The Voice Of Spring | နွေဦးအသံ |
Open in Telegram
📈 Analytical overview of Telegram channel The Voice Of Spring | နွေဦးအသံ |
Channel The Voice Of Spring | နွေဦးအသံ | (@vostelegram) in the Burmese language segment is an active participant. Currently, the community unites 29 467 subscribers, ranking 8 366 in the News & Media category and 4 953 in the Myanmar region.
📊 Audience metrics and dynamics
Since its creation on невідомо, the project has demonstrated rapid growth, gathering an audience of 29 467 subscribers.
According to the latest data from 07 September, 2026, the channel demonstrates stable activity. Although there has been a change in the number of participants by -628 over the last 30 days and by -17 over the last 24 hours, overall reach remains high.
- Verification status: Verified (Officially confirmed by Telegram)
- Engagement rate (ER): The average audience engagement rate is 6.44%. Within the first 24 hours after publication, content typically collects 3.76% reactions from the total number of subscribers.
- Post reach: On average, each post receives 1 898 views. Within the first day, a publication typically gains 1 109 views.
- Reactions and interaction: The audience actively supports content: the average number of reactions per post is 37.
📝 Description and content policy
The author describes the resource as a platform for expressing subjective opinions:
“Investigative, Innovative, Independent Digital Media”
Thanks to the high frequency of updates (latest data received on 08 September, 2026), the channel maintains relevance and a high level of publication reach. Analytics show that the audience actively interacts with content, making it an important point of influence in the News & Media category.
29 467
Subscribers
-1724 hours
-1337 days
-62830 days
Posts Archive
◼️လောင်းလုံးမှာ လက်နက်ကိုင်ဆောင်ထားတဲ့ မူးယစ်ဆေးရောင်းဝယ်သူတဦးကို မြို့နယ် ပလဖ ဖမ်းမိ
၈ စက်တင်ဘာ ||| နွေဦးအသံ |||
တနင်္သာရီဒေသ၊ လောင်းလုံးမြို့နယ်မှာ မူးယစ်ဆေးဝါးရောင်းဝယ်သူ တဦးကို လက်နက်၊ မူးယစ်ဆေးဝါးတွေနဲ့အတူ ဖမ်းမိခဲ့တယ်လို့ စက်တင်ဘာ ၆ ရက်၊ လောင်းလုံးမြို့နယ် ပြည်သူ့လုံခြုံရေးတပ်ဖွဲ့ ပလဖ ရဲ့ ထုတ်ပြန်ချက်အရ သိရပါတယ်။
ဆိုင်ကယ်ပြင်ဆိုင်မှာ မူးယစ်ဆေးဝါးရောင်းဝယ်ဖောက်ကားနေတဲ့ အသက် ၃၈ နှစ်အရွယ် အမျိုးသားတဦးကို ကြိုတင်သတင်းအရ မြို့နယ်လုံခြုံရေးမှူးနဲ့ ဒုတိယမြို့နယ်လုံခြုံရေးမှူးတို့ ဦးစီးတဲ့ ပလဖ အဖွဲ့က သွားရောက်ဖမ်းဆီးခဲ့ကြတာပါ။
အဲဒီအမျိုးသားကို WY မူးယစ်ဆေးဝါး ၁၆၈ လုံး၊ BA 94 သေနတ် ၁ လက် (မောင်းတုန်းနဲ့ကျည်အိမ်မပါ)၊ ငွေကျပ် ၁၁ သိန်းကျော်၊ ဖုန်း ၂ လုံး၊ လက်ပတ်နာရီ ၆ လုံး၊ မီးခြစ် ၈ လုံး၊ ပိုက်ထုပ် ၄ ထုပ်၊ ပိုက်ဆံထည့်ဗူး ၁ ဗူး၊ နားကြပ်ဗူးခွံ ၁ ဗူး၊ ဂက်စ်ဗူး ၁ ဗူးတို့နဲ့အတူ ဖမ်းမိခဲ့တယ်လို့ ဖော်ပြထားပါတယ်။
အဆိုပါ အမျိုးသားကို ထိရောက်စွာ အရေးယူနိုင်ရေးအတွက် ဥပဒေနဲ့အညီ ဆက်လက်ဆောင်ရွက်လျက်ရှိတယ်လို့ လောင်းလုံးမြို့နယ် ပြည်သူ့လုံခြုံရေးတပ်ဖွဲ့ ပလဖ က အသိပေးထားတာ တွေ့ရပါတယ်။
©The Voice of Spring
#thevoiceofspring
#WhatsHappeningInMyanmar
#RejectMilitaryCoup
✅ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။
◼️ဩဂုတ်လအတွင်း စစ်အုပ်စုထံမှ ၂၀ ဦး အလင်းဝင်ပြီး စစ်သုံ့ပန်း ၃၃ ဦး အရှင်ဖမ်းမိ
၈ စက်တင်ဘာ ||| နွေဦးအသံ |||
နိုင်ငံတဝှမ်းမှာ အကြမ်းဖက်စစ်ကောင်စီထံမှ တော်လှန်ရေးတပ်ဖွဲ့တွေထံသို့ သြဂုတ်လအတွင်း အလင်းဝင်လာသူ ၂၀ ဦးနဲ့ စစ်သုံ့ပန်း ၃၃ ဦး ရှိခဲ့တယ်လို့ ပြည်သူ့ပန်းတိုင်အဖွဲ့ရဲ့ စက်တင်ဘာ ၇ ရက် ဖော်ပြချက်အရ သိရပါတယ်။
စစ်ကောင်စီတပ်ထံမှ အလင်းဝင်လာသူ ၂၀ ဦး ရှိခဲ့ရာ မကွေးတိုင်း ၁ ဦး၊ ချင်းပြည်နယ် ၃ ဦး၊ ကရင်ပြည်နယ် ၇ ဦး၊ ရှမ်းပြည်နယ် ၆ ဦးနဲ့ စစ်ကိုင်းတိုင်းမှ ပြည်သူ့စစ် ၃ ဦးတို့ဖြစ်ကြပြီး ၉ ဦးမှာ စစ်မှုထမ်းတပ်သားသစ်တွေ ဖြစ်တယ်လို့ ဆိုပါတယ်။
ဒါ့အပြင် အရှင်ဖမ်းမိတဲ့ စစ်ကောင်စီတပ်ဖွဲ့ဝင် စစ်သုံပန်း ၃၃ ဦးမှာလည်း တနင်္သာရီတိုင်းမှာ စစ်သား ၄ ဦးနဲ့ ရဲ ၁ ဦး၊ ရှမ်းပြည်နယ် ၁ ဦး၊ ချင်းပြည်နယ် ၆ ဦး၊ ကရင်နီပြည်နယ် ၄ ဦး၊ မကွေးတိုင်း ၁၇ ဦးတို့ဖြစ်ကြပြီး ၃ ဦးမှာ စစ်မှုထမ်းတပ်သားသစ်တွေ ဖြစ်တယ်လို့ ဖော်ပြထားပါတယ်။
အကြမ်းဖက်စစ်တပ်ထံမှ ၂၀၂၅ ခုနှစ်၊ ဇန်နဝါရီလမှ ၂၀၂၆ ခုနှစ်၊ သြဂုတ်လအထိ အလင်းဝင်ပူးပေါင်းနဲ့ လက်နက်ချ၊ စစ်သုံ့ပန်း စုစုပေါင်း ၃၈၂၁ ဦးထိရှိခဲ့ကြောင်း ပြည်သူ့ပန်းတိုင်က ကောက်ယူထားတဲ့ မှတ်တမ်းတွေအရ ဖော်ပြထားတာ တွေ့ရပါတယ်။
©The Voice of Spring
#thevoiceofspring
#WhatsHappeningInMyanmar
#RejectMilitaryCoup
✅ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။
◼️ပုလောမြို့နယ် မင်းပြင်ရွာရှိ စစ်အုပ်စုကို KNU/KNDO တိုက်ခိုက်၊ စကစ ၃ ဦး သေဆုံး
၇ စက်တင်ဘာ ||| နွေဦးအသံ |||
တနင်္သာရီဒေသ၊ မြိတ်ခရိုင်၊ ပုလောမြို့နယ်မှာ အကြမ်းဖက်စစ်ကောင်စီတပ်ဖွဲ့ တပ်စွဲရာနေရာကို KNU/KNDO ပူးပေါင်းတပ်ဖွဲ့တွေက စက်တင်ဘာ ၃ ရက်မှာ သွားရောက်တိုက်ခိုက်ခဲ့တယ်လို့ KNDO Drone Forces ထံမှ သိရပါတယ်။
မင်းပြင်ရွာအတွင်း တပ်စွဲထားတဲ့ စစ်အုပ်စုကို တိုက်ခိုက်ခဲ့တာဖြစ်ပြီး စစ်ကောင်စီတပ်ဖွဲ့ဝင် ၃ ဦး သေဆုံးတဲ့အပြင် ၄ ဦး ထိခိုက်ဒဏ်ရာရခဲ့တယ်လို့ KNDO Drone Forces က စက်တင်ဘာ ၆ ရက်မှာ ထုတ်ပြန်ထားတာပါ။
အဲဒီတိုက်ခိုက်မှုကို KNU တပ်မဟာ (၄)၊ KNDO တပ်ရင်း (၇) က လုပ်ဆောင်ခဲ့တာဖြစ်ပြီး ထပ်မံအတည်ပြုနိုင်တဲ့ သတင်းအချက်အလက်တွေကိုလည်း ဆက်လက် ထုတ်ပြန်သွားမယ်လို့ KNDO Drone Forces က အသိပေးထားတာ တွေ့ရပါတယ်။
Video | KNDO Drone Forces
©The Voice of Spring
#thevoiceofspring
#WhatsHappeningInMyanmar
#RejectMilitaryCoup
✅ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။
◼️PDF ၅ နှစ်ပြည့် ရဲဘော် ၁၇၉၂ ဦးကို NUG အစိုးရက စစ်ဘက်ဆိုင်ရာသူရဲကောင်း ဘွဲ့တံဆိပ်များချီးမြှင့်
၇ စက်တင်ဘာ ||| နွေဦးအသံ |||
ပြည်သူ့ကာကွယ်ရေးတပ်မတော် PDF တည်ထောင်ခြင်း ၅ နှစ်ပြည့် အထိမ်းအမှတ်အဖြစ် အသက်၊ ခန္ဓာနဲ့ ကိုယ်ကျိုးစီးပွာ မငဲ့ကွက်ဘဲ စစ်ရေးတာဝန်များ ရဲဝံ့စွာ စွမ်းစွမ်းတမံထမ်းဆောင်ခဲ့တဲ့ ရဲဘော် ၁၇၉၂ ဦးကို NUG အစိုးရက စက်တင်ဘာ ၇ ရက်မှာ စစ်ဘက်ဆိုင်ရာ သူရဲကောင်းဘွဲ့တံဆိပ်များ ချီးမြှင့်လိုက်တယ်လို့ သိရပါတယ်။
ပြည်သူ့တော်လှန်ရေး ဂုဏ်ဆောင်ဘွဲ့ ၁ ဦး၊ ပြည်သူ့တော်လှန်ရေး သူရဲကောင်းဘွဲ့ ၂၁ ဦး၊ ပြည်သူ့ဇာနည်ဆု ၁,၆၄၇ ဦး၊ ပြည်သူ့သားကောင်းဆု ၈၁ ဦးနဲ့ တော်လှန်ရေးအမှုထမ်းကောင်းတံဆိပ် ၄၂ ဦး စုစုပေါင်း ဘွဲ့၊ ဆု၊ တံဆိပ် ၅ မျိုး ချီးမြှင့်အပ်နှင်းခဲ့တယ်လို့ NUG အစိုးရက ထုတ်ပြန်ထားတာပါ။
အခမ်းအနားကို အွန်လိုင်းနဲ့ မြေပြင်ပေါင်းစပ်ပြုလုပ်ခဲ့တာဖြစ်ပြီး NUG အစိုးရ၊ ယာယီသမ္မတ၊ ဝန်ကြီးချုပ်နဲ့ တာဝန်ရှိသူများ၊ CRPH အဖွဲ့ဝင်များ၊ NUCC ခေါင်းဆောင်များ၊ ဖက်ဒရယ်ယူနစ်အစိုးရနဲ့ ဖက်ဒရယ်လွှတ်တော်များမှ တာဝန်ရှိသူများ၊ မဟာမိတ်တော်လှန်ရေးအဖွဲ့အစည်းများ၊ မဟာမိတ်တပ်ဖွဲ့ဝင်များနဲ့ PDF ၊ ပကဖ တပ်မှူး/ရဲဘော်များ စုစုပေါင်း ၃၀၀ ကျော်တက်ရောက်ခဲ့တယ်လို့ ဆိုပါတယ်။
ပြည်သူ့တော်လှန်ရေးဂုဏ်ဆောင်ဘွဲ့ကို ယာယီသမ္မတ ဒူဝါလရှီးလက ပေးအပ်ချီးမြှင့်ခဲ့ပြီး ပြည်သူ့သားကောင်းဆုကို ဝန်ကြီးချုပ် မန်းဝင်းခိုင်သန်းက ပေးအပ်ချီးမြှင့်ခဲ့သလို ပြည်သူ့တော်လှန်ရေးသူရဲကောင်းဘွဲ့ကို ဝန်ကြီးချုပ်ရုံး ဝန်ကြီး ဒေါက်တာ ဇော်ဝေစိုးက ပေးအပ်ချီးမြှင့်ခဲ့တယ်လို့ ဖော်ပြထားပါတယ်။
အခြား ဆု၊ တံဆိပ်တွေကို ကာကွယ်ရေးဝန်ကြီး ဦးရည်မွန်၊ ပြည်ထဲရေးဝန်ကြီး ဦးလွင်ကိုလတ်နဲ့ ကာကွယ်ရေးဒုဝန်ကြီ နိုင်ကောင်းရွက်တို့က ပေးအပ်ချီးမြှင့်ခဲ့ပြီး တာဝန်ရှိသူတွေက ကျေးဇူးတင်စကား၊ အားပေးစကား၊ ချီးကျူးဂုဏ်ပြုစကားများ ပြောကြားခဲ့ကြာတယ်လို့ အသိပေးထားပါတယ်။
အဆိုပါ ဘွဲ့၊ ဆုနဲ့ တံဆိပ်တွေဟာ NUG ရဲ့ အမြင့်ဆုံး ဂုဏ်ပြုချီးမြှင့်မှုဖြစ်ပြီး သက်ဆိုင်ရာ ကွပ်ကဲမှုအဆင့်ဆင့် စိစစ်ရွေးချယ် ပေးအပ်ချီးမြှင့်ခဲ့တာဖြစ်သလို စစ်ဘက်ဆိုင်ရာ သူရဲကောင်းဘွဲ့၊ ဆုနဲ့ တံဆိပ် ချီးမြှင့်ခြင်းအစီအစဉ်ကို နှစ်စဉ်ဆောင်ရွက်သွားမှာဖြစ်ကြောင်း NUG အစိုးရက တရားဝင်ကြေညာတာ တွေ့ရပါတယ်။
Photo | NUG
©The Voice of Spring
#thevoiceofspring
#WhatsHappeningInMyanmar
#RejectMilitaryCoup
✅ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။
◼️ကယန်းအမျိုးသားတပ်မတော် KNA ၊ အမှတ် ၂၁၀၈ တပ်ရင်း မွမ်းမံသင်တန်းဆင်းပွဲနဲ့ တွေ့ဆုံပွဲကျင်းပ
၇ စက်တင်ဘာ ||| နွေဦးအသံ |||
ကယန်းအမျိုးသားတပ်မတော် KNA ၊ အမှတ် ၂၁၀၈ တပ်ရင်းရဲ့ တပ်ရင်းမွမ်းမံသင်တန်းဆင်းပွဲနဲ့ တပ်ဖွဲ့ဝင် စုံညီတွေ့ဆုံပွဲကို စက်တင်ဘာ ၆ ရက်၊ ကယန်းဒေသတနေရာမှာ ကျင်းပပြုလုပ်ခဲ့တယ်လို့ သိရပါတယ်။
တပ်ရင်းမွမ်းမံသင်တန်းကို ရက်တိုဖွင့်လှစ် သင်ကြားလေ့ကျင့်ခဲ့တာဖြစ်ပြီး သင်တန်းဆင်းပွဲနဲ့ တပ်ရင်းရှိ ရဲဘော်တွေ စုံညီတွေ့ဆုံပွဲကို ပူးတွဲကျင်းပခဲ့ကြောင်း ကယန်းအမျိုးသားတပ်မတော် KNA က စက်တင်ဘာ ၆ ရက်မှာ ဓာတ်ပုံမှတ်တမ်းအချို့နဲ့အတူ ထုတ်ပြန်ထားတာပါ။
သင်တန်းဆင်းပွဲကို ကယန်းအမျိုးသားတပ်မတော် ဦးစီးကော်မတီဝင်များ၊ စစ်ဦးစီးကော်မတီနဲ့ မဟာမိတ်အဖွဲ့အစည်းများ၊ လူထုကိုယ်စားလှယ်များ တက်ရောက်ခဲ့တယ်လို့ အသိပေးထားတာ တွေ့ရပါတယ်။
Photo | KNA
©The Voice of Spring
#thevoiceofspring
#WhatsHappeningInMyanmar
#RejectMilitaryCoup
✅ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။
◼️နွားထိုးကြီး PDF ရဲ့ အခြေခံနဲ့ မွမ်းမံစစ်သင်တန်းများပြီးစီး၊ လက်နက်နဲ့ ကျည်ကာများတပ်ဆင်
၆ စက်တင်ဘာ ||| နွေဦးအသံ |||
ပြည်သူ့ကာကွယ်ရေးတပ်မတော်၊ မြင်းခြံခရိုင်အမှတ် ၄၊ ၁၀ တပ်ရင်းတို့ရဲ့ အပတ်စဉ် (၇) အခြေခံစစ်ပညာသင်တန်းနဲ့ မွမ်းမံသင်တန်းဆင်းပွဲအခမ်းအနားကို စက်တင်ဘာ ၅ ရက်မှာ ကျင်းပပြုလုပ်ခဲ့ပြီး မွမ်းမံသင်တန်းဆင်းရဲဘော်တွေကို လက်နက်နဲ့ ကျည်ကာများ တပ်ဆင်ပေးခဲ့တယ်လို့ သိရပါတယ်။
ရဲဘော်သစ်တွေကို အခြေခံစစ်ပညာရပ်တွေနဲ့ တိုက်ခိုက်ရေး ပညာရပ်တွေကို ၃ လခန့်လေ့ကျင့်သင်ကြားခဲ့ပြီး မွမ်းမံသင်တန်းဆင်း ရဲဘော်တွေကို အဆင့်ဆင့်ကွပ်ကဲအုပ်ချုပ်မှုနဲ့ တိုက်ခိုက်ရေးစစ်ပညာရပ်တွေကို ၁ လခန့် ပြန်လည်မွမ်းမံသင်ကြားပေးခဲ့တဲ့အပြင် လက်နက်၊ ကျည်ကာဝတ်စုံတွေ တပ်ဆင်ပေးနိုင်ခဲ့တယ်လို့ ဆိုပါတယ်။
မွမ်းမံသင်တန်းဆင်းရဲဘော်တွေနဲ့ အခြေခံစစ်သင်တန်းအပတ်စဉ် (၇)မှ ရဲဘော်တွေဟာ မြင်းခြံခရိုင် အမှတ် (၄)တပ်ရင်း၊အမှတ် (၁၀) တပ်ရင်းမှ ရဲဘော်တွေဖြစ်ပြီး တပ်ရင်းမှာ ဆက်လက်တာဝန်ထမ်းဆောင်လျက်ရှိတယ်လို့ အဆိုပါတပ်ရင်းက ထုတ်ပြန်ထားတာပါ။
တော်လှန်ရေးကို ရှေးရှုတဲ့ စိတ်ဓာတ်နဲ့ ပြည်သူလူထုနဲ့အတူ ရပ်တည်ပြီး ပြည်သူကို မျက်နှာမူတဲ့ တပ်ရင်းတပ်ဖွဲ့အဖြစ် စစ်အာဏာရှင်စနစ် အပြီးတိုင် ချုပ်ငြိမ်းတဲ့အထိ ဆက်လက် တွန်းလှန် တိုက်ပွဲဝင်သွားမှာဖြစ်တယ်လို့ မြင်းခြံခရိုင် တပ်ရင်း ၄၊ ၁၀ - နွားထိုးကြီး PDF က အသိပေးထားတာ တွေ့ရပါတယ်။
Photo | Natogyi PDF
©The Voice of Spring
#thevoiceofspring
#WhatsHappeningInMyanmar
#RejectMilitaryCoup
✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။
◼️နတ်မောက်မှာ စစ်တပ်ရဲ့ ယာဉ် ၂ စီးကို တော်လှန်ရေးပူးပေါင်းတပ်များ မိုင်းဆွဲတိုက်ခိုက်
၆ စက်တင်ဘာ ||| နွေဦးအသံ |||
မကွေးဒေသ၊ နတ်မောက်မြို့နယ်မှာ အကြမ်းဖက်စစ်အုပ်စု ယာဉ် ၂ စီးကို တော်လှန်ရေးပူးပေါင်းတပ်ဖွဲ့တွေက စက်တင်ဘာ ၆ ရက်၊ မနက် ၁၀ နာရီခွဲခန့်မှာ မိုင်းကွင်း ၂ ကွင်း ကြိုတင်ပြင်ဆင်ထားပြီး အောင်မြင်စွာ ဖောက်ခွဲတိုက်ခိုက်ခဲ့တယ်လို့ သိရပါတယ်။
ကမ်းပြိုကျေးရွာမှ ကုလားရှင်ကျေးရွာဘက်သို့ ထွက်ခွာလာတဲ့ စစ်တပ်ရဲ့ အင်အား ၂၀ ဦးခခန့်ပါ ယာဉ် ၂ စီးကို မိုင်းကွင်း ၂ ကွင်းနဲ့ တိုက်ခိုက်ခဲ့ရာ ပထမယာဉ်မှာ Jammer ကြောင့် မိုင်းမကွဲခဲ့သော်လည်း ဒုတိယယာဉ် ရောက်လာချိန်မှာ ဒုတိယမိုင်းကွင်းနဲ့ အောင်မြင်စွာ ဖောက်ခွဲတိုက်ခိုက်ခဲ့တယ်လို့ ဆိုပါတယ်။
တိုက်ခိုက်ခံရပြီးနောက် စစ်အုပ်စုဟာ လမ်းတလျှောက် သေနတ်နဲ့ ရမ်းသမ်းပစ်ခတ်သွားခဲ့ပြီး တော်လှန်ရေးရဲဘော်တွေ အထိအခိုက်မရှိခဲ့သလို စစ်ကောင်စီတပ်ဖွဲ့ဝင် သေဆုံးထိခိုက်မှု အခြေအနေကို အတည်မပြုနိုင်သေးဘူးလို့ ဗိဿနိုးပြည်သူ့ကာကွယ်ရေးတပ်မတော် စစ်ဦးစီးတပ်က ထုတ်ပြန်ထားတာပါ။
မိုင်းဆွဲတိုက်ခိုက်မှုအပြီးမှာ ကုလားရှင်နဲ့ ကမ်းပြိုရွာရှိ စစ်တပ်က အင်အားသုံးပြီး လမ်းတလျှောက် ကင်းပုန်းချတာ၊ စစ်ကြောင်းထိုးရှာဖွေစစ်ဆေးတာတွေ ပြုလုပ်လျက်ရှိတာကြောင့် ပြည်သူများ သတိပြု ရှောင်ရှားသွားလာကြဖို့ကိုလည်း တိုက်တွန်းနှိုးဆော်ထားပါတယ်။
အဲဒီတိုက်ခိုက်မှုကို ဗိဿနိုးပြည်သူ့ကာကွယ်ရေးတပ်မတော် စစ်ဦးစီးတပ်နဲ့ မြို့သစ်မြို့နယ်ပြည်သူ့ကာကွယ်ရေးတပ်ဖွဲ့ (မြို့သစ် ပကဖ) တို့က ပူးတွဲဆောင်ရွက်ခဲ့တာဖြစ်ပြီး တိုက်ခိုက်ရာမှာအသုံးပြုတဲ့ Remote နဲ့ Receiver တွေကို Anonimus Group (Yangon) က ထောက်ပံ့ပေးခဲ့တယ်လို့ အသိပေးထားတာ တွေ့ရပါတယ်။
Photo | စစ်ဦးစီးတပ်
©The Voice of Spring
#thevoiceofspring
#WhatsHappeningInMyanmar
#RejectMilitaryCoup
✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။
◼️ဩဂုတ်လ စတုတ္ထပတ်အတွင်း စစ်တပ်ထံမှ စစ်သုံ့ပန်း ၆ ဦး တော်လှန်ရေးတပ်များ ဖမ်းမိ
၆ စက်တင်ဘာ ||| နွေဦးအသံ |||
နိုင်ငံတဝှမ်းမှာ အကြမ်းဖက်စစ်တပ်ထံမှ စစ်သုံ့ပန်း ၆ ဦးကို တော်လှန်ရေးအင်အားစုတွေက သြဂုတ်လ စတုတ္ထပတ်အတွင်း အရှင်ဖမ်းမိခဲ့တယ်လို့ စက်တင်ဘာ ၅ ရက်၊ ပြည်သူ့ပန်းတိုင်အဖွဲ့ရဲ့ ထုတ်ပြန်ချက်အရ သိရပါတယ်။
တော်လှန်ရေးအင်အားစုတွေ အရှင်ဖမ်းမိခဲ့တဲ့ စစ်ကောင်စီတပ်ဖွဲ့ဝင် စစ်သုံ့ပန်း ၆ ဦးဟာ ရှမ်းပြည်နယ်မှာ ၁ ဦးနဲ့ မကွေးတိုင်းမှာ ၅ ဦးတို့ဖြစ်ကြပြီး အဲဒီအထဲမှ ၂ ဦးဟာ စစ်မှုထမ်းတပ်သားသစ်(ပစ)တွေ ဖြစ်တယ်လို့ ကောက်ယူထားတဲ့မှတ်တမ်းတွေအရ ဖော်ပြထားပါတယ်။
ပြီးခဲ့တဲ့ ရက်ပိုင်းမှာလည်း ရွှေကူမြို့နယ်အတွင်း စစ်သင်္ဘောတွေ နစ်မြုပ် ပျက်စီးခဲ့ပြီး KIA ပူးပေါင်းတပ်တွေထံ အများအပြား အလံဖြူထောင်လက်နက်ချခဲ့တဲ့ စစ်သားတွေအနေနဲ့ အသက်ရှင်ခွင့်ရသွားပြီ ဖြစ်တာကြောင့် စစ်ကောင်စီတပ်ဖွဲ့တွေ အလင်းဝင်၊ လက်နက်ချကြဖို့ ပြည်သူ့ပန်းတိုင်အဖွဲ့က အသိပေးတိုက်တွန်းထားတာ တွေ့ရပါတယ်။
Photo | စကစ စစ်သုံ့ပန်းများ
©The Voice of Spring
#thevoiceofspring
#WhatsHappeningInMyanmar
#RejectMilitaryCoup
✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။
◼️ရန်သူ့လက်နက်ကိုယ့်လက်နက်ဖြစ်လာပါက အသုံးချနိုင်ဖို့ နောက်တန်းမှာလည်း လေ့ကျင့်နေဟု ပဲခူး ပကဖ အသိပေး
၆ စက်တင်ဘာ ||| နွေဦးအသံ |||
ပဲခူးခရိုင် ပြည်သူ့ကာကွယ်ရေးအဖွဲ့မှ ရဲဘော်တွေအနေနဲ့ နောက်တန်းစခန်းတွေမှာ အနားယူနေချိန် အကြမ်းဖက်စစ်တပ်ရဲ့ စစ်လက်နက်ပစ္စည်းတွေ သိမ်းဆည်းရရှိတဲ့အခါ ပြန်လည်အသုံးပြုနိုင်ဖို့ သင်တန်းတွေဖွင့်လှစ်ပြီး အဆက်မပြတ်တက်ရောက်လျက်ရှိတယ်လို့ သိရပါတယ်။
ပကဖ ရဲဘော်တွေက တပ်စု၊ တပ်ဖွဲ့၊ တပ်စိပ်အလိုက် အခြေခံဆက်သွယ်ရေးသင်တန်း၊ အခြေခံလက်နက်ကြီးသင်တန်းနဲ့ ရုံးလုပ်ငန်းပိုင်းဆိုင်ရာသင်တန်းတွေကို အဆက်မပြတ် ဖွင့်လှစ်လုပ်ဆောင်လျက်ရှိကြောင်း အဆိုပါတပ်ဖွဲ့က စက်တင်ဘာ ၆ ရက်မှာ ဓာတ်ပုံမှတ်တမ်းအချို့နဲ့အတူ အသိပေးထားတာပါ။
ဒီသင်တန်းတွေဟာ တိုက်ပွဲတွေ ဖော်ဆောင်နိုင်ဖို့၊ သိမ်းဆည်းရရှိလာတဲ့ ရန်သူ့လက်နက်တွေကို ပြန်လည်အသုံးချပစ်ခတ်နိုင်ဖို့နဲ့ ဘယ်လို ဆက်သွယ်ရေးစက်အမျိုးအစားမဆို အသုံးပြုနိုင်ပြီး မိခင်တပ်ရင်းတပ်ဖွဲ့တွေနဲ့ ချိတ်ဆက်ဆောင်ရွက်နိုင်ဖို့အတွက် လေ့ကျင့်ပေးနေတာဖြစ်တယ်လို့ ဆိုပါတယ်။
ဒါ့အပြင် ဒီလို နည်းပညာနဲ့ အချက်အလက်ဆိုင်ရာ လေ့ကျင့်မှုတွေဟာ အကြမ်းဖက် စစ်အုပ်စု ကျဆုံးရေးအတွက် အရေးပါတဲ့ တိုက်ခိုက်ရေး လုပ်ငန်းစဉ်တွေဖြစ်တယ်လို့ ပဲခူးခရိုင် ပြည်သူ့ကာကွယ်ရေးအဖွဲ့ (ပကဖ) က အသိပေးထားတာ တွေ့ရပါတယ်။
Photo | ပဲခူးခရိုင် ပကဖ
©The Voice of Spring
#thevoiceofspring
#WhatsHappeningInMyanmar
#RejectMilitaryCoup
✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။
