«ШАРҚ ЮЛДУЗИ» журнали

#Шарқ_юлдузи (02/2024) #Наср Носир Зоҳид ЖАННАТИ ОДАМ

– Дада... Хона тўридаги каравотда ётган бемор – Ғаффоржон бўйнини хиёл бурди. Кейин ичкарига бир қадам қўйиб унга мўлтираб қараб турган ўғлига саволомуз қаради. – Ҳалиги... Маҳалламиздаги муаллим. Қодир амаки келувдилар... Ғаффоржон бир муддат сукут сақлаб турди-да, “Кираверсинлар”, дегандек бош тебратди. Ҳаял ўтмай ўғли олтмиш ёшлар чамасидаги ўрта бўй, қотмадан келган кишини бошлаб кирди. – Ассалому алайкум. – Қодир муаллим хиёл эгилиб бемор ётган каравот олдига борди. Кейин Ғаффоржоннинг қўлини олиб пастга тўшалган кўрпачага чўккалади.

Тўлиқ ўқиш Бизни кузатиб боринг: Telegram|  Facebook | web-sayt

#Ҳикмат “Сукут - кўп муаммоларнинг қалқонидир, гап сотиш эса ҳар доим зарарли. Одамнинг тили кичик, аммо у қанчадан-қанча ҳаётларни синдирган". ©️Умар Ҳайём

#Шарқ_юлдузи 2024/02 #Наср Ўрозбой АБДУРАҲМОН ОВОЗИНГДАН АЙЛАНАЙ... (комедия) "Пардабойнинг шинам безатилган кабинети. “Яна пайдо бўлдинг, йўлимда, Йўлларингда сенинг, бўзладим…” У кабинетда у ёқдан, бу ёққа юриб, ўзи билан ўзи гаплашади. – Замон-замон, нима бўлаяпти, ўзи? Тўрт карра сайловлар ғинг-пингсиз ўтганди. Эндиги сайлов ҳар бир партиядан битта номзод… муқобиллик асосда ўтармиш… Муқобил номзодлар мусобақаси… Нима керак эди, шу бош оғриғи?.." https://sharqyulduzi.uz/2024/06/04/%d1%9e%d1%80%d0%be%d0%b7%d0%b1%d0%be%d0%b9-%d0%b0%d0%b1%d0%b4%d1%83%d1%80%d0%b0%d2%b3%d0%bc%d0%be%d0%bd%d0%be%d0%b2-%d0%be%d0%b2%d0%be%d0%b7%d0%b8%d0%bd%d0%b3%d0%b4%d0%b0%d0%bd-%d0%b0%d0%b9%d0%bb/

#Шарқ_юлдузи (02/2024) #Адабиётшунослик Тохир Шермурод КАМОЛША КАФОЛАТ БЕРГАН ТАЗАРРУ

Адабий ижодга мансуб истеъдод билан кенг жамоатчилик эътиборига тушмоқ ҳозирги эмас, олдинги асрда анчайин осон эди. Шунгача бўлган тадорик жараёни талабчан ўтса-да, ёш ижодкор эълон қилинган дастлабки асарлари биланоқ кўпчиликка маълум бўлар эди. Бугунги кунда майдонга кирмоқ осону танилмоқ, тан олинмоқ, адабиётга муносиблик жуда қийин. Мустақилликнинг аввалида илк китоби энг муваффақиятли номланган ёш шоирлардан бири Муҳаммад Исмоилдир.

Тўлиқ ўқиш Бизни кузатиб боринг: Telegram|  Facebook | web-sayt

#Ҳикмат "Илмдур дунёда энг яхши ҳунар, Илмсиздан яхшидур гунг ила кар" ©️Мунавварқори Абдурашидхонов

#Шарқ_юлдузи (02/2024) #Назм Бибигул Абиева Юзларимни силаб ўтди қор

Мен бекатда турибман интиқ, Ёмғирларга термилиб ҳолсиз. Келмаслигинг кундуздай тиниқ – Келарингни ўйлайман ёлғиз! ...Кеч тушмоқда, хотирим сўлғин, Бу дунё ҳам кўнглимдай юпун. Ёнгинамда турган айрилиқ, Авто тутиб берар мен учун. Юзин ювган ҳорғин япроқлар, Хайрлашар елка учириб. Томчиларга айланган чоғлар, Оловларни қўяр ўчириб. Кетавердим. Ёлғиз. Сарҳадни, Ўйларимда толдириб етдим. Сен келмаган ўша бекатни, Мен кимгадир қолдирдим... кетдим.

Тўлиқ ўқиш Бизни кузатиб боринг: Telegram|  Facebook | web-sayt

#Шарқ_юлдузи (02/2024) #Адабиётшунослик Рустамжон Тожибоев

СЕРМАҲСУЛ ИЖОД

Носир Зоҳидни саксонинчи йиллардан буён яхши биламан. Ўша пайтлар адибнинг шеърлари, ҳикоя ва ҳажвиялари шаҳар, вилоят, республика нашрларида чоп этилиб турарди. Кейинчалик бу шеърлар “Тазарру” номи билан китобхонлар қўлига етиб борди. Тўпламдан бармоқ вазнда битилган шеърлар, ғазаллар, мухаммаслар ўрин олган. Чунончи, шоир мактаб остонасига илк бор қадам қўяётган болакайга бағишлаб ёзган шеърида шундай дейди: Болажон, мен сени кўрдим тонг пайти, Гўё кабутардек учиб боряпсан. Боғчангда ёд олган шеърларинг айтиб, Ажиб гулдастангни қучиб боряпсан.

Тўлиқ ўқиш Бизни кузатиб боринг: Telegram|  Facebook | web-sayt

#Шарқ_юлдузи (02/2024) #Адабиётшунослик БОТИНИЙ ВА ЗОҲИРИЙ ТУШУНЧАЛАР Салима Жумаева

Шеърият инсон ички дунёси, унинг ташқи воқеликка муносабатлари  мажмуасининг шеърий образлар воситасида акс этишидир. Ҳиссий туйғу билан  йўғрилган чинакам шеъриятнинг таъсир қуввати эса уммонга тенг. Таниқли шоир  Икром Отамурод шеърияти китобхонни ҳаётнинг, борлиқ олам ҳодисаларининг  кўпроқ ички томонига, ботиний моҳиятига синчковлик билан назар ташлашга, табиат  ва ҳаёт ҳаракатларини англаш, билиш ҳамда изланувчан бўлишга даъват этади.

Тўлиқ ўқиш Бизни кузатиб боринг: Telegram|  Facebook | web-sayt

‍‍1 iyun — Xalqaro bolalarni himoya qilish kuni!

HIMOYA   Bolalarni xalqaro Himoya qilish kuni, Ota-onam o‘zaro Qildi himoya meni.   Ushbu bayram bahona Tomoshaga chiqdik biz. Tomoshamas ozgina Mashmashaga chiqdik biz.   Bu ne holat (oh sho‘rim), Bo‘lsa hamki havo dim, Kiyim kiydim zap po‘rim, Qo‘riqchiga aylandim.   Onam dedi: «Gapim shu, yoping‘ichni ilasan! Hozircha yoz, qishda-ku, mayli, o‘zing bilasan».   Otam dedi: «Hayvonot bog‘ini borib ko‘rsak». Onam der: «Qo‘rqmas, nahot? Bolani asrash kerak».   So‘ngra dedi: «Arg‘imchoq ucha qolsin, indamang». Otam dedi: «O‘ylab boq, o‘zi-ku  yurar arang...»..   «Bir yayrasin cho‘milib», – Otam dedi nihoyat. «Shamollab qolmasin» deb Onam qildi himoya.   Keyin sirti zarqog‘oz Muzqaymoq olib berdi. Otam qilib ko‘ksin g‘oz: «Kasal qilasan» derdi...   «U yaxshimas, bu yomon...» Onam girdikapalak. Yetmasin deb bir ziyon, Otam tag‘in jon halak.   Qilishdi meni  zada, Aytishib adi-badi. Xullas, ikki o‘rtada Bayram hech tatimadi.   Aslida mehr shirin, Me’yor bo‘lsa... kifoya. Izlar bo‘ldim noo‘rin Himoyadan himoya!   Sirojiddin Rauf, "Sharq yulduzi" va "Zvezda vostoka" jurnallari birlashgan tahririyati bosh muharriri, shoir va tarjimon.

‍‍ 1 iyun — Xalqaro bolalarni himoya qilish kuni! HIMOYA   Bolalarni xalqaro Himoya qilish kuni, Ota-onam o‘zaro Qildi himoya meni.   Ushbu bayram bahona Tomoshaga chiqdik biz. Tomoshamas ozgina Mashmashaga chiqdik biz.   Bu ne holat (oh sho‘rim), Bo‘lsa hamki havo dim, Kiyim kiydim zap po‘rim, Qo‘riqchiga aylandim.   Onam dedi: «Gapim shu, yoping‘ichni ilasan! Hozircha yoz, qishda-ku, mayli, o‘zing bilasan».   Otam dedi: «Hayvonot bog‘ini borib ko‘rsak». Onam der: «Qo‘rqmas, nahot? Bolani asrash kerak».   So‘ngra dedi: «Arg‘imchoq ucha qolsin, indamang». Otam dedi: «O‘ylab boq, o‘zi-ku  yurar arang...»..   «Bir yayrasin cho‘milib», – Otam dedi nihoyat. «Shamollab qolmasin» deb Onam qildi himoya.   Keyin sirti zarqog‘oz Muzqaymoq olib berdi. Otam qilib ko‘ksin g‘oz: «Kasal qilasan» derdi...   «U yaxshimas, bu yomon...» Onam girdikapalak. Yetmasin deb bir ziyon, Otam tag‘in jon halak.   Qilishdi meni  zada, Aytishib adi-badi. Xullas, ikki o‘rtada Bayram hech tatimadi.   Aslida mehr shirin, Me’yor bo‘lsa... kifoya. Izlar bo‘ldim noo‘rin Himoyadan himoya!   Sirojiddin Rauf, "Sharq yulduzi" va "Zvezda vostoka" jurnallari birlashgan tahririyati bosh muharriri, shoir va tarjimon. https://t.me/SharqYulduziJurnali