Migratsiya agentligi

#Алдов_Ваъдалари ❓Миграцияни режалаштираётганлар учун қайси ваъда хавф белгиси эканини биласизми? 🎯 Ҳар қандай гапга ишонишдан олдин шу карточкани бир марта ўқиб чиқинг. 📢 Хабарни хорижда ишламоқчи бўлган дўстингизга юборинг! 👉 @uzmigration

🇺🇿🤝🇰🇷 Миграция агентлиги томонидан яна 140 нафар юртдошимиз Жанубий Кореяга ташкилий тарзда кузатилди.

🚢 Жўнаб кетганларнинг 80 нафари Фарғона вилоятида амалга оширилган Улсан шаҳри учун малакали кадрлар тайёрлаш лойиҳаси битирувчилари бўлиб Hyundai Heavy Industries корхонасида иш бошлайдилар. 🏭 Қолган 40 нафари одатдаги танловларда иш берувчилар томонидан танланган ва Кёнггидо, Кангвондо провинциялари ҳамда Инчхон шаҳарларидаги ишлаб чиқариш корхоналарида фаолият олиб борадилар.

Маълумотучун: 2026 йил 4-мартдан 17-мартгача бўлган йилнинг 1 танловида Кореянинг SPAS электрон базасидаги 253 нафар номзод, 22-майдан 11-мартгача бўлган 2- танловда 470 нафар номзод Корея иш берувчилари томонидан танланиб Агентликка меҳнат шартномалари келган. Жорий йилда яна 3 та танлов бўлиб ўтиши кутилмоқда. 📢 Хабарни тарқатинг! 👉 @uzmigration

⚠️ «JOBEX XUSUSIY BANDLIK AGENTLIGI» МЧЖ ЛИЦЕНЗИЯСИНИНГ АМАЛ ҚИЛИШИ ВАҚТИНЧА ТЎХТАТИЛДИ Миграция агентлигининг 2026 йил 6 июлдаги 5-сон қарорига асосан «Jobex xususiy bandlik agentligi» МЧЖга берилган лицензиянинг амал қилиши 10 (ўн) кун муддатга тўхтатилди.

Ушбу қарор Агентлик томонидан ўтказилган текширувда қонунчилик талаблари бузилганлиги аниқланиб, қоидабузарликларни бартараф этиш бўйича берилган кўрсатмалар белгиланган муддатда бажарилмаганлиги муносабати билан қабул қилинди.

❗️Фуқаролардан мазкур хусусий бандлик агентлиги лицензиясининг амал қилиши тиклангунига қадар хорижда ишга жойлашиш билан боғлиқ шартномалар тузмаслик ҳамда ушбу хизматлар учун тўловларни амалга оширмаслик сўралади. 📌 Эслатиб ўтамиз, хусусий бандлик агентликларининг лицензия ҳолати ҳақидаги маълумотларни Миграция агентлигининг расмий манбалари орқали текширишингиз мумкин👇 https://gov.uz/uz/migration/activity_page/xususiy-bandlik-agentliklari_ 🤝 Хавфсиз меҳнат миграциясини танланг! Хорижда ишга жойлашишда фақат расмий ва ишончли манбаларга мурожаат қилинг. 📢 Хабарни тарқатинг! 👉 @uzmigration

🇮🇹 Италия ОАВ: Ўзбекистон — Италия учун ишончли меҳнат ҳамкори 📰 Италиянинг етакчи иқтисодий нашрларидан бири Il Sole 24 Ore Ўзбекистон ва Италия ўртасида меҳнат миграцияси соҳасида йўлга қўйилаётган ҳамкорликка бағишланган махсус лавҳани эълон қилди.

🤝 Лавҳада Ўзбекистон Республикаси Миграция агентлиги Италия иш берувчилари учун ишончли давлат ташкилоти сифатида тилга олиниб, номзодларни танлаш ва ишга жалб қилиш жараёнларини тўғридан-тўғри ҳамкорлик асосида ташкил этиш муҳимлиги, бу ўзбекистонликлар учун қонуний, хавфсиз ва муносиб меҳнат шароитларини таъминлаш, Италия иш берувчилари учун эса ишончли кадрлар базасини шакллантиришга хизмат қилиши таъкидланган.

Сиз ҳам Италияда ишлашни режалаштираётган бўлсангиз XORIJDA ISH платформасида берилган вакансия учун ариза қолдиринг! Манбаа 📢 Хабарни тарқатинг! 👉 @uzmigration

#сайёр_қабул 📌 Миграция агентлиги раҳбари ўринбосари Элёр Тоштемиров бошчилигидаги ишчи гуруҳ Бухоро вилоятида сайёр қабул ўтказди ва халқаро меҳнат бозори учун мутахассислар тайёрлашга қаратилган лойиҳалар билан танишди.

📝 Қабулда 48 нафар фуқаро иштирок этди. Мурожаатларда асосан - хорижда ишга жойлашиш, меҳнат ҳуқуқларини ҳимоя қилиш, хориждан қайтган фуқароларни бандликка йўналтириш, касб-ҳунар ва тил курсларида ўқиш ҳамда хорижда ишлаш учун зарур ҳужжатларни расмийлаштириш масалалари кўтарилди. Улардан 20 таси жойида ҳал этилди, қолган мурожаатлар бўйича тегишли чоралар кўрилмоқда. 📚 Шунингдек, раҳбар ўринбосари халқаро Россиянинг «Обнефтремонт» ва «Еврокор» ташкилотлари билан ҳамкорликда йўлга қўйилган бепул касбий ўқув курслари ҳамда Руминиянинг«Remarkable Consulting» компанияси талаблари асосида ташкил қилинган Код-95 дастурининг ўқув жараёнлари кўздан кечирилди.

🚛 Код-95 дастури - Европа давлатларида халқаро юк ташувларида фаолият юритиш учун зарур малака ва сертификатни қўлга киритиш имконини берса, бошқа ўқув курслари нефть-газ, қурилиш ва бошқа талаб юқори бўлган соҳалар учун мутахассисларни тайёрлаш ҳамда хорижда юқори даромадли иш ўринлари билан таъминлашга қаратилган. 📢 Хабарни тарқатинг! 👉 @uzmigration

Фаол ёшлар — кучли жамоанинг асоси 🤝 Миграция агентлиги раҳбари Беҳзод Мусаев Жаҳон иқтисодиёти ва дипломатия университети талабалари билан учрашиб, меҳнат миграцияси соҳасини такомиллаштириш ҳамда хорижда ишлаш истагида бўлганларни тайёрлашда қайси жиҳатларга эътибор қаратиш лозимлиги бўйича таклифларини тинглади. 💬 Мулоқотда талабаларнинг ташаббуслари, замонавий ёндашувлари ва соҳага оид фикрлари муҳокама қилинди.

👏 Шунингдек, Агентликда 3 ойдан буён амалиёт ўтаётган ва ишга бўлган иштиёқини намоён этган талабалардан бирини белгиланган тартибда ишга қабул қилиш тавсия этилди.

📢 Хабарни тарқатинг! 👉 @uzmigration

🎙 ХОРИЖДАГИ ЮРТДОШЛАР УЧУН КАТТА ИМКОНИЯТ! 🇺🇿 Хорижда меҳнат қилаётган Ўзбекистон Республикаси фуқаролари ва ватандошлар ўртасида “Ватан садоси” республика кўрик-танловига старт берилди. 🤝 Миграция агентлиги ҳамда Маданият вазирлиги ҳамкорлигида ўтказилаётган мазкур танлов миллий қўшиқчилик ва чолғу ижрочилиги санъатини тарғиб қилиш, истеъдодли юртдошларимизни қўллаб-қувватлаш ҳамда уларнинг ижодий салоҳиятини намоён этишга хизмат қилади. 🎶 Агар сиз қўшиқ ижро этсангиз ёки миллий чолғу асбобларида маҳорат билан куй чалсангиз, ушбу танловда иштирок этиш имкониятини қўлдан бой берманг. 🏆Муносиблар қуйидаги пул мукофотлари билан тақдирланади: 🥇 1-ўрин — 100 миллион сўм 🥈 2-ўрин — 80 миллион сўм 🥉 3-ўрин — 50 миллион сўм 📆 Аризалар июль ойи охирига қадар қабул қилинади. Ғолиблар Маданият вазирлигининг маҳсус комиссияси томонидан аниқланади ва Ўзбекистон Республикаси Мустақиллигининг 35 йиллиги байрами арафасида тантанали равишда эълон қилинади!

📌 Танловда иштирок этиш тартиби: 1⃣ Аввало xorijdaish.uz платформасида рўйхатдан ўтинг; 2⃣ Шахсий кабинетиингиз орқали “Ватан садоси” республика кўрик-танлови учун ариза тўлдиринг ва иштирок йўналишини (қўшиқчилик ёки чолғу ижрочилиги) танланг; 3⃣ Ижро этадиган асарингиз номини киритинг; 4⃣ Жонли ижро қилинган видеони YouTube, Instagram, Telegram, TikTok, Facebook, VK, Odnoklassniki, Rutube ёки Google Drive платформаларидан бирига юкланг; 5⃣ Видео ҳаволасини (линкини) аризадаги «Видео ҳаволаси» майдонига киритиб, аризангизни юборинг.

👉АРИЗА ЮБОРИШ👈 🌍 Қаерда бўлишингиздан қатъи назар, истеъдодингизни намоён этинг, миллий санъатимизни янада кенг тарғиб қилинг ва “Ватан садоси” республика кўрик-танловининг ғолиби бўлинг! 📢 Хабарни хорижда ишлаётган дўстингизга юборинг! 👉 @uzmigration

#жараён 🤝 Франциядаги мавсумий қишлоқ хўжалиги ишлари учун навбатдаги муҳим босқич ўтказилди! Иш берувчи давлат вакили номзодлар билан тўғридан-тўғри суҳбат ўтказди. 🌾 Унда пилот лойиҳа иштирокчиларининг иш тажрибаси, мулоқот маданияти ҳамда тил билиш даражаси баҳоланди. 💬 Хўш, ўзбек мутахассисларига қандай баҳо берилди? 🎥 Бу ҳақда видеода билиб олинг! 🇺🇿➡️🇫🇷 Хавфсиз ва қонуний меҳнат миграцияси йўлидаги яна бир муҳим жараёндан лавҳалар. 📢 Хабарни тарқатинг! 👉 @uzmigration

❗️ ОТА-ОНАСИЗ БЕГОНА ЮРТДА ҚОЛИБ КЕТГАН 6 ЁШЛИ БОЛАЖОН ВАТАНГА ҚАЙТАРИЛДИ Москва шаҳрида фарғоналик 6 ёшли Абубакр ота-онасининг нолегал ҳолатда бўлгани сабабли депортация қилингач, қўшнилар қўлида қолиб кетган. Унинг аҳволи ҳақидаги мурожаатдан сўнг, Миграция агентлигининг Фарғона вилояти филиали ва Москва шаҳридаги Ваколатхонаси томонидан зудлик билан ташкилий ва ҳуқуқий чоралар кўрилди. Самарали саъй-ҳаракатлар натижасида болажон авиация ходимлари кузатуви остида хавфсиз тарзда Ўзбекистонга қайтарилиб, яқинларига топширилди. ‼️ Хорижий давлатларда бўлиб туриш қоидаларига риоя қилинг. Ноқонуний миграция — фақат сиз эмас, фарзандингиз тақдирига ҳам хавф! 📢 Хабарни тарқатинг! 👉 @uzmigration

🇬🇧Англияда мавсумий иш дастурида ишлаётганлар учун ҳуқуқий ёрдам хизмати Ўзбекистон Республикасининг Буюк Британиядаги Элчихонаси ҳамда Unseen ва Seasonal Worker Scheme Taskforce ҳамкорлигида, Seasonal Worker Support Line — мавсумий ишчилар учун бепул ва интерфаол ёрдам хизмати ишга туширилди.

📌 Хизмат мақсади: Мавсумий ишчиларнинг иш ҳақи, иш соатлари, турар жой, хавфсизлик ва иш шароитлари бўйича муаммоларини қабул қилиш ҳамда тегишли ташкилотларга тезкор йўналтириш.

⚠️ Агар сиз хавфли вазиятда бўлсангиз, дарҳол 999 рақамига қўнғироқ қилинг. 📞Қўнғироқ қилинг ва QR-кодни сканер қилиш орқали боғланинг: Телефон: 0800 315 049 Telegram: https://t.me/SeasonalWorkersScheme_Bot WhatsApp: https://wa.me/447783524846 Email: swsline@unseenuk.org Веб: unseenuk.org/seasonal-worker-support-line Иш вақти: 08:00 – 21:00 🌐 Хизмат 260 дан ортиқ тилда маслаҳат ва амалий ёрдам кўрсатади. 📢 Хабарни тарқатинг! 👉 @uzmigration

#БирМамлакатБирТаҳлил 🇱🇻 Латвияда ишлаш қандай имкониятларни тақдим этади? Европада расмий меҳнат фаолиятини бошлашни режалаштираётганлар учун Латвия сўнгги йилларда энг талаб юқори бўлган йўналишлардан бирига айланмоқда. 📹 Агар сиз ҳам Латвияда расмий ишлаш имкониятлари ҳақида ишончли маълумот излаётган бўлсангиз, ушбу видеони албатта кўринг ва XORIJDA ISH телеграм каналимизда берилган вакансия бўйича рўйхатдан ўтинг. 💬 Саволларингизни инстаграм саҳифамида изоҳларда қолдиринг. Кейинги сонларда бошқа давлатларнинг меҳнат бозорини ҳам таҳлил қилиб борамиз. 📢 Хабарни тарқатинг! 👉 @uzmigration

🇺🇿🇮🇹 ИТАЛИЯДА ИШЛАШ УЧУН ЯНГИ ДАСТУР! 💶 ЎЗБЕКИСТОНЛИКЛАР УЧУН ЙИЛИГА 200 МИНГ ЕВРО АЖРАТИЛМОҚДА Миграция агентлиги ва Италиянинг “Sviluppo Lavoro Italia” ташкилоти ўртасида янги лойиҳа йўлга қўйилди. 🔹 Лойиҳа ташаббускори: Италия Республикаси Меҳнат ва ижтимоий сиёсат вазирлиги 💶 Молиялаштириш: Европа Иттифоқининг “FAMI 2021–2027” (Asylum, Migration and Integration Fund) жамғармаси ҳисобидан жами 13 миллион евро. 🔹 Мақсади: хорижий давлатлар фуқароларининг Италияга қонуний меҳнат миграцияси каналлари орқали киришини рағбатлантириш, уларни малакали мутахассис сифатида тайёрлаш ҳамда Италия меҳнат бозорига муваффақиятли интеграция қилиш. 🔹 Қандай имкониятлар берилади? ✔️ касбий тайёргарлик ✔️ итальян тили бўйича курслар ✔️ жўнаб кетишдан олдин комплекс тайёргарлик ✔️ Италия меҳнат бозорига мослашиш 🔹 Қамров: 3 та мамлакатдан жами 300 нафар иштирокчи (ҳар бир давлатдан 100 нафардан) 🔹 Ўзбекистон учун: 200 000 евро ажратилган 🔥 ЭЪТИБОРЛИ ЖИҲАТ: Италия иш берувчилари томонидан юқори даромадли иш ўринлари бўйича дастлабки буюртмалар аллақачон шаклланган. 📲 Бизни кузатиб боринг мазкур вакансиялар “XORIJDA ISH” канали орқали эълон қилинади. 📢 Хабарни тарқатинг! 👉 @uzmigration

Ижтимоий тармоқдаги бир пост инсон тақдирини ўзгартирди Москвада оғир аҳволда яшаб келаётган ўзбекистонлик ҳақида бефарқ бўлмаган маҳаллий фаол Facebook’да пост қолдирди.

Аниқланишича, оққўрғонлик Абдувоҳид ака 2003 йилда Ўзбекистондан чиқиб кетган, вақт ўтиши билан ҳужжатларини йўқотган ва оғир ҳаётий шароитда қолиб кетган.

📌 Миграция агентлиги томонидан қисқа муддатда унинг шахси аниқланди, Ўзбекистондаги яқин қариндошлари топилди, қайтиш учун зарур ҳужжатлар расмийлаштирилди, авиачипта олиб берилди ва Ватанга қайтарилди. 🫶 Бугун у 23 йиллик айрилиқдан сўнг ўз уйида, оиласи бағрида. Бир инсоннинг тақдирига бефарқ бўлмаганлар саъй-ҳаракати натижа берди. ❗️Хорижда ишлаш даврингизда мушкул вазиятга тушсангиз Миграция агентлигининг 📞 1282 қисқа рақами ёки телеграмдан @huquqiy_yordam_uzbot га мурожаат қилинг. 📢 Хабарни тарқатинг! 👉 @uzmigration

#Migration_Update 🇩🇪 Пенсияга чиқувчилар сони ортиб бормоқда: Германияга яна миллионлаб ходимлар керак Германиянинг Иқтисодиёт институти (IW) таҳлилларига кўра, 2036 йилга бориб мамлакатда ишчи кучи салоҳияти 4,3 миллионга қисқариши мумкин.

Қарийб 20 миллион “беби-бумер” авлоди вакиллари босқичма-босқич пенсия ёшига етиб бормоқда. 2036 йилгача ҳар йили ўртача 1,3 миллион ходим пенсияга чиқса, меҳнат бозорига кириб келаётган ёшлар тахминан 800 мингни ташкил этаяпти. Мутахассислар мамлакат иқтисодиёти ва ижтимоий тизимини барқарор сақлаш учун хорижий малакали кадрларни жалб қилиш муҳим аҳамият касб этишини таъкидламоқда.

📌 Миграция агентлиги томонидан Германияда ишлашни режалаштираётган ҳамюртларимиз учун қонуний ва хавфсиз меҳнат миграцияси доирасида 200 дан ортиқ иш ўринлари таклиф этилади 👇 1. Қурилиш соҳаси 2. Юк машинаси ҳайдовчиси 3. Автобус ҳайдовчиси 4. Ҳамширалик 1 5. Ҳамширалик 2 📢 Хабарни тарқатинг! 👉 @uzmigration

Миграция агентлиги раҳбарияти ва ходимларига нисбатан тарқатилаётган асоссиз маълумотлар юзасидан Сўнгги вақтларда айрим Telegram каналлари ва бошқа интернет ресурсларида Миграция агентлиги раҳбарияти ҳамда ходимларига нисбатан ҳақиқатга тўғри келмайдиган, текширилмаган ва бир томонлама талқин қилинган маълумотлар тарқатилмоқда. Мазкур ҳолатлар бўйича ваколатли ҳуқуқни муҳофаза қилувчи органлар томонидан қонунчиликда белгиланган тартибда текширув ва тергов ҳаракатлари олиб борилмоқда. Текширув натижаларига кўра барча ҳолатларга ҳуқуқий баҳо берилади. Шу муносабат билан жамоатчилик эътиборини шу нарсага қаратамизки, давлат органлари ва уларнинг мансабдор шахслари фаолиятига оид ҳар қандай маълумотлар фақат расмий манбалар ва ишончли далилларга асосланган ҳолда баҳоланиши лозим. Айрим интернет ресурслари орқали шахсий маълумотларни тарқатиш, шаън ва қадр-қимматга путур етказувчи маълумотларни эълон қилиш, шунингдек, жамоатчиликни чалғитишга қаратилган ҳаракатларга нисбатан қонунчиликда белгиланган тартибда чоралар кўрилади. Миграция агентлиги ўз фаолиятини очиқлик, қонунийлик ва жавобгарлик тамойиллари асосида давом эттирмоқда ҳамда ҳуқуқни муҳофаза қилувчи органлар билан ҳамкорликда барча ҳолатларга ойдинлик киритилишини таъминлайди. Жамоатчилик ва оммавий ахборот воситалари вакилларини фақат расмий ахборот манбаларига таянишга чақирамиз. Миграция агентлиги матбуот хизмати 20 июнь 2026 йил.

🇺🇿🤝🇩🇪 Германия Президенти ўзбекистонлик ёшлар учун яратилаётган янги имкониятлар билан танишди Ўзбекистонга расмий ташриф билан келган Германия Федерал Президенти Frank-Valter Shtaynmayer ва Германия Биринчи хоними Elke Byudenbender мамлакатимизда меҳнат миграцияси ва профессионал таълим соҳасида амалга оширилаётган лойиҳалар тақдимоти билан танишдилар.

Тақдимотда хорижда меҳнат фаолиятини юритишни мақсад қилган ёшлар учун яратилган имкониятлар, халқаро стандартлар асосидаги тайёргарлик дастурлари, немис тилини ўқитиш ҳамда Германия меҳнат бозори билан тўғридан-тўғри боғловчи ҳамкорлик механизмлари намойиш этилди. Бугунги кунда Германиянинг 38 та йирик компания ва ташкилоти билан ҳамкорлик йўлга қўйилган бўлиб, ўзбекистонлик мутахассислар учун 73 мингдан ортиқ бўш иш ўрни таклиф қилинган. Ҳозирга қадар 5,5 минг нафар номзод мазкур вакансиялар бўйича танлаб олинган.

Ташриф давомида Frank-Valter Shtaynmayer немис тили ва замонавий касбларни эгаллаётган ёшлар билан мулоқот қилиб, уларнинг билим ва малака оширишга бўлган интилишини юқори баҳолади. 📢 Хабарни тарқатинг! 👉 @uzmigration

❗️Хорижда паспортингизни йўқотиб қўйсангиз-чи? Ёки фавқулодда вазиятга тушиб қолсангиз... Бундай пайтда ўша давлатдаги консулликларимизни сиз ҳақингизда маълумоти бўлмаса, зарур ёрдамни олиш жараёни кўпроқ вақт олиши мумкин. ✅ Шунинг учун хорижда яшаётган, ўқиётган ёки ишлаётган ҳар бир фуқаро консуллик рўйхатидан ўтиши тавсия этилади.

📱 Энг яхши томони — энди буни уйдан чиқмасдан, Consular Services Uzbekistan” мобил иловаси орқали амалга ошириш мумкин

🎥 Видеода рўйхатидан ўтишни барча босқичларни қадамма-қадам кўрсатдик! Охиригача томоша қилинг ва хориждаги яқинларингизга ҳам юборинг. Бир неча дақиқа вақтингиз келажакда катта муаммонинг олдини олиши мумкин. Иловани юклаб олиш👇 App Store Google Play 👉 @uzmigration

🇺🇿 ⚽️ Жаҳон чемпионатида иштирок этаётган миллий терма жамоамиз футболчиларига Миграция агентлиги жамоаси ўйинларда омад ва муваффақият тилайди 👉 @uzmigration

🎙 Миграция агентлиги раҳбари Беҳзод Мусаев интервьюсидан: Германия билан миграция ва мобиллик бўйича старт берилган лойиҳалар доирасида 2 минг 500 нафар ўзбекистонлик автобус ва темир йўл мутахассислари Германияда ишга жойлаштирилади. 🔶Талаблар ҳақида видеода батафсил 📢 Хабарни тарқатинг! 👉 @uzmigration

🇺🇿🤝🇩🇪 Миграция агентлигининг Германия билан ҳамкорликдаги икки муҳим лойиҳасига старт берилди Бугун Кўксарой қароргоҳида Ўзбекистон Республикаси Президенти Шавкат Мирзиёев ва Германия Федератив Республикаси Президенти Франк-Вальтер Штайнмайер иштирокида Ўзбекистон ва Германия ўртасидаги қатор йирик лойиҳаларга тантанали равишда старт берилди. 📌 Миграция агентлиги томонидан амалга оширилаётган, ҳар бири 1 миллион АҚШ доллари қийматига эга бўлган икки муҳим лойиҳа ҳам шулар жумласидандир.

🚆 Биринчи лойиҳа — Германиянинг энг йирик темир йўл компанияси Deutsche Bahn билан ҳамкорликда 500 нафар мутахассисни Германия темир йўл соҳаси учун мақсадли тайёрлаш ва уларни юқори даромадли иш ўринларига йўналтириш дастури. 📚 Иккинчи лойиҳа — Германиянинг TELC имтиҳон марказлари тармоғини ташкил этиш ташаббуси. У ёшлар учун Гёте сертификатлари қаторида TELC сертификатини олиш имкониятини яратади. Лойиҳа доирасида ҳар йили 30 мингдан ортиқ юртдошимиз мамлакатимизда имтиҳон топшириб, халқаро даражада тан олинган сертификатга эга бўлиши мумкин.

📹 Видеода старт маросими ва лойиҳалар ҳақида батафсил 📢 Хабарни тарқатинг!

👉 @uzmigration