FDRE Defense Force - የኢፌዴሪ መከላከያ ሠራዊት

Open in Telegram

# ቁልፍ እሴቶች 1, ከራስ በፊት ለህዝብና ለሀገር ጥቅም፣ 2, ምንጊዜም የተሟላ ስብዕና፣ 3, ያልተሸራረፈ ዲሞክራሲያዊ አስተሳሰብ፣ 4, በማንኛውም ግዳጅ ወይም ተግባር የላቀ ውጤት።

📈 Analytical overview of Telegram channel FDRE Defense Force - የኢፌዴሪ መከላከያ ሠራዊት

Channel FDRE Defense Force - የኢፌዴሪ መከላከያ ሠራዊት (@fdredefenseforc) in the Amharic language segment is an active participant. Currently, the community unites 42 748 subscribers, ranking 6 092 in the News & Media category and 813 in the Ethiopia region.

📊 Audience metrics and dynamics

Since its creation on невідомо, the project has demonstrated rapid growth, gathering an audience of 42 748 subscribers.

According to the latest data from 27 September, 2026, the channel demonstrates stable activity. Although there has been a change in the number of participants by 119 over the last 30 days and by 36 over the last 24 hours, overall reach remains high.

Verification status: Not verified
Engagement rate (ER): The average audience engagement rate is 9.10%. Within the first 24 hours after publication, content typically collects 8.42% reactions from the total number of subscribers.
Post reach: On average, each post receives 3 888 views. Within the first day, a publication typically gains 3 597 views.
Reactions and interaction: The audience actively supports content: the average number of reactions per post is 31.

📝 Description and content policy

The author describes the resource as a platform for expressing subjective opinions:
“# ቁልፍ እሴቶች 1, ከራስ በፊት ለህዝብና ለሀገር ጥቅም፣ 2, ምንጊዜም የተሟላ ስብዕና፣ 3, ያልተሸራረፈ ዲሞክራሲያዊ አስተሳሰብ፣ 4, በማንኛውም ግዳጅ ወይም ተግባር የላቀ ውጤት።”

Thanks to the high frequency of updates (latest data received on 28 September, 2026), the channel maintains relevance and a high level of publication reach. Analytics show that the audience actively interacts with content, making it an important point of influence in the News & Media category.

42 748

Subscribers

+3624 hours

+3717 days

+11930 days

3 888

Post views

~ 3 59724 hours

~ 3 96648 hours

9.10%

Engagement rate

~ 38

Posts per day

Ads index

beta

Posts Archive

42 748

የመከላከያ ሠራዊት የማሻሻያ ረቂቅ አዋጅ ወደ ሕዝብ ተወካዮች ምክር ቤት ተመራ የኢፌዴሪ መከላከያ ሠራዊት መስከረም 18 ቀን 2019 ዓ.ም የሚኒስትሮች ምክር ቤት የመከላከያ ሠራዊት አዋጅን ለማሻሻል የቀረበውን ረቂቅ አዋጅ ወደ ሕዝብ ተወካዮች ምክር ቤት መርቷል፡፡ የሚኒስትሮች ምክር ቤት በዛሬው ዕለት ባካሄደው 59ኛ መደበኛ ስብሰባው በተለያዩ ጉዳዮች ላይ ተወያይቶ ውሳኔዎችን አሳልፏል፡፡ ምክር ቤቱ ተወያይቶ ውሳኔ ካሳለፈባቸው ጉዳዮች መካከል የመከላከያ ሠራዊት አዋጅ ቁጥር 1286/2015 እንዲሻሻል የቀረበው ረቂቅ አዋጅ ይገኝበታል፡፡ መከላከያ ሠራዊት በኢፌዴሪ ህገ መንግሥት አንቀጽ 87 ድንጋጌዎች መሰረት የተሰጡትን ሀገራዊ ተልዕኮዎች በህግ አግባብ ለመፈፀም እንዲችል የማሻሻያ ረቂቅ አዋጁ መዘጋጀቱ ተመላክቷል፡፡ በዚህም የሚኒስትሮች ምክር ቤት በቀረበለት ረቂቅ አዋጅ ላይ በሰፊው ከተወያየ በኋላ ግብአቶችን በማከል ወደ ሕዝብ ተወካዮች ምክር ቤት እንዲተላለፍ በሙሉ ድምጽ ወስኗል፡፡ የኢፌዴሪ መከላከያ ሠራዊት https://dfmc.mod.gov.et/ https://youtube.com/@fdredefenseforce-9629?si=Av-sDKCopw1FfTW2 https://t.me/+E_EOiTY9eq85ODI0 https://www.facebook.com/fdredefense.official

42 748

የዋግ ኽምራ ብሄረሰብ አስተዳደር ህዝብ ለሠራዊቱ 15 ሰንጋዎችንና ሙክቶችን ድጋፍ አድርጓል። የኢፌዴሪ መከላከያ ሠራዊት መስከረም 17 ቀን 2019 ዓ.ም ‎ ‎የዋግ ኽምራ ብሄረሰብ አስተዳደር ህዝብ በቀጠናው ለሚገኘው ሠራዊት አጋርነቱን ለመግለፅ 15 ሰንጋዎችንና ሙክቶችን ድጋፍ አድርጓል። ‎ ‎በቀጠናው የሚገኘው የኮር አዛዥ፣ የዋግ ህዝብና አስተዳደር የሰራዊታችን አስተማማኝ ደጀን መሆኑን ቀድሞውንም ጠንቅቀን እናውቅ ነበር፤ አሁንም በተግባር ያየነው ይሄው ነው እናመሠግናለን ብለዋል። ዘገባውን ያደረሰን የኮሩ የሠራዊት ሥነ ልቦና ግንባታ ነው ‎ የኢፌዴሪ መከላከያ ሠራዊት https://dfmc.mod.gov.et/ https://youtube.com/@fdredefenseforce-9629?si=Av-sDKCopw1FfTW2 https://t.me/+E_EOiTY9eq85ODI0 https://www.facebook.com/fdredefense.official

42 748

https://youtu.be/DzsmXiNH774?si=2asoRZmfS-VQt5em

42 748

ጤና ይስጥልን ጥቂት ሥለጤናዎ የጭንቀት ህመም ምልክቶች እና መከላከያ መንገዶች፦ የኢፌዴሪ መከላከያ ሠራዊት መስከረም 17 ቀን 2019 ዓ.ም ጭንቀት የተለመደ እና ሁልጊዜ የሚከሰት የሰው ልጆች የህይወት ክፍል ነው። ሰዎች አስቸጋሪ ሁኔታ በገጠማቸው ጊዜ ከሥጋት የተነሳ የሚሰማቸዉ ውጥረት፣ ጫና፣ ግፊትና የሐሳብ ወይም የስሜት አለመረጋጋት ሲሆን ሰዎች ለገጠማቸው እንግዳ ነገር/አስቸጋሪ ሁኔታ የተፈጠሮ ስሜታቸው የሚሰጠው ግብረ-መልስ /reaction/ ነዉ። ምንም እንኳን አብዛኛውን ጊዜ የጭንቀት ስሜት አወንታዊ የሕይወት ገፅታ ባይሆንም ለሰው ልጆች እንደ መረጃ አቀባይ ሆኖ ያገለግላል። ሰው በዕለታዊ ህይወቱ ውስጥ ውጥረት፣ ብስጭት፣ ንዴት፣ተስፋ መቁረጥ ወይም ቁጣ ሊፈጥሩ የሚችሉ አነስተኛ ጭንቀቶች በሕይወታችን ሊያጋጥሙን የሚችሉ ቢሆንም ጉዳት ላይ የሚጥሉን አይደሉም። ሆኖም ግን ጭንቀቱ ከልክ ካለፈና የዕለት-ተዕለት ተግባረትን ማስተጓጐል፣ የስሜት ወይም የባሕሪ ለውጥና ሌሎች ምልክቶች መታየት ሲጃምሩ የጭንቀት ህመም ይሆናል። አንድሰው ለጭንቀት ህመም የመጋለጥ ሁኔታው የሚወስነው ግለሰቡ በህይወቱ የሚያገጥሙትን ችግሮች በአካላዊና በሥነ ልቦናዊ የመቋቋም ጥንካሬ ወይም ድክመትይወሰናል። የጭንቀት ህመም ምልክቶች፡- የድካም ስሜት፣ መጫጫን፣ ማዞር፣ ማቅለሽለሽ፣ የደምግፊት ከፍ ማለት፣ ለተወሰነ ጊዜ ቀዝቃዛ ላብ ፤ ያለምክንያት መቆጣት፣ የመሸበር ስሜት፣ የጥፋተኝነት ስሜት፣ ያለምክንያት መከፋትና ድብርት፣ በሀሳብ መሸነፍ፤ ቸልተኝነት፣ ግልፍተኝነት (ስሜትን አለማቆጣጠር)፣ የስሜት መዘበራረቅ፣ ጥፋተኝነትን ወደ ሌላ ለማሳበብ መፈለግ፤ በስራ ላይ ትኩረት ማጣት፣ ቀጠሮ መርሳት፤ ዉሳኔ መወሰን አለመቻል፤ የማሰብችሎታ መቀነስ፤ የአመጋገብ ልምዶችን መቀየር፣ ስለግል ንፅሕናው ግድየለሽ መሆን፣ ከሰዎች ጋር ብዙ መነጋገር አለመፈለግ፤ ዝምታን መምረጥ ወይም ከማህበራዊ ግንኙነቱ እራስን ማግለል ወዘተ….ናቸዉ ጭንቀትን የምንከላከልባቸዉ መንገዶች፡- • የጭንቀት መነሻ ምክንያቶችንና ችግሮችን መለየትና ማወቅ • በተፈጠረዉ ችግር ምክንያት ደጋግሞ ራስን አለመዉቀስ • ሌሎች ስለ እኔ መጥፎ ነገር ያስባሉ ብሎ አለመገመት • እረፍት ማድረግና፣ በቂ እንቅልፍ ማግኘት • አልኮል፣ ትምባሆ፣ ጫትና የመሳሰሉትን አለመጠቀም • እራስን ማዝናናትና የአካል እንቅስቃሴ መስራት • ከታማኝ ጓደኛ ጋር በጉዳዩ ዙሪያ መነጋገር • ተጫዋችና ቀልደኛ ለመሆን መሞከር ሁልጊዜ መሣቅ ያስፈልጋል። የኢፌዴሪ መከላከያ ሠራዊት https://dfmc.mod.gov.et/ https://youtube.com/@fdredefenseforce-9629?si=Av-sDKCopw1FfTW2 https://t.me/+E_EOiTY9eq85ODI0 https://www.facebook.com/fdredefense.official

42 748

የደሴ ከተማ ነዋሪዎች በቀጠናው ለሚገኘው ሠራዊት ድጋፍ አደረጉ። የኢፌዴሪ መከላከያ ሠራዊት መስከረም 16 ቀን 2019 ዓ.ም በደሴና አካባቢው በግዳጅ ላይ ለሚገኘው ሠራዊት ማህበረሰቡ የተለያዩ ዓይነት የለስላሳ መጠጦችንና አልባሳትን ድጋፍ አድርገዋል። የደሴ ከተማ ማህበረሰብ ያደረገው ድጋፍ በግዳጅ ላይ ለሚገኙ የሠራዊቱ አባላት ያለውን አጋርነትና የማይነጠፍ ድጋፍ ለመግለፅ ሲሆን ድጋፉም ህብረተሰቡና ሠራዊቱ በጋራ የሚያደርጉትን የአጋርነት ተግባር ያጠናክራል ሲሉ የክፍሉ አመራር ተናግረዋል። ዘገባው የዕዙ የሠራዊት ስነ-ልቦና ግንባታ ነው። የኢፌዴሪ መከላከያ ሠራዊት https://dfmc.mod.gov.et/ https://youtube.com/@fdredefenseforce-9629?si=Av-sDKCopw1FfTW2 https://t.me/+E_EOiTY9eq85ODI0 https://www.facebook.com/fdredefense.official

42 748

ለዕዙ ውጤታማ የግዳጅ አፈፃፀም የማሠልጠኛው ሚና የጎላ እንደሆነ ተገለፀ። የኢፌዴሪ መከላከያ ሠራዊት መስከረም 16 ቀን 2019 ዓ.ም የምስራቅ ዕዝ በተለያዩ የግዳጅ ቀጠናዎች የሠራዊቱን ዝግጁነትና የግዳጅ አፈፃፀም አቅም በማጠናከር ውጤታማ ተልዕኮ ለመፈፀም ማሰልጠኛ ማዕከሉ ጉልህ አስተዋፅኦ ማድረጉ ተገልጿል። የምስራቅ ዕዝ ማሰልጠኛ ማዕከል ምክትል አዛዥና የስልጠና ኃላፊ ሌተናል ኮሎኔል ደሳለው ብርሃኔ፣ ማሰልጠኛው የግዳጅ ቀጠናዎችን ሁኔታና የክፍሎችን የተግባር ፍላጎት መሠረት በማድረግ በተግባር የተደገፈ ጠንካራ ስልጠና ሲሰጥ መቆየቱን ገልፀዋል። ማሰልጠኛ ማዕከሉ ስልጠናውን በማዕከሉ ብቻ ሳይገድብ ክፍሎች በግዳጅ ወደተሰማሩባቸው ቀጠናዎች በመድረስ በቀንና በሌሊት ተግባራዊ ስልጠና መስጠቱን ተናግረዋል። በዚህም የዕዙ ክፍሎች የግዳጅ ሁኔታዎችን በተሻለ ዝግጁነት እንዲወጡ ከማድረጉም በላይ፣ የሠራዊቱ ዲሲፕሊን፣ የቡድን ትስስርና ስነ-ልቦናዊ ጥንካሬ እንዲጎለብት አስተዋፅኦ ማድረጉ ተገልጿል። ዕዙ በተጨማሪም በሐረሪ ክልል፣ በድሬዳዋ ከተማ አስተዳደርና በሐሮማያ ዩኒቨርሲቲ የሚገኙ የጸጥታ አባላትን በማሰልጠን የአካባቢውን የሰላምና የጸጥታ ሥራ ለማጠናከር ድጋፍ ማድረጉ ተነግሯል። ዘገባው የማሰልጠኛ ማዕከሉ የሠራዊት ስነ-ልቦና ግንባታ ነው፡፡ የኢፌዴሪ መከላከያ ሠራዊት https://dfmc.mod.gov.et/ https://youtube.com/@fdredefenseforce-9629?si=Av-sDKCopw1FfTW2 https://t.me/+E_EOiTY9eq85ODI0 https://www.facebook.com/fdredefense.official

42 748

ክፍለጦሩ 85 ሺህ ብር የትምህርት መርጃ ቁሳቁስ ድጋፍ አደረገ። የኢፌዴሪ መከላከያ ሠራዊት መስከረም 16 ቀን 2019 ዓ.ም የ6ኛ ዕዝ ፈንቅል ክፍለጦር 85 ሺህ ብር በማዋጣት በምስራቅ ጎጃም ዞን ሁለት እጁ እነሴ ወረዳ እና ሞጣ ከተማ አስተዳደር በሚገኙ ትምህርት ቤቶች የትምህርት ቁሳቁስ የመግዛት አቅም ለሌላቸው 100 ተማሪዎች 50 ደርዘን ደብተር እና 20 ፓኬት እስክሪብቶ እንዲሁም 200 እርሳስ ድጋፍ ማድረጋቸውን የክፍለጦሩ አዛዥ ኮሎኔል ሞገስ አሳልፍ ገልፀዋል። ባለፉት አመታት ፅንፈኛ ቡድኑ በፈጠረው ግጭት ምክንያት ተማሪዎች ከትምህርት ርቀው መቆየታቸውን ያወሱት ኮሎኔል ሞገስ አሳልፍ የተደረገው ድጋፍ በትምህርት ቁሳቁስ እጥረት ምክንያት ተማሪዎች ከትምህት ውጪ እንዳይሆኑ በማሰብ ነው ብለዋል። ተማሪዎችና የተማሪ ወላጆች በበኩላቸው በክፍለጦሩ ለተደረገላቸው ድጋፍ ከፍተኛ ምስጋና አቅርበዋል። ዘጋቢ ደሱ ኦጌ ፎቶግራፍ ሱራፌል እንድሪያስ የኢፌዴሪ መከላከያ ሠራዊት https://dfmc.mod.gov.et/ https://youtube.com/@fdredefenseforce-9629?si=Av-sDKCopw1FfTW2 https://t.me/+E_EOiTY9eq85ODI0 https://www.facebook.com/fdredefense.official

42 748

የአካባቢው ህዝብና መስተዳደር በግዳጅ ቀጠና በመገኘት ሠራዊቱን አበረታቱ። የኢፌዴሪ መከላከያ ሠራዊት መስከረም 16 ቀን 2019 ዓ.ም የራያ ቆቦ ፣ የሃራ ከተማ መስተዳድር እና ነዋሪዎች በግንባር የሚገኘውን የሠራዊት አባላት ግዳጅ ቀጣና ድረስ በመገኘት አበረታተው ልዩ ልዩ ድጋፎችን አድርገዋል። ሰላም ጠሉ ህወሀት ወቅት እየጠበቀ የአካባቢያቸውን ሰላም መንሳትና ልማት ማደናቀፍ የተለመደ ተግባሩ መሆኑን የጠቀሱት የከተማው ነዋሪዎች እና የመስተዳድር አካላት ተወካዮች የህወሀትን ትንኮሳ ለመመከት በሚደረገው ዘመቻ እንደ ከዚህ ቀደሙ ሁሉ ከሠራዊቱ ጎን የሚቆሙ መሆኑን ገልፀዋል። ለሠራዊቱ የተደረገውን ድጋፍ የተረከቡት ኬሎኔል ደሳለኝ ደጉ የከተሞቹ ህብረተሰብና የመስተዳድር አካላቱ የቀንድ ከብቶችን ፣ ጁስ እና እሽግ ውሃዎችን ይዘው ግዳጅ ቀጣና ድረስ በመምጣትና ለተዋጊው ኃይላችን በመደገፍ የሠራዊቱ ደጀን መሆናቸውን አረጋግጠዋል ብለዋል። በተልዕኮዎቻችን ሁሉ የጥንካሬና የድል ባለቤትነታችን ምንጭ ህዝባችን ነው ያሉት ኃላፊው የህዝቡ ድጋፍና ማበረታቻ ሠራዊቱን ለሌላ የላቀ ድል የሚያነሳሳ መሆኑንም ነው ያስረዱት። ዘግባው የሁንያለው ፈጠነ ነው የኢፌዴሪ መከላከያ ሠራዊት https://dfmc.mod.gov.et/ https://youtube.com/@fdredefenseforce-9629?si=Av-sDKCopw1FfTW2 https://t.me/+E_EOiTY9eq85ODI0 https://www.facebook.com/fdredefense.official

42 748

የኢትዮጵያ አየር ኃይል ማህበራዊ ተሳትፎንና ሰራተኞችን የሚያበረታታ ተግባራትን አከናወነ። የኢፌዴሪ መከላከያ ሠራዊት መስከረም 16 ቀን 2019 ዓ.ም የኢፌዴሪ አየር ኃይል በቢሾፍቱ ከተማ ለሚገኘው “እኛው ለእኛው” አረጋውያንና ህፃናት መርጃ ማዕከል የአልባሳት ድጋፍ ያደረገ ሲሆን፣ ለማዕከሉ ነዋሪዎችም ማዕድ አጋርቷል። በአየር ኃይል ሴቶችና ማህበራዊ ጉዳይ ዋና ክፍል ኃላፊ ኮለሸኔል ቸኮለች ወንዳቸው አየር ኃይሉ ህዝብን ከመደገፍና ከማገልገል አኳያ አስተዋፅኦ እያበረከተ የሚገኝ ተቋም መሆኑን ገልፀው፣ ለማዕከሉ የተደረገው ድጋፍ ተቋሙ ከህዝብ ጎን መሆኑን የሚያሳይ ተግባር ነው ብለዋል። የማዕከሉ መስራችና ሊቀመንበር አቶ አሳምነው ደበላ በበኩላቸው፣ የአየር ኃይል አባላት በየዓመቱ ለማዕከሉ የሚያደርጉት ድጋፍ ከፍተኛ መሆኑን ገልፀው ለተደረገው ድጋፍና የማዕድ ማጋራት መርሃ ግብር ምስጋና አቅርበዋል። በተቋሙ ውስጥም የአየር ኃይል ወታደራዊ መደብሮችና መዝናኛ ክበቦች መምሪያ ለረጅም ዓመታት በትጋትና በቅንነት ላገለገሉ ሲቪል ሰራተኞች የማበረታቻ ሽልማት ሰጥቷል። በመምሪያው ደረጃ በተዘጋጀው የሽልማት መርሃ ግብር ላይ የመምሪያው ኃላፊ ኮሎኔል ንጉሴ ለማ ለሰራዊቱ አባላት፣ ለሲቪል ሰራተኞችና ለአካባቢው ማህበረሰብ የሚያደርገው ድጋፍ እንዲሁም ሰራተኞችን የማበረታታት ተግባሩ ተጠናክሮ እንደሚቀጥል ገልፀዋል። የአየር ኃይል ወታደራዊ መደብር ዋና ክፍል ኃላፊ ሻለቃ አማረ ዘገየ በበኩላቸው፣ ሽልማቱ በመደብሩ ለረጅም ዓመታት በትጋት ያገለገሉ ሰራተኞችን ለማበረታታትና ለመደገፍ ያለመ መሆኑን ገልፀዋል። በመርሃ ግብሩ ለረጅም ዓመታት በተቋሙ ላገለገሉ የመደብር ዋና ክፍል ሰራተኞች የማበረታቻ ሽልማት የተበረከተ ሲሆን፣ ለመስቀል በዓል መዋያ የዶሮና የእንቁላል ስጦታም ተበርክቷል። ዘጋቢ ፍቃዱ እሸቱ ፎቶ ግራፍ ሰውነት ነጋሽ የኢፌዴሪ መከላከያ ሠራዊት https://dfmc.mod.gov.et/ https://youtube.com/@fdredefenseforce-9629?si=Av-sDKCopw1FfTW2 https://t.me/+E_EOiTY9eq85ODI0 https://www.facebook.com/fdredefense.official

42 748

ከመከላከያ ሠራዊት እና ከፀጥታ ኃይሎች ለተውጣጡ አመራሮች ሲሰጥ የቆየው ስልጠና ተጠናቀቀ። የኢፌዴሪ መከላከያ ሠራዊት መስከረም 15 ቀን 2019 ዓ.ም ለአራት ቀናት ለሽብርተኝነት የሲቭል- ወታደራዊ ምላሾች በሚል ርዕስ በመከላከያ መኮንኖች ክበብ ሲሰጥ የቆየው ስልጠና ተጠናቋል። በዚሁ የስልጠና መዝጊያ ስነ-ስርዓት ላይ የተገኙት በኢትዮጵያ የአሜሪካ ኢምባሲ ወታደራዊ አታሼ ኮሎኔል ማቲው ኮፕ በአዲስ አበባ የሚገኘውን የዩናይትድ ስቴትስ ኤምባሲ ወክለው በመካከላችን ስላለው አጋርነት ምስጋና አቅርበዋል። እኛ የምንሰራው ለሀገሮቻችን ነው ያሉት ኮሎኔል ማቲው እኛ ለህግ የበላይነት እና ለሰብዓዊ መብቶች ዋጋ የምንሰጥ ሀገሮች ነን ሽብርተኞች ግን ለህግ የበላይነትና ለሰብዓዊ መብቶች አልፎም ለሰው ልጆች ህይወት ዋጋ አይሰጡም ብለዋል። የወል ጠላታችን የሆነው ሽብርተኝነት እኛን ያጠናናል፤ በየቀኑ እናንተንም ያጠናችኋል ሲሉ የገለፁት ኮሎኔል ማቲው ጉዳት የማድረስ አቅሙን ማጥበብ የምንችለው አብረን ስንሰራ ነው ብለዋል ። በመከላከያ ውጭ ግንኙነትና ወታደራዊ ትብብር ዋና ዳይሬክቶሬት የሁለትዮሽ ዳይሬክቶሬት ዳይሬክተር ኮሎኔል ሽዋቀና አማን በበኩላቸው በተለይም የጋራ የደህንነት ስጋቶችን ለመቋቋም የሚያስችል ተቋማዊ አቅምንና ትብብርን ለማጠናከር ላሳዩት ቀጣይነት ያለው አጋርነት፣ ሙያዊ ልምድ፣ ቴክኒካዊ ድጋፍና ቁርጠኝነት ለአሜሪካ ኤምባሲ ፣ለአሜሪካ ወታደራዊ ቡድንና ለሁሉም ተሳታፊ አካላት ምስጋና አቅርበዋል። የዚህ ሥልጠና እውነተኛ ስኬት የሚለካው ያገኘናቸውን ትምህርቶች በየተቋሞቻችን ውስጥ ወደ ተግባራዊ መሻሻል እንዴት እንደምንለውጣቸው በሚለው ላይ ነው ያሉት ኮሎኔል ሽዋቀና ሁሉም ሰልጣኞች ያገኙትን እውቀት ለባለደረቦቻቸው እንዲያካፍሉና ወደ ተግባርም በመተርጎም ሊሰሩበት እንደሚገባ ገልፀዋል ። ከመከላከያ እና ከፀጥታ አካላት የተወጣጡት አባላት በሰጡት አስተያየት ከስልጠናው አገራችንን ከሽብር ጥቃት እንዴት መከላከል እና ሽብርተኞችን በቀላሉ መምታት የሚቻልበትን ሳይንሳዊ እዉቀት ቀስመናል ብለዋል። ዘጋቢ በላቸው ክንዴ ፎቶ ግራፍ ገነት አወቀ የኢፌዴሪ መከላከያ ሠራዊት https://dfmc.mod.gov.et/ https://youtube.com/@fdredefenseforce-9629?si=Av-sDKCopw1FfTW2 https://t.me/+E_EOiTY9eq85ODI0 https://www.facebook.com/fdredefense.official