✒انجمن ادبی بولاق💞

🍃 «مست ائتدی منی» گؤیده‌کی سالخیم اۆزومون نور مئیی مست ائتدی منی سۆد گؤلونون دالغالانان گور مئیی مست ائتدی منی اولدوزا بنزر باخیشین ساخلادی یوْلدان اۆره‌یی گؤز سۆزولن لحظه لرین وور مئیی مست ائتدی منی عشقه یاخین هر اۆره‌یین دویغوسو شنلیک یارادیر نوْت یازیلان نبضیده ماهور مئیی مست ائتدی منی لاله‌لی داغلار اۆره‌یین کؤز ایتیرن یانغیسینی صۆبحه قدر نغمه‌لی یاغمور مئیی مست ائتدی منی بیر دلی سوْولوق یارادیب، چالدی گؤزللیک دفینی شور و شعف یوْلداشی تنبور مئیی مست ائتدی منی سؤیله‌دی مجنون کیمی عشقین دلیسی اولماق اۆچون لئیلی گرکدیر وئره دستور، مئیی مست ائتدی منی دوْغما گۆنش، ایستی نظردن یاریدا بیلمه‌ده‌دیر آیلی باخیشلاردا کی منظور مئیی مست ائتدی منی سئوگیده گیزلین قالالار دوستاغی ائلمانلیغادیر جان چیخا، مستوره‌ده مسطور مئیی مست ائتدی منی ا.د.ائلمان

میرزا علی اکبر طاهر زاده صابر (هوپ هوپ) (1862- 1911 م.) آذربایجان شعر تاریخینین اَن آدلیم و تاثیر ائدیجی طنز شاعیری ساییلیر. اونون اثرلری دفعه‌لرله ایراندا و خاریجده نشر اولوبدور. و سون علمی تنقیدی نشری آذربایجانین آدلیم تورکولوق و عالیمی حسین محمدزاده صدیق تهراندا 1393 ایلینده نشر ائتمیشدیر. میرزا علی اکبر طاهرزاده صابر 1278 هـ . ایلینده (1862 م.) شماخی شهرینده دنیایا گلمیش‌دیر. اونون عائله‌سی دیندار و مذهبی اولدوقلاری اۆچون، صابر متدیّن و تقوالی بؤیوموشدور. آتاسی‌نین آدی زین‌العابدین ابن میرزا طاهر ایدی. میرزا طاهر چوخ تقوالی، متدین و مذهبی رفتاری اولان معروف بیر شخص ایمیش. یازیلانلارا گؤره آتاسی زین العابدین بقاللیق ائدرمیش. آناسی سلطنت خانیم دا سون درجه دیندار ایدی‌. آتا- آناسی، صابره اوشاق ایکن، اوروج توتدورور، نماز قیلدیریر، طلبه لباسی گئیدیریر، اونا مذهبی شعرلر اوخوماغی اؤیره‌دیردیلر. صابر 8 یاشیندا ایکن اؤز محله‌لرینده اولان مکتب‌خانایا گئتدی و قدیم اصول ایله درس اوخوماغا باشلادی. لاکن، سونرالار، اؤزونون دئدیگی کیمی، مکتبدارین تند اخلاقی و بدنی تنبیه ائتمه‌سیندن اینجیک ایدی. -یاشیندا ایکن، باکی شهری‌نین انجمن ایالتی طرفیندن تأسیس اولان و یئنی اصول ایله اداره اولان بیر مدرسه‌یه گئتدی. بو مدرسه‌ده سید عظیم شیروانی تورکجه، فارسجا و عربجه متنلر تدریس ائدیردی. او صابره اوّلدن تأثیر قویدو، حتی اونون استعدادلی اولدوغونو بیلدیکدن سونرا، اونو شعر یازماغا وادار و تشویق ائتدی. سید عظیم، صابرده شعر قابلیّتینی گوجلندیرمک اۆچون، اونا فارسجا شعرلرین ترجمه‌سینی توصیه و امر ائدیردی. صابرین او زمان ائتدیگی ترجمه‌لردن بیریسی سعدی‌نین: «دیدم گل تازه چند دسته» مصراعی ایله باشلایان شعردیر: گؤردوم نئچه دسته تازه گوللر، باغلانمیش ایدی گیاه ایلن تر. دئدیم:«- نه اولار گیاه ناچیز، تا اگلشه گول صفینده عزیز؟» اوت آغلایاراق دئدی:«- اوتور سن، صحبت ائله‌ییم غمیم گؤتور سن. عالیلر ائدرمی ترک صحبت؟ حال آن که اولاردا وار سخاوت.»

🍃 من ائشیده بیله‌جه‌یین، گؤره بیله‌جه‌یین، دوشونه بیله‌جه‌یین سون الوداع‌یام سن قومار ماساسیندا هر شئینی اوتوزان بیر جنتلمن بیزی پارچا-پارچا یوخ، بیر یئرده اوتوزون لطفا

🍃 نهایت #دیشلریم_تلگراف_وورور کیتابی ایشیق اوزو گؤردو. شاعیر: #اسماعیل_پیل‌پایه تایپ و رئداکت: #علی_چاغلا چاپ نوبتی: بیرینجی تیراژ: ۱۰۰۰ جیلد جیلد طراحلیغی: #آتابای_تیکان‌تپه‌لی حاضیرلایان: #محمد_پاشاپور ناشر: #آیدین_ساو تبریز چاپ و صحافی: #چاپ_شهر_پارس‌آباد قیمت: ۱۰۰٫۰۰۰ تومان (ساتیش مرکزلری تئزلیکجه پایلاشیلاجاق) ا.ی: بو اثرین بوراخیلماسیندا امه‌یی کئچن حؤرمتلی سایین دوکتور محمد پیل پایه، دوکتور علیرضا پیل پایه، جناب داود اصغری،گنج شاعیر دوستلاریم: سایین بهراد نجفی، جناب علی چاغلا، آیدین ساو اینتیشاراتینین مودورو جناب آیدین دومان و موغانین چاپ شهر چاپخاناسی(تئیمور و فرشید حسن‌خانی جنابلاری)نا سونسوز تشکورومو بیلدیریرم. درین حؤرمتله.❤️🙏

🎧 Epizod 2 🎙Zehn: fikir karxanası (2) 🔗 @minimal_podcast

🍃 ‍ #قان_باغریندا و بیری بوردا يامان اؤلمه‌ده قان باغريندا سانكی يارپيز داشا باغلاندی تيكان باغريندا اؤلمه‌رم؛ بيردن اگر اؤلمه‌لی اولسام، قارداش! باسديرارسيز منی سيز خان‌ساوالان باغريندا! سيزی تانری! ديله‌یيمله منی بير قبره قويون! باسديرين داش-قايا باغريندا، زامان باغريندا! گؤزومه بير قورو تورپاق... و يازارسيز داشيما: آی وطن‌سيز! نه ياتيبسان بو دومان باغريندا...؟! #دومانلی_ثانیه_لر_گلین_گئدیر • شعر: کامیل‌قهرمان‌اوغلو • دکلمه: بهروز صدیقی • تنظیم: بهزادبیات‌فرد • موسیقی: کارن همایونفر • کلیپ: فاطمه محمدپور

🍃 رؤیالاردا قوووش منه گل سنینله رؤیا گؤرک، او، رؤیادا بیرگه اولاق. صؤحبتله‌شه بیراز گزک گله‌جه‌یه خیال قوراق. محببتدن دانیش منه او عشق ایله وورسون اورک دانیشاندا سرت اوزونه ساچلارینا آتسین کولک توخونوناندا ساچلاریما، اللرینده عطری قالسین بیر چیچک سال ساچلاریما گؤزلریمه سئوینج ساچسین. دنیزدن درین گؤزونه، غرق اولاراق من بوغولدوم. عاشیق اولوم هر سؤزونه، سؤزلریندن من دوغولوم. ساکیت گزک بیز شهری، قوی دویونجا باخیم سنه آچاندا شیرین سحری اوزومده بیر گولومسه‌مه. کاش، رؤیادان اویانماساق رؤیالاردا قوووش منه. حایاتدا بیرگه اولماساق، رؤیالاردا باخیم سنه. شعر: گولتکین رامیز کؤچورن: بولاق

شعر: کریم چایچی آجی‌دیر، چوخ آجی‌دیر، بیر قورشون گؤزونه باخیب اوچماماق..‌.

🍃 سئویملی شاعریمیز اوستاد حبیب فرشبافا اتحاف باخیشین ماوی‌دیر، گؤزلرین دنیز؛ دنیز ماوی‌لیک‌له دوغولوب ائکیز. بعضا دالغالانیر باخیشیندا غم، بعضا ده گؤرورم سئوینج لپه‌له‌نیر دنیز گؤزوندن؛ غمین ده ماوی‌دیر سئوینجلرین ده. دالیرام گؤزونون ماویلییینه؛ ماوی باخیشین‌لا اوچورام یئنه- ماوی دیلک‌لرین گؤی ‌قورشاغینا؛ اوردا گونشله‌نن آرزولارینی تاپیرام گئجه‌نین آغ سحرینده؛ آرزوندا ماوی‌دیر، اومیدلرین ده. ماوی باخیشین‌لا قوشالاشاندا سئویرم دالغانی، سئویرم غمی. دنیز گؤزلرینله قوجاقلاشاندا سوزورم سئوینجله بوتون عالمی. اردیبهشت ۱۳۷۰ ✍🏿 ائلدار موغانلی

🍃 سئودیجه‌ییم شئعیر، سونونجو سیغناق. جنون شه‌هرینده یاغمورلارا یاغمالاناراق چاریق‌سیز چتیرسیز سؤز دیلنمه‌ییم. دوم آغ کؤینه‌ییمین دؤشونده سون باهاردان اوغورلانمیش پارتلاق نار یولومو گؤزله‌ییر قارانلیق باهار. ✍🏿بهروز صدیق @behruz.sediq #سربست_شعر #بولاق_درنه_یی #بهروز_صدیق