AJ Vet Services

Gaaffiin akkanaa gaaffii namoota hedduuti. Horsiifni lukkuu hojii hubannoo gahaa barbaaduudha. Hubannoo argachuuf yoo xiqqaate dokumentiiwwan tokko tokko dubbisuu qabdu. Nu bira horsiisa lukkuu irratti dokumentiiwwan sagalee (Audio) fi barreeffamaan (PDF) qophaa'an jiru. Fudhattanii dubbisuun/dhaggeeffachuun waan isiniif hin galin nu gaafachuu dandeessu. Yeroo hojii eegaltanis deeggarsa ogummaatiin isin gargaaruu dandeenya. Please! Karaan hojii milkaa'aa ittiin dalagdan haala kanaan yoo adeemtaniidha. Kumoota dhibbaan invest gootanii hojii kana eegaluu dura waan xiqqoon dokumentii kanneen fudhaa sammuu keessan qopheessaa. Dura ofirratti dalaguu qabda. Sammuu kee gabbisu. Beekkumsa argadhu. Si fayyadaa!

Leeenjii guddisa cuucii guyyaa1 fi Horsiisaa lukkuu foonii irraattii nan barbaada

📈Karoora Baasii fi Galii Horsiisa Lukkuu Kormaa Saasoo (Lukkuu Foonii) 500'f (Kan duraatirra kan fooyya'e) •Baay'ina Lukkuu: 500 •Umrii bittaa: guyyaa 45 •Turtii horsiisaa: guyyaa 90 (ji'a 3) •Nyaata lukkuuleen mataa mataan turtii kanaan nyaattu: 12kg •Hanga nyaataa waliigalaan barbaaddu: 500*12kg=6000kg 🔹Baasiiwwan •Nyaataaf (Gatii nyaataa 100kg=9000 ykn 1kg=90 yoo fudhanne): 6000*90=540,000 ETB •Bittaa lukkuuf (Gatiin lukkuu tokkoo guyyaa 45'tti 450 yoo fudhanne): 500*450=225,000 ETB •Talaalliiwwanii fi qorichootaaf: 10,000 •Afaa lafaaf: 8000 •Bishaanii fi ifaaf: 7000 •Humna namaaf: 20,000 •Geejjibaa fi wantoota dabalataaf: 15,000 🔹Waliigala baasii: 825,000 🔹Waliigala galii: Lukkuu %5 kan du'an yoo ta'e 475*2000 (ji'a 4'f guyyaa 15 booda gatiin lukkuu 2000 yoo jenne)=950,000 ETB. 📊Bu'aa qulqulluu: 950,000-825,000=125,000 ETB.

Karoora Baasii fi Galii Horsiisa Lukkuu Foonii Baay'ina 300 Ta'aniif •Baasii bittaa lukkuu umrii 43'f= 300×330=99,000 •Baasii nyaata lukkuu ji'a 3 fi guyyoota 17'f= Hanga nyaataa lukkuuleen nyaattuu (2192kg), gatiin nyaata lukkuu foonii (Finisher) 100kg=6000 EB. kanaafuu, 2192kg'f~120,000+1500=121,500EB ta'a. •Mana kiraa ji'a 4= 4×3000=12,000 •Bishaanii fi ifaaf=5000 •Eegumsa fayyaaf= 7000 •Baay'ina lukkuu du'anii (tilmaamaan): 50 •Of eeggannoof=30,000 •Baasii waliigalaan: 274,500 •Galii gurgurtaa lukkuurraa argamu: 250*1500=375,000 •Bu'aa qulqulluu: Galii gurgurtaa lukkuu-Baasii waliigalaa 🔹375,000-274,500= 100,500 #Hub.: Sagantaan nyaataa odeeffannoo kanarratti fayyadamne gadi aanaa kan ta'eedha. Odeeffannoon kun mariif banaa kan ta'eedha. Yaada keessan irratti kennuu dandeessu. Kan nu deemsisa jettan yoo jiraattan odeeffannoo dabalataa argachuu dandeessu.

Waan hojjachuu barbaaddan warri asirratti filannoon mirkaneessitan garee kanaan nu beeksiftu waan ta'eef join godhaa! https://t.me/+qyplpIyjfGpiOTRk

Asirraan koottaa: https://t.me/+qyplpIyjfGpiOTRk

Pirojektii kanarratti waliin haa hojjannuu; Tilmaamota baasii ka'uumsaa xiqqaa: A. Lukkuu 50'f qarshii 40,000-50,000 B. Lukkuu 100'f Qarshii 145,00-155,000 C. Lukkuu 200'f qarshii 270,000 300,000 Gatii tilmaamaan keenye kana mirkaneessa isaa hojjachuun mirkaneessuun ni danda'ama. Keessattuu, lukkuu 50'f kan jenne san baasii ka'uumsaa isa xiqqaa ta'a jenne fudhanne. Haalli baasitii isaa (አዋጭነት) ilaallamee baasii ka'uumsaa keenye kanarraa fooyyessuun hojjachuun ni danda'ama. Isa kana yeroo mirkaneessa tilmaamota oliitti dhihaatan kanneen tokko tokkoon hojjannu kan mirkaneessinu ta'a.

Amaloota Saawwan Aannanii Oomisha Olaanaa Qabanii 1. Boca rog-sadee qabaatanii gara mormaan qal'atanii gara duubaatiin kan bal'atan, 2. Gur'uu guddaa qabu, 3. Boca dheeraa kan qaban, 4. Gur'uu fi garaa bal'aa kan qaban, 5. Bakki lukoota duubaa isaanii gidduu jiru kan bal'atu, 6. Gur'uun isaanii qaama isaanii kaan waliin sirnaan kan wal qabate, 7. Taa'umsi fiixee gur'uu isaanii rog-afree kan ta'e, 8. Fiixeen gur'uu isaanii hunduu (muchoonni) kan hin badin, 9. Hiddoonni dhiigaa boca zigzaagii qabaatanii sirriitti kan mul'atan, 10. Gur'uun isaanii cinaa cinaadhaan kan wal qabate.

🔄Gaaffiin namoota hedduurraa horsiisa lukkuu irratti yeroo baay'ee nuuf dhihaatu: ✔️Lukkuun oomisha killee kennaa hin jirtu ykn addaan kukkutti, ✔️Galiin kiyyaa fi baasiin kiyya wal madaalaa hin jiru waan ta'eef rakkoo keessa seeneera, ✔️Dhukkubootni lukkuu miidhaa geessisaa jiru, kan jedhanii fi kkf'dha. 📈Gaaffilee kanneeniif deebii ta'a kan jennu akka ogeessa tokkootti, karaa miidiyaan wantoota argaa turree fi mirkaneeffachaa turrerraa, akkasumas namoota horsiisa lukkuu keessa jiran dubbisuun qorannerraa kaanee deebii akka armaan gadiitti isiniif keenya. 1️⃣ Filannoo lukkuu kaayyoo horsiisaa keenya waliin deemu hubachuu dhabuu. Fkn. Kaayyoon keenya oomisha killee ta'ee osoo jiruu sanyii lukkuu foonii ykn oomisha killee irratti nu hin baasne hojjachuu. Sababa kanaan bu'aa barbaadamu argachuu waan hin dandeenyeef kisaaraaf saaxilamna. 2️⃣ Qabiinsa sirrii sanyii lukkuu kaayyoo oomishaa barbaannuuf horsiifnu taasisuu/hubachuu dhabuu. Keessattuu, lukkuun killee qabiinsa saayinsaawaa barbaadu. Kanaafuu, qabiinsa barbaachisu taasisuuf saayinsii horsiisaa irratti hubannoo gahaa qabaachuu qabna. Qabiinsa barbaachisu gama bakka jireenyaatiin, nyaataa fi dhugaatiitiin, fayyaatiin yoo hin taasisiniif ammas bu'aa barbaadamu osoo hin taane faallaa sanaa kisaaraa hamaaf saaxilamuu dandeenya. 3️⃣ Haala bittaa cuucii fi lukkuu sookee (Goromtii). Namoonni hedduun cuucii ykn lukkuu sookee gabaa naannoorraa daldaltoonni ykn horsiiftonni naannoo sanaa ykn bakka biraatiin dhiheessan bitu. Bakka hedduutti cuuciin ykn lukkuun sookee haala sanaan gabaatti dhihaattu rakkoo hedduu qabdi. Tokkoffaa, cuuciin sun talaallii barbaachisu osoo hin xumurin gabaaf dhihaatti. Kanarraa kan ka'e salphaatti dhukkubootaaf saaxilamuu dandeessi. Lammaffaa, karaa fagootii kan dhufu laafinsa tan qabduu fi dhibeefis saaxilamte keessatti waan argamtuuf salphaatti walitti dabbabarsuu dandeessi. Sadaffaa, haalli lukkuun sookee itti geejjibsiifamtee gabaa geessuu fi erga bitamtee gara namaatti itti galtu sirrii miti. Namoonni baay'een lukkuu erga bitanii meeshaalee geejjibsiiftuu lukkuu kireetii jedhamu waan hin fayyadamneef waan akka madaabaraa faa fayyadamuun lukkuu duraayyuu rakkoo qabdu rakkoo dabalataaf saaxilu. 4️⃣. Abdii kutachuu. Namoonni gariin sababa rakkoowwan olitti kaafne kanarraa kan ka'e yeroo hojii horsiisa lukkuu kanarraa abdii muratan agarra. Kunis sirrii miti. Kan rakkoo qabu hojicha osoo hin taane haala nuti itti hojjannu waan ta'eef dogongora keenyarraa barannee waan fooyyee qabu hojjachuutu furmaata. 🩸Goolabaa fi Yaadota Furmaataa Conclusion and Recommendations Rakkoowwan horsiisa lukkuu keessatti mul'atan kunneen irra caalaatti maddi isaanii waan tokkoodha. Innis hubannoo fi beekkumsa gahaa horsiisa lukkuu irratti qabaachuu dhabuudha. Lukkuun beeyiladaa kaanirra salphaatti rakkoof kan saaxilamtu waan taateef qabiinsi barbaachisaan taasifamuufii qaba. Kanaafuu, namoonni hojii horsiisa lukkuu irratti hirmaachuun dura (Meeshaalee fi wantoota horsiisaaf barbaachisan bituu dura) sammuu ofiirratti hojjachuu qabu. Karaawwan isaanii mijaaheen horsiisa lukkuu irratti hubannoo fudhachuu qabu. Leenjii horsiisa lukkuu hordofuu qabu. Ogeessota mariisisuu qabu. Haala gabaa lukkuutiin wal qabatee mootummaanis too'annoo cimsuu qaba. Namoonni cuucii gabaaf dhiheessan ragaa fayyaa fi talaallii qabaachuu isaanii hordofamuu qaba. Dhumarratti, hojiin horsiisa lukkuu hojii beekkumsaa fi of eeggannoo barbaadu yoo ta'u, haala barbaachisuun hojjatamnaan hojii bu'aa qabuudha.

Hojii horsiisa lukkuu eegaltee hojii keetirratti rakkoon si muudateeraa? Bu'aa barbaadamu irraa argachaa hin jirtuu? Hojii kee fooyyessuu barbaadda taanaan garee barnootaa kanatti makamii baradhu. Rakkoo jiru waliin kan hiiknu ta'a. Namoonni hojii horsiisa lukkuu keessa jirtan qofti koottaa! Nu dubbisuuf: https://t.me/hDvm79

Afaan Oromootiin qopheessine