UzA | Tezkor xabarlar

Futbol bo'yicha O'zbekiston olimpiya terma jamoasi finalga chiqdi Qatarda bo‘lib o‘tgan 23 yoshgacha bo‘lgan futbolchilar o‘rtasidagi Osiyo chempionatida O‘zbekiston yoshlar terma jamoasi Indoneziyani mag‘lub etib, finalga chiqdi. Shuningdek, har to‘rt yillikning eng yirik sport musobaqasi — Parij Olimpiadasiga yo‘llanmani ham naqd qildi. O‘zbekiston Olimpiya terma jamoasi finalda Yaponiya—Iroq juftligi g‘olibi bilan bahs olib boradi. Kanalga ulanish: @uzauz

Prezident Shavkat Mirziyoyev geologiya va kon-metallurgiya sohalaridagi vazifalar muhokamasi yuzasidan yigʻilish oʻtkazdi. Mutasaddilarga xorijiy ekspert va investorlar ishtirokida kamyob metallar boʻyicha 500 million dollarlik istiqbolli loyihalar dasturini shakllantirish topshirildi. Yigʻilishda Navoiy kon-metallurgiya kombinatida qimmatbaho metallar zaxirasini koʻpaytirish rejalari ham koʻrib chiqildi. Mutasaddilar oltin zaxirasini va ishlab chiqarish hajmini oshirish imkoniyatlari haqida axborot berdi. Prezidentimiz kombinatda ishlab chiqarish tannarxini 10-15 foizga pasaytirish, sanoat kooperatsiyasi va mahalliylashtirish qamrovini kengaytirish boʻyicha koʻrsatmalar berdi. Qimmatbaho metallar sohasida Ilgʻor texnologiyalar ilmiy markazini tashkil qilish vazifasi qoʻyildi. Kanalga ulanish: @uzauz

⚡️Toshkent shahrida may oyida ham issiq suv taʼminoti 4 kunga o‘chiriladi Yangilangan o'chirilish jadvali Kanalga ulanish: @uzauz

Dollarning rasmiy kursi pasaydi Markaziy bank 30-apreldan xorijiy valutalarning o‘zbek so‘miga nisbatan yangi qiymatini belgiladi. 1 USD 12 620,01 so‘m (– 42,00) 1 RUB 135,74 so‘m (– 1,91) 1 EUR 13 522,34 so‘m (– 71,59) Kanalga ulanish:  @uzauz

3-may kuni Oʻzbekiston Respublikasi Prezidenti huzuridagi Xorijiy investorlar kengashining ikkinchi yalpi majlisi oʻtkaziladi. Maʼlumki, ushbu kengash jahon tajribasi va amaliyotlariga tayangan holda, Oʻzbekiston hukumatiga mamlakatni investitsiyaviy, sanoat-texnologik va innovatsion rivojlantirishning eng muhim yoʻnalishlari boʻyicha maslahatlar beradi. Bu galgi majlisda ham mamlakatimizda investitsiya muhitini yaxshilash va istiqbolli loyihalarni amalga oshirishga doir dolzarb masalalar koʻrib chiqiladi. Kanalga ulanish: @uzauz

Prezident Shavkat Mirziyoyev III Toshkent xalqaro investitsiya forumiga tayyorgarlik boʻyicha taqdimot bilan tanishdi. Ushbu anjumanga 84 ta davlatdan qariyb 2 ming 500 kishi qatnashishi kutilmoqda. Ular orasida hukumat vakillari, yirik kompaniyalar rahbarlari, BMT, YETTB, OPEK, SHHT kabi xalqaro tashkilotlardan yuqori martabali mehmonlar bor. Kanalga ulanish: @uzauz

❗️Ayrimlar umra vizasi, turistik (ziyorat) viza, biznes viza bilan haj qilishni vaʼda qilmoqda, buning mutlaqo imkoni yoʻq! Din ishlari boʻyicha qoʻmitaning ogohlantirishicha, Saudiya Arabistonida Haj amallarini bajarish uchun “Haj-2024” vizasi talab etiladi. Saudiya Arabistoni Podshohligi tomonidan belgilangan tartibga muvofiq, chet el fuqarolari uchun haj ibodatini ado etishning asosiy sharti haj vizasiga ega boʻlish hisoblanadi. Qolgan barcha turdagi vizalar (umra, turizm, biznes, ziyorat va b.lar) bilan haj tadbirini amalga oshirish Saudiya qonunchiligiga koʻra qatʼiyan taqiqlangan va tegishli tartibda jazolanadi. Oʻzbekiston uchun ajratilgan haj kvotasi faqatgina Din ishlari boʻyicha qoʻmita va Oʻzbekiston musulmonlari idorasi tomonidan tashkil etiladigan Haj safariga otlangan ziyoratchilarga ajratilgan. Muborak safarlarga noqonuniy yoʻllar bilan borishga intilish 6 oy qamoq jazosi, Saudiya Arabistonidan deport qilish va Saudiya Arabistoniga har qanday viza bilan 10 yil muddatga kirishni taqiqlash hamda 100.000 saudiya riyoli (26.000 AQSH dollari) miqdorida jarima solishga olib keladi. Kanalga ulanish: @uzauz

⚡️Samarqandda ikkita issiqxona tizimga 1 milliard soʻmdan ortiq zarar yetkazdi ▪️Samarqand viloyati, Pastdargʻom tumani, “Nayman”  MFYda yashovchi Gʻ.X. oʻziga qarashli issiqxonaga hech qanday hujjatsiz tijorat maqsadida 20 dona qoʻlbola usulda yasalgan isitish uskunalarini oʻzboshimchalik bilan oʻrnatib, jami 688,9 mln soʻmlik tabiiy gazdan noqonuniy foydalangan. ▪️Shu kabi, “Qozoq-Nayman” mahallasida yashovchi X.Sh. oʻziga tegishli issiqxonada qoʻlbola usulda yasalgan isitish uskunalarini oʻrnatib, 329,6 mln soʻmlik tabiiy gazdan noqonuniy foydalangan. Mazkur holatlar yuzasidan Jinoyat kodeksining tegishli moddalari bilan jinoyat ishlari qoʻzgʻatilib, tergov harakatlari oʻtkazilmoqda. Kanalga ulanish: @uzauz

⚡️Yangi qurilayotgan uylar uchun aholidan pul olib, oʻzlashtirib yuborgan shaxslar qidirilmoqda Sharipov O. (1977-y.t) “Max-house-group” MCHJni tashkil qilib, sheriklari Osimov A. (1982-y.t) va Samandarov A. (1989-y.t) bilan birga bir necha nafar fuqaroga nisbatan firibgarlik holatini sodir etgan. O.Sharipov MCHJ nomidan Uchtepa va Chilonzor tumanlarida qurilayotgan koʻp qavatli uylardagi xonadonlar sotilishini ma'lum qilib, eʼlon bergan. Bunga qiziqqan fuqarolar MCHJ vakillari bilan uchrashib, ularga xonadonlar uchun toʻlov qilgan. Vaholanki, ularning mazkur uylarga mutlaqo aloqasi boʻlmagan. Hozirda holat yuzasidan JKning 168-moddasi 4-qismi (“Firibgarlik”) bilan jinoyat ishi qoʻzgʻatilgan. Tergov jarayonida A.Sharipovga nisbatan qamoq ehtiyot chorasi qoʻllangan. A.Samandarov va A.Osimovlar esa qidirilmoqda. Ushbu shaxslardan jabr koʻrganlar, qayerdaligini bilganlar Toshkent shahar IIBBning 71-206-42-28, 71-206-49-46 yoki 102 raqamlariga murojaat qilishi soʻraldi. Kanalga ulanish: @uzauz

⚡️Oʻzbekiston Respublikasi Prezidenti Shavkat Mirziyoyev qisqa muddatli mehnat taʼtilidan qaytdi. Bugun davlatimiz rahbari Prezident maslahatchilari, qator vazirlik va idoralar rahbarlarining hisobotlarini tinglaydi. Kanalga ulanish: @uzauz