Migratsiya agentligi

Москва шаҳридаги назорат тадбирлари юзасидан расмий ахборот Оммавий ахборот воситаларида 2026 йил 27 июль куни Москва шаҳри, Очаково-Матвеевский туманидаги қурилиш объектларидан бирида ўтказилган назорат тадбирлари акс этган видеолар тарқатилди.

Ҳолат юзасидан Миграция агентлигининг Россия Федерациясидаги Ваколатхонаси ходимлари зудлик билан воқеа жойига чиқиб, вазиятни ўрганмоқда. Дастлабки маълумотларга кўра, мазкур объектда 320 нафардан ортиқ хорижий фуқаро, жумладан Ўзбекистон фуқаролари ҳам меҳнат фаолиятини амалга ошириб келган. Шунингдек, Ўзбекистон Республикасининг Россия Федерациясидаги Элчихонаси билан ҳамкорликда вазиятга ҳуқуқий баҳо бериш ишлари олиб борилмоқда якунлари бўйича қўшимча маълумот берилади.

Миграция агентлиги хориждаги ҳамюртларимизнинг меҳнат ва қонуний ҳуқуқларини ҳимоя қилиш бўйича ваколатли давлат органидир. Агар рейдлар ёки бошқа ҳолатлар давомида меҳнат ва бошқа қонуний ҳуқуқларингиз бузилган бўлса, Миграция агентлигига мурожаат қилинг. Зарурат туғилганда Миграция жамғармаси маблағлари ҳисобидан 3 000 АҚШ долларигача адвокат хизматлари харажатлари қоплаб берилади. Агентликнинг Россия Федерациясида 15 дан ортиқ адвокатлик компаниялари билан ҳамкорлиги йўлга қўйилган. Мурожаат учун: 📞 Қисқа рақам: 1282 💬 24/7 ҳуқуқий ёрдам боти: @huquqiy_yordam_uzbot Москва шаҳридаги Миграция агентлиги ваколатхонаси: 📍 Манзил: Москва шаҳри, 1-Казачий тор кўчаси, 11/2-уй (м. «Полянка») 📍 Локация 📞 +7 (925) 045-47-44 Заруратга қараб фуқароларга 30 кунгача бепул вақтинча яшаш жойи ҳам тақдим этилади. 📢 Хабарни тарқатинг! 👉 @uzmigration

☎️ Бир қўнғироқ — кўплаб саволларга ечим! 📞 Хорижда ишлаш, меҳнат ҳуқуқлари, вакансиялар, ҳужжатлар ёки бошқа миграция масалалари бўйича саволингиз борми? 📌 Миграция агентлигининг 1282 Колл-маркази сизга 24 соат, ҳафтасининг 7 куни хизмат кўрсатади. 📊 Колл-марказ операторлари ҳар куни ўртача 400 тага яқин қўнғироқ қабул қилиб, фуқароларнинг мурожаатларига тезкор ва малакали жавоб бермоқда.

🌍 Энг муҳими, хорижий давлатларда бўлиб турган ватандошларимиз ҳам Колл-марказга бепул қўнғироқ қилиб, зарур маслаҳат ва ҳуқуқий тушунтиришлар олишлари мумкин. Рақамлар видеода кўрсатилган.

🤝 Қайси давлатда бўлишингиздан қатъи назар, Миграция агентлиги сиз билан доимий алоқада. 📞 1282 — ишончли ахборот ва тезкор ёрдам манбаи. 📢 Хабарни тарқатинг! 👉 @uzmigration

🇰🇷 Skill Test: Кореяда ишлаш сари муҳим босқич Жанубий Кореянинг EPS дастури доирасида жорий йилнинг апрель ойида ўтказилган EPS-TOPIK назарий имтиҳонидан муваффақиятли ўтган 1 878 нафар номзод учун бугундан Skill Test (малака имтиҳони) бошланди. Мазкур босқичда номзодларнинг касбий кўникмалари, амалий маҳорати ва ишга тайёрлик даражаси баҳоланади.

📌 Эслатиб ўтамиз, Skill Test'дан муваффақиятли ўтишнинг ўзи Корея Республикасида ишга жойлашишни кафолатламайди. Номзодлар натижаларига кўра Кореянинг SPAS электрон иш изловчилар базасига киритилади ва икки йил давомида кореялик иш берувчилар томонидан ўтказиладиган танловларда иштирок этиш имкониятига эга бўлади.

📢 Хабарни тарқатинг! 👉 Сўнгги янгиликлар учун — @uzmigration

📌 Жанубий Кореяга ишга юборишда белгиланган хизмат ҳақи, унинг ҳуқуқий асослари, харажатлар таркиби ҳамда ижтимоий тармоқларда муҳокама қилинаётган айрим масалалар юзасидан Миграция агентлиги расмий муносабат билдирди. 📄 Батафсил — қуйидаги ҳавола орқали. ⬇️ https://gov.uz/uz/migration/news/view/198143 📢 Хабарни тарқатинг! 👉 Сўнгги янгиликлар учун — @uzmigration

🇬🇧 Буюк Британияда ишлаш имкониятлари қандай яратилади? 📈 Миграция агентлигининг ва Буюк Британиянинг GLAA (Gangmasters and Labour Abuse Authority) ташкилоти билан ҳамкорлиги, HOPS Labour Solutions ва Pro-Force каби йирик рекрутинг компаниялари билан амалий ишлари ҳамда ALP (Association of Labour Providers) билан эришилган келишувлари натижасида мавсумий ишлар дастури бўйича Ўзбекистон учун квоталар оширилди ва минглаб ҳамюртларимиз қонуний иш билан таъминланмоқда. 🎥 Бу ҳамкорлик қандай шакллангани ва бугун қандай натижалар бераётгани — видеода. 💬 Кейинги сафар қайси давлат ҳақида билишни хоҳлайсиз? Инстаграм саҳифамизда изоҳларда ёзиб қолдиринг. 📢 Хабарни яқинларингизга ҳам улашинг! 👉 @uzmigration #MigratsiyaAgentligiLoyihalari #BuyukBritaniya #XorijdaIsh #QonuniyMigratsiya

📢 “VISO PRIMUS BANDLIK AGENTLIGI" МЧЖнинг фаолияти тугатилди! “VISO PRIMUS BANDLIK AGENTLIGI" га Ўзбекистон Республикасидан ташқарида иш излаётган шахсларни ишга жойлаштириш учун 2026 йил 6 февралда берилган 1361054 сонли лицензия ушбу хусусий бандлик агентлигининг 2026 йил 23 июлдаги 3036143-сонли аризасига асосан тугатилди.

❗️“Хусусий бандлик агентликлари тўғрисида”ги Қонунга мувофиқ, МЧЖга фуқароларни хорижга ишга жойлаштириш бўйича хизматлар кўрсатиш таъқиқланади.

📌 Ҳурматли фуқаролар! Агар “VISO PRIMUS BANDLIK AGENTLIGI" билан боғлиқ мурожаат ёки шикоятларингиз бўлса, уларни жорий йил 24-августга қадар Миграция агентлигига тақдим этишингизни сўраймиз. ☎️ Мурожаат учун: 71 202 33 55 (қисқа рақам 171, 711) 📢 Хабарни тарқатинг! 👉 Сўнгги янгиликлар учун — @uzmigration

#LeaderOfUzbekistan 🇺🇿 Bugun Yangi Oʻzbekiston taraqqiyotiga xizmat qilayotgan gʻoya va tashabbuslar muallifi, xalq manfaatini davlat siyosati darajasiga koʻtargan Oʻzbekiston Respublikasi Prezidenti Shavkat Miromonovich Mirziyoyevning tavallud ayyomi. Muhtaram Prezidentimizga yurtimiz ravnaqi va xalqimiz farovonligi yoʻlidagi masʼuliyatli faoliyatlarida yangi zafarlar, mustahkam sogʻliq va kuch-gʻayrat tilaymiz. Tavallud ayyomingiz muborak boʻlsin! @uzmigration

🇺🇿🇮🇹 Ўзбекистон–Тоскана: келишувлар амалий босқичга ўтмоқда

💬 «Тарих шуни кўрсатадики, халқлар ўзаро ҳамкорлик қилиб, бир-биридан ўрганганида тараққиётга эришган»,

— ушбу фикрни Италиянинг Тоскана вилояти губернатори Eugenio Giani Миграция агентлиги раҳбари Беҳзод Мусаев билан бўлиб ўтган мулоқотда таъкидлади. Музокаралар жорий йилнинг 14 июль куни Ўзбекистон Республикаси Президенти Ш. Мирзиёев ҳамда Тоскана вилояти губернатори E. Giani ўртасида бўлиб ўтган учрашув якунлари бўйича давлатимиз раҳбари томонидан берилган топшириқлар ижросини таъминлаш, шунингдек, эришилган келишувларни амалий босқичга олиб чиқишга қаратилди. 🩺 Томонлар ўзбекистонлик шифокор ва ҳамшираларни Тоскана тиббиёт муассасаларида юқори даромадли иш ўринлари билан таъминлаш масалаларини муҳокама қилди.

📚 Ўзбекистон делегацияси 1343 йилда ташкил этилган, Европанинг энг нуфузли олий таълим муассасаларидан бири — Pisa университети ректори Riccardo Zucch билан ҳам учрашув ўтказди. ✍️ Унда Италияда ишлаш истагидаги номзодларни Италия тиббиёт стандартлари ва итальян тилига тайёрлаш бўйича қўшма ўқув дастурини ишлаб чиқиш юзасидан келишув имзоланди.

🏥 Шунингдек, ишчи гурух келгусида ўзбекистонлик мутахассислар фаолият юритиши режалаштирилаётган Пиза университетининг янги қурилаётган клиникаси билан танишди. У ерда тиббиёт ходимларини амалий тайёрлаш тизими ҳамда клиник базада ҳамкорлик қилиш имкониятлари кўриб чиқилди. 📢 Хабарни тарқатинг! 👉 @uzmigration

🇯🇵 Японияда ишлаш ёки таълим олишни режалаштираяпсизми? Ишончли маълумотни расмий манбадан олинг! Japan Career Portal — Миграция агентлигининг Японияда ишлаш, таълим олиш ва яшаш бўйича расмий ахборот платформаси. 📌 Порталда сиз: ✅ Японияда ишлаш ёки ўқиш учун тайёргарлик; ✅ Виза ва ҳужжатларни расмийлаштириш; ✅ Япониядаги ҳаёт ҳақида фойдали маълумотлар; ✅ Ўзбекистонга қайтгач карьера имкониятлари ҳақида ахборот олишингиз мумкин. 🤖 Шунингдек, порталда 24/7 ишлайдиган AI чатбот ҳамда ўзбекистонликларнинг Япониядаги ҳақиқий тажрибалари жойлаштирилган. 🌐 Портал ўзбек, рус ва япон тилларида фаолият юритади. Юклаб олиш👇 📱iOS 👽 Android 🔗 Веб сайт 📱 Telegram 🌐 Instagram 📢 Хабарни тарқатинг! 👉 @uzmigration

🚨 ДИҚҚАТ! Россиядаги ватандошларимиз учун муҳим огоҳлантириш! ❗️Сўнгги кунларда Россиянинг айрим ҳудудларида ёнғинлар кузатилмоқда. ⚠️ Агар сиз хавфли ҳудудда бўлсангиз: 🔹 дарҳол хавфсиз жойга кўчинг; 🔹 қутқарув хизматлари кўрсатмаларига амал қилинг. 🆘 Агар ёнғин оқибатида жабрланган ёки жароҳат олган ватандошларимиз бўлса, зудлик билан Миграция агентлигининг Россия Федерациясидаги Ваколатхонасига мурожаат қилинг. 🤝 Биз ҳар доим сиз биланмиз. 📞 Колл-марказ: +7 499 230 00 32 +7 499 230 00 76 ☎️ Ишонч телефони: +7 925 045 47 44 📢 Хабарни тарқатинг! 👉 @uzmigration

🇺🇿🇨🇿 Чехияда ишлашингиз учун янги имконият ! Чехия Бош вазири Андрей Бабишнинг Ўзбекистонга ташрифи доирасида бошланган мулоқотлар амалий босқичга ўтмоқда. 🤝 Миграция агентлиги раҳбари Беҳзод Мусаев, Ўзбекистоннинг Чехиядаги элчихонаси вакиллари ва Чехия Республикасининг соғлиқни сақлаш вазири Адам Войтех билан бўлиб ўтган музокара якунига кўра, ўзбекистонлик тиббиёт сохаси мутахассисларини Чехиянинг давлат ва хусусий клиникаларида ишлашга тайёрланади ва юқори лавозимли ишларга жойлаштирилади. 📚 Номзодларни чех тили ва касбга тайёрлаш, дуал таълим дастурларини ишлаб чиқиш ҳамда диплом ва малакаларни тан олиш жараёнларини енгиллаштириш масалалари ҳал қилинади. Мазкур жараён жорий йилнинг сентябрь ойидан ишга туширилади. 📢 Хабарни тарқатинг! 👉 @uzmigration

🤝 Белорусда хизмат сафарида бўлиб турган Миграция агентлиги раҳбари ўринбосари Элёр Тоштемиров Ўзбекистоннинг Беларусдаги Элчихонаси вакиллари билан биргаликда Минск автомобиль заводида (МАЗ) бўлди . Учрашувда Ўзбекистон фуқароларини МАЗга ишга қабул қилиш тартиби, номзодлар билан суҳбат жараёнлари, иш жойида ўқитиш ва янги муҳитга мослаштириш масалалари муҳокама қилинди.

🏭 Шунингдек, яшаш ва ишлаш шароитлари билан танишиш мақсадида ишлаб чиқариш цехлари, ошхона, ётоқхона ва бошқа ижтимоий объектлар кўздан кечирилди.

Бугунги кунда мазкур корхонада 120 дан ортиқ ҳамюртимиз ўртача 800 - 1000 АҚШ доллари миқдорида маош олган ҳолда иш фаолиятини олиб бормоқда. Улар билан ҳам учрашув ўтказилиб меҳнат ва миграция қонунчилигига риоя этиш масалалари юзасидан тушунтиришлар берилди.

📢 Хабарни тарқатинг! 👉 @uzmigration

⚠️ ФУҚАРОЛАР ДИҚҚАТИГА! Ижтимоий тармоқларда, хусусан Telegram мессенжерида «XORIJDA ISH (rasmiy)», «MIGRANT-UZ», «Chet-Elda Ishlar Rasmiy kanal» ва шунга ўхшаш номлар билан фаолият юритаётган норасмий каналлар ваколатли ахборот манбаси ҳисобланмайди ва ҳеч қандай кучга эга эмас. Мазкур каналларда эълон қилинаётган хориждаги иш ўринлари Миграция агентлиги томонидан тасдиқланмаган. Улар бўйича ариза қолдиришдан олдин маълумотнинг ишончлилигини албатта текширинг ҳамда хабарларга танқидий ёндашинг.

📌 Миграция агентлигининг Telegram каналлари фақат: 🔹 Migratsiya agentligi 🔹 Xorijda ish 🔹 Худудий филиаллар каналлари

📢 Хабарни яқинларингизга ҳам улашинг! 👉 @uzmigration

🇺🇿🤝🇰🇷 Яна 114 нафар юртдошимиз Жанубий Кореяда меҳнат фаолиятини бошлади ✈️ Жўнаб кетганларнинг 100 нафари ишлаб чиқариш (Manufacturing) соҳасида меҳнат фаолиятини олиб боради. Уларнинг 49 нафари Улсан шаҳри учун малакали кадрлар тайёрлаш лойиҳаси битирувчилари ҳисобланади. 🏨 Шунингдек, ҳамюртларимизнинг 12 нафари хизмат кўрсатиш соҳасида, 2 нафари эса қишлоқ хўжалиги йўналишида фаолият олиб боради. 📢 Хабарни тарқатинг! 👉 @uzmigration

🇺🇿🇺🇸 Миграция агентлиги ва АҚШ Элчихонаси ҳамкорликнинг устувор йўналишларини белгилади 🤝 Миграция агентлиги раҳбари Беҳзод Мусаев Америка Қўшма Штатларининг Ўзбекистондаги Фавқулодда ва Мухтор Элчиси Jonathan Henick ўртасида учрашув бўлиб ўтди. Унда мамлакатимизда халқаро стандартлар асосида йўлга қўйилаётган меҳнат миграцияси тизими, хорижий меҳнат бозорларини диверсификация қилиш, номзодларни тайёрлаш, уларнинг ҳуқуқ ва манфаатларини ҳимоя қилиш бўйича амалга оширилаётган ишлар тақдим этилди.

Томонлар АҚШда қишлоқ хўжалиги соҳасида ишлашга доир пилот лойиҳаларнинг бориши ҳамда ҳужжатларни расмийлаштириш жараёнлари юзасидан фикр алмашдилар. Элчи қонуний меҳнат миграцияси жараёнларида номзодларни ҳар томонлама пухта тайёрлаш муҳимлигини қайд этиб, уларнинг иш жойи, меҳнат ва яшаш шартлари, кўзда тутилаётган харажатлар, кўрсатиладиган қўллаб-қувватлаш ҳамда Ўзбекистонга қайтиш муддати юзасидан тўлиқ хабардор бўлиши зарурлигини таъкидлади. Шунингдек, ҳужжатларни белгиланган талаблар асосида расмийлаштириш ва номзодларнинг визавий ҳамда миграция тарихини олдиндан ўрганиш бўйича тавсиялар берилди.

Учрашув якунида Миграция агентлиги ва АҚШ Элчихонасининг консуллик хизмати ўртасида ҳамкорликни йўлга қўйиш, маълумот алмашиш ҳамда иш берувчилар билан суҳбат ва ҳужжатларни топшириш жараёнларини олдиндан мувофиқлаштириб бориш масалалари белгилаб олинди. Томонлар қонуний меҳнат миграцияси соҳасидаги ҳамкорликни пилот ва босқичма-босқич ёндашув асосида ривожлантиришдан манфаатдор эканликларини билдирдилар. 📢 Хабарни тарқатинг! 👉 @uzmigration

⚠️ 161 нафар фуқаро. 2 миллиард сўмдан ортиқ зарар. Битта фирибгарлик схемаси... ⚖️ Жорий йилда «Adworld Group» компанияси раҳбарларига нисбатан чиқарилган суд ҳукмига кўра, фирибгарлик оқибатида 161 нафар фуқарога 2 миллиард 35 миллион 941 минг 508 сўм моддий зарар етказилгани аниқланган.

📝Бу ягона ҳолат эмас. 2025 йилда Миграция агентлигига консалтинг ташкилотлари фаолияти юзасидан 229 та мурожаат келиб тушган. 💳 Фуқароларга 1 миллиард 392 миллион 77 минг 200 сўм моддий зарар етказилгани аниқланиб, Агентлик томонидан ўтказилган текширув материаллари ҳуқуқни муҳофаза қилувчи органларга тақдим этилган. ⛓ Улар томонидан тегишли тартибда жиноят ишлари қўзғатилган.

🌍 Халқаро миграция ташкилоти (IOM) маълумотларига кўра, 2024 йилда миграция йўлларида 8 700 нафардан ортиқ инсон ҳалок бўлган ёки бедарак йўқолган. ❗️ Хавф чегарада эмас... У биринчи навбатда телефон экранингизда бошланади. 🎥 Роликни томоша қилинг ва яқинларингиз билан ҳам улашинг. Балки шу видео кимнидир фирибгарлар тузоғидан асраб қолар.

⚠️ Эслатма: хорижда ишлаш давомида мураккаб ҳолатларга дуч келсангиз, Миграция агентлигига мурожаат қилинг — сизга зарур ёрдам ва ҳуқуқий кўмак кўрсатилади. 📞 Қисқа рақам: 1282 💬 24/7 @huquqiy_yordam_uzbot

📢 Хабарни тарқатинг! 👉 @uzmigration

🇺🇿🇪🇺 Европа Иттифоқи мамлакатларида Ўзбекистонлик кадрларга талаб ортмоқда 🤝 Миграция агентлиги, Швейцариянинг Globogate рекрутинг компанияси ҳамда Чехиянинг Penta Hospitals International компанияси ўртасида уч томонлама ҳамкорликка старт берилди. 🏥 Penta Hospitals International — Марказий Европадаги энг йирик хусусий тиббиёт тармоғи бўлиб, 150 дан ортиқ шифохона ва 100 га яқин тиббий парвариш муассасасини бошқаради. 👨‍⚕️ Компания тизимида 25 минга яқин ходим фаолият юритади. Шунингдек, Penta яқинда Братислава шаҳрида ҳам 1 400 нафар ходимга мўлжалланган юқори технологияли шифохона барпо этди.

🤝 Янги лойиҳа доирасида Penta Hospitals International учун Ўзбекистонда шифокор ва ўрта тиббиёт ходимларини тайёрлаш тизими яратилади. 🩺 Globogate билан амалга оширилаётган дастур доирасида қарийб 600 нафар ўзбекистонлик ҳамшира Германияда иш билан таъминланган. Энди мазкур ҳамкорликни биринчи босқичда - Чехия, Словакия ва Польша кейинчалик, Эстония, Латвия, Литвага кенгайтириш режалаштирилмоқда.

XORIJDA ISH телеграм каналимизни кузатиб боринг тез орада ушбу мамлакатлардаги вакансияларни эълон қиламиз! 📢 Хабарни тарқатинг! 👉 Сўнгги янгиликлар учун — @uzmigration

Бугун, 200 дан ортиқ ҳамюртимиз Беларусь Республикасига қишлоқ хўжалиги ва чорвачилик соҳаларида вақтинча меҳнат фаолиятини олиб бориш учун чартер рейс билан етиб борди. 📄 Ушбу пилот лойиҳа Андижон вилояти ҳокимлиги, Миграция агентлиги ҳамда Белорусь Республикасининг Витебск вилояти Меҳнат, бандлик ва ижтимоий ҳимоя қўмитаси ўртасида имзоланган уч томонлама шартнома асосида соддалаштирилган тартибда амалга оширилмоқда. 📢 Хабарни тарқатинг! 👉 Сўнгги янгиликлар учун — @uzmigration

Ватан садоси танловга қизиқиш тобора ортиб бормоқда! 🎵Эътиборлиси, бугунги кунга қадар 30 га яқин иштирокчи ўзининг ижод намуналарини тақдим этди. 🔥Бу эса хориждаги юртдошларимиз орасида танловга қизиқиш ва фаоллик кун сайин ортиб бораётганидан далолат беради. 📌 Сиз ҳам ўз иқтидорингизни намоён этиш имкониятини қўлдан бой берманг! 📝 Танлов шартлари ва иштирок этиш тартиби ҳақидаги тўлиқ маълумот қуйидаги ҳавола орқали: 🔗 https://t.me/uzmigration/1209 🗓 Аризалар жорий йилнинг 31 июлигача қабул қилинади. 🎙 🏆Муносиблар қуйидаги пул мукофотлари билан тақдирланади: 🥇 1-ўрин — 100 миллион сўм 🥈 2-ўрин — 80 миллион сўм 🥉 3-ўрин — 50 миллион сўм Балки ютуқ эгаси айнан сиз бўларсиз! 📢 Хабарни тарқатинг! 👉 Сўнгги янгиликлар учун — @uzmigration

🇺🇿🤝🇰🇼 Қувайт Ўзбекистон билан меҳнат миграцияси соҳасида ҳамкорликни кенгайтиришга қизиқиш билдирмоқда 📍 Миграция агентлиги директори Беҳзод Мусаев ва Қувайтнинг Ўзбекистондаги Фавқулодда ва Мухтор Элчиси Турки Холид Ҳамад ал-Микрод ўртасида учрашув бўлиб ўтди. 🤝 Мулоқотда Қувайт меҳнат бозори учун тиббиёт, сервис, муҳандислик, электротехника соҳаларида ўзбекистонлик малакали кадрларни тайёрлаш ва ишга жалб қилиш, шунингдек, иш берувчилар талабларини янада аниқ белгилаш масалалари муҳокама қилинди.

« Кадрларни хорижда ишлашга тайёрлаш бўйича мамлакатингизда йўлга қўйилган тизимини юқори баҳолайман. Миграция агентлиги билан ҳамкорлик биз учун ҳам муҳим. Ўзбекистон билан меҳнат миграцияси соҳасидаги алоқаларни мустаҳкамлашга ҳисса қўшсам, бундан мамнун бўламан», — деди Турки Холид .

📢 Хабарни тарқатинг! 👉 Сўнгги янгиликлар учун — @uzmigration