Islomjon Qo‘chqorov ijodi

Uygʻon, ey ona yurt, uygʻon, ey Turon. Kimligingni aytsin, bu kuhna dunyo. Islomjon Qoʻchqorov 📺"Qaqnus" @mm_telekanal

Бўлса эди шундай бир диёр, Фахрлансам у билан доим. Мен қай гўрдан туғилдим Русда? Чиқиндизор ўтирган жойим. На пошшолик, на республика, Ва на Тангри беролди ёрдам. Пиёниста, ўғри халқимиз Шаънин сотар бир рублга ҳам! Муттаҳамлик, алдов, хиёнат, Қароқчилик – қандай соз, қойил! Қўрқинчли, ўзича қудратли ватан, Зулумот ва даҳшат сари йўл. Неча йиллар ўтган бўлса ҳам, Бунда инсон ҳаёти йўқ-ку! Йиллар кутмас бироқ, Ватаним, Муаммолар тепангда мангу. Элдар Рязанов P.S.: Совет Иттифоқи ва Россиянинг таниқли кинорежиссори, актёри ва жамоат арбоби Элдар Рязанов (1927-2015) ҳали ҳаётлик чоғидаёқ Россиянинг чиркин сиёсати, очкўз амалдорларига бўлган исёни ва нафратини мана шундай баланд пардаларда борича ифода этган эди. Шеър ёзилганига 10 йилдан ошган бўлса-да, аҳамияти ва долзарблигини мутлақо йўқотмаган. @islomjon_ijodi

​​#шоир_Нажмиддин_ЭРМАТОВ_туғилган_кун Бугун жўрам, жондай жигарим Нажмиддин Эрматовнинг туғилган куни. Нажмиддин халқнинг заррача оғриғини-да юрагида ҳис этадиган, буни шеърлари билан бошқаларга ҳам юқтиришга ҳаракат қиладиган ҳақиқий шоир. Шунинг учун унинг шеърлари ҳатто қурувчилар, чўпонлар, таксичиларнинг ҳам ижтимоий тармоқлардаги гуруҳларида "айланиб юради". Нажмиддин ҳақиқий маънода шу элнинг, шу халқнинг шоири бўлиб бормоқда. Аллоҳнинг ўзи қўлласин! Жўра, умрингиз узоқ, танингиз соғ, йўлингиз ойдин бўлсин! ҚЎРБОШИЛАР ҚЎШИҒИ Шимолдан ёғий келар Талаб қилиб Туронни, Минг аср эш бўлсак ҳам  Бизга қўшилмас қони, Ўрнингдан қўзғал энди, Туркий элнинг ўғлони, Тулпорингга қамчи ур Селдай қалқи, бовурим, Бизлардан шон сўрмоққа Ватан ҳақли, бовурим. Туроннинг эр-у қизи То азалдан мард келар, Турклар дунё сўрар деб Қадимдан бир шарт келар, Душманга қул бўлганнинг Авлоди номард келар, То абад тинмасин-а Мерос чархи, бовурим, Бизлардан ор сўрмоққа Ватан ҳақли, бовурим. Тўтига ошно булбул  Чаманга арзимайди, Душмандан қочиб ўлган Кафанга арзимайди, Мустабидга қул элат Ватанга арзимайди, Балки кўрар умрнинг Келди гашти, бовурим, Бизлардан ҳол сўрмоққа Ватан ҳақли, бовурим. Туркий элат бошида Бегона тахт кўрмасин, Бош эгар омонликни Ўзига бахт кўрмасин, Кун келиб фарзандини Ёвга улфат кўрмасин, Ўзлигинг кўрсатмоқнинг Келди вақти, бовурим, Бизлардан кор сўрмоққа Ватан ҳақли, бовурим. Бобомдан мерос ватан Боламга мерос ўтсин, Шуурига мангулик Уйғотар овоз ўтсин, Ёвга қаҳри қаттиқлик Туркийларга хос ўтсин, Кўзлардан олов ўтсин, Ўтсин шахти, бовурим, Бизлардан юрт сўрмоққа, Авлод ҳақли, бовурим. Юрт деб йўлга отладик Буюкроқ сафар қайда, Шу йўлда шаҳид кетсак Бошқа бир зафар қайда, Қул бўлган тирикликдан Ортиқроқ хатар қайда, Отланган ҳар йигитнинг Шудир ахди, бовурим, Бизлардан қон сўрмоққа Ватан ҳақли, бовурим. Агар ётга қўшилиб Қондошлар сотса бизни, Номимизга тупуриб Хоиндек отса бизни, Ўтмишидан юз буриб Бир кун унутса бизни, Яшамоқдан мани не, Бу жон надир, бовурим?.. Бизлардан жон сўрмоққа Ватан ҳақли, бовурим. © Нажмиддин ЭРМАТОВ @islomjon_ijodi

#шоир_Шаҳриёр_ШАВКАТ_туғилган_кун Шаҳриёрнинг гўзал шеърияти бор. У шеърни шунчаки ёзиб қўя қолмайди, ҳеч кимда йўқ оҳангларни моҳирлик билан маржондай ипга теради. Унинг шеърларини доим қўшиқдай ўқийман. Қўшиқки, бирор жойида "туртиниб" кетмайсан. Қўшиқки, бирор жойида тўхтаб қолмайсан. Тағин бу оҳанг халқники! Шаҳзода Шаҳриёр, кўп яшанг! * * * Солланар шотутнинг барглари, Шаҳарнинг уйқуси буғланар. Кишварим, Савсарим, Қайсарим, Елкамни келтирдим – Йиғлама!.. Банорас булутлар бир сипо, Томчилар ҳавода тиғланар. Шундоғам фусусим беҳисоб, Елкамни келтирдим – Йиғлама!.. Хаёлнинг сочлари сарсари шамолнинг шавқида доғланар. Эй манинг кўзёши кавсарим, Елкамни келтирдим – Йиғлама!.. Адирда апрелнинг найсони Тақмоқда сабуҳий сирғалар… Шабнамим, Ғизолим, Шаъбоним, Елкамни келтирдим – Йиғлама!.. © Шаҳриёр ШАВКАТ @islomjon_ijodi

​​Бугун ўзбек адабиётининг йирик вакили, халқнинг шоири устоз Хуршид ДАВРОН туғилган кун. Миллат бу кунни байрам қилса арзийди! Устознинг мана бу шеъри камтар ва ҳокисор аямга қўшилиб ҳар сафар уйимга кириб келади... ШОИРНИНГ ОНАСИ Она келиб олис қишлоқдан Ўғли билан яшай бошлади Ва дастурхон ёзилган чоқда Ширмой ноннинг четин тишлади. Ювиб берди бир бозор кирни, Сувлар қуйди сўлган гулларга. Неваралар боғчадан қайтгач, Эртак айтиб берди уларга. Аммо, тунлар, хона бурчида Суйган ўғли пичир-пичирлаб Шеър ёзган пайт тутун ичида Ўтирарди юрак ҳовучлаб, Ўтирарди хавотир билан, Қўрқар эди нафас олишга. Хуррак тортиб қўймайин дея Бош қўярди тонгда болишга. Аммо бир кун мазаси қочиб, Кўз олдида ёруғлик сўнди. Қўлларидан тушиб кетди-ю, Чил-чил бўлиб пиёла синди. Ўша заҳот ҳушига қайтди, Чайқаларди ўнгида олам. У югуриб чиққан ўғлига Шивирлади: «Кетайми, болам?» Хуршид ДАВРОН

​​#Бугун, қадрдон дўстим Исломжон Қўчқоровнинг таваллуд санаси. Исломжон никел йигит! Доим ярақлагани ярақлаган. "Жигитдинг алдидан берсин!", дейди эски қўнғиротнинг дуогўйлари! Дунё тургунча туринг, дўстим! ДОСТОН ТАҲРИРИ Исломжон Қўчқоровга! Лаҳмни беркитдим, қизни ҳуркитдим: “Айтганинг бўлмайман”, дея гилгитдим; От дум ташлаганди, думи етмасди, Гарчи етганда ҳам зинҳор кетмасдим; Ғоз учди: кўзгинам дўст деб ёшланди, Ана шу паллада достон бошланди... Бир соя зах тортган лошимга тушди Ва чилвир осмондан бошимга ўсди: Белнинг беш еридан чилвирни чийдим, Чанқовуз чалинди – ўзимни тийдим. – Ё-о!.. – деди, бир майдон умрим лўқчиди, – Аллоҳ!.. – деди, шунда руҳим қурч эди! Дўст тортар! Кўнглимда унмас иштибоҳ, Етти йил деганда ортда қолар чоҳ... Дўст тортар! Кўнглимга ҳеч гап келмайди, Чунки дўст ҳеч қачон миннат қилмайди! январ, 2024 й. Алибек Анварий

Баъзи одамларнинг номард дунёдаги мардона ҳаётига ҳасад қиласан киши. Бугун ҳасадимни келтирадиган дўстим – Исломжон Қўчқоров @islomjon_ijodi нинг туғилган куни. Дўстим, мудом қаламингиз ва сўзингиз ўткир, бошингиз баланд бўлсин. Сиз ҳақингизда соатлаб ёзишим мумкин, бироқ биринчи хаёлимга келган “ҳасад” сўзи ҳаммасини ифодалаган экан. ТУШ «Гоҳ танам тор келган окопчаларда Аёвсиз эзғилаб ўтади танкчи. Юрагим тортилар ликопчаларда Додлаб уйғонаман – қўлимда санчқи!..» Исломжон ҚЎЧҚОРОВ Telegram | Facebook | Instagram | YouTube

Bugun jo‘ram, jigarim Islom Qo‘chqorovning dunyoni to‘ldirib tug‘ilgan kuni! Tabriklayman, jo‘ra! Haq yo‘lidan toymang! Ислом Қўчқoровга Бизга берилган замон, Сузмакка саёз келди. Эрк деб уруғ қададик, Тинмасдан аёз келди. Тил қантариқ келди ва Тори узук соз келди. Умримиз шундай ўтса, Яшаш бекордир, жўра. Шоир йиғлаб шеър айтса, Кулиб бораётирмиз. Бирор мард наъра тортса, Қувиб солаётирмиз. Не зотлар ўтди тур деб, Тизза букиб ётирмиз. Бундай қавм қулликка, Мудом дучордир, жўра. Босолмасдан ўмганин, Кўкка чиқди ҳар султон. Пастга тушгин де унга, Кетса кетсин битта жон. Машраб осилган дорнинг, Оғочи бутун ҳамон. Эгилмаган ҳар бошга, Дорлар хумордир, жўра. Бир ватан кўрдим бунда, Кўзи тўла жиққа ёш. Бир туйғу туйдим унда, Йўқлигимни қилди фош. Илдизи узук келса, Дорга ҳам арзимас бош. Бугунимиз ёр эмас, Қурган ағёрдир, жўра. Бўзтўрғай бўзлаб учган, Даштимда дайдиб келдим, Этак силтаб кетгандим, Элни деб қайтиб келдим, Куюк келди кўкайим, Кўзёшдай қалқиб келдим. Шоир бўлсанг қисматинг, Наҳот равондир, жўра. Чилвир чўлнинг йўлида, Ғиротдан из қолгандир, Бахши ўшал йўл томон, Кўзин тикиб толгандир. Ё пирим, дегин, қўзғал, Кураш бизга қолгандир... Ё эл учун алп туққан, Фақат мозорми, жўра.  @Najmiddin_Ermatov

​​Байрам муборак бўлсин, аҳли Ўзбекистон, жасур ўғлонлар, жонажон қуролдошлар! Азиз бошингиз ҳамиша омон бўлсин! Муродга етгунча изингга қайтма, Бир ўзинг минг чоғлик қўшиндек тизил. Жон берсанг шу Ватан номини айт ва Йиқилма, Йиқилма! Тик туриб узил! © Исломжон ҚЎЧҚОРОВ @islomjon_ijodi

* * * Севгилим, сен гулсан, севгининг гули, Мен эса дунёнинг залворли тоши. Пойингда умримнинг ўттиз бир йили, Ўттиз бир ёшимда айланди бошим. Севгилим, сен ойсан, севгининг ойи, Узансам етмайди... етмайди қўлим. Чархи кажрафторнинг райъига мойил, Ўттиз бир ёшимда айланди дилим. Нечун паришонсан менинг қошимда, Сўлим бир оҳангсан, сўлим бир баёт... Ўттиз бир ёшимда, менинг бошимда, Тегирмон тошидай айланди ҳаёт. Севгилим, сен гулсан, севгининг гули, Сенга бўйлай олмас на давлат, на шон. Пойингда умримнинг ўттиз бир йили Кечиккан гуллардай йиғлар паришон. 1993 йил ✍️ Эшқобил ШУКУР @Eshqobil_Shukur_ijodi

ТУШ «Гоҳ танам тор келган окопчаларда Аёвсиз эзғилаб ўтади танкчи. Юрагим тортилар ликопчаларда Додлаб уйғонаман – қўлимда санчқи!..» © Исломжон ҚЎЧҚОРОВ @SharqYulduziJurnali

​​БУ ЙЎЛЛАР Сендан олисларга бадар кетганман, Тақдир етаклаган йўлларда сарсон Юрибман, билмам қай қадар кетганман, Руҳимни бу йўллар этмоқда яксон. Тўрт ёнга сочилган бўлакларимни Ахтарсам, йиғганим – жуфт сонми тоқ сон. Бирма-бир қулатиб тиргакларимни Руҳимни бу йўллар этмоқда яксон. Улар кулиб келди харир либосда Сўнг ишғол айлади шунчалар осон. Ўзимга сездирмай аста ва аста Руҳимни бу йўллар этмоқда яксон. Ё ортга қайтайми, ё олға босай, Жисмимдан жой олган минг битта таксон. Чопилган ўрмонда айт, қайга осай? Руҳимни бу йўллар этмоқда яксон. Гилдираб бормоқда қуп-қуруқ танам, Тақдир етаклаган йўлларда сарсон. Ҳувиллаб қолди-ку бу кўнгил – хонам, Руҳимни бу йўллар этдилар яксон. © Исломжон ҚЎЧҚОРОВ @islomjon_ijodi

​​КЕЛДИМ Осмон кўзёшини яширмаган кеч, Ваъдабоз юлдузлар бўлганда мулзам. Туним ғамга ботди – қололмадим ҳеч, Мен сенинг қошингга келдим, азизам. Бу йўллар мени гоҳ оловга отди, Кўзёшинг асради, кўзёшинг – зам-зам. Кўзингда тонг отиб, сўнгра кун ботди, Мен сенинг қошингга келдим, азизам. Гуллаган боғларда саробни кўрдим, Денгизга ботирдим – тўлмади кўзам. Аксимда бир ҳоли харобни кўрдим, Мен сенинг қошингга келдим, азизам. Келгунча минг марта адашганим бор, Ялтироқ йўлларда оёғим тойган. Малаклар қўлимга май тутиб маккор Худди товусдайин қанотин ёйган. Аммо улар айтган қўшиқлар зинҳор Кўнглимга кирмайин соб бўлган сазам. Умримнинг боғлари сарғайиб баҳор Мен сенинг қошингга келдим, азизам. Охир келдим... Мана эшигингдаман, Қўнғироқ тугмаси – асрлик фурсат! Азизам, ранжима, гуноҳкорингман, Адашган итингга мурувват кўрсат. © Исломжон ҚЎЧҚОРОВ @islomjon_ijodi

⚡️BOLALIGINI SOG‘INGANLAR UCHUN BOLALIK Bolalik – ortiga qaytmas turnalar, Qo‘l silkib ketadi qator va qator. Har safar yodimda ming xil turlanar, Har safar o‘ylasam, o‘ylarim bedor. Mehr nurlarini sochib sahardan Muruvvat atalmish gulbog‘da o‘sdim. Bugun-chi, diydasi qotgan shahardan Muhabbat axtarib yuribman, do‘stim. Bolalik – ortiga qaytmas turnalar, Qo‘l silkib ketadi qator va qator. Har safar yodimda ming xil turlanar, Har safar o‘ylasam, o‘ylarim bedor. O‘zim yo‘ldaman-u, ko‘zlarim ko‘kda, Kelar kuningizni ayting, turnalar. Yerda yurganlardan ulfatim yo‘q-da, Mening osmonimga qayting, turnalar. Islomjon QO‘CHQOROV, katta leytenant Veb-sayt | Telegram | Youtube | Instagram | Aloqa

Barcha do‘stlarimizni tabriklaymiz! Bardavom bo‘lsin.

​​УЙҒОН Уйғон эй она юрт, уйғон эй Турон, Кимлигингни айтсин бу кўҳна тупроқ. Уйғонсин номусинг, кўксингдаги шон, Ва ишон, Ва ишон! Ҳақлилар ичинда ҳақлисан кўпроқ. Сенинг бобонг тоғни титратган ботир, Айт, нега мудрайсан, уйғонгин, ўғлон. Сен ҳам улар каби мардсан, баҳодир, Уйғонсин номусинг, кўксингдаги шон. Отларнинг дупури тушингни бузсин, Орингни ўртага қўйиб жилов тут. Болангнинг бўйи ҳам ғурури ўссин, Мардларни эслаб қол, номардни унут. Йигитлар эр бўлиб сўрайди элни, Хилватда юрмайди қилиб кўзёши. Агар сен номусдан боғласанг белни, Қўллаб турар Шермуҳаммад қўрбоши. Муродга етгунча изингга қайтма, Бир ўзинг минг чоғлик қўшиндек тизил. Жон берсанг шу Ватан номини айт ва Йиқилма, Йиқилма! Тик туриб узил! © Исломжон ҚЎЧҚОРОВ @islomjon_ijodi

​​#шоир_туғилган_кун Бугун ўзбекнинг катта шоири, жондай қадрдон акам Шодмонқул САЛОМ туғилган кун. Узоқ умр кўринг, ака. Худо ҳамиша ёр бўлсин. ШОИРГА Қўлларинг бунча совуқ, Бир лаҳза тинасанми? Дунё — бир тоғора чўғ, Шунга исинасанми? Липиллаб ўчиб борар, Кўксимга кўчиб борар, Тўнғиб қолган оламда Сўнгги бор ёнасанми? Эй, дўст, бошингни тик тут, Сотилмасни сотмагин. Бедиллар кемасида У соҳилга кетмагин. Яшаш ҳам зўр иш эмас, Қаҳрамонликмас ўлим, Кўп қатори бўлдингми, Шунга қувонасанми? Чумолининг инидан Дон ўғирлаб бой бўлган. Сенинг гулдай кўнглингга Кир қўллари узалган. Қуёшга тил чиқариб, Шамолни шалоқ қилган, Кўп худоли касларни Қайғуриб ёнасанми? Танишинг йўқми Марсда, Қуёшга йўқми улов? Муз нигоҳлар тафтидан Кўксимга кетган олов. Қанотинг борлигини Сезгани йўқми биров. Ўзинг ҳам билмагайсан, Билмоқни истамайсан, Истамоқни билмайсан, Ёлғонми, тонасанми? Менинг оёғим толди, Куйиб битди қанотим. Юрак деворларига Урилиб қайтар додим. Суваракка шеър айтиб Тугаб борар саботим. Яшаш дегани шуми, Наҳот шуми ҳаётим?! Ўлмай туриб ўлишга Наҳотки кўнасанми? Арзимади бу дунё, Билганимда келмасдим. Уйқу дори бер, Худо, То руҳим уйғонмасин. Елкамдаги кўзларим Ловуллаб бораётир. Ёндим ўчолмаяпман, Куйдим, ишонасанми? Юрак деган тулпорда Жиловни узиб келдим. Майхона! Хўжанг қани? Аҳдимни бузиб келдим. Доғулилар даврасин Кўзин шамғалат этиб, Қўлим муз, ўзим эса Ўт бўлиб қизиб келдим. Тангрим, қарамай тургил, Шуни ичиб юборай, Пули Сиротда тойсам, Ушлаб қололасанми? Дунёнг ўчиб қолган чўғ, Шунга ишонасанми?! © Шодмонқул САЛОМ @islomjon_ijodi