Bureau of Labor and Skills-Dire Dawa

ከሥልጠና ወደ ሥራ ዓለም፦ የ«ብቃት» የወጣቶች የሥራ ላይ ልምምድ ፕሮጀክት አራተኛ ዙር ተጠቃሚዎች በድሬዳዋ በሁለቱም የመንግሥት ኮሌጆች ስልጠና እየወሰዱ እንደሚገኝ ተገለጸ ወጣቶች ወደ ሥራ ዓለም በተሻለ ዝግጁነት እንዲገቡ፣ የሥራ ፍለጋ ክህሎታቸውን እንዲያዳብሩና በመረጡት የሙያ ዘርፍ ተግባራዊ ልምድ እንዲያገኙ የሚያስችለው የ«ብቃት» የወጣቶች የሥራ ላይ ልምምድ ፕሮጀክት አራተኛ ዙር ትግበራ በድሬዳዋ አስተዳደር በሚገኙት ሁለቱም የመንግሥት ቴክኒክና ሙያ ኮሌጆች ተሳታፊ ወጣቶችን በመቀበል የሥልጠና ሂደቱን እያካሄደ ይገኛል። በፕሮጀክቱ መሠረት ወጣቶቹ  ለ10 ቀናት በኮሌጆቹ የሕይወት ክህሎትና የሥራ ፍለጋ ሥልጠና ይወስዳሉ። ይህ የመጀመሪያ የሥልጠና ምዕራፍ ወጣቶቹ የሥራ ዓለምን በተሻለ ሁኔታ እንዲረዱ፣ የራሳቸውን ክህሎት እንዲያውቁና የሥራ ዕድሎችን በተገቢው መንገድ ለመፈለግ እንዲዘጋጁ ያግዛል። የሥልጠናውን ምዕራፍ ካጠናቀቁ በኋላ ተሳታፊዎቹ በመረጡት የሙያ ዘርፍ በድሬዳዋ አስተዳደር ውስጥ በሚገኙ የምርትና የአገልግሎት ድርጅቶች የሥራ ላይ ልምምድ ያካሂዳሉ። በዚህም የኪስ ገንዘብ ድጋፍ እየተመደበላቸው በተግባር በመሳተፍ ሙያዊ እውቀታቸውን ለማዳበር፣ ክህሎታቸውን ለማጠናከርና ከሥራ አካባቢ ጋር ተግባራዊ ልምድ ለመቅሰም ዕድል ያገኛሉ። የፕሮጀክቱ አፈጻጸም የወጣቶችን የሙያ ዝግጁነት ከማጎልበት ባሻገር በሥራ ፈላጊነትና በተግባራዊ የሥራ ልምድ መካከል ያለውን ክፍተት ለማጥበብ የሚያግዝ አቅጣጫ ነው። በተለይም የሥልጠና ዕድሉ ለተለያዩ የሕይወት ሁኔታ ያላቸው ወጣቶች ተደራሽ እንዲሆን በሚደረገው ጥረት የሕፃናት ማቆያ ቦታዎች በኮሌጆቹ ተዘጋጅተዋል። ይህም ልጆች ያሏቸው እናት ተሳታፊዎች ልጆቻቸውን በማስተዳደር ምክንያት ሥልጠናቸው ሳይስተጓጎል እንዲከታተሉ ለማገዝ የተደረገ የድጋፍ አሠራር ነው። የድሬዳዋ አስተዳደር ሥራና ክህሎት ቢሮ ኃላፊ ዶ/ር ፍቃዱ በየነ የፕሮጀክቱ ተጠቃሚ ወጣቶችን በኮሌጅ ተገኝተው የጎበኙ ሲሆን በአጠቃላይ፣ የ«ብቃት» ፕሮጀክት አራተኛ ዙር ትግበራ ወጣቶችን ከሥልጠና ወደ ተግባራዊ የሥራ ልምድ በማሸጋገር፣ የሙያ ክህሎታቸውን እንዲያጎለብቱና ለሥራ ዓለም ያላቸውን ዝግጁነት እንዲያሳድጉ ያለመ ነው ብለዋል። ዶ/ር ፍቃዱ አክለው የሥልጠና ዕድሎችን ከተግባራዊ ልምምድና ከተደራሽ ድጋፎች ጋር ማቀናጀትም ወጣቶች በሙያ እድገታቸው የሚያስፈልጋቸውን ልምድ እንዲያገኙ የሚያግዝ አስፈላጊ አቅጣጫ መሆኑንም ገልጸዋል። የድሬዳዋ አስተዳደር ሥራና ክህሎት ቢሮ — የሕዝብ ግንኙነት ድሬዳዋ | ጥቅምት 13/2019 ዓ.ም.

የ2019 ዓ.ም. የቴክኒክና ሙያ አዲስ ተማሪዎች ቅበላ፦ የምዝገባ ሂደት በሁለቱም የመንግሥት ፖሊቴክኒክ ኮሌጆች ተጎበኘ የ2019 ዓ.ም. የቴክኒክና ሙያ ስልጠና ዘመን የአዲስ ተማሪዎች ቅበላና ምዝገባ ሂደት አፈጻጸም ለመመልከት፣ የድሬዳዋ አስተዳደር ሥራና ክህሎት ቢሮ ኃላፊ ዶ/ር ፍቃዱ በየነ ከቢሮውና ከኮሌጆቹ አመራሮች ጋር በመሆን በድሬዳዋ ፖሊቴክኒክና በኢትዮ-ጣሊያን ፖሊቴክኒክ ኮሌጆች የምዝገባ ሂደቱን ጎብኝተዋል። በጉብኝቱም የአዲስ ሰልጣኝ ተማሪዎች ምዝገባ በጥሩ ሁኔታ እየተካሄደ መሆኑ ተመልክቷል። ዶ/ር ፍቃዱ በየነ ዜጎች ስለ ቴክኒክና ሙያ ትምህርት ያላቸው ግንዛቤ እየጎለበተ ወደ ኮሌጆቹ ለምዝገባ መምጣታቸው የሚበረታታ መሆኑን ገልጸዋል። የቴክኒክና ሙያ ስልጠና የሙያ ክህሎትን ለማዳበርና ለሥራ ዓለም ዝግጁ የሆነ የሰው ኃይል ለማፍራት ያለውን ፋይዳም አጉልተዋል። የምዝገባ ጊዜው ሊጠናቀቅ የቀረው ጊዜ አጭር በመሆኑ፣ እስካሁን ያልተመዘገቡ ፍላጎት ያላቸው ዜጎች በቀረው ጊዜ ወደ ኮሌጆቹ በመሄድ ምዝገባቸውን እንዲያጠናቅቁ ጥሪ ቀርቧል። የድሬዳዋ አስተዳደር ሥራና ክህሎት ቢሮ — የሕዝብ ግንኙነት ድሬዳዋ | ጥቅምት 13/2019 ዓ.ም.

የሠራተኞችን መብትና ደህንነት ከመጠበቅ፣ በሥራ ቦታ የሚኖር ትብብርና ሰላምን ከማጠናከር እንዲሁም የሥራ ስምሪት አገልግሎትን በማስፋት የዜጎችን ተጠቃሚነት ከማረጋገጥ አንጻር የተከናወኑ ሥራዎችንና የቀጣይ ጊዜ ትኩረቶችን ለመገምገም፣ የድሬዳዋ አስተዳደር ሥራና ክህሎት ቢሮ የውጭ አገር ሥራ ስምሪትና የሠራተኞች ደህንነት ጥበቃ ዳይሬክቶሬት የሩብ ዓመት አፈጻጸም ግምገማ አካሂዷል። በግምገማው ላይ የዳይሬክቶሬቱ ዳይሬክተር አቶ ሰኢድ መሐመድ በዳይሬክቶሬቱ ሥር የሚከናወኑ ዋና ዋና የሥራ ዘርፎችን መነሻ በማድረግ የሩብ ዓመቱን አፈጻጸም ለመገምገምና የሥራ ሂደቶችን ለማጠናከር የሚያግዙ ጉዳዮች ላይ ውይይት አድርገዋል። ግምገማውም የተከናወኑ ተግባራትን ከዕቅድ አንጻር ለመመልከት፣ የትግበራ ሂደቶችን ለመፈተሽና በቀጣይ የሚጠየቁ የሥራ ማሻሻያ አቅጣጫዎችን ለመለየት ያለመ ነው። በግምገማው ከተዳሰሱት ዋና ዋና የሥራ መስኮች መካከል የኢንድስትሪ ሰላምና የሙያ ደህንነት ሥራዎች የተለየ ትኩረት አግኝተዋል። በዚህም፦ የማህበራዊ ምክክርና የሥራ ቦታ ትብብር ሥርዓትን ማጠናከር፦ በሠራተኞችና በአሠሪዎች መካከል የጋራ ግንዛቤን፣ የግንኙነት ሥርዓትንና በውይይት የጋራ መፍትሔ የማፈላለግ ባህልን ማጠናከር እንደ ዋና የሥራ አቅጣጫ ተዳስሷል። ይህም በሥራ ቦታ የሚነሱ አለመግባባቶችን በሰላማዊ መንገድ ለመፍታትና ውጤታማ የሥራ ግንኙነትን ለማስፋፋት ያለውን ፋይዳ ያመለክታል። የሙያ ደህንነትና ጤንነት አገልግሎትን ማጠናከር፦ የሠራተኞችን ደህንነትና ጤንነት ለመጠበቅ፣ ከሥራ ጋር ተያይዘው ሊከሰቱ የሚችሉ አደጋዎችን ለመከላከልና ተስማሚ የሥራ አካባቢን ለማስፋፋት የሚከናወኑ ተግባራት በግምገማው ውስጥ ተካተዋል። የሥራ ሁኔታዎች ቁጥጥር አገልግሎትን ማስፋት፦ በሥራ ቦታዎች የሚተገበሩ የሥራ ሁኔታዎችን በመከታተል፣ የሠራተኞች መብትና ደህንነት መጠበቃቸውን ለማረጋገጥ የሚደረጉ የቁጥጥርና የክትትል ሥራዎች እንደ ዋና የትኩረት መስክ ተወስደዋል። የሥራ ስምሪት አገልግሎትን ማስፋትና የዜጎችን ተጠቃሚነት ማረጋገጥ፦ በተለይም ከውጭ አገር ሥራ ስምሪት ጋር በተያያዘ የዜጎችን ተጠቃሚነት፣ የሥራ ስምሪት ሂደቱን በሕግና በተገቢው አሠራር መምራትን እንዲሁም የሠራተኞችን መብትና ደህንነት ከመነሻው ጀምሮ ለመጠበቅ የሚያስችሉ አገልግሎቶችን ማጠናከር በግምገማው የተካተቱ ዋና ዋና ጉዳዮች ናቸው። በአጠቃላይ የሩብ ዓመት አፈጻጸም ግምገማው የኢንድስትሪ ሰላምን፣ የሙያ ደህንነትን፣ የሥራ ቦታ ቁጥጥርንና የውጭ አገር ሥራ ስምሪት አገልግሎትን በተቀናጀ መንገድ ለማጠናከር ያለውን አስፈላጊነት ያመለክታል። የተገመገሙ ጉዳዮችን በቀጣይ የሥራ ዕቅድና በተግባር ማስቀጠል የሠራተኞችን መብት ለመጠበቅ፣ የሥራ አካባቢን ለማሻሻልና ዜጎች ከሥራ ስምሪት አገልግሎት የሚያገኙትን ጥቅም ለማሳደግ ወሳኝ ነው። የድሬዳዋ አስተዳደር ሥራና ክህሎት ቢሮ — የሕዝብ ግንኙነት ድሬዳዋ | ጥቅምት 12/2019 ዓ.ም.

የሙያ ብቃት ከእውቀት ባሻገር፦ የሥነ-ምግባር፣ የዜግነት ኃላፊነትና የሥራ ፈጠራ ክህሎቶችን ያካተተ የመሪ አሰልጣኞች ሥልጠና ተጠናቀቀ የቴክኒክና ሙያ ስልጠና ውጤታማነት በሙያዊ እውቀትና በተግባር ክህሎት ብቻ የሚለካ ሳይሆን፣ እነዚህን ብቃቶች ከሥነ-ምግባር፣ ከዜግነት ኃላፊነት፣ ከሰው ተኮር ክህሎቶችና ከሥራ ፈጠራ አስተሳሰብ ጋር በማቀናጀት የሚገነባ መሆኑ ተገለጸ። እነዚህን የብቃት መሠረቶች በሥልጠና ሂደት ውስጥ በተቀናጀ መንገድ ለማስተላለፍ የተዘጋጀው የመሪ አሰልጣኞች ሥልጠና ተጠናቋል። ለ10 ቀናት የተካሄደው ሥልጠና በሥራና ክህሎት ሚኒስቴር አዘጋጅነት፣ በድሬዳዋ አስተዳደር ሥራና ክህሎት ቢሮ አስተባባሪነትና በድሬዳዋ ዩኒቨርሲቲ ማዕከልነት ተካሂዷል። በሥልጠናውም የሥነ-ምግባርና የዜግነት ኃላፊነት፣ የሰው ተኮር ክህሎቶች (Human Edge Skills) እና የሥራ ፈጠራ ትምህርት በዋና ዋና የይዘት ክፍሎችነት ተካተዋል። ይህም የቴክኒክና ሙያ መምህራን ከሙያዊ ክህሎት ማስተላለፍ ባሻገር በኃላፊነት የሚሠሩ፣ ከሌሎች ጋር በብቃት የሚተባበሩና የፈጠራ አስተሳሰብን ወደ ተግባር የሚቀይሩ ተማሪዎችን ለማፍራት ያላቸውን ሚና ለማጠናከር ያለመ ነው። በሥልጠናው መዝጊያ ላይ የቢሮው ምክትል ኃላፊና የቴክኒክና ሙያ ትምህርትና ስልጠና ኤጀንሲ ዳይሬክተር አቶ ካሊድ መሐመድ፣ የሙያ ብቃት በቴክኒክ እውቀት ብቻ እንደማይወሰን አጽንኦት ሰጥተው፣ እውቀትን በሥነ-ምግባር፣ በኃላፊነትና በሥራ ፈጠራ አስተሳሰብ ማጠናከር አስፈላጊ መሆኑን አስረድተዋል። የሥልጠናው ዋና ዓላማም እነዚህን ተደጋጋፊ ብቃቶች በመማርና በማስተማር ሂደት ውስጥ በማቀናጀት፣ ለሥራ ዓለምና ለማህበረሰብ የሚጠቅም ብቁ የሰው ኃይል ለማፍራት ያለውን አቅም ማጎልበት ነው። በሥልጠናው ከምሥራቅ ኦሮሚያ፣ ከሐረሪና ከሶማሌ ክልሎች፣ እንዲሁም ከድሬዳዋ አስተዳደር የመንግሥትና የግል ቴክኒክና ሙያ ተቋማት የመጡ መምህራን ተሳትፈዋል። የተገኘው ልምድና እውቀት በተቋማቸው ውስጥ ተመሳሳይ የብቃት ግንባታ ሥልጠናዎችን ለማስፋፋትና በሙያ ትምህርት ውስጥ የተቀናጀ የብቃት አቀራረብን ለማጠናከር አስፈላጊ መሠረት ይሆናል። የሙያ ትምህርት የሚያመርተው ባለሙያ ብቻ ሳይሆን፣ በሥነ-ምግባር የተመራ፣ ኃላፊነቱን የሚወጣ፣ ከሌሎች ጋር በብቃት የሚሠራና የሥራ ዕድል መፍጠር የሚችል ዜጋም ነው። ይህንን የተቀናጀ የብቃት አቀራረብ በተግባር ማጠናከር ለጥራት ያለው የቴክኒክና ሙያ ስልጠናና ለዘላቂ የሰው ኃይል ልማት ወሳኝ ነው። የድሬዳዋ አስተዳደር ሥራና ክህሎት ቢሮ — የሕዝብ ግንኙነት ድሬዳዋ | ጥቅምት 12/2019 ዓ.ም.

የሥራና ክህሎት ቢሮ የአካል ጉዳተኞችን ተሳትፎ ለማጠናከር የተከናወኑ ሥራዎች በድጋፍና ክትትል ተገመገሙ በኢትዮጵያ ሴንተር ፎር ዲስኤቢሊቲ ኤንድ ዴቨሎፕመንት (ECDD) አስተባባሪነት፣ በድሬዳዋ አስተዳደር ሥራና ክህሎት ቢሮ አካል ጉዳተኞችን ያካተተ ዕቅድ ከማዘጋጀትና ተደራሽ አገልግሎት ከመስጠት አኳያ እየተከናወኑ ያሉ ሥራዎችን የሚከታተልና የሚደግፍ ቡድን የቢሮውን አፈጻጸም በቦታው ተገኝቶ ገምግሟል በድጋፍና ክትትሉ የተሳተፈው ቡድን ከአስተዳደሩ የተለያዩ ሴክተሮች የተውጣጡ አባላትን ያካተተ ሲሆን፣ በቢሮው የአካል ጉዳተኞችን ፍላጎትና ተሳትፎ ያማከሉ ዕቅዶች የማዘጋጀት፣ ተደራሽ አገልግሎቶችን የመስጠትና አካታችነትን በተግባር የማረጋገጥ ሥራዎች ያሉበትን ደረጃ ተመልክቷል። የድጋፍና ክትትሉ ዋና ትኩረት በተቋማዊ ዕቅድና በአገልግሎት አሰጣጥ ውስጥ የአካል ጉዳተኞች ተሳትፎ እንዲረጋገጥ፣ የተደራሽነት ጉድለቶች እንዲለዩና በቀጣይ ሊወሰዱ የሚገቡ የማሻሻያ እርምጃዎች እንዲጠናከሩ ማስቻል ነው። አካታች ዕቅድና ተደራሽ አገልግሎት ማረጋገጥ አካል ጉዳተኞች በሥራና ክህሎት ልማት ፕሮግራሞች ላይ በእኩልነት እንዲሳተፉና ከሚሰጡ አገልግሎቶች ተጠቃሚ እንዲሆኑ የሚያግዝ መሠረታዊ ተቋማዊ ኃላፊነት ነው። የድሬዳዋ አስተዳደር ሥራና ክህሎት ቢሮ – የሕዝብ ግንኙነት ድሬዳዋ | ጥቅምት 11/2019 ዓ.ም

የድሬዳዋ አስተዳደር ሥራና ክህሎት ቢሮ አዲስ የተመደባችሁ አመራሮች እንኳን ደህና መጣችሁ! 1. አቶ ካሊድ መሐመድ ---የቢሮው ም/ኃላፊ እና የቴክኒክና ሙያ ትምህርትና ስልጠና ዳይሬክተር 2. አቶ ዘከሪያ አደም---በቢሮው የሥራ ዕድል ፈጠራና ኢንተርፕራይዞች ልማት ጽ/ቤት ኃላፊ እና የገጠር ሥራ ዕድል ፈጠራ ዳይሬክቶሬት ዳይሬክተር 3. አቶ ሰኢድ መሐመድ---በቢሮው የውጪ አገር ሥራ ስምሪትና የሰራተኞች ደህንነት ጥበቃ ዳይሬክቶሬት ዳይሬክተር 4. አቶ ሐሩን አብዱረህማን---በቢሮው የለውጥና መልካም አስተዳደር ዳይሬክተር

የድሬዳዋ አስተዳደር ሥራና ክህሎት ቢሮ አዲስ የተመደባችሁ አመራሮች እንኳን ደህና መጣችሁ! 1. አቶ ካሊድ መሐመድ ---የቢሮው ም/ኃላፊ እና የቴክኒክና ሙያ ትምህርትና ስልጠና ኤጀንሲ ዳይሬክተር 2. አቶ ዘከሪያ አደም---በቢሮው የሥራ ዕድል ፈጠራና ኢንተርፕራይዞች ልማት ጽ/ቤት ኃላፊ እና የገጠር ሥራ ዕድል ፈጠራ ዳይሬክቶሬት ዳይሬክተር 3. አቶ ሰኢድ መሐመድ---በቢሮው የውጪ አገር ሥራ ስምሪትና የሰራተኞች ደህንነት ጥበቃ ዳይሬክቶሬት ዳይሬክተር 4. አቶ ሐሩን አብዱረህማን---በቢሮው የለውጥና መልካም አስተዳደር ዳይሬክተር

በአትክልትና ፍራፍሬ ንግድ የተሰማሩ ኢንተርፕራይዞች ሳይንሳዊ የአሠራር ሥልጠና አገኙ በአትክልትና ፍራፍሬ ንግድ ላይ ለተሰማሩ አነስተኛና ጥቃቅን ኢንተርፕራይዞች የንግድ አሠራራቸውን በሳይንሳዊ እውቀት ለማጠናከር፣ ቀጣይነት ያለው የሥራ እንቅስቃሴ እንዲኖራቸውና የእድገት አቅማቸውን እንዲያሳድጉ ያለመ ሥልጠና ተሰጥቷል። ሥልጠናው በድሬዳዋ አስተዳደር ሥራና ክህሎት ቢሮ ከሐረማያ ዩኒቨርሲቲ ጋር በትብብር የተካሄደ ሲሆን፣ ኢንተርፕራይዞቹ በአትክልትና ፍራፍሬ ንግድ ዘርፍ የሚኖራቸውን የሥራ ቀጣይነት ለማረጋገጥና የአሠራር ሥርዓታቸውን በእውቀትና በተግባር ለመደገፍ ያለመ ነው። የሥልጠናው ሂደትም በዚህ የሥራ ዘርፍ የተሻለ የንግድ አሠራርና ዘላቂ የእድገት አቅም እንዲፈጠር በቀጣይነት የሚቀጥል መሆኑ ተገልጿል። በተጨማሪም ኢንተርፕራይዞቹ በሥራና ክህሎት መረጃ ሥርዓት (LMIS) እንዲመዘገቡ፣ የአሻራ መረጃቸውን እንዲሰጡና የእድገት ደረጃቸው እንዲለይ የማስቻል ሥራ ተከናውኗል። ይህም ኢንተርፕራይዞቹን በሥርዓቱ ለማካተት፣ ያሉበትን የእድገት ደረጃ ለመለየትና በቀጣይ ለሚያስፈልጋቸው ድጋፍ መሠረት ለመጣል ያግዛል። በመድረኩ የድሬዳዋ ፖሊቴክኒክ ኮሌጅ ዲን አቶ ሰለሃዲን አብዱልሃሚድ በመገኘት ንግግር ያደረጉ ሲሆን በዘርፉ የተሰማሩ ኢንተርፕራይዞችን በሥልጠና፣ በመረጃ ሥርዓትና በተቀናጀ ድጋፍ ማጠናከር የንግድ አቅማቸውን ለማሳደግና በአካባቢው የኢኮኖሚ እንቅስቃሴ ያላቸውን ተሳትፎ ለማጎልበት የሚያግዝ ነው ብለዋል። የድሬዳዋ አስተዳደር ሥራና ክህሎት ቢሮ – የሕዝብ ግንኙነት ድሬዳዋ | ጥቅምት 10/2019 ዓ.ም

በድሬዳዋ አስተዳደር የሥራና ክህሎት ቢሮ ም/ኃላፊና የቴክኒክና ሙያ ኤጀንሲ ዳይሬክተር አቶ ካሊድ መሃመድ በኮሌጁ የስራ ጉብኝት አደረጉ:: #EIPC ጥቅምት 09. 2019 ዓ.ም ድሬዳዋ የቢሮው ም/ሀላፊ አቶ ካሊድ መሃመድ በኮሌጁ በነበራቸው ቆይታ ከኮሌጁ ዲኖችና ማኔጅመንት አባላት ጋር ትውውቅ ያደረጉ ሲሆን አጠቃላይ የኮሌጁን የስራ እንቅስቃሴና ነባራዊ ሁኔታም ተዘዋውረው ተመልክተዋል:: ሀላፊው ምልከታቸውን ተከትሎ በተካሄደ ውይይት ላይ ባስቀመጡት የስራ አቅጣጫ ኮሌጁ ውጤታማ የሆነባቸውን መደበኛ ተግባራት አጠናክሮ ከማስቀጠል በተጨማሪ የኮሌጁ ሀብትን በመጠቀም የራስን ገቢ ማመንጨት ላይ የተጀመሩ ስራዎችን በሙሉ አቅም ትኩረት ሰጥቶ ማከናወን እንደሚገባም አመላክተዋል:: በዕለቱ በነበረው መርሃ-ግብር ማጠናቀቂያ ላይ የኮሌጁ ዲኖችና የማኔጅመት አባላት ለአዲሱ የስራና ክህሎት ቢሮ ም/ሀላፊና የቴክኒክና ሙያ ዳይሬክተር አቶ ካሊድ መሃመድ መልካም የስራ ዘመን እንዲሆንላቸው መልካም ምኞታቸውን ገልፀዋል:: ተጨማሪ መረጃዎችን በሚከተሉት አማራጮች ያግኙ፡- በፌስቡክ -https://www.facebook.com/share/19wDiZAD7x/?mibextid=wwXIfr በቴሌግራም -https://t.me/EIPC2001 በቲክቶክ -https://www.tiktok.com/@ethioitaly2001?_t=ZM-90MxIrBN8qe&_r=1 በዌብሳይት - https://ethioitalypolytechniccollege.com/

ክቡር ከንቲባ አቶ አብዱላሂ አደም በዛሬው የከሰዓት ውሏቸው የድሬዳዋ ፖሊ ቴክኒክ ኮሌጅ የሚሰጣቸውን የክህሎት መር ትምህርቶችን በዝርዝር በማድመጥ በውስጡ የተጀመሩ ፕሮጀክቶችን ጎብኝተዋል። በኮሌጁ ላይ ባደረጉት ጉብኝት የብልፅግና ፓርቲ ድሬዳዋ ቅርንጫፍ ጽ/ቤት ኃላፊ ክቡር አቶ አብዱልጀዋድ መሀመድ ፣ የአስተዳደሩ ስራና ክህሎት ቢሮ ኃላፊ ክቡር ዶ/ር ፍቃዱ በየነን ጨምሮ በየደረጃው የሚገኙ የመንግስት የስራ ኃላፊዎች ተገኝተዋል።