Migratsiya agentligi

📌📌📌📌📌 ✈️ Чиптангиз тайёр. Чемоданингиз ҳам. Хўш, иш жойингиз ҳақида ҳамма нарсани биласизми?

1️⃣Иш берувчи ким? 2️⃣Шартномада нима ёзилган? 3️⃣Қаерда ишлайсиз ва қаерда яшайсиз?

⚠️ Агар бу саволларга аниқ жавобингиз бўлмаса — учишдан олдин яна бир бор ўйлаб кўринг. ❌ «Боргач ҳал қиламиз», «ҳужжат шарт эмас» деган ваъдалар катта муаммога айланиши мумкин. 📌 Чет-элда ишлашга тайёргарлик чипта олишдан эмас, маълумотни текширишдан бошланади. 📌 Хорижда меҳнат фаолиятини амалга ошириш даврида мушкул вазиятга тушсангиз, Миграция агентлигига мурожаат қилинг. 📞 1282 — қисқа рақам 📲 @huquqiy_yordam_uzbot — 24/7 ҳуқуқий ёрдам 📢 Хабарни тарқатинг! 👉 @uzmigration

🎥 Xavfsiz migratsiya — xavotirsiz hayot

🌍 Xorijda ishlash — tanlovdan boshlanadi. 💼 Tashkillashtirilgan migratsiya — xavfsiz, rasmiy va kafolatli yo‘l. 💰 Qolaversa, kasbiy tayyorgarlikdan o‘tasiz va moliyaviy ko‘mak ham olasiz. ⚠️ Yakka tartibdagi migratsiya — noma’lum, xavfli va himoyasiz qolish ehtimoli. 💸 Hatto qarz ostida qolib ketishingiz mumkin.

🔴 Tanlovingiz to‘g‘ri bo‘lishiga ishonamiz! 📢 Xabarni tarqating! 👉 So‘nggi yangiliklar uchun — @uzmigration

🇬🇧 Инглиз тилини билиш мавсумий ишда қандай имконият беради? Тилни яхши билган ходим оддий ишчи лавозими билан чекланиб қолмай, менежер ёки супервайзер бўлиб ишлаш ва қўшимча ҳақ олиш имкониятига эга бўлади. Буюк Британияда Мавсумий ишчилар схемасида ҳозир ишлаётган ёки сўнгги 3 йилда ишлаб қайтганлар учун бепул онлайн инглиз тили курсига қабул бошланди. 🎓 Саралашдан ўтган 100 нафар иштирокчи: 🔹 5 ой давомида бепул таълим олади; 🔹 дарсларда ўзига қулай вақтда қатнашади. 👩‍💼 Аёлларнинг иштироки алоҳида қўллаб-қувватланади. 👉 Ариза топшириш 👈 🗓️ Аризалар 2026 йил 1 октябргача қабул қилинади. Лойиҳа Миграция бўйича халқаро ташкилот (IOM) ва Миграция агентлиги ҳамкорлигида амалга оширилади. (Ишга жойлаштириш ёки хорижга юборишни назарда тутилмайди.) 📲 Саволлар учун: +998 90 021 50 38 (Telegram) @uzmigration

Buyuk Britaniyada mehnat qilayotgan vatandoshlar bilan birgalikda O‘zbekiston mustaqilligining 35-yilligi nishonlandi Batafsil Батафсил Рус | Eng | Facebook | X | YouTube | Instagram

#ваколатхона_фаолияти 🇺🇿🇰🇷 Кореяда ишлаш даврингизда муаммога дуч келдингизми? Ваколатхонага мурожаат қилинг! Миграция агентлигининг Корея Республикасидаги ваколатхонаси раҳбари Улсан шаҳрида меҳнат фаолиятини олиб бораётган Қорақалпоғистон Республикасидан бўлган юртдошларимиз билан учрашди. Айни пайтда Кореяда Қорақалпоғистондан борган 550 нафар фуқаро истиқомат қилмоқда. Уларнинг 35 нафари «Улсан шаҳрига малакали кадрлар тайёрлаш маркази» лойиҳаси доирасида Е-9 визаси асосида HD Hyundai кемасозлик корхонасида ишламоқда. Мулоқотда юртдошларимизнинг меҳнат ва яшаш шароитлари, иш берувчи билан муносабатлари ҳамда мавжуд муаммолари ўрганилди. Шунингдек, Кореянинг меҳнат ва миграция қонунчилигига риоя қилиш, иш жойини фақат белгиланган қонуний тартибда ўзгартириш, онлайн фирибгарлик, гиёҳвандлик, жиноятчилик ва турли ноқонуний оқимлардан эҳтиёт бўлиш бўйича профилактик суҳбат ўтказилди. Ваколатхона Кореяда меҳнат фаолиятини олиб бораётган ҳамюртларимиз билан мунтазам учрашиб, уларнинг муаммоларини ҳал этиш бўйича тегишли ташкилотлар билан ҳамкорликда чоралар кўрмоқда. ❗️Меҳнат ҳуқуқларингиз бузилса, иш берувчи билан муаммо юзага келса ёки ҳуқуқий ёрдамга эҳтиёж сезсангиз, мурожаат қилишдан тортинманг: Манзил: Сеул шаҳри, Жунг-гу, Жангчунгдан-ро, 213  10-қават, 1003. 📞+82222851341, +82222851343, +821039871661 📍 Локация ☎️ Миграция агентлиги: 1282 🤖 Telegram: «Huquqiy yordam» боти — 24/7 Муаммони яширманг — ўз вақтида қилинган мурожаат унинг ечимини тезлаштиради. 📢 Хабарни тарқатинг! 👉 @uzmigration

🇩🇪 Toshkentda “BerufsEXPO — 2026” ko‘rgazmasi! 🔰 Nemis tilini kamida A2 darajasida bilasiz va Germaniyada ta’lim olish, ish topish yoki nemis kompaniyalari bilan bevosita tanishishni istaysizmi? Unda aynan siz uchun ajoyib imkoniyat bor! 🌐 “BerufsEXPO — 2026” — kasbiy yo‘nalish, dual ta’lim (Ausbildung) va ish imkoniyatlariga bag‘ishlangan yirik ko‘rgazma o‘tkaziladi! 👉BATAFSIL TANISHISH👈

Ko‘rgazmada siz: ✅ Germaniyadagi kasb-hunar ta’limi tizimi bilan tanishasiz; ✅ nemis va o‘zbek tashkilotlari vakillari bilan bevosita suhbatlashasiz; ✅ o‘zingizga mos ta’lim yoki ish yo‘nalishini topishingiz mumkin.

❗️Tadbirda ishtirok etish mutlaqo bepul, biroq oldindan ro‘yxatdan o‘tish majburiy! 👉RO'YXATDAN O'TISH 👈 O‘zbekiston va Germaniya hamkorligida tashkil etilgan ushbu yarmarka yoshlarga kasbiy yo‘nalish tanlashda yordam beradi. Asosiy tashkilotchilar: GP Günter Papenburg, Germaniya elchixonasi, Goethe-Institut, Germaniya xalqaro hamkorlik jamiyati (GIZ), Germaniya Savdo-sanoat palatasining Markaziy Osiyodagi vakolatxonasi. 📆 2026-yil 30-sentyabr — 1-oktyabr ⏰ Boshlanish vaqti: 10:00 📍 Manzil: Toshkent shahri, Mirobod tumani, Haydar Aliyev ko‘chasi, 89-uy (Toshkent transport texnikumi) 📍 Lokatsiya 📢 Yaqinlaringizga tarqating! So‘nggi yangiliklardan XORIJDA ISH kanali orqali xabardor bo‘lib turing!

🇺🇿🇯🇵 Япон компаниялари учун мутахассислар Ўзбекистонда тайёрланади Миграция агентлиги раҳбари Муҳсинхўжа Абдураҳмонов Японияда «KEIDANREN» ва етакчи компаниялар иштирокидаги давра суҳбатида иш берувчининг аниқ эҳтиёжи асосида кадрлар тайёрлаш таклифини илгари сурди. Бунда япон компаниялари зарур касблар ва малака талабларини белгилаш, ўқув дастурларини шакллантириш ҳамда номзодларни баҳолашда иштирок этиши кўзда тутилмоқда. 📊 Япония билан миграция соҳасида бугунги ҳамкорликлар: 🔹 Ангренда Proud Partners билан очилган Uzbekistan Proud Academy марказида 140 дан ортиқ ҳайдовчи бепул тил ва касбий тайёргарликдан ўтмоқда. 🔹 Тошкентда Onodera User Run ва Willer Express билан ҳайдовчилик, парвариш ва умумий овқатланиш йўналишларида тайёрлов дастурлари йўлга қўйилган. 🔹 Қаршида Orion Computer Co., Ltd. билан япон тили синфи очилган, қурувчиларни тайёрлаш режалаштирилмоқда. 🔹 200 дан ортиқ юртдошимиз Shimizu Corporation объектларида ишламоқда. Onodera User Run, Proud Partners ва Orion Computer Co., Ltd. лойиҳалари доирасида камида 576 та иш ўрни шакллантирилган. 💬 «Биз учун асосий кўрсаткич фақат ишга юборилган фуқаролар сони эмас, балки уларнинг тайёргарлик сифати, шартнома шартларига риоя этилиши, бандлигининг барқарорлиги ва касбий ўсишидир», — дея таъкидлади Муҳсинхўжа Абдураҳмонов. «KEIDANREN» — Япониянинг етакчи компаниялари ва тармоқ уюшмаларини бирлаштирувчи бизнес федерацияси. 🇬🇧 EN 🇷🇺 RU 📢 Хабарни тарқатинг! 👉 @uzmigration

🇺🇿🇰🇷 Кореядаги ўзбекистонлик талабаларни иш билан таъминлаш масаласи Кореяда таҳсил олаётган 20 мингдан ортиқ ўзбекистонлик талабани ўқишни тамомлагач, ўз мутахассислиги бўйича ишга жойлаштириш режалаштирилмоқда. Бу борада қандай ишлар олиб борилмоқда? Батафсил — Миграция агентлигининг Кореядаги ваколатхонаси раҳбари Нурматжон Комилов билан интервьюда. Манбаа 📢 Хабарни тарқатинг! 👉 @uzmigration

🇺🇿🤝🇯🇵 Японияда ўз ўрнини топган ватандошларимиз Механикдан юристгача, ошпаздан Нагоя университети магистригача. Ҳар бирининг йўли бошқа, мақсади эса битта: ўрганиш, ривожланиш ва Ватанга тажриба билан қайтиш. ✨ Уларни тил ўрганиш, сертификат олиш ва мақсад сари сабр билан қадам ташлаш бирлаштиради. 💬 Сиз қайси йўлни танлаган бўлардингиз: иш, таълим ёки бизнес? Instagram саҳифамизда фикрингизни қолдиринг Тўлиқ ҳикоялар: Japan Career Portal ва Миграция агентлигининг YouTube саҳифасида. 👉 @uzmigration

🇺🇿🇯🇵 Японияда ўзбекистонликларни ишга жойлаштириш лойиҳалари кенгайтирилади Японияда Ташқи ишлар вазирлиги ва Миграция агентлиги раҳбарияти хорижий кадрларни тайёрлаш, танлаш ва ишга жойлаштиришга ихтисослашган “Onodera User Run” компанияси президенти Jun Kato билан учрашди. Компания билан ҳамкорликда Тошкент шаҳрида ҳайдовчилик, парвариш ва умумий овқатланиш соҳалари учун номзодларни япон тили ва касбга тайёрлаш дастурлари амалга оширилмоқда. Учрашувда ушбу лойиҳаларни қўллаб-қувватлаш, ҳудудларда янги таълим марказларини очиш ҳамда ёшларни тайёрлаш ва Японияда ишга жойлаштириш кўламини кенгайтириш масалалари муҳокама қилинди. 🇬🇧 EN 🇷🇺 RU 📢 Хабарни тарқатинг! 👉 @uzmigration

🇺🇿🇰🇷 ЎЗБЕКИСТОН — КОРЕЯ: 30 ЙИЛЛИК ҲАМКОРЛИК ҚАНДАЙ ЎЗГАРДИ? 30 йилдан ортиқ тарих. Минглаб юртдошларимиз учун яратилган имкониятлар. Оддий иш ўринларидан — малакали кадрлар тайёрлашгача бўлган йўл. Бугун Корея Республикаси Ўзбекистоннинг меҳнат мобиллиги соҳасидаги муҳим ҳамкорларидан бири. Йиллар давомида Е-9 тизими, корейс тили ва касбий тайёргарликдан бошланган жараён янги соҳа ва имкониятлар билан кенгайиб бормоқда. Демак, 30 йиллик ҳамкорликнинг бугунги формуласи ўзгаряпти: тил + касб + малака + қонуний иш. Энди асосий эътибор фақат иш ўринлари сонига эмас, балки Корея меҳнат бозори талабларига мос, малакали ва рақобатбардош кадрлар тайёрлашга қаратилмоқда. Бу ҳамкорлик нимадан бошланган, қандай босқичлардан ўтган ва бугун қаерга қараб кетмоқда? 🎥 Видеода батафсил кўрамиз 🇬🇧 EN 🇷🇺 RU 📢 Хабарни тарқатинг! 👉 @uzmigration

🇺🇿🇰🇷 КОРЕЯДА ЎҚИЁТГАН ЎЗБЕКИСТОНЛИК ТАЛАБАЛАР УЧУН ЯНГИ ИМКОНИЯТЛАР МУҲОКАМА ҚИЛИНДИ Кореяда таълим олаётган ўзбекистонлик талабалар ўқишни тамомлагач, ўз мутахассислиги бўйича ушбу мамлакатда қонуний ишлаш имкониятларини қандай кенгайтириш мумкин? Миграция агентлиги директори Муҳсинхўжа Абдураҳмоновнинг Корея Республикасидаги учрашувларидан бирида айнан шу масала муҳокама қилинди. Кореянинг Rotary* клуби вакиллари, тадбиркорлар, иш берувчи компаниялар ҳамда таълим муассасалари иштирокидаги мулоқотда ҳамкорликни фақат Е-9 ишчи визаси билан чекламасдан, Корея университетларида таҳсил олаётган ва битираётган ўзбекистонлик ёшларнинг кейинги бандлигини таъминлаш имкониятларига эътибор қаратилди.

Хусусан, таълим давридаёқ талабаларни меҳнат бозори талабларига тайёрлаш, иш берувчилар билан боғлаш ва битирувчилар учун мутахассислиги бўйича қонуний бандлик имкониятларини кенгайтириш юзасидан фикр алмашилди.

Маълумот учун: *Rotary International — 1905 йилда ташкил этилган халқаро жамоат ташкилоти бўлиб, дунёнинг 200 дан ортиқ мамлакат ва ҳудудларида фаолият юритади. Ташкилот бизнес, профессионал ва жамоатчилик вакилларини бирлаштириб, таълим, соғлиқни сақлаш, касбий ривожланиш ҳамда ижтимоий лойиҳаларни амалга оширишга кўмаклашади. 🇬🇧 EN 🇷🇺 RU 📢 Хабарни тарқатинг! 👉 @uzmigration

🇺🇿🇰🇷 КОРЕЯ МЕҲНАТ БОЗОРИ: Е-9 ДАН Е-7 ГАЧА ЯНГИ ИМКОНИЯТЛАР МУҲОКАМА ҚИЛИНДИ Миграция агентлиги директори Мухсинхўжа Абдураҳмонов Кореянинг “Worksmate Inc.” ва “Hyun Ju” компаниялари раҳбарлари билан учрашди.

Музокараларда асосий эътибор икки йўналишга қаратилди. 🔹Е-9 қурилиш йўналиши. EPS-TOPIK имтиҳонидан муваффақиятли ўтган юртдошларимизни кореялик иш берувчилар томонидан танлаш жараёнини фаоллаштириш масаласи муҳокама қилинди. Бунинг учун Кореянинг 1 500 дан ортиқ қурилиш компаниялари билан ҳамкорлик қилувчи GADA платформаси ва Агентликнинг “Xorijda ish” платформасини интеграция қилиш имконияти кўриб чиқилди. 🔹 Учрашувда Корея қурилиш соҳасига Ўзбекистондан Е-7 визаси асосида малакали кадрларни жалб қилиш бўйича режалаштирилаётган лойиҳа ҳам муҳокама қилинди.

Миграция агентлиги бунда “таълим — тил — тажриба — юқори малакали иш” модели асосида кадрларни олдиндан тайёрлаш таклифини илгари сурди. 🤝 Учрашув якунида Миграция агентлиги ва “Worksmate Inc.” ўртасида ҳамкорликни ривожлантириш бўйича ният хати — LOI имзоланди. ❗️Е-7 йўналишида ҳозирча ишга қабул бошлангани йўқ. Музокаралар келгусида ушбу механизмни йўлга қўйиш имкониятларини ўрганишга қаратилган. Мақсад — Корея меҳнат бозорида юртдошларимиз учун мавжуд имкониятларни кенгайтириш ва малакали, юқори даромадли иш ўринларига янги йўлларни очиш. Батафсил ўқиш 🇬🇧 EN 🇷🇺 RU 📢 Хабарни тарқатинг! 👉 @uzmigration

#Migration_Update 🇪🇺 ЕВРОПА ИТТИФОҚИДА ХОРИЖИЙ МАЛАКАЛАРНИ ТАН ОЛИШ ТЕЗЛАШИШИ МУМКИН Европа комиссияси учинчи давлатларда олинган касбий малакаларни тан олиш жараёнини соддалаштиришни таклиф қилди. Янги механизм қабул қилинса, малакани кўриб чиқиш муддати ҳозирги ўртача 14 ойдан 4 ойгача қисқариши мумкин. Ҳужжат, айниқса, тиббиёт ва бошқа тартибга солинадиган касб эгалари учун муҳим аҳамиятга эга. ❗️Бу ҳали таклиф бўлиб, Европа парламенти ва Кенгаши томонидан қабул қилиниши керак. Шунингдек, бу Ўзбекистон дипломлари автоматик тан олиниши ёки иш визаси берилишини англатмайди. 🔗 Манбаа: Европа комиссияси хабари 📢 Хабарни тарқатинг! 👉 @uzmigration

“9 soat”ning siri nimada? “…Men mashinada ko‘p yuraman, ko‘chada bir-biri bilan muloqot qilib ketayotgan yoshlarni ko‘rib o‘ylayman: qani endi ular eng baxtli kunlari shu ekanini bilsalar… Bilasizlarmi, Prezident bo‘lib meni nima qiynaydi? Menga vaqt yetmaydi!” Seulda davlat rahbarining vatandoshlarimiz bilan muloqotida shu so‘zlarini eshitib, ta’sirlandim. Biz O‘zbekiston Prezidentining davlat tashrifini yoritish uchun kelgan jurnalistlarga ham, butun delegatsiyamizga ham, va mana bildikki, Prezidentimizga ham vaqt yetmayapti. Tasavvur qiling, Seul 4 soat oldinda. 15-sentabr O‘zbekistonda tonggi 6 bo‘lganida davlat rahbarining Koreya Milliy assambleyasida uchrashuvi bo‘layotgandi. Prezidentimiz parlament spikeri bilan xayrlashayotganida aytgan gaplari qulog‘imga chalindi: “Ishlarimiz juda ko‘p, soat 4 da uyg‘onishga to‘g‘ri kelyapti”. “Ishlarimiz juda ko‘p”ning ma’nosi, menimcha, shunday: Prezidentning ish dasturida tushga qadar 1 ta uchrashuv, 1 ta qabul, yana 200 kishilik O‘zbekiston-Koreya biznes forumida nutq, hujjatlarni imzolash marosimi, O‘zbekiston viloyatlarida 5 ta qo‘shma yangi loyihaga start marosimi, Koreyaning 10 ta chebol kompaniyasi (ko‘p tarmoqli ulkan oilaviy biznes) bilan tet-a-tetlar. Bu vaqtda esa yana bir zalga odamlar to‘plandi, Koreyada yashayotgan, o‘qiyotgan 50 ga yaqin vatandoshlar mahtal turibdi. Bu ishlarni boshida turish tugul, shunchaki o‘qib ko‘rsangiz ham “ehhe” devorasiz. Kostyum-shim kiygan jiddiy odamlarning gaplarini eshitib qolaman: “balki vatandoshlar bilan uchrashuv “otmen” bo‘lar? Uchrashuvga kirmang, deb ayta qolamiz, sammitga tayyorgarlik ko‘rishlari kerak, hali “obed” ham qilmadilar”. Tushlik qilmay ishlashlariga biz ham guvohmiz, ayniqsa, xorijda tadbir-tadbirga ulanib ketaveradi. Ko‘proq odam bilan gaplashishga harakat qiladi prezident. Ko‘proq foyda olib ketay yurtimga, deydi prezident. Bir kun ichida nihoyatda ko‘p odam bilan gaplashib, topshiriqlar bergani, nutq o‘qigani —“non-stop” rejimi o‘z ta’sirini ko‘rsatadi: Prezident ba’zan tomog‘i qirilayotgani uchun uzr so‘raydi, “bular menga suv ham bermaydi” deb yarmi hazil, yarmi chin aytadi. Auditoriya yoshlardan iborat. “El-yurt umidi” jamg‘armasining stipendiatlari, yoki “allaqachon tup qo‘yib palak yozganlar” — 50 $dan biznes boshlab, bugun O‘zbekistondan import qilayotganlar, yoki universitetda 7 koreys talabaga o‘zbek tilini o‘rgatishdan boshlab, hozir yiliga 70 dan ortiq talaba o’qitayotgan olimalar ham bor. Prezident ularga tashrif tafsilotlarini tushuntiradi, nega Koreyaga kelgani, munosabatlarimiz qanday rivojlanib borayotgani, shu yerdagi fuqarolarga qanday ko‘mak berish mumkinligi haqida suhbatlashadi. 10 ga yaqin yoshlarning takliflarini tinglaydi. Protokol xizmati bir necha bor rahbar oldiga kelib eslatadi: “9 soat bo‘ldi”. Davlat rahbari esa muloqotda davom etadi. Jurnalistlar mag‘zini chaqishga urinamiz. To‘xtovsiz ishlayotganlariga 9 soat bo‘ldimi yoki muhim tadbir boshlanishiga 9 soat qoldimi? Uchrashuvda Koreyada tadqiqot qilayotgan Yelena Chuyanova “tez-tez, shoshilinch madaniyat”ni eslatadi: 빨리빨리 문화 (ppalli-ppalli munhwa). Ya’ni, taraqqiyotdan orqada qolmaslik sharti – vaqtni yengish, nafaqat «jisman», balki «ma’nan yengish». Koreyani rivojlantirgan bu madaniyat Prezidentimizning “shoshilmasdan shoshilish” prinsipiga o‘xshaydi. Zamondan orqada qolmaydigan O‘zbekiston qurish orzusi bu. "Bir daqiqa ham vaqtlaringni bekorga o‘tkazmanglar. 5 yil o‘tadi, 10-15 yil o‘tadi. Kim boshqaradi O‘zbekistonni? Sizlar. To‘g‘ri, sog‘inch qiynaydi. Vatan sog‘inchi alamida ko‘proq ilm olinglar, vatanga sadoqat bilan xizmat qilinglar". 9 soat “tik oyoqda” o‘tgan kun baribir yakunlanmaydi. 16-sentabrda Markaziy Osiyo beshligi va Koreya sammiti bo‘ladi, hozir borib prezident o‘z nutqini, tashabbuslarni tayyorlaydi. Qachon rahbar dam oladi—bu savolga javob topish butun delegatsiya uchun hozircha jumboq. “O‘zimniyam qiynayman, sizlarniyam, ishlamagunlaringcha qo‘ymayman, bizga 40 million xalq qarab turibdi. Ularni rozi qilishimiz kerak”. 9 soatlik “non stop”ning sirini bilmaymanu, maqsadi lekin aniq shu.

Prezident Shavkat Mirziyoyev Koreyada mehnat qilayotgan va tahsil olayotgan vatandoshlarimiz bilan muloqot qildi. — Президент Шавкат Мирзиёев провел диалог с соотечественниками, работающими и обучающимися в Корее. Prezident.uz|Facebook|Instagram|YouTube|X

Чет элда бўлсангиз ҳам, ҳимоясиз эмассиз.

💰 Мураккаб молиявий вазиятда — бир марталик моддий ёрдам; ✈️ Зарурат бўлса — Ватанга қайтиш чиптаси; 🏥 Оғир касаллик ёки бахтсиз ҳодисада — тиббий харажатларни қоплаш; 🏨 Яшаш жойисиз қолсангиз — 30 кунгача хостел; ⚖️ Ҳуқуқларингиз бузилса — адвокат хизмати.

🎬 Видеода батафсил кўринг

📞 Қисқа рақам: 1282 💬 24/7 @huquqiy_yordam_uzbot 🏢 Миграция агентлигининг хорижий ваколатхоналари маълумотлари ➡️бу ерда

📢 Хабарни тарқатинг! 👉 Сўнгги янгиликлар учун — @uzmigration

🇺🇿🇰🇷 КОРЕЯДАН ПУЛ ЎТКАЗМАЛАРИ: ЮРТДОШЛАРИМИЗ УЧУН ҚАНДАЙ ҚУЛАЙЛИКЛАР ЯРАТИЛИШИ МУМКИН? Миграция агентлиги делегацияси Сеул шаҳрида “HANPASS” компанияси раҳбарияти билан музокара ўтказди. “HANPASS” — халқаро пул ўтказмалари ва бошқа молиявий хизматларни тақдим этувчи Жанубий Корея компанияси. Унинг платформаси орқали 200 дан ортиқ давлатга пул ўтказиш мумкин, хизматларидан фойдаланувчилар сони эса 1 миллиондан ошган. Учрашувда Жанубий Кореяда меҳнат қилаётган ҳамюртларимиз учун пул ўтказмаларини янада қулай ва хавфсиз амалга ошириш, манфаатли шартлар ва махсус хизмат пакетларини ишлаб чиқиш таклиф этилди. Шунингдек, молиявий операцияларда фирибгарлик ҳолатларини аниқлаш ва олдини олишга қаратилган замонавий хавфсизлик ечимлари муҳокама қилинди. 🤝 Музокаралар якунида Миграция агентлиги ва “HANPASS” ўртасида ҳамкорликни ривожлантириш бўйича келишув имзоланди. 🇬🇧 EN 🇷🇺 RU 📢 Хабарни тарқатинг! 👉 @uzmigration

🇺🇿🇰🇷 ЖАНУБИЙ КОРЕЯДАГИ ЮРТДОШЛАР МУРОЖААТЛАРИ НАЗОРАТГА ОЛИНДИ Сеул шаҳрида Миграция агентлиги раҳбари Мухсинхўжа Абдураҳмонов Жанубий Кореяда меҳнат қилаётган юртдошларимиз билан очиқ мулоқот ўтказди.

Учрашувда ҳамюртларимизнинг меҳнат фаолияти ва иш визалари, қонуний бандлик, иш берувчилар билан боғлиқ масалалар, меҳнат ҳуқуқларини ҳимоя қилиш ҳамда Кореяда қайта ишга жойлашиш юзасидан мурожаатлар кўриб чиқилди.

Ҳар бир мурожаат бўйича тегишли тушунтириш ва тавсиялар берилди, қўшимча ўрганиш талаб этадиган масалалар назоратга олиниб, тегишли тартибда ҳал этиш чоралари белгиланди. 🇬🇧 EN 🇷🇺 RU 📢 Хабарни тарқатинг! 👉 @uzmigration

🇺🇿 НИЖНЕКАМСКДА ЖАБРЛАНГАН ЮРТДОШЛАРИМИЗ ВАТАНГА ҚАЙТАРИЛДИ Жорий йилнинг 10 август куни Татаристон Республикасининг Нижнекамск шаҳрида содир бўлган фожиали воқеа оқибатида тан жароҳати олган Ўзбекистон фуқароларига зарур тиббий, ҳуқуқий ва ташкилий ёрдам кўрсатилди. Жабрланган юртдошларимизнинг даволаниши ва Ватанга қайтарилиши билан боғлиқ масалалар Миграция агентлигининг Россиядаги ваколатхонаси, Ўзбекистоннинг Қозон шаҳридаги Бош консулхонаси ҳамда «Uzbekistan Airways» АЖ ҳамкорлигида амалга оширилди. Хусусан, мураккаб жарроҳлик амалиётини бошдан ўтказган юртдошимизнинг ҳолати барқарорлашгач, тиббий эвакуация жараёнида шифокорлар кузатуви ва зарур тиббий шароитлар таъминланди. Айни пайтда, ҳамюртларимизга Россия Федерацияси қонунчилигида белгиланган тартибда компенсация маблағларини олиш учун зарур ҳужжатларни расмийлаштириш ва тегишли ташкилотларга тақдим этиш билан боғлиқ масалалар назоратга олинган.

Хорижда меҳнат фаолиятини амалга ошириш даврида мушкул вазиятга тушсангиз, Миграция агентлигига мурожаат қилинг. 📞 1282 — қисқа рақам 📲 @huquqiy_yordam_uzbot — 24/7 ҳуқуқий ёрдам

🇬🇧 EN 🇷🇺 RU 📢 Хабарни тарқатинг! 👉 @uzmigration