دلاع

هاهاها بااااااكري في بدايات الفيسبوك كان زعما صاحبك ولا خوك كي يكون راح يرقد يقلك B8 زعما بون نوي مختصرة أيا خوووكم منا زعما مايحبش يقلد... زعما كريايتيڥ ومخ الإبداع كنت نبعث B(7+1)²/8 كي نتفكرها حواجبي يفشلو

Ida ta3rf bnadm mzal yktb hak ghir a9ta3 3la9atk m3aah.. ma sar7k bel 3rbya majabha français w9olo تبا لك

راني كي نجي نرقد ونغمض عينيا وبعد الأدهية وكذا.. أنا مغمض عينيا بصح نحس بلي مزالني نرمش وبين كل رمشة وختها نشوف وجوه غريبة مرعبة يشوفو فيا.. و وجه مايشبه لخوه.. ووجوه بأشكال جامي فاتو عليا من قبل.. ماتوسوست ما والو.. نبقى نشوف فيهم ويشوفو فيا حتى نرقد.. برك حبيت نعرف إذا كاين لي صراتلو!!

ركبت مختلف وسائل النقل والتزحلق أبداها من الطموبيلات تاع الطوموناج حتى الطيارة... مزالي غير المكوك الفضائي... بصح هذي أجمل ركبة في العالم... خاصة إذا كنت حافظ الشعر وتبدا تتخايل... وااااش نقلك...

اللوحات لي حكينا عليهم البارح

خلاص روحو ترقدو غدوة إن شاء الله

بدينا البحيرةFM في الفيسبوك

بما أنه غدوة الباك ويقطعو الانترنت.. يسما فرصة مواتية باش تستمتع بيَّاش وتعاود تضبط دماغك يقدر يقرا عفسة فيها بزاف.. ولي ماعندوش مشكل مع حرق الأحداث راني فتحت المراجعة تاع الجزء الأول أدخل دير طلة.. وصحيتو https://play.google.com/store/apps/details?id=com.melon.book

وكون جات شعيرة دينيية تشوف كفاش يبداو يتضابحو من الغلاء

تلاقيت بصفحة تاع واحد ماريكاني كافر.. المحتوى تاعو يحارب أفكار العلمانية والخربوطيست... إلخ مفحمهم بالحجة والدليل خاصة على مظاهر التعري الفاضح... وعلى إزدواجية المعايير لي عندهم.. وبلي هوما مجرد قطيع تم تدجينهم من طرف الرأس مالية بقوى الإعلام... إلخ تدخل للتعليقات تلقاهم هابلين عليه بالمعاير والسب ومكاش ڤاع لي تناقش الفكرة ولا تمد حجة.. غير السب وتعليقات من نوع.. واش دخلك.. علاش ماتهدرش على الرجال... تهدرو غير على النسا... شكون أنت النساء يلبسو لأنفسهن ماشي للرجال.. إلخ من الهبد.. المهم كي قريت هذوك التعليقات حسيت كي شغل شايفهم في مكان ماا... يااادرى ويين راني شايفهم.. ويييين؟؟!

في 5 دقايق 39 واحد شاف المنشور و 8 رياجاو و 4 كمونتاو يسما الأغلبية رافضيين.. هيا ليلتكم كاش حاجة ونتلاقاو كاش نهار..

نديرو بحيرة FM?

اللهم اجعل لأعضاء هذه المجموعة من كل همٍّ فرجًا.. ومن كل ضيقٍ مخرجًا.. وارزقهم سعادةً لا تزول.. وطمأنينةً تملأ قلوبهم،ط.. واغفر لهم ولوالديهم ولمن يحبون... اللهم تقبّل دعاءهم.. وبارك لهم في أعمارهم وأرزاقهم.. واكتب لهم الخير حيث كان.. وابعد عنهم الحزن والتعب والخذلان.. واجعل يوم عرفة شاهدًا لهم لا عليهم... اللهم من كان مريضًا فاشفه.. ومن كان مهمومًا ففرّج همّه.. ومن كان ينتظر فرحًا فأكرمه بما يتمنى.. واجعل هذه الأيام المباركة بداية خيرٍ وبركةٍ وتوفيق للجميع...

خاوتي تربية الأبناء تعب ملخر... العزاب المتحمسين للزواج غير ديرو حسابكم.. راني مع صاحبي متزوج وبنتو.صغيرة حفظهم الله.. رحنا زعما لبلاصة ندورو... ماااخلاتوش يتنفس... تعبت في بلاصتو هاهاها

كنت في تڤرت... عجبتني فيها حاجة مااعندهمش مشكل مع تسمية المحلات.. هاهاها عندهم إبداع من نوع خاص في التسمية.. في اللايف الجاي إن شاء الله فكروني نحكيلكم.

الرواية رقم 3... وهذي المرة دورتها روايات بوليسية... وصدقوني ماراني نزيد عليها... غير مجاتنيش هذيك الرواية لي تخلع وتبقى حال فمك ومشوكي بعدما تكملها... يخلاصو العشر من ذو الحجة ونكمل باقي القائمة لي راهي في راسي دلاع وهاشطاڤ ماتخلعوناش يّاش خيرمنكم.