¡No caigas en manos de tramposos! Telemetrio encuentra y marca estos canales 👉 Si quieres ver la etiqueta, suscríbete

አርምሞ🧘🏽‍♂

Ir al canal en Telegram

ጥ ቂ ት ም ና ኔ. .🧘🏽‍♂️

Etiopía2 916 Religión y espiritualidad7 485...

📈 Análisis del canal de Telegram አርምሞ🧘🏽‍♂

El canal አርምሞ🧘🏽‍♂ (@armemo_offical) en el segmento lingüístico de Amárico es un actor destacado. Actualmente la comunidad reúne a 12 026 suscriptores, ocupando la posición 7 485 en la categoría Religión y espiritualidad y el puesto 2 916 en la región Etiopía.

📊 Métricas de audiencia y dinámica

Desde su creación el невідомо, el proyecto ha mostrado un crecimiento acelerado, reuniendo a 12 026 suscriptores.

Según los últimos datos del 30 octubre, 2026, el canal mantiene una actividad estable. En los últimos 30 días la variación de miembros fue de 265, y en las últimas 24 horas de 12, conservando un alto alcance.

Estado de verificación: No verificado
Tasa de interacción (ER): El promedio de interacción de la audiencia es 20.98%. Durante las primeras 24 horas tras publicar, el contenido suele obtener 7.94% de reacciones respecto al total de suscriptores.
Alcance de las publicaciones: Cada publicación recibe en promedio 2 523 visualizaciones. En el primer día suele acumular 955 visualizaciones.
Reacciones e interacción: La audiencia responde de forma activa: el promedio de reacciones por publicación es 47.

📝 Descripción y política de contenido

El autor describe el recurso como un espacio para expresar opiniones subjetivas:
“ጥ ቂ ት ም ና ኔ. .🧘🏽‍♂️”

Gracias a la alta frecuencia de actualizaciones (últimos datos recibidos el 31 octubre, 2026), el canal mantiene la vigencia y un amplio alcance. La analítica demuestra que la audiencia interactúa activamente con el contenido, lo que lo convierte en un punto de referencia dentro de la categoría Religión y espiritualidad.

12 026

Suscriptores

+1224 horas

+767 días

+26530 días

2 523

Visitas de la publicación

~ 95524 horas

~ 1 26948 horas

20.98%

Tasa de compromiso

~ 1

Mensajes por día

Ads index

beta

Archivo de publicaciones

12 026

ይሄ ከስር ያስቀመጥኩላችሁ የዩቱዩብ ሊንክ መፅሐፍ እና ከመፅሐፍት ጋር በተያያዘ የግል ምልከታ ከማኀበራዊ እሳቤ ጋር የሚያንጸባረቅ የዩቲዩብ ገፅ ነው። ቻናሉ ላይ ያሉት በየፊናቸው እንደአስተሳሰባቸው መፅሐፍን አንብበው የሚረዱ ሰዎች ሲሆኑ፤ ያነበቡትን መፅሐፍ ደግሞ አንድ ላይ በመሰብሰብ የግል መገንዘብን ወደጋራ መመጋገብ ይቀይሩታል። ይህ ማኀበር ለአመታት የዘለቀ ቢሆንም አሁን ከዚህ በተለየ መልኩ በመፅሐፍ ዙርያ የሚወያዩትን መድረክ ለሁሉም ተደራሽ እንዲሆን በዩቲዩብ መጥተዋልና መቀላቀል የሚፈልግ ሰው ከስር ያለውን ሊንክ በመጫን ሰብስክራይብ ማድረግ ይችላል

👇🏽 https://youtu.be/uKAMAG4KJlM?si=PkUF3w3DlJpgtXsE

12 026

እያነባችሁ ነው ግን? ሼሩ ይበዛል እኮ ከሪአክቱ በላይ 🤔

12 026

ብዙ ግዜ ከአጠገቤ ያሉ ሰዎችን በተደጋጋሚ የምጠይቃቸው አንድ ጥያቄ አለ፦«ዋጋ ያለው ነገር ምንድን ነው?» ምክንያቱም የዚህ ዓለም ሩጫ በአብዛኛው አንድን ዋጋ ለማግኘት የሚደረግ ጥረት ነው። ሆኖም እዚህ ላይ አንድ ጥያቄ ይነሳል፤ የምንፈልገውን ነገር ፈልገነው ነው ወይስ እሱን ስናገኝ የሚሰማንን ስሜት ስላለ ነው?። ለምሳሌ አንድ ሰው ሸክላ ጥብስ መብላት ያስደስተዋል እንበል። ይህን ምግብ ለመግዛት ግን ብር ያስፈልገዋል። ስለዚህ በዚያ ቅጽበት ብር ለእሱ አስፈላጊ ይሆናል። ሆኖም ብሩን አግኝቶ የብር ኖትን ቀዳዶ አይበላውም፤ ይልቅ በብሩ ምግቡን ይገዛበታል። እዚህ ጋር ሰውዬው ብርን የፈለገው ለራሱ ሳይሆን ሌላ ነገር ለማግኘት የሚገለገልበት

Means አድርጎ ነው፤ ምግቡ ደግሞ ለማግኘት ያስፈለገው End

 ነው።

ግን ጉዳዩ በዚህ አያበቃም። ሰውዬው ምግቡን ከበላ በኋላ የሚሰማው የእርካታ ስሜት አለ። ስለዚህ አሁንም ጥያቄ ይፈጠራል፤ ታዲያ ዋጋ ያለው ነገር ምግቡ ነው ወይስ ምግቡን በመመገቡ የሚያገኘው ደስታ?። ይህን ጥያቄ ሰዎችን ስጠይቅ እንዲህ ነው የሚሉኝ፦«ዋጋ ያለው ምግቡን ስንበላው የሚሰማን ያ ስሜት ነው» ቢሆንም አሁንም ይህ መልስ ስህተት ነው። ይልቅ ያ የእርካታ ስሜት ሕይወትን ለመኖር የሚያስፈልግ የዛሬ እርካታና የነገ ጉዞን የሚያስቀጥል ትርጉም

ነው።

ለዛም ነው ዋጋ ያለው ነገር ብሩ አይደለም፣ ወይም ብሩ የሚገዛል ምግብ አይደለም፣ አልያም ምግቡን ስንበላው የሚሰማን ስሜት ሳይሆን

«The Meaning of Living»

የመኖርን ትርጉምን የሚፈጥርልንን አንድ ነገር ነው። በመጨረሻም የምላችሁ ነገር ቢኖር ነገ ላይ መሆን የምንፈልገው ማንነት ወይም ዛሬ ላይ ልንሆን የምንጓጓለት ሰው ብቻ አይደለም ዋጋ ያለው። ይልቁንም ያንን ማንነት ተቀብሎ የሚኖረው፣ በዚያ ውስጥ ትርጉም የሚፈጥረውና ሕይወቱን የሚያስቀጥለው እኛነታችን ነው ዋጋ ያለው። ሁላችንም የምንመኘው ነገር የሕይወት መዳረሻችን ሊሆን ይችላል፤ ነገር ግን መኖር የሚያስደስተን ያንን መዳረሻ ስለደረስነው ብቻ አይደለም። ይልቅ ዛሬን በሙልዓት በመኖር ውስጥ ነው።

ልጅ እያለን ከረሜላ በመምጠጣችን ብቻ ደስተኛ ነበርን። አሁን ግን እድሜያችን እየጨመረ ሲመጣ ያ በፊት ስንጠመጠው የነበረው ከረሜላ ተመሳሳይ ደስታን አይፈጥርልንም። ታዲያ የከረሜላው ጣዕም ተቀይሮ ነው?፤ በፍጹም አይደለም!። ይልቅ እኛ ነን የተለወጥነው። ይህ ልክ እንደ

«Hedonic Adaptation»

 መውሰድ እንችላለን። አንድ ሰው ከጊዜያት በኋላ ከአንድ ነገር ጋር ይላመዳል፤ ቢሆንም የለመደው ያ ልምድ የቀድሞው ደስታን እየሰጠው መምጣት ያቆማል። ስለዚህ አዲስ ከዚህ የተለየ ሌላ ልምድ ይፈልጋል።

ምን ልላችሁ መሰላችሁ ዛሬ በወጣትነታችን የምንመኘው ማንነት ነገ ላይ እንደምንገምተው ደስታ የሚሰጠን ላይሆን ይችላል። ዛሬ እንደ ታላቅ ስኬት የምናየው ነገር ነገ ላይ ተራ ቅዠት ሊሆን ይችላል። ይህ ግን ምኞታችንን ወይም ለነገ ብለን ያሰብናቸውን ዕቅዶች መተው ሳይሆን የምንጓዝበትን መንገድ እያየን መዳረሻውን ብቻ እንዳንናፍቅ የሚያስጠነቀቅ መልዕክት ነው።

አንድን ሕፃንን ተመልከቱ፤ በነፋስ የሚንሳፈፍ ፊኛ በማየቱ ብቻ እንዴት በደስታ እንደሚዘል!። ለእሱ ያቺ ፊኛ ትንሽ የፕላስቲክ ዕቃ ብቻ አይደለችም፤ ይልቅ የደስታው ዓለሙ ነች። እኛም ያንን ቀላል ደስታ እንደገና ማግኘት እንችላለን። ሱቅ ሄደን ከረሜላ በመግዛት፣ ወይም የምንወደውን ሰው በማውራት አልያም ይህን ዓየር በማጣጣም ውስጥ በቀላል ነገሮች መደሰት አያቅተንም። ለአንድ ቅጽበት ከሕይወት ሩጫ ወጥተን የአሁኑን ጊዜ ማጣጣም መቻል ብዙ በረከቶች ያዘለ ፀጋ ነው።

We don't have to postpone happiness

 ደስታን ለነገ ብሎ ማስቀመጥ ብዙ ግዜ ኪሳራ ነው።

ምናልባት የሕይወት ጥበብ ያለው ትናንትን ባለመካድ፣ ነገን ሳንፈራ እና ዛሬን ሳንረሳ መኖር በመቻል ውስጥ ነው። ያለፈው ማንነታችን የታሪካችን አንዱ ክፍል ነው፤ የአሁኑ ማንነታችን የምንኖረው እውነታ ነው፤ የወደፊቱ ማንነታችን ደግሞ የምንገነባው ተስፋ ነው። ከእነዚህ አንዱን ለማግኘት ሌላውን መስዋዕት ማድረግ አያስፈልገንም።

Perhaps, the person we've been searching for is ourselves. አዎን ሰላም የምናገኝበት ሰው አለ፤ ምናልባት ያ ሰው እኛ ራሳችን ነን። @Armemo_offical

12 026

ሳይኮአናይሲስ «The Conflict Within» ፈላስፎች ደግሞ «The Meaning of Living»

 የሚሏት አንዲት ፅንሰ ሃሳብ አለች። ብዙ ግዜ በሰው ልጅ አዕምሮ ውስጥ እብደት የሚከሰተው እራሱን ሙሉ በሙሉ ባለመቀበሉ ነው።

በአጭሩ እብደት ማለት ትናንት በነበርነው፤ ዛሬ በሆነውና ነገ መሆን በምንፈልገው ማንነት መካከል የሚፈጠር ውስጣዊ ግጭት ነው። እኔም ለረጅም ጊዜ አእምሮዬን በጭንቀት የሚወጥር አንድ ሃሳብ ይመላለስብኝ ነበር። እርሱም ያለፈው እኔነቴን መልሶ የማግኘት ጥልቅ ፍላጎት ነው። የድሮው እኔን በጣም እናፍቀዋለሁ፤ ያኔ የነበረውን ሳቂታ፣ በቀላሉ የሚደሰተውንና ስለ ሁሉም ነገር የዛን ያህል የማይጨነቀውን ማንነቴ ይናፈቀኝ ነበር። ቢሆንም እንዲህ አይነቱ ነገር በቀላሉ የሚታለፍ ሳይሆን ከዛም በባሰ አዕምሮ የሚበጠብጥ የውስጥ ግጭት ነው። አብዛኛዎቻችን በዚህ መሰል ጥያቄ ውስጥ ለጭንቀት ተዳርገናል።

በመሰረቱ እንዲህ አይነት ነገር ያለፈውን ማንነታችንን መናፈቅ ብቻ ነው ብሎ መውሰድ ተገቢ አይደለም፤ ይልቅ የዛሬውን ራሳችንን ድሮው ከነበረው እኛነታችን ጋር ማነጻጸር ብሎም አሁን ያለንበትን ሁኔታ አለመቀበልና ወደፊት ልንሆን የምንችለውን ማንነት እንኳን በጥርጣሬ እንድንመለከት ያደርገናል። በሌላ በኩል ደግሞ ነገ ላይ መሆን የምንፈልገውን ሰው አብዝተን እያሰብን በመጣን ቁጥር የዛሬውን ሕይወታችንን ሙሉ በሙሉ መርሳት እንጀምራለን። «የዛሬ አምስት ዓመት ይህን ነገር ገዝቼ፣ ያንን ስኬት አግኝቼ፣ እንዲህ ያለ ሰው ሆኜ..» በሚሉ እቅዶች ውስጥ የዛሬውን ሕይወታችንን ሙሉ በሙሉ መስዋዕት ካደረግን ወደፊት የሚጠብቀን መንገድ የአሁኑን ሕይወታችንን የሚያሳጣን መርዝ ሆኖ ብቅ ይላል። 

ነገ እያሰቡ ቀን ከሌት ቢዚ በመሆን ዛሬን ያሳለፉ ሰዎችን «ያለፉትን አምስት ዓመታት እንዴት አሳለፋችሁ?» ብላችሁ ብትጠይቋቸው የሚያረካ መልስ አታገኙም። ምክንያቱም እነዚያ ዓመታት በእንቅልፍ እጦት፣

በOvertime

 ሥራ፣ ለሚወዷቸው ሰዎች የሚያካፍሉትን ግዜ በማጣት ብቻ ሳይሆን እራሳቸው ለእራሳቸው የሚሰጡትን ግዜ በመንፈግ ጭምር ያለፉ ሰዎች ናቸው።  የሚያሳዝነው ደግሞ ለመኖር ሲሉ መኖርን መርሳታቸው ነው።

ይህን መሰል የማንነት ቀውስ «

Identity Conflict እና Self-Discrepancy Theory

» ተብሎ ይጠራል። ፅንሰ ሃሳቡም የሰው ልጅ ማንነት በአንድ ወጥ ሁኔታ የሚቆም አለመሆን የሚያሳይ ጥናት ነው። በትናንት ትዝታዎችና ልምዶች የተቀረጸው «

Past Self» በአሁኑ እውነታ ውስጥ የሚኖር «Present Self» እና ወደፊት መሆን የምንመኘው «Ideal Self

» በአንድ ሰው ውስጥ ያሉ የማንነት ምንነቶች ናቸው። ችግሩ ግን እዚህ ጋር ነው። እነዚህ ሦስቱ ማንነቶች መቃወም መጀመር። ማለትም ያለፈውን ማንነታችንን መተው ሳንችል፣ የአሁኑን ራሳችንን መቀበል ሲያቅተንና የወደፊቱን ማንነት ለመሆን ከልክ በላይ ስንጣጣር ውስጣዊ ውጥረትና ግጭት ይፈጠራል።

ይህን መሰል ሃሳብ የስነልቦና ተመራማሪው

E. Tory Higgins «Self-Discrepancy Theory»

 በሚል ጥናት ሰፊ ሃተታ ሰጥቶበታል። ሳይኮሎጂስቱ የሚለን በእውነተኛው ማንነታችንና በምንመኘው ማንነት መካከል ያለው ልዩነት የስነልቦና ጫናና ስሜታዊ ግጭት ሊፈጥር የሚችል አስከፊ የውስጥ ውጥረት ነው። ከዚህ ቲዎሪ በመነሳት የሰው ልጅ ከዓለም ጋር ከሚያደርገው ትግል በላቀ ከራሱ ጋር በሚያደርገው የውስጥ ለውስጥ ትግል የበለጠ ሊዳከም እንደሚችል ማሳያ ነው። ምክንያቱም ትናንት የነበርነውን ሰው ለመርሳት መጣር፣ ዛሬ የሆንነውን ሰው ለመቀበል እና ነገ መሆን የምንፈልገውን ሰው በትዕግሥት መገንባት የተለያየ የስነ ልቦና ጫና አላቸው። አንዳንዴ ከራሳችን ጋር ሰላም ለመፍጠር የሚያስፈልገው ወደ ሌላ ሰው መቀየር ሳይሆን እነዚህን ሦስት ማንነቶች እንደ አንድ የሕይወታችን ታሪክ መቀበል መቻል ነው።

ብዙ ግዜ ሰው ከውስጡ የሚሰማውን ድምፅ ለማስቀረት በሌሎች መካከል መጥፋትን ይመርጣል። ከራሱ ለመራቅ አዳዲስ ቦታዎችን ይፈልጋል፤ ከእራሱ ያጣውን ሙቀት በሌሎች እቅፍ ውስጥ ለማግኘት ይጥራል። ሆኖም ከራሱ ጋር ያልታረቀ ሰው በየትኛውም ቦታ ቢሆን የውስጡን ግጭት አብሮት ይዞ ይጓዛል። ይህ ነው በሳይኮሎጂ «

Self-Acceptance

» ተብሎ የሚጠራው። ያለፈውን ማንነት መረዳት፣ የአሁኑን እኛነታችንን መውደድና ወደፊት መሆን የምንፈልገውን ሰው በትዕግሥት መገንባት የውስጣዊ ሰላም አንዱ መሠረት ነው። ይህም እራስን መቀበል ይሰኛል።

ኦሾ

The book of man በሚለው መፅሐፉ ላይ እንዲህ ይላል፦«No one wants you to be happy until they start dancing in the street. No one wants you to laugh from your heart. If not, the neighbors will start knocking on your door, "Stop!" Suffering is okay, but laughter is annoying. Unhappy people can't stand it when others are happy

.»

በአማርኛ ሲመጣ እንዲህ ያለ ነው፦«መንገድ ላይ መደነስ እስከምትጀምር ድረስ ደስተኛ እንድትሆን ማንም አይፈልግም፤ ከልብህ እንድትስቅ የሚፈልግ ማንም የለም። ካልሆነ ጎረቤቶች በርህን ማንኳኳት ይጀምራሉ "አቁም!" መከራ ምንም አይደለም ሳቅ ግን ያበሳጫል።  ደስተኛ ያልሆኑ ሰዎች ሌሎች ሲደሰቱ ሊታገሱት አይችሉም!።»
                      
ኦሾ እዚህ ጋር የውስጥ ግጭትን ወይም በእራስ ማንነት ደስተኛ አለመሆንን ከማኀበራዊ ተጽህኖ ጋር አንድ አድርጎ ይወስደዋል። ሰዎች የሌላውን ሰው መከራ በቀላሉ ሊቀበሉ ይችላሉ፤ ደስታውን ግን ሁልጊዜ መታገስ አይችሉም። አንድ ሰው ከልቡ ሲስቅ፣ መልካም የሆኑ ነገሮችን ሲናገርና ደስታውን በግልጽ ሲያሳይ እንኳን የሌሎችን ትችት ወደእራሱ ይስባል። የሚያሳዝነው ደስታ እንደ ተላላፊ በሽታ መታየቱ ሳይሆን አንዳንዶች የሌላውን ደስታ ለመረዳት ከራሳቸው ውስጣዊ ጨለማ መውጣት አለመቻላቸው የሚያሳይ መራር ሀቅ ነው!።

12 026

«The most important point is to accept yourself and stand on your own two feet» —Shunryu Suzuki https://t.me/Armemo_offical

12 026

በሃገራችን ይህን መሰል ስትራቴጂ በብዙ መልኩ መንግስት ዜጎችሁ ላይ ቢጠቀምም ከዛ በተጨማሪም የሲጃራ ዋጋን ከዳቦ ዋጋ በማሳነስና ተደራሽ በማድረግ ረገድ የመንግስት ሚና ዋነኛው ነው። አብዛኛው በኮንትሮባንድ ድንበር አልፈው የሚገቡ የውጭ ሀገር አደንዛዥ ዕፆች የጀነራሎቻችን የጉቦ ሰንሰለት ነው። በአንድ ሀገር ሱስ እና ሱሰኛነት አለቅጥ ሲስፋፋና ተስፋ የቆረጡ ዜጎች ተሳትፏቸው ቀስ በቀስ ሲቀንስ የማኀበረሰብ ቀውስ ብቻ ሳይሆን የመንግስት ድብቅ ሴራም እንደሆነ መመርመር ግድ ይላል። በተለይ ከሃገሪቱ ክፍል በካፒታል ሲቲ አዲስ አበባ ላይ የሱስ ጥገኛ የሆኑ ሰዎች በጣት የሚቆጠሩ አይደሉም። አብዛኛው ሱሰኛ ደግሞ ወጣቱ መሆኑ አሳዛኝና መራር እውነት ነው!። ፖለቲከኞች እንደሚሉት፦

«A distracted citizen is less likely to question power»



ጠዋቱን በሞርኒግ እና በጀበና መጀመር ህይወትን ለማስቀጠል ብቸኛ መፍትሔ ያደረገ ወጣት ትኩረቱ አንድ እና አንድ ነው፤ ያለብትን ሁኔታ በተገኘው አጋጣሚ ለመርሳት መሞከር። ምክንያቱም ዓይኑን ቢገልጥ የሚያየው እውነት ያሳውረዋል!። በጫት፣ ሲጃራ፣ በአልኮል እና ሀሺሽ ሱስ የተጠመደ አንድ ግለሰብ የሥልጣንን አግባብነት ለመጠየቅ፣ የሕዝብ ሀብት አጠቃቀምን ለመከታተልና ለመብቱ ለመከራከር የሚኖረው ጊዜና አቅም ይዳከማል። ያኔ ነው አንድ በሱስ የተጠመደ ወጣት የፖለቲካ ጥያቄ ማንሳት ማቆሙ ለእሱ ብቻ ኪሳራ የማይሆነው። ይልቅ ለቤተሰቡ የሚያበረክተው አስተዋጽኦ ይቀንሳል፤ ለማኅበረሰቡ የሚያመጣው ለውጥ ይዳከማል፤ የዜግነትና የማኀበራዊ ተሳትፎውም ወደዜሮ ይደርሳል። ይህን በተመለከተ በፖለቲካ ዕርዮተ ዓለም አንዲት አባባል አለች፦«ከፖለቲካ በራቅን ቁጥር ፖለቲካውን በማያውቁ ሰዎች ለመገዛት እንገደዳለን!»

የሱስ ችግር ከግለሰብ ጤና በላይ የሕዝብን ሰላምና የማኅበረሰብ የወደፊት አቅምን ገዳይ ነው። ከስነልቦና ቀውስ አንጻርም ሰው የሚሰማውን ሥቃይ ለመቀነስ በተደጋጋሚ ወደ ጊዜያዊ እርካታ መሸሽን ይመርጣል። ቀስ በቀስ ከሕይወቱ እውነተኛ ችግሮች ጋር የመጋፈጥ አቅሙ ይዳከማል። ይህ ሱሰኛው አካል ከሚጠቀመው ዕፅ አኳያ የሚፈጠርበት ኬሚካል ሪአክሽን ጭምር ነው። ከፍተኛ ጭንቀት፣ ጊዜያዊ እፎይታ፣ ቶሎ መድከም፣ እንቅልፍ ማብዛትና እንቅልፍ ማጣት ይደራረብታል። ብዙ ግዜ በዚህ ሰንሰለት የታሰረ አንድ ወጣት እያጠፋ ያለውን ነገር ቢያውቅም ራሱን ማቆም ግን ይከብደዋል። ልክ ነጮች እንደሚሉት፦«

When survival consumes all your energy, citizenship becomes a luxury

»

በመጨረሻም አዲስ አበባ የባለስልጣኑ እና የቱሪስቱ ከተማ እንጂ ለተወለደባትና ከገጠር ለመጣነው ገፊ መሬት ነች። ዜጋው በተለይም የነገ ሀገር ተረካቢው ወጣት በሱስ ደንዝዟል። ነገር ግን ወጣቱን በሱስ ውስጥ መተው መፍትሔ አያመጣልንም። ይልቅ የተሻለ የመንግስት አካሎች ቢኖሩ ኖሮ የሱስ አምጪ ንጥረ ነገሮችንና ሕገወጥ ስርጭቶችን መከላከል፣ በማስረጃ ላይ የተመሠረተ የሕዝብ ጤና ፖሊሲ በመተግበር የሱስ ማገገሚያ አገልግሎቶችን ማስፋፋት፣ የሥራና የትምህርት ዕድሎችን በማሳደግ ወጣቱ በሕዝባዊ ጉዳዮች ላይ ድምፁን እንዲያሰማ ማበረታታት ላይ ግዜ ባጠፉ ነበር።

አዲስ አበባ የእኔ ናት ከማለታችን በፊት እኛ በራሳችን ለእራሳችን መሆን አለብን። ከማንነት ጥያቄ አስቀድሞ የማንነት ቀውሳችንን መፍታት አለብን። የማንነት ቀውስ ማለት ሰው ማን እንደሆነ አለማወቁ ብቻ ሳይሆን፤ ማን መሆን እንደሚፈልግ ለመወሰን ዕድል ማጣቱንም ይወክላል። የአዲስ አበባ ወጣት በራሱ ሕይወት ላይ ቁጥጥር ሲያጣ፣ በሱስ ሲደነዝዝና የወደፊት ሕይወቱን መገመት ሲያቅተው፣ የማንነት ጥያቄው ከግል ተሞክሮ ወደ ማኅበራዊና ፖለቲካዊ ቀውስ ይሸጋገራል።

«A city is not truly developed when its buildings rise, but when its young people can rise with them.»

 ይላሉ ምሁሮች።

ከተማ በሕንፃዎቿ ከፍታ ብቻ አትዳብርም፤ ይልቅ ከዛ በተቃራኒ ወጣቶቿ ከኑሮ ጫና ተላቀው ሕይወታቸውን በመገንባት፣ የራሳቸውን ውሳኔ በመወሰንና ለማኅበረሰባቸው አስተዋጽኦ ማበርከት መቻል አለባቸው። ስለዚህ «አዲስ አበባ የማናት?» የሚለው ጥያቄ የመሬት ወይም የስም ጥያቄ ብቻ ሳይሆን፤ በውስጧ

የሚያድገው ወጣት የራሱን ሕይወት የመምራት አቅም አለው ወይ? ለቤተሰቡ ተስፋ መሆን ይችላል ወይ? የመንግስትን ስልጣንን የመጠየቅ፣ የመተቸትና የመለወጥ ነፃነት አለው ወይ? እያልኳችሁ ነው።

@Armemo_offical

12 026

አንዳንድ ከተሞች ሰውን በሕንፃዎቻቸው ከፍታ ይለካሉ፤ ሌሎች ደግሞ በወጣቶች የጠፋ ተስፋ ውስጥ ይገለጣሉ። እኔም በወጣት እድሜዬ በዚህ ቀውስ ውስጥ አንድ አካል ሆኜ ስኖር ብዙ የፖለቲካ ጥያቄ በአዕምሮዬ ተከስቷል። በገዛ ከተማዬ የሁለተኛ ወገን ባዳነት የማንነት መጥፋት ውጤቴ ነው። በደህነት ጠባቂዎች ሰዋዊ አካሌ ሲተፋበት፣ ስሰደብ፣ በእስር ስማቅቅና በዋስትና ገንዘብ ስበዘበዝ ብሶት ያጨቁ የፖለቲካ ጽሁፎችን ደጋግሜ እዚህ አጋርቻለሁ። አንዳንዱ የስሜት መጠኑ ከፍተኛ ስለሆነ ሎጂካሊ ፋላሲ የበዛበት የብሶት ጥሪ ነው፤ በአብዛኛው ግን ፋክትን ያዘለ ሰላም አስከባሪ ሲመለከት ሰላሙን ያጣ ወጣት ጥያቄ ነው!። ነገር ግን ዛሬ ከዛ በተለየ መልኩ አዲስ አበባን አንድ ጥያቄ እንድጠይቅ አስገድዳኛለች፦«ከተማዋ የማናት? በውስጧ የሚያድገውስ ወጣት የገዛ ራሱ ሰው ነው ወይ?»

የአንድ ከተማ ማንነት በንግዶቿ፣ በመንገዶቿና በሰማይ ጠቀስ ሕንፃዎቿ ብቻ አይገለጽም። ይልቅ በውስጧ የሚኖሩ ሰዎች ምን ያህል ነፃነት፣ ዕድልና ተስፋ አላቸው የሚለው ግምገማ ወሳኝ ነው። በነገራችን ላይ የአዲስ አበባ ነዋሪ ብዬ ስናገር የሸገር ተወላጁን ብቻ አይደለም። ይልቅ በዛው ስፍራ ለመኖር አንገቱን ዝቅ ያደረገውን ግለሰብ እና ቤተሰብንም እየጠቀስኩ ነው።

እስቲ ወደአደባባይ ውጡና ከተማውን አስተውሏት። አስፓልቱ፣ ህንፃዎችሁ፣ የንግድ ማዕከላቱ ሌላኛዋን አውሮፓ የሚመስል ገጽታ ተሸክሟል። ይህን ከውጭ ሆኖ ለተመለከተ የአዲስ አበባ ነዋሪ በቅንጦት ልቡ አብጦ የፈነዳ ዜጋ እንጂ በድህነት ጫና፣ በሥራ አጥነት፣ በተስፋ መቁረጥና በሱስ ውስጥ እንደዋጠ አያስታውቅም። ታድያ ምኑ ጋር ነው የከተማዋ ልማት?። በአዲስ አበባ ጎዳናዎች ላይ የምንመለከታቸው አብዛኛው ወጣቶች ግልጽ የሆነ ጭንቀት በፊታቸው ገፅ ላይ ይነበባል። ሥራ ፈልገው ሲያጡ፣ የሚያምኑበትን የወደፊት ተስፋ ሲነጠቁ፣ የራሳቸውን አቅም ለመጠቀም ዕድል ሲያጡ የመጨረሻ አማራጫቸውን በሱስ ውስጥ መደበቅ ይሆናል። (ማሳሰቢያ ላይፋችንን እንቅጭ ብለው ሱስ የጀመሩትን ሳይሆን፤ ላይፋቸውን ለመርሳት በሱስ የተጠመዱትን የሚወክል ነው)

በነገራችን ላይ ሱስ መጀመሪያ ላይ ከሃሳብና ከህይወት ጫና ለጥቂት ግዜ አርቆ የሚያስረሳ መሸሸጊያ ቢመስልም፤ ከጊዜያት በኋላ ግን ሰውየው እውነታውን ከመሸሽ አልፎ ራሱን ከራሱ የሚያርቅ እስር ቤት ይሆንበታል። ለእራሱ የሚሰጠውን ጊዜ ይነጥቀዋል፣ የቤተሰቡን ተስፋ ያደበዝበታል። እየቆየ ሲመጣ የወደፊት ሕይወቱን ከዛሬው ጋር የሚያስተሳስርበትን ገመድ ይበጥሳል። 

አብዛኛው የእኛ ማኀበረሰብ ብሎም የህግ አካላቱ ሁሉንም ሱሰኛ በጠቅላላ እንደ ኃይለኛ ወንበዴና እንደትልቅ ኀጢአተኛ የሚቆጥር የደናቁርት ባልቴት ነው። ቃሊቲ፣ ውሃ ልማት፣ ሸዋሮቢት፣ ዝዋይ፣ ቂሊጦ እና አዋሽ አርባ የታጎሩት ፍርደኞች በብዛት ወጣቶች ሲሆኑ፤ አብዛኛው ደግሞ ውሃ በማያነሳ የክስ ሂደት የተጠለፉ ናቸው። መንግስት ሙሰኛውን፣ ደፋሪው እና ንጹሃን ጨፍጫፊውን ዓይኔን ግንባር ብሎ እያለፈ ወጣቶችን ግን ምክንያት እየፈለገ በየማረሚያው ያንከራትታል። ልክ ኤዞፕ እንዳለው፦

«We hang petty thieves and appoint the great ones to public office»

 ወደአማርኛ ሲመለስ፦«ትናንሽ ሌቦችን አስረን ትላልቆቹን ለሕዝብ ቢሮ እንሾማለን!» እንደማለት ያለ ነው።

በተለይ የእኛ ሀገር ማኀበረሰብ በተለያየ ሱስ የተጠመዱ ወጣቶችን ስንመለከት የሞራል ድክመት ብቻ አድርገን መፍረድ ሚዛናዊነት አይደለም። የሱስ ችግር የግለሰብ ምርጫን ብቻ አይመለከትም፤ ይልቅ ከኢኮኖሚያዊ ጫና፣ ከማኅበራዊ ሁኔታ፣ ከአዕምሮ ጤናና ከሕዝብ ፖሊሲዎች ጋርም የተያያዘ ነው። ወጣቱ የራሱን ሕይወት ለመምራት ኃላፊነት እንዳለበት ሁሉ ማኅበረሰቡና መንግሥትም ወጣቱ እንዲኖር ምን አስተዋጽኦ አበርክተናል ማለትም አለበት።

በመጀመርያ ደረጃ መንግሥት የወጣቱን በሱስ መደንዘዝ አብዝቶ የሚፈልገው ፖለቲካሊ ሲስተም ነው። አንድ ሱሰኛ ሰው ከእንግዲህ ሱስ አቁሚያለሁ ብሎ በዕፅ አዕምሮውን ማደንዘዝ ካቆመ ስለብዙ ነገሮች መጠየቅ ይጀምራል። መንግስት ብዙ ግዜ የወጣቶችን የሱስ ችግር ሲመለከት መፍትሔ እያለ የሚወስደው እርምጃ እስርና እንግልት ብቻ ነው። ለአመታት እንዲህ እያደረገ ነው የዘለቀው። ከዚህ በተለየ መልኩ ምን አድርጓል? በሀገራችን የሱስ አምጪ ንጥረ ነገሮች ሕገወጥ ንግድና ስርጭት ላይ ቁጥጥሩ ምን ያህል ውጤታማ ነው? ወጣቶችስ የሥራ ዕድል፣ የሕክምና እርዳታና የሱስ ማገገሚያ አገልግሎት ማግኘት እየቻሉ ነው? የሕዝብ ጤና ፖሊሲዎች በወረቀት ላይ ከመጽደቅ በቀር በወጣቱ ሕይወት ውስጥ ምን ያህል ተጽህኖ ፈጥረው ታይተዋል?። ይህ ሁሉ ነገር መልስ የሚያስፈልገው ጥያቄ ቢሆንም የፖለቲካ ምሁሮች እንደሚሉት፦«

The measure of a government is not merely what it builds, but what it allows its people to become!

» ሆኗል ነገሩ።

የኢቲቪ፣ ፋና እና ሌሎች ሚድያዎች የሚዘግቡት ሀገራዊ ስኬት ለምን ሕዝቡን ተከፋይ ያደረገ አልሆነም። ስኬት የሚባለውስ የትኛው ብልጽግና ነው?። የመንግሥት ስኬት በሚገነባቸው ሕንፃዎችና በሚመዘግባቸው የኢኮኖሚ ዕድገት ቁጥሮች ብቻ አይለካም፤ ዜጎች የሚኖሩበትን የሕይወት ጥራትና የሚያገኙትን ዕድልም የግድ ማካተት አለበት።

ይህን ሳነሳላችሁ የመንግሥት ባለስልጣናት ለአመታት ሲጠቀሙበት የነበረው ታሪካዊ የፖለቲካ ጽንሰ ሐሳብ ትዝ አለኝ። «

Bread and Circuses

» ይሉታል። በአማርኛም «ዳቦ እና መዝናኛ» ይሰኛል። አባባሉ ከጥንታዊቷ ሮም የመጣ ሲሆን፤ ታላላቅ የሮም ነገስታቶች በሕዝብ መካከል የፖለቲካ ተሳትፎንና የሥልጣን ተጠያቂነትን ለመቀነስ ሲያስቡ የሚጠቀሙት አንዲት ሲስተም ነበረቻቸው። እሱም ከወትሮ በተለየ የምግብ አቅርቦትን ለሕዝቡ ማድረስ፣ በመዝናኛና በጊዜያዊ እርካታ ሕዝቡን ይጠምዱታል። በተለይም እሁድ እሁድ ስታዲየም መስሎ በተገነባ ቦታ ላይ የወንዶችን የጎራዴ ትግልን መጠጥ እየጠጡ እንዲመለከቱ ይጋበዙ ነበር። አሁን ባለንበት ዘመናዊ አገላለጽ ደግሞ «

Political Pacification

» ወይም «የፖለቲካ ማረጋጋት እና ተቃውሞን ማዳከም» ይሰኛል። በሌላ መልኩም «

Political Distraction» «የፖለቲካ ትኩረትን ማስቀየስ» የሚል ስያሜም አለው።

12 026

(አዲስ አበባ የማናት?፤ የአንድ ትውልድ ቀውስ እና የሱሰኛ ማንነት)

12 026

የሆነ አርቲክል ልጽፍ አስቤ ነበር። በቅድሚያ ግን አዲስ አበባ የማናት?

12 026

ከስድስት አመት በኋላ ፍቅር ይዞኛል ምክር ስጡኝ 🫠

12 026

«ጭካኔን ላስተማሯችሁ ሰዎች አጨብጭቡላቸው። ከዚያ ግን ጠንከር ያለ ጥፊ ምቷቸው፤ እነሱ በከንቱ እንዳለፉ፤ እናንተም ጎበዝ ተማሪ እንደሆናችሁ ለማሳወቅ!።»

🤗 ―ሙሐሙድ ዳርዊሽ @Imagination_officially

12 026

የጫካ እንስሳቶች አንድ ሀሳብ አመጡ። አሳቡም በጫካ ውስጥ ያለው ስፍራ ንጹህ ደን እንዲኖረው የእንስሳት መጸዳጃ ለመገንባት የተወሰነ እቅድ ነው። ታድያ ተገንብቶ እንዳለቀ ለአንድ ሳምንት ያህል ሁሉም ነገር እንዳመረበት ደህንነቱን ጠብቆ ነበር።

ነገር ግን የሆነ ቀን ላይ እንዲህ ሆነ። የመጸዳጃ ቤቱ በር ላይ ትንሽዬ ቀዳዳ ተፈጠረ። የጫካው ኮሚቴ ተደርጎ የተሾመው ተኩላ ሁሉንም እንስሳ ሰብስቦ ጠየቃቸው፦«እዚህ ምን እንደተፈጠረ የሚነግረኝ አለ?»

ከእንስሳት መካከል ጥንቸሏ «አዎ አንድ ነገር አውቃለሁ» አለች። ቀጥላም «አየህ ዝሆኑ ሽንት ቤት ለመጠቀም ገብቶ ነበር። ቢሆንም የሽንት ቤቱ ወረቀት በጠቅላላ አልቋል። እኔ ደግሞ ውጪ ነበርኩ። እና ዝሆኑ ሲያየኝ ያዘኝና ቂጡን ተጠራርጎ ወደ በሩ አሽቀናጥሮ ወረወረኝ። ቀዳዳው በዛ ምክንያት ነው የተሰነጠቀው።»

ዝሆንም ይህንን ሲሰማ በኩራት፦«የተናገረችው ነገር በጠቅላላ እውነት ነው!» ብሎ መለሰ። አቶ ዝሆን ግዙፍና ጠንካራ ስለሆነ ተኩላው ከእሱ ጋር ለመጣላት አልደፈርም ብቻ እንዳቀረቀረ «ችግር የለውም በሩን እናስተካክለዋለን። ይህ የሚደገም አይመስለኝም።» በማለት አለፈው።

ሌላ ሳምንት መጣ። ዛሬ ደግሞ ካለፈው ሳምንት በባሰ መልኩ የሽንት ቤቱ በር ሙሉ ለሙሉ ተነቅሎ መሬት ላይ ወድቋል። ተኩላው እንደገና እንስሳቱን ሰብስቦ ጠየቀ፦«እዚህ ምን እንደተፈጠረ የሚነግረኝ አለ?» 

ከእንስሳቱም መካከል ቀበሮ እጁን እያወጣ «አዎ አንድ ነገር አውቃለሁ» አለ። «አዎ አንድ ነገር አውቃለሁ፤ አቶ ዝሆን ሽንት ቤት ለመጠቀም ገብቶ ነበር። ግን የሽንት ቤት ወረቀት አልነበረም። እኔ ደግሞ በዛ በኩል እያለፍኩ ነበር። እና ዝሆኑ ሲያየኝ ያዘኝና ቂጡን ተጠራርጎ በኃይል ወረወረኝ ለዛ ነው ሙሉ ለሙሉ በሩ የተገነጠለው» አለ። ሁሉም እንስሳት ስለዝሆኑ ጭካኔ በጥልቀት አሰቡ። እንደዚህ ያለ ግዙፍ እንስሳን ተደባድበው ማሳመን እንደማይችሉ ተረድተዋል። ስለዚህ እንደገና በዝምታ በሩን አስተካክለው ምንም ሳይናገሩ ተበታተኑ።

ነገር ግን ከአንድ ሳምንት በኋላ ያልታሰበ ነገር ተከሰተ። የሽንት ቤቱ አጠቃላይ ሕንፃ ሙሉ በሙሉ ተደረማምሷል። ግድግዳዎቹ በጠቅላላ ወደ ፍርስራሽነት ተቀይረዋል። አብዛኞችሁ ዛፎች ተገነዳድሰዋል። ይሄን የተመለከተው ኮሚቴ ተኩላ ድንጋጤ እንደዋጠው፦«ይህ በጣም በዛ!። ማን እንደፈጸመው ግልጽ ነው። የአቶ ዝሆን ድርጊት ነው!። ቢሆንም እንደሌላ ግዜ በመካከላችን ተገኝቶ ጥፋቱን አላመነም። የት እንደሄደ እንጃ እዚህ እያየውት አይደለም። በሌለበት ደግሞ ስሙን ማጥፋት የለብንም። ፕሮቶኮሉን ለመጠበቅ ብቻ እዚህ ምን እንደተፈጠረ ማንስ ይህንን ድርጊት እንደፈጸመ የሚነገርኝ አለ?»

ከእንስሳት መካከል «አዎ አንድ ነገር አውቃለሁ..» የሚል ድምፅ ተሰማ። ሁሉም ድምፁን ወደሰሙት እንስሳ ዞር አሉ።

ጃርት ነበረች 🦔😁

(ስለዝሆኑ የቂጥ ጤንነት አይወራ 😓)

@Armemo_offical

12 026

እቺን ዋጨታ ላጫውታችሁ 🙂

12 026

አስራ ሁለት ሺህ ሰብስክራይብ

እንደቀልድ አልተደረሰም። ያለምንም ማስታወቂያ በእራሳቸው ፈቅደው የገነቡት ቦታ ነውና አመሰግናለሁ። በዚህ ቻናል በፖለቲካው ጎን ባለመስማማትና በመበሳጨት የወጡ ሰዎች እጅግ በጣም ብዙ ቢሆኑም በዛው ልክ የእውነትን መራር ጎን የሚቀበሉ አሳብያን ደግሞ እስከዛሬ አብረውኝ ዘልቀዋል። ምን ልላችሁ

ገና ነን°°🫡 https://t.me/Armemo_offical

12 026

እግዚአብሔር ይመስገን 🙏🏽

12 026

ከአምስት አመት በፊት

 ለትዳር አላማ «ዊንታ »ከምትባል ቆንጆ ኤርትራዊት ልጅ ጋር ተገናኘው። ያንን የትዳር አላማ ለማሟላት የህክምና ሙያዬ በቂ ነው ብዬ አስቤ ነበር። ነገር ግን ዊንታ ሌሎች ቅድመ ሁኔታዎች ነበራት።

በጥያቄ ታጣድፈኝ ጀመር፦«በትርፍ ግዜ የምታሳልፋቸው ሆቢዎች አሉህ?»

-አይ 

«ፊልሞችን ትመለከታለህ?»

-አይ 

«ሌሎች ቦታዎች ጉዞ አድርገህ ታውቃለህ?»

-አይ 

«መፅሃፍት ታነባለህ?»

-አይ 

«ተራራዎችን ወጥተ ታውቃለህ?»

-አይ 

«ታድያ በትርፍ ጊዜህ ምንድነው የምታደርገው?»

-ትርፍ ጊዜ የለኝም በስራ ነው የማሳልፈው።

ለአፍታ ዝም ካለች በኋላ እንዲህ አለች፦«አየህ አንተ ተራ ሰው ነህ!። ተራ ባትሆን ባንተ ላይ ፍላጎት ይኖረኝ ነበር።»

እነዚያ ቃላት ጭንቅላቴን እንደ ነጎድጓድ መታው።15 አመታትን ብዙ የህክምና መጽሃፍቶች ሳገላብጥ አሳልፌ በመጨረሻም «ተራ» የሚባል ማዕረግ አገኘሁ!።

ወደ ቤት ተመለስኩ እና በዚያ ምሽት እንቅልፍ እንዳልተኛሁ አስታውሳለሁ። በጠዋቱ ወደ አውሮፓ ለመሄድ ትኬቴን ቆርጬ በፕሌን ተጓዝኩ። በተለያዩ ሀገራት የተለያዩ ነገሮችን አድርጌ ወደ አገር ቤት ተመለስኩ። ስመለስ አዕምሮዬ ላይ የመጣው ቀጥታ ዊንታን ማግኘት ነበር። ነገር ግን ይህ ሁኔታ ብቻ በቂ እንዳልሆነ ገባኝ። ብዙ መፅሃፍቶችን ማንበብ አለብኝ። ቤት ውስጥ ራሴን አግልዬ በደርዘን የሚቆጠሩ የፍልስፍና፣ የታሪክ እና የሶሺዮሎጂ መጽሃፎችን በማንበብ ግዜዬን አሳለፍኩኝ።

ከጨረስኩ በኋላ «ይህ በቂ አይደለም» አልኩና ለአንድ ወር ያህል በጣም አስፈላጊ የሆኑ ፊልሞች መርጬ አየሁ። ስጨርስ «ይህ በቂ አይደለም» አልኩና ፈረስ ግልቢያ፣ ሙዚቃን፣ ዲዛይንን፣ ፎቶግራፍን ተማርኩ እና ብዙ አስደናቂ የትርፍ ጊዜ ማሳለፊያዎችን እስከሚዋሃደኝ ድረስ ተለማመድኩ። 

ስጨርስ ይህ በቂ አይደለም አልኩኝና ወደ ተራራ ጫፍ መውጣት እንዲለብኝ ወሰንኩኝ። ከሁለት ሳምንት አድካሚ ጉዞ በኋላ ወደ ተራራው ጫፍ ደረስኩና እጆቼን ዘርግቼ ጭንቅላቴን ቀና አደረኩኝ። በርግጥ ይህ በቂ እንደሆነ ተሰማኝ፤ ነገር ግን በድንገት ወደ ዊንታ የመመለስ አምሮቴ እሬት እሬት አለኝ።

 ምክንያቱም እኔ ባለብዙ ሆቢዎች ባለቤት ሆንኩ ዊንታ ደግሞ ተራ ሴት ሆነችብኝ።

አመሰግናለሁ ዊንታ..🚶🏼🙏😌 @Armemo_offical

12 026

ትውልድ ይዳን በእኔ ይብቃ 🙂

12 026

ደፋሮች ይሞታሉ፣ ብልህዎች ያብዳሉ፣ ህይወትም ደስተኛ በሆኑ ደደቦች የተሞላች ነች። 🤗 @Armemo_offical

12 026

የሆነ ገበሬ በመንደር እየሄደ ሳለ ከሰዎች አንዱ

ተመለከተውና፦«እንዴ አንተ ሰው! አህያህን ባላያት ኖሮ ሌላ ሰው ነው የምትመስለኝ የምር አላወቅኩህም ነበር» አለው።

ይሄኔ ገበሬው ተረጋግተቶ መለሰ፡-«ልክ ነህ አህዮች እርስ በእርሳቸው ይተዋወቃሉ» 🙂

@Armemo_offical

12 026

ከብዙ የሙያ ዘርፎች መካከል በጭንቅላታቸው የማደንቃቸው ጠበቃዎች ናቸው። የጠበቃ እና የደላላ ቴክኒክ ብዙ የሚያመሳስለው ነገሮች አሉት። ቢሆንም ደላላ ብዙም እውቀት የሌላቸው ሰዎችን አዕምሮ ሲሸጥ፤ ጠበቃ ግን እንደሱ ያሉና ከእሱም በላይ የሆኑ ሙያተኞችን የማሳመን ብቃት ያለው ጂንየስ ነው።

በነገራችን ላይ የጠበቃን ብቃት የሚወስነው ሕጉን ማወቁ ብቻ አይደለም፤ የሰውን ስነልቦና፣ የዳኛው የአስተሳሰብ ብሎም ማስረጃ በሰው አእምሮ ውስጥ የሚፈጥረውን ተጽዕኖ ጠንቅቆ የሚያውቅ ግለሰብ ነው። የሰው ልጅ ሁልግዜም ቢሆን የሚያምነው እውነትን ስላገኘ ሳይሆን፤ እውነት መስሎ በቀረበለት ነገር ስለሚማረክ ነው። ብልህ ጠበቃ ደግሞ ይህንን የሰው ባህሪ ከማንም በላይ ይረዳዋል። ከማስረጃ በፊት የሚመጣውን ግምት፣ ከእውነት በፊት የሚቀድመውን ጥርጣሬና ከፍርድ በፊት የሚፈጠረውን የአእምሮ ውሳኔ ያውቃል። ምክንያቱም አንድ ነገር እውነት መሆኑና እውነት መሆኑን ማስረዳት ሁለት የተለያዩ ችሎታዎች ናቸው። 

አሜሪካኖች አንዲት አባባል አለቻቸው፦«

A good lawyer knows the law; a clever lawyer knows the judge

.» ምን ማለታቸው መሰላችሁ፦«ጎበዝ ጠበቃ ሕጉን ያውቃል፤ ብልህ ጠበቃ ግን ዳኛውን ያውቀዋል።»

ሁሌም በፍርድ ቤት ውስጥ የሚነገረው ቃል እውነት ነው ለማለት አያስደፍርም፤ የሌላውን ሰው አስተሳሰብ ሊቀይር የሚችል መሣሪያም ጭምር ነው። ጠበቃው አንድን ማስረጃ በተለያየ መንገድ በማቅረብ የዳኛውን ትኩረት ሊሰርቅ ይችላል። ለዛም ነው የጠበቃ ሙያ ከሕግ ባሻገር ወደ ፍልስፍናዊ ጥያቄዎች የሚገባ ሰንሰለት ነው የምላችሁ። «እውነት ምንድን ናት?» እና «ሰው በማስረጃ ነው የሚያምነው ወይስ ማስረጃው በተፈጠረበት ስሜት?» የሚለውን ሳይኮሎጂ በደንብ አድርገው በልተውታል። ዳኛው ሰው ነው፤ ጠበቃውም ሰው ነው። ሁለቱም የሰውን የማሰብ ገደብ የተሸከሙ ፍጡሮች ናቸው። ስለዚህ እዚህ ጋር ከተፈጠረው እውነት ይልቅ በማስረጃ የቀረበው ውሸት ሚዛን ይደፋል። 

ጠበቃ እውነትን ሳይሆን እውነት የሚመስለውን ነገር በመፈለግ የተጠመደ ሙያተኛ ነው። ፍትሕ ለንጹህ የሚበየን ፍርድ ሳይሆን መረጃው ላለው የሚቀርብ ቁስ አካላዊ ቲዎሪ ነው። አብዛኛው ጠበቆች ደንበኛቸውን ለማንፃት አፋቸውን በተመረጡ ቃላት ይቀባባሉ፣ የማይመቻቸውን ማስረጃ ያደበዝዛሉ፣ ጥርጣሬን ወደ እርግጠኝነት ይቀይራሉ። እውነትን ለማሳመን ከሚጠቀሙበት ቃል በበለጠ ብዙ ውሸቶችን ይፈጥራሉ። ያኔ ነው ቃላት የፍትሕ መሣሪያ መሆኑን ትቶ ለማሳመን የምንገለገልበት የሐሰት መሣሪያ የሚሆነው።

በርግጥ ግን በጅምላ ጠበቃን መዝለፍ ተገቢ አይደለም። ሁሉም ጠበቃዎች ክርክሩን ለማሸነፍ ማንኛውንም ነገር ያደርጋሉ፤ አንዳንዴ እውነት እስከመናገር እራሱ ይደርሳሉ 🤭 የውሸት አባቷ ዲያቢሎስ ነው ይበላል፤ የዲያቢሎስን ልጅ ግን ያገባው ደላላ እና ጠበቃ ነው 😃

@Armemo_offical