Islomjon Qo‘chqorov ijodi
Open in Telegram
Bir ma’no topayin degan ilinjda Dunyoni Mashrabdek kezayotgandim...
Show more303
Subscribers
No data24 hours
No data7 days
No data30 days
Data loading in progress...
Similar Channels
No data
Any problems? Please refresh the page or contact our support manager.
Tags Cloud
No data
Any problems? Please refresh the page or contact our support manager.
Incoming and Outgoing Mentions
---
---
---
---
---
---
Attracting Subscribers
December '24
December '24
+12
in 2 channels
November '24
+6
in 1 channels
Get PRO
October '24
+4
in 2 channels
Get PRO
September '24
+1
in 2 channels
Get PRO
August '240
in 0 channels
Get PRO
July '240
in 1 channels
Get PRO
June '240
in 3 channels
Get PRO
May '240
in 2 channels
Get PRO
April '24
+3
in 1 channels
Get PRO
March '24
+22
in 8 channels
Get PRO
February '24
+12
in 2 channels
Get PRO
January '24
+60
in 11 channels
Get PRO
December '23
+12
in 4 channels
Get PRO
November '23
+4
in 3 channels
Get PRO
October '23
+281
in 2 channels
| Date | Subscriber Growth | Mentions | Channels | |
| 21 December | 0 | |||
| 20 December | 0 | |||
| 19 December | 0 | |||
| 18 December | 0 | |||
| 17 December | 0 | |||
| 16 December | 0 | |||
| 15 December | 0 | |||
| 14 December | 0 | |||
| 13 December | +1 | |||
| 12 December | 0 | |||
| 11 December | +1 | |||
| 10 December | +1 | |||
| 09 December | +2 | |||
| 08 December | +1 | |||
| 07 December | +1 | |||
| 06 December | 0 | |||
| 05 December | 0 | |||
| 04 December | 0 | |||
| 03 December | 0 | |||
| 02 December | +4 | |||
| 01 December | +1 |
Channel Posts
СЕНИ ИЗЛАЙМАН
Гарчи навосидан айрилган қушман,
Сенсиз боғларимда сассиз бўзлайман.
Ишқинг шаробидан мудом сархушман,
Сени излайман.
Биламан, сен ҳам шу шаҳарда далли
Девона юрибсан мастона бўлиб.
Кутаман хабаринг келган маҳали
Кўнглим билан бирга остона бўлиб.
Нетай хабаринг бор, хушхабаринг йўқ,
Ишқсиз давраларда ишқдан сўзлайман.
Вужудимда олов, кўзларимда чўғ,
Сени излайман.
Бўлмаган ҳеч қачон ишқнинг ҳоли ҳал,
Авжи саратонда ахир музлайман.
Дунё кафтимчалик торайган маҳал,
Сени излайман.
Ўшанда бор бўлгин, йўлларимга чиқ,
Соғиндингми, дегин, соғиндим, дегин.
Кетганинг -- шу кўнглим кўзимдек очиқ,
Сенсиз яшашга ҳам оғриндим, дегин.
Унутдингми, дема, дема ҳеч бир сўз,
Кўзларимга тикил, нени сўзлай ман.
Келаринг чин бўлса, қўлларингни чўз,
Дунё дунё бўлган кунидан бери
Сени излайман,
Сени излайман.
© Исломжон ҚЎЧҚОРОВ
@islomjon_ijodi
| 2 |  Har tuning qadr o'libon,
Har kuning o'lsin Navro'z!
Alisher Navoiy
Haqiqiy sharqona ayyom - Navro‘zi olam muborak bo‘lsin!
@islomjon_ijodi | 246 |
| 3 | #Янги_шеър
АЁЛ ШАЪНИ
Баъзи "инқилобчи"ларга!
1.
Энг аввал Онага – аёлга таъзим,
Таъзимдир муштипар опа-сингилга.
Босган изи асли – юрт харитаси,
Таъзим бўлсин ёрга, дарддош кўнгилга.
“Ватанни севаман” деган изҳорни
Айтмасдан, жим юриш мумкиндир, илло.
Лек азиз аёлга бир даста гулдай,
“Севаман!” сўзини айтмаслик гуноҳ!
Ана шу аёлнинг кўксидаги нур,
Бу совуқ оламни сирга ўраган.
Ўзидан зериккан, кулгуси салқи,
Бемурод дунёнинг лабин бўяган.
Аёлнинг қудрати бир уюм тошдан
Борлиққа Тожмаҳал ҳадялар этган.
Шу азиз сиймонинг ўт нигоҳидан
Замин қитъаларга бўлиниб кетган.
Ўзи-чун яшашни унутиб гоҳо,
Муҳаббат тонгида ойдай балққаним.
Ўзбек аёли ҳам бордир шу сафда
Ўлмасин болам, деб туғдай қалққаним.
Қиёмат кунида, Маҳшар тонгида
Оналар фарзанддан тонаётган дам.
“Воҳ, болам!” деб биров бўзласа ногоҳ,
Бу ўзбек онаси, бешак, муҳтарам.
Ўзи бир штат иш – ўзбек бўлмоқлик,
Ўзбек аёли бу – икки бор яшаш.
Бу номни кўтармоқ учун қанча куч,
Қанчалар улуғлик, матонат, кураш...
Ва буюк муҳаббат керак бўлади,
Бу улуғ шарафни пок тутмоқ учун.
Меҳр тиланмайди, қозонилади,
Куч керак! Сабрни жим ютмоқ учун!
Эй, сиз азиз аёл номидан сўзлаб,
Энг гўзал боғимга тегаётганлар.
Бир бор келинчакдай эгилмай туриб,
Менинг ҳам бошимни эгаётганлар.
Номус матосини кўчага ёйиб,
Қуёш юзига кул сочаётганлар.
Худо билан аёл ўртасидаги
Энг пинҳон дарчани очаётганлар.
Эй, аҳли гумонлар, билинг оламда
Ҳалиям ошиқлар ва ҳижрон бордир.
Ҳалиям кимгадир висол ҳурмати
Титраб турган гулнинг жамоли ёрдир.
Ҳа! Недир сир бўлиб қолиши керак!
Неларнингдир пинҳон тургани зебо.
Кимдир ҳаё тутган парда ортида
Нозик энтикканда портласин дунё.
2.
Ватан ҳақидаги нутқдир, шубҳасиз,
Аёлнинг номидан айтар ҳар сўзим.
Шу сабаб бу қутлуғ калом олдидан,
Таъзим, дейман фақат, пойига таъзим!
Шодмонқул САЛОМ
"Жадид" газетаси, 15-март, 2024-йил
@Shodmonqul_SALOM
@Jadidmedia_rasmiy | 273 |
| 4 | No text... | 1 |
| 5 | 14 март – шоир Нодир ЖОНУЗОҚ туғилган кун.
ЧИРОЙЛИСИЗ
Чиройлисиз. Гўзалсиз. Мағрур.
Ташлайсиз гоҳ кўз қирингизни.
Талпинади юрак қурмағур,
Билсам дейди дил сирингизни.
Аммо сира бузмайсиз пинак,
Хотиржамсиз. Сокинсиз. Сипо.
Гўё йўқ сиз етмаган тилак,
Гўё сизда дунё бахти жо.
Ҳолбуки ҳар лаҳза бетиним
Қалбингизда отилар вулқон.
Гарчи қушдай юрсангиз-да жим,
Қонингизда ухлайди тўфон.
Бепарвосиз. Вазмин. Осуда.
Оққуш каби қиласиз пардоз.
Гўё беўй, беғамсиз жуда,
Гўё иссиқ ҳисларингиз оз.
Адашдимми ё кўнгил бериб?
Ўйлайверсам – юрагим оғрир.
Пойингизга тўкилдим эриб…
Чиройлисиз. Гўзалсиз. Мағрур.
Нодир ЖОНУЗОҚ
@n_jonuzoq
@islomjon_ijodi | 294 |
| 6 | ЁМҒИРНИ СЕВАСАН
Ёмғирни севасан ҳаддан зиёда,
Томчилар куй чалар – рақсингга ошиқ.
Оҳангдан маст бўлган бедор дунёда
Кўнглингга сиғмайди бошқа бир қўшиқ.
Ёмғир бўлиб сенга ёғмоқчи бўлдим,
Сочингдан сирғалиб ерга тушсамда.
Ахир булутлардек хасратга тўлдим,
Хасратинг бўй чўзди бугун жуссамда.
Сенга борар йўлда бекатлар аро
Соғинчлар, ўкинчлар, ғамлар сочилгай.
Автолар бир бўлиб қилар можаро
Боши берк кўчалар қачон очилгай?
Айт ўзинг, хоҳишинг билдиргин менга,
Уялсанг жимгина бергин ишора.
Ёки булут билан дўстлашиб сенга
Ёмғир юборайми кунда, кунора.
Кўнгилни қўя тур, етмайди кўзим,
Ишқ – азоб, ақлимга оғолмай қолдим.
Булутдек қорайдим, гулдираб сўзим
Нетай ёмғир бўлиб ёғолмай қолдим.
Азобим ортгайдир гарчи бахт келса
Севгисиз, соғинчсиз, сенсиз дунёда.
Ёндим, чақмоқ бўлиб ёндим, сен эса...
Ёмғирни севасан ҳаддан зиёда.
Энди азобингдан қутқаргин мени,
Уфқи йўқ томонлар сари улоқтир.
Энг сўнгги ҳукмингга маҳталман бугун
Кетиш толе бўлса, қолиш фироқдир.
Бир куни чорласанг ва ёки келсанг,
Даллидек эсимдан оғишимни кўр.
Шунда гумбур-гумбур ноғора чалиб,
Шунда ёмғир бўлиб ёғишимни кўр!
© Исломжон ҚЎЧҚОРОВ
https://t.me/islomjon_ijodi | 304 |
| 7 | ▫️▫️▫️
Ikki yonoq yuraksuvdan shudgorligi uchun rahmat!
Bu orada ikki kulgich abgorligi uchun rahmat.
Mеn o‘zimni Ibrohimday tashlab kеldim Balx taxtidan,
Yo‘qligimga Yer-u osmon iqrorligi uchun rahmat.
Ishonganim, suyanganim – baytlarimning jilosi ham,
Dudog‘ingda umrim kabi inkorligi uchun rahmat.
Sеvgim rasul yanglig‘ yеtdi, mеn yеtmagan bo‘sag‘angga,
Sog‘inchlarim shu elchiga choryorligi uchun rahmat.
Ko‘ksimdagi childirma, yor, tarang tortdi olovlardan
Chеrtilmagan tuyg‘ularim bеdorligi uchun rahmat.
Sеnsizlikda og‘u ichib, og‘iz yopdim saharlarda,
Qosh qoraygach Iztirobing iftorligi uchun rahmat.
Alibek ANVARIY | 240 |
| 8 | Ўзбек аёли, унинг кўнгил туб-тубидаги ҳеч кимга айтолмайдиган дард ва қувончлари, иқрор ва армонлари тасвирланган бу битикни севиб ўқийман. Бу ҳарбийнинг садоқатли, сабр-бардошли турмуш ўртоғи мисолида жамики аёллар қалбидаги чин сўзлардир.
Азиз онажонлар, меҳрибон опа-сингиллар, байрамингиз муборак бўлсин!
АЁЛ МОНОЛОГИ
манзума
Ҳарбийларнинг машаққатли, ўтроқ ҳаётига сабр қилиб, ойлаб хизмат сафарида бўлувчи турмуш ўртоғига садоқат кўрсатаётган, беш вилоятнинг унисидан-бунисига кўчиб, мусофирликда беш фарзандини тарбиялаётган, умрини турмуш ўртоғи ва фарзандларига бағишлаган соддадил, самимий аёл Лола Сайфуллаевага ва барча ҳарбийларнинг аёлларига бағишланади
Мен ўзимдан бунчалик қудратни тополмагандим аввал. Йиллар ўстирдими бу қудратни, йўллар ё азоблар? Ватансизлик, дарахтдек илдиз отолмаслик ё мусофирликнинг мусофиргина англай олувчи қийинчиликларидан яралдими бу қудрат? Беш фарзандимнинг сочи, бўйи, ўйи мисол ўсиб бораётгандир балки.
Оқшом
уларни ухлатар чоқ
тим қора сочларига ботиб кетар
хаёлларим,
ўтмишим,
туннинг қаролиги.
Ва қоп-қора кўзларимда олов чақнатиб
Тонг отади оппоқ, маъсума.
Кечагина Қашқадарёнинг Касбисида дугоналарим билан кўча чангитиб
Лек юракларни тозартириб чопардик тор кўчаларда.
Бугун эса дунё тор қолган
Тор кўчалар таништирган катта бахтимдан.
Ўн тўрт йилки катта йўлдаман,
Ўн тўрт йилки борар манзилимнинг охири кўринмас.
Ўзим ҳам билмасман эрта мени кутар яна не манзиллар
Йўллар, одамлар...
Деразадан узоқ-узоқларга термилиб,
Узоқ-узоқ ўйга чўмаман:
Йўллардан иборатмикан ҳаётим?
Йилма-йил ажин бўлиб қўшилар
Йўллардан топган топилдиқларим
Эҳтимол, йўқотганларим.
Чирчиқ, Намангон, Андижоннинг йўлларида
Ёшлигим қолдириб
Руҳимга тоғларининг ҳайбатини кўчирдим.
Сийратимга кенгликлар суратини кўчирдим.
Кўчиролмадим ёлғиз
Касбининг тор кўчаларига манзилим.
Ишонасизми,
Мендан бахтли одам йўқ шу ҳолимда ҳам.
Унутилмас хотиралар ҳадяси учун,
Кўнглимни ҳувиллатиб кетар инсонлар дийдори,
Йўлларда туғилган фарзандларим ҳақи,
Укам ва синглимнинг опасиз ўтган тўйлари ҳақи,
Дийдорига тўёлмаган яқинларим,
Қиёматга қолган дийдорлар ҳақи,
Болаларимнинг эслаб-эслолмай,
Таниб улгуролмай хайрлашган ўртоқлари ҳақи,
Адоқсиз, кутилмаган сафарлар учун,
Қўқону Фарғонанинг қисматимга битган битиклари ҳақи
Бахтлиман!
Розиман
бахтни зарра-зарралаб йўлларга сочиб юборган тақдиримдан.
Маҳалладан нарёғин кўрмаган онамнинг
қизин қидириб
Юрт кезиб юрганидан
Қайта-қайталаб...
Қайнона-қайнотамнинг
Алқаб, мақтаб, ҳовлиқиб
Аввал келинини қутлашларидан
Ўғлининг катта-кичик ютуғи учун.
Йўлларда тобланаётган фарзандларим ҳақи
Розиман барча-барчасидан.
Енгил атлетикачи қизнинг
Гарданига тушган оғир-оғир юклар,
Ватан ичра туриб ватанни соғинишлар,
Бахт деб атагани изидан кўча-кўч, чопа-чоплари
Шодлик-қайғуга очилган мардона қулочлари
Машаққатин англармикан ҳатто ўша Бахт деб атаганим ҳам.
Билгиси келади-да одамнинг!
Ҳар кеч уйга шошиб қайтиши,
Атайин “Лолага” деб костюмининг чўнтагига
Асраб-авайлаб бир дона лола солиб қайтиши,
Болалардан иймана-иймана остонада
Чарчоқ ўрмалаган юзи ёришиб
“Бу сенга, Лола”, деб гул тутиши қўлимга –
Билгани шу-да битта майорнинг!
Ачинмайман
“Ватансизлик” деган умримга.
Менга боқиб турган шу кўзлар –
Ватан!
Севара АЛИЖОНОВА
@islomjon_ijodi | 25 |
| 9 | Ўзбек аёли, унинг кўнгил туб-тубидаги ҳеч кимга айтолмайдиган дард ва қувончлари, иқрор ва армонлари тасвирланган бу битикни севиб ўқийман. Бу ҳарбийнинг садоқатли, сабр-бардошли турмуш ўртоғи мисолида жамики аёллар қалбидаги чин сўзлардир.
Азиз онажонлар, меҳрибон опа-сингиллар, байрамингиз муборак бўлсин!
АЁЛ МОНОЛОГИ
манзума
Ҳарбийларнинг машаққатли, ўтроқ ҳаётига сабр қилиб, ойлаб хизмат сафарида бўлувчи турмуш ўртоғига садоқат кўрсатаётган, беш вилоятнинг унисидан-бунисига кўчиб, мусофирликда беш фарзандини тарбиялаётган, умрини турмуш ўртоғи ва фарзандларига бағишлаган соддадил, самимий аёл Лола Сайфуллаевага ва барча ҳарбийларнинг аёлларига бағишланади
Мен ўзимдан бунчалик қудратни тополмагандим аввал. Йиллар ўстирдими бу қудратни, йўллар ё азоблар? Ватансизлик, дарахтдек илдиз отолмаслик ё мусофирликнинг мусофиргина англай олувчи қийинчиликларидан яралдими бу қудрат? Беш фарзандимнинг сочи, бўйи, ўйи мисол ўсиб бораётгандир балки.
Оқшом
уларни ухлатар чоқ
тим қора сочларига ботиб кетар
хаёлларим,
ўтмишим,
туннинг қаролиги.
Ва қоп-қора кўзларимда олов чақнатиб
Тонг отади оппоқ, маъсума.
Кечагина Қашқадарёнинг Касбисида дугоналарим билан кўча чангитиб
Лек юракларни тозартириб чопардик тор кўчаларда.
Бугун эса дунё тор қолган
Тор кўчалар таништирган катта бахтимдан.
Ўн тўрт йилки катта йўлдаман,
Ўн тўрт йилки борар манзилимнинг охири кўринмас.
Ўзим ҳам билмасман эрта мени кутар яна не манзиллар
Йўллар, одамлар...
Деразадан узоқ-узоқларга термилиб,
Узоқ-узоқ ўйга чўмаман:
Йўллардан иборатмикан ҳаётим?
Йилма-йил ажин бўлиб қўшилар
Йўллардан топган топилдиқларим
Эҳтимол, йўқотганларим.
Чирчиқ, Намангон, Андижоннинг йўлларида
Ёшлигим қолдириб
Руҳимга тоғларининг ҳайбатини кўчирдим.
Сийратимга кенгликлар суратини кўчирдим.
Кўчиролмадим ёлғиз
Касбининг тор кўчаларига манзилим.
Ишонасизми,
Мендан бахтли одам йўқ шу ҳолимда ҳам.
Унутилмас хотиралар ҳадяси учун,
Кўнглимни ҳувиллатиб кетар инсонлар дийдори,
Йўлларда туғилган фарзандларим ҳақи,
Укам ва синглимнинг опасиз ўтган тўйлари ҳақи,
Дийдорига тўёлмаган яқинларим,
Қиёматга қолган дийдорлар ҳақи,
Болаларимнинг эслаб-эслолмай,
Таниб улгуролмай хайрлашган ўртоқлари ҳақи,
Адоқсиз, кутилмаган сафарлар учун,
Қўқону Фарғонанинг қисматимга битган битиклари ҳақи
Бахтлиман!
Розиман
бахтни зарра-зарралаб йўлларга сочиб юборган тақдиримдан.
Маҳалладан нарёғин кўрмаган онамнинг
қизин қидириб
Юрт кезиб юрганидан
Қайта-қайталаб...
Қайнона-қайнотамнинг
Алқаб, мақтаб, ҳовлиқиб
Аввал келинини қутлашларидан
Ўғлининг катта-кичик ютуғи учун.
Йўлларда тобланаётган фарзандларим ҳақи
Розиман барча-барчасидан.
Енгил атлетикачи қизнинг
Гарданига тушган оғир-оғир юклар,
Ватан ичра туриб ватанни соғинишлар,
Бахт деб атагани изидан кўча-кўч, чопа-чоплари
Шодлик-қайғуга очилган мардона қулочлари
Машаққатин англармикан ҳатто ўша Бахт деб атаганим ҳам.
Билгиси келади-да одамнинг!
Ҳар кеч уйга шошиб қайтиши,
Атайин “Лолага” деб костюмининг чўнтагига
Асраб-авайлаб бир дона лола солиб қайтиши,
Болалардан иймана-иймана остонада
Чарчоқ ўрмалаган юзи ёришиб
“Бу сенга, Лола”, деб гул тутиши қўлимга –
Билгани шу-да битта майорнинг!
Ачинмайман
“Ватансизлик” деган умримга.
Менга боқиб турган шу кўзлар –
Ватан!
Севара АЛИЖОНОВА
@islomjon_ijodi | 346 |
| 10 | "She'r sehri" bir guruh yosh adiblarning ijodiy kanallarini tavsiya qiladi:
Javlon Jovliyev — @javlonjovliyev
Dadaxon Muhammadiyev — @dadaxonmuhammadiy
Bobur Elmurod — @Bobur_Elmurod
Bahodir Bahrom — @eng_suluv_armon
Mansur Jumayev — @Mansur_Jumayev
Dilmurod Do'st — @Dil_Dost
Husan Maqsudov — @anorbooks_nashr
Bek Ali — @bek_ali_ijodi
Alibek Anvariy — @Alibek_Anvariy
Islomjon Qo'chqorov — @islomjon_ijodi
Najmiddin Ermatov — @Najmiddin_Ermatov
Xurshid Abdurashid — @xurshidabdurashid
Suhrob Ziyo — @suhrob_ziyo1
Shahriyor Shavkat — @shahriyor_shavkat
@sherSehri | 250 |
| 11 | ДАРАХТЛАР
Сизнинг даврангизга йўқ менда бардош,
Соппа-соғ кўринган карлар, карахтлар.
Мен ўзимга топдим янги суҳбатдош,
Ҳасратим тинглайди энди дарахтлар.
Ҳа, улар жимгина осганча қулоқ
Гоҳида шовқинсиз тебраниб қўяр.
“Елкадош” дўстгинам, аҳволимга боқ,
Йиқилсанг дарахтлар беминнат суяр.
Дарахтлар қуёшга интилиб ўсган,
Марра қилиб олган нурни, зиёни.
У ташлаб кетмоқчи бўлаётгандек
Одамлари суллоҳ, аблаҳ дунёни.
Унинг хаёллари кўкка етадир,
Юлдузлар сайлида юради хушҳол.
О, машъум ўтмишим таъқиб этадир,
– Мен кетдим, юлдузим, хайр, яхши қол…
Дарахтлар – суҳбати оромижонлар,
Таскин ахтарурман сиздан эҳтимол.
Бошимда тегирмон айланган онлар,
Бир сизга юкиндим, қилдим дардиҳол.
Хўрсиндим, оҳ урдим ва шунда сизнинг
Англадим ташвишли титроғингизни.
Мен учун ҳар кузда бандидан узиб
Кўзёшдек тўкдингиз япроғингизни.
Дарахтлар – суҳбати оромижонлар…
© Исломжон ҚЎЧҚОРОВ
@islomjon_ijodi | 1 070 |
| 12 | Гўзал шеър сўзни теран ҳис этадиган акамиз, хушовоз хонанда Шуҳрат Дарё томонидан маромига етказилган. Қайта-қайта эшитадиган қўшиқ.
@shuhratdaryouzofficial
@islomjon_ijodi | 446 |
| 13 | Энди у кўчага сира бормайман.
Борсам – дарахтлари гуллар телбаҳол,
Гуё сену менинг баҳорим каби.
Энди у кўчага сира бормайман.
Борсам – сим-сим ёғар майин ёмғирлар
Кўнгилчан ёмғирлар жим-жим ёғади –
Гуё сену менинг ёмғирим каби.
Энди у кўчага сира бормайман.
Борсам – фалагида қолмас ҳаловат –
Турналар аламли қичқириқларда
Тушунуксиз дардларни айтиб йиғлашар,
Гўё сену менинг қушларим каби.
Энди у кўчага сира бормайман.
Борсам – ғуссали бир деразасида
Кўчага термулиб, ҳолсиз турасан –
Дунёнинг энг ғамгин дарпардасидай.
Энди у кўчага сира бормайман.
Унда не қиламан шамол бўлмасам –
Парда этагингга шамол юзимни
Босиб йиғлолмасман – нима қиламан?
Усмон АЗИМ
@islomjon_ijodi | 436 |
| 14 | ЭЛ ҚАТОРИ
Олам янги кунга кўрар тадорик,
Нонуштага ейман ичу етимни.
Сўнг ишга шошаман шу эл қатори
Сидириб ташлайман ҳар тонг бетимни.
Ичи тор ҳайдовчи сўкиниб жўнар,
Кўкси қадоқ йўлдан бу аробани.
Кўрмайман, сезмайман шу эл қатори
Гулзор деб ўйлайман ҳар харобани.
Умр кутиб турар, шошилмаймиз-о!
Қанчалар яхши бу тамбал қадамлар.
Жоннинг роҳати-ку ахир бу ҳаво!
Бизлар табиати инжиқ одамлар.
Шақирлаган ёнғоқ шовқинига маст
Ва аласт қавмнинг этагин тутиб,
Ортидан жимгина эргашиб эмас,
Ва ёки бир умр мурувват кутиб,
Яшагим келмас!
Аммо оқ байроқни кўтариб баланд,
Сафларни тўлдирдим шу эл қатори.
Бу майдон ичинда бергунимча панд,
Душманни кулдирдим шу эл қатори.
Энди сиздан сира айро эмасман,
Сузиб бораяпман оқимингизда.
Бошимни улоқдай кўпкари ичра
Босиб кетаяпсиз тақимингизга.
Бас!
Тўхтанг!
Шу ерда қолдиринг мени,
Шаънингизга кўп сўз айтдим – кечиринг!
Сизга эл бўлмадим шу эл қатори,
Шу эл қаторидан номим ўчиринг!
Бироқ...
Ўчмади ёдимдан болалик чоғлар,
Пурвиқор қоялар устидаги қор.
Ё Раб, раҳмим келар шу эл сафида
Занжир судраб юрган арслонлар бор.
© Исломжон ҚЎЧҚОРОВ
@islomjon_ijodi | 1 122 |
| 15 | #Olis_yaqin_ovozlar
Uyg‘on
Uyg‘on, ey ona yurt, uyg‘on, ey Turon,
Kimligingni aytsin bu ko‘hna tuproq.
Uyg‘onsin nomusing, ko‘ksingdagi shon,
Va ishon,
Va ishon!
Haqlilar ichinda haqlisan ko‘proq.
Sening bobong tog‘ni titratgan botir,
Ayt, nega mudraysan, uyg‘ongin, o‘g‘lon.
Sen ham ular kabi mardsan, bahodir,
Uyg‘onsin nomusing, ko‘ksingdagi shon.
Otlarning dupuri tushingni buzsin,
Oringni o‘rtaga qo‘yib jilov tut.
Bolangning bo‘yi ham g‘ururi o‘ssin,
Mardlarni eslab qol, nomardni unut.
Yigitlar er bo‘lib so‘raydi elni,
Xilvatda yurmaydi qilib ko‘zyoshi.
Agar sen nomusdan bog‘lasang belni,
Qo‘llab turar Shermuhammad qo‘rboshi.
Murodga yetguncha izingga qaytma,
Bir o‘zing ming chog‘lik qo‘shindek tizil.
Jon bersang, shu Vatan nomini ayt va
Yiqilma,
Yiqilma!
Tik turib uzil!
Islomjon QO‘CHQOROV
@yoshlikjurnali | 306 |
| 16 | new_muz_24041_nbkuz.mp3 | 302 |
| 17 | Agarchi sensizin sabr aylamak, ey yor, mushkildur,
Sening birla chiqishmoqliq dog‘i bisyor mushkildur.
Mizojing noziku sen – tund, men – bir beadab telba,
Sanga holimni qilmoq, ey pari, izhor mushkildur.
Ne osig‘ nolayu faryod xob olud baxtimdin,
Bu unlar birla chun qilmoq ani bedor mushkildur.
Manga osondurur bo‘lsa agar yuz ming tuman dushman,
Vale bo‘lmoq jahonda, ey ko‘ngul, beyor mushkildur.
Visolinkim tilarsen nozini xush tortqil, Bobur,
Ki olam bog‘ida topmoq guli bexor mushkildur.
Zahiriddin Muhammad Bobur
@islomjon_ijodi | 367 |
| 18 | ШАНБА. МЕТРО...
Шанба. Метро. Биз учрашар кун,
Бир йилга чўзилиб кетар бир ҳафта.
Қуёш қораймайди, оқармайди тун,
Фурсат имиллайди сен йўқ тарафда.
Шанба. Метро. Яна учрашдик,
Огоҳлик сўралди ҳар биримиздан.
Тошқин қалбимизга қўшилиб тошдик,
Кўз узмай кетардик бир-биримиздан.
Тутқучга узатган қўлинг етмасди,
“Мени қуч, мени қуч”, дерди кўзларинг.
Менда эса фақат журъат етмасди,
Қучмоққа ижозат берди кўзларинг.
Илк бора бағримга олдим ўша он,
Олов нима эди сенинг қаршингда.
Қуёшнинг қизидек эдинг нурафшон,
Менга жой бормиди кўнгил аршингда.
... Шанба. Метро. Биз учрашмадик,
Қайтиб кўролмадим ойдин юзингни.
Сўнг чинга айланди дилдаги ҳадик,
Тунлари ахтардим ойдан юзингни.
Сенсиз кенг шаҳарда юриш ҳам малол,
Сенсиз бу вагонлар қандайин совуқ.
Ҳижрон, бағрингни оч, мени қарши ол,
Садоғинг бўш бўлса, кўксим тўла ўқ.
Шу кеч дунёимни қорлар босди-да,
Қор урдим юзимга қадринг билиниб.
Жонгинам, ҳали ҳам ернинг остида
Поезд юрган эмиш бағри тилиниб.
© Исломжон ҚЎЧҚОРОВ
@islomjon_ijodi | 371 |
| 19 | ШАНБА. МЕТРО...
Шанба. Метро. Биз учрашар кун,
Бир йилга чўзилиб кетар бир ҳафта.
Қуёш қораймайди, оқармайди тун,
Фурсат имиллайди сен йўқ тарафда.
Шанба. Метро. Яна учрашдик,
Огоҳлик сўралди ҳар биримиздан.
Тошқин қалбимизга қўшилиб тошдик,
Кўз узмай кетардик бир-биримиздан.
Тутқучга узатган қўлинг етмасди,
“Мени қуч, мени қуч”, дерди кўзларинг.
Менда эса фақат журъат етмасди,
Қучмоққа ижозат берди кўзларинг.
Илк бора бағримга олдим ўша он,
Олов нима эди сенинг қаршингда.
Қуёшнинг қизидек эдинг нурафшон,
Менга жой бормиди кўнгил аршингда.
... Шанба. Метро. Биз учрашмадик,
Қайтиб кўролмадим ойдин юзингни.
Сўнг чинга айланди дилдаги ҳадик,
Тунлари ахтардим ойдан юзингни.
Сенсиз кенг шаҳарда юриш ҳам малол,
Сенсиз бу вагонлар қандайин совуқ.
Ҳижрон, бағрингни оч, мени қарши ол,
Садоғинг бўш бўлса, кўксим тўла ўқ.
Шу кеч дунёимни қорлар босди-да,
Қор урдим юзимга қадринг билиниб.
Жонгинам, ҳали ҳам ернинг остида
Поезд юрган эмиш бағри тилиниб.
© Исломжон ҚЎЧҚОРОВ
@islomjon_ijodi | 1 |
| 20 | ЖАЙРОН КЎЗЛАРИНГГА...
Жайрон кўзларингга узоқ термулдим,
Бунда мен ўзимни излаётгандим.
Зериктириб қўйдим сокинлигимдан
Мен шундай сўзларсиз сўзлаётгандим.
Ишқ – тақдир.
Билардим минг йиллар аввал,
Барини олдиндан сезаётгандим.
Гулим, тақдиримга ёзилганмидинг?
Билмай туриб сени севаётгандим.
Ҳижрон кўкка туташ денгиз, дедилар,
Шу денгизни кечиб ўтаётгандим.
Олисдан бўлса-да қирғоқ кўринса,
Демак, сенга қараб кетаётгандим.
... Кейин не бўлганин била олмадим,
Дунёни тескари кўраётгандим.
Оёғимни кўкда ҳилпиратганча
Бошим билан шундай юраётгандим.
Бир маъно топайин, деган илинжда
Дунёни Машрабдек кезаётгандим.
Тўлқиндек мавжланган сунбул сочингни
Қоп-қора оловга менгзаётгандим.
Ва ўша оловда исинётгандим...
© Исломжон ҚЎЧҚОРОВ
@islomjon_ijodi | 355 |
