የአዲስ አበባ ሠራተኛና የሥራ እድል ፈጠራ ቢሮ/Addis Ababa Labor and Job Creation Bureau

ከተረጅነት በመላቀቅ ራስን ለመቻል የሚደረገው ጥረት አበረታች መሆኑ ተጠቆመ! የከተማ አስተዳደሩ ከፍተኛ አመራሮች ከተረጅነት በመላቀቅ ራስን ለመቻል በሚደረገው ሀገራዊ እንቅስቃሴ የከተማችንን አተገባበር የመስክ ምልከታ በማድረግ አፈፃፀሙን ገምግመዋል። በብልፅግና ፓርቲ የአዲስ አበባ ቅ/ፅ/ቤት ኃላፊ ዶ/ር ጀማሉ ጀንበር በጉብኝቱ ላይ እንደተናገሩት ተረጅነትን ለማስወገድና ሰብዓዊ ድጋፍን በራስ አቅም ለማከናወን እንደ ሀገር የተቀመጠው አቅጣጫ በከተማችንም በመልካም ሁኔታ ተግባራዊ እየተደረገ መሆኑን አስገንዝበዋል። ቋሚ የስራ ዕድሎችን በማበራከት በተረጅነት የነበሩ ዜጎችን ወደ አምራችነት የማሸጋገር ስራዎች እየተተገበሩ መሆናቸውን የጠቆሙት ዶ/ር ጀማሉ በሁሉም ክ/ ከተሞች የሰብአዊ ድጋፍ ማከማቻ መጋዘኖች ተገንብተው የግብዓት ማሟላት ስራ እየተከናወነ እንደሚገኝ ጠቅሰዋል። የህዝባችንን የመረዳዳት እና የመደጋገፍ እሴቶችን ይበልጥ ማጠናከር እንደሚገባም ዶ/ር ጀማሉ አሳስበዋል። የአዲስ አበባ ምክትል ከንቲባ እና የፕላን እና ልማት ቢሮ ኃላፊ አቶ ሳሙኤል ሞላልኝ በመጀመሪያው የአርበኝነት ምዕራፍ የኢትዮጵያ ነፃነት ተጠብቶ መዝለቁን ጠቅሰው በሁለተኛው የአርበኝነት ምዕራፍ ደግሞ የተሟላ ሉዓላዊነቷን ለማረጋገጥ ብርቱ ጥረት እየተደረገ መሆኑን አስረድተዋል። የሀገራችንን የኢኮኖሚ ነፃነት በማረጋገጥ ተረጅነትን ለማስወገድ እየተሰራ መሆኑን ያመላከቱት ምክትል ከንቲባው የከተማ አስተዳደሩ ተረጅነትን ለማስቆም ህዝቡን ከጎኑ በማሰለፍ እያደረገ ያለው እንቅስቃሴ ተስፋ ሰጪ መሆኑን ገልፀዋል። የሰብአዊ ድጋፍ ማከማቻ መጋዘን በሁሉም ክፍለ ከተሞች የተገነቡ ሲሆን የጉብኝቱ ተሳታፊ ከፍተኛ አመራሮች በየካ፣ በጉለሌ ፣ በአራዳ፣ በቂርቆስ፣ በልደታ፣ በንፋስ ስልክ ላፍቶ፣ በአቃቂ ቃሊቲ እና በቦሌ ክፍለ ከተሞች የተገነቡትን ምልከታ በማድረግ ቀሪ ስራዎች እንዲጠናቀቁ አቅጣጫ ሰጥተዋል።

ሳምንታዊው የወርቃማው ሰኞ መድረክ፡ “ሰንደቅ ዓላማችን ለብሄራዊ መግባባትና ለአንድነታችን” በሚል ርዕስ የልምድ ልውውጥ ተካሄደ፡፡ 🇪🇹 ጥቅምት 3/2019 ዓ.ም 🇪🇹 የአዲስ አበባ ከተማ አስተዳደር ሠራተኛና ሥራ ዕድል ፈጠራና ቢሮ የወርቃማው ሰኞ መድረክ “ሰንደቅ ዓላማችን ለብሄራዊ መግባባትና ለአንድነታችን” በሚል መሪ ቃል የልምድ ልውውጥ ተካሄደ፡፡ በመድረኩ በሀገር አቀፍ ደረጃ የሚከበረውን 19ኛው የሰንደቅ ዓላማ ቀንን ምክንያት በማድረግ በቢሮው የኮሙኒኬሽን ዳይሬክተር አቶ ኤፍሬም አያሌው አማካኝነት ገለፃ ተደርጓል። በመርሀ ግብሩ መክፈቻ የቢሮው ጽሕፈት ቤት ኃላፊ ወ/ሮ ኒዕመተላህ ከበደ ባደረጉት ንግግር ሳምንታዊው የወርቃማ ሰኞ የዕውቀት ሽግግር መርሀ ግብር በሰራተኞች መካከል ዕውቀትና ልምድ የሚሸጋገርበት መድረክ በመሆኑ ተጠናክሮ ይቀጥላል ብለዋል። በዕለቱ በተካሄደው ገለፃ ስለ ሰንደቅ ዓላማ በዓል አከባበር አስፈላጊነት እና ተያያዥ ጉዳዮች ላይ ገለፃ ተደርጓል። ተጨማሪ  መረጃዎችን ለማግኘት ማስፈንጠሪያውን ይጫኑ  https://aabols.gov.et/qr.html

የአዲስ አበባ ከተማ አስተዳደር ሠራተኛና የሥራ እድል ፈጠራ ቢሮ በመጀመሪያው ሩብ ዓመት 68 ሺህ 653 ዜጎችን በቋሚ የሥራ እድል ማገናኘቱን አስታወቀ:: ጥቅምት 03/2019 ዓ.ም የአዲስ አበባ ከተማ አስተዳደር ሠራተኛና የሥራ እድል ፈጠራ ቢሮ የ2019 በጀት ዓመት የሶስት ወራት እቅድ አፈጻጸሙን ከጠቅላላ ሠራተኞች ጋር በጋራ ገምግሟል። በዚሁ መድረክ ላይ ቢሮው በመጀመሪያው ሩብ ዓመት 68 ሺህ 653 ዜጎችን በቋሚ የሥራ እድል ማገናኘቱን አስታውቋል። በምክትል ከንቲባ ማዕረግ የቢሮው ኃላፊ አቶ ሚሊዮን ማትዎስ በሪፖርት ወይይቱ ላይ ተገኝተው እንደተናገሩት፤ ሥራዎችን በየደረጃው ውጤት በመለካትና ተጠያቂነትን በማረጋገጥ የኢንዱስትሪ ሰላምና የምርታማነት ስትራቴጂን ማሳካት ዋነኛ ግብ መሆኑን አብራርተዋል። አቶ ሚሊዮን ባለፉት ወራት የታዩ አፈጻጸሞችን በማንሳት ንግግር አድርገዋል። በከተማዋ የተደረጉ መዋቅራዊ የአመራር ቅያሪዎችን ተከትሎ አፈፃፀሙ ዝቅተኛ እንደነበር አስታውሰዋል። ይሁንና ማኔጅመንቱና ባለሙያዎች "በጀነራሊስት አቀራረብ" እስከ ታችኛው የወረዳ መዋቅር ድረስ በቅርብ በመውረድ ከፍተኛ ድጋፍና ርብርብ አድርገዋል። ይህ የተቀናጀ ንቅናቄም የቢሮውን አጠቃላይ የሥራ አፈጻጸም 92 በመቶ ላይ ማድረስ እንዳስቻለ ገልጸዋል። ቢሮው በሩብ ዓመቱ 75 ሺህ አዲስ የሥራ እድል ለመፍጠር አቅዶ 68 ሺህ 653 ሥራዎችን በማሳካት የ91.54 በመቶ አፈጻጸም አስመዝግቧል። የተፈጠረው የሥራ እድል ስብጥር በዘርፍ ሲሰላ 69.29 በመቶ በአገልግሎት፣ 18.28 በመቶ በኢንዱስትሪ (ማኑፋክቸሪንግ)፣ 7.80 በመቶ በከተማ ግብርና እንዲሁም 4.64 በመቶ በኮንስትራክሽን ዘርፍ የተመዘገበ ነው ብለዋል። በግምገማው ወቅት በክፍለ ከተሞች መካከል የአፈጻጸም ልዩነት መታየቱ በስፋት ተነስቷል። እቅዱን መቶ በመቶ ያሳኩት ክፍለ ከተሞች ከእቅድ በላይ በሥራቸው የሚያስመሰግኗቸው ናቸው ያሉት አቶ ሚሊዮን፤ አራዳ ክፍለ ከተማ የቦታና የጸጋ እጥረት እያለበትም ከአምናው በማሻሻል 98.4 በመቶ በማስመዝገብ ከፍተኛ ውጤት አሳይቷል ብለዋል። በተለይም ሴቶች የሚመሯቸው ክፍለ ከተሞች የተሻለ ስኬት አስመዝግበዋል። በአንጻሩ አቃቂ ቃሊቲ ሰፊ አቅምና ልማት ያለው ቢሆንም አፈጻጸሙ 43.9 በመቶ ብቻ ሆኖ ተመዝግቧል። ቢሮው በቅርቡ ባደረገው የንቅናቄ ድጋፍ የአቃቂ ውጤት ወደ 60 በመቶ ማደጉ ቢገለጽም፤ አሁንም አካባቢው ከፍተኛ ጥንቃቄና የተለየ ክትትል የሚሻ መሆኑ ተረጋግጧል። የልደታ ክፍለ ከተማም አፈጻጸሙ 64.6 በመቶ በመሆኑ አስቸኳይ ማስተካከያ ያስፈልገዋል ብለዋል። ተቋሙ ስሙን ወደ "ሠራተኛ እና የሥራ እድል ፈጠራ ቢሮ" መቀየሩን የገለጹት አቶ ሚሊዮን ማትዎስ፤ ይህ ስያሜ የሠራተኛውን ምርታማነት፣ ተጠቃሚነት እና ዘላቂ የኢንዱስትሪ ሰላምን የማረጋገጥ ሥራን የቢሮው ቀዳሚ የትኩረት አቅጣጫ እንደሚያደርገው ገልጸዋል። የኢንዱስትሪ ምርታማነትን ለማሳደግና የአገልግሎት አሰጣጥ ችግሮችን በዘላቂነት ለመቅረፍም ሥራዎቻችን ከወቅቱ አርቴፊሻል ኢንተለጀንስና ከዲጂታል ቴክኖሎጂ ጋር ተቀናጅተው መሠራት እንዳለባቸው አጽንኦት ሰጥተዋል። የቢሮው ኃላፊ በቀጣይ ሩብ ዓመት ውጤታማ ለመሆን ሁሉም ሠራተኛ እንደ አንድ ዩኒትና እንደ አንድ ቤተሰብ ተቀናጅቶ መስራት እንዳለበት አሳስበዋል። ሥራዎችን በስትራቴጂው ላይ ብቻ በማተኮር፤ የሥራ ውጤትን በቀን፣ በሳምንት እና በወር የመለካት እንዲሁም የተጠያቂነት አሰራርን በጥብቅ የመተግበር ሥራ ተጠናክሮ እንደሚቀጥል በመግለጽ ንግግራቸውን አጠቃለዋል። ተጨማሪ መረጃዎችን ለማግኘት ማስፈንጠሪያውን ይጫኑ https://aabols.gov.et/qr.html

ተጨማሪ  መረጃዎችን ለማግኘት ማስፈንጠሪያውን ይጫኑ  https://aabols.gov.et/qr.html

አዲስ አበባ ለሌሎች ከተሞችም ተምሳሌት ሆናለች — ዳኞች ከተለያዩ የሀገሪቱ ክፍሎች የተውጣጡ የእስልምና እምነት ተከታይ ዳኞች በዋና ከተማዋ የተገነቡትን የእንጦጦ ፓርክ እና የቀበና ወንዝ ዳርቻ የልማት ፕሮጀክቶችን ጎበኙ። ​ዳኞቹ በጉብኝታቸው ወቅት እንዳመለከቱት፣ አዲስ አበባ በቅርብ ዓመታት ያስመዘገበችው ፈጣን የለውጥ ጉዞና የመሰረተ ልማት እመርታ ከተማዋን ለነዋሪዎቿ ምቹ፣ ለጎብኚዎቿ ደግሞ ሳቢና ተመራጭ እንድትሆን አድርጓታል። ​በተለይም በከተማ ውበት፣ በአረንጓዴ ልማትና በቱሪዝም መስክ የታየው ስር-ነቀል ለውጥ በሀገር አቀፍ ደረጃ ብቻ ሳይሆን በዓለም አቀፍ መድረክም እንደ ትልቅ ተምሳሌት የሚጠቀስ መሆኑን ገልጸው፣ የተከናወኑት ስራዎች ለሌሎች የሀገሪቱ ከተሞችም አስተማሪና አርአያነት ያለው ልምድ እንደሆነ ገልጸዋል።

የምንሠራቸው ሥራዎች ሁሉ ከተቋም ግንባታ አንጻር ትኩረት የሚሹ ናቸው። የተበታተነ አቅም ራዕይን አያሳካም፤ ሀገርንም አይገነባም። ስለዚህ እያንዳንዱ ሠራተኛ በግልጽ የተለየ የሥራ ድርሻና ተጠያቂነት ኖሮት፣ በመደመር መርህ ተቀናጅቶ የሚሠራበትን አሠራር ማጠናከር ይጠበቅብናል። የሕዝብን ጥቅም የሚያስቀድም፣ የዜጎችን ክብር የሚጠብቅና ተጨባጭ ውጤት የሚያመጣ ሥራ እንሠራለን! :- ከንቲባ አዳነች አቤቤ

በአለምአቀፍ ደረጃ ምርጥ የተባለውን ተሞክሮ ነው ያገኘነው - የናይጀሪያው ምክትል ፕሬዚዳንት ካሺም ሺቲማ ከኢትዮጵያ የቀዳማይ ልጅነት ልማት ፕሮግራም የተገኘው ተሞክሮ በናይጀሪያ የስነምግብ- 774 (Nutrition 774) የተሰኘውን የሥርዓተ ምግብ ኢኒሸቲቭ በተጨባጭ ለመተግበር እንደሚያግዛቸው የናይጀሪያው ምክትል ፕሬዚዳንት ካሺም ሺቲማ ገለጹ። የናይጄሪያን ከፍተኛ ልዑክ መርተው ለሦስት ቀናት ‘በሥርዓተ-ምግብ ላይ ተጨባጭ ለውጥ ማምጣት’ በሚል መሪ ሃሳብ በኢትዮጵያ ኦፊሴላዊ የሥራ ጉብኝት ያደረጉት ምክትል ፕሬዚዳንቱ ወደ ሀገራቸው ከተመለሱ በኋላ በሚዲያ ረዳታቸው በኩል መግለጫ አውጥተዋል። በተሰጠው መግለጫ ከኢትዮጵያ የተገኙት ተግባራዊ ትምህርቶች በሀገራቸው የጀመሩትን ፕሮግራም ከግብ ለማድረስ እንደሚያግዛቸው ተካትቶ ቀርቧል። ምክትል ፕሬዚዳንቱና ልዑካቸው በሦስተኛው ቀን የኢትዮጵያ ቆይታቸው በአዲስ አበባ ተገኝተው ልምድ የወሰዱበት የቀዳማይ ልጅነት ልማት ትግበራ ለእነርሱ ኢኒሸቲቭ እውንነት ወደ ተጨባጭ እርምጃ እንደሚያመራቸው በመግለጫው ተጠቁሟል። በአዲስ አበባ በዋናነት በቅድመ-መደበኛ ትምህርት፣ በጤና እንክብካቤ፣ በሕፃናት ማቆያ እና በወላጆች ስልጠና ላይ ያተኮረው የቀዳማይ ልጅነት ልማት ፕሮግራም ለናይጄሪያው የልዑካን ቡድን ጠቃሚ ተግባራዊ ትምህርት የተገኘበት እንደሆነ መግለጫውን ይፋ ያደረገው THIS DAY: ዛሬ ሰኞ ጥቅምት 02/2019 ባሳተመው ገጹ ላይ ይዞ ወጥቷል።

የምርታማነት ማሻሻያ የልህቀት ማዕከል በሀገር አቀፍ ደረጃ  የመጀመሪያ የሆነውን የISO 21001-2025 የብቃት ማረጋገጫ ሰርተፊኬት ተረከበ። 🇪🇹 ጥቅም 2/2019 ዓ.ም 🇪🇹 በአዲስ አበባ ቴክኒክና ሙያ ሥልጠና ቢሮ የምርታማነት ማሻሻያ የልህቀት ማዕከል በሀገር አቀፍ ደረጃ  የመጀመሪያ የሆነውን  የISO 21001-2025 የብቃት ማረጋገጫ ሰርተፍኬት በይፋ ተረክቧል። የማዕከሉ ዋና ዲን አቶ አድማሱ በቀለ እውቅናው ኮሌጁን ተፎካካሪ የልህቀት መአከል ለማድረግ ያግዛል ብለዋል። የኢትዮጵያ ተስማሚነትና ምዘና ድርጅት የማርኬቲንግና ቢዝነስ ልማት ዳይሬክቶሬት ዳይሬክተር አቶ ተኬ ብርሃነ በበኩላቸው ዕውቅናው  ማዕከሉ  ላሳየው  የጥራት፣ የብቃት፣ የተቋማት ትጋት እና ቀጣይነት ያለው መሻሻል  ማረጋገጫ መሆኑን ገልጸዋል። ዳይሬክተሩ አክለውም ዕውቅናው  የተጠቃሚዎችን እርካታ በማሳደግ፣ ዓለም አቀፍ ተቀባይነት በማሳደግ እንዲሁም በውጤት ላይ የተመሠረተ አመራር እንዲኖር ያስችላል ብለዋል ይህ በእንዲህ እንዳለ በዕውቅና ሥነ-ሥርዓቱ ላይ  የ ISO ታስክ ፎርስ አባላትን ጨምሮ በ2018 በጀት ዓመት የላቀ አፈጻጸም ላስመዘገቡ አካላት የምስጋናና የዕውቅና መርሀ ግብር ተካሂዷል። ተጨማሪ  መረጃዎችን ለማግኘት ማስፈንጠሪያውን ይጫኑ  https://aabols.gov.et/qr.html

በአዲስ አበባ በ1ኛ ሩብ ዓመት ከ68 ሺህ በላይ ለሚሆኑ ዜጎች የሥራ ዕድል ተፈጠረ:: 🇪🇹 ጥቅም 2/2019 ዓ.ም 🇪🇹 የአዲስ አበባ ከተማ አስተዳደር የሠራተኛና የሥራ ዕድል ፈጠራ ቢሮ የሥራ ስምሪትና የምግብ ዋስትና ዘርፍ የ2019 በጀት ዓመት የመጀመሪያ ሦስት ወራት አፈፃፀሙን የገመገመ ሲሆን የቀጣይ ሶስት ወራት እቅድ ቀርቦ ውይይት ተካሂዶበታል፡፡ በከተማችን ያለውን የሥራ አጥነት ምጣኔ በዘላቂነት ለመቀነስ በተደረገው ርብርብ በሩብ ዓመቱ ጥሩ ውጤቶች መመዝገቡ በሪፖርቱ ላይ ተገልጸዋል። በሩብ ዓመቱ የተገኙ ዋና ዋና ውጤቶች፦ 👉 የሥራ ዕድል እና ምዝገባ፦ 75 ሺህ ሰዎችን ሥራ ለማስያዝ ታቅዶ 68 ሺህ 653 ዜጎች የሥራ ዕድል አግኝተዋል። ከነዚህም ውስጥ 54ቱ በመቶ ሴቶች ሲሆኑ፣ 43 በመቶ ደግሞ ወጣቶች ናቸው። በተጨማሪም 82 ሺህ 419 ሥራ ፈላጊዎች በዘመናዊ ሲስተም ተመዝገበዋል። 👉 የክህሎት ሥልጠና፦ የዜጎችን የሥራ ዝግጁነት ለማሳደግ 92 ሺህ 271 ሰዎችን የልል ክህሎት፣ 27 ሺህ 796 ሰዎችን ደግሞ የቴክኒክ ሥልጠና ተሰጥተዋል። 👉 የምግብ ዋስትና እና ሴፍቲኔት፦ በሴፍቲኔት ፕሮግራም ለ130 ሺህ 135 የአካባቢ ልማት ተጠቃሚዎች 332 ሚሊዮን ብር የጉልበት ክፍያ ተፈጽሟል። ተጠቃሚዎቹ በቆጠባ 66 ሚሊዮን ብር በላይ ማከማቸታቸው ወደ አምራችነት ለመሸጋገር ትልቅ ፋይዳ አለው። 👉 የአንድ ማዕከል አገልግሎት፦ በከተማዋ 119 ወረዳዎች ያሉት የአንድ ማዕከል አገልግሎት መስጫዎች በቴክኖሎጂ ታግዘው ከወረቀት ነፃ (Paperless) መሆን ጀምረዋል። በወይይቱ መድረክ ላይ የተገኙት በቢሮ ሃላፊ ደረጃ የስራ ስምሪትና የምግብ ዋስትና ዘርፍ ሃላፊ አቶ አስፋዉ ለገሰ በዉዉይቱ እንደገለጹት፡ "በሩብ ዓመቱ ያመጣናቸው ለውጦች የሚያኮሩ ናቸው። ሆኖም በቀጣይ የምንሰራቸው ሥራዎች እና የምናወጣቸው ሪፖርቶች ከተጨባጭ እውነታ ጋር የተጣጣሙ እንዲሆኑ ቴክኖሎጂውን አጠናክረን ልንቀጥልበት እንደሚገባ ገልጸዋል፡፡ ። አቶ አስፈው በቀጣይ ሊሠሩ በሚገባቸው ዋና ዋና ጉዳዮች ላይ የሚከተለውን አቅጣጫ አስቀምጠዋል፦ አንደኛ፤ በሥራ ስምሪት ሲስተሞቻችን የሚመዘገቡ መረጃዎች ሙሉ በሙሉ ትክክለኛ መሆናቸውን በየደረጃው ማረጋገጥ አለብን። ቀደም ሲል በወረቀት ሪፖርት እና በዲጂታል መረጃ መካከል ይታዩ የነበሩ የቁጥር መበላለጦችን (የመረጃ ልዩነቶችን) አንድ እና ለመጨረሻ ጊዜ ለመቅረፍ ሲስተሙን በአግባቡ መጠቀም ይጠበቅብናል።" "ሁለተኛ፤ የምግብ ዋስትና ተጠቃሚዎች ከተረጂነት ወጥተው ራሳቸውን እንዲችሉ የተቀመጠው የ20 በመቶ ቁጠባ ልማድ መተግበር አለበት። ለዚህም ተጠቃሚዎች በቀን የ4 ሰዓት የልማት ሥራቸውን አጠናቀው፣ በብቸኛ ሰዓታቸው ተጨማሪ ገቢ በሚያስገኙ ሥራዎች ላይ እንዲሠማሩ ተገቢውን ድጋፍና ክትትል እናደርጋለን።" "ሦስተኛ፤ በወረዳዎች ያሉ 119 የሥራ ማዕከላት እውነተኛ የልማት አርአያ መሆን ይኖርባቸዋል። ለዚህም የሰው ኃይሉን ብቃት ማሳደግ፣ ባዮሜትሪክ ኪቶችን በአግባቡ መጠቀም እና ወጥ የሆነ የአገልግሎት አሰጣጥ መከተል አንዳለባቸዉ አንስተዋል።" የዕለቱ መድረክ ተሳታፊዎች የክፍለ ከተማ የስራ ስምሪትና የምግብ ዋስትና ዘርፍ ምክትል የፅ/ቤት ሃላፊዎች፣ አስተባባሪዎች፣ የክፍለከተማ ቡድን መሪዎችና የወረዳ ቡድን መሪዎች እንዲሁም የቢሮ የዘርፉ ዳይሬክቶሬቶችና በድን መሪዎች እንዲሁም ባለሙያዎች የተገኙ ሲሆን ከአመራር እስከ ባለሙያ ለዚህ የንቅናቄ ሥራ ትኩረት በመስጠት የዜጎችን ተጠቃሚነት ለማረጋገጥ ለቀጣይ እቅድን ለመፈጸም ተስማምተው መድረኩ ተጠናቅቋል፡፡ ተጨማሪ  መረጃዎችን ለማግኘት ማስፈንጠሪያውን ይጫኑ  https://aabols.gov.et/qr.html