9 429
المشتركون
+224 ساعات
-327 أيام
-8630 أيام
أرشيف المشاركات
9 429
لايف تاع البارح داخل التطبيق بالاك أجمل لايف درناه منذ بداية الصفحة... سقسو لي حضرو يقولولكم..
وراه مسجل تلقاوه داخل التطبيق.. وتقدرو تسمعوه حتى والهاتف مغلوق..
بالنسبة لأصحاب الكتاب الورقي.. كي تدخل الكلمة ودير تفعيل خلاص..
روح للشاشة تاع هاتفك و كليكي مطولا وزيد الويدجت..
هذا وين جربتها ومشات عادي..
وصحيتو..
9 429
ديرو تحديث.. واستمتعو بالويدجت الجديد
+
درتلكم خاصية إرسال الكتاب كهدية لأي واحد المهم يكون عندك الإيمايل تاعو
سواء عندو التطبيق ولا ماعندوش يوصلو إشعار في إيمايله بلي وصلاتو هدية
9 429
الحمد لله بعد ساعات من العمل والكثير من الفشل..
ملفات التطبيقات والرواية رجعتهم... هذو الأهم..
باقي الملفات الأمر معقد.. لكن تفرى بإذن الله..
و آسف على نشر الطاقة السلبية..
9 429
السلام عليكم الخاوة
أما تطبيق تاع أوقات الصلاة استعملتوه وكان مضبوط تماما مع أذان مدينتكم..
تقريبا استعملت كل التطبيقات لي تحدد الموقع أوتوماتيكيا ولا واحد جابها قد قد مع مدينتي..
غير تطبيق واحد تاع Tawakit net بصح مافيهش التحديد الأوتوماتيكي فيه غير اليدوي ولازم تحمل ملف وكذا..
نحوس على واحد أوتوماتيكي بلاك كاش واحد فيكم استعمل تطبيق مانعرفوش.. لأني كما قلت التطبيقات الشائعة ولي شوية شائعة ڤاع استعملتهم دون نتيجة..
وبارك الله فيكم
9 429
ماعلاقة الشعر مع الزواج..؟ راني على الشعر شعر... ماشي القوافي وكذا..
عندي صاحبي قبل مايتزوج كان الله يبارك مسطرة... هيئة ولبسة كلش حاكم بلاصتو..
أيا تزوج.. قعدنا مدة متلاقيناش... كي تلاقينا دوخني هاهاها... تحسب خارج من كهف..
أيا وصاحبي وحدوخر كيف كيف.. عندو غير سمانتين زواج... راني في 3 مرات نتلاقى معاه.. شعرو حاكم ڤاع الإتجاهات..
كاش سر.. كاش عفسة.. حلبونا!!
مزية الواحد يبان خارج من كهف من قبل الزواج هاهاها
9 429
علبالك المحزن المؤسف.. إحداهن حسب قولها كانت مستقيمة ولباس بيها..
منبعد بووم طااع.. قالتلك مكاش إسلام .. واه كاين إله بصح مكاش إسلام.. وهذا الإله عظيم ويحبنا ماخلقناش باش يعذبنا ويفضل الرجل عن المرأة.. ومايهتمش إذا المرأة مغطاتش شعرها...
المهم تفاصيل كثيرة سنانقشها في كاش لايف..
لي تحبسلك راسك.. قالتلك مكاش دليل بلي الإسلام والقرآن من عند الله..
أيا واش دليلك بلي مكاش.. تعطيلك أدلة من عند مجموعة من البشر دون دليل واضح..
شغل هنا تفهم بلي الواحد يولي يتبع مايخدم هواه...
ربي يهدينا ويبصرنا بعيوبنا ويثبتنا على دينه..
واه رانا هاردينها وربي يغفرلنا بصح ماشي لدرجة نقول مكاش إسلام غير باش نذنب براحة..
9 429
الثالثة ثابتة والحمد لله 44 دقيقة لايف دون إنقطاع وكلش تمام...
اللايف تسجل بصح طلعو فيه زوج دقايق برك.. نشوف علاش ونفريوها..
بارك الله فيكم جميعا
9 429
هاهاها أول مرة يمشي اللايف مدة طويلة ويدخل هذا العدد والخالة لباس...
واش صرى في ميزكم هاهاها
راحت تريسيتي..
لاحول ولا قوة إلا بالله..
9 429
الخاوة شوية هكدا نتاستيو بلايف..
راني قلتلكم ونزيد نعلمكم كي نبداو إن شاء الله..
المهم لي ماشي داير ميزاجور يدير
