Nursing With Ahmed Bakry

• رسميًا اعتماد قرار تكليف خريجي دفعة 2024 كليات التمريض • القرار رقم 260 لسنة 2026.. #تكليف_كليات_التمريض

انا مبسوط جداً ومتفائل بالدفعة دي من الامتياز سواء كلية او معهد.. اول مره نشوف الحماس ده ما شاء الله ♥ حتى طلبة الكلية اللي متعودين انهم بييجوا يمضوا ويمشوا بقوا يقفوا معانا ويساعدونا ويتعلموا اكتر واكتر.. بقوا يساعدونا وخايفين ع المرضى.. عايزين يتعلموا عشان يقدروا يحافظوا ع المرضى ويبقوا سبب كبير ف شفائهم بعد ربنا سبحانه وتعالى♥ وانا جاي اقول لكل طلبة الامتياز: ان مش كل نقد يتقالك لازم تاخده بجدية، ومش كل عيب حد يشاورلك عليه تصدقه وتبدأ تشك ف نفسك وف قدراتك.. فيه ناس بتنتقدك مش علشان عندها وجهة نظر حقيقية، لكن علشان تحاول تقلل منك أو تهز ثقتك في نفسك ويوهموك انك عمرك ما هتبقى ممرض شاطر.. أوقات بيبقي السبب إنهم شايفين فيك حاجة نفسهم تبقي عندهم، فبدل ما يواجهوا إحساسهم بالنقص، يحاولوا يقللوا منك.. اسمع النقد بعقل، خد المفيد منه، وسيب الكلام اللي هدفه مجرد التقليل منك.. هنحاول ناخد الدنيا بهدوء أكتر، ونرتب أولوياتنا ونمشي ف طريقنا واحدة واحدة، من غير استعجال ولا مقارنة بحد.. هنبعد عن التفكير السلبي ع قد ما نقدر، ونشتغل على نفسنا علشان نبقى الأشخاص اللّي نفتخر إننا وصلنالهم، ومفيش حاجة في تصرفاتنا تخلينا ف يوم نندم ع نفسنا او ع اي حاجه عملناها♥ #امتياز_مستشفى_بني_سويف_الجامعي #امتياز_رعاية_المديكال

قرار وزاري رسمي... اعتماداً ع القرار الوزاري الصادر عن وزارة التعليم العالي.. رسمياّ تم تعديل اسم المعهد التكنولوجي للتمريض التابع للجمعية المصرية للعلوم والتكنولوجيا بالمنيا ليصبح: المعهد العالي للتمريض بالمنيا.. وتبلغ مدة الدراسة 4 سنوات دراسية + سنة امتياز، وفقاً للنظام المعتمد.. بقا زي زيه الكليه بالظبط.. ان شاء الله المعهد التكنولوجي للتمريض ف بني سويف قريب هو كمان.. الف مبروك يخواتي❤

الف مبروك ظهور حركة تكليف الفنيين الصحيين http://mhealth.cu.edu.eg/Tamred/fany2026Res/Result.aspx?

الف مبروك ظهور نتيجه تكليف بكالوريوس التمريض دفعة 2026 بالرقم القومي ع الرابط ده http://mhealth.cu.edu.eg/Tamred/Tamreed2026Res/Result.aspx

صباح الخير ان شاء الله قريب هيبقى قرار معمم ع كل الجامعات😂❤

بمناسبة انه باقي 4 ايام والامتياز هيبدأ يوم 1/10 لكليات ومعاهد التمريض.. من كام يوم طالب امتياز ومش هقول هو كلية ولا معهد عشان محدش يقول اننا بنقلل من الكلية او المعهد.. ف المهم جاي يسألني عن حالة من بلده وبيقولي دنيتها اي ف شرحتله الحالة وقولتله انها Flat وNo CPR.. فرد عليا وقالي يعني هتخرج امتى؟! حرفياً اتصدمت ازاي طالب امتياز ع الاقل بيقضى 4 شهور من امتيازه ف الرعايات وضايع كدا.. بالمناسبه الطالب ده كان بيقضي امتيازه عندنا ف الicu ودايماً يا قاعد ع الكرسي يا نايم ف الاوضة بتاعتنا.. وحقيقي لازم يكون فيه امتحان يعملوه لطلبة التمريض بعد المعهد ويشوفوا الاول هم مؤهلين للشغل ولا لا!! خليكم قاعدين كده مبتتعلموش ف الامتياز وضيعوا كتير واخسروا وقت.. الدفعة الجديدة اللي داخلين الامتياز استغلوا الامتياز واتعلموا... فيه طلبة بيتمنوا ربع فرصة تدريب عشان يتعلموا ويشتغلوا برايڤت ويساعدوا نفسهم واهلهم...

قرار رقم 454 لسنة 2026 تعديل تكليف فنيين التمريض..

التقديم شغال ف المنيا 4 دفعات

قرار تعديل التكليف رقم 446 لسنة 2026 من وزارة الصحة لفنيين التمريض..

مساء الخير.. تعالى ننهي الجدل حوالين البكالوريوس التخصصي عشان وجع الدماغ ده.. قبل ما ابدأ محتاج ناس تفهم وتستوعب الكلام ناس ناضجة!! مش كل ما عيل عامل صفحة وملوش لازمة يقول كلمتين نجري وراه.. لمؤاخذة كده انت بالنسبالي شبه القطيع ها!!! البكالوريوس التخصصي معتمد من المجلس الاعلى للجامعات والا مكانش هيبقى ف جامعة حكومية مثلاً يعني طلبة البكالوريوس التخصصي ف كلية تمريض جامعة القاهرة بيدرسوا ف كلية التمريض جامعة القاهرة مع الطلبة الحكومي ومع بتوع المكثف كمان.. وكمان المجلس الاعلى للجامعات هم اللي حاطين شروط القبول ف البرنامج.. ف اذن موضوع الاعتماد ده منتهي كده كده معتمد غصب عنك طالما بيتم تدريسه ف جامعة حكومية وشهادة تخرجك هتتخم بنفس الختم بتاع كلية تمريض الحكومي والمكثف برضو.. عايز تتأكد من الاعتماد تقدر تروح المجلس الأعلى للجامعات وتتأكد.. هتيجي تقولي محمد قالي مش معتمد وملوش لازمه ولا محمود قالي ده فلوس ع الفاضي هقولك انت لمؤاخذة قطيع عشان اي كلمتين بيودوك ويجبوك.. تفتكر يعني كل عميد ف كل كليات التمريض الحكومي ورئيس الجامعة بتاع كل محافظة اللي عندهم علم بوجود البكالوريوس التخصصي دول بيضحكوا عليك مثلاً وهيخلوك تدرس ف جوه كلية التمريض الحكومي وهو مش معتمد!! 😂😂 انضج يحبيبي وفوق كدا الله يرضى عنك😂😁 اما بالنسبة لموضوع التكليف ف بقولك اهو ان كل التمريض المعتمد ليه تكليف اي تمريض معتمد ف مصر ليه تكليف حكومي.. زي اي طب بشري معتمد ف مصر ليه تكليف نفس الموضوع مع التمريض.. يعني تفتكر هيكلفوا كليات التمريض الخاص والمعاهد الخاص والمكثف وميكلفوش البكالوريوس التخصصي اللي اصلاً بيتم تدريسه جوه الجامعات الحكومية وتحت اشراف الجامعة والمجلس الاعلى للجامعات؟! ايعقل؟! دي مؤامرة بقا ع خريجي البكالوريوس التخصصي!! 🙄 ده التقني لما كان موجود كان ليه تكليف برغم كل المشاكل والمسمى اللي كان عليه!! ف هييجوا ع البرنامج اللي معمول بدل التقني وبدل المشاكل اللي كانت عليه وعشان طلبة المعاهد اللي ملحقتش كلية او اللي عندهم ظروف تمنعهم من تكملة الكلية يحسنوا من تعليمهم ومستواهم الدراسي ويضحكوا عليهم ويقولولهم مفيش تكليف؟!! أيعقل؟! هي مؤامرة انا عارف😂 اه يعني هيكلفوا بتوع المكثف اللي من بره المجال وهيكلفوا بتوع الكليات والمعاهد الخاصة ويسيبوا بتوع التخصصي اللي بيدرسوا جوه جامعة حكومية وهم اصلاّ متكلفين!! انت اصلاً گ طالب معهد بتكمل تخصصي انت كدا كدا متكلف بالمعهد يدوبك هتتكلف تاني بالتخصصي.. مش هيخسروا حاجة ما انت كده كده متكلف😂😂 طب لو بيضحكوا عليك انت گ طالب معهد وملكش تكليف... هيعملوا اي ف اللي داخلين البكالوريوس التخصصي بعد ثانوية عامة ملهمش تكليف هم كمان!! 😂 ولا هيكلفوا بتوع الثانوية ويسيبوا بتوع المعاهد!! 😁😁 يجدعان اعقلوا يجدعان كفاية علينا الIcu اقسم بالله تعبتونا😂 واي الكلية اللي قالتلكم ان التخصصي ملوش تكليف؟! مال الكلية بالتكليف!! يعني لو الوزارة قامت لغت التكليف بكره هتيجي الكلية بتاعتك تقول للوزارة لا مينفعش تلغوا التكليف عشان احنا قولنا للطلبة فيه تكليف!! اللي عايز يسأل عن التكليف يحبيبي انت وهو يطلع ع الوزارة ويسأل.. الكليات ملهاش دعوه بالتكليف ولا تقدر تجبلك تكليف ولا تقدر متجبلكش.. واي حوار محدش بيتكلف مرتين ده؟! بنتكلف مرتين عادي يخواتي زمان كان ينفع تكمل كلية تمريض حكومي وانت معاك تكليف المعهد وانا حضرت ده بنفسي.. والشخص كان بيخلص سنة رابعه وقبل الامتياز بيلغي تكليف المعهد وبعدين كان بيتكلف بالكلية الحكومي.. نفسي اعرف بتجيبوا الكلام ده منين😂 التخصصي بكالوريوس كامل متكامل مفيهوش غلطة وجه بعد دراسة طويلة والتعديل ف اللايحة بتاعته بيتم عن طريق المجلس الاعلى للجامعات.. بتتخرج منه اخصائي تمريض متخصص ع الدرجة التالتة...فكرة التخصص ف حد ذاتها احسن بكتير من انك تكون General.. ينفع تكمل بعده دكتوراة ماجستير زمالات دبلومات أكاديمية الشرطة لو جبت تقدىر عالي ليك انك تختار مكان التكليف زي التأمين الصحي الشامل او مديريات الشئون الصحية او غيرهم.. بص ع التعليقات👀❤ #بكالوريوس_التمريض_التخصصي #تمريض

لو فيه حد هنا ف مستشفى كفر الشيخ العام لو ينفع يكلمني هسأل ع حاجة @AhmeddBakry

مساء الخير بالنسبة للناس اللي هتكمل كلية بعد المعهد اللي جاله الكلية الف مبروك خطوة جديدة وتحدي جديد ف حياتك.. محتاج تجيب مجموع كويس عشان لو حابب تتعين معيد مشرف ع طلبة الامتياز تختار مكان التكليف بمزاجك التقدير مهم جداً جداً ف الكلية وهيفرق ف كل حاجة ف متخليش حد يضحك عليك ويقولك انجح وخلاص.. اللي جاله استنفاذ رغبات واللى ملحقش اصلاً من الاول گ تنسيق ومجموعه كان اقل من الحد الادنى خلاص قدر الله ما شاء فعل شوف طريقك الجديد.. ادخل امتيازك واجتهد وطور من نفسك عشان تشتغل برايفت ع ما التكليف ييجي.. شوف لو عايز تكمل عندك الكليات الخاصة او البكالوريوس التخصصي.. عندك كمان طريق السفر تقدر تستعد من دلوقتي وتجهز نفسك.. اللي عمل تقليل اغتراب ومتقبلش خلاص برضو ده مكانك الجديد واتأقلم.. اللي جاله كليه ومش عايز يكمل عادي ولا كأن حاجة حصلت.. اللي جاله كلية خلاص كده ملكش امتياز بالمعهد.. لو عندك اي سؤال بخصوص الموضوع ده اتفضل وان شاء الله هرد عليك.. #تكملة_كلية_التمريض_بعد_المعهد #كليات_التمريض_2026

رسمياً الحد الادنى لكلية التمريض بعد المعهد لعام 2026 هو 89.82%