عابر

مش عشان واخدة أجازة من النشر وهخلص امتحانات ف نص ٧ أبقى مش هنشر رسالة كل أجازة لأصدقائنا اللي هيخلصوا بدري لو خلصت امتحانات ومحتار ومش عارف تبدأ منين أو تعمل اي تعالى أقولك... في بوست ده كنت كاتباه من ٣ سنين وهو مفيد للي عاوز يعمل حاجة مفيدة لكن مش عارف يعمل اي خالص.. وعملتله تحديث وحاليا موجود فيه (سلاسل متنوعة دينية، سلاسل وكتب للمقبلين على الزواج، بودكاست متنوعة، ترشيحات لمحبي اللغة العربية، ترشيحات لحفاظ القرآن) (البوست من هنا) ⬅️ طيب يا أستاذ عابر لو أنا عندي مخططات كتير جدا ومش عارف أبدأ منين؟ =في طريقة عرقتها من سنين ولم تفشل في ترتيب أفكاري ولا مرة (الطريقة بالتفصيل هنا) ⬅️ في طريقة تانية؟ =أيوة، لو أنت بتفكر ف كذا مجال زي (ديني، كورسات، مذاكرة، ترفيه) تقدر تحدد كل مجال لشهر، بمعنى: شهر ٦ هيكون للسلاسل الدينية ومراجعة القرآن، واللي بعده شهر الكورسات، ثم طلب العلم سواء شرعي أو دنيوي ●تقدر كمان تطبق طريقة المربع اللي فوق ف فكرة الشهور، بمعنى: الأهم حاليا بالنسبالك حفظ القرآن عن السلاسل الدينية يبقى تعمله الأول ف شهر الديني وهكذا... ⬅️ طيب يا عابر اي ممكن يكون من الترفيه المباح؟ =بالنسبالي بتجه للأفلام الوثائقية بشكل كبير، فتقدر تاخدها بالتوازي مع كل خططك، يعني كل يوم مثلا فيلم وثائقي بعد حفظ القرآن وحلقة التزكية وهكذا.. ⬅️ حابة أفكركم بكلام كل سنة: ●لو أنت محتاج تطور مهاراتك ف حاجة معينة أو محتاج فلوس فتقدر تشتغل فريلانسر والأجازة فرصة كويسة جدا عشان تدور على حاجة ذات مصدر دخل سريع مش محتاج سنين عشان تجيبلك فلوس يعني+ تسمع كام سلسلة مهمين أو تحفظ قرآن وتحاول تطلع من الأجازة بأقل ذنوب= استغليت الأجازة. ●لو أنت ف المجال الطبي (وتحديدا طب بشري) فاللي أكبر مننا نصحونا إننا ناخد بريك جزئيا من مجالنا ف الأجازة ونشوف هواياتنا.. لكن لو هتفكر تحضر معادلة فالأجازة وقت مناسب جدا للدراسة لكن ممكن تاخد بريك كام أسبوع من أي حاجة متعلقة بالدراسة عشان أنت عارف ليه+ تسمع سلاسل مفيدة+ تحاول تتجنب الذنوب قدر الإمكان= استغليت الأجازة. ليه متدورش على كورسات وشغل خارج مجالك؟ =عشان طالما ناوي تشتغل طبيب مش هيكون عندك وقت لحاجة تاني غالبا.. إلا لو قررت تعمل كارير شيفت أو محتاج تشتغل ف فترة الجامعة والامتياز ف ده موضوع تاني محتاج شغل دخله سريع مش حاجة زي البرمجة عشان تاخد منها فلوس وتعمل cv محتاج فترة كبيرة.. شوفلك شغلانة تقبض آخر الشهر بدخل مضمون لحد ما تتخرج. ●لو في حاجة طارئة ف البيت أو الأم مريضة فالبنت أو الولد المفروض يساعدوا البيت بدل أهلهم.. وحالتهم تختلف عن اللي بينام طول النهار أو اللي وقته فاضي ومحتاج يملاه بكورسات وحاجات.. فبالتالي لو أنت ساعدت/ي والدة حضرتك+ كام سلسلة دينية+ تجنب الذنوب قدر المستطاع= استغليت الأجازة تمام التمام+ برّيت أهلك ●اهتم كويس جدا جدا باللي بتتابعه ف الأجازة.. جلوسك فترة كبيرة عالسوشيال ميديا ومتابعة فيديوز تافهة وبلوجرز وووو... إضافة لكونه حرام عشان فيهم مخالفات وإضافة لكونك هتتحاسب على وقتك لو مفيش مخالفات (فرضا).. إلا إنك بتأثر على عقلك بشكل مرعب تخيل تفضل كام شهر كل المحتوى اللي بتدخله لدماغك من نوع النظر لما في أيدي الناس أو محتوى تافه.. هل هترجع ف الدراسة بنشاط وهمة؟ مش منطقي أبدا.. لأنك كده بتحط نفسك بالعافية ف زون إدمان الترفيه المبالغ فيه.. ومتقنعنيش إنك فجأة هتتحول للدحيح اللي مش بيقوم من عالكتاب بعد ما كان ٢٤ ساعة ماسك الفون وبيسكرول ف الفراغ! لو كان ده ممكن فهياخد وقت كبير جدا ثم إي اللي يخلي الإنسان يعامل عقله بالطريقة المهينة دي! ●هل معنى إني أستغل وقتي إني مضيعش فيمتو ثانية؟ =كده كده هتضيع وقت عشان مفيش حد مثالي.. لكن الأجازة تظل أجازة ومطلوب فيها الترفيه ((((المباااااح)))) لكن مش مطلوب أبدا تتحول فجأة لكائن بياكل ويشرب ويتصفح سوشيال ويتخانق مع أخواته وينام! ليه؟ =لأنك مسلم، والمسلم الدقيقة عنده غالية جدا.. لكن بينما ف وقت الدراسة بيكون الترفيه واخد مساحة قليلة جدا يمكن كام ساعة ف الأسبوع.. ف الأجازة بنكبر المساحة دي شوية من باب الترويح عن النفس لكن بنشغل نفسنا ف النافع برده.. عشان عمرنا ميضيعش وعشان مندخلش الدراسة بنفس ملولة من العمل الجاد عشان مأخدتش راحة كافية فتقصر ف دراستك من جانب آخر.. أتمنى تكون الفكرة وصلت. ⇜على الهامش بقى.. صُدمت لما عرفت إن في ناس بتدّخر الأفلام والمسلسلات عشان تسمعها ف الأجازة.. كان في فيديو للدكتور إياد قنيبي بصراحة كافي جدا وضروري جدا جدا تسمعوه ▪️المقطع صوتي ▪️الفيديو مرئي ⇜صُدمت أكتر لما عرفت إن ناس ماشاء الله ف العشرينات وبيسمعوا أنمي (مش كرتون متزعلوش) فالفيديو ده ليكم (من هـنا) إضافةً لفيديو د إياد. والسلام عليكم. #عابر •-------------------------• ✿↳ @moroor_abir

السلام عليكم ورحمة الله، حياكم الله جميعا.. بدأنا أجازة معظمنا وبما إني خلصت امبارح فالنهاردة عاوزة أتكلم ف موضوع الأجازة ده واللي كلنا عارفينه لكن للتذكرة، فانتبه معايا ي طيب.. قبل ما أرشح دورات أو أي حاجة هتسمع اللي جاي ده كويس جدا..مش شرط كله لكن فيه خيرٌ كثير.

أولا: فقه التعامل مع الترفيه:

▪️سلسلة (استغلال الأجازة الصيفية) للشيخ سمير مصطفى. ▪️ ده مقطع بسيط للشيخ سمير برده لكن رائع. (مقطع معندناش أجازة) ▪️مقطع للشيخ أحمد السيد عن التعامل مع الترفيه (من هنا)

ثانيا: مقترحات الأجازة:

كل واحد ليه أكيد مخططاته لكن هرشح بعض السلاسل لعلها نافعة إن شاء الله. ▪️لو أنت مشترك ف أكاديميات لطلب العلم الشرعي ف أنت مش محتاجني أقولك تركز فيهم لأنهم أولوية وتحاول تجمع اللي فاتك وتستدرك وبعدين تركز ف الباقي. ▪️سلسلة وعي المسلم المعاصر م.أيمن عبدالرحيم ▪️سلسلة رحلة اليقين د.إياد قنيبي ▪️سلسلة المرأة د.إياد قنيبي ▪️سلسلة أسماء الله الحسنى د.حازم شومان ▪️سلسلة سيرة الحبيب ﷺ لأحمد عامر ▪️سلسلة داء القلوب ودواؤها م.علاء حامد ▪️سلسلة "عن القرآن" د.أحمد عبد المنعم ▪️سلسلة السيرة النبوية م علاء حامد ▪️شرح الداء والدواء م علاء حامد ▪️حراسة العفاف م علاء حامد ●بودكاست نافع في كل المجالات ▪️بودكاست وعي ▪️بودكاست أحمد أبو زيد "دروس أونلاين" ▪️بودكاست إيه المشكلة ▪️بودكاست نقطة ▪️بودكاست وَنَس ❀⇜ طبعا مش محتاجة أقول إن ده كله موجود صوتيا على بوت عابر @moroor_abir_bot

للمقبلين على الزواج والمتزوجين:

⬅️ السلاسل • الأول نعرف نفسنا ▪️من أنا ولم أنا؟ ▪️الاضطرابات النفسية لدى المرأة ▪️سلسلة تاريخ حواء ▪️معنى (وليس الذكر كالأنثى) ▪️سلسلة المرأة د إياد قنيبي ▪️إعادة تأسيس المفاهيم الأولى •بعدين نفهم الآخر ▪️سلسلة عاطف وعواطف د.محمد الغليظ ▪️سلسلة البيت المسلم م.أيمن عبدالرحيم ▪️أساسيات اختيار الزوج، وأسئلة الرؤية الشرعية وفترة الخطوبة ▪️فقه التعامل بين الزوجين ▪️الدورة التأهيلية للحياة الزوجية ▪️سلسلة الشباب والزواج ▪️سلسلة الزواج 20 20 ▪️حوار حول الزواج ▪️برنامج سكن ▪️دورة شريك حياة ⬅️ الكتب ▪️التربية الجنسية في الإسلام ▪️احتياجه واحتياجاتها: ويلارد إف هارلي ▪️أزواج وزوجات: عبد الوهاب مطاوع ▪️الدورة التأهيلية للحياة الزوجية: محمد خير شعال ▪️العشرة الطيبة: محمد حسين ▪️ألف باء فراش زوجية ▪️اللمسات الحانية في بيت النبوة: أب حمزة الغامدي ▪️فن اختيار شريك الحياة: خليفة محمد المحرزي ▪️كنت أود أن أعرف هذا قبل أن أتزوج: جاري تشامبان ▪️متاعب الزواج: عادل صادق ▪️مهارات حل المشكلات الزوجية: داوود عيسى ▪️الرجال من الزهرة والنساء من المريخ ▪️سنة أولى زواج ▪️جرعات من الحب ▪️حتى يبقى الحب ▪️تحفة العروس

●لمحبي اللغة العربية:

▪️شرح منظومة الألبيري ش.سعيد الكملي ▪️سلسلة أسرار البلاغة د.محمد أبو موسى ▪️شرح متن النحو الصغير د. سليمان العيوني ▪️شرح قطر الندى د. سليمان العيوني (نحو برده) طبعا في كتير جدا لكن دول من المفضلين عندي. ●لأهل القرآن : ▪️قناة إنه القرآن د.أحمد عبد المنعم (نافعة جدا في التدبر) ▪️تعلم التجويد ش.أيمن السويد (طويل سيكا) ▪️تعلم التجويد في دقيقتين (مختصر جدا) ▪️التجويد بشكل بسيط خالد شريف (جميل جدا) ▪️بوت زاد الحفاظ "نافع جدا جدا من هنا للصبح" هنيئا لأهل القرآن. •----------------------------------• أيوة مفهمتش برده أعمل اي! 1⃣ تشوف أي سلسلة من سلاسل فقه التعامل مع الترفيه، لو معرفتش تشوفهم كلهم عادي. 2⃣ اقعد شوية مع نفسك وشوف تحب تطلع من الأجازة ازاي وبناء عليه اشتغل بقى 3⃣ لو عندك أكاديميات اهتم بيها وبعدين شوف السلاسل المقترحة أو اللي أنت تحبها. 4⃣ شوف أي سلسلة من السلاسل المقترحة ومش شرط كلهم لأن في حاجات طويلة برده، ونصيحة متبقاش عشوائي، يعني خلص سلسلة وبعدين خد اللي بعدها وهكذا، وبخصوص البودكاست مش المفروض تسمعه كله، اسمع الحلقة اللي أنت مهتم بمجالها وخلاص، لكن بودكاست وعي كله ديني إن شاء الله ومفيد اسمعه وقت فراغك. 5⃣ اعرف إن الأجازة مش معناها إنك عداد عمرك وقف، وإنك لما تقضيها سوشيال هتبقى مبسوط..صدقني الفرحة بالتغيير والإنجاز ليها طعم تاني، اعقد العزم إنك تخرج من الأجازة حد أحسن يا طيب. #عابر •-------------------------• ✿↳ @moroor_abir

من أجمل تلاوات نعينع ▪️التلاوة كاملة #تلاوة •-------------------------• ✿↳ @moroor_abir

ماشي أقول لنفسي طول النهار "مَن آثرَ الرّاحةَ فاتتهُ الراحَة" "مَن آثرَ الرّاحةَ فاتتهُ الراحَة يا عابر" "هانت، هانت" "ليعلَمَ هَواي أنّي غالِب" "هانت والله هانت" #الحالة

السلام عليكم يا عابر، اقرأ بعناية وهدوء عمرك تعرضت لشخص يمكن شوفته مرة واحدة أو مرتين، ويمكن يكون متقدم للزواج عادي جدا، وفجأة ينهال عليك بعبارات الحب والعشق والهدايا وقولك إنك شريكه ورفيقه واللي كان بيبحث عنه من زمان وأخيرا لقاك، ويحسسك إنه قصتكم هتكون أسطورية ومن الخيال، وأنت معلش يعني زي العبيط بتصدقه؟ يؤسفني أقولك إنه ده من أشهر وأكثر ألاعيب الشخص النرجسي خطورة، لأنها بتعلق ضحيتها بيها بشكل مش طبيعي، وبيكون عاوز يضمن وجود الضحية في حياته بأي شكل من الأشكال، ممكن يستعجل خطوبة أو زواج بينما أنتم مشوفتوش بعض غير مرة واحدة حرفيا اممم...الموضوع مش غريب؟ لما شخص يعطيك كل حاجة، ويشاركك تفاصيل يومه، ويحكيلك أسراره من أول مرة؟ سيدي الفاضل هو ملحقش يثق فيك، هو بس عاوز يحسسك إنك شخص special... مميز ف حياته، عشان كده حكالك كل حاجة، عشان أنت كمان تعمل كده، وعشان تعطيه الثقة مقابل ثقته.. ▪️طب ركز معايا السيناريو ده شوفته كتير ومكنتش عارفة تفسير ليه علمي، بس إحساسي بيقولي إنه في حاجة غلط، مش مظبوطة مش ممكن يكون ده الحب ولا الصداقة، الحب مش بييجي بسرعة كنت دايما أقول للطرف الآخر(ما يأتي سريعا يذهب سريعا، تمهل، تمهل) ومكنتش قادرة أصدق مشاعره/ها أبدا لكن في مصطلح لسه عارفاه النهاردة بالصدفة اسمه love bombing واللي بيعبر عن الحالة دي هسيبلكم مقال ف الآخر تقرأوه ضروري جدا ▪️صدقا صدقا صدقا، الوعي في العلاقات مهم جدا يا كرام، لازم تكون على حذر شديد، وكل ما كنت أكثر وعيًا، قلت فرصك إنك تكون ضحية لأمثال هؤلاء، وزاد إدراكك، وتقدر ببساطة تستنشق ريحة الأوغاد من على بُعد.. كنت ولا زلت أقول، الذي يفتقر للمعرفة كالطفل، يصبح من السهل على الجميع استغلاله. وهذا الكلام ينطبق على العلاقات.. ▪️وعشان كده صلاة الاستخارة مهمة جدا في العلاقات، يمكن متكونش فاهم إنه في مشكلة ومعتقد الوضع طبيي، لكن حين تستعين بالله وتأوي إليه فأنت تأوي إلى ركن شديد، واللي هيصرفه عنك حتى وأنت مش عارف إنه شر.. ▪️اللهم أرشدنا، وارزقنا قوة البصيرة، واختر لنا ولا تخيّرنا.. ▪️ رابط المقال ▪️ المقال مترجم ترجمة حرفية ▪️يعني إي وغد؟ ويعني اي نرجسي؟ #عابر #علاقات •-------------------------• ✿↳ @moroor_abir

يتوقف النشر حتى شهر يوليو..

ما ضيّعكَ يا مِسكين؟ وصفتَ الطّريق لكلّ سائلٍ وضَللتَ أنت! #نصيحة

ما سبب المنشور والتعريف أني فتاة؟ =على قناة النساء الكثير من الفتيات يعتقدن أن عابر شخص وصاحبة قناة النساء أخته مثلا، والكثير صرّح أنه معجب بشخص عابر وأنه شاب خلوق وتتمناه زوجا وووو وبما أن معظم من في عابر نساء فقلت ذلك.. =الكثير اتهمني بمخالطة النساء حتى الآن، وأنه صاحب القناة رجل فلماذا هناك قناة نساء ومجموعات للنساء، مع أن الأمر واضح لكن تمام.. وأسباب أخرى....

السلام عليكم أنشأت القناة منذ عامين ولم أعرّف نفسي وسأفعل لأسباب معينة.. •من عابر؟ =عابر ليس اسم ولد، ولا اسم شخص، بل مأخوذ من لفظ الحديث (عابر سبيل)، يعني مجازي فقط •صاحب القناة شاب أم فتاة؟ =فتاة •هل صاحب القناة غير صاحب البوت؟ =صاحب قناة عابر وبوت عابر وقناة النساء ومجموعة عون ومجموعة نتفقه وما يتبعهم هو شخص واحد= أنا •معلومات أخرى؟ =أنا مجرد طالب علم مبتدئ، أدرس الطب والعلوم الشرعية، في المستوى الثالث طب كفر الشيخ #عابر

السلام عليكم جاية أقولك النهاردة كلمة واحدة (اوعى تكسر حاجز المعصية) عمرك ما كلمت بنات كلام محرم؟ =اوعى تكلمهم عمرك ما سمعت إباحيات؟ =اوعى تجرب تسمع عمرك ما شتمت بلفظ معين سيئ؟ =اوعى تقوله عمرك ما خرجتِ من بيتك متعطرة؟ =اوعي تخرجي متعطرة عمرك ما طلبتِ من زميلك حاجة متعلقة بالدراسة؟ =اوعي تطلبي من شاب، اطلبي من بنت عمرك ما مازحت حد من الجنس الآخر؟ =لا تمازح النساء، لا تمازحي الرجال عمرك ما نشرت أغاني؟ =اوعى تنشر عمرك ما نشرتِ كلام غزل على العامة وفيه خضوع بالقول؟ =لا تنشري وهكذا... ▪️ليه؟ =لأن الإمام الشافعي بيقول "أَصعبُ الحَرامِ أوّلُه، ثُم يَسهُل، ثُم يُستَساغ، ثم يُؤلَف، ثم يَحلُو، ثم يُطبَع في القلبِ، ثم َيبحث القلبُ عَن حَرامٍ آخر" متكسرش الهيبة والحاجز بتاع أول مرة تعمل فيا حاجة غلط. •البنت اللي أول مرة تكلم شاب بتكون حييّة جدا ومكسوفة وحاسة إنه الأرض هتبلعها من الخجل والخوف إنه حد يكشفها أول ما تدخل ف الدوامة دي، تكلم واحد وتسيب التاني، متقدرش تتعرف عليها، تقول هي ازاي بقت كده؟! •أول مرة تنشر فيها أغاني مش زي دلوقتي وأنت بتنشر مشاهد فاضحة على الأغاني..... بلاش تكسر حاجز المعصية بلاش والسلام عليكم. #عابر •-------------------------• ✿↳ @moroor_abir