The Voice Of Spring | နွေဦးအသံ |

◼️‌ယင်းမာပင်မှာ အင်အားရာချီစစ်တပ်စစ်ကြောင်းတွေကို မိုင်းဆွဲတိုက်ခိုက်မှု စကစအများအပြားသေဆုံး ၁၂ ဇွန် | နွေဦးအသံ | စစ်ကိုင်းဒေသ၊ ယင်းမာပင်မြို့နယ်မှာ အင်အားရာချီပါတဲ့ အကြမ်းဖက် စစ်ကောင်စီစစ်ကြောင်းနှစ်ကြောင်းကို ပြည်သူ့ကာကွယ်ရေးပူးပေါင်းတပ်ဖွဲ့တွေက ဇွန် ၄ ရက်မှာ မိုင်းဆွဲတိုက်ခိုက်ခဲ့ရာ စစ်ကောင်စီတပ်ဖွဲ့ဝင် အများအပြား သေဆုံးခဲ့တယ်လို့ သိရပါတယ်။ ယမ်စီဝမ်ပေါင် တရုတ်ကုမ္ပဏီဘက်မှ ယင်းမာပင်မြို့နယ်အတွင်းသို့လာတဲ့ အင်အား ၅၀၀ ခန့်ပါစစ်ကြောင်းနဲ့ ယင်းမာပင်မြို့နယ်ထဲမှ ပြန်ထွက်လာတဲ့ အင်အား ၃၀၀ ခန့်ပါစစ်ကြောင်းတွေကို PDF ပူးပေါင်းတပ်တွေက အသင့်ထောင်ထားတဲ့ ပေပါမိုင်းတွေနဲ့ ဖောက်ခွဲတိုက်ခိုက်ခဲ့တာပါ။ မိုင်းဆွဲတိုက်ခိုက်မှုကြောင့် စစ်‌ကောင်စီတပ်ဖွဲ့ဝင် ၅၈ ဦးခန့်သေဆုံးပြီး ထိခိုက်ဒဏ်ရာရသူ အရေအတွက်အတိအကျကို မသိရသေးကြောင်း စစ်ကောင်စီတပ်တွင်းသတင်းပေးထံမှ သိရတယ်လို့ ဆိုပါတယ်။ တိုက်ခိုက်မှုကို ယင်းမာပင်ခရိုင် အမှတ် ၁၆ တပ်ရင်း တပ်ခွဲ ၁၊ Brother Defence Force၊ မဲမှောင် ပြည်သူ့ကာကွယ်ရေးတပ်ဖွဲ့၊ အာဠာဝကတပ်ဖွဲ့၊ ဆားလင်းကြီးမြို့နယ် လက်ရုံးတပ်နဲ့ မဟာမိတ်တပ်တွေ ပူးပေါင်းလုပ်ဆောင်ခဲ့တယ်လို့ Brother Defence Force က သတင်းထုတ်ပြန်ထားတာ တွေ့ရပါတယ်။ ©The Voice of Spring #thevoiceofspring #WhatsHappeningInMyanmar #RejectMilitaryCoup ✅ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

◼️‌ကမ်ပိန်းသတ်မှတ်ချက်မပြည့်မီခဲ့ပေမဲ့ တိုက်ပွဲဝင်ရဲဘော်အချို့ကို ကျည်ကာတပ်ဆင်ပေးနိုင်ခဲ့ဟု မြင်းခြံ 21 တပ်ဖွဲ့အသိပေး ၁၂ ဇွန် | နွေဦးအသံ | မန္တလေးဒေသ၊ မြင်းခြံခရိုင်အတွင်း အခြေပြုစစ်ရေးလှုပ်ရှားနေတဲ့ PDF မြင်းခြံခရိုင် တပ်ရင်း ၂၊ တပ်ခွဲ ၁ - B21 ပြောက်ကျားတပ်ဖွဲ့ က ကမ်ပိန်းသတ်မှတ်ချက်မပြည့်မီခဲ့ပေမဲ့ တိုက်ပွဲဝင်ရဲဘော်အချို့ကို ကျည်ကာဝတ်စုံတပ်ဆင်ပေးခဲ့တယ်လို့ အဆိုပါတပ်ဖွဲ့ရဲ့ ဇွန် ၁၁ ရက်ထုတ်ပြန်ချက်အရ သိရပါတယ်။ မြင်းခြံ၊ နွားထိုးကြီးနဲ့ တောင်သာမြို့နယ်တွေအတွင်းမှာ စစ်ရေးလှုပ်ရှားနေတဲ့ အဆိုပါတပ်ဖွဲ့က "ပြည်တော်ပြန်ဝင် ကျည်ကာဆင်" ကမ်ပိန်းပြုလုပ်ခဲ့တာဖြစ်ပြီး သတ်မှတ်ပမာဏမပြည့်မီခဲ့သော်လည်း ရနိုင်သမျှဝယ်ယူခဲ့တဲ့ကျည်ကာဝတ်စုံတွေ ရောက်ရှိခဲ့တဲ့အတွက် တိုက်ပွဲဝင်ရဲဘော်အချို့ကို တပ်ဆင်ပေးနိုင်ခဲ့တယ်လို့ ဆိုပါတယ်။ အခုလိုတပ်ဆင်ပေးနိုင်ဖို့အတွက် ကမ်ပိန်းမှာ ပါဝင်ကြိုးစားပေးခဲ့ကြသူတွေနဲ့ ပြည်တွင်းပြည်ပမှ ‌တော်လှန်ပြည်သူများအားလုံးကို ကျေးဇူးတင်ကြောင်း Myingyan Twenty one Guerilla Force - MTGF က အသိပေးထားတာ တွေ့ရပါတယ်။ ©The Voice of Spring #thevoiceofspring #WhatsHappeningInMyanmar #RejectMilitaryCoup ✅ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

◼️‌ငဖဲမြို့နယ်မှာ စစ်ကောင်စီတပ်သားတဦး သေနတ် ၂ လက်နဲ့ PDF တပ်ရင်းထံ အလင်းဝင် ၁၁ ဇွန် | နွေဦးအသံ | မကွေးဒေသ၊ ငဖဲမြို့နယ်မှာ အကြမ်းဖက်စစ်တပ် ခမရ ၅၆၂ မှ တပ်သား တဦးက ပြည်သူ့ကာကွယ်ရေးတပ်မတော်၊ မင်းဘူးခရိုင် အမှတ် ၈ တပ်ရင်းထံသို့ ဇွန် ၈ ရက်မှာ သေနတ် ၂ လက်၊ ခဲယမ်းများနဲ့အတူ အလင်းဝင်ရောက်ခဲ့တယ်လို့ သိရပါတယ်။ ပဒါန်းမြို့အနီးရှိ အမြောက်တပ် မစခ ၉၀၅ လက်အောက်ခံ ခမရ ၅၆၂ မှ စစ်မှုထမ်းတပ်သား အောင်မင်းဦးက MA2 ၁ လက်၊ MA3 ၁ လက်၊ လက်ပစ်ဗုံး ၂ လုံး၊ ကျည် ၃၂၈ တောင့်၊ ကျည်အိမ် ၇ ခုနဲ့ Amour ၁ စုံတို့ကို ယူဆောင်အလင်းဝင်ခဲ့တဲ့အတွက် ဂုဏ်ပြုဆုငွေချီးမြှင့်ပေးသွားမယ်လို့ ဆိုပါတယ်။ အလင်းဝင်တပ်သားကို လူ့ဂုဏ်သိက္ခာနဲ့အညီ နေထိုင်နိုင်ဖို့ စီစဥ်ဆောင်ရွက်ထားသလို ပြည်သူ့ရင်ခွင်ခိုလှုံလိုတဲ့ စစ်ကောင်စီတပ်ဖွဲ့ဝင်တွေကို လူ့အခွင့်အရေးအပြည့်အဝရရှိစေပြီး မိသားစုနဲ့ဆုံတွေ့နိုင်ဖို့ ကူညီပေးသွားမယ်လို့ မင်းဘူးခရိုင် တပ်ရင်း ၈ Wolf က အသိပေးဖိတ်ခေါ်ထားတာ တွေ့ရပါတယ်။ ©The Voice of Spring #thevoiceofspring #WhatsHappeningInMyanmar #RejectMilitaryCoup ✅ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

◼️‌အထူးဒရုန်းတပ်ရင်း SDDF က ၈ မိုင်အထိ တိကျစွာပစ်ခတ်နိုင်တဲ့ Missile Rocket များထုတ်လုပ်အောင်မြင် ၁၁ ဇွန် | နွေဦးအသံ | ကရင်နဲ့ မွန်ပြည်နယ်မှာ အခြေပြုစစ်ရေးလှုပ်ရှားနေတဲ့ အမှတ် ၁၈၀၃ အထူးဒရုန်းတပ်ရင်း SDDF က ၈ မိုင်အထိ တိကျစွာပစ်ခတ်တိုက်ခိုက်နိုင်တဲ့ “Missile Rocket” လက်နက်ကြီးတွေကို အောင်မြင်စွာတီထွင်ထုတ်လုပ်နိုင်ခဲ့တယ်လို့ ဇွန် ၁၀ ရက် အဆိုပါတပ်ရင်းရဲ့ ထုတ်ပြန်ချက်အရ သိရပါတယ်။ ၅ နှစ်တာကာလအတွင်း တော်လှန်ပြည်သူတွေရဲ့ တခဲနက်ထောက်ပံ့ကူညီမှု၊ အားပေးဝန်းရံမှုတွေကြောင့် ကိုယ်တိုင်တီထွင်ထုတ်လုပ်ထားတဲ့ "Missile Rocket" လက်နက်ကြီးတွေဟာ သိသာထင်ရှားတဲ့ အောင်မြင်မှုတွေ ရရှိလာခဲ့တယ်လို့ Saw Dragon Drone Force - SDDF အသိပေးထားတာပါ။ လက်ရှိမှာ အဆိုပါ Missile Rocket တွေဟာ အကွာအဝေးအနေနဲ့ ၄ မိုင်၊ ၆ မိုင်၊ ၈ မိုင် အထိ တိကျစွာ ပစ်ခတ်တိုက်ခိုက်နိုင်တဲ့ အဆင့်သို့ ရောက်ရှိအောင်မြင်လာခဲ့ပြီဖြစ်ကြောင်း ဖော်ပြထားပါတယ်။ ဒီလိုအောင်မြင်မှုတွေမှာ ရပ်တန့်နေမှာမဟုတ်ဘဲ ခေတ်မီနည်းပညာတွေ ပေါင်းစပ်၊ အဆင့်မြှင့်တင်ထားတဲ့ တီထွင်မှုအသစ်တွေကိုလည်း ဆက်လက်လုပ်ဆောင်လျက်ရှိတာကြောင့် တော်လှန်ပြည်သူတွေအနေနဲ့ အဆုံးသတ်အောင်ပွဲအထိ အားမလျှော့ဘဲ ဆက်လက်လက်တွဲပါဝင်ပေးကြဖို့ SDDF က တိုက်တွန်းနှိုးဆော်ထားတာ တွေ့ရပါတယ်။ Photo | SDDF ©The Voice of Spring #thevoiceofspring #WhatsHappeningInMyanmar #RejectMilitaryCoup ✅ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

◼️‌ချောင်းဦးမြို့နယ် စစ်ဘေးရှောင်ပြည်သူများကို မြောင်မြို့နယ် ပကဖ က ကျန်းမာရေးစောင့်ရှောက်မှုပေး ၁၁ ဇွန် | နွေဦးအသံ | စစ်ကိုင်းဒေသ၊ ချောင်းဦးမြို့နယ်မှာ စစ်ဘေးရှောင်ပြည်သူတွေကို မြောင်မြို့နယ် ပြည်သူ့ကာကွယ်ရေးတပ်ဖွဲ့ဝင်တွေက ကျန်းမာရေးစောင့်ရှောက်မှုပေးခဲ့တယ်လို့ ပကဖ အသံရဲ့ ဇွန် ၁၁ ရက် ဖော်ပြချက်အရ သိရပါတယ်။ ကျန်းမာရေးစောင့်ရှောက်မှု လုပ်ငန်းစဥ်တွေကို မြောင်မြို့နယ် ပကဖ တာဝန်ခံ၊ ဒု-တာဝန်ခံ (ပြည်သူ့ရေးရာ)၊ ကူညီကယ်ဆယ်ရေးတာဝန်ခံ၊ ထောက်ပို့တာဝန်ခံနဲ့ ဆေးဘက်ဆိုင်ရာတာဝန်ခံတွေ ပူးပေါင်းလုပ်ဆောင်ခဲ့ကြတယ်လို့ ဆိုပါတယ်။ ပြည်သူ့ကာကွယ်ရေးအဖွဲ့ (ပကဖ) တွေကို NUG အစိုးရ၊ ကာကွယ်ရေးဝန်ကြီးဌာနက နိုင်ငံတဝှမ်းမှာ ကျယ်ပြန့်စွာဖွဲစည်းထားပြီး လူထုစည်းရုံးရေး၊ ပြည်သူ့စစ်မဟာဗျူဟာဖော်ဆောင်ရေးနဲ့ ပြည်သူအကျိုးပြုလုပ်ငန်းတွေကို စနစ်တကျလုပ်ဆောင်လျက်ရှိတယ်လို့ အသိပေးထားတာ တွေ့ရပါတယ်။ ©The Voice of Spring #thevoiceofspring #WhatsHappeningInMyanmar #RejectMilitaryCoup ✅ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

◼️‌အောင်လံမြို့နယ်ရှိ စစ်တပ်ရဲ့ နတ်မောက်ဂိတ်စခန်းကို တိုက်ခိုက်မှု စကစ အများအပြားသေဆုံးဟုဆို ၁၁ ဇွန် | နွေဦးအသံ | မကွေးဒေသ၊ အောင်လံမြို့နယ်မှာ အကြမ်းဖက်စစ်တပ်ရဲ့ နတ်မောက်ဂိတ်စခန်းကို PDF တပ်ရင်းတွေက ဝင်ရောက်တိုက်ခိုက်ခဲ့ရာ စစ်ကောင်စီတပ်ဖွဲ့ဝင် အများအပြားသေဆုံးခဲ့တယ်လို့ မကွေးတိုင်းပြည်သူ့ကာကွယ်ရေးတပ်-အောင်လံ ရဲ့ ဇွန် ၉ ရက် ထုတ်ပြန်ချက်အရ သိရပါတယ်။ ရွှေပန်းတောကျေးရွာမှာ အင်အား ၃၅ ဦးခန့်တပ်စွဲထားတဲ့ စစ်အုပ်စုရဲ့ နတ်မောက်ဂိတ်စခန်းကို ဇွန် ၂ ရက်မှာ ဝင်ရောက်တိုက်ခိုက်ခဲ့ရာ ၁ နာရီခွဲခန့်ကြာမြင့်ခဲ့ပြီး စစ်ကောင်စီတပ်ဖွဲ့ဝင် ၁၇ ဦး သေဆုံးတဲ့အပြင် စစ်တပ်ရဲ့ ကင်းထောက်ဒရုန်း ၁ စီးကိုလည်း ပစ်ချဖျက်ဆီးနိုင်ခဲ့တယ်လို့ ဆိုပါတယ်။ ဂိတ်စခန်းသိမ်းဖို့ ရည်ရွယ်တိုက်ခိုက်ခဲ့တာဖြစ်ပြီး စစ်ကောင်စီရဲ့ ကပစ ၁၅ မှ ၁၀၅ မမ(ဟောင်ဝစ်ဇာ) ၉ လုံးခန့် ပစ်ကူပေးခဲ့တဲ့အပြင် ကပစ ၁၉ မှ စစ်ကူဟာလည်း စခန်းအနီး တမိုင်ကျော်အကွာရှိ ထောက်အဖွဲ့နဲ့ ထိတွေ့မှုဖြစ်ပွားခဲ့တာကြောင့် ပြန်လည်ဆုတ်ခွာခဲ့ရတယ်လို့ ဖော်ပြထားပါတယ်။ ပြီးခဲ့တဲ့ ဧပြီ ၁၄ ရက်မှာ စစ်တပ်ရဲ့ဒရုန်းတိုက်ခိုက်မှုကြောင့် သရက်ခရိုင်တပ်ရင်း ၂ မှ ဆေးတပ်သားရဲမေ ကျဆုံးခဲ့ရတာကို တုံ့ပြန်တိုက်ခိုက်တဲ့အနေနဲ့ '၁၄၀၄ စစ်ဆင်ရေး'အဖြစ် ဖော်ဆောင်ခဲ့တာဖြစ်ပြီး တိုက်ပွဲအတွင်း ရဲဘော် ၃ ဦးဒဏ်ရာရခဲ့တယ်လို့ အသိပေးထားပါတယ်။ တိုက်ခိုက်မှုကို သရက်ခရိုင် တပ်ရင်း ၂ နဲ့ ပြည်ခရိုင် တပ်ရင်း ၂ တို့က ပူးပေါင်းလုပ်ဆောင်ခဲ့တာဖြစ်ပြီး မြို့ပြစစ်ဆင်ရေးတွေ ဖော်ဆောင်လာမှာဖြစ်တဲ့အတွက် ပြည်သူတွေအနေနဲ့ စစ်အုပ်စုနဲ့ လွတ်ကင်းစွာနေထိုင်ကြဖို့ အသိပေးထုတ်ပြန်ထားတာ တွေ့ရပါတယ်။ ©The Voice of Spring #thevoiceofspring #WhatsHappeningInMyanmar #RejectMilitaryCoup ✅ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ

◼️‌စစ်ကိုင်း-မင်းကွန်းလမ်းမှာ အကြမ်းဖက်စစ်အုပ်စုယာဉ်ကို သတင်းရသဖြင့် စောင့်ကြိုတိုက်ခိုက်ရာ ပျူ ၂ ဦး‌ထိခိုက် ၁၁ ဇွန် | နွေဦးအသံ | စစ်ကိုင်းမြို့နယ်၊ စစ်ကိုင်း-မင်းကွန်းလမ်းမှာ ပြည်သူကိုအနိုင်ကျင့်နှိပ်စက်နေတဲ့ အကြမ်းဖက်စစ်တပ်လက်ပါးစေ ပျူစောထီးတွေရဲ့ ယာဉ်ကို ယူနီကွန်းပြောက်ကျားတပ်ဖွဲ့ UGF က ဇွန် ၈ ရက်မှာ စောင့်ကြိုတိုက်ခိုက်ခဲ့ရာ ပျူစောထီး ၂ ဦးခန့် ထိခိုက်ဒဏ်ရာရခဲ့တယ်လို့ သိရပါတယ်။ စစ်ကိုင်း-မင်းကွန်း လမ်းပိုင်းမှာ စစ်ကောင်စီတပ်လက်ပါးစေ ပျူစောထီး မျောက်ကြီး မောင်းနှင်လာတဲ့ယာဉ်ကို ကြိုတင်သတင်းရတဲ့အတွက် စောင့်ကြိုပစ်ခတ်တိုက်ခိုက်ရာ ပျူစောထီး ၂ ဦး ထိခိုက်ဒဏ်ရာရနိုင်ပြီး အဆိုပါယာဉ်မှာ လက်ပံကျေးရွာအတွင်းသို့ မောင်းနှင်ထွက်ပြေးသွားတယ်လို့ ဆိုပါတယ်။ စစ်ကိုင်း-မင်းကွန်းလမ်းကို အသုံးပြုနေတဲ့ ပြည်သူလူထုအနေနဲ့ စစ်အုပ်စုနဲ့ အနီးကပ်သွားလာတာမျိုး မလုပ်ဖို့နဲ့ မနက် ၅ နာရီမှ ည ၈ နာရီအတွင်းသာ အသုံးပြုသွားလာကြဖို့ တောင်းဆိုထားပြီး အချိန်လွန်မောင်းနှင်ပါက ပြဿနာများကို တာဝန်ယူမှာမဟုတ်ကြောင်း UGF က သတင်းထုတ်ပြန်ထားတာ တွေ့ရပါတယ်။ ©The Voice of Spring #thevoiceofspring #WhatsHappeningInMyanmar #RejectMilitaryCoup ✅ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

◼️‌တော်လှန်ရေးကာလ ကိုယ်လက်အင်္ဂါစွန့်လွှတ်‌ပေးဆပ်ခဲ့ကြတဲ့ ရဲဘော်များကို မန္တလေး PDF က အခမ်းအနားဖြင့်ဂုဏ်ပြု ၁၀ ဇွန် | နွေဦးအသံ | နွေဦးတော်လှန်ရေးကာလအတွင်း တိုက်ပွဲဝင်ရင်း ကိုယ်လက်အင်္ဂါစွန့်လွှတ်‌ပေးဆပ်ခဲ့ကြတဲ့ ရဲဘော် ၁၂၄ ဦးကို ဂုဏ်ပြုခြင်းအခမ်းအနားကျင်းပပြုလုပ်ခဲ့တယ်လို့ ပြည်သူ့ကာကွယ်ရေးတပ်မတော် (မန္တလေး)၊ အထူးလှုပ်ရှားတပ်မရဲ့ ဇွန် ၁၀ ရက် ထုတ်ပြန်ချက်အရ သိရပါတယ်။ တော်လှန်ရေးကာလအတွင်း တပ်ဖွဲ့ စတင်တည်ထောင်ချိန်မှ လက်ရှိအချိန်ထိ ရဲစွမ်းသတ္တိအပြည်နဲ့ တိုက်ပွဲဝင်ရင်း ကိုယ်လက်အင်္ဂါစွန့်လွှတ်ပေးဆပ်ခဲ့ကြတဲ့ ရဲဘော်တွေကို ဂုဏ်ပြုချီးမြှင့်သည့် အခမ်းအနားတရပ်ကို ဇွန် ၆ ရက်မှာ ပထမဆုံးအကြိမ်အဖြစ် အောင်မြင်စွာကျင်းပပြုလုပ်ခဲ့တယ်လို့ ဆိုပါတယ်။ အဆိုပါအခမ်းအနားသို့ ဂုဏ်ပြုခံရဲဘော်များ၊ ဖိတ်ကြားထားတဲ့ ဧည့်သည်တော်တွေနဲ့ အထူးလှုပ်ရှားတပ်မမှ အဆင့်ဆင့်သော စစ်သည်ရဲဘော်များ စုံညီစွာတက်ရောက်ခဲ့ကြတယ်လို့ ဖော်ပြထားပါတယ်။ အခမ်းအနားမှာ အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာနမှ ပေးပို့လာတဲ့ ဂုဏ်ပြုသဝဏ်လွှာ ဖတ်ကြားခြင်း၊ တာဝန်ရှိသူတွေက အမှာစကားပြောကြားခြင်းနဲ့ ဂုဏ်ပြုခံရဲဘော်တွေကို ဂုဏ်ပြုမှတ်တမ်းလွှာ၊ ဂုဏ်ပြုချီးမြှင့်ငွေများ အသီးသီးပေးအပ်ခဲ့တယ်လို့ ဆိုပါတယ်။ စစ်အာဏာရှင်စနစ်အမြစ်ပြတ်ချေမှုန်းရေးနဲ့ ဖက်ဒရယ်ပြည်ထောင်စုတည်ဆောက်နိုင်ရေးအတွက် တိုက်ပွဲဝင်ရင်း ကိုယ်လက်အင်္ဂါ ပေးဆပ်စွန့်လွှတ်ခဲ့ကြတဲ့ တပ်မမှ အရာရှိ၊ ရဲဘော် ၁၂၄ ဦးနဲ့ တော်လှန်ရေးတပ်ဖွဲ့အသီးသီးမှ ရဲဘော်တွေရဲ့ စွန့်လွှတ်စွန့်စားမှုတွေကို ပြည်သူတရပ်လုံးနဲ့ အခြားရဲဘော်အားလုံးက အစဉ်အမြဲ လေးမြတ်စွာဂုဏ်ပြုမှတ်တမ်းတင်နေမယ်လို့ ယုံကြည်ကြောင်း အသိပေးထားတာ တွေ့ရပါတယ်။ ©The Voice of Spring #thevoiceofspring #WhatsHappeningInMyanmar #RejectMilitaryCoup ✅ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

◼️‌"Operation Su"အဖြစ် ရေပြာရဲစခန်းနဲ့ ကုက္ကိုစုပျူစခန်းသိမ်းပိုက်မှု လက်နက်ကြီး ၄ လက်အပါ ၅၉ လက်သိမ်းဆည်းရရှိ 🔹စစ်သုံ့ပန်း ၅၀ ကျော်ဖမ်းမိ၊ ဓားစာခံပြည်သူ ၂၀၀ ကျော်ကိုကယ်တင်နိုင်ခဲ့ပြီး ကောင်းမွန်စွာစောင့်ရှောက်ထားဟုဆို ၁၀ ဇွန် | နွေဦးအသံ | ပေါက်မြို့နယ်မှာ အကြမ်းဖက်စစ်တပ်ရဲ့ရေပြာရဲစခန်းနဲ့ ကုက္ကိုလ်စုပျူစခန်းကို PDF နဲ့ပူးပေါင်းတပ်များ တိုက်ခိုက်သိမ်းပိုက်မှုအတွင်း လက်နက်ကြီး/ငယ် ၅၉ လက် သိမ်းဆည်းရရှိပြီး စစ်သုံ့ပန်း ၅၀ ကျော်ဖမ်းမိတဲ့အပြင် ဓားစာခံပြည်သူ ၂၀၀ ကျော်ကို ကယ်တင်နိုင်ခဲ့တယ်လို့ သိရပါတယ်။ "Operation Su " အဖြစ် ရေပြာရဲစခန်းနှင့် ကုက္ကိုစုပျူစောထီးစခန်းကို ဇွန် ၂ ရက်၊ မနက်ပိုင်းမှာ တပြိုင်တည်းထိုးစစ်ဆင်ခဲ့တယ်လို့ မကွေးပြည်သူ့ကာကွယ်‌ရေးတပ်မတော် (Magway- PDF) က ဇွန် ၁၀ ရက်မှာ ထုတ်ပြန်ခဲ့တာပါ။ အကြမ်းဖက်စစ်တပ်က အကြိမ် ၈၀ ကျော် လေကြောင်းပစ်ကူပေးခဲ့တဲ့ကြားက ရဲဘော်တွေရဲ့ မဆုတ်မနစ် ရွပ်ရွပ်ချွံချွံတိုက်ပွဲဝင်ခဲ့တာကြောင့် စခန်း၂ ခုစလုံးကို ဇွန် ၂ ရက်နဲ့ ၄ ရက်တို့မှာ အသီးသီးအောင်မြင်စွာ အပြီးသတ်သိမ်းပိုက်နိုင်ခဲ့တယ်လို့ ဖော်ပြထားပါတယ်။ စစ်ဆင်ရေးအတွင်း လက်နက်ငယ် ၅၅ လက် ၊ လက်နက်ကြီး ၄ လက် နှင့် အခြား လက်နက်ခဲယမ်းများ သိမ်းဆည်းရရှိခဲ့ပြီး စစ်သုံ့ပန်း ၅၀ ကျော်ဖမ်းမိတဲ့အပြင် စစ်အုပ်စုရဲ့ အတင်းအဓမ္မလူသားတံတိုင်းအဖြစ်ခိုင်းစေခံခဲ့ရတဲ့ အမျိုးသမီးနဲ့ ကလေးသူငယ်များအပါအဝင် ပြည်သူ ၂၀၀ ကျော်ကိုလည်း ကယ်တင်နိုင်ခဲ့ပြီး ကောင်းမွန်စွာစောင့်ရှောက်ထားတယ်လို့ ဆိုပါတယ်။ အဲဒီစစ်ဆင်ရေးကို မကွေးပြည်သူ့ကာကွယ်ရေးတပ်မတော်၊ ပခုက္ကူခရိုင် ပကဖ ၊ KG တပ်ဖွဲ့ ၊ ပေါက်ပကဖတပ်ရင်း ၊ BLY တပ်ဖွဲ့ ၊ မြိုင်ပကဖ ၊ YRF တပ်ဖွဲ့၊ ပြည်သူ့ကာကွယ်ရေးတပ်မတော် ပခုက္ကူခရိုင်အမှတ် (၂ /၆/ ၇/ ၁၂/ ၁၄/ ၁၇/ ၁၈) တပ်ရင်းများ၊ မြန်မာနိုင်ငံလုံးဆိုင်ရာကျောင်းသားများ ဒီမိုကရက်တစ်တပ်ဦး( ABSDF) ၊ မကွေးဖက်ဒရယ်ယူနစ်ကာကွယ်ရေးစစ်ကြောင်းများ ၊ ပခုက္ကူပကဖ၊ ကမ္မတပ်ပေါင်းစု+ပြည်သူ့လုံခြုံရေးအင်အားစု(ကမ္မ)၊ PLC တပ်ပေါင်းစု ၊ အညာမြေတပ်‌ပေါင်းစု ၊ PDO/PDA တပ် ၊ မကွေးတိုင်းလှုပ်ရှားစစ်ကြောင်း အမှတ် ၄ ၊ ပေါက်မြို့နယ် ဆေးတပ်ဖွဲ့ ၊ ပေါက်မြို့နယ် ပအဖ နှင့် တော်လှန်ပြည်သူများက စည်းစည်းလုံးလုံး ပူးပေါင်းဆောင်ရွက်ခဲ့တာဖြစ်ပြီး အမျိုးသားညီညွှတ်ရေးအစိုးရ MOD ပကဖ ရုံးချုပ်နဲ့ မကွေးဖက်ဒရယ်ယူနစ်ကာကွယ်ရေးဝန်ကြီးရဲ့ လမ်းညွှန်ပူးပေါင်းကူညီမှုလည်း ပါဝင်ခဲ့တယ်လို့ ဆိုပါတယ်။ စစ်ဆင်ရေးမှာ ရဲဝင့်စွာတိုက်ပွဲဝင်ခဲ့တဲ့ ရဲဘော်အားလုံးကို မှတ်တမ်းတင်ဂုဏ်ပြုအပ်သလို ထိခိုက်ကျဆုံးခဲ့တဲ့ ရဲဘော်တွေနဲ့ ပြည်သူတွေကို ဦးညွှတ်အလေးပြုကြောင်း အသိပေးထားပါတယ်။ စစ်အာဏာရှင်စနစ်အလုံးစုံပျက်သုန်းရေးနဲ့ ဖက်ဒရယ်ဒီမိုကရေစီရရှိရေးအတွက် ဆက်လက်တိုက်ပွဲဝင်သွားမှာဖြစ်ပြီး လက်ရှိစစ်ရေးအခြေအနေတွေကြောင့် ပခုက္ကူခရိုင်အတွင်းရှိ ပြည်သူတွေအနေနဲ့ စစ်ရေးအသိသတိနဲ့ နေထိုင်ကြဖို့ တိုက်တွန်းထားတာ တွေ့ရပါတယ်။ ©The Voice of Spring #thevoiceofspring #WhatsHappeningInMyanmar #RejectMilitaryCoup ✅ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

◼️‌၂၀၂၆ ခုနှစ် မေလအတွင်း တော်လှန်ရေးတပ်များထံ စကစ ၄၀ ဦးအလင်းဝင်ပြီး ၁၀၃ ဦး အရှင်ဖမ်းမိ ၁၀ ဇွန် | နွေဦးအသံ | နိုင်ငံတဝှမ်းမှာ အကြမ်းစစ်တပ်ထံမှ တော်လှန်ရေးတပ်ဖွဲ့တွေထံသို့ မေလအတွင်း စစ်ကောင်စီတပ်ဖွဲ့ဝင် ၄၀ ဦးအလင်းဝင်ခဲ့ပြီး စစ်သုံ့ပန်းအဖြစ် ၁၀၃ ဦးအရှင်ဖမ်းဆီးခံရတယ်လို့ ပြည်သူ့ပန်းတိုင်အဖွဲ့ရဲ့ ဇွန် ၉ ရက် ဖော်ပြချက်အရ သိရပါတယ်။ စစ်ကောင်စီထံမှ အလင်းဝင်လာသူ ၄၀ ဦးရှိခဲ့ရာ စစ်ကိုင်းတိုင်းမှာ ပြည်သူ့စစ် ၃ ဦး အပါအဝင် ၁၁ ဦး၊ ပဲခူးတိုင်း ၄ ဦး၊ မကွေးတိုင်း ၁၁ ဦး၊ တနင်္သာရီတိုင်း ၁၀ ဦးနဲ့ မွန်ပြည်နယ် ၄ ဦးတို့ဖြစ်ကြပြီး ၂၉ ဦးမှာ စစ်မှုထမ်းတပ်သား(ပစ)တွေ ဖြစ်တယ်လို့ ဆိုပါတယ်။ ဒါ့အပြင် အရှင်ဖမ်းမိတဲ့ စစ်ကောင်စီတပ်ဖွဲ့ဝင် စစ်သုံ့ပန်း ၁၀၃ ဦးရှိခဲ့ရာ တနင်္သာရီတိုင်းမှာ ရဲ ၁ ဦးနဲ့ ပြည်သူ့စစ် ၃ ဦး အပါအဝင် ၁၁ ဦး၊ မကွေးတိုင်း ၄၅ ဦး၊ မန္တလေးတိုင်း ၁ ဦး၊ ကချင်ပြည်နယ် ၁၇ ဦး၊ စစ်ကိုင်းတိုင်း ၁ ဦး၊ ပဲခူးတိုင်း ၁ ဦး၊ မွန်ပြည်နယ် ၂၄ ဦး၊ ကရင်နီပြည်နယ် ၂ ဦး၊ ချင်းပြည်နယ်မှ ပြည်သူ့စစ် ၁ ဦးတို့ ဖြစ်ကြပြီး ၂၆ ဦးမှာ စစ်မှုထမ်းတပ်သား(ပစ)တွေ ဖြစ်တယ်လို့ တော်လှန်ရေးအဖွဲ့အစည်းတွေနဲ့ မီဒီယာတွေမှ စာရင်းကောက်ယူထားတဲ့ မှတ်တမ်းတွေအရ ဖော်ပြထားပါတယ်။ နေ့စဥ်နဲ့အမျှ ထိခိုက်သေဆုံးမှုမြင့်တက်နေတဲ့ စစ်ကောင်စီထံမှ အလင်းဝင်၊ လက်နက်ချနဲ့ စစ်သုံ့ပန်း အရေအတွက်ဟာ ၂၀၂၅ ခုနှစ် ဇန်နဝါရီလမှ ၂၀၂၆ ခုနှစ် မေလအထိ ၃၂၁၁ ဦး ရှိတယ်လို့ ပြည်သူ့ပန်းတိုင်အဖွဲ့က ဖော်ပြထားတာ တွေ့ရပါတယ်။ ©The Voice of Spring #thevoiceofspring #WhatsHappeningInMyanmar #RejectMilitaryCoup ✅ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။