မောင်သုတ 🧐

ပြုံးပါ‌လေ အသားညိုသူ စိတ်တိုလျက် ပြုံးပြ။ စိတ်နှလုံးတွင် အပြုံးပန်း ဝေစေဖို့ ပျော်လေသတဲ့ အချစ်က။ ရာစု-၂၁ရာစု ရေးသူ-အံ့လွန်းပျို အမျိုးအစား-‌ဒွေးချိုး

"ရိုးသားသော အေ့ဘ်" အပိုင်း(၁) တခါက အီလီနွိုက်ပြည်နယ်က နယူးဆာလမ် ဆိုတဲ့ ရွာလေးတစ်ရွာမှာ တချိန်အမေရိကန်ရဲ့၁၆ယောက်မြောက်သမ္မတဖြစ်လာမယ့် လင်ကွန်းဆိုတဲ့ လူငယ်လေးတစ်ဦးဟာ သူ့သူငယ်ချင်းတစ်ဦးနဲ့အတူ ကုန်စုံဆိုင်လေးတစ်ဆိုင်ကို ပူးတွဲဖွင့်လှစ်ခဲ့ပါတယ်။ လင်ကွန်းဆိုတဲ့လူငယ်လေးက အတန်းပညာမရှိပေမယ့် စာဖတ်တဲ့နေရာမှာတော့အလွန်ဝါသနာပါပြီး လူတွေနဲ့ထိတွေ့ဆက်ဆံတဲ့နေရာမှာလည်း အရမ်းပွင့်လင်းရိုးသားလွန်သူတစ်ဦးပါ။ ဒါပေမယ့် သူဘဝက ငယ်ငယ်ထဲကနေလက်ရှိဘဝထိ တခါမှကံမကောင်းခဲ့ပါဘူး...ဘာလိုဆိုရင် သူဟာသူဖွင့်တဲ့ဆိုင်လေးထဲကကုန်ပစ္စည်းတိုင်းကို အမြတ်မတင်တဲ့အပြင် မိမိရဲ့ကုန်ပစ္စည်းရဲ့ဝယ်ဈေးအတိုင်း ရောင်းချတာရယ်၊ ကုန်ပစ္စည်းရဲ့အားနည်းချက်ကို ရိုးရိုးသားသားပြောပြတတ်တဲ့စိတ်ထားကြောင့်ဘဲ မအောင်မြင်ဘဲ နောက်ဆုံးပိတ်လိုက်ရတဲ့အထိ အခြေနေဆိုးခဲ့ပါတယ်။ ဒါတောင် ‌သူရဲ့ ရိုးသားမှုတွေက ဈေးဆိုင်‌လေးပိတ်လိုက်ရတဲ့အချိန်မှာတောင် လင်ကွန်းအတွက် အကြွေးတွေအများကြီးကျန်တင်နေခဲ့သေးတာပေါ့။ အဲဒီခေတ်ကာလတွေဟာ ငွေကြေးအခြေအနေအရ မြှင့်တက်နေတော့ သူအတွက်အကြွေးဆိုတာ ကြီးမားတဲ့ ဝန်ထုပ်ဝန်ပိုးတစ်ခုဖြစ်စေခဲ့တယ်။ ဒါပေမယ့်လည်းသူ့သူငယ်ချင်းတွေက ဒါကစီပွားရေးလုပ်နေတာလေး မအောင်မြင်ရင် ခံရမှာပါပဲ ဒီလောက်အကြွေးတွေကို ဘယ်လိုလုပ်ပြီး ပေးနိုင်ကြမှာလဲ စသဖြင့် အားပေးနှစ်သိမ့်ပေးကြတယ်။ သို့သော် လင်ကွန်းအနေနဲ့ ငါကဒီကြွေးတွေကို ငါနည်းငါဟန်နဲ့ ရအောင်ဆပ်ရမှာပါပဲ ဘာလိုလဲဆိုရင် ငါအတွက်လိုအပ်တဲ့နေတဲ့ဒီအကြွေးတွေက တစ်‌စုံတစ်ယောက်ရဲ့ ပိုင်ဆိုင်မှုတစ်ခုပါပဲ ငါမှာရှိသမျှအရာအားလုံးနဲ့ ပြန်ပေးဆပ်မယ် လို့ လင်ကွန်းတစ်ယောက်ဆုံးဖြတ်ချက်ချလိုက်တယ်။ ဒီလိုနဲ့ သူငယ်ချင်တွေက လင်ကွန်းကိုနောက်ပြောက်ကျီးဆယ်တဲ့အနေနဲ့ အဲဒီအကြွေးတွေကို လင်ကွန်းရဲ့ အမျိုးသားအကြွေးလို့တောင် သရော်ခဲ့ရသည့်အထိ နောက်ပြောင်ခံရတယ်။ ဒါပေမယ့် ဘယ်လိုနောက်ပြောင်မှုမျိုးကိုမှ ဂရုမစိုက်တဲ့ လင်ကွန်းအဖို့ ဒီအကြွေးတွေကို အကုန်ကျေဖို့  ၁၅နှစ်လောက် သူအချိန်ယူခဲ့တယ်။ ဒါတွေက လင်ကွန်းရဲ့ ရိုးသားမှုကို ပိုမိုခိုင်မာစေခဲ့တယ်။ RAIDEN KT Historian #RAIDEN_KT #KyawThet #History

"ရိုးသားသော အေ့ဘ်"

တခါတလေ အချစ်မှာ မရွေးချယ်ခံရခြင်းကို ကျေးဇူးတင်မိတယ်။ ပိုးသားလိုပု၀ါနဲ့ လူကြမ်းရဲ့မျက်နှာ မလိုက်မှန်း တဖြေးဖြေးသိလာခဲ့ချိန်  "ကျွန်မရှင့်ကိုမချစ်နိုင်ဘူး" ဆိုတဲ့စကား​တွေဟာ မှန်ကန်ခဲ့ကြောင်း အလိုလိုသိလာတယ်။ မင်းကိုယ့်ကိုငြင်းခဲ့တာ မှန်ပါတယ်အချစ်ရာ ... တန်ဖိုးလို့မေးရင် မင်းနာမည်ကို စာလုံးပေါင်းပြတာတတ်တဲ့အထိ ကိုယ့်ဘ၀မှာ တန်ဖိုးရှိတာဆိုလို့ မင်းပဲရှိတာ။ -သက္က

ကဗျာသစ္စာ

ကဗျာရည်ချင်း၊ လက်ရာထင်းကာ အဆင်းကာရန်၊ ကလောင်ဟန်နှင့် တန်ဆာဆင်ယင်၊ ကျွန်ုပ်ဉာဉ်သည် ယှဉ်တုမရှိ၊ နှိုင်းမဲ့ဘိနှယ် နတ္ထိဘဝင်၊ ဂုဏ်အလင်္ကာ ကြင်အင်လေးစား၊ ရိုးရာများကို အံ့ဓားကလောင်၊ နရီဆောင်ကြဥ်း အောင်စည်ယွန်းစဥ်၊ ဂန္ထဝင်ပန်း တမ်းတလိုက လှမ်းစေသော်ဝ်။ - အံ့လွန်းပျို လူ့လောကဝယ်၊ လက်ရာကြွယ်လို့ ရေးဖွယ်မှတ်စ၊ ဘဝချင်းပြိုင် နိုင်လိုစိတ်ထား၊ မသိုအားလျက် ရိုးသားတည်ကြည်၊ ဖြောင့်ချည်ဟန်ဖြင့် ဂုဏ်တင့်ချင်မိ၊ အသိစိတ်၌ ငြိသွယ်ခိုက်တွင်၊ မီးမြှိုက်စည်းကား မရှိထားဘဲ၊ လမ်းမှားမရောက် လမ်းမှန်‌ဖောက်၍၊ ဆိပ်တောက်ကင်းဝေး ရင်၌နွေးသော၊ လောကတခွင် ထင်ကျန်ဆေးစက်ဖြစ်ချင်သော်ဝ်။ - လိပ်ပြာ

ချစ်ရတာ ပင်ပန်းသလားဆိုရင် ကျွန်တော်ဖြေရခက်တယ် မဂျူးသက်လျာကို ရဲ့... မိုးလင်းကနေမိုးချုပ်အထိ မင်းအကြောင်း​တွေးနေရတာတွေ၊ ဆူးဘဲညှိနေမလား ခလုတ်ဘဲထိနေမလား စိတ်ပူနေရတာတွေ၊ ကမ္ဘာကြီးပျက်စီးနေရင်တောင်မင်းရှိတဲ့အရပ်လေးမှာပဲ နေသာပါစေ လေပြေအေးပါစေ လို့​ဆုတောင်းပေးနေရတာတွေ ဒါတွေကပင်ပန်းတာတော့ မဟုတ်ဘူးဗျ ဒါတွေကကြည်နူးရတာဗျ။ ချစ်ရသူအတွက် တွေးပူပေးနေရတာက ပြေးမကူပေးနိုင်တဲ့ အကွာဝေးတွေမှာဆိုရင် သိပ်ကိုအရေးပါတာ... -သက္က

စကား မဟုတ်မမှန် သူဆိုပြန် သူ့ဉာဏ်တိမ်နည်း ပြောဆိုမြဲ။ ရန်တိုက်ခံငြင်း စကားကျင်း သတင်းဖြန့်လည်း ပါးစပ်ပဲ။ ဣ‌န္ဒြေအရှက် မထိန်းလျက် နားထက်ညံဆဲ သူ့နှုတ်ရဲ။ သူများမကောင်း သူဆုတောင်း အလောင်းနှယ်ရွဲ စိတ်ဓာတ်မွဲ။ နှုတ်စည်းစောင့်ပါ လုံခြုံစွာ သာယာဆိုနွှဲ နားမှာစွဲ။ ရာစု-၂၁ရာစု ရေးသူ-အံ့လွန်းပျို အမျိုးအစား-‌သံပေါက်

"သဘာဝတရား၏ စစ်လျော်ကြေး" ကံတရားရက်စက်ခဲ့တဲ့ ချစ်လျက်နဲ့ ဝေးကွာနေရခြင်းဆိုတဲ့ စစ်ပွဲကြီးမှာ သဘာဝတရားကြီးက စစ်လျော်ကြေးပေးတဲ့အခါ... လေပြေလေညင်းလေးတွေက မင်းရဲ့ ရနံ့လေးတွေကို သယ်ဆောင်ပေးလာတယ်။ ငှက်ကလေးတွေကလည်း မင်းရဲ့သတင်းတွေကို လာရောက်ပို့ဆောင်ရှာတယ်။ ညအခါ ကြယ်လေးတွေကို မေးမိပါရဲ့။ မင်းရဲ့အပြုံးလေးတွေဟာ အရင်လို လှနေဆဲလား... အရင်အတိုင်း လှနေမြဲလားလို့။ တိမ်တွေကတော့ ပြောရှာပါတယ်။ မင်းလည်း ငါ့လို လေနှင်ရာ လွင့်မျောနိုင်တဲ့ တစ်နေ့နေ့မှာ အချစ်ရေ... မင်းရှိရာအရပ်ဆီ ငါ ရောက်လာနိုင်မှာပါတဲ့။ -သက္က

ကံခေခြင်း

ကိုယ့်ကိုလက်ဆွဲနှုတ်ဆက်မဲ့လူမှာ လက်ကပါမလာ။ ကိုယ့်ကိုလက်တွဲခေါ်မဲ့လူမှာလည်း လက်ကမရှိ။ ကိုယ့်ကိုလက်တွဲဖြုတ်မဲ့လူမှာတော့ လက်တွေကပြည့်လို့။ ဆရာကမကြိုက်သေးဘူးလား ကဗျာက မျက်ဖြူ ဆိုက်နေပြီ။ -အောင်ခိုင်မြတ်

မနက်နိုးလာရင် နေရောင်ခြည်နုနုအစား မင်းမျက်နှာလေးကို မြင်ရမဲ့ နေ့ရက်တွေကို ငါမျှော်လင့်‌နေပါတယ်...။ -အံ့လွန်းပျို

ကိုယ့်ဘဝထဲက လူတွေ ထွက်သွားမယ်ဆိုတာသိပေမဲ့ ဒီလောက်စောမယ်မှန်းသိရင် နောင်တတွေ ဘယ်ရှိခဲ့မလဲ။ -အံ့လွန်းပျို

ငါ့ရင်ခွင်ဟာ မင်းအတွက် မှန်တစ်ချက်ဖြစ်ပါရစေ။ မေတ္တာတွေအစား ဥပေက္ခာတွေ ပေးခဲ့လို့ ရင်ကွဲရတဲ့အဖြစ်မျိုးတော့ မရောက်ပါရစေနဲ့ အသက်ရေ...။ -အံ့လွန်းပျို

ရေကိုလိုအပ်တဲ့ ကြာဖူးလေးလို ပန်းဝတ်ရည်ကိုလိုအပ်တဲ့ လိပ်ပြာငယ်လေးလို လက်နက်ကိုလိုအပ်တဲ့ အာဏာရူးတွေလိုပေါ့ အချစ်ရယ်...။ ကိုယ်ဟာလဲမင်းမရှိရင် ဗလာနတ္ထိပါပဲ။ -အံ့လွန်းပျို

"မောင့် မမသက်လျာ" မမသက်လျာ... မမ ကအသက်ရှည်ဆေးလားဗျာ။ လူတွေကပြောကြတယ် တစ်ခါပြုံးရင် အသက်တစ်ရက် ပိုရှည်တယ်တဲ့။ မမ ကိုငေးကြည့်ပြီးအမြဲတမ်းပြုံးနေတတ်တဲ့ မောင် ကတော့ ဒီတစ်သက် မသေဆုံးနိုင်တော့ဘူး ထင်ပါရဲ့ဗျာ... -သက္က

မင်းဟာ ဘုန်းတော်ကြီးတစ်ပါး ဖြစ်လာမယ့်အစား ကွန်မြူနစ်တစ်ယောက်ဖြစ်ခဲ့တယ်? Keke Geladzeဆိုတဲ့အမျိုးသမီးတစ်ဦးဟာ ဆိုဗီယက်ခေါင်းဆောင် ဂျိုးဇက် စတာလင်ရဲ့ မိခင်အဖြစ်ကျော်ကြားသူတစ်ဦးဖြစ်ပါတယ်။ သူမဟာ ခရစ်ယာန်ဘာသာရေးကိုင်းရှိုင်းတဲ့ မိသားစုကနေဆင်းသက်လာသူဖြစ်တာကြောင့် သူမရဲ့ သားဖြစ်သူ စတာလင်အတွက် မျှော်လင့်ချက်များစွာရှိတဲ့မိခင်တစ်ဦးလည်းဖြစ်တယ်။ သူမရဲ့ ရည်မှန်းချက်တွေဟာ သူမရဲ့သားစတာလင်ကို နောင်တွင်ဂျော်ဂျီယာဩသဒေါက်စ်ချာ့ခ်ျရဲ့ ဘုန်းတော်ကြီးတစ်ပါးဖြစ်လာဖို့ သူမကအများကြီးမျှော်မှန်းထားခဲ့တယ်။ ဒါကြောင့် သူမရဲ့သား ဘာသာရေးကျောင်းကို တက်နိုင်ဖို့ သူမအနေနဲ့ အများကြီးရုန်းကန် ခဲ့ရတယ်။ စတာလင်ဟာလည်း မိခင်ရဲ့ဆန္ဒအလျောက် ဘာသာရေးကျောင်းကို တက်ရောက်ဖို့သူဟာဆုံဖြတ်ချက်ချခဲ့တယ်။ သို့သော် အချိန်တွေကုန်လွန်လာတဲ့အခါ စတာလင်ဟာ ဘာသာရေးထက် သူရဲ့ခေါင်းထဲမှာ တော်လှန်ရေး အတွေးတွေက တစ်စနဲ့တစ်စ များများလာပြီး နောက်ဆုံးမှာ ဘာသာရေးကျောင်းတော်ကထွက်ပြီး သူမိခင်ရဲ့ မျှော်လင့်ချက်တွေနဲ့ အရမ်းကွဲပြားခြားနားတဲ့ လမ်းကြောင်းတစ်ခုကို ရွေးချယ်လိုက်တယ်။ ဒါက လက်ဝဲပစ္စည်းမဲ့လူတန်းစားတွေရဲ့တော်လှန်းရေးစိတ်ဓါတ်ပါပဲ။ စတာလင်ရဲ့ ရွေးချယ်မှုတွေဟာသူမိခင်အတွက်တော့ သူမနောက်ဆုံး ဘဝ‌နေဝင်ချိန်အထိ အမြဲတမ်းဝမ်းနည်းနေခဲ့တယ်ဆိုတာ သူသိနေပေမယ့် မ‌ဖြည့်ဆီးပေးနိုင်ခဲ့တာကြောင့် သူဘဝမှာ သူမိခင်နဲ့ ပတ်သက်ရင်အမြဲတမ်းနောင်တနဲ့ စိတ်မလုံခဲ့ပေ။

၁၉၃၅ခုနှစ်တွင်စတာလင်ဟာမိခင်နှင့်နောက်ဆုံးတွေ့ဆုံမှုမှာ နောက်ဆုံးပြောခဲ့သောစကား စတာလင် အမေ... အမေမှတ်မိလား...?ကျွန်တော်တို့ကို အရင်ကရုရှားဇာဘုရင်ကဘယ်လိုနှိပ်စက်ခဲ့လဲဆိုတာကို‌ ပေါ့။ ဒါပေမယ့်အခုကျွန်‌တော်က ဇာဘုရင်လိုမျိုးဖြစ်နေပြီလေ။ မိခင် အင်း... နင်သာဘုန်းတော်ကြီး ဖြစ်လာခဲ့ရင် ပိုကောင်းမှာပါပဲ။

-RAIDEN KT Historian #RAIDEN_KT #KyawThet #History

မေတ္တာတွေ ပေးမကုန်အောင်ရှိလဲ ယူမဲ့သူမရှိရင် အလကားပဲမလို့ အပေါ်စားထင်တာ မင်းမှန်ပါတယ် ခင်ရေ...။ -အံ့လွန်းပျို

ဆီမီးခွက်လေးကို ရေထဲမျှောမယ်။ ‌မီးပုံးပျံလေးကို ကောင်းကင်ပေါ် လွှတ်တင်မယ်။ အိမ်ရဲ့နေရာတိုင်းမှာ ဖယောင်းတိုင်တွေ ထွန်းမယ်။ ငါတောင်းသမျှ ဆုတောင်းတိုင်းဟာ မင်းနဲ့နီးစပ်ရပါစေပေါ့။ -အံ့လွန်းပျို ၂၉ရက်၊ ၉လ၊ ၂၀၂၅ ဗျောက်အိုးသံညံလို့ ယမ်းငွေ့ရံတဲ့ညမျိုးမှာ ဖယောင်းတိုင်လေးရဲ့ မီးရောင်အောက် မင်းတောင်းတတဲ့ဆုဟာ ကိုယ်ပဲဖြစ်ပါရစေ။ -အံ့လွန်းပျို ၂၇ရက်၊ ၁၀လ၊ ၂၀၂၆

"အကွာအဝေးတံတိုင်း" ‎ ‎အကွာအဝေး ဆိုတာ ‎မြေပုံပေါ်မှာတိုင်းတာလို့ရပေမဲ့… ‎မင်းကို လွမ်းနေရတဲ့ ညတွေကိုတော့ ‎ဘယ်လိုအတိုင်းအတာနဲ့ တိုင်းတာရမလဲ အသက်... ‎ ‎တစ်ခါတလေ ‎မင်းနဲ့ စကားမပြောရတဲ့ အချိန်တွေမှာ ‎ငါဟာ မင်းကိုလွမ်းနေတာလား၊ ‎ဒါမှမဟုတ် မင်းနဲ့ အတူရှိခွင့်ရမယ့် ‎ညလေးတစ်ညကိုပဲ ‎လွမ်းနေတာလားဆိုတာတောင် ‎မခွဲခြားတတ်တော့ဘူး။ ‎ ‎ချစ်ခြင်းမေတ္တာမှာ ‎အခက်ခဲဆုံး အရာဆိုတာ ‎တစ်ယောက်ကိုတစ်ယောက် ‎မချစ်တော့တာ မဟုတ်ဘူး၊ ‎ချစ်နေကြရဲ့သားနဲ့ တစ်ယောက်ကို ‎တစ်ယောက်လွမ်းနေရတဲ့ အကွာအဝေးတံတိုင်းတွေပဲ။ ‎ ‎-သက္က