اؤیکوموز
مودئرن ادبیات بیزیمله ایلگی: @azoyku آذربایجان تورکجه سینده حیکایه و ادبی تنقید اثرلرینیزی بیزه گؤندرین
Mostrar más344
Suscriptores
Sin datos24 horas
Sin datos7 días
+230 días
- Suscriptores
- Cobertura postal
- ER - ratio de compromiso
Carga de datos en curso...
Tasa de crecimiento de suscriptores
Carga de datos en curso...
Repost from جایزه مهرگان
00:34
Video unavailableShow in Telegram
پنج کتاب راهیافته به مرحله نهایی جایزه مهرگان ادب زبان مادری
@mehreganprize_fa
پنج_کتاب_زبان_مادری_راهیافته_به_مرحله_نهایی_جایزه_مهرگان_ادب.mp44.86 MB
Repost from ایشیق | Ishiq
رقیه کبیری «مهرگان ادبی اؤدولو»نو قازاندی
admin
رقیه کبیری «مهرگان ادبی اؤدولو»نو قازاندی تانینمیش آذربایجان یازیچیسی رقیه خانیم کبیرینین «مر آغاجینین کهربا گوزلری» آدلی رومانینین فارسجا ترجومهسی مهرگان ادبی اؤدولونون ۲۱-۲۲جی دورهسینده، آنا دیلیندن فارسجایا ترجومه اولونان ۲۵ عنوان اثر آراسیندا بیرینجی یئری قازاندی. حؤرمتلی یازیچیمیز رقیه خانیم کبیرینی بو موناسیبتله تبریک ائدیر، اونا داهادا یارادیجیلیق اوغورلاری آرزولاییریق. رقیه خانیم کبیرینین…
https://ishiq.net/?p=33891
☀@ishiqnet
رقیه کبیری «مهرگان ادبی اؤدولو»نو قازاندی - ایشیق
رقیه کبیری «مهرگان ادبی اؤدولو»نو قازاندی تانینمیش آذربایجان یازیچیسی رقیه خانیم کبیرینین «مر آغاجینین کهربا گوزلری» آدلی رومانینین فارسجا ترجومهسی مهرگان ادبی اؤدولونون ۲۱-۲۲جی دورهسینده، آنا دیلیندن فارسجایا ترجومه اولونان ۲۵ عنوان اثر آراسیندا بیرینجی یئری قازاندی. حؤرمتلی یازیچیمیز رقیه خانیم کبیرینی بو موناسیبتله تبریک ائدیر، اونا داهادا یارادیجیلیق اوغورلاری آرزولاییریق. رقیه خانیم کبیرینین همن […]
Photo unavailableShow in Telegram
2023 نوبئل ادبیات اؤدولو قازانان آد بللی اولدو.
📚 سونوجلاری دونیانین هر یئرینده ماراقلا گؤزلهنن، اوزهرینده بحثلر آچیلان 2023 نوبئل ادبیات اؤدولو، نوروئژلی یازار "ژان فوسئ"نین اولدو.
📘 اؤدول یازارا "سؤیلهنهبیلمزلری دیله گتیرن یئنیلیکچی اویونلاری و دوز یازیلاری ندنی" ایله وئریلدی.
📗1959 دا نوروئژین باتی ساحیلینده دونیایا گؤز آچدی. اؤلکهسینده و اؤلکهسینین خاریجینده چوخ ساییدا پرئستیژلی اؤدول صاحیبیدیر. 1983 ده ایلک قورغو اثری، "قیرمیزی، قارا"دان بو یانا فوسئ دوز یازی، شعر، دئنهمه، قیسا اؤیکو، اوشاق کیتابلاری و قیرخین اوزهربنده اویون یازدی و بونلار 50 پیله چئوریلدی.
📙 ژان فوسئنین کیتابلاریندان "مئلانکولی" "صاباحدان آخشاما" و "اوچلهمه". اثرلری تورکجهیه چئوریلیبدیر.
🔸 قایناق:
Edebiyathaber.net
🔴 اؤیکوموز، آذربایجان مودئرن ادبیات و حیکایه کانالی
❇️ @Oykumuz
عزیز و دیرلی دوستلار
آذربایجان تورکجهسینده حیکایه و یازارلیقلا ایلگیلی پروفسیونال و آغیر سانبال کانال دالیسیندا اولسانیز روایت @Rivayet_merend کانالینا قاتیلابیلرسینیز.
📕 @oykumuz
👍 2
Repost from N/a
📝بو کانالا عضو اولان بوتون یولداشلار چوخ خوش گلمیسیز. ریوایت آدلی بو تلگرام کانالیندان صیرف روایت و اؤیکو اوزرینده باشاردیغیمیز قدر حرفهای و ییغجام بیر شکیلده بحثلریمیز اولاجاق و مطلق حیکایه حوزهسیندن قیراغا چکیلمهیهجییک. بو کانالدا حیکایه و نقدلر، یازار تانیتیمی، اؤیکو قونوسوندا تازا چاپ اولونان کتابلار، کتاب تانیتیمی، مصاحبه و یازارلیق ایچین صحبتلر، تجربهلر و آموزشلر یئر آلاجاق. طبیعی که بوتون اویهلر پایلاشدیغیمیز هر پستا یوروم قویوب و بیزیمله یول بیر اولا بیلرلر و یا اؤز یوروملارینی بو کانالین هیات تحریریهسینه چاتدیرا بیلرلر.
اومودوموز وار بو کانال اؤیکوموزه کیچیک ده اولسا بیر پنجره اولا.
یاشیاسیز
ریوایت کانالینین تحریریه هیاتی
@Rivayet_merend
👍 2
Photo unavailableShow in Telegram
#به_مناسبت_۱_مهر_روز_بازگشایی_مدارس
🔸 یک سال دیگر نیز گذشت، اما زبان مادریم همچنان در حیطه مقولات امنیتی شماست، زبانی که امنیتبخشترین وجه هویتی من است.
🔹 یک سال دیگر نیز گذشت، زبان من را در سرزمین آبا و اجدادیام چونان زبان بیگانه جا زدید، زبانی که محرم اسرار من است.
🔹 درهای مدارس و کودکستانها و ادارات را به روی آن بستید، حال آنکه قفل دلهایمان تنها با کلید آن باز میشود.
🔹 یک سال دیگر نیز گذشت، از آن روزی که تصمیم گرفتید غیر از خودتان کس دیگری را به رسمیت نشناسید، غیر از زبان خودتان زبان دیگری را دوست نداشته باشید، از آن روزی که تخم نفاق و کینه و اختلاف را در بین این مردم کاشتید.
🔹 اما بدانید و آگاه باشید، این زبان خط قرمز ماست، رمز هویتی ماست، فرق فارق ما و شماست،
پیش از ما بوده است و بعد از ما نیز خواهد بود، ممکن است در برههای کوتاه به قهقرا برود، اما همیشه زنده و پویا خواهد ماند.
✍️ غفور امامی زاده خیاوی
📘 اؤیکوموز، آذربایجان مودئرن ادبیات و حیکایه کانالی
❇️ @Oykumuz
👍 2
Repost from ادبیات ائوی
Photo unavailableShow in Telegram
فراخوان اولین دوره جشنواره ادبی سراسی «کیتاب یوردو».
ویژه نوجوانان، جوانان و بزرگسالان.
متن ادبی/ خاطره/ داستان/ شعر/ نمایشنامه/ فیلنامه
موضوع آثار: دریاچه اورمیه
#کیتاب_یوردو
#ادبیات_ائوى
@AdabiyatEvi
منده اوْ گونهجن ياشاماديغيم بير دوُيغو ياراتدي، سئومهديييم بير دوُيغو. اورهييم سيخيلدي. ايکي ساعاتا کيمي اوْردا اوْتوردو. سوْنرا دوُروب گلدي ايچهري. سوکّانين اوستوندهکي گوزگونون اؤنونه گئچدي. گوزگونون قارشيسينا گئچهنده، منيمله دانيشاجاغيني، دردلهشهجهييني بيليرديم. سانکي منيم گؤز-قولاغيم گوزگونون ايچيندهيدي.
«من نئچه گونلوک بير سفَره چيخيرام. ايسفاهان'ا آپاراجاغيم بير يوک وار. سانيرام اوُزاقباشي هفته سوْنونا قاييدا بيلم،» دئيهرک گوزگويه باخدي.
«ائلهيه بيلسم عميمگيله ده باش ووُراجاغام. اؤزون بيليرسن کي!»
هه، بيليرديم. منه نئچه يوْل عميسي قيزي ائلناز'دان دانيشميشدي. اوُشاقليقدان بير بؤيودوکلريني، گونده بيربيرينين ائوينه گئتديکلريني دئميشدي. قوْشويموشلار. ائله بُو ساياق بؤيودوکجه ياواش-ياواش آرالاريندا سئوگي يارانميشدي. ديپلوْم آلاندان سوْنرا ائلناز بيليميوُردوندا اوْخوماق اوچون اوْرمو'يا گئتدي، آما بابک داها درسين آرديني توُتماييب، ايشه گيريشدي. قاييق اوستونده آتاسينين يانيندا ايشه باشلادي. البته اوْندان اؤنجه ده بابک آتاسييلا تئز-تئز گلَردي منيم يانيما. آما مني آتاسي سورَردي. آنجاق آتاسي اؤلَندن سوْنرا بابک اوْنون يئرينه گئچدي. بير مودّت سوْنرا عميسيگيل کنددن کؤچوب اوُرمو'يا گئتديلر. ائلناز درسي بيتيرديکدن سوْنرا عميسيگيل اوْردان تئهران'ا کؤچدولر.
«ايستيرم گؤرم سؤزو نهدير. بئله کي اوْلماز! نئچه ايلدير آوارا قالميشيق. مني ايستميرسه، اوزومه دئسين. داها گيزلنپاچ اوْيناماق نهيه لازيمدير!»
سوْنرا مندهکي وساييليني توْپلاماغا باشلادي. آتاسينين چرچيوهلنميش فوْتوسو، گوندهليک دفتري، بير نئچه کيتاب. هاميسيني شله چانتايا ييغيب بير بوُجاغا قوْيدو. چيخيب اوْتاقجيغين قاباغيندا اوْتوردو. بير پاپروُز آليشديردي. بيرينجي دؤنهيدي پاپروُز چکديييني گؤروردوم. هر دؤنه چاي دملهييب ايچَردي، آما بوُ سفَر چايدان خبر يوْخ ايدي. هئچ چاينييين طرفينه ده گئتمهدي. پاپروُزو قوُرتاراناجان اوْردا اوْتوردو، سوْنرا يئنه قاييديب اوْتاقجيغين ايچينه گلدي. قاييقچينين اوْتوراجاغيندا اوْتوروب، چانتاسيندان دفتري چيخارتدي. اوْنو واراقلادي. صحيفهلريندن قوُرو بير خيشيلتي سسي چيخدي. دفتره باخا-باخا بابك'ين اوزو گولدو.
«قوُلاق آس، قيزيل دوُرنا، گؤر بوُ گونو خاطيرلاييرسان. بوُگون بير تزه بَي-گلينله گؤل گزينتيسينه چيخديق. پئژمان، سوْلماز. دئييرديلر تئهران'دان گليبلر. گئچن هفته توْيلارييميش. اوْغلان اوُجابوْي ايدي، قيز دا دؤرد-بئش بارماق اوْندان آلچاق اوْلاردي. پئژمان بير آز قاراشين ايدي، آما سوْلماز چوْخ گؤزل ايدي. بالآيينا چيخميشديلار. اوست-باشلاريندان بير آز وارلي آداما اوْخشاييرديلار. بير ساعاتين يئرينه اوْنلاري ايکي ساعات دوْلانديرديم. ساغ اوْلسون قيزيل دوْرنا'ني، بيزي ياخشي گزديردي، هميشهکي کيمي. اوْغلان دئييردي يوْلداشلارينين ايسماريجي ايله بوْرا گليبلر. ايکي گونلوک گلميشديلر. کندده بير اوْتاق کيرالاميشديلار. اوچ گوندن سوْنرا اوْنلاري کندده گؤردوم، ايکي گونلري بئش گونه دؤنموشدو. دئديلر بوُراني چوْخ بَيهنديک، سسسيز، هاواسي خوْش، گزمهلي يئردير، يئنه گلهجهييک. يادينا مي؟»
«هه، ياديمدايدي. اوْ گون منيم اوچون ده اوُنودولماز بير گون ايدي. آما اوْنلاري بير داها بوُردا گؤرمهديم.
يئنه دفتري واراقلاماغا باشلادي. دفترين سوْنونا ياخينلاشا-ياخينلاشا گؤزلرينه باشا دوشه بيلمهديييم بير باخيش چؤکدو. واراقلامادي. بير صحيفهيه گؤز تيکدي. نهسه پيچيلدادي. سانيرام صحيفهني اوْخويوردو. نه اوْخودوغونو آنلايا بيلمهديم. پيچيلتيسي بيتَندن سوْنرا کؤکسونو اؤتورهرک دفتري باغلاييب چانتايا قوْيدو. آياغا قالخدي. اوْتاقجيقدان ائشييه چيخدي. اوستومدن آشاغي آتيلدي. هندهوريمه دوْلانيب، هر يئريمي گؤزدن گئچيرتدي. سوْنرا باخيشيني منه زيللهدي. اؤنومده دوُردو. گؤزوندن سوزَن بير داملا ياشي بارماغينين اوُجويلا سيلدي.
«قاييداجاغام، گؤزله مني، قيزيل دوُرنا!» دئييب کنده ساري يوْلونو آلدي.
آيايشيغيندا اوُزاقلاشيردي، هردن قانريليب منه باخيردي. کورهييندهکي چانتا آتيليب-دوشوردو. خئيلَک اوُزاقلاشدي، آما من هله ده اوْنا باخيرديم. سوْندا کندين قاييقسيز ايسکهلهسيندن سوْووُشوب گؤزدن ايتدي.
سحر آچيليب-آچيلماميش کندين ايسکهلهسيندن بير مينيک ماشيني ايله بير يوک ماشينينين بيزه ساري گلديييني گؤردوم. چوْخ چکمهدي گليب قاييقلارين بوُراخيلديغي يئره چاتديلار. مينيک ماشينيندان افشين ائندي، يوک ماشينيندان دا كاظيم بير نئچه آيري کيشييله ائنديلر. هاي-کوي دوشدو.
«هه، ائله بوُ قيرميزي قاييقدان باشلايين. دميرکسَنله بير-بير اوْنلاري پارچالايين،» كاظيم دئدي.
#اؤیکو
#اورمو_گؤلو
بابک'دن سوْنرا
او گون منيم پارچالانيب ساتيلديغيم گونويدو. نئچه کيشي بيزي گؤرمهيه گلدي. اوْنلارين دانيشيغيندان باشيميزا نه گلهجهييني سئزديم. بيريندن باشقا، اوْ گونهجن هئچ بيريني گؤرمهميشديم. افشين'ي قاباقلار نئچه دفعه بابک'ين يانيندا گؤرموشدوم. گئچميشده کنده گلَنده گؤل گزينتيسينه چيخارکن نئچه يوْل بيزيمله گلميشدي. چوْخ دانيشيردي، تئهران'دا ياشاديغيندان، خاريجي اؤلکهلري گزديييندن، خزر'ين ساحيليندهکي ويلاسيندان. حتّا بير دفعه مني بابک'دن ساتين آلماق ايستهميشدي.
افشين'ين يانيندا ايکي آيري کيشي ده وار ايدي، اوْرتاياشلي گؤرونوردولر. ساققالليسي ايشچي پالتاري گئيميشدي، بيغليسينين اَينينده ايسه افشين کيمي قارا پئنجک-شالوار وار ايدي. يوُخاري چيخيب اوستومدهکي اوْتاقجيغا، اونون ايچيندهکي سوکّانا، ايکي سيرالي قوْشا اوْتوراجاقلارا، دوْلابا، گوزگويه گؤز دوْلانديرديلار. اوْ يان بوُ يانيمي ياخشيجا اينجهلهديلر. سوْنرا يئره ائنيب، هندهوريمده گزينهرک، ائشيکدن ده اوز-گؤزومه باخديلار. ساققاليسي اوزونو اوْ بيري کيشييه چئويردي.
«هه، نه دئييرسيز، آغا ساسان؟»
ساسان هله ده منيم اوز-گؤزومه باخيردي. افشين'سه گؤزونو اوْنلارين آغزينا تيکميشدي. آغزي آچيق قالميشدي.
کيشي، ساسان'ين جاوابيني گؤزلهمهدي. «منجه ياخشيدير، بوُ قاييغين دمير-دومورو تبريز'ده ياخشي پوُلا گئدَر،» دئدي. آغزي-گؤزونون سوُيو آخدي.
افشين، «ائلهدير، كاظيم دوز دئيير،» دئيه ساسان'ا ياخينلاشدي.
ساسان، «هه، ياخشيدير. گئدَک اوْ بيري قاييقلارا دا باخاق،» دئدي.
مندن اوُزاقليقدا بير سيرا کيچيک قاييق دا وار ايدي. نئچهسي دميردن، نئچهسي ده آغاجدان ايدي. هاميميز دوُزا باتيب قالميشديق. آراميزدا فاصيله چوْخ ايدي، سسيميز بيربيريميزه آيدين چاتميردي. البته اوُزاقداکي ايکي آغاج قاييق بيربيرينه ياخين ايدي. سانيرام دانيشا بيليرديلر. بير طرفده ده ايکي دمير قاييق دؤرد-بئش مئتير آرايلا دايانميشدي. اوْنلار دا هردن اوُجا-اوُجا بيربيرييله دانيشيرديلار. آما اوُزاق اوْلدوقلارينا گؤره سادهجه گورولتوسو گليب چاتيردي منيم قوُلاغيما. گؤرونن يئرلرده سوُدان خبر يوْخ ايدي، تکجه چوْخ اوُزاقدا، گؤزون گؤره بيلهجهيي اوفوق خطينده، گونشين باتديغي يئرده سوُيا بنزَر نهسه هردن پاريلداييردي. اوْ دا ايلغيم ايدي من بيلهلي. بير طرفده ده کند قالميشدي. کندده کيمين اوْلوب-اوْلماديغيني بيلميرديم. سوُلو گونلرده هر گئجه کندين ايسکهلهسينده دينجهلرديم، اوْ بيري قاييقلارلا بيرليکده کنددن خبريم اوْلوردو. آما چوْخدان ايدي کنده ياخينلاشا بيلمهميشديم. سادهجه هردن بعضي آداملارين سسيني، ماشين، موْتور قيژيلتيسيني ائشيديرديم. سوْن گونلرده بؤيوک ماشينلارين گورولتوسو چوْخالميشدي.
اوْرداکي قاييقلارين بوتون گونلري بيربيرينه بنزهييردي. بابک'ين گلمهدييي ايلک آيدا هله آياغيميزين آلتيندا بير آز سوُ وار ايدي. دوْداقلاريميز قوُروماميشدي. آما اوْ ايلکي ايستي ياي گونلريندن سوْنرا هر نه قوُرودو. گونش چيخاندان باتاناجان هر يئر آغآپپاق پاريلداييردي. گؤزوموز قاماشيردي. داها آخشام دوشَنده ده گؤزوموز قاراليردي. گئجهلر ده کي قورو يئرده ياتماق اولموردو. سويوق اولوردو. هله دوز، پاس کسميش يئرلريميزه دَيهنده، گؤينَرتيدن گؤزوموزون ايشيغي چکيليردي. هردن ياغيش ياغيردي، چالا-چوُققورو دوْلدورودو، قوُشدان-زاددان گليب سوُ ايچيب گئديردي. هردن ده يئل اسيردي، توْز قوْپوردو. گليب-گئدن يوْخ ايدي.
بابک'دن خبرسيز قالديغيمين بير ايلي اؤتموشدو. هئچ بئله دئييلدي، گؤل گزينتيسينه داها چيخا بيلمهيهجهييميز ايلک گون منه، هئچ اوْلماسا ايکي گوندن-بير گليب دَيهجهييني دئميشدي. ايلک آيلاردا ائله گليب باش ووُروردو منه، سوْنرالار نئچه گوندن-بير اوْلدو. دئييردي باغيشلا، هردن اوُزاق شهَرلره يوک دوشور، اوْنا گؤره ده نئچه گون کنده گله بيلميرم. آنجاق گلمهديييي گونلر بير هفتهني اؤتموردو. آما ايندي بير ايلدن چوْخ ايدي گلمهميشدي. هر دؤنه گلَنده منيم اوست-باشيما باخيردي، سيليب-سوپوروب تميزلهييردي. اوستومده هر يئرين قيرميزي بوْياسي تؤکولموش اوْلسايدي، يئريني سوُمباتا ايله سورتوب، يئنيدن بوْياييردي. هر گلدييينده هئچ اوْلماسا منيم يانيمدا بير چاي قوْيوب ايچيردي. بيرليکده گئچيرتديييميز اسکي گونلردن دانيشيردي. سوْنرا گئديب ياخينداکي بوتون قاييقلارا يئتيشيردي. هردن-بير اوْنلارين دا اوست-باشينا ال چکيردي.
گئديب قاييتماديغي گوندن بير گون اؤنجه بوُرا گلدي. آخشام اوستويدو. هميشهکي بابک دئييلدي. توُتقون گؤرونوردو. اؤنجه قاباغيمداکي دوُز ديککهسي اوستونده اوْتوردو. سوُسموشدو. بير آزدان نهسه ميزيلداماغا باشلادي. سوْنرا سسيني اوُجالتدي. ائشيتمهديييم بير ماهنيني اوْخودوغونو باشا دوشدوم.
فهلهلردن اوچو يوک ماشينينين داليندان اوُزون بير کپسوُل، اوْنون يانيندا شيلنگدن قوُيروغو اوْلان تاپانچايا بنزر بير شئي گتيريب، منيم يانيمدا يئره قوْيدولار.
كاظيم قيشقيراراق، «اوْتاقجيقدان باشلا،» دئدي.
ايري گؤودهلي بير فهله چاخماغي چکيب، شيلنگين باشينداکي مشعلي يانديردي. آلوْووُن فيشقيرتيسي بيردن سپهلندي. بير آندا ايستي بير شئي بوْغازيما توْخوندو. چيريلتي قوْوزاندي، يانيق قوْخوسو چيخدي. بوْغازيمدان اطرافا ايشيلتي ديرَکلندي. بوتون گؤودهمي قيزديرما بورودو.
من بوُ راحاتليغا بوْنلارا جان وئرهسي دئييلديم. داياناجاقديم، دايانماقدا قرارلييديم.
فهله، «نه قالين دميري وار، ميراثا قالميشين!» دئيه قوْرولداندي.
مني کسَن فهلهنين گؤزونده قارا گؤزلوک وار ايدي. آلنيندان تر آخيردي.
کسيلمکدهيکن كاظيم'ين افشين'ه ياخينلاشديغيني گؤردوم.
«بوُ قاييق هاميسيندان بؤيوکدور، دئيهسن،» دئدي كاظيم.
افشين، «هه، اوْ بيريلر کيچيکدير. بابک ايندي ديري اوْلسايدي، دَدهميزي يانديراردي. قاييغيني گؤر نه گونه قوْيدوق،» دئييب شينيدي.
«يييهسيني تانيييردين؟»
«هه، اوُشاقليق يوْلداشيم ايدي. گؤل قوُروياندان سوْنرا قاييقلا ايشلهيه بيلمهدي. بير وانئت آليب يوک داشيماغا باشلادي. ائشيتديييمه گؤره تئهران'دان قاييداندا ماشيني يوْلدان چيخيب آشميشدي.»
«هه، يازيق، جاوان اؤلوب!.. ترپهنين اوُشاقلار. اوْ بيري قاييقلارين دا ايشيني قوُرتارين، گوناوْرتاياجان دمير-دومور بازاريندا اوْلاق.»
بوتون گؤودهمي يانغين چوُلغالادي، ايچيمده اريمهيه باشلاديم، ديرَنجيمي ايتيرديم. گؤزلريم قارالدي. عؤمرومده دادماديغيم آغريلار تؤکولوشدو اوستومه. اَيلج جيريلتيسي قوْوزاندي، بابک'ين سسي گلدي. قاييق قالماغيمدان اوُتانديم.
اؤزومه گلديکده بئش-آلتي پارچايا بؤلوندويومو گؤردوم. فهلهلر پارچالاريمي ماشينا يوکلهمهيه باشلاديلار. كاظيم اوُجا-اوُجا دانيشاراق فهلهلره گؤستَريش وئريردي.
يوک ماشيني باغيرا-باغيرا يوْلا دوشدو. ماشينين آرخاسينجا توْز قوْپوردو. پارچالاريم بيربيرينه دَييب تاققيلداييردي.
بوُگون منيم پارچالانيب ساتيلديغيمين بير ايلي دوْلدو.
✍️ سعید نجاری
📘 اؤیکوموز، آذربایجان مودئرن ادبیات و حیکایه کانالی
❇️ @Oykumuz