Nursing With Ahmed Bakry

قاعدين ف الشفت ومتوزع معايا حد من الأمتياز وجه ميعاد العلاج والمفروض هندي للمريض Clexane... قولتله خد اديه أنت عشان تتعلم بعد كده بس لازم تاخد بالك.. مينفعش تطلع شوية الهوا الموجود ف السرنجة بتاعة الClexane لأن الشركة المصنعة قاصدة تسيب شوية الهوا دول ف السرنجة وده عشان:_ • الهوا بيضمن إن المريض ياخد الجرعة كاملة... • فقاعة الهوا بتدفع آخر نقطة من الدوا الموجودة في السن أو الـ dead space، وبالتالي بتقلل فقدان جزء من الجرعة. • الهوا بيقلل تسريب الدواء بعد الحقن؛ فالهوا بيعمل ما يُعرف بـ Air Lock، فبيمنع رجوع الدوا من مكان الحقن، وبالتالي يقلل الكدمات (Bruising) والنزيف الموضعي.

صباح الخير أنت هتشتغل وأنا هشتغل وكلنا هنشتغل: بس الشاطر مش اللى بيطحن نفسه في الشغل وخلاص، الشاطر هو اللى بيسيب أثر....اللى لما سيرته تيجى في مكان يلاقي حد يدعيله، ويقوله في حقه كلام كويس. الشاطر هو اللى بيساعد غيره وما بيبخلش بمعلومة على أي حد مهما كان، اللى يقدر يسهل على الناس وييسرها عليهم بجد مش يصعبها، اللى يختصر على غيره مشاوير وخطوات هو ياما مشيها وتعب فيها، لأنه فاهم بجد إيه الهدف الحقيقي من الدنيا. الدنيا مش مجرد شغل ومنظرة وتنظير على الناس، قبل كل ده، دور على حب الناس واحترامهم ليك ودعوتهم الصادقة لأن رزقك كده كده مكتوب وهيجيلك هيجيلك.❤

رسمياً فتح تسجيل البيانات لخريجي كليات التمريض دفعة 2024 ع الموقع http://mhealthatb.cu.edu.eg/

• اللى قدامك ف الصورة ده الMeronem من أشهر الAntibiotics الموجودة ف الIcu.. • مادتة الفعالة هي الMeropenem.. • بيتصنف الـMeropenem انه بينتمي لعيلة اسمها عيلة الCarbapenems، ودي واحدة من أقوى عائلات الAntibiotics الموجودة ع الإطلاق.. • والـCarbapenems تعتبر جزء من عيلة الBeta-lactam antibiotics، وده لأنها بتحتوي على Beta-lactam ring، وده الجزء المسؤول عن قتل البكتيريا عن طريق منع تكوين جدارها الخلوي. • الـMeropenem بيشتغل عن طريق: انه بيرتبط بـPenicillin Binding Proteins (PBPs) الموجودة على البكتيريا فبيمنع تصنيع Cell Wall عشان كده يعتبر Bactericidal antibiotic يعني بيقتل البكتيريا بشكل مباشر، مش بس بيوقف نموها. • الميزة الكبيرة في الـMeropenem أنه Ultra Broad Spectrum Antibiotic يعني بيغطي عدد كبير جداً من البكتيريا وده بيشمل: • Gram Positive بيغطي عدد كبير من البكتيريا الموجبة. لكن نشاطه أقل بشوية من Imipenem للـGram positive. • Gram Negative هنا بقا تبان قوة الـMeropenem. نشاطه قوي جداً جداً ضد: -Pseudomonas aeruginosa -Enterobacter -Klebsiella -E. coli -Proteus -Serratia -Citrobacter وعشان كده هتلاقينا بنستخدمه كتير جداً مع أغلب المرضى ف الIcu.. • Anaerobes كمان بيغطي البكتيريا اللاهوائية زي Bacteroides fragilis. • من أهم مميزات الـMeropenem أنه بيعدي Blood Brain Barrier (BBB) بكفاءة وبيحقق تركيز علاجي قوي جداً داخل الCSF حتى بدون وجود التهاب بالسحايا عشان كده يعتبر من أفضل الAntibiotics في علاج: Bacterial meningitis• Ventriculitis• • كل الCarbapenems او اغلبها ممكن تسبب تشنجات حتى لو بنسبة بسيطة بس الـMeropenem أقلهم في احتمالية حدوث Seizures عشان كده بيفضلوا على ع باقي ال Antibiotics ده بالنسبة للمرضى المعرضين للتشنجات. • بيخرج عن طريق الKidney عشان كده في مرضى الRenal لازم نعمل Dose Adjustment لتجنب تراكم الدواء وحدوث Toxicity. • عندنا منه تركيزين 500 مجم وده بيتحل ع 10 سم وال 1 جم بيتحل ع 20 سم #كورس_الIcu

مساء الخير بنتكلم بقالنا كام يوم عن بكالوريوس التمريض التخصصي والسؤال المتكرر هو هيضيفلي اي زيادة تعالى اقولك وعد معايا هتاخد شهادة معتمدة انك حاصل ع بكالوريوس تمريض.. هتبقى اخصائي تمريض متخصص ع الدرجة التالتة.. تقدر تكمل بعده ماجستير بعد التخصصي.. تقدر تحضر دكتوراه بعد التخصصي.. تقدر تاخد اي زمالة زي: •زمالة مكافحة العدوى •زمالة الأطفال وحديثي الولادة •زمالة القلب الصناعي •زمالة المعلوماتية الصحية تقدى تاخد دبلومة زي: •دبلومة الإدارة •دبلومة الجودة •دبلومة الInfection control •دبلومة التغذية ف الرعاية الصحية •دبلومة التحاليل الطبية فرصة سفرك هتبقى احسن كونك اخصائي ومعاك بكالوريوس وكمان متخصص.. كل دي حاجات وبتقولي هيضيفلي اي يعم صباح الخير 😂❤ البوست الجاي عن كلية علوم صحية ف #بني_سويف #بكالوريوس_التمريض_التخصصي

انا جاي اقول انه ينفع:_ نخلط الAtrovent مع الPulmicort ف نفس الجلسة.. نخلط الAtrovent مع الFarcolin ف نفس الجلسة... نخلط الPulmicort مع الFarcolin ف نفس الجلسة... #كورس_الICU

وإعلم أن التمريض مجال اجتهاد واسع، والخطأ اليسير واردٌ على كل ممرض. فإذا رأيت زلّةً يسيرة لزميلك لا تضرّ المريض — فاستُر ولا تُجرِّح. أما بعض الممرضين اليوم فلا يكادون يكتشفون هفوةً حتى يبادروا بتجريح الزميل وتوهين ثقة المريض به — لا حبًّا للحقّ، بل طلبًا للعلوّ في عيون الناس. قال ﷺ: «ومن ستر مسلمًا ستره الله يوم القيامة» #من_أخلاقيات_مهنة_التمريض

قاعدين ف الشفت ولسه مستلم الحالة بصيت ع المعامل ولقيت الهيموجلوبين بتاع المريض 5.7 ف اللى بستلم منه قالي المريض ليه 3 أكياس دم وجايين ف الطريق عشان تعلقهم قولتله تمام مفيش مشكلة.. الدكتور اللى معانا ف الرعاية جه وقالي ادي للمريض أمبول Calcium.. قولتله تمام يدكتور... قالي غريبه مسألتنيش هندي أمبول Calcium ليه قولتله مش هننقل 3 اكياس دم للمريض قالي اه قولتله خلاص عشان هندي دم😂😂 قالي بس مكنتش مفكر انك تعرف المعلومة دي قولتله قرأت عنها قبل كدا.. ف تعالى اقولهالك بقا انت كمان عشان تعرفها معايا احنا لازم ندي Calcium للمريض اللى هينقل دم وخصوصاً لو هينقل كمية كبيرة من الدم واللى بنسميها "MTP" الموضوع كله ان كيس الدم بيبقى فيه مادة اسمها Citrate.. والCitrate ده بيتحط عشان يحافظ ع سيولة الدم جوه الكيس والدم ميتجلطش ف بعضه يعني بيشتغل گ Anticoagulant جوه كيس الدم.. بس الCitrate ده بيعمل مشكلة وهي انه بيعمل Chelation للIonized Calcium الموجود ف الدم.. لما نيجي نعلق كميات كبيرة من الدم العيان ممكن يدخل ف Hypocalcemia.. والCalcium لما يقل يعملك الاتى • انخفاض ضغط الدم. • ضعف انقباض عضلة القلب. • اضطرابات في نظم القلب. • تشنجات أو تنميل في الحالات الشديدة. • زيادة مشاكل التجلط لأن الكالسيوم ضروري في عملية تجلط الدم. Multiple units blood transfusion can lead to hypocalcemia due to the citrate used as an anticoagulant in stored blood. عشان كده Every 4 units of blood will require 10 mL of 10% calcium gluconate #كورس_الICU

بكالوريوس التمريض التخصصي معتمد وليه تكليف حكومي ان شاء الله.. بكالوريوس التمريض التخصصي بنظام الساعات المعتمده وبتدرس نفس عدد ساعات كليات التمريض الحكومي والخاصه ف انت كده كده زيك زيهم.. خريج بكالوريوس التمريض التخصصي بيتخرج اخصائي تمريض متخصص ع الدرجة التالتة.. ينفع بعد بكالوريوس التمريض التخصصي تقدم ع اي دبلومة تعجبك زي الجودة، الإدارة، الInfection, التغذية.. ينفع تقدم ع زمالة او ماجستير بعد بكالوريوس التمريض التخصصي.. خريج بكالوريوس التمريض التخصصي ليه الاولوية ف السفر لانه متخصص.. #بكالوريوس_التمريض_التخصصي

ازيك؟! انا احمد اخوك وجاي اتكلم معاك شوية ❤ ف الشغل ف مجال التمريض عموماً مهما كان قلبك أبيض وبتحب الخير لغيرك، هتفضل ف نظر الناس شخص شرير ومؤذي.. وف المستشفى مهما كانت تصرفاتك عفوية وتلقائية، غيرك هيشوفها حركات مقصودة ومحسوبة بالمّلي ومدروسة.. ف المستشفى مهما كانت نيتك صافية وسليمة، برضو ف ناس هتروح وتيجي وتقول إن نيتك وحشه.. ف المستشفى مهما عملت بأصلك وظهرت جدعنتك مع الكل، هيقولوا عليك بتاع لقطة وبتحب المنظرة والظهور! عشان كده، أنت محتاج تتقبل فكرة إن مش كل الناس هتحب تشوف حقيقتك الحلوة مهما حاولت تبينها.. لازم تهدي هدي نفسك خالص وارتاح وخليك على طبيعتك..وخليك متأكد إن كل واحد بيشوف الناس بعين طبعه، وعلى حسب حاله ونفسيته من جوه.

تعلن إدارة كلية العلوم الصحية جامعة بني سويف عن بدء التقديم الالكتروني للبرنامج الخاص وذلك من تاريخ النشر حتي يوم 20 من الشهر الجاري لينك التقديم الالكتروني : https://ramadanmohammedeid.github.io/special-program-college-Health-Sciences-Technology/

جاهزين عشان ننزل عن التقديم لكلية علوم صحية ف بني سويف! 👀♥

لما تيجي تشيل الCVL والمريض خلاص هيخرج ان شاء الله.. المفروض المريض يكون ف وضع الTrendelenberg Position مع الضغط علي المكان لمدة 10 دقايق تقريباً وبعدين بتغطي مكان الCVL بOcclusive Dressing وكمان يفضل ان المريض يبقي Flat لمدة ساعة تقريباً بعد عملية الRemoval of CVL.. و ده كله علشان ميحصلشAir Embolism...لو حصل Small Volume من الVenous Air Embolism ف ده غالباً هيبقى filtered by the lung bed وممكن يحصل Full Recovery.... و لكن المشكلة الأكبر هنا لو كمية كبيرة من الVenous Air Embolism اللى ممكن تؤدي الCirculatory Obstruction وحدوث الCardiac Arrest.. وكمان ممكن المريض يكون معرض لArterial Air Embolism زي في حال وجود Intracardiac Shunt او حدوث Barotrauma من الMechanical Ventilation واثرت علي الPulmonary Veins.. لك أن تتخيل ان كمية مثل 0.02ml/kg من الArterial Air Embolism غالباً هتكون Fatal.. ف لازم تاخد بالك وانت بتشيل الCVL ومتستهونش بالموضوع.. متنساش تسأل عن #كورس_الICU

حقيقي الكلام عن البكالوريوس التخصصي مش واخد حقه!! البكالوريوس التخصصي ف التمريض هيبقى احسن حاجة اتعملت ف التمريض ف السنين الأخيرة وده لأنه بيعمل زي باقي الكليات بتدرس General اول 3 سنين وبعدين ان شاء الله هتخصص ف سنه رابعة وتبقى Specialized Nurse حقيقي يبخت اللى خد تخصصي واللى لسه هياخد♥ #البكالوريوس_التخصصي_ف_التمريض

أنت مش فاشل ، أنت بس مشتّت ، دماغك مشغولة طول الوقت .. بمشاكل ، أخبار ، مقارنات ، مشاعر ، محتوى مالوش آخر ، أنت محتاج تشد الفيشة ، تهدّي الدنيا شوية ، تراجع أولوياتك ، وتبني نفسك صح ، السوشيال ميديا خدت منك سنين وأنت بتلف مكانك في كلام فاضي ، حافظ على وقتك ، وابدأ اشتغل على نفسك ، وهتقدر ، بس خليك واثق في قدراتك ، وأبشر ♥"

الحمدلله عدت ع خير Come Back 👀❤

عندي مشكلة كبيره وميعادها النهاردة الساعه 11 يا تخلص يا لا.. ربنا عالم ان نيتي فيها كانت خير♥ ف متنسونيش ف دعواتكم..

ف شفت من الشفتات ف الICU الدكتور طلب من زميلنا يسحب معامل CBC, Na, K وغيره وقاله عايزين نسحب للعيان تحليل A/C Ratio زميلنا استغرب لأنه مسحبش التحليل ده قبل كده وكان مكسوف يسأل الدكتور ده تحليل اي او بيتسحب ازاي.. انا لاحظت ده عليه ولاحظت توتره وانه مسكوف يسأل.. بصيت عليه لقيت جايب تيوبة ومفكر ان الA/C Ratio ده تحليل دم.. روحت قومت كده وقولتله اي يعم فين الCup بتاع الUrine اللى هنسحب فيه عينة الA/C Ratio.. قولتله هات اما أسحبهالك انا يعم انت تعبت النهاردة مع الحالات.. قولتله تعرف ان اختصار الA/C Ratio يعني Albumin/Creatinine Ratio وده من أهم تحاليل الكلي لأنه بيعرفنا لو فيه زلال في البول حتى لو كانت الكمية بسيطة جدًا، وبالتالي بيعرفنا مشاكل الكلي ف مراحلها المبكرة. وده تحليل بول مش تحليل دم.. ومن خلال بنقيس كمية الAlbumin الموجودة ف البول مقارنة بتركيز الCreatinine... والتحليل ده بنستخدمه عشان نعرف لو فيه مشاكل ف الكلي وخاصة مع مرضى الDM والHTN وغيرهم من الأمراض المزمنة.. وزي ما قولنا ان ده تحليل بول والأفضل انه يتاخد الصبح ويكون اول بول First Morning Urine.. بس نتيجته ممكن تكون عالية بشكل مؤقت ف أوقات معينة وده مش دليل لوجود مشاكل ف الكلى زي لو شخص عنده UTI.. شخص عامل مجهود بدني عنيف قبل التحليل.. شخص Fevrish او عنده عدوى... ف أوقات الدورة الشهرية عند الستات.. اما لو كان عالي ف حاجة غير اللى قولناهم دول ف ده معناه ان ممكن يكون فيه مرض كلوي ومحتاجين تدخل ف أسرع وقت..