlat mukofotining sovrindori, "Yangi O'zbekiston" universiteti talabasi 📌 Tadbir davomida ishtirokchilar:

– soha mutaxassislaridan foydali tavsiyalar va ilhomlantiruvchi tajribalarni tinglash; – “El-yurt umidi” jamg‘armasi orqali grant yutib, xorijda ta’lim olgan tengdoshlarining shaxsiy tajribasi bilan tanishish; – ta’lim, karyera va shaxsiy rivojlanish yo‘lida yangi imkoniyatlarni kashf etish imkoniga ega bo‘ladilar.

🎁 Shuningdek, tadbir davomida interaktiv sessiya tashkil etilib, faol ishtirok etgan qatnashchilar esdalik sovrinlarini qo‘lga kiritish imkoniyatiga ega bo‘ladilar. 🗓Sana: 12-iyun ⏰Vaqt: 14:30 Ro‘yxatdan o‘tish uchun havola: https://forms.gle/7WeGikFRoPXLV5vQ9 Telegram | Facebook | Instagram | Youtube | LinkedIn | X

#Hamkorlik ⚡️Bugun, 9-iyun kuni “El-yurt umidi” jamgʻarmasi bilan Sanoat kooperatsiyasi va davlat xaridlari agentligi oʻrtasida kadrlar salohiyatini yuksaltirish, xalqaro hamkorlikni va ilmiy-tahliliy faoliyatni rivojlantirishga qaratilgan hamkorlik memorandumi imzolandi. Shuningdek, uchrashuvda yosh kadrlarning amaliy tayyorgarligiga alohida eʼtibor qaratildi. Jamgʻarma stipendiatlari uchun agentlik tizimida va iqtisodiyotning turli tarmoqlaridagi korxonalarda, kelgusida ishga joylashish istiqbolini koʻzlagan holda, amaliyotlar tashkil etish rejalashtirilmoqda. 👉Batafsil 🔗 Website: El-yurt.uz Telegram | Facebook |Instagram| YouTube

#Xalqaro_hamkorlik ⚡️Turizm sohasi uchun kadrlar tayyorlash: “El-yurt umidi” jamgʻarmasi B.H.M.S. Switzerland bilan kelishuv imzoladi “El-yurt umidi” jamgʻarmasi va Shveysariyaning mehmonxona biznesi hamda boshqaruvi sohasidagi yetakchi maktablaridan biri – B.H.M.S. Business & Hotel Management School oʻrtasida hamkorlik memorandumi imzolandi. Ushbu hujjat jamgʻarma vakillarining 2026-yil may oyida Shveysariyaga xizmat safari chogʻida erishilgan kelishuvlarning amaliy natijasi boʻlib, turizm, mehmondoʻstlik, restoran biznesi va pazandalik sanʼati sohalarida xalqaro darajadagi mutaxassislar tayyorlash uchun yangi imkoniyatlar ochadi. 👉Batafsil 🔗 Website: El-yurt.uz Telegram | Facebook |Instagram| YouTube

#Muhim Suhbat natijalaridan norozi nomzodlar 11-iyun soat 12:00 ga qadar Apellyatsiya komissiyasiga murojaat qilishlari mumkin. Murojaatlar “El-yurt umidi” jamg‘armasining apellyatsiya@eyuf.uz elektron pochta manzili orqali qabul qilinadi. Murojaatda quyidagi maʼlumotlar aks ettirilishi kerak: ➖Nomzodning F.I.Sh.; ➖Jismoniy shaxsning shaxsiy identifikatsiya raqami — JSHSHIR (PINFL); ➖Suhbat oʻtkazilgan sana; ➖Apellyatsiya uchun asos. Shikoyatlar 5 ish kuni davomida ko‘rib chiqiladi va natijasi haqida murojaatchiga xabar beriladi. ❗️Tanlov jarayonining barcha bosqichlari boʻyicha nomzodlarning qayta suhbatdan oʻtishi, test topshirishi yoki yozma ish yozishiga ruxsat etilmaydi. 🔗 Website: Eyuf.uz Telegram | Facebook |Instagram| YouTube

#Muhim ⚡️“El-yurt umidi” jamgʻarmasining 2026-yil 1-ochiq stipendiya tanlovi suhbat bosqichi natijalari eʼlon qilinadi. Tanlov komissiyasining qaroriga ko‘ra, suhbat bosqichi uchun belgilangan eng yuqori 100 balldan kamida 61 ball toʻplagan nomzodlar “suhbatdan oʻtgan” deb eʼtirof etildi. Suhbat natijalari bilan quyidagi 👉HAVOLA orqali tanishishingiz mumkin. Tanlov komissiyasi tomonidan “suhbatdan oʻtgan” deb eʼtirof etilgan nomzodlar orasidan test va suhbat bosqichlarida toʻplangan ballar umumlashtiriladi.

⚠️Oʻzbekiston Respublikasi Prezidentining 2025-yil 5-maydagi PF-77-son Farmoniga asosan, Jamgʻarma taʼlim dasturlari boʻyicha stipendiya gʻoliblarining yakuniy roʻyxati tanlov yakunlangandan soʻng uzogʻi bilan bir oy muddat ichida Jamgʻarma Boshqaruv kengashi qarori bilan tasdiqlanadi hamda eʼlon qilinadi.

🔗 Website: Eyuf.uz Telegram | Facebook|Instagram| YouTube

#EYUF_global 🌐 EYUF Global: Avstraliyadagi ta’lim, ilmiy tadqiqot va talabalik hayoti “EYUF Global” media loyihasi doirasida sizlarni “El-yurt umidi” jamgʻarmasi stipendiatlari nigohi bilan dunyoning turli mamlakatlari va universitetlari bilan tanishtirishda davom etamiz. Yangi sonda Avstraliya universitetlarida tahsil olayotgan stipendiatlarimiz oʻqish va hayot kechirish borasidagi shaxsiy tajribalari bilan oʻrtoqlashadilar. Ular zamonaviy taʼlim imkoniyatlari, ilmiy-tadqiqot faoliyati uchun yaratilgan sharoitlar, universitet infratuzilmasi haqida soʻzlab berishadi. Videoda koʻpmillatli muhitga moslashish, Avstraliya iqlimining oʻziga xos jihatlari, ijtimoiy hayot meʼyorlari, shuningdek, xorijiy talabalar uchun eʼtiborga olish muhim boʻlgan qoidalar va qonunlarga alohida eʼtibor qaratilgan. ⬇️ Toʻliq video 🔗 Website: Eyuf.uz Telegram | Facebook | Instagram| YouTube

🇺🇿 Aura.uz — O‘zbekiston haqida kontent izlaydiganlar uchun haqiqiy xazina!

🔍 Aura.uz — O‘zbekistonning eng katta va eng zamonaviy media banki. Bu yerda minglab professional foto va videolar, dron tasvirlari, tarixiy obidalar, tabiat manzaralari va zamonaviy shaharlar jamlangan.

📝 Bugungi kunda platformada 12 mingdan ortiq professional foto, video va infografik materiallar mavjud. Serverlarda esa 6 terabaytdan ortiq ma’lumotlar bazasi shakllantirilgan. Eng e’tiborlisi, platforma har kuni o‘rtacha 200 ga yaqin yangi kontent bilan boyitib boriladi. ❔ Kontent yaratasizmi? Bloger, jurnalist, dizayner yoki SMM mutaxassisimisiz? Unda Aura.uz siz uchun tayyor vizual xazina. Tarixiy obidalar, milliy an’analar, sport, san’at, zamonaviy shaharlar, hududlar va tabiat manzaralari — barchasi bir joyda. 🎥 Kontentlar HD, Full HD va 4K sifatida taqdim etiladi. Eng muhimi, materiallarda ortiqcha yozuv, logotip yoki suv belgilarisiz foydalanish mumkin. 🔗 Website: Eyuf.uz Telegram | Facebook | Instagram| YouTube

#Axborot24 | 05.06.2026 Xalqaro ta’lim instituti va “El-yurt umidi” jamgʻarmasi oʻrtasida oʻzaro hamkorlik mtrk.uz | Instagram | Youtube | Facebook | Telegram