عابر

يعني كل خطط حياتك اللي بتفسد رغم إحكامها، وكل مشاريعك اللي بتفشل رغم حسن إدارتها، وكل علاقاتك اللي بتفسد رغم شدة حبك ليهم، وحياتك اللي بتبوظ بالتدريج في كل نواحيها ده مش بيعطيك إيحاء بحاجة؟ مفيش ذنب أنت مقيم عليه بيفسد حياتك؟ مش واحشك طريق ربنا؟ مش عاوز تصلي ركعتين توبة؟ مش عاوز تدعي ربنا يصلح قلبك وكل حياتك؟ يمكن العيب مش ف الخطة ولا الأسباب، العيب إنك نسيت تعتمد على رب الأسباب، نسيت ترجعله، علاقتك بيه متدمرة.. مش بتفكر تصلح علاقتك بربنا؟ مش يمكن ربنا يريدك ترجعله، ولو مكنش وأنت في عافية.. ف يرجعك ليه بابتلاءات ف حياتك؟ مش يمكن ده شؤم الذنوب اللي بتعملها؟ ما تقوم تصلي ركعتين.. ما تقوم تعيط لربنا شوية.. مش عارف تبكي؟ قلبك قسى؟ طب تباكَى طيب... اعمل نفسك بتعيط... قوله يا رب قلبي قسى ومش عارف أبكي.. اشكيله منك.. لسه هتفكر حياتك متدمرة ليه؟ #عابر #مجاهدة •-------------------------• ✿↳ @moroor_abir

قناة النساء التابعة لقناة عابر (يُنشر فيها كل ما يخص النساء.. أكيد يعني) https://t.me/+t2YuyJPiBW9iNTlk لا أقبل إلا الأسماء الصريحة.

لو بحثنا في كل الشواهد الدينية والشرعية وفتشنا في السماء السابعة علشان نوصل لـ جملة بتقول « إن المرأة في الإسلام مرغوبة لا راغبة » مش هنلاقي عبارة بالمعنى دا المرأة في الإسلام مرغوبة وراغبة .. ليها كامل الحق أنها تكون مرغوبة، وعندها الترخيص الشرعي إنها تكون راغبة. بس دا مش معناه إن المرأة مطلوب منها المُبادرة في إظهار رغبتها - لأن دي من أصالة الرجال - لكن معناه إنها بعد ما تتطمن لجديّة الرجل مينفعش تتلاعب بـ جهده علشان تنال منه مُحايلات ومُغامرات متكررة. وهنا فيه فرق جوهري بين إحتياج الأنثى لـ شعور الإطمئنان وبين رغبتها في تغذية نرجسيتها وإحساسها بالتفرد عن طريق تكرار مُحايلات الشباب. الأنثى اللي محتاجة إطمئنان حقيقي بتكون مُنتظرة إن الشاب يُظهر دليل بسيط لـ إثبات صدقه وجديته .. لكن الأنثى اللي بتبص للشاب كـ مصدر لـ إشباع كبريائها هتفضل مستنية نموذج الشاب اللي بيقدم لها قرابين مُتكررة، ودا مش هيعمله إلا شاب عنده مشكلة في تقدير رجولته ولذلك ،، الشاب المُلتزم المسؤول مطلوب منه يُثبت صدقه ووضوحه من المحاولة الأولى، والأنثى الناضجة السوية بتقدّر المحاولة دي وتشوف مدى توافقها بدون ما تستنى إن الشاب دا يقدم أكبر عدد من المحاولات الزائفة فـ الذكور والإناث محتاجين يكتسبوا صفة الوضوح ويتنازلوا عن آلاعيبهم النفسية تجاه بعض .. فـ بعد ما تسمع تجارب البشر هتفهم إن مُحايلات الشاب عمرها ما بتجيبله زوجة مُريحة .. ولا كبرياء البنت بيجيب ليها زوج مُخلص. احمد الفقى #علاقات #زواج

ليه بكره الفيس؟ كل مرة بعطي فيها الفيس فرصة بيخيب ظني كالعادة.. عملت أكونت ف تالتة ثانوي، بعدين حذفته نهائي، وتركت الفيس مدة كبيرة، بعدين الأكونت الجديد ده والحقيقة ندمت كالعادة إني رجعت للفيس حد يقولي بستفيد منه لكن بالنسبالي مساوؤه تفوق محاسنه بمراحل، مجتمع سيئ جدا مضيع للأعمار والأوقات والجهود.. تضيع وقتك بتسكرول ف الفراغ، فضول المباحات بالحرف واللي مؤذي للقلب جدا.. بيخليك تتعود على جرعة دوبامين معينة، بتاخدها من مصدر مش سليم ومش صحي، فتكره مصادره الصحية زي إنجاز مهامك وأورادك وحياتك الطبيعية.. قبل ما أحذفه المرة اللي فاتت جربت حيلة نفسية عشان أنقّي الأكونت من أي حاجة ممكن تضيع وقتي، خليت الأصدقاء اللي عندي زي ما هم بس مش عاملالهم متابعة، عشان مشوفش بوستات حد ولا هزار ولا ميمز ولا حياة حد، وتابعت ناس كتيرة بمحتوى مفيد، كان الفيس عندي مجرد محتوى مفيد فقط.. لأني عارفة خطورة المدخلات جدا جدا ومدى تأثيرها على عقولنا حتى بلا وعي منا من لما فتحت الفيس قافلة إنه حد يبعتلي طلبات مراسلة غير أصدقائي، خرجت من كل الجروبات خاصة اللي فيها ميمز، عندي عداوة شخصية مع التفاهة، يعني أنا بحب الضحك لكن لا أتقبل شخص كل حياته هزار ولا يمكن أحترمه، فلما كان عندي صفحات بتنزل ميمز طبية وكده، تغيرت نظرتي بشكل ملحوظ عن الرجال، نظرتي ف العادي عنهم إنهم اللي هيقودوا الأسرة، لكن لما شوفت كمية التفاهة اللي فيها الجيل الجديد حزنت جدا، قولت (إذا كان هؤلاء هم رجال الأمة فمن يقوّم اعوجاج نسائها!) قد تقول إنه ده مبالغ فيه، لكن بحاول أوصل للصورة الأحسن ف كل حاجة، مش مع مبدأ اللي ييجي قدامي أشوفه، كل حاجة آخدها بهزار وأضحك، الحياة زي ما تيجي تيجي فيا سيدي، الفيس بيبوظ كل ده ف أي وقت أنت معرض تشوف أي حاجة وتقرأ أي حاجة أول مرة تسمع فيها فيديو فيه موسيقى حتى لو هزار تقول اي ده وتقلب على طول، مرة ف مرة بقيت تسمع عادي وتضحك ويمكن متاخدش بالك أصلا إنه في موسيقى لاعتيادك على الموضوع، بعدها بفترة ممكن تسمع أغاني وهكذا مع كل الأمور شوية تشوف ممثلة، وشوية تشوف أخبار الفنانات، فبيخلي اهتماماتك كلها تافهة، تيجي تدخل لحياتك حاجة مهمة متلاقيش في مكان، لأن الحاجات التافهة ممتعة بطبعها، أما الحاجات المهمة ثقيلة وهكذا تفضل ف الدوامة تعتاد مشاهدة الفساق والفاسقات تعتاد مشاهد العُريّ وصوره تعتاد الاختلاط بين الشباب والبنات ف الكومنتات تعتاد الهزار مع الجنس الآخر تعتاد إمكانية التواصل برايفت مع أي حد تعتاد التفاهة تعتاد مزاح البنات على العامة والخضوع بالقول تعتاد نشر البنات لصورها عادي تعتاد الأغاني تعتاد الألفاظ السيئة اللي بتتقال ف الكومنتات العامة بدون سعيك ليها تعتاد إنه الناس تنشر حياتها الشخصية للعامة لدرجة مواقف شخصية أوي بين الراجل وزوجته وكل مبادئك تبدأ تتخلى عنها بالتدريج، عارف ليه؟ عشان اعتدت، يعني اتعودت، وده أسوأ حاجة، إنك تألف المعصية لمجرد شيوعها وكثرة فاعيلها لما تيجي تدور على نفسك تقول أنا مين؟ اي اللي وصلني هنا؟ فهمت ليه بكره الفيس؟ لو أنت مش واعي لكل حاجة بتدخلها لعقلك، هتلاقي نفسك ف حتة تانية خالص متتمناش تروحها.. طبعا كلامي ده يبدو غريب لبعض الناس، اللي هو اي ده أنت مكبرة الموضوع أوي ده مجرد ترفيه وتضييع وقت.. فحابة أقولك إنه ده مبدأ أسوأ، وهو الغفلة والكلام ده ميفرقش مع الناس اللي مش فارق معاها حياتها ف حاجة لكن الناس اللي بتحترم عقلها بجد، وتحترم وقتها وحياتها.. مش هيكونوا عاوزين أي حاجة تسلب منهم أي جزء من حياتهم وروحهم وشخصيتهم وتغيرهم لا إراديا زي تطبيقات سخيفة زي دي.. هل لازم وضروري أحذف الفيس؟ =محدش هيجاوب عالسؤال غيرك، شوف اللي بتستفيده مقابل اللي بيضرك، شوف كام ساعة بتقضيها عليه مقابل فايدة ((((حقيقية)))) بتاخدها مش معرفة من شوية بوستات لو أنت منزل الفيس عشان بس الناس كلها عندها فيس فصدقني خسران كتير أما لو عليه شغلك مثلا فهتحتاج ضبط نفس شديد وتحكم ف نفسك عشان ميسحبكش للدوامة بتاعته وتعرف تستخدمه قدر حاجتك فقططط غير كده سلملي على عمرك اللي بيضيع والسلام عليكم #عابر #نصيحة •-------------------------• ✿↳ @moroor_abir

لا تتزوجي من: - تارك الصلاة - عمله حرام - عديم المسؤولية - الاتكالي - الطامع في راتبك ومالك - سيجعلك زوجة لأهله لا له - يطمس وجودك ورأيك - يريدك دائماً أن تعتذري لو كان الخطأ منه - يحفظ النصوص الشريعة في طاعة الزوج فقط! - الأناني الفرداني - فاحش اللسان - عديم المروءة والرجولة - يجعل نقاط ضعفك أداة ليسيطر عليك! - الطنط! (ناقص صفات الرجولة) - الديوث (لا يغار على عرضه وأهله)! - البخيل - المكابر - لا يتقبل أن يقال له (لا) - النسونجي - الشكاك - الناقد/اللوام/المعاتب (الدائم) - التافه - الذكوري الزواج سكن وتراحم وتكامل ... -نُـقل #زواج •-------------------------• ✿↳ @moroor_abir

ليه فكرة (الحماية) مهمة للست ... فيتقال كلام زي He protects me لما توصف اعظم ما يقدمه زوجها او يتقال A man protecting is so exciting لما تشوف رجل بيحمي عيلته من تهديد حيوان لان الست لا تتزن نفسيا الا بالأمان ... هي اصلا عايشة ( خايفة ) ... و بتبحث عن الامان بكل صوره ... فأعظم ما تقدمه للمرأة هو ( الأمان ) ... و بطبيعتها هي بتبحث عن الأمان في ( رجل ) زي ما انت بتبحث عن السكن في ( امرأة ) فإياك إياك ... تخليها تبحث عن الأمان في أي حاجة غيرك ... طول ما انت في عقلها بتجسد ( الأمان ) هتفضل بتحب التراب اللي بتمشي عليه. هيتقالك انت بتصرف و كده زي الفل خلاص .. الست تتشقلب بقا ... مفيش ست خايفة بتتشقلب. كلمة السر ( الأمان ) ... اللي بيخلي ست تفتكر لجوزها دراعاته و هي محوطه عليها في الشارع ... اللي بيخليها تفتكر و هي بتتحرك في الدنيا مطمنة لوجوده. و ما المروءة؟ ... أن تقوم حاميا لأهلك تصد عنهم ضربات الدنيا و مصائبها ... For women, nothing is more exciting than a protective man. زيادة مهمة: لو الخوف اللي جواكي جاي من مشاكل و ترومات تخصك انتي زي مشاكل.طفولة ... مهم تحليها قبل ما نشيل الرجل مسئوليتها. في الوقت اللي الصبي بيتحول لرجل في اللحظة اللي بيدرك فيها ان مفيش حد هينقذه و ان محدش هيوفر ليه الأمان ( غيره هو ) فيتجلد الدنيا و مصائبها و يواجه و يقاتل ... A boy becomes a man when he realizes nobody is coming to save him. النساء تحيا باحثة عن الأمان بين ذراعي رجل يتصدر لمصائب الدنيا بدلا عنها و تحتمي خلف ظهره من كدر الدنيا ... و ان لم تجد الأمان في رجل تعش باحثة عنه في كل شئ ... فدايما بقول للشاب ميغركش وش التنين اللي الست بتبقى لابساه ده ... الذكي اللي هيعرف يشيل ماسك التنين هيلاقي كتكوت مبلول جوه عادي جدا خايف و قلقان بس كتكوت خايف انه يبين خوفه حتى ... الشطارة انها تأمن معك. في الحديث( اللهم إني أحرج حق الضعيفين: اليتيم والمرأة ) -نُــقل #علاقات #زواج •-------------------------• ✿↳ @moroor_abir