UzA | Tezkor xabarlar

Toshkentda milliy estrada san’ati asoschisi, O‘zbekiston xalq artisti Botir Zokirov haykali ochildi Tadbirda Prezident Shavkat Mirziyoyev ishtirok etib, san’at muxlislarini qizg‘in tabrikladi.

– Bugun o‘ziga xos san’at va madaniyat bayrami. Ushbu quvonchli voqea bilan siz, azizlarni, rahmatli Botir Zokirovning yaqinlari va muxlislarini, butun xalqimizni samimiy muborakbod etaman,

— dedi Prezident. Botir Zokirov 1936-yilda san’atkorlar oilasida tug‘ilib, voyaga yetgan. 29 yoshida O‘zbekiston xalq artisti unvoniga sazovor bo‘lgan. 2000-yilda “Buyuk xizmatlari uchun” va 2021-yilda “El-yurt hurmati” ordenlari bilan mukofotlangan. Davlatimiz rahbari xonandaning benazir iste’dod va insoniy fazilatlarini e’tirof etdi.  Kanalga ulanish: @uzauz

⚡️Oʻzbekistonda “Haj – 2024” mavsumi 23-maydan boshlanadi Respublikamizdan Saudiya Arabistoni Podshohligiga 7-iyunga qadar har kuni aviaqatnovlar amalga oshiriladi. Mamlakatimizning 10 ta hududiy aeroportidan toʻgʻridan toʻgʻri — Toshkent-Madina, Buxoro-Madina, Namangan-Madina, Fargʻona-Madina, Samarqand-Madina, Qarshi-Madina, Termiz-Madina, Urganch-Madina, Nukus-Madina va Navoiy-Madina aviareyslari orqali ziyoratchilar haj safariga kuzatiladi. Barcha parvozlar “Uzbekistan Airways” AJ aviakompaniyasi tomonidan amalga oshiriladi. Kanalga ulanish: @uzauz

⚡️8,1 mlrd so’mlik davlat xaridlarining qonunchilikka zid amalga oshirilishi oldi olindi Korrupsiyaga qarshi kurashish agentligi tomonidan 19 ta holatda jami 8,1 mlrd so’mlik quyidagi davlat xaridlarida qonunbuzilishi holatlari aniqlanib, bekor qilindi: — Farg‘ona tuman yo‘llardan foydalanish unitar korxonasi buyurtmachiligidagi 923,2 mln so‘mlik; — G‘ijduvon tumani Maktabgacha va maktab taʼlimi bo‘limi buyurtmachiligidagi 878,1 mln so‘mlik; — Urganch tuman tibbiyot birlashmasi buyurtmachiligidagi 632,4 mln so‘mlik; — Qarshi irrigatsiya va agrotexnologiyalar instituti huzuridagi akademik litsey buyurtmachiligidagi 396,9 mln so‘mlik; — Buvayda tumani obodonlashtirish boshqarmasi buyurtmachiligidagi 396,0 mln so‘mlik; — Surxondaryo 2-son viloyat perinatal markazi buyurtmachiligidagi 306,0 mln so‘mlik; — Surxondaryo viloyat fiziatriya klinik shifoxonasi buyurtmachiligidagi 205,0 mln so‘mlik; — O‘zbekiston mahallalari uyushmasining Qumqo‘rg‘on tumani bo‘limi buyurtmachiligidagi 182,8 mln so‘mlik; — Respublika ixtisoslashtirilgan kardiologiya ilmiy-amaliy tibbiyot markazi Surxondaryo viloyat mintaqaviy filiali buyurtmachiligidagi 177,5 mln so‘mlik; — Toshkent irrigatsiya va qishloq xo‘jaligini mexanizatsiyalash muhandislari instituti buyurtmachiligidagi 175,0 mln so‘mlik; — Xiva shahridagi 56-sonli ayrim fanlar chuqur o‘qitiladigan sinflari mavjud umumiy o‘rta taʼlim maktab-internati buyurtmachiligidagi 169,0 mln so‘mlik; — Konimex tuman madaniyat va turizm bo‘limi buyurtmachiligidagi 140,0 mln so‘mlik; — Qurilish va uy-joy kommunal xo‘jaligi vazirligi huzuridagi kompetensiyani rivojlantirish instituti buyurtmachiligidagi 120,0 mln so‘mlik; — Qarshi shahar tibbiyot birlashmasi buyurtmachiligidagi 108,2 mln so‘mlik; — Yoshlar ishlari agentligining Sharof Rashidov tumani bo‘limi buyurtmachiligidagi 100,5 mln so‘mlik; — Farg‘ona shahar hokimligi buyurtmachiligidagi 89,3 mln so‘mlik; — Konimex tumani madaniyat bo‘limi-tuman madaniyat va aholi dam olish markazi buyurtmachiligidagi 71,0 mln so‘mlik davlat xaridlarida manfaatlar to‘qnashuviga yo‘l qo‘yilgan. Shuningdek: — “Mikrokreditbank” Surxondaryo viloyat filiali buyurtmachiligidagi 1,84 mlrd so‘mlik; — Toshkent viloyati Iqtisodiyot va moliya bosh boshqarmasi buyurtmachiligidagi 1,2 mlrd so‘mlik davlat xaridlarida o‘zaro affillangan shaxslar ishtirok etgan. Agentlikning taqdimnomalariga asosan mazkur davlat xaridlari bo‘yicha xarid komissiyasining g‘olibni aniqlash haqidagi bayonnomalari bekor qilindi. Qayd etilgan qonunbuzilishi holatlariga oid to‘plangan hujjatlar qonuniy chora ko‘rish uchun huquqni muhofaza qiluvchi organlarga yuborildi. Kanalga ulanish: @uzauz

Bugun Prezident Shavkat Mirziyoyev Toshkent shahrida Oʻzbekiston xalq artisti Botir Zokirov haykalining ochilish marosimida ishtirok etadi, madaniyat va sanʼat sohasidagi yangi maskan va loyihalar bilan tanishadi. Kanalga ulanish: @uzauz

❗️Toshkent shahrining qator chorraha va ko‘chalarini ta’mirlash hamda rekonstruksiya qilish bo‘yicha keng ko‘lamli ishlar boshlanadi. Ishlarning asosiy qismi shu yilning may oyidan sentyabrigacha – maktablar va oliy o‘quv yurtlarida ta’til kunlarida amalga oshiriladi. Kanalga ulanish: @uzauz

Poytaxtimizning Yakkasaroy tumani Shota Rustaveli - Bobur ko‘chalari chorrahasidan Bobur ko‘chasi bo‘ylab Bobur-Seul, Bobur - Furqat ko‘chalari chorrahasigacha bo‘lgan oraliqda yo‘l qurilish va taʼmirlash ishlari olib boriladi. Taʼmirlash ishlari 15-may kuni soat 22.00 dan boshlab tugatilgunga qadar transport vositalari qatnovi qisman bir tomonlama, vaqtincha cheklanadi. Kanalga ulanish: @uzauz

Prezident Shavkat Mirziyoyev BMT Bosh kotibining o‘rinbosari – Terrorizmga qarshi kurash boshqarmasi rahbari Vladimir Voronkovni qabul qildi. Uchrashuvda O‘zbekiston va BMT Terrorizmga qarshi kurash boshqarmasi o‘rtasidagi hamkorlikning yangi yo‘nalishlarini nazarda tutuvchi 2024–2025-yillarga mo‘ljallangan yangilangan "yo‘l xaritasi" imzolangani mamnuniyat bilan qayd etildi. Shuningdek, yoshlarni ekstremizm va terrorizm g‘oyalarining buzg‘unchi ta’siridan himoya qilish, kadrlar tayyorlash sohasida hamkorlikni kengaytirish va BMT institutlarida yosh mutaxassislar uchun stajirovkalar tashkil etishga qaratilgan qo‘shma tadbirlarni o‘tkazish masalalariga alohida e’tibor qaratildi. Kanalga ulanish: @uzauz

Prezident Shavkat Mirziyoyev “Coca Cola” kompaniyasi raisi va bosh direktori Jeyms Kuinsini qabul qildi. Uchrashuvda “Anadolu Group” kompaniyasi raisi Tunjay O‘zilxon ham ishtirok etdi. Uchrashivda investitsiya dasturini yanada kengaytirish, mahsulot turlarini ko‘paytirish, materiallar va butlovchi qismlarni ishlab chiqarish yuzasidan kelishuvlarga erishildi. Davlatimiz rahbari istiqbolli loyihalarni tezlashtirilgan holda amalga oshirish bo‘yicha alohida “yo‘l xaritasi”ni qabul qilishni topshirdi. Kompaniyaning O‘zbekistondagi eksklyuziv hamkori – “Coca Cola İçecek” Turkiyaning “Anadolu Group” tarkibiga kiradi. Kanalga ulanish: @uzauz

Dollarning rasmiy kursi oshdi Markaziy bank 16-maydan xorijiy valutalarning o‘zbek so‘miga nisbatan yangi qiymatini belgiladi. 1 USD 12 727,96 so‘m (+ 17,01) 1 RUB 139,46 so‘m (+ 0,40) 1 EUR 13 781,84 so‘m (+ 62,91) Kanalga ulanish:  @uzauz

⚡️Zargarlik uchun qimmatbaho toshlarni olib kirish soliqdan ozod qilindi Prezident tomonidan imzolangan Qonun (O'RQ-926-son, 13.05.2024 y.) bilan Soliq kodeksiga kiritilgan o'zgartirishga ko'ra, zargarlik buyumlarini ishlab chiqarish uchun foydalaniladigan qimmatbaho toshlarni O'zbekiston hududiga olib kirish qo'shilgan qiymat solig'idan 2024 yil 1 yanvardan 2027 yil 1 yanvargacha ozod qilinadi. Kanalga ulanish: @uzauz