دلاع

راح نلحق سطاج الهبال.. داتني عيني قدام ال pc وكنت مع المراجعة النهائية ليَّاش.. في هذيك الغفية يخرجلي منام يحطني في نفس المعضلات لي حطيت فيهم يَّاش.. هاهاها أنا ولقيت روحي حاصل.. والزاولي تاع يَّاش باصيتو بيهم.. المهم ماراحش تقراو رواية... راح تتفرجوها عبر كلماتها.. وصحيتو..

باش ماتقولوش دلاع يخرط علينا... هااه

والبنة واش نقولكم... الله يبارك وخلاص.. الله يبارك.. تزوجو.. تزوجو..

المهم لي يقرا هذا الكمونتار بلاما يقرا المنشور... يقول بلي أوفيسيال دلاع قاللهم هزو السلاح و أقتلوا الناس... وهي في الحقيقة قالهم ماتديروش تصاور النساء وتظو ذنوب.. بطريقة مافيها لا سب ولا استهزاء.. المهم ماما سلمى المغوارة.. رديت عليها قلتلها ماناقشكش.. بصح ناقشك بلغة القانون ونقدم شكوى على السب والقذف وخطاب التمييز.. بوووم طااااع.. اختفت ماما سلمى... سي مالورو والله غير سي مالورو... يخافو القانون ومايخافوش ربي.. اللهم بصرنا بعيوبنا...

كي شغل بدينا

الجماعة لي عندهم التطبيق باينة.. جماعة الآيفون أدخلو بالرجل اليمنى.. ااا قصدي باليد اليمنى https://store.ah-mar.app/live.html دوك نبداو بإذن الله

وقيلا فيها بحيرة FM شوية هكدا جماعة الآيفون راني نخدملكم في حل سريع باش تعيشو التجربة كيف كيف شغل التطبيق.. سويية دقايق ونفريها بإذن الله

الكمونتار لي حطيتو في الصفحة... وزاد كمل عليها كمونتار الزميل الآخر.. دبرسوني.. غمووووني.. ملاحظة: راني عارف بلي من طيبتكم ونبل أخلاقكم.. تعليقاتكم راح تكون جبر خواطر وكذا.. لكن صدقوني أنا بخير منين داك الواحد يهدر باش يهدر برك.. المهم.. فكروني في موضوع غالق عليه الباب من سنوات ورامي المفتاح.. نتوما بالذات علبالكم بلي خاطيني الإضافة عليها وشكر نفسي.. بصح صدقووني... غير كنت طيارة... كنت مشروع عبقري طوول.. ماكنتش من النوع تاع تلميذ مجتهد ومنضبط ويحفظ ويتحصل على الناائج.. لالا كنت عبقوور دون إجتهاد ولا إنضباط.. في بداياتي برك.. كانوا يدوني للأقسام الأكبر مني باش نوريلهم الكتابة والإملاء.. لدرجة المعلمة كنت نتلفهالها بطريقة الإجابة لي ماكانتش تتوقعها من طفل في ذلك السن.. لهذا كانت تضرب عليا باش يطلعوني للسنة السادسة مباشرة.. وكانت مسيرة مميزة جدا طيلة سنوات الدراسة وخارجها.. في أي مجال كنت ندخلو إلا ونتميز و أبهر من حولي.. في أسوأ توقعاتي... جامي توقعت بلي تخلاص عليا هاك.. الحمد لله على نعمة الإيمان بالله وبالقضاء والقدر.. من دونهما كون هربولي الخيوط...

نشرتو داخل التطبيق... منبعد تفكرت جماعة الآيفون قلت يسما هذا ماشي عدل... أيا محيتو وهاني حطيتو هنا...

فيها لايف شوية هكدا داخل التطبيق ديرو الميزاجور الأخيرة..

قصة قصيرة حزينة.. صاحبي شافلي صاحبو في الماريكان باش نفتحو كونت مطور للتفاحة المعضوضة.. أيا فهمو.. فتحلنا الكونت كذا.. منبعد خونا توسوس قالك مانعطيلكمش الكونت ندخلك آدمين فيه وفري شغالك.. قلتلو معليش هات ننشر التطبيق برك.. أيا قالك أوكي.. آجوتاني كذا... و أنا متحمس.. وكوني آدمين برك لازم واحد الصلاحيات يسمحلي بيهم صاحب الحساب.. غير قلتلو على الصلاحيات.. حبيبنا زاد توسوس دخل في بعضاه وقالك أسمحولي... هاهاها هي من حقو على كل حال.. بصح.. بصح... الله المستعان وخلاص..

لايف تاع البارح داخل التطبيق بالاك أجمل لايف درناه منذ بداية الصفحة... سقسو لي حضرو يقولولكم.. وراه مسجل تلقاوه داخل التطبيق.. وتقدرو تسمعوه حتى والهاتف مغلوق.. بالنسبة لأصحاب الكتاب الورقي.. كي تدخل الكلمة ودير تفعيل خلاص.. روح للشاشة تاع هاتفك و كليكي مطولا وزيد الويدجت.. هذا وين جربتها ومشات عادي.. وصحيتو..

المهم فيها أحمر FM اليوم بإذن الله.. الأساتذة سامحونا وشكرا..

ديرو تحديث.. واستمتعو بالويدجت الجديد + درتلكم خاصية إرسال الكتاب كهدية لأي واحد المهم يكون عندك الإيمايل تاعو سواء عندو التطبيق ولا ماعندوش يوصلو إشعار في إيمايله بلي وصلاتو هدية

الحمد لله بعد ساعات من العمل والكثير من الفشل.. ملفات التطبيقات والرواية رجعتهم... هذو الأهم.. باقي الملفات الأمر معقد.. لكن تفرى بإذن الله.. و آسف على نشر الطاقة السلبية..

السلام عليكم الخاوة أما تطبيق تاع أوقات الصلاة استعملتوه وكان مضبوط تماما مع أذان مدينتكم.. تقريبا استعملت كل التطبيقات لي تحدد الموقع أوتوماتيكيا ولا واحد جابها قد قد مع مدينتي.. غير تطبيق واحد تاع Tawakit net بصح مافيهش التحديد الأوتوماتيكي فيه غير اليدوي ولازم تحمل ملف وكذا.. نحوس على واحد أوتوماتيكي بلاك كاش واحد فيكم استعمل تطبيق مانعرفوش.. لأني كما قلت التطبيقات الشائعة ولي شوية شائعة ڤاع استعملتهم دون نتيجة.. وبارك الله فيكم

ماعلاقة الشعر مع الزواج..؟ راني على الشعر شعر... ماشي القوافي وكذا.. عندي صاحبي قبل مايتزوج كان الله يبارك مسطرة... هيئة ولبسة كلش حاكم بلاصتو.. أيا تزوج.. قعدنا مدة متلاقيناش... كي تلاقينا دوخني هاهاها... تحسب خارج من كهف.. أيا وصاحبي وحدوخر كيف كيف.. عندو غير سمانتين زواج... راني في 3 مرات نتلاقى معاه.. شعرو حاكم ڤاع الإتجاهات.. كاش سر.. كاش عفسة.. حلبونا!! مزية الواحد يبان خارج من كهف من قبل الزواج هاهاها

هوما قالو أنا خاطيني...

علبالك المحزن المؤسف.. إحداهن حسب قولها كانت مستقيمة ولباس بيها.. منبعد بووم طااع.. قالتلك مكاش إسلام .. واه كاين إله بصح مكاش إسلام.. وهذا الإله عظيم ويحبنا ماخلقناش باش يعذبنا ويفضل الرجل عن المرأة.. ومايهتمش إذا المرأة مغطاتش شعرها... المهم تفاصيل كثيرة سنانقشها في كاش لايف.. لي تحبسلك راسك.. قالتلك مكاش دليل بلي الإسلام والقرآن من عند الله.. أيا واش دليلك بلي مكاش.. تعطيلك أدلة من عند مجموعة من البشر دون دليل واضح.. شغل هنا تفهم بلي الواحد يولي يتبع مايخدم هواه... ربي يهدينا ويبصرنا بعيوبنا ويثبتنا على دينه.. واه رانا هاردينها وربي يغفرلنا بصح ماشي لدرجة نقول مكاش إسلام غير باش نذنب براحة..