Бек АЛИ ижоди

📹 Инжа LIVE: Begali Eshonqulovdan o'sha mashhur she'r https://t.me/Gulijon_ijod

ОШИҚНИНГ АЛАМ БИЛАН АЙТГАНЛАРИ Сен яйраб ўтгувчи бу кўчаларда Оёқ ости бўлди менинг мозорим. Фақат шу кўчада бахтли кўринма, Бахтсиз ҳам кўринма, илтимос, ёрим. Бир ғариб мозорни чинқиратмагин, Безовта қилмагин руҳи покимни Ва ўзгалар учун, тириклар учун Йиғлаб булғамагин менинг хокимни. Тириклар талашар ҳашам ва амал, Уларга ярашар не қилса талаб. Қадримга етмаган эдингми аввал, Номим улуғлама, ўлимим сабаб! Бек АЛИ 2024 й. Telegram | Facebook | Instagram | YouTube

ОШИҚНИНГ АЛАМ БИЛАН АЙТГАНЛАРИ Сен яйраб ўтгувчи бу кўчаларда Оёқ ости бўлди менинг мозорим. Фақат шу кўчада бахтли кўринма, Бахтсиз ҳам кўринма, илтимос, ёрим. Бир ғариб мозорни чинқиратмагин, Безовта қилмагин руҳи покимни Ва ўзгалар учун, тириклар учун Йиғлаб булғамагин менинг ҳокимни. Тириклар талашар ҳашам ва амал, Уларга ярашар не қилса талаб. Қадримга етмаган эдингми аввал, Номим улуғлама, ўлимим сабаб! Бек АЛИ 2024 й. Telegram | Facebook | Instagram | YouTube

​​ЮРАГИМДА ОНАМДАН ЎЗГА Аёл зоти бўлмаган пайтлар. Ерга расм чизишдан ўзга Машғулотим бўлмаган пайтлар. Шу беминнат тупроқдан ўзга Маҳсулотим бўлмаган пайтлар, Мактабга ҳам бормаган пайтлар Ва саводим чиқмаган пайтлар, Йиғлаб бордим онам қошига: – Улар, – дедим. – Бунча бераҳм? Оёқлари остида қолди Куни бўйи чизгандим расм... Муштипарим, қанд, новвот бериб, Кўнглимдаги ғашни аритди. – Болам, – деди. – Мени ҳам шундай Жавоби йўқ савол қаритди... Эҳ, онамни қаритган савол, Тиқурсанми мени ҳам гўрга. Ҳаётимда жуда кўп мисол Юрагимга наштарин урган. Неки кўнглим тубидан юлиб, Тортиқ этар бўлсам жаҳонга. Ҳисларимнинг устидан кулиб, Чап кўксимни тўлдирдинг қонга. Юпанч истаб боқурман ҳар ён, Жоҳилларга қолганда куним. Қани энди бирор меҳрибон Новвот бериб ўчирса уним. Бек АЛИ 2024 йил. Telegram | Facebook | Instagram | YouTube

Дилим бўлган эди битта ёрга зор, У ўзга бир ерда ғамга гирифтор. Мен ундан ўзимга дору изласам, Нетай, табибимнинг ўзи ҳам бемор! Умар Хайём

​​ТУРОН Дарсхона. Кўзойнак таққан устозу Ўн-ўн беш илмга чанқоқ болалар, Тиззасига ямоқ тушмаган орзу, Дераза ортида кўм-кўк далалар, Яноғида эса лойқа оқар сув Илондай чўзилган уфққа қадар... – Дунёнинг энг гўзал манзараси шу! (Икки дунёники бўлмаса агар?!) Юракни ғаш қилар овози бўрнинг, Кўксин кериб турар ёзув тахтаси. Устоз дер, “Авлодимиз Амир Темурнинг, Сизлар эса буюк Турон боласи”. Бир сўзга бойиди луғатим шунда, Бунча гўзал экан ватаним исми. «Турон» деб пичирлаб ётардим тунда, «Бобо, – дердим тағин. – Соғиндим сизни!». Деразадан синиб тушган ой нурин Хаёлан қошиқлаб ичмаганмисиз? Ёки тушингизда юзтубан бўлиб, Қишлоғингиз узра учмаганмисиз. Ногаҳон кўксингиз тўлиб ғурурга, «Соҳибқирон бобом!» демаганмисиз. Мактабдан қайтишда «лой жанг»ларидан Юзингиз шилиниб келмаганмисиз. У кунлар ёдини авайлаб-асраб, Бу кунлар додига қўшиб айтаман. Бобога нолойиқ набира сабаб Зил-замбил қайғуга чўкиб қайтаман. Мен ожиз ношудни кечиринг, бобо, Орзулар этагин тута олмадим. Чўнтакка пул кирса, фақат кайф-сафо, Аёлга суюлдим, чопса омадим. Аждодларим қилич солишган ерда, Кун бўйи ялпайиб, писта сотаман. Ватанни сотарман амалга миниб, Неки бор, қўлимга тушса, сотаман. Ноҳақликларга ҳам кетаман кўниб, Шоирман, бобожон, гап деса, қоп-қоп. Туронни ҳам олдик, майдалаб бўлиб, Руҳингиз ҳурмати, қилмадик инсоф. Кечиринг, бобожон! Юрагим йиғлар, Сийқа ҳаётимдан кўнглим тўлмайди. Ямоқ тушди Турон харитасига, Чокларидан гоҳо ўтиб бўлмайди!.. Дарсхона. Кўзойнак таққан устозу Ўн-ўн беш илмга чанқоқ болалар, От сотиб олишни қилардик орзу, Миниб юрсак дердик, Турон оралаб… Миннатдорман бобом номи тиркалган Кўзойнакли тарих дарсхонасидан. Ўпиб қўйгим келар, тунда пичирлаб «Турон» деган бола пешонасидан! Бек АЛИ Telegram | Facebook | Instagram | YouTube

Фақатгина... фақатгина боласи ўлмаса бас, Қолганига кўникади одамзот! ✍️Гулжамол АСҚАРОВА шеъри 🎤Бек АЛИ ўқиди ⚡️Гулжамол опанинг ушбу шеърини мудом ҳиргойи қилиб юраман. Бу дунёда ўзбек деган халқ бор экан, бу шеър унутилмайди. Telegram | Facebook | Instagram | YouTube

🔈Nihoyat, uzoq kutilgan “Duel” loyihasining yangi mavsumi boshlandi! 📱Umumiy mukofot jamg‘armasi 424 million so‘m! Tanlov barcha viloyatlar bo‘ylab faqat nazm: kattalar va bolalar she’riyati yo‘nalishida ijod qiladigan 15–30 yosh oralig‘idagi shoirlar o‘rtasida bo‘lib o‘tadi. 🏆 Respublika bosqichi g‘oliblari: 1-o‘rin – 50 mln. so‘m; 2-o‘rin – 40 mln. so‘m pul mukofoti bilan taqdirlanadi. 🖥 Ishtirok etish uchun Tanlov nizomi bilan batafsil tanishib chiqing va belgilangan tartibda o‘z arizangizni yuboring. ✉️ Arizalar 29-apreldan 29-maygacha @duel_ariza_bot orqali qabul qilinadi. ⚠️Nizomda ko‘rsatilgan talabga javob bermaydigan hujjatlar qabul qilinmaydi. Murojaat uchun tel: +998956622024 🫥Loyiha haqida chekka hududlardagi iste’dodlar ham xabar topishi uchun o‘z hissangizni ayamang. Tanlov e’lonini shaxsiy sahifalaringizda ulashing. “Duel” maydoniga eng munosiblarni chorlang! 📱Telegram 📱 Facebook 📱 Instagram 📱 YouTube

“Qo‘rqma” – 70 nafar o‘zbek talabaning ayanchli tarixi! Mutolaa loyihasi doirasida suratga olingan “Qo‘rqma” filmini hoziroq tomosha qiling. https://www.youtube.com/watch?v=PYNopQErSuQ