سئچیلمیش شعرلر

📚 نوبئل اؤدول‌لو کانادایی یازار، آلیس مونرو ۹۲ یاشیندا وفات ائتدی. 📕 کانادالی یازار آلیس مونرو، ۹۲ یاشیندا حیاتا وداع ائتدی. مونرونون اثرلری، کانادا کولتورونو و اینسان‌لارینی روایت ائتمه‌سی ایله تانینیر. نوبئل اؤدول‌لو یازارین وفاتی، ادبیات دونیاسیندا بؤیوک بیر ایتگی اولاراق دیرلندیریلیر. 📙 ۶۰ ایلدن آرتیق بیر سوره‌ده ادبیات دونیاسینا درین ایزلر بوراخان مونرو، اثرلرینده عمومیتده کانادانین کند حیاتینی قونو ائله‌دی. عائله‌سی، یازارین اونتاریوداکی ائوینده وفات ائتدییینی تصدیقله‌دی. 📗 مونرو بیر اکینچی و اؤیره‌تمنین قیزی اولاراق ۱۹۳۱ ده اونتاریودا دونیاسینا گؤز آچدی. اثرلرینده سیخ سیخ بؤلگه‌سل یاشامی، اینسان‌لاری و کولتورو روایت ائتدی. ایچ‌گؤرو(خودآگاهی) و شفقت‌ دولو اثرلری ایله تانیندی. اؤیکولرینده روس یازار آنتوان چخوف ایله توتوشدورولان مونرو، ادبیات دونیاسیندا اؤنملی بیر یئر آلدی. 📘 ۱۹۷۷ ده  نیویورکئر درگیسی "Royal Beatings" اؤیکوسونو یاییملایاراق شؤهره‌تینی داها دا آرتیردی. آیریجا "The Bear Came Over the Mountain" آدلی اؤیکوسو ۲۰۰۶ یاپیمی "Away from Her" فیلمینه اویارلاندی. ۲۰۰۹ ایلینده Man Booker اولوسلارآراسی یاشام بؤیوک باشاری اؤدولونو قازانان مونرو، ادبیات دونیاسیندا ایز بوراخان بؤیوک آدلار آراسیندا یئر آلدی. ۲۰۱۳ ده نوبئل اؤدولونو قازاندی. 📋 قایناق: Haber merkezi  .                         📝 کؤچورن: اؤیکوموز کانالی 📕اؤیکوموز، آذربایجان مودئرن ادبیات و حیکایه کانالی📕 📚 @Oykumuz

به زنش گفت: ساکت باش به فرزندش گفت: خفه شو صدای شما فکرم را مشوش می کند! حتی یک کلمه نگویید! می خواهم از آزادی بیان بنویسم! #احمد_مطر https://t.me/secilmiseirler

▫️بیر فوتوقرافا آه، قارشیمداسان ایشده!... منه باخماسان دا، اوراداسان، گؤرورم سنی. آه، منیم سئوداسیندا من‌جیل، اوره‌یینده ساغلام سئودیگیم! قلبیمه باسدیردیم سؤزلریمی، جسارت تورباسی اولدو اوره‌ییم. نفَسیمین کسیلدیگی او آن، الیمی هارا قویاجاغیمی شاشیردیغیم او آن ایشده، فیکریمدن او قدر چوخ شئی کئچدی کی، دالینی توتامادیم. اللریم بوشلوقدا، من داردا قالدیم. اللریم بۇز کیمی، من هاردا قالدیم. بیر سمفونی وار ایدی قولاغیمدا چالینان، بیتدی آرتیق هامیسی. ایچیمه چکیلدیم، او هپ قالدیغیم کۇنجۇمه. باخیشیم بللی اولدو یئنه. گئریده قالان، گئدن‌لرین آرخاسیندان باخار. بیر اسینتی اولاجاق روزگاریم داها قالمادی منیم. داغلارا چیرپیلدیم هر اسدیگیمده. یوللاری یامانلادیم هر گئدیشینده. دئمیشدیم سنه خاطیرلارسان: اؤنَملی اولان «زامانا بوراخماق» دئییل، «زامان‌لا بوراخماماق‌»دیر. ایندی منه، کئچن او زامانین اونودولماز سانجیسی قالار. گئدن منم‌سه، سؤیله منه، کیمدن گئتدیم؟! سنده یوخ ایدیم ذاتاً من، من یئنه منده بیتدیم. #ناظیم_حیکمت #شعر_اوجاغی @SheirOcagi https://t.me/secilmiseirler

‍ ‍ ✨📖 #اؤیکوجوک آی کوره‌سینه سفر بیر واختلار الیف باجیسی ائگئه ایله کیچیک بیر کندده یاشاییردیلار. اونلار هر گئجه اولدوزلو سمایا باخماغی چوخ سئویردیلر. بیر گون اونلار آیا توخونماغا قرار وئردیلر. کندین اوستا نجّار بابالاریندان کؤمک ایسته‌دیلر و هامی بیرلیکده بؤیوک راکت(موشک) دوزلتمه‌یه باشلادیلار. هفته‌لرله داوام ائدن ایشدن سونرا اونلارین راکئتلری حاضیر اولوب و آیا یولا دوشدولر. فضادا ماجرالار یاشادیلار، اولدوزلار آراسیندا رقص ائتدیلر و نهایت آیا چاتدیلار. آیدا پیک‌نیک ائتدیکدن سونرا دونیانی اوزاقدان سئیر ائده‌رک ائولرینه قاییتماغا قرار وئردیلر. ائوه قاییداندا بوتون کند اونلاری قهرمان کیمی قارشیلادی و او گوندن اعتیبارن هر گئجه سمایا باخدیقجا اوره‌ییندن بیر پارچاسی‌نین آیدا قالدیغینی حیس ائتدیلر. #لاپ_قیسا_حئکایه #اؤیکوجوک #اوشاق_ادبیاتی #بولاق_درنه_یی ~.~.~.~.~.~.~.~.~.~ .~.~ ‌‌╭┅────────┅╮  🦋  @bulaqderneyi   🦋 ╰┅────────┅╯ 🔺

#تانیمایاجاقسان. اولمادیغیم او زامانلاردا، بیر بولود سنینله، کؤلگه‌سی اوستونده هپ. او بولود منم، تانیمایاجاقسان. بیر کولک اته‌یینی سوووراجاق، ساچلارین دارماداغین، بیر الین اته‌یینده، بیر الین ساچلاریندا. او کولک منم، تانیمایاجاقسان. گئجه‌نین بیر زامانی یاتاغیندا، بیر او یانا، بیر بو یانا، نه یوخوداسان، نه اویاق. او رؤیا منم، تانیمایاجاقسان. یاپایالنیزکن دانیشاجاقسان، اولمایان بیری‌یله، آنلاداجاقسان هئچ آنلادامادیقلارینی. دینله‌یه‌جک بیریسی منم، تانیمایاجاقسان. بیر سیزی دویاجاقسان اولمادیق زامانلاردا. سیزلایان یئرینی بیلمه‌دن، آنیلاردا چارپاجاق اوره‌یین. او سیزی منم، تانیمایاجاقسان... #عزیز_نسین https://t.me/adabiiyatfenomenlari https://t.me/secilmiseirler

▫️آرتیق او ترگیدیب اوتانجاقلیغی. آرتیق او ترگیدیب اوتانجاقلیغی، آرتیق باشقالاشیب، دینیب، دالاشیب. اونا گوج گلیبدی اوماجاق‌لاری، طیلسیمی سیندیریب، چپَری آشیب. اونون چکینمه‌یی هارا سووولموش؟ هانی قیزارتیلی سیخینتیلاری؟ آرتیق اؤزونه ده گولمه‌لی اولموش، یوخسول ائولرینه قوناق گلنده آنا اته‌یینه سیغیندیقلاری. آرتیق او ترگیدیب اوتانجاقلیغی. اوغلون قوچاق‌لاشیب، ائشیت، آی آنا! بلکه ایسته‌مزدی بو آچیقلیغی، بلکه سود وئرمیرلر آغلامایانا. سن اونا دئمیشدین: «نه فاغیر ترپَن، نه ده گؤزه سوخول، ببه‌یه سوخول!» سن اونا دئمیشدین: «باخما کیشیسن، حیا کیشی‌یه ده لازیمدی، اوغول!» دئمیشدین: «کۏو دئییل ییخیب اوجالماق، چیراغی قالدیران، گور ایشیغی‌دی. قاناجاق گؤسترمک، اوتانجاق اولماق، اوروات¹ پرده‌سینین یاراشیغیدی.» آی آنا، بیله‌سن نه‌دیر یاندیغی؟! تا یاتماق ایسته‌میر او، ایپه-ساپا. بیر واخت توماشیندان چوخ اوتاندیغی، اۆزۆنه اؤرتولو قاپیلاری دا، ایندی آز قالیر کی، تپیکله چیرپا. ایندی یادا سالمیر اؤتن چاغینی، سن آللاه، اوغلونون گوناهیندان کئچ! سنین اوشاغینی- اوتانجاغینی، بیلمیرم نه سایاق دَییشدیلر هئچ. آرتیق او ترگیدیب اوتانجاقلیغی، پرده‌نی گؤتورن سؤزونه حئییف! بیر قوجا گؤرنده، سالام وئرنده، اونون سَیریمه‌ین دیل-دوداغینا، اونون قیزارمایان اوزونه حئییف! حئییف! دَییشیلیب او دَییشمز'ین، پای اومور دونیانین قالماقالیندان. سنین کۆرلۆک² ائدن اؤیودایچمز'ین، آلیر اؤز حاقّینی گؤنوقالیندان. او، چوخ سیلدیریما دیره‌نه‌جکدی، او یانا، بو یانا کۆرۆنه‌جکدی. آی آنا، قولاق آس ایچدیگی آند'ا: اوغلون یاخشیلیغا اۆرجاح اولاندا³ یئنه ده آبرینا بورونه‌جکدی، یئنه ده اوتانجاق گؤرونه‌جکدی. #آغا_لاچینلی ¹- حؤرمت، سایغی (Urvat) ²- شیلتاقلیق ³- راست‌لاشماق، راست گلمک #شعر_اوجاغی @SheirOcagi https://t.me/secilmiseirler

‍ بیر گول دردیم یار باغیندان، گول سارالیب سولان دئییل. چوخ سئون‌لر گؤروب دونیا، سنه، منه قالان دئییل. اوینا، سئودیجه‌ییم، اوینا غم-غوصّه‌نی یاخین قویما! دوغرانسام دا قییما-قییما، كؤنول سندن دؤنن دئییل. یاشاییریق، عؤمور تزه، باخمارام بیر اؤزگه قیزا. آند ایچیرم سئوگیمیزه، بو محبّت یالان دئییل. اؤز حاقّین‌دیر چوخ اؤیونسن، من یئر اوغلو، سن گؤیونسن، كؤنلوم، بیلیر اركؤیونسن، هر سؤزونه سینان دئییل. #نوصرت_كسمنلی #گون_آیدین @qanadli_duyqular

منی چیچک‌لنیب آچاندان سورا بیر عؤمور کؤکسونده گزدیردین آنا گاه چکیب کؤکسوندن سالدین قوینونا گاه باسیب باغرینا ازدیردین آنا قارشیندا سوسمادین هئچ بیر ناکسین قوشدون نفسینه آللاهین سسین حیاتین اَن گوجلو آجی نغمه سین چالیب تئل‌لرینده دوزدوردون آنا کولک ساچ‌لایندا قارا قیش کیمی سولدون گوزگولره بیر باخیش کیمی منی گؤزلرینده آغ یاغیش کیمی قوشولوب سئللره سوزدوردون آنا اوره‌یین «آلقان»لی دردلرین درین باخیشین یوز یاشلی اؤزون بیر گلین منی یالقیز قویوب بیر یوللوق الین بو باشسیز دونیادان اوزدوردون آنا #حسن_قبادزاده_آلقان https://t.me/SANSIZDUNYAM https://t.me/secilmiseirler

✍ «قادین» سانکی بیر قادین یارانیب اوره‌یی چیرپینا اوره‌یی سینا اوره‌یی یانا آدینا سئوگیلی دئییرسن دئ باجی دئییرسن دئ آنا دئییرسن دئ بیر قادین آنجاق بیر قادین‌دیر دونیانین یوکونو اوموزلاریندا داشیییر او دایانسا دونیا دایانار یورغونلوق اویانار وارلیق کیره بویانار یئتر سئوگیلیم! یئتر باجیم! یئتر آنام! دوشور دونیانین یوکونو اوموزلاریندان بیرآز دا دینجینی آل! یئتر... #میرحسین_دلداربناب ۱۴۰۳/۰۲/۲۷ @eldilimiz https://t.me/secilmiseirler