سئچیلمیش شعرلر
ادمین @saharxiyavi بو آخاقدا، سئودیگیم ادبی اثرلری پایلاشیرام.
Mostrar más862
Suscriptores
+324 horas
+237 días
+7030 días
Distribuciones de tiempo de publicación
Carga de datos en curso...
Find out who reads your channel
This graph will show you who besides your subscribers reads your channel and learn about other sources of traffic.Análisis de publicación
Mensajes | Vistas | Acciones | Ver dinámicas |
01 💢💢💢
دیندیر منی هردن گؤزلیم فورصت اولاندا
وصلین بیزه بیر آن نه اولار قیسمت اولاندا
باخ گؤر منی زولفون نه پریشانلیغا سالدی
بیر گون آچارام دردیمی جمعیت اولاندا
یوزلرجه جفا ائتسین اونوتماز سنی کؤنلوم
فیکریمده سن ائی گول یئنه هر صحبت اولاندا
بیگانه اگر اولماسا تئز وصله یئتردیک
کیم خیر گؤروب دوشمنی کم فورصت اولاندا
زولفون کی توتوب رویونو چوخ قورخورام اوندان
عالم توخونار بیربیرینه ظولمت اولاندا
کؤنلوم نئجه سنسیز گؤزلیم نالهسیز اولسون
بولبول دایانارمی گولونه حسرت اولاندا؟
واحید هله قارشیندا بؤیوک بیر گلجک وار
دونیا بیزه لذت وئرهجک جننت اولاندا
✍ #علی_آغا_واحید
#ایمگهلر_کانالی
https://t.me/secilmiseirler
✔️✔️✔️
👇👇👇
https://telegram.me/imgalar
https://t.me/secilmiseirler | 33 | 0 | Loading... |
02 گئتمک ایسته ییرسن بهانه سیز گئت
گئتمک ایسته ییرسن بهانه سیز گئت
اویاتما مورگولو خاطره لری
سسین همین سس دیر، باخیشین اؤگئی
گئدیرسن، سسین ده یاد اولسون باری
سن دنیز قوینونا توللانمیش چیچک
اوستونه دالغالار آتیلاجاقدیر
ساختا محبّتین، ساختا سند تک
نه واختسا اوستونده توتولاجاقدیر
دئمیرم سن اوجا بیر داغسان، اَییل
دئمیرم قالیبدیر علاجیم سنه
نه سنده محبّت قارا پول دئییل
نه من دیلنچی ام ال آچیم سنه
دؤشنیب یول لار تک آیاق لارینا
سنه یالواریم می؟ بو مومکن دئییل
قویمارام قلبیم تک ووقاریم سینا
آلچالیب یاشاماق عؤمور-گون دئییل
گئتمک ایسته ییرسن او یول او دا سن
بیر جوت گؤز باخاجاق آرخانجا سنین
گئتدینمی؟.. نه واختسا دؤنمک ایسته سن
تیکانلی یاستیغا دؤنه جک یئرین
گئتمک ایسته ییرسن نه دانیش نه دین
یوخ اول اوزاق لار تک دوماندا چنده
نه ییمی سئومیشدین دئیه بیلمه دین
ایندی سه یوز عئییب گؤرورسن منده
گئتمک ایسته ییرسن بهانه سیز گئت
اویاتما مورگولو خاطره لری
سسین همین سس دیر، باخیشین اؤگئی
گئدیرسن، سسین ده یاد اولسون باری
#نوصرت کسَمَنلی
https://t.me/secilmiseirler
@qanadli_duyqular
https://t.me/secilmiseirler | 62 | 4 | Loading... |
03 گئدهنه یالوارما گئدیرسه گئتسین
نهییمه گَرَکدیر داها قالماغی
حَتتا بو حَیاتین قانونو بودور
آغاج دا ساخلامیر دوشن یارپاغی
اَگَر کی آغلیندا واردیرسا گئتمک
نه واختسا گئدهجک او اَوول-آخیر
ائله بالیق وار کی ،بالیقچینین دا
دایانمیر، سوروشوب اَلیندن چیخیر
گؤر سَنی گئدرکن نه گونه قویدو؟!
دانیشا بیلمیرسن، گوله بیلمیرسن
حَیاتیم یازیردین هَمین اینسانا
ایندی هئچ سالام دا یازا بیلمیرسن
بَلکهده اونودوب هاردان بیلهسن؟!
دوشونمور گئجهلر سَنی، یاتاندا
سَن گیزلی نؤمرهدن گیزلی زَنگ ائدیب
هَر گئجه سَسینه قولاق آساندا
هارداسا سَسلهنن حَزین موسیقی
یادینا سالارسان، اونا باخ بئله
تَصادوف، هارداسا گؤررسن اونو
گَزیر باشقاسییلا، توتوب اَل-اَله
اؤزون ائشیدرسن او اؤزگهسینه
یانیندان اؤتهرک جانیم سؤیلهدی
سَن اوندا بیلرسن، او آن اینسانین
دونیاسی باشینا داغیلماق نهدی
گؤزلریم یورولدو یول گؤزلهمکدن
مَن خَسته دوشموشم، هاردان بیلهسن؟!
خَیالین او قَدَر گؤزومدن کئچیب
حَکیملر دئییر کی ضَعیف گؤرورسن...
#ساحیل_ریضایئو
@qanadli_duyqular
https://t.me/secilmiseirler | 68 | 2 | Loading... |
04 ▫️من سندهیم، سن مندهسن، «رووئیدا!»
اؤنجه قورخونج عذابا، قهره گؤمولویوروم،
سونرا ان بؤیوک عفوه اوغراییب گولویوروم.
چاتلاییر دا مزاریم، دیشاری وورور منی.
ترهزی، رووئیدایا دیوان قۇرۇیۏر منی.
گونش آخدی، آی سؤندو؛ پارچالاندی اولدوزلار،
رووئیدا! بوردا ایندی سن وارسان، گؤزلرین وار.
بیاض تۏرلار ایچینده روحون سارییور منی،
صاحیبیسن بو تایسیز محبّت سارایینین.
مغرورجا یوکسلیرسن اۇلۇلارین قاتینا،
حوریلر ایمرهنییور سونسوز سلطنتینه.
الیمه توتوشدوروب قلبینین قدحینی،
سئوگینی شراب کیمی سۇنۇیۏرسان، رووئیدا!
چیچک-چیچک قلبیمه دولویورسان، رووئیدا!
آجی یوخ، انتظار یوخ؛ اسکیده قالدی حسرت،
دؤورونو تاماملادی اندیشه، قورخو، حئیرت.
بۇز و کؤز تاریخ اولدو، بیتدی زامان و مکان؛
زامان بیزیک، مکان بیز، ایمکانسیزا یوخ ایمکان.
عؤمرون نه سونونداییق، نه ده هنوز باشیندا،
اوتوز اوچ یاشینداییق، هپ اوتوز اوچ یاشیندا.
ایچیم سنسن بو یورددا، دؽشؽم سنسن رووئیدا!
رووئیدا، من سندهیم؛ سن مندهسن، رووئیدا!
#نورالله_گنج
#شعر_اوجاغی
@SheirOcagi
https://t.me/secilmiseirler | 57 | 0 | Loading... |
05 سوزلر: فضولی
اوخویور: روشن عزیز و سامیر جعفراف
@afraurmia | 49 | 0 | Loading... |
06 ▫️عؤمرون ایکی طرفی
ایکی طرفی وار هر عؤمرون...ایکی:
گؤروندویون طرف، گؤردویون طرف.
هانسینا دوشهجک، نه بیلهسن کی-
عؤمرون آخیریندا اؤلدویون طرف؟
بلکه ده، سنی بو طرفده آسدیراجاقلار،
سونرا او طرفده باسدیراجاقلار.
بیر قیز سئوهجکسن سن بو طرفده،
اونا دئیهجکسن: - دونیادا تکسن.
سونرا او طرفده بیر پینتی ائوده،
بیر قادینلا عؤمور چورودهجکسن.
نه قلبین یاناجاق هیجران اودوندا،
نه ده سئودیگین قیز یادین اولاجاق.
چونکی ائله او قیز دا، او قادین دا،
هر ایکیسی عئینی آدام اولاجاق.
ایکی طرفی وار هر عؤمرون... ایکی.
هر ایکی طرفده یئری اولمایان،
نفَسی گلسه ده، دیری اولمایان،
سنین کیمیلری او قدَردی کی.
سن او فرسیزلرین سیراسینداسان،
نه فرقی، بئشینجی، یا اونونجوسان.
خۏردا اوخویانلار آراسینداسان،
ان آرخا جرگهده، ان سونونجوسان.
نهدیر اوخودوغون؟ بیلمیرسن... حئییف!
بیر ده کی، هئچ سیزی دینلهینمی وار؟
نه چوخدو او خۏردا بیر سؤز دئمهییب
یالاندان آغزینی آچیب-یومانلار!
نه فرقی، باشداسان، یوخسا آخیردا؟
هامیدان بیریسن سن ده او خۏردا.
هامیدان بیریسن،- نه پیس، نه یاخشی،
آمّا یوخ، ناشوکور اولماغا دَیمز.
شوکور، هر شئیین وار-
ائوین-ائشیگین، آرواد-اوشاغین،
بیر ده کی، ایچینده گیزلهدیگین سس.
بو ایللر اۇزۇنۇ بو جور، گیزلیجه،
نئجه ساخلامیسان او سسی- نئجه؟
او سس نه صاف قالؽب سنین ایچینده!
صاف قالؽب- بو قدر حیرصین، آجیغین،
آغرینین، آجینین، غمین ایچینده.
زیلی ایچیندهدی، بمی ایچینده.
او سسدی هامیدان گیزلهدیگین سیرّ،
او سسدن قیمتلی آخی نهیین وار؟
آرواددان، اوشاقدان خلوت، آرابیر،
او سسله زومزومه ائلهمهیین وار:
«عزیزیم، اولو داغلار،
چئشمهلی، سولو داغلار،
بوردا بیر غریب اؤلوب،
گؤی کیشنر، بولود آغلار.»
#رامیز_رؤوشن
#شعر_اوجاغی
@SheirOcagi
https://t.me/secilmiseirler | 56 | 2 | Loading... |
07 زلیمخان_یعقوب | 32 | 0 | Loading... |
08 ⭕️باشماق تیکن
✍#سحر_خیاوی
آدێ «باشماق تیکن»دیر
باشماق تیکمیر
باشماق دا گییمیر
اوْنونچون باشماغێندا داش- قۇم دا یوْخدور خال خال دوْستۇمون!
یاشێل یارپاغێن اۆستونده چیهلَـڲه بنزهییر بالاجا دوْستوم
آنام دیییر: الینه آل
آرزۇنو قۇلاغێنا دئه، سوْنرا اۇچورت
آرزومو قۇلاغێنا پێچیلداییرام
اینجه قانادلاری ایله بارماقلارێمین اوجوندان اوچور... اوچور...
آرزوم من ایله باشماقتیکن آراسێندا بیر سرّدیر
هیچ آنام دا بیلمهییر!!
*چیهلَـک: توتفرنگی
@MuncuqAz
https://t.me/Sancaq_media/6408 | 49 | 1 | Loading... |
09 زرین رزندی(طناز)
مملکتیم باغ جنان دیر جنان،
اوباش اراذل ائوی اولموش تالان
یوخدو وطن ده بئکار-ائوسیز قالان
ماهوارالار زینت هربام دیر
آخ نئجه کئف چکمه لی ایام دیر
ارزاق اوجوزدور،اولابیلمز گران
میوه قالیب دیر باشینا،یوخ آلان
یوخ زوریله صاندیغا راُی-ماُی سالان
عدلیله صادر اولان احکام دیر
آخ نئجه کئف چکمه لی ایام دیر
یوخ کئچری،پول-پلووون،پارتی نین
یوخ رواجی،رشوه ومیز آلتی نین
عزتی واردیر بو جیره کارتی نین
مللته هر گون یئنی بایرام دیر
آخ نئجه کئف چکمه لی ایام دیر
بوردا نه کللاش نه ده وار شارلاتان
خسته خانا اسمی دئییل،ائل چاپان
شکر نه لوت وار،نه ده شام سیز یاتان
یورد باشا باش مرکز اطعام دیر
آخ نئجه کئف چکمه لی ایام دیر
ای فبهاالوفق مراد روزگار
اصناف ائدیر انصافیله کسب وکار
محودی دوز وکلک واحتکار
اختلاسین کیفری اعدام دیر
آخ نئجه کئف چکمه لی ایام دیر
سودلر آغ آپباغ،تیتیریر قایماغی
قاتغی سی یوخ ذره جه پالمال یاغی
گوُردو تخلف ائله ین،گوُزداغی
کرخانالار هاممیسی خوش نام دیر
آخ نئجه کئف چکمه لی ایام دیر
تبریز آراز،اهوازی اروند پلاک
دولدورولور یوز مین ایله بیرجه باک
دوست سئوینیر،دوشمنیمیزدیرهلاک
تحریم ائدن بیزلری ناکام دیر
آخ نئجه کئف چکمه لی ایام دیر
ترک ائله ییب تیریئکی لر شیره سین
اجرایا قویمور قاری مهریه سین
لغو ائله ییب مدرسه شهریه سین
محکمه لر ساکت وآرام دیر
آخ نئجه کئف چکمه لی ایام دیر
شاه گوُلوده صبح یوخودان تئز دوران
انلییی بول،کیرشانی دوُرد قات ووران
نازلا قاچان قیزلاری یوخ دوردوران
مانتووو دار کاربن اندام دیر
آخ نئجه کئف چکمه لی ایام دیر
اولموشوق آنجاق اوُزوموز خودکفا
چین مالینا ائیله میریک اکتفا
تولید اولور،آینا،داراخ،چاخچاخا
مقصدیمیز عزت اسلام دیر
آخ نئجه کئف چکمه لی ایام دیر
ایشلره صاحب دیر امام زمان
هرنه قیلیق دا سئویسن چیخ دولان
قامچی واشکنجه،یالان دیر یالان
گشتین ایشی مللته اکرام دیر
آخ نئجه کئف چکمه لی ایام دیر
هرنه سئویرسن،شعریوه یازگیلن
خودکاریله اوُز گورونو قازگیلن
احوالیمیز یاخشی اولار دوُزگیلن
خوش دوُنه مج مللته برجام دیر
آخ نئجه کئف چکمه لی ایام دیر.
https://t.me/Adabiyyatsevanlar | 69 | 0 | Loading... |
10 منی شکیل-شکیل اؤلدورن آدام!
منی شکیل-شکیل اؤلدورن آدام!
نئجه شکیللرین دلیقانلیدی!
سنین گؤزلریندن قان اییی گلیر،
سنین گؤزلرینین الی قانلیدی.
گؤزومو چیرپیرام آی ایشیغینا،
نه هؤروم ییخدیغین ائوه... بیلمیرم.
سنه اؤله-اؤله وورولورام من،
سنی دیری-دیری سئوه بیلمیرم.
منی شکیل-شکیل اؤلدورن آدام!
منی تانری-تانری دیریلتمه، نولار!
قوی ایتیم گئجهنین ائله ایچینده،
صاباحین قاپیسین کیلیدله، نولار!...
#ائمیل_راسیماوغلو
🌿🌿🌿🌿🥀
https://t.me/secilmiseirler | 66 | 0 | Loading... |
11 ❣️دنیز موغان سارای
گؤز مونجوغو
آنالاردان یادگار قالمیش گؤز مونجوغو
دلیکلی مونجوق یئرده قالار-قالماز
تئز-تلهسیک زنجیره تاخیب آسدیلار
یولدان اؤتهنین بوْینونا
هدهلهدیلر
قاپی دالیندا کیلکهلی قیز ایله
قالدی پارا_پیرتیغ قلم کیتابی
یولدان اؤتن پلمهیه باخیب
چکدی هیچقیریق ایچیندن
اولور توی گونو
گلیر خینا یاخدی گونو
قاتین بو خینایا گیردهکان زَیلی سولوغونو کسسین
قاتین بو خینایا ازوایی یاغی
آغریسینی آجیسینی کسسین
قاتین بو خینایا یومورتا ساریسی برکیمهمیش
سومویونو برکیتسین
اولور گلین کؤچن گون
آغلاییر
سیزلاییر
قوشما دئییر
زنجیرلهنیب
زنجیرینی قیریب قاچان آنالار دا
آغلاییر نیسگیللی آتا
دوغولور ایکی گؤز مونجوغو
بادانیر قالیر
سسی چیخمیر
اوز گتیریر
کیتابا
اوخویور...
اوخویور...
دوْندوروب کائناتی بیر گون
قیریب زنجیرلری
بیراخیلاجاقلار بو گؤز مونجوقلاری...
#انجمن_مجازی_شعر_آذربایجان
https://www.instagram.com/azarbayjan.m.sheer?igsh=a2VmejIxYzBoanl2
https://t.me/secilmiseirler | 84 | 1 | Loading... |
12 ▫️اینسان بیر دفعه اؤلر.
اولدوغوم هر یئرده، ایتیریرم سنی.
یانیباشیمدا اولدوغون اولور بعضاً،
یا دا من اولورام سسسیزجه گؤزلرینده.
بیر یارپاق ترپنیر خفیفدن،
بو سسسیزلیک، بیر قاسیرغا باشلانغیجی،
دنیزین کوکرهمهیه حاضیرلانیشی.
بو، آسلانلارین ساری، وحشی گؤزلریندهکی اؤلوم پاریلتیسی،
بو، بیر یئرده اریمک، بیردنبیره یوخ اولماق بلکه ده.
و سونرا سوسماق، سوسماق یوزایللر بویو،
منی اونوتدوغون بیر اوزاق چیزگیده.
بزک سوردویوم بویا دئییل آرتیق،
گؤزلریمین قیرمیزی قان رنگیدیر.
ان قارادان داها قارا یوخ،
اویسا ان بیاض ایدین سن گئجهلریمده.
او منه ان یاخین رنگ ایدی توک کیمی،
شیدّتلی سیجاقلیغینی جیزاردیم دووارلارا.
عطرین عجیبه بیر شئی ایدی، اوشاقسی،
سونرا نئچه قاتلی بیر گول کیمییدی، بایغین.
گئجهنین ان توتقونلاشدیغی او یئرده
دوشردی اللریمه، دارماداغین...
اوخویان بیر اسحاق قوشودور ایندی،
خبر گتیریر اؤلوملردن.
دینله!
یاشاماق، بیر قروپ عسگردی قارشیمدا؛
«آتش ائتمهیین -دئییرم- بیر دئیهجهییم وار!
گؤزلریمی باغلامایین!
سون دفعه گؤرمک ایستهییرم اینسانی، گؤیو، گونشی، دنیزلری.
و بو سون اؤلوموم اولسون -دئییرم- بیر داها اؤلدورمهیین منی!
کیبریتیم ایسلانمیش،
سیقارام یانمیر.
نه اولور بیر آتش وئرین!
بو ایلک آلدانیشیم دئییل،
بو ایلک سؤنوشو دئییل اومیدلریمین.
من بو دنیزین سون قیییسییام.
بیر شوشه قیریلدی اوزاقدا
تا اوزاقدا، ایچیمده بیر شوشه قیریلدی.
بوتون شعرلریم آنلامسیزدیر ایندی،
رسیملر رنگسیز، ماهنیلار روحسوز،
هئچ بیر شئی آرتیق اووودا بیلمز منی.
باخین! بیر چاغ دئوریلیر ایچیمده، سرسفیل.
سون شاعیر ده قیردی سون قلمینی.
ایلک مشعلی کیم یاندیردی بو قارانلیقدا؟
کیم ایدی منیم زیندان گؤزلریمی آیدینلادان؟
سئویلمک می؟!
او، ان ایلکین چاغلارین سون آرتیغی،
بیر ماغارا دووارینداکی ان اسکی رسیم.
یا سئومک؟!
هئچ سؤنمهدن بیر عؤمور بویو سئومک؟
او، منیمسهدیگیم ان گؤزل خوی،
ییخیلدیقجا توتوندوغوم بوداق بو بوشلوقدا،
او، ان اینسانجیل گئرچهییم منیم.
من هپ بؤیله یوزایللر بویو سئودیم،
چاغلار بویو.
قاپقارانلیق بیر گئجهیدی یاشادیغیم، سئوینجه.
اللریمی آختاراردیم، تاپا بیلمزدیم چوخ گون.
بیر گیزلهین وار ایدی منی،
بیر توتان وار ایدی،
سنه یاخینلاشا بیلمزدیم.
آنلایا بیلمهدیگیم قورخولار وار ایدی ایچیمده.
هپ بؤیله سنینله سنسیز قالاردیم من.
بیر قیویلجیم سؤنرکن،
بیر یانارداغ پاتلاردی ایچیمده.
قوی ایندی من یالنیز اؤلوم،
وور اللریمی، چؤرهییمی آل!
دیکسینر منی کیم گؤرسه سنسیز،
اوتانار یالنیزلیغیم منه باخدیقجا.
آینالار می؟
هانی، هاردالار؟
کیم بیلیر نئچه یوزایل اولدو اؤزومو گؤرمهیهلی؟
آدیم می؟! نه ایدی؟
بسبللی اونوتموشام.
هایدی وور،
هایدی اؤلدور،
قورتار منی ازیلمکدن، چورومکدن!
هایدی گل، آچدیم قوللاریمی،
بیر زامان اؤلمهیه واختیم می وار ایدی سنی سئومکدن؟
سن ایچیمده بؤیوین بیر سسسیزلیک ایدین،
منی من ائدن ان دورو ایرماق ایدین،
ان گؤزلی ایدین موزاییکلرین.
سنینله ماوییدی گؤیاوزوم،
چیچکلریم سنده گؤیَرَردی.
سن بامباشقا بیر دونیا یارادیردین،
سولاریمدان، گونشیمدن، کولهییمدن.
باخ، نئجه ده هر شئی دَییشدی بیردن-بیره!
ایندی بو قارانلیقلاردا یاپایالنیز،
ماوی-ماوی بیر رسیم آغلار دووارلاریمدان.
من بیر توخومام،
آل منی تورپاغا اک یئنیدن!
هارداسان، هانی نه اولدون؟
آنتیک بیر قادین باشییدین،
یوخسا بیر دنیز مییدین اسکیدن؟
یوسونلارین قورودومو، اؤلدومو بالیقلارین؟
هانی بیر «نئفئرتیتی»* یاشامیشدی اسکی «میصیر»دا،
یوخسا او ایدین سن؟
هایدی، آنلات منه، نه ایدین؟!
بلکه ده اوزاق، بیلینمز بیر نؤقطهیدین سن،
اؤیکومه گیرمهسهیدین.
اینسان بیر دفعه اؤلر،
هر گون اؤلن، ایچیمیزدهکی اومیدلریمیزدیر.
پارامپارچا اولموش سئوگیلردیر.
هر آلدانیش،
یئنی بیر آلدانیشا حاضیرلار بیزی.
زامانلا رنگلر دَییشر،
دونوقلاشار آنیلار.
سیلینر اوستوموزدن، گؤزل اولان نه وارسا.
گؤرَر ایچیندهکی بوتون خیاللارین اولدوغونو، اینسان یاشارسا.
و بیر گون اینسان دا اؤلر چمن کیمی، یارپاق کیمی.
سارسیلار یئراوزو یئریندن،
دئوریلن قوجا بیر آغاجدیر سانکی.
دورار یورغون قلبیمیزین آتیشلاری،
ال-آیاق کسیلر،
گؤز اؤلر، دوداق اؤلر، قان اؤلر.
سوسار ایچیمیزده ایللر بویو چالان چالغی،
بوتون تئللر سس وئرمز اولار،
آجیلار توختار،
و بیر گون بیتر بو چیرکین اویون،
پرده ائنر.
#اومید_یاشار_اوغوزجان
* میصیر کرالیچاسی، فرعونون قادینی
#شعر_اوجاغی
@SheirOcagi
https://t.me/secilmiseirler | 102 | 3 | Loading... |
13 سنی تاپشیریرام آی ایشیغینا!
سنی بو گئجهیه تاپشیریرام، گئت!
سنی تاپشیریرام آی ایشیغینا.
آستاجا-آستاجا، آرام-آرام گئت!
چاغیرسام، دایانما قیشقیریغیما!
دوز یئری، بورولما دؤنگهیه، تینه!
قوی هله بیر آز دا گؤروم من سنی!
هایانا گئدیرسن؟ کیمین عؤمرونه؟
من یولا سالیرام عؤمرومدن سنی.
گئدیرسن، یئریشین نه قورخاجاقدی!
هارداسا اولایان بیر تنها ایت وار.
قاییتماق ایستهسن قاپیم آچیقدی
هله آی باتماییب، هله اومید وار...
هله آی باتماییب، هله اومید وار
قاییتماق ایستهسن، قاپیم آچیقدی.
هارداسا اولایان بیر تنها ایت وار
گئدیرسن، یئریشین نه قورخاجاقدی!
من یولا سالیرام عؤمرومدن سنی
هایانا گئدیرسن؟ کیمین عؤمرونه؟
قوی هله بیر آز دا گؤروم من سنی!
دوز یئری، بورولما دؤنگهیه، تینه!
چاغیرسام، دایانما قیشقیریغیما!
آستاجا-آستاجا آرام-آرام گئت!
سنی تاپشیریرام آی ایشیغینا
سنی بو گئجهیه تاپشیریرام، گئت...!
#رامیز_رؤوشن
@qanadli_duyqular
https://t.me/secilmiseirler | 86 | 3 | Loading... |
14 #دوکتور
ایکیمیز ده گیلئیلیییک، طالعدن، سئوگیدن، آداملاردان.
بیر داها باتاق گوناها، سونرا تؤوبه ائدهریک!
اینسانلار اونوتقانسا، بیز نییه روحدان دوشَک؟
گل، یئنیدن آغلایاق، عذاب چکک!
گل، بیر داها آلداناق، دوکتور!
سونرا یئنه یورولاق!
سونرا بئزسَک، گئدهریک...
گل، بیر ده باتاق گوناها، سونرا تؤوبه ائدهریک!...
سنی سادهجه گؤزل گولوشلرینه گؤره سئوه بیلهرم.
و بلکه ده،
سنی سادهجه گؤزل گولوشلرینه گؤره سئویرم...
بیلمیرم.
سندن سونرا نه اولاجاق،
دوشونمورم.
سندن اؤنجه کیم وارسا اونوتموشام،
اؤزوم ده یاددان چیخمیشام، دوکتور!
اؤزوم ده اونودولموشام...
من ایندی اوزگونم، روحوم پارامپارچادی
ایندی او درین باخیشلارینین دولانباجیندا آزا بیلهرم.
سنین اویاق قالدیغین، آغلادیغین بوتون گئجهلره،
کئشیک چکه بیلهرم، دوکتور!
سنه شعر یازا بیلهرم...
بو گون آنلادیم کی، دوکتور!
منی بو سرسری عؤمرون سونونا، سن اؤتوره بیلرسن...
هئچ واخت منیم اولمایان خوشبختلییی،
گتیره بیلرسن...
منه بیر آز اومید وئر...یوخ، یاشاماق یوخ، یاشلانماق اوچون!...
بیرجه سؤزون بس ائدر-
حیاتا برک-برک توتونماغا،
بیرجه گولوشون بس ائدیر،
هامینی سئومهیه...
سنی سئودیم کی دَییشیم،
سئودیم کی، اومیدیم اولسون حیاتا باغلانماق اوچون...
من سنی چوخ سئودیم، دوکتور! چوخ...
گل بیر ده باتاق گوناها، سونرا تؤوبه ائدهریک...
#جلیل_جاوانشیر
https://t.me/adabiiyatfenomenlari
https://t.me/secilmiseirler | 91 | 3 | Loading... |
15 @tonqal2 | 92 | 0 | Loading... |
16 سناریو ایجراسی
سارای
😍آزربایجان اولدوزلاریقوروپو🇦🇿🚜♥️
رولاردا:😍
راوی:صبا پاییزان🫅
سارای🥰سارای خانیم👸
خان چوبان🥰آراز بی💂♂️
کندین خانی🥰 سالار موغانلی💂♂️
سارایین آناسی🥰کرانه خانیم🤵♀️
سارایین آتاسی🥰علی تورک اوغلو🐺
خانین نوکری🎙امیرعلی🎙
🇦🇿آزربایجان اولدوزلار قوروپو🇦🇿🦋🚜
@gamli_canim🦋
─═༅𖣔𖤐⃟♥️░⃟𖤐⃟░⃟𖣔࿐ | 103 | 1 | Loading... |
17 اوزاقلارا مکتوب
بو قدر بللی اولمامالییدی یوخلوغون.
بو قدر هوپمامالییدی شهرین دیوارلارینا،
سنسیزلییین قوخوسو.
ایلیشمه مه لییدی یامانمیش آسفالتلارا،
سنلی خاطیره لر.
چؤکمه مه لییدی روحوما،
بیر ده سنی گؤرمه مک قورخوسو.
من جهننم،
شهره یازیغین گلمه دی می؟
چوخ دَییشیب سن گئدندن، بورالار؛
اینسانلاری، حئیوانلاری،
بینالارین ائیوانلاری،
ائله سیزین محله نیز ده.
سیزین کیچیک محله نیزدن،
بوتون ائولر سؤکولوبدو.
تراکتورلار، بولدوزئرلر،
کوچه لره تؤکولوبدو.
سیز طرفدن کئچنده من،
یئییر بئینیمی فیکیرلر؛
اؤیرنمک ده ایسته میرم،
گؤرم ایندی نه تیکیرلر.
خدیجه خالانین قانی قارالیب.
رافیق دایینین دا وضعییتی پیسدی؛
ایچکی یه قورشانیب دئییر: «آی بالا!
اساس اولان او کی، اورک تمیزدی.»
ایندی محله نیزدن توپ سسی گلمیر؛
گیزلن پاچ اوینایان اوشاقلار یوخدو؛
مکتوب یازیرام کی، آگاه اولاسان
داها «اومید» آدلی اوشاق دا یوخدو...
#اولوجای_عاکیف
https://t.me/adabiiyatfenomenlari
https://t.me/secilmiseirler | 111 | 1 | Loading... |
18 ✅✅✅سایین کانالداشلار بو شعیره ادبیات سئونلر کانالیندا نظیره یازماق ایسته میشدیک
ایکی دوستون نظیره سینی تقدیم ائدیریک
نظیره
سحر_خیاوی
داریخیرام عئینالینین باشینا
داریخیرام تورپاغینا داشینا
گؤزلریندن گیزلی آخان یاشینا
توت الیمدن آپار منی تبریزه
گَل دولاناق کوچه- کوچه شَهَری
گؤستر منه شهیدلر دوشَن یئری
حتمن قالیب تاریخیندن اثری
توت الیمدن آپار منی تبریزه
اوردا منیم کئچمیشیمدن ایزیم وار
اوردا منیم چؤزولمهین گیزیم وار
نه دئییرم؟ اوردا منیم " اؤزوم" وار
توت الیمدن آپار منی تبریزه
قوربان اولوم دیلیم- دیلیم دیلینه
قوربان اولوم آیری دوشَن ائلینه
قوربان اولوم تورپاغینا، گؤلونه
توت الیمدن آپار منی تبریزه
بیر بدندن ایکی روحو بؤلدولر
بئینی بوشلار عاغلیمیزا گولدولر
آرامیزدا آیریلیقلار سالدیلار
نهلر گلدی بیر اورهگه، بیر بیزه؟!
توت الیمدن آپار منی تبریزه
او شوم گونده قورقولار قورقولاندی
بؤیوک ائلیم شوم اللرله تالاندی
شرّ آتدیلار، یازیق " آراز" قیناندی
بیرلیگیمیز سان کی گلیب دیر گؤزه
توت الیمدن آپار منی تبریزه
من بیلیرم بیر گون آراز گولهجک
باکی قارداش تبریزه گول وئرهجک
من بیلیرم آپ- آیدین دیر گلهجک
نورلو گونلر قاباقدا دیر سیز- بیزه
توت الیمدن آپار منی تبریزه
https://t.me/Adabiyyatsevanlar | 71 | 0 | Loading... |
19 کریم قربانزاده
نظیره
توت الیمدن آپارمنی تبریزه
آنا تبریز گؤزو یولدا قالیبدی
گؤتور آخشام «شهریار»ی گل بیزه!
«سلیمان»ی،« راحیم»ی ده اونوتما،
جوقا قوراق شعیرلشک دیز- دیزه،
توت الیمدن آپار منی تبریزه!
سلام یئتیر «حیدرخان»ا، «ستار»ا،
«شیخ ممد»ه، «میر جعفر»ه، «سالار»ا،
«راضیه»یه، «مرضیه»یه، «نیگار»ا،
یولداشواری اوتوراغین اوز- اوزه،
توت الیمدن آپار منی تبریزه!
خبر وئرین سولاسینلار شههری،
حاضیرلایین «کلیبر»ی، «اهر»ی،
گؤزلهییرلر دان سؤکولن سحری،
کؤنول وئریب قیزیل لاله، نرگیزه،
توت الیمدن آپار منی تبریزه!
هاردا کار وار، هاردا کور وار آییلسین،
بئیینلردن خام خیالی دئ سیلسین،
ماحالدی کی آذربایجان اگیلسین،
گئجه غالیب گله بیلمز گوندوزه،
توت الیمدن آپار منی تبریزه!
https://t.me/Adabiyyatsevanlar | 74 | 1 | Loading... |
20 https://turuz.com/book/title/Omurden+Qalan+Sesler-Sexavet+Izzeti-1399-248s
عؤموردن قالان سسلر کتابین توروز کتاب سایتیندا ائندیره بیلرسینیز.
سخاوت عزتی - عندلیب
kanalimiza qatilin və yayin
کانالیمیزا قاتیلین
کانالیمیزی ادبیات سئور دوستلارینیزا تانیتدیرین
https://t.me/sheirdergisi | 90 | 0 | Loading... |
21 سپیده که سر بزند
در این بیشهزار خزان زده
شاید گلی بروید
شبیه آنچه در بهار بوئیدیم
پس به نام زندگی
هرگز نگو هرگز...
#پل_الوار
📚https://t.me/secilmiseirler | 104 | 3 | Loading... |
22 https://t.me/secilmiseirler | 85 | 2 | Loading... |
23 ⭕️یونان فیلسوْفو سقراطێن، اوغور قازانماغێن سرّینه باخێشلاری
✍یازان: #صادق_کریمی
گنج بیر کیشی اوغور قازانماق سرّینی سقراطدان سوْردو.
- سقراط! سنجه اوغور قازانماغێن سرّی نهدیر؟
سقراط گنج کیشییه باخاراق دئدی:
- دوْغرودانمێ بونو بیلمک ایستهییرسن؟
گنج کیشی باشێنی تصدیق ائتمک اۆچۆن ترپَدیب، دئدی:
- البته، بو گرچڲی بیلمک ایستهییرم.
سقراط دئدی:
- سحر ائرکن شهرین ائشیڲیندهکی چایێن قێراغێنا گل، سنین اۆچۆن بو سرّی آچماق ایستهییرم.
یارێن سحر چاغێ ایکیسیده چایێن قێراغێنا گلدیلر. سقراط گنج کیشیدن اوْنونلا بیرگه چایێن ایچینه گیرمهسینی ایستهدی. چایێن ایچینه گیریب، سو بوْیونلارێنین آلتینا یئتیشرکن، سقراط بیردن گنج کیشینین بوْینونو الینه آلێب، باشێنی سویون آلتینا آپاردێ. دیکسینیب، شاشێب اۆرهڲی اۆزۆلن گنج کیشی اَل – آیاق چالێردی. چوْخ چابالایێردی، اما سقراط اوْنون باشێنی سویون آلتێندان چێخارتمیردی. کیشی اؤزۆنۆ قورتارماغا چالێشیردی، اما سقراط اوْندان داها گۆجلۆ ایدی، کیشینین اۆزۆنۆن بوْیاسێ آغدان گؤیۆمتۆل اوْلانا قدَر اوْنون باشێنێ برک توتموشدو. سقراط گنج کیشینین باشێنێ سودان چێخارتدی. کیشینین ایلک گؤره بیلدیڲی ایش دریندن نفَس آلماغێ اوْلدو. نه قدر نفَس آلسا دا نفَسی بو تئزلیڲه یئرینه گلمیردی. بیرآز سوْنرا حالی یئرینه گلَرکن چێغیراراق دئدی:
- دلیسن کیشی؟! نئینیرسن؟ اؤلۆم آیاغیندا ایدیم.
سقراط اوْنون سؤزلرینه اؤنم وئرمهدن دئدی:
- اوْ دورومدا ایستهدیڲین تکجه شئی نهایدی؟
کیشی اوجا سسله دئدی:
- بللیدیر دا، هاوا، هاوا ایستهییردیم؛ آز قالمێشایدی بوْغۇلام.
سقراط دئدی:
- اوغور قازانماغێن سرّی ائله بودور. هاوانێ نئجه ایستهدیڲین کیمی اوغور آختارێرسانسا، کسینلیکله اوغور قازاناجاقسان. اما اوْنو بئینینده ساخلایێب، بیر ایش گؤرمهدن اؤزۆنۆ چتینلیڲه سالماسان، ایستهدیڲینه یئتیشه بیلمهیهجکسن. اوغور قازانماغێن بوندان باشقا هئچ بیر سرّی یوْخدور.
@SancaqDergisi
https://t.me/Sancaq_media/6402 | 83 | 1 | Loading... |
24 💢💢💢
بیلمیرم هایاندان تاپدی عؤمرومو
بیر دلی آت کیمی چاپدی عؤمرومو
داغلارا - داشلارا چیرپدی عؤمرومو
قدریمی بیلمهدی بو آدام منیم
ایلاهی، آل منی بونون الیندن!
کاش منیم عؤمرومو بو یئر اوزونده،
بیر اؤزگه آداما توش ائیلهیهیدین
لاپ منی آدام یوخ، قوش ائیلهیهیدین
لاپ بئله بیر قارا داش ائیلهیهیدین
منی بو آداما سن نئجه قییدین؟!
ایلاهی، آل منی بونون الیندن!
آل منی، وئر منی اؤزگهلره وئر
سینیق آینالارا، گؤزگولره وئر
بؤلونوم، یوز تیکه، مین تیکه اولوم
بو آدام اوزومه باخا بیلمهسین
منی آینالارین قیریقلاریندان،
توپلایا بیلمهسین، ییغا بیلمهسین
ایلاهی، آل منی بونون الیندن!
بؤلونسم، دردیم ده بؤلوندو بلکه
هر دردیم یوز تیکه، مین تیکه اولدو
بیر دردیم قالمادی اؤزومدن یئکه
بوتون دردلریمدن من یئکه اولدوم
بو یئرین اوستونده، گؤیون آلتیندا
بؤلونسم، هر تیکم بیر یانا دوشسه
هاچانسا کئفینین خوش ساعاتیندا
ایلاهی تزهدن یادینا دوشسم
تزهدن توپلاسان قیریقلاریمی
سینیق اللریمی - آیاقلاریمی
آغزیمی، بورونومو، قولاقلاریمی
ایلاهی تزهدن جالاسان منی،
دونیانین اَن گؤزل گوزگوسو اوللام
تزهدن دونیایا یوللاسان منی،
بو آدام اولمارام، اؤزگهسی اوللام
ایلاهی، آل منی بونون الیندن...!
✍#رامیز_رؤشن
#ایمگهلر_کانالی
https://t.me/secilmiseirler
✔️✔️✔️
👇👇👇
https://telegram.me/imgalar | 86 | 3 | Loading... |
25 بیر فینجان چای، سنینله ایچمک
بیر فینجان چای ایچمک سنینله،
بوتون خبرلری تلویزیوندان سؤندورر
سیاستین آدینی سوسدورار
بیر فینجان چای،
ساواشی بیتیرَر.
آنالار، بالالاری مزاریندا آغلاماز
کوچهلردن آوارا اوشاقلار ائوینه دؤنر
هئچ بیر ایتی ده خیاواندا ماشین وورماز
داها هئچ قورشون اینسانلارین قلبینه سیخیلماز
گل یاخینا، ساچلارینی قوخلاییم!
سن باریت یوخ
ازلدن باریش قوخوسو وئریرسن...
#اومید_نجاری
https://t.me/adabiiyatfenomenlari
https://t.me/secilmiseirler | 79 | 1 | Loading... |
26 ▫️شهرلره اوخشاییر آداملار.
شهرلره اوخشاییر آداملار.
ایللاه کی آخشاملار ایشیقلار کئچنده،
خاطیرهلر کوچه-کوچه اویانیر ایچینده.
تراموالار، ماشینلار کئچیر او کوچهلردن،
تانیش اوزلر بویلانیر سنه پنجرهلردن.
هامیسی گئدیر، ایتیر،
کوچهنین لاپ اوزاق بیر دؤنگهسینده.
کوچهنین او باشینداکی آغاجین کؤلگهسینده،
بیر قیزلا بیر اوغلان اؤپوشور ایندی.
اما آغاج اؤزو یوخدو،
آغاج اؤزو کسیلیب نئچه ایلدی...
شهرلره اوخشاییر آداملار.
قوجالار، جاوانلار،
کیمیسی «گنجه» کیمی کؤهنه،
کیمیسی «سومقاییت» کیمی تزه.
کیمیسی کورهیینی داغا سؤیکهییب،
کیمیسی آیاقلارینی ساللاییب دنیزه.
بیر اوجدان تیکیلَنی ده وار،
بیر اوجدان سؤکولَنی ده.
من شهر دئییلم هله،
بیر بالاجا قصبهیم.
بلکه ده بونا گؤره،
حیرصلییم، عصبییم.
قصبه ده دئییلم، یوخ، باپبالاجا بیر ائوم.
یوخ، هئچ ائو ده دئییلم،
خیردا بیر آکواریومام بیر ائوده،
یا دا آکواریومدا لاپ خیرداجا بیر بالیق...
قوی خطرینه دَیمهسین،
«کور»ون ده، «خزر»ین ده،
اوزمک ایستهییرم، اوزمک،
دونیا دنیزلرینده.
سونرا آیاق آچیب
دونیانی گزمک ایستهییرم.
داها نهلر ایستهییرم، نهلر!
شهرلره اوخشاییر آداملار.
من ده شهر اولماق ایستهییرم، شهر،
«باکی»دان داها بؤیوک،
«پاریس»دن داها گؤزل.
#رامیز_رؤوشن
#شعر_اوجاغی
@SheirOcagi
https://t.me/secilmiseirler | 84 | 1 | Loading... |
27 #شرحسیز!
https://t.me/secilmiseirler | 82 | 2 | Loading... |
28 Öyrətmə özünə,öyrətmə məni
#musa yaqub
@adinadarixirdodagim2 | 71 | 0 | Loading... |
29 ▫️سن منیم گئری قالان عؤمرومسن.
سن منیم یاریم عصردیر گؤزلهدیگیم عشقیمسن.
سن منیم صاباحلاریمین اومیدله گؤزلهدیگی گونآیدینلیغیم،
گئجهلریمین بیتیب توکَنمهین خیالیسان.
سن منیم گیزَملی خزینهم،
یارادیجینین روحوما توخوندوغو مؤعجوزهمسن.
سن منیم سینهمه توخونان غمزهلرینده ییغیلان شعریم،
بیر ثانیهلیک گولوشون اوچون عؤمرومو فدا ائدهجهییم ملهییمسن.
سن منیم یاکاموز ایشیلتیلی دنیز قیزی،
یئلله بیر اولوب قیییلارینا سئودامین مکتوبونو یازیب بوراخدیغیم دنیزیمسن.
سن منیم کؤلگهسینده دینلَندیگیم
و اوزَریمه راییحهسی عشقدن یانا یاییلان،
ایهلامور آغاجیمسان.
سن منیم غوربت ایقلیمیمین سئودا مؤوسومونون قور آتشینده یالینآیاق گزدیگیم،
سمالاریندا قانادسیز اوچدوغوم،
فیت چیغلیغییلا شیدّتلی یاغمورلار آلتیندا یامیاش اولدوغوم دونیامسان.
سن منیم تورتاسینی بارماق اوجوملا آلیب یئیهجهییم،
و اودوملاماغی گؤزلهدیگیم، اورهیهیاتان ساده «سوواری»* بیر قهوهمسن.
سن منیم گئری قالان عؤمرومسن.
#ائمرئ_اؤزدمیر
* «هاتای» قهوهسی- آجی قهوهنین تورک قهوهسیندن چوخ داها اوزون سوره قاینادیلماسییلا الده ائدیلن قهوه آدی.
#شعر_اوجاغی
@SheirOcagi
https://t.me/secilmiseirler | 135 | 1 | Loading... |
30 #واختسیز_گؤروش
🖋 سحر خیاولی
🎙 نادیر سولدوزلو | 98 | 1 | Loading... |
31 🧚♀✨
Uşaq gördüyün götürər, eşitdiyini deyər.
(Atalar sözü)
🔸🔷🔶🔷🔶🔷🔶🔷🔸
دان یئلی | کیتاب و ادبیات
🆔 @Dan_yeli
اینجی قونوشوقلار
(شعر، دیکلمه، ماهنی، ماهرخ افرا )
➔ @afraurmia
سنسيز دونيا
(سئوگی شعرلري و PDF كتابلار)
➔ @SANSIZDUNYAM
سحــــــر خیاوی
(سئچیلمیش شعیرلر)
➔ @secilmiseirler
سید عمادالدین نسیمی
➔ @nasimipersianpoet
ایشیق سپهلنمیش
➔ @arzuisikyol
بیلگــــــی
(تورکجه گون بیلگیلری)
➔ @Bilgiazer
بیزیم عشق حیکایهمیز
➔ @gamli_canim
ســــــؤز
(دیل، ادبیات، کولتور)
➔ @a_z_soz
میرحسین دلدار بناب
(شاعیرین یازیلاری)
➔ @eldilimiz
کریپتورک
(کریپتو حاققدا بیلگیلر)
➔ @crypturk
یونس امــــــره
➔ @yunusamre
مینا پورحیدر
(شعیر و دیکلمه)
➔ @dinlemeniii
دیالــــــوق
(سئچیلمیش قیسا یازیلار)
➔ @Dialoq
شعیر و ادبیات یایاری
➔ @az_edebiyyat_yayar
ادبیات اوجاغی
➔ @Anayurd1
فضولی مکتبی
➔ @hekim_fuzuli
تورکجه شعر و موسیقی
(فاطمه عبدی کؤنول)
➔ @sasliyazilar
اوشاقلارا ناغیل
(ناغیل، قوشما، چیزگی)
➔ @afraurmiaa
🔸🔷🔶🔷🔶🔷🔶🔷🔸
☪ تـــــۆرک تبـــــادل ☪ | 44 | 1 | Loading... |
32 آخشامدی گؤزوم چالخالانیب دولدو قهردن
باتمیش دیلی جیب تئلفونومون لالدی سحردن
بوردا بو غریبلیکده منی تانری دا دویمور
بیر سئوگی یوخومدور کی او دا زنگ ائده هردن
هر واخت کی مینیب سئوگی آتین چاپدی خیالیم
طالح اونو تئز سیلکه له ییب سالدی یهردن
من بوردا شیرینلیک لریمی ووتکادان آللام
آخشام باشیلار دتله نه رم هئی بو زهردن
اؤلدور منی بو شعری یازاندان سورا تانریم
هئچ اولماسا بیر شاعیر آزالسین بو شهردن
من مهرانی نیسگیل بورودو آخشام اولار کن
سس سیزجه گؤزوم چالخالانیب دولدو قهردن
#مهران_عباسیان
@qanadli_duyqular
https://t.me/secilmiseirler | 128 | 3 | Loading... |
33 Media files | 127 | 2 | Loading... |
34 Media files | 1 | 1 | Loading... |
35 ▫️گیلاوار¹
گزیر ساچلاریندا ایلیق گیلاوار،
توخونور نفسی یاناقلارینا.
اؤپور دوداغیندان؛ کولهیه نه وار؟!
دونیا وئریلیبدی اختیارینا.
اوزاقدان باخیرام بو منظرهیه،
گؤرورم قیمیشان² دوداقلارینی.
آرزوم اورهییمده قالماسین دئیه،
اؤپورم باکینین گیلاوارینی.
#قاسم_صفراوغلو
¹- گونئیدن اسن یئل
²- گولومسهین
#شعر_اوجاغی
@SheirOcagi
https://t.me/secilmiseirler | 128 | 2 | Loading... |
36 طنز: بویوک آغا افندی
نه توسباغا، نه قورباغا / رئیس جمهوردو بؤیوکآغا
شیطان دئییر من ده بیر دست نیمداشت کت شلوار سید اسماعیل بازاریندان آلیم، بئش آلتی نفر ده میداندان بئکار آدام کرایه ائلهییم، گئدیم وزارت کشوره، رئیس جمهورلوغا کاندید یازیلیم!
کیم کیمهدی؟! مگر سیزه موهومدی کی، من رئیس جمهور اولام یا باشقاسی؟ سیزه رئیس جمهور لازیمدی، من ده کی بئکارام؛ برنامهم ده جئبیمده حاضیردی. هامیسی دا تندیردن تزه چیخمیش ایستی ایستی برنامهلردی:
1. هفته سکگیز من دوققوز شهرستانلارا سفر ائدهجم؛
2. اون ایلدن بری نئچه دفعه افتتاح اولان طرحلری دوباره افتتاح ائدهجم؛
3. مملکتین بوتون موشگوللرینی آمریکانین و خارجی دوشمنلرین بوینونا آتاجام؛
4. میللتین حل اولمامیش مسئلهلرینی و موشگوللرینین هامیسینی کئچمیش دؤلتین باشینا ییخاجام؛
5. اون ایل بوندان سونرا دا دوشمانلارین بیزه ائدهجکلری توطئهلری افشا ائدهجم؛
6. میللته دوشمان اولان مستکبرلرله دالدادا سئویشیب، اوزده یاخالاشاجام؛
7. بیر آیا کیمی ائوسیزلره، یوخسوللارا و کارمندلره اون میلیون ائو دوزلدهجم، ائله ائو کی دونیا اهلینین آغزی آچیق قالسین؛
8. اون گونه کیمی ارز بازارین ائله تنظیم ائدهجم کی، دولاری مین تومنه ده آلان اولمویاجاق؛
9. دستور وئرهجم بیسرپرست خانوادهلره سحردن آخشامادک پهپادلارلا ارزاق داشینسین؛
10. قورویان گؤللریمیزه خلیج فارسدان شیرین سو چکدیرهجم؛ اورمو دریاچهسینه ده خاریجدن اون مین فیلامینگو وارد ائدهجم؛
11. بازنشستهلرین، کارمندلرین و کارگرلرین هامیسینین حقوقونو اوچ قات آرتیراجام کی نئچه خانوادهنی دولاندیرماغا قادیر اولسونلار؛ ارزش افزودهنی، مالیاتی و جریمهلری آرتیرماقلا، حقوقلاری ّو مسئلهنی ائدهجم؛
12. خانیملارین شانینده دئییل گشت ارشاد اونلاری توتاندا کؤهنه ونه میندیرسینلر. من بو مسئلهنین حللینه آلمانیادان گشت ارشادا آخرین مدل فولوکس واگن آلاجام کی خانیملاریمیز پلیس اخلاق مرکزینه گلینجک اینجیمهسینلر؛
13. ترافیک مسئلهسینی حل ائتمک اوچون تعطیل گونلرینی چوخالداجام؛ منجه تعطیلات هر نه قدهر چوخ اولسا بیر او قدهر میللت یاخشی یاشایار؛ ایدارهلر و خیاوانلار خلوتلهشر؛ سو، برقین مصرفی آزالار؛ هاوا تمیزلهنر، دورکاری و گردشگری رونق تاپار و جاماعاتین وضعی یاخشیلاشار. اصلن نیگران اولمایین تعطیلات چوخالسا نه تولید آزالاجاق، نه صادرات واردات آزالاجاق، نه ده بیر اتفاق دوشهجک؟ منیم دؤلتیم پاخیل دؤلت دئییل. من شراییط یاراداجام کی باشقا مملکتلر ده بیرزاد صادیر ائده بیلسینلر، اقتصادلاری رونق تاپسین؛
14. خانیملارین مسئلهسی منجه اصلن موهوم بیر مسئله دئییل. منجه دونیانین ایکی مهم مسئلهسی واردی: بیر ساعات مسئله سی ایدی کی آللاها شوکور اونو قارداشلاریمیز اونوچونجو دؤلتده چوخ درایت ایله حل ائلهدیلر؛ ایکینجی مسئله ده آخر هفتهنین تعطیلیدیر کی فعلن دؤلت، مجلیس، شورای نگهبان، مجمع تشخیص مصلحت و ارکان نیظامی اسیر ائدیب، هامی اونا مشغولدو. من بو مسئلهنی سو ایچیم کیمی حل ائدهجم.
15. منیم دؤلتیمده یالان پالان اولمایاجاق. منیم یالان دانیشماقدان زهلم گئدهر. کیشی کیمی وئردیگیم وعدهلرین اوستونده دوراجام؛ امما سیزین ده گرهک بیر آز دؤزوموز اولسون. یالاندان دوروم دئییم بو ایشلرین هامیسینی بیر هفتهده گؤرهجم یوخ، آللاه دئین اولسا قیرخ گونهجک، لاپ بئله چوخ اوزانسا 100 گونه کیمی هرزادی یئر به یئر ائدهجهیم.
انشالله صاباح وزارت کشورین قاباغیندا گؤروشریک. شعاریمیز دا بئلهدیر:
نه توسباغا، نه قورباغا
رئیس جمهوردو بؤیوکآغا
https://t.me/Adabiyyatsevanlar | 96 | 1 | Loading... |
37 ▫️قیز اوشاغی
قاپیلاری چالان منم،
قاپیلاری بیرر-بیرر.
گؤزونوزه گؤرونهمم،
گؤزه گؤرونمز اؤلولر.
«هیروشیما»دا اؤلهلی،
اولوبدور بیر اون ایل قدر.
یئددی یاشیندا بیر قیزام،
بؤیومز اؤلو اوشاقلار.
ساچلاریم توتوشدو اؤنجه،
گؤزلریم یاندی قوورولدو.
بیر اوووج کوله دؤنوشدوم،
کولوم هاوایا سوورولدو.
منیم سیزدن اؤزوم اوچون،
هئچ بیر شئی ایستهدیگیم یوخ.
شوکولات دا یییهمز کی،
کاغیذ کیمی یانان اوشاق.
چالییوروم قاپینیزی،
خالا، عمی، بیر امضا وئر!
اوشاقلار اؤلدورولمهسین،
شوکولات یییه بیلسینلر!
#ناظیم_حیکمت
#شعر_اوجاغی
@SheirOcagi
مجسمه: ساداکو و مین کاغیذ دورنا😢 | 108 | 1 | Loading... |
38 هارا چیخیب گئدهسن؟
گئتمهیه یئر ده یوخدو...
ویداع ائتمهیه آدام
سیخماغا اَل ده یوخدو...
داها یازماق دا اولمور، بو بویدا تَنهالیغی
بیر آز جان سیخینتیسی
بیر آز نیگارانچیلیق
اورهییم بوش، اَلیم بوش، آغلاییرام، سوسورام
قاپی زَنگی چالینیر، پَنجرهیه قاچیرام.
داها داریخماق اولمور، آدام کیمی داریخماق...
مایین تام اورتاسیندا اوشویورم، دونورام
سیخیر مَنگنهسینده مَنی سویوق دیوارلار
بو قاپینین او تایی گونشلیدیر، ایستیدیر
هارداسا چوخ اوزاقدا اؤلهزیین اومید وار
اَن بؤیوک فاجیعهدیر کیشی اومیدسیزلییی...
سَن سونونجو اومیدسن
بو یادلار آراسیندا
بیرجه دَفعه "گئتمه" دئ، قالیم بیرگه یاشلاناق
بیرجه دَفعه دیلیندن گؤزل سَسلنسین آدیم
یاخشی خاطیرلاییرام سونونجو گئدیشیمی
پئنجهییمی گؤتوردوم گئتدیم وَ قاییتمادیم...
باخ، گئتسم بو کوچهلر سَنی داریخدیراجاق...
#جلیل_جاوانشیر
@qanadli_duyqular
https://t.me/secilmiseirler | 106 | 1 | Loading... |
39 منه یئریکلهینده نه یئدین آنا؟
آلچا؟... آلما؟...
تندیرده قیزارمیش املیک قوزو اتی؟
آلچا یئسهیدین تورشا چالاردیم
آلما یئسهیدین شیرین اوْلاردیم
قوزو یئمیش اولسایدین سنله قالاردیم
منه یئریکلهینده نه یئدین آنا؟
منده دؤرد ایز بوراخمیش اوْ قوتسال یئمک
قارشی دوردوم حاقسیزلیغا
وورولدوم توْرپاغا
آتیلدیم دوْغما کندیمدن قیراغا
سۆرگۆن یاشادیم ننه
بۆتۆن شهرلر دوْغمالاشدی منه
#ابراهیم_رشیدی
@qanadli_duyqular
https://t.me/secilmiseirler | 118 | 4 | Loading... |
40 امکلرینیزدن ادبیاتیمیزا، تشککورلر.❤️🌻🙏 | 118 | 0 | Loading... |
💢💢💢
دیندیر منی هردن گؤزلیم فورصت اولاندا
وصلین بیزه بیر آن نه اولار قیسمت اولاندا
باخ گؤر منی زولفون نه پریشانلیغا سالدی
بیر گون آچارام دردیمی جمعیت اولاندا
یوزلرجه جفا ائتسین اونوتماز سنی کؤنلوم
فیکریمده سن ائی گول یئنه هر صحبت اولاندا
بیگانه اگر اولماسا تئز وصله یئتردیک
کیم خیر گؤروب دوشمنی کم فورصت اولاندا
زولفون کی توتوب رویونو چوخ قورخورام اوندان
عالم توخونار بیربیرینه ظولمت اولاندا
کؤنلوم نئجه سنسیز گؤزلیم نالهسیز اولسون
بولبول دایانارمی گولونه حسرت اولاندا؟
واحید هله قارشیندا بؤیوک بیر گلجک وار
دونیا بیزه لذت وئرهجک جننت اولاندا
✍ #علی_آغا_واحید
#ایمگهلر_کانالی
https://t.me/secilmiseirler
✔️✔️✔️
👇👇👇
https://telegram.me/imgalar
https://t.me/secilmiseirler
سئچیلمیش شعرلر
ادمین @saharxiyavi بو آخاقدا، سئودیگیم ادبی اثرلری پایلاشیرام.
گئتمک ایسته ییرسن بهانه سیز گئت
گئتمک ایسته ییرسن بهانه سیز گئت
اویاتما مورگولو خاطره لری
سسین همین سس دیر، باخیشین اؤگئی
گئدیرسن، سسین ده یاد اولسون باری
سن دنیز قوینونا توللانمیش چیچک
اوستونه دالغالار آتیلاجاقدیر
ساختا محبّتین، ساختا سند تک
نه واختسا اوستونده توتولاجاقدیر
دئمیرم سن اوجا بیر داغسان، اَییل
دئمیرم قالیبدیر علاجیم سنه
نه سنده محبّت قارا پول دئییل
نه من دیلنچی ام ال آچیم سنه
دؤشنیب یول لار تک آیاق لارینا
سنه یالواریم می؟ بو مومکن دئییل
قویمارام قلبیم تک ووقاریم سینا
آلچالیب یاشاماق عؤمور-گون دئییل
گئتمک ایسته ییرسن او یول او دا سن
بیر جوت گؤز باخاجاق آرخانجا سنین
گئتدینمی؟.. نه واختسا دؤنمک ایسته سن
تیکانلی یاستیغا دؤنه جک یئرین
گئتمک ایسته ییرسن نه دانیش نه دین
یوخ اول اوزاق لار تک دوماندا چنده
نه ییمی سئومیشدین دئیه بیلمه دین
ایندی سه یوز عئییب گؤرورسن منده
گئتمک ایسته ییرسن بهانه سیز گئت
اویاتما مورگولو خاطره لری
سسین همین سس دیر، باخیشین اؤگئی
گئدیرسن، سسین ده یاد اولسون باری
#نوصرت کسَمَنلی
https://t.me/secilmiseirler
@qanadli_duyqular
https://t.me/secilmiseirler
سئچیلمیش شعرلر
ادمین @saharxiyavi بو آخاقدا، سئودیگیم ادبی اثرلری پایلاشیرام.
گئدهنه یالوارما گئدیرسه گئتسین
نهییمه گَرَکدیر داها قالماغی
حَتتا بو حَیاتین قانونو بودور
آغاج دا ساخلامیر دوشن یارپاغی
اَگَر کی آغلیندا واردیرسا گئتمک
نه واختسا گئدهجک او اَوول-آخیر
ائله بالیق وار کی ،بالیقچینین دا
دایانمیر، سوروشوب اَلیندن چیخیر
گؤر سَنی گئدرکن نه گونه قویدو؟!
دانیشا بیلمیرسن، گوله بیلمیرسن
حَیاتیم یازیردین هَمین اینسانا
ایندی هئچ سالام دا یازا بیلمیرسن
بَلکهده اونودوب هاردان بیلهسن؟!
دوشونمور گئجهلر سَنی، یاتاندا
سَن گیزلی نؤمرهدن گیزلی زَنگ ائدیب
هَر گئجه سَسینه قولاق آساندا
هارداسا سَسلهنن حَزین موسیقی
یادینا سالارسان، اونا باخ بئله
تَصادوف، هارداسا گؤررسن اونو
گَزیر باشقاسییلا، توتوب اَل-اَله
اؤزون ائشیدرسن او اؤزگهسینه
یانیندان اؤتهرک جانیم سؤیلهدی
سَن اوندا بیلرسن، او آن اینسانین
دونیاسی باشینا داغیلماق نهدی
گؤزلریم یورولدو یول گؤزلهمکدن
مَن خَسته دوشموشم، هاردان بیلهسن؟!
خَیالین او قَدَر گؤزومدن کئچیب
حَکیملر دئییر کی ضَعیف گؤرورسن...
#ساحیل_ریضایئو
@qanadli_duyqular
https://t.me/secilmiseirler
سئچیلمیش شعرلر
ادمین @saharxiyavi بو آخاقدا، سئودیگیم ادبی اثرلری پایلاشیرام.
▫️من سندهیم، سن مندهسن، «رووئیدا!»
اؤنجه قورخونج عذابا، قهره گؤمولویوروم،
سونرا ان بؤیوک عفوه اوغراییب گولویوروم.
چاتلاییر دا مزاریم، دیشاری وورور منی.
ترهزی، رووئیدایا دیوان قۇرۇیۏر منی.
گونش آخدی، آی سؤندو؛ پارچالاندی اولدوزلار،
رووئیدا! بوردا ایندی سن وارسان، گؤزلرین وار.
بیاض تۏرلار ایچینده روحون سارییور منی،
صاحیبیسن بو تایسیز محبّت سارایینین.
مغرورجا یوکسلیرسن اۇلۇلارین قاتینا،
حوریلر ایمرهنییور سونسوز سلطنتینه.
الیمه توتوشدوروب قلبینین قدحینی،
سئوگینی شراب کیمی سۇنۇیۏرسان، رووئیدا!
چیچک-چیچک قلبیمه دولویورسان، رووئیدا!
آجی یوخ، انتظار یوخ؛ اسکیده قالدی حسرت،
دؤورونو تاماملادی اندیشه، قورخو، حئیرت.
بۇز و کؤز تاریخ اولدو، بیتدی زامان و مکان؛
زامان بیزیک، مکان بیز، ایمکانسیزا یوخ ایمکان.
عؤمرون نه سونونداییق، نه ده هنوز باشیندا،
اوتوز اوچ یاشینداییق، هپ اوتوز اوچ یاشیندا.
ایچیم سنسن بو یورددا، دؽشؽم سنسن رووئیدا!
رووئیدا، من سندهیم؛ سن مندهسن، رووئیدا!
#نورالله_گنج
#شعر_اوجاغی
@SheirOcagi
https://t.me/secilmiseirler
سئچیلمیش شعرلر
ادمین @saharxiyavi بو آخاقدا، سئودیگیم ادبی اثرلری پایلاشیرام.
Repost from اینجی قونوشوقلار 𐰃𐰤𐰲'𐰃:𐰸𐰆𐰣𐱁𐰸𐰞𐰺
03:21
Video unavailableShow in Telegram
سوزلر: فضولی
اوخویور: روشن عزیز و سامیر جعفراف
@afraurmia
12.80 MB
▫️عؤمرون ایکی طرفی
ایکی طرفی وار هر عؤمرون...ایکی:
گؤروندویون طرف، گؤردویون طرف.
هانسینا دوشهجک، نه بیلهسن کی-
عؤمرون آخیریندا اؤلدویون طرف؟
بلکه ده، سنی بو طرفده آسدیراجاقلار،
سونرا او طرفده باسدیراجاقلار.
بیر قیز سئوهجکسن سن بو طرفده،
اونا دئیهجکسن: - دونیادا تکسن.
سونرا او طرفده بیر پینتی ائوده،
بیر قادینلا عؤمور چورودهجکسن.
نه قلبین یاناجاق هیجران اودوندا،
نه ده سئودیگین قیز یادین اولاجاق.
چونکی ائله او قیز دا، او قادین دا،
هر ایکیسی عئینی آدام اولاجاق.
ایکی طرفی وار هر عؤمرون... ایکی.
هر ایکی طرفده یئری اولمایان،
نفَسی گلسه ده، دیری اولمایان،
سنین کیمیلری او قدَردی کی.
سن او فرسیزلرین سیراسینداسان،
نه فرقی، بئشینجی، یا اونونجوسان.
خۏردا اوخویانلار آراسینداسان،
ان آرخا جرگهده، ان سونونجوسان.
نهدیر اوخودوغون؟ بیلمیرسن... حئییف!
بیر ده کی، هئچ سیزی دینلهینمی وار؟
نه چوخدو او خۏردا بیر سؤز دئمهییب
یالاندان آغزینی آچیب-یومانلار!
نه فرقی، باشداسان، یوخسا آخیردا؟
هامیدان بیریسن سن ده او خۏردا.
هامیدان بیریسن،- نه پیس، نه یاخشی،
آمّا یوخ، ناشوکور اولماغا دَیمز.
شوکور، هر شئیین وار-
ائوین-ائشیگین، آرواد-اوشاغین،
بیر ده کی، ایچینده گیزلهدیگین سس.
بو ایللر اۇزۇنۇ بو جور، گیزلیجه،
نئجه ساخلامیسان او سسی- نئجه؟
او سس نه صاف قالؽب سنین ایچینده!
صاف قالؽب- بو قدر حیرصین، آجیغین،
آغرینین، آجینین، غمین ایچینده.
زیلی ایچیندهدی، بمی ایچینده.
او سسدی هامیدان گیزلهدیگین سیرّ،
او سسدن قیمتلی آخی نهیین وار؟
آرواددان، اوشاقدان خلوت، آرابیر،
او سسله زومزومه ائلهمهیین وار:
«عزیزیم، اولو داغلار،
چئشمهلی، سولو داغلار،
بوردا بیر غریب اؤلوب،
گؤی کیشنر، بولود آغلار.»
#رامیز_رؤوشن
#شعر_اوجاغی
@SheirOcagi
https://t.me/secilmiseirler
سئچیلمیش شعرلر
ادمین @saharxiyavi بو آخاقدا، سئودیگیم ادبی اثرلری پایلاشیرام.
Repost from مونجوق MUNCUQ
⭕️باشماق تیکن
✍#سحر_خیاوی
آدێ «باشماق تیکن»دیر
باشماق تیکمیر
باشماق دا گییمیر
اوْنونچون باشماغێندا داش- قۇم دا یوْخدور خال خال دوْستۇمون!
یاشێل یارپاغێن اۆستونده چیهلَـڲه بنزهییر بالاجا دوْستوم
آنام دیییر: الینه آل
آرزۇنو قۇلاغێنا دئه، سوْنرا اۇچورت
آرزومو قۇلاغێنا پێچیلداییرام
اینجه قانادلاری ایله بارماقلارێمین اوجوندان اوچور... اوچور...
آرزوم من ایله باشماقتیکن آراسێندا بیر سرّدیر
هیچ آنام دا بیلمهییر!!
*چیهلَـک: توتفرنگی
@MuncuqAz
https://t.me/Sancaq_media/6408
Sancaq Media
Repost from ادبیات سئونلر
زرین رزندی(طناز)
مملکتیم باغ جنان دیر جنان،
اوباش اراذل ائوی اولموش تالان
یوخدو وطن ده بئکار-ائوسیز قالان
ماهوارالار زینت هربام دیر
آخ نئجه کئف چکمه لی ایام دیر
ارزاق اوجوزدور،اولابیلمز گران
میوه قالیب دیر باشینا،یوخ آلان
یوخ زوریله صاندیغا راُی-ماُی سالان
عدلیله صادر اولان احکام دیر
آخ نئجه کئف چکمه لی ایام دیر
یوخ کئچری،پول-پلووون،پارتی نین
یوخ رواجی،رشوه ومیز آلتی نین
عزتی واردیر بو جیره کارتی نین
مللته هر گون یئنی بایرام دیر
آخ نئجه کئف چکمه لی ایام دیر
بوردا نه کللاش نه ده وار شارلاتان
خسته خانا اسمی دئییل،ائل چاپان
شکر نه لوت وار،نه ده شام سیز یاتان
یورد باشا باش مرکز اطعام دیر
آخ نئجه کئف چکمه لی ایام دیر
ای فبهاالوفق مراد روزگار
اصناف ائدیر انصافیله کسب وکار
محودی دوز وکلک واحتکار
اختلاسین کیفری اعدام دیر
آخ نئجه کئف چکمه لی ایام دیر
سودلر آغ آپباغ،تیتیریر قایماغی
قاتغی سی یوخ ذره جه پالمال یاغی
گوُردو تخلف ائله ین،گوُزداغی
کرخانالار هاممیسی خوش نام دیر
آخ نئجه کئف چکمه لی ایام دیر
تبریز آراز،اهوازی اروند پلاک
دولدورولور یوز مین ایله بیرجه باک
دوست سئوینیر،دوشمنیمیزدیرهلاک
تحریم ائدن بیزلری ناکام دیر
آخ نئجه کئف چکمه لی ایام دیر
ترک ائله ییب تیریئکی لر شیره سین
اجرایا قویمور قاری مهریه سین
لغو ائله ییب مدرسه شهریه سین
محکمه لر ساکت وآرام دیر
آخ نئجه کئف چکمه لی ایام دیر
شاه گوُلوده صبح یوخودان تئز دوران
انلییی بول،کیرشانی دوُرد قات ووران
نازلا قاچان قیزلاری یوخ دوردوران
مانتووو دار کاربن اندام دیر
آخ نئجه کئف چکمه لی ایام دیر
اولموشوق آنجاق اوُزوموز خودکفا
چین مالینا ائیله میریک اکتفا
تولید اولور،آینا،داراخ،چاخچاخا
مقصدیمیز عزت اسلام دیر
آخ نئجه کئف چکمه لی ایام دیر
ایشلره صاحب دیر امام زمان
هرنه قیلیق دا سئویسن چیخ دولان
قامچی واشکنجه،یالان دیر یالان
گشتین ایشی مللته اکرام دیر
آخ نئجه کئف چکمه لی ایام دیر
هرنه سئویرسن،شعریوه یازگیلن
خودکاریله اوُز گورونو قازگیلن
احوالیمیز یاخشی اولار دوُزگیلن
خوش دوُنه مج مللته برجام دیر
آخ نئجه کئف چکمه لی ایام دیر.
https://t.me/Adabiyyatsevanlar
ادبیات سئونلر
بوکانال ادبیات سئونلر قوروپونون سئچیلمیش اثرلری دیر کانالدا کی یازیلاری کانالین لینکینی وئرمک شرطی ایله پایلاشماق اولار
منی شکیل-شکیل اؤلدورن آدام!
منی شکیل-شکیل اؤلدورن آدام!
نئجه شکیللرین دلیقانلیدی!
سنین گؤزلریندن قان اییی گلیر،
سنین گؤزلرینین الی قانلیدی.
گؤزومو چیرپیرام آی ایشیغینا،
نه هؤروم ییخدیغین ائوه... بیلمیرم.
سنه اؤله-اؤله وورولورام من،
سنی دیری-دیری سئوه بیلمیرم.
منی شکیل-شکیل اؤلدورن آدام!
منی تانری-تانری دیریلتمه، نولار!
قوی ایتیم گئجهنین ائله ایچینده،
صاباحین قاپیسین کیلیدله، نولار!...
#ائمیل_راسیماوغلو
🌿🌿🌿🌿🥀
https://t.me/secilmiseirler
سئچیلمیش شعرلر
ادمین @saharxiyavi بو آخاقدا، سئودیگیم ادبی اثرلری پایلاشیرام.