Migratsiya agentligi

🇺🇿🤝🇩🇪 Германия Президенти ўзбекистонлик ёшлар учун яратилаётган янги имкониятлар билан танишди Ўзбекистонга расмий ташриф билан келган Германия Федерал Президенти Frank-Valter Shtaynmayer ва Германия Биринчи хоними Elke Byudenbender мамлакатимизда меҳнат миграцияси ва профессионал таълим соҳасида амалга оширилаётган лойиҳалар тақдимоти билан танишдилар.

Тақдимотда хорижда меҳнат фаолиятини юритишни мақсад қилган ёшлар учун яратилган имкониятлар, халқаро стандартлар асосидаги тайёргарлик дастурлари, немис тилини ўқитиш ҳамда Германия меҳнат бозори билан тўғридан-тўғри боғловчи ҳамкорлик механизмлари намойиш этилди. Бугунги кунда Германиянинг 38 та йирик компания ва ташкилоти билан ҳамкорлик йўлга қўйилган бўлиб, ўзбекистонлик мутахассислар учун 73 мингдан ортиқ бўш иш ўрни таклиф қилинган. Ҳозирга қадар 5,5 минг нафар номзод мазкур вакансиялар бўйича танлаб олинган.

Ташриф давомида Frank-Valter Shtaynmayer немис тили ва замонавий касбларни эгаллаётган ёшлар билан мулоқот қилиб, уларнинг билим ва малака оширишга бўлган интилишини юқори баҳолади. 📢 Хабарни тарқатинг! 👉 @uzmigration

❗️Хорижда паспортингизни йўқотиб қўйсангиз-чи? Ёки фавқулодда вазиятга тушиб қолсангиз... Бундай пайтда ўша давлатдаги консулликларимизни сиз ҳақингизда маълумоти бўлмаса, зарур ёрдамни олиш жараёни кўпроқ вақт олиши мумкин. ✅ Шунинг учун хорижда яшаётган, ўқиётган ёки ишлаётган ҳар бир фуқаро консуллик рўйхатидан ўтиши тавсия этилади.

📱 Энг яхши томони — энди буни уйдан чиқмасдан, Consular Services Uzbekistan” мобил иловаси орқали амалга ошириш мумкин

🎥 Видеода рўйхатидан ўтишни барча босқичларни қадамма-қадам кўрсатдик! Охиригача томоша қилинг ва хориждаги яқинларингизга ҳам юборинг. Бир неча дақиқа вақтингиз келажакда катта муаммонинг олдини олиши мумкин. Иловани юклаб олиш👇 App Store Google Play 👉 @uzmigration

🇺🇿 ⚽️ Жаҳон чемпионатида иштирок этаётган миллий терма жамоамиз футболчиларига Миграция агентлиги жамоаси ўйинларда омад ва муваффақият тилайди 👉 @uzmigration

🎙 Миграция агентлиги раҳбари Беҳзод Мусаев интервьюсидан: Германия билан миграция ва мобиллик бўйича старт берилган лойиҳалар доирасида 2 минг 500 нафар ўзбекистонлик автобус ва темир йўл мутахассислари Германияда ишга жойлаштирилади. 🔶Талаблар ҳақида видеода батафсил 📢 Хабарни тарқатинг! 👉 @uzmigration

🇺🇿🤝🇩🇪 Миграция агентлигининг Германия билан ҳамкорликдаги икки муҳим лойиҳасига старт берилди Бугун Кўксарой қароргоҳида Ўзбекистон Республикаси Президенти Шавкат Мирзиёев ва Германия Федератив Республикаси Президенти Франк-Вальтер Штайнмайер иштирокида Ўзбекистон ва Германия ўртасидаги қатор йирик лойиҳаларга тантанали равишда старт берилди. 📌 Миграция агентлиги томонидан амалга оширилаётган, ҳар бири 1 миллион АҚШ доллари қийматига эга бўлган икки муҳим лойиҳа ҳам шулар жумласидандир.

🚆 Биринчи лойиҳа — Германиянинг энг йирик темир йўл компанияси Deutsche Bahn билан ҳамкорликда 500 нафар мутахассисни Германия темир йўл соҳаси учун мақсадли тайёрлаш ва уларни юқори даромадли иш ўринларига йўналтириш дастури. 📚 Иккинчи лойиҳа — Германиянинг TELC имтиҳон марказлари тармоғини ташкил этиш ташаббуси. У ёшлар учун Гёте сертификатлари қаторида TELC сертификатини олиш имкониятини яратади. Лойиҳа доирасида ҳар йили 30 мингдан ортиқ юртдошимиз мамлакатимизда имтиҳон топшириб, халқаро даражада тан олинган сертификатга эга бўлиши мумкин.

📹 Видеода старт маросими ва лойиҳалар ҳақида батафсил 📢 Хабарни тарқатинг!

👉 @uzmigration

#LIVE Ҳар бир катта мақсад пухта тайёргарликдан бошланади Чет элда ишлаш учун йўл олишдан аввал ҳужжатларни расмийлаштириш, шартларни ўрганиш ва керакли маълумотларни аниқлаштиришга вақт ажратинг. Шошилмасдан қилинган тайёргарлик келажакдаги кўплаб муаммоларнинг олдини олади. ✔️ #ҚонунийМиграция #ХавфсизМиграция #МиграцияАгентлиги 📢 Хабарни тарқатинг! 👉 @uzmigration

#НаркожиноятларгаҚаршимиз 🚫 Гиёҳвандлик — нафақат бир инсон, балки бутун оила ва жамият келажагига таҳдид Наркотик моддаларнинг тарқалишига қарши курашиш, ёшларни бу иллатдан асраш ва соғлом турмуш тарзини тарғиб қилиш ҳар биримизнинг масъулиятимиздир. Бефарқ бўлмайлик. Атрофимиздаги шубҳали ҳолатларга эътиборли бўлайлик ва наркожиноятларга қарши курашда фаол иштирок этайлик. ⚠️ Ёшларни зарарли иллатлардан асрашга оид муҳим маълумотлар ва профилактик тавсиялардан хабардор бўлиб боринг. 📲 t.me/DFCAUZBEKISTAN

ҚОНУНИЙ МИГРАЦИЯГА ЙЎЛ — ТАЪЛИМДАН БОШЛАНАДИ Алфраганус университети ва АҚШнинг Logan университети ўртасида ҳамкорлик меморандуми имзоланди.

🏥 Logan University хиропрактика* соҳасида мутахассислар — спорт докторларини тайёрлашга ихтисослашган. Жорий йилда Алфраганус университетида пилот лойиҳа доирасида мазкур йўналишга 20–30 нафар талаба қабул қилиниб, улар АҚШда малака ошириш имкониятига эга бўлади.

🌍 Ушбу ҳамкорлик тиббиётнинг замонавий йўналишларини ривожлантириш билан бирга, ёшлар учун истиқболли халқаро таълим ҳамда қонуний ва хавфсиз миграция имкониятларини кенгайтиради. *Хиропрактика — умуртқа поғонаси ва асаб тизимига қўл орқали таъсир қилиш усули бўлиб, оғриқларни камайтириш, ҳаракатни тиклаш ва организм фаолиятини яхшилашга қаратилган замонавий тиббий йўналиш ҳисобланади. 📢 Хабарни тарқатинг! 👉 @uzmigration

🇷🇴 Юртдошларимиз Руминияда ишга жойлашди! ✈️ Бугун Миграция агентлиги орқали Руминияга ишлаш учун кетаётган 10дан ортиқ юртдошимиз кузатилди.

🚛 Улар логистика соҳасида, Е тоифадаги ҳайдовчи сифатида меҳнат фаолиятини олиб боришади. 📌 Барча жараёнлар — номзодларни танлаш, ҳужжатларни расмийлаштириш ва ишга жўнатиш ишлари белгиланган тартибда амалга оширилди. ✈️ Эрта ва ундан кейинги рейсларда ҳам яна 20 нафар юртдошимиз Руминияга йўл олади.

🔐 Сиз ҳам чет эл компанияларидан иш таклифини олмоқчи бўлсангиз XORIJDA ISH платфлрмасида CV қолдиринг! 🔗CV TO'LDIRISH 📢 Хабарни тарқатинг! 👉 @uzmigration

#филиал_фаолияти Водийлик ёшлар билан очиқ мулоқот 🇺🇿 Ёшлар куни доирасида Миграция агентлиги раҳбари ўринбосари Э.Тоштемиров Наманган шаҳрида хорижда ишлаш ниятида тайёрланаётган ёшлар билан учрашди.

Учрашувда немис тилини ўрганаётган ёшлар халқаро сертификат имтиҳонлари учун навбат олишдаги қийинчиликларни тилга олди. Шу муносабат билан Миграция агентлиги ҳамкорлигида Германиянинг TELC ва Австриянинг ÖSD сертификатлаш марказларининг расмий филиалларини жорий йил июль ойида Наманган вилоятида очиш режалаштирилгани маълум қилинди. Бу ёшларга имтиҳонларни ортиқча кутишларсиз топшириш имконини яратади.

Шуниндек, Миграция агентлиги ва Бизнесни ривожлантириш банки ҳамкорлигида Марғилонда ташкил этилган Қурилиш соҳасида малакали мутахассисларни тайёрлаш маркази расман ишга туширилди. 📢 Хабарни тарқатинг! 👉 @uzmigration

Беларусьдаги ёш ватандошлар билан мулоқот ўтказилди Минск шаҳрида хизмат сафарида бўлиб турган Ўзбекистон делегацияси Беларусь ҳудудида таҳсил олаётган ва меҳнат фаолиятини олиб бораётган ёш ватандошларимиз ҳамда Ўзбекистон ёшлари кенгаши фаоллари билан учрашди. Мулоқот давомида Миграция агентлиги масъуллари хориждаги ҳамюртларимизни қўллаб-қувватлаш, уларнинг ҳуқуқ ва қонуний манфаатларини ҳимоя қилиш борасидаги имкониятларни гапириб ўтди. Шунингдек, Беларусьдаги ўзбекистонлик ёшлар билан ҳамкорликни янада кучайтириш, уларнинг ташаббусларини рағбатлантириш ва Ватан тараққиётига қўшаётган ҳиссасини қўллаб-қувватлаш юзасидан фикр алмашилди. Учрашув якунида иштирокчилар ўзларини қизиқтирган саволларга жавоб олди ҳамда ҳамкорликни янада ривожлантириш бўйича таклифларини билдирди. 📢 Хабарни тарқатинг! 👉 @uzmigration

🇺🇿🤝🇸🇪 Швеция илк бор Ўзбекистон билан миграция соҳасида ҳукуматлараро битим имзолади Ўзбекистон Республикаси Ҳукумати ва Швеция Қироллиги Ҳукумати ўртасида «Миграция ва мобиллик тўғрисида»ги Битим ҳамда миграция ва мобиллик бўйича пилот дастурни амалга ошириш юзасидан Қўшма декларация имзоланди. 📌 Мазкур хужатлар ўзбекистонликлар учун Швецияда қонуний ишлаш, ўқиш ва яшаш имкониятларини тартибга солувчи давлат томонидан кафолатланган ҳуқуқий механизм ҳисобланади.

Унга кўра: ▪️тиббиёт, техника, хизмат кўрсатиш ва парваришлаш соҳаларида малакали мутахассисларни Швеция меҳнат бозорига тайёрлаш бўйича ҳамкорлик йўлга қўйилади; ▪️ўзбекистонлик номзодларини швед иш берувчилари билан боғлаш механизмлари яратилади; ▪️талабалар, докторантлар ва ёш тадқиқотчилар учун академик алмашинув имкониятлари кенгаяди; ▪️миграция иштирокчилари ва уларнинг оила аъзолари ҳуқуқларини ҳимоя қилиш бўйича қўшимча кафолатлар жорий этилади. ▪️ виза тартибларини соддалаштириш ва дипломатик паспорт эгалари учун 30 кунлик визасиз режим жорий этилади; ▪️ ноқонуний миграция, одам савдоси ва ҳужжатларни қалбакилаштиришга қарши қўшма механизмлар кучайтирилади.

Шунингдек, Халқаро миграция ташкилоти иштирокида пилот дастур амалга оширилиб, Швеция меҳнат бозори эҳтиёжлари ўрганилади, швед тили ва касбий тайёргарлик дастурлари йўлга қўйилади. 📢 Хабарни тарқатинг! 👉 @uzmigration

🚨 Носоз транспорт воситалари фожиага сабаб бўлиши мумкин ⚠️ Қозоғистондан Ўзбекистонга қайтиш учун йўлга чиққан ёш қиз йўл-транспорт ҳодисаси оқибатида оғир тан жароҳати олди. 📌 Тиббий хулосага мувофиқ, ҳамюртимизни тиббий кузатув остида Миграция жамғармаси маблағлари ҳисобидан махсус рейс орқали Ватанга қайтарилди ва кейинги даволаниш жараёнларини давом эттириши учун шифокорлар назоратига топширилди. Шунингдек, Латвия республикасига якка тартибда ишлаш учун борган юртдошимиз ҳам орттирилган беморлик билан Ватанга қайтарилди.

❗️Азиз юртдошлар, хориждан қайтишда тасодифий ва хавфсизлиги кафолатланмаган транспорт хизматларидан фойдаланманг. Хорижда ишламоқчи бўлсангиз ташкиллаштирилган миграцияни танланг.

📢 Хабарни тарқатинг! 👉 @uzmigration

#филиал_фаолияти 🇺🇿🤝🇩🇪 Германияда ишлашни истаган ёшлар учун янги имкониятлар! Навоий вилоятида ўтган семинарда Германиянинг 10 дан ортиқ етакчи компаниялари ва ташкилотлари билан ҳамкорлик масалалари муҳокама қилинди. Энг муҳими, вилоятдаги 27 та техникум ва Навоий Давлат Университетида Германия учун кадрлар тайёрлаш тизими йўлга қўйилмоқда.

Энди техникумларда махсус гуруҳлар ташкил этилади, ёшларга бепул немис тили ўргатилади, халқаро сертификат олиш ва касбий тайёргарликдан ўтиб Германияга муносиб иш ўринларига йўналтириш имконияти яратилади.

Германияда ишлаш истагида бўлган навоийлик номзодлар қуйидаги ҳаволалар орқали бепул тил курслари учун рўйхатдан ўтишлари мумкин. Ҳамширалик соҳаси Қурилиш соҳаси Гўшт саноати 📢 Хабарни тарқатинг! 👉 @uzmigration

#филиал_фаолияти БУХОРОДА БОШЛАНГАН ЛОЙИҲА ЭНДИ БУТУН ЎЗБЕКИСТОН БЎЙЛАБ ЙЎЛГА ҚЎЙИЛМОҚДА Аввалроқ Германиянинг «Premium Food Group» корхонасида ишлаш учун 140 нафар ҳамюртимиз меҳнат шартномасига эга бўлганди. Эндиликда мазкур лойиҳа республика бўйлаб кенгайтирилди ва ўқув жараёнларига расман старт берилди.

📚 Иштирокчилар немис тили, касбий кўникмалар ҳамда Германия меҳнат муҳити бўйича тайёргарликдан ўтади. Ўқувлар якунида ишлаш учун зарур жараёнлар босқичма-босқич амалга оширилади.

📈 Лойиҳага мамлакат бўйлаб 1600 дан ортиқ фуқаро қизиқиш билдирган бўлиб, дастлабки босқичда 241 нафар номзод саралаб олинди. ❗️Сизга ҳам қизиқ бўлса XORIJDA ISH платформасида CV яратинг ва бўш иш ўрнига ариза қолдиринг: https://xorijdaish.uz/vacancy?vacancy_id=1388&is_agency=0 📢 Хабарни тарқатинг! 👉 @uzmigration

БИР ХАТО — БУТУН МИЛЛАТ ОБРЎСИГА ТАЪСИР ҚИЛАДИ. ⚠️ Германияда ўзбекистонликлар учун сохта виза тайёрлаган жиноий тармоқ фош этилди. “Осон йўл” деб танланган қарор катта муаммоларга олиб келади. Бугунги хатолар эртанги ишончни йўқотади.

✍️ Қонуний йўлни танланг.

Германиядаги бўш иш ўринларига ариза қолдириш: Хамширалик 1 Хамширалик 2 Гўштни қайта ишлаш Техник касблар 📢 Хабарни тарқатинг! 👉 @uzmigration

⚠️ Бир неча дақиқада топилган "осон пул" баъзан бир неча йиллик озодликдан маҳрум қилиши мумкин. Статистикаларга кўра, хорижда ишлаш даврида жиноят ишларига аралашиб қолган кўплаб инсонлар дастлаб шунчаки "бир пакетни етказиб бериш", "танишга ёрдам бериш" ёки "қўшимча даромад" таклифини қабул қилган. ❗️ Энг хавфлиси — уларнинг аксарияти қонунбузарлик содир этаётганини билмаган.

Эсда тутинг: "ичида нима борлигини билмаганман" деган важ жавобгарликдан озод қилмайди.

🛡 Ҳар бир топшириқнинг қонунийлигини текширинг. Шахсий ҳужжатларингизни бегона шахсларга берманг. Тез бойиш ваъдаларига ишонманг. Хавфсиз миграция — ҳушёрликдан бошланади. 📢 Ушбу хабарни яқинларингизга ҳам юборинг. 👉 @uzmigration

💰 4 минга яқин юртдошимизга 6 миллиард сўмлик компенсация берилди! Хорижга ташкилий тартибда ишга кетган фуқароларнинг виза, авиачипта ва тил сертификати харажатлари Миграция жамғармаси томонидан қоплаб берилмоқда.

Лекин кўплаб аризалар 3 та оддий хато сабабли рад этилмоқда: ❌ Тўлиқ юкланмаган ҳужжатлар; ❌ Иш берувчи билан меҳнат шартномаси ўрнига бошқа ҳужжатларни юбориш; ❌ Нотўғри банк реквизитларини киритиш.

❗️Компенсациядан фойдаланиш учун ҳужжатларни XORIJDA ISH платформасига диққат билан юкланг. 📹 Видео йўриқнома 👉бу ерда 👈 ➡️ Хизмат ойнасига ўтиш 📢 Хабарни тарқатинг! 👉 @uzmigration

Миграция агентлиги, Ташқи ишлар вазирлиги, Ички ишлар вазирлиги, Дин ишлари бўйича қўмита ҳамда Ёшлар ишлари агентлиги вакилларидан иборат ишчи гуруҳ Россия Федерациясида бўлиб турибди. Хизмат сафари давомида маҳаллий ҳокимиятлар, таълим муассасалари ва иш берувчилар билан юртдошларимизнинг меҳнат ва ижтимоий ҳуқуқларини таъминлаш масалалари муҳокама қилинмоқда. Жумладан, Новосибирск шаҳар адвокатлар коллегияси билан фуқароларимизнинг меҳнат ҳуқуқлари бузилган ҳолларда малакали адвокатлик хизматларини кўрсатиш бўйича ҳамкорлик шартномаси имзоланди. Новосибирск вилояти раҳбарияти билан Сурхондарё вилоятининг Термиз шаҳридаги қурилиш техникуми негизида малакали кадрлар тайёрлаш ҳамда уларни Новосибирскдаги йирик қурилиш лойиҳаларида иш билан таъминлаш бўйича келишувга эришилди.

Шунингдек, ишчи гуруҳ Новосибирск вилоятидаги «ТехноПан», «Азия-Сибирь», «Ғарбий Сибирь саноат компанияси», шунингдек, Кемерово вилоятидаги «Стройтрансгаз» корхоналарида вақтинча меҳнат қилаётган юртдошларимиз билан учрашиб, уларнинг меҳнат шароитлари, ижтимоий ҳимояси, ҳуқуқий кўмак ва қонуний меҳнат фаолиятини ташкил этиш масалаларини муҳокама қилди.

📢 Хабарни тарқатинг! 👉 @uzmigration

📢 “VIZA LAB XUSUSIY BANDLIK AGENTLIGI" МЧЖнинг фаолияти тугатилди! “VIZA LAB XUSUSIY BANDLIK AGENTLIGI" га Ўзбекистон Республикасидан ташқарида иш излаётган шахсларни ишга жойлаштириш учун 2025 йил 29 июлда берилган 926213 сонли лицензия ушбу хусусий бандлик агентлигининг 2026 йил 29 майдаги 2766728-сонли аризасига асосан тугатилди.

❗️“Хусусий бандлик агентликлари тўғрисида”ги Қонунга мувофиқ, МЧЖга фуқароларни хорижга ишга жойлаштириш бўйича хизматлар кўрсатиш таъқиқланади.

📌 Ҳурматли фуқаролар! Агар “VIZA LAB XUSUSIY BANDLIK AGENTLIGI" билан боғлиқ мурожаат ёки шикоятларингиз бўлса, уларни жорий йил 3 июльга қадар Миграция агентлигига тақдим этишингизни сўраймиз. ☎️ Мурожаат учун: 71 202 33 55 (қисқа рақам 171, 711) 📢 Хабарни тарқатинг! 👉 Сўнгги янгиликлар учун — @uzmigration