دلاع

ههههه نبريزيكم ولا مكان لاه تالمون الحالة كانت فوضى صرات 26 مليون محاولة لإدخال المفتاح في شوية دقائق السارڥور هبل هبل.. مالا تغاشى وطفى هذا هو المشكل.. غدا بإذن الله راح يكون الدخول أوتوماتيكي لا مفتاح لا شكوكو غير تقرب للباب يتفتح وحدو وفي الفتحة الواحدة يقدرو يدخلو بزاف.. هههههه دوختكم.. بصح مليحة للمتزوجين لي قالو واش نحكو.. روحو أحكو على المفتاح.. لحظة إدراك: دايما عندي مشكل مع المفتاح

لي نعسان وعندو شغالات يرقد ولي العكس ريح هنا نتاستيو كيف كيف

بدينا أدخلو نجربو

ماترقدوش أصبرو لازم اليوم نفريو المشكل كي نجرب مع عدد كبير نقدر نعرف الأخطاء وين

بدينا في التطبيق

بدينا في الفيسبوك ونكملوها في التطبيق

السلام عليكم ديرو الميزاجور بلاك اليوم فيها لايف داخل التطبيق https://play.google.com/store/apps/details?id=com.melon.book

خاوتي 87 ولي شافو المنشور 331 هي علبالي ماشي بسيف بصح مانيش قادر نستوعب.. مساعدة ماراح تكلفلك والو وماتبادرش.. زعما لماذا؟؟

الخاوة من فضلكم نحتاج 100 واحد يجاوبو على الإستبيان هذا حول إدارة الموارد جاوب وخلاص كما بانتلك تيري برك و إذا تحب تقرا وتجاوب ثاني معليش https://forms.gle/xmBsFnBVAayRhtLLA وبارك الله فيكم

هذو التصاور شوفوهم وتفكروهم كاش نهار ندير البحيرة FM قولولي واش حكاية التصاور..

أنا علبالي بلي كل شيء بحكمة من الله عزوجل واليوم زدت فهمت هذيك الحكمة كي دارني فقير.. رحت مع جماعة باش يستلمو سلعة من مؤسسة خاصة.. قاعة من الڤول للڤول رجال... في المقابل من ڤول للڤول نساء في المكاتب.. التالي في هذيك القاعة مخلص 400 مليون حتى مليار.. نتوما أكثر ناس علبالهم بلي ماعندي لا حساسية من النساء لا شكوكو.. أنا كي يتعراو مادخلنيش لي عليا جاتني فرصة ننصحك.. الباقي مادخلني.. والمهم يبقى الإحترام إن تقاطعت طرقنا.. المهم هذوك النسا يتعاملو بوحد التشوكير بوحد الإستفزاز لا إله إلا الله.... لااااااا إله إلا الله... المهم الغاشي صابر ويستنا.. واش يصرا.. كي قرب وقت العمل ينتهي والغاشي شافو بلي لاشان ماشي يمشي طول.. ولاو يروحو يستفسرو.. صدقوني غير يستفسرو بصوت هادئ وبكل إحترام.. تشوف هذوك النسا كفاش يطيرو فيهم ويعرشولهم.. ولي زاجون غير يسمعو النسا يعرشو يزيدو يجو يعرشو لهذوك لي سقساو.. و أنا عروقي راح يطرطقو... منبعد خلاص.. لحقو للطغيان.. جات وحدة زعما الواعرة فيهم دارت سيلكسيوني تووو وبدات تعرش أون جينيرال.. هبطو الرجال لي يخدمو معاها.. والله مارفدو صوتهم غير يهدرو بلعقل... هنا فهمت الحكمة كوني فقير... لأنه كون كنت في نفس الموقف وتعرشلي هكذاك البيرو نڤلبو.. تسمعو بيا في نشرة الثمنية.. ياو بلا دراهم وماتذلنيش فمابالك بدراهمي... ويااااا نهبل عليهم.. المؤمن مايظلمش وربي خلقنا أحرار وعززنا وزاد عززنا بالإسلام... أطلبوا الأشياء بعز.

عشتها القصة جسمي قشعر... اللهم اجمعنا بنبيك المصطفى في جنتك

درت منشور في الفيسبوك ومافهموهش وتعبان نشرح لكل واحد وحدو.. المهم نجبد الخشيبات والقريصات.. مروج مخدرات وكامل يعرفوه... صرات كارثة وعاون ووقف.. هل هذا ينفي بلي تاجر مخدرات؟ واه نقولو صحيت كي عاونت ماشي نقولو أوووه كنا غالطين فيك و أنت سيد الرجال.. وهكذا ومانعرف إذا فهمو.. العاطفة مدمرة الله المستعان..

علبالي ماشي وقتها والله أعلم بنيات الناس.. وربي يغفرلي.. لكن كي نشوف هذوك المؤثريين يدورو قلبي يتغيلف

المهم كنا مسافرين للغرب قالك نجوزو على واحد الپارك مانقلكمش وين باش مايزعفوش خاوتنا تاع مستغانم.. المهم دخلنا.. لقيناهم دايرين حفل المولد.. وجايبين وحدة لا حجاب لا شكوكو والخاوة ملهيك بالبانجو والڤيتارة والدربوكة... هذا تبيانا لحبهم للنبي صلى الله عليه و سلم.. وحنا لي مانحتفلوش قالولي فلي كمونتار بلي حنا حمير.. وحابسين.. وبغال.. وبلي حنا من سلالة اليهود والقردة والخنازير.. وبلي حنا أسوأ من كفار قريش.. وبلي حنا و ابليس كيف كيف منحبوش النبي صلى الله عليه و سلم.. والله المستعان.. اللهم أرنا الحق حقا و ارزقنا اتباعه و أرنا الباطل باطلا وارزقنا اجتنابه

المهم أدخل للمنشور الأخير في الفيسبوك... وشوف حجج و أسلوب المحتفلين.. وحدك راح تعرف وينو الصح.. وصحيتو..

لي يقرا الكمونتار بلاما يشوف الموضوع يقول دلاع أوفيسيال قالهم روحو أزنوا ولا روحو تعراو.. إلخ وهي في الحقيقة قاللهم مانحتفلش لأن لا النبي صلى الله عليه و سلم ولا الصحابة رضوان الله عليهم احتفلوا.. الله يهدينا.

لي يقرا الكمونتار بلاما يشوف الموضوع يقول دلاع أوفيسيال قالهم روحو أزنوا ولا روحو تعراو.. إلخ وهي في الحقيقة قاللهم مانحتفلش لأن لا النبي صلى الله عليه و سلم ولا الصحابة رضوان الله عليهم احتفلوا.. الله يهدينا.