Nursing With Ahmed Bakry

الناس اللي تكليفها ف #مستشفى_بني_سويف_الجامعي تروح تستلم التكليف اخر يوم لاستلام التكليف بكره وبعده..

مساء الخير اشتغل ع نفسك لحد ما تبقى قيمتك واضحة ف الICU وف اي مستشفى تشتغل فيها.. ف شغلك، طور من نفسك لدرجة إن وجودك يبقى مهم، والمكان يخاف يخسرك.. مش إنك تفضل طول الوقت خايف من إنهم يستغنوا عنك وان يبقى ملكش لازمة...خليهم خايفين يخسروك ووجودك دايماً يبقى فارق.. خليك مهم ف مكانك خليهم يرجعولك ف اي معلومة محتاجينها ف الشفت سواء.. فيه Alarm ف جهاز الVent مش عارفين يتعاملوا معاه او هيسألوك عن دوا معين عن مادته الفعالة او تركيزه او بيتعطي ازاي وبيتعطي ليه او اي الأدوية اللي مينفعش تمشي معاه وغيره وغيره... لو معندكش Knowledge ومعندكش ثقة ف نفسك هتفضل دايماً خايف وقلقان وهتفضل شخصيتك ضعيفة وهتفضل دايماً مهزوز قدام اي حد.. وف علاقاتك مع الناس اللي معاك ف الشغل، خليك شخص ناضج ومتزن لدرجة إن الناس تحس إنهم محظوظين بوجودك، وان وجودك فارق ف الشفت وانهم يرجعولك ف اي حاجه مش عارفين ياخدوا فيها قرار او اي معلومة مش عارفينها... وگ إنسان، اشتغل على شخصيتك وطور من نفسك لحد ما اللي حواليك يحسوا إن وجودك إضافة وسند، مش إنك دايمًا مستني منهم يسندوك.. السعادة مش حاجة بنستناها، دي حاجة بنبنيها، وأول خطوة فيها إنك تفضل شغال ع نفسك وتسعى انك تبقى أحسن نسخة من نفسك... كل ده هتتعلمه ف كورس الIcu بتاعنا #كورس_الIcu

• وكده كده الامتياز مش هتدفعله فلوس ده يدوبك صوره وورقه وهتمضيهم من هنا ومن هنا وكذلك الكليه هتدخل ع الموقع وتسجل رغباتك يعني مفيش مجهود ولا حاجه لو مشيت ف الطريقين مع بعض ولا اي حاجه.. • ف النهايه عايز اقولك سواء كملت او مكملتش ده اختيار ربنا ليك ولازم ترضى بيه واي حاجه ربنا يختارهالك هي الصح والاصلح واكيد اي مكان هتروحه هتبقى قده عشان ده اختيار ربنا ليك وعايز اقولك متقلقش وسيبها لله وكله خير واي سؤال او اي حاجه انا معاك.. #تكملة_الكليه_بعد_المعهد

مساء الخير البوست ده للي هيكملوا كلية بعد المعهد ان شاء الله.. • طلبة معهد فني تمريض • طلبة فني صحي شعبة تمريض عام تعالى نجاوب ع ال19 الف سؤال اللي ف دماغك عن تكملة الكلية بعد المعهد... • اول خطوه هتعملها دلوقتي انك تروح تجيب الكود والرقم السري من المعهد بتاعك وبالفعل المعاهد بلغت الطلبة انهم يروحوا يستلموهم... اي فايدة الكود والرقم السري؟! • دول هتدخل بيهم ع موقع التنسيق وتكتب الرغبات بتاعتك عشان تكمل كلية بعد المعهد اللي هم 22 رغبة.. مين اصلا اللي بينزله كود ورقم سري؟! • اي حد جايب تقدير فوق ال75% فني صحي شعبة تمريض عام بمجموع سنة تانية.. فني تمريض تراكمي مجموع سنة اولى وسنة تانية... • لو انت جايب 74.9% ملكش كود ورقم سري وبالتالي ملكش كلية حكومي لانك مش هتنسق اصلاً. • الرغبات بتتكب الاول وبعدين التنسيق بيظهر، ماهو مش منطقي التنسيق ينزل الاول هم هينزلوا التنسيق ع اساس اي!! • انتو بتكتبوا الرغبات الاول وبعدين كل كليه هتاخد العدد اللى محتجاه وتحط التنسيق عند اخر طالب مثلاً كلية تمريض القاهره هتاخد 100 طالب يبقى هتاخد اعلى 100 طالب مقدمين للكليه وتحط الحد الادنى ليها عند الطالب رقم 100 • ف عشان كده الرغبات الاول وبعدين التنسيق بيظهر وبنعرف كل كلية خدت من كام.. • هسبيلك تنسيق الكليه بعد المعهد ف اخر 3 سنين ف الكومنتات... هو كل اللى جايب 75 فيما فوق خلاص كده هيكمل كليه!!؟ • لا يحبيبي اللي جايب 75 فيما فوق بينزله كود ورقم سري ليه الحق انه يكتب رغبات انما القبول ع حسب التنسيق ال75 مش معناه انك قبلت للكليه انما انت ليك فرصه ف التنسيق... هو اصلا بقى يمستر كتابة الرغبات ده بيبقى امتى عشان احنا خايفين الرغبات تروح علينا؟! • التنسيق بيبقى ف شهر 9 كل سنة.. • انت ملكش علاقه بتسجيل رغبات ولا تنسيق الثانويه العامه لا من قريب ولا من بعيد انت تبع الدبلومات الفنيه ليك رغبات منفصلة.. • الطلبة اللى كانوا دور تاني السنه اللي فاتت ينفع يقدموا السنه دي عادي وهيروحوا يجيبوا الكود والرقم السري من القاهره واول ما يقبلوا ف الكليه لازم يلغوا التكليف بتاع المعهد وهينسقوا ع تنسيق السنه دي... • الكليه بعد المعهد جغرافي مش اقليمي بس ده مش معناه انك تكتب كل المحافظات اللي انت عايزها بمزاجك.. ازاي يمستر هي مش جغرافي يعني اكتب اللى انا عايزه؟! • لا يحبيبي فيه حاجه اسمها قواعد التوزيع الجغرافي طبقاً للمجموعات أ، ب، ج... يعني اي الكلام ده؟! • يعني من حقك تكتب كل المحافظات اه بس فيه محافظات لازم تكتبها الاول اجباري.. • ف مثلاً لو انت من بني سويف مينفعش تكتب القاهره قبل بني سويف لازم تكتب بني سويف الاول عارف ده معناه اي ان بني سويف بالنسبالك مجموعه أ... • هسيبلك صور ف الكومنتات لرغبات كل محافظة.. • كل المحافظات بتدخل سنة تانيه ماعدا اسكندرية سنة بتدخل سنة اولى... • لو انت جايب مجموع محافظتك ملكش تقليل اغتراب هتدخلها اجباري.. • لو انت مثلا من بني سويف وجالك تمريض اسوان وعايز تعمل تقليل اغتراب للقاهره مينفعش برضو.. • تقليل الاغتراب بيبقى لمحافظتك بس يعني لو انت من بني سويف وجالك تمريض المنصوره ملكش تقليل اغتراب غير لبني سويف بس فهمت كده!! اكتر سؤال مبحبوش هو انا جايب 80 او 85 هقبل ولا لا؟! • التنسيق ده ف علم الغيب وكل سنه ليها ظروفها الخاصه ومحدش يقدر يقولك هتقبل ولا لا!! • بص هي نصيحه طالما جايب 75 فيما فوق هينزلك كود ورقم سري ادخل ع الموقع واكتب الرغبات مش بفلوس والله ومش هتدفع حاجه من جيبك 10 دقايق هتدخل ع الموقع وتكتب رغباتك والنتيجه هتظهر بعدها بيومين قبلت كان بها مقبلتش لا يكلف الله نفساّ الا وسعها وابدأ الامتياز وقدامك طرق تانيه كتيره للتطوير طالما انت عايز توصل هتوصل... طيب يمستر هو انا لو جايب 85 ونزلي كود ورقم سري ومش عايز اكمل عادي ولا طالما خدت الكود والرقم السري لازم اكتب رغبات واكمل؟! • مش لازم تكمل عادي براحتك.. طب لو انا كتبت الرغبات وقبلت وجالي كلية تمريض ومش عايز اكمل عادي؟! • عادي برضو ارمي بطاقة الترشيح ولا كأن حاجه حصلت يعني.. امشي ف الطريقين مع بعض طريق:_ انك تكمل كليه لو حابب طريق انك تدخل الامتياز • امسك العصايه زي ما بيقولوا كده من النص امشي ف الطريقين عشان لو معجبكش ده تروح للتاني متقولش اصل انا هكمل كليه ف مش هكمل ف اجراءات الامتياز اوعى!!! • انت متضمنش الظروف ولا اصلا تضمن انك قبلت ف الكليه ولا لا ف عشان كده امشي ف الطريقين مع بعض... • فيه ناس كملت كليه وبعد اول شهر رجعوا الامتياز.. • وفيه ناس قبلت ف الكليه وقالوا مش هنكمل وبعد اول اسبوع ف الامتياز رجعوا الكليه تاني برضو.. • ف عشان كده بقولك امسك العصايه من النص لحد ما تقرر هتعمل اي وتاخد قرار قطعي عشان الحاجات دي مفيهاش هزار...

لا المستشفى مكاني، ولا الناس اللي ف الرعاية دي شبهي ولا حتى عارف أصاحبهم!! فجأة لقيتني ف مكان مش شبهي، وسط ناس مش شبه تفكيري، وبحاول أتأقلم مع حاجة من الأول مكانتش ف بالي!! ساعات الواحد بيبقي موجود وسط الزحمة ف المستشفى فيه ناس كتير، بس حاسس إنه لوحده، مش علشان الناس وحشة، ولا المكان وحش، بس ببساطة مش مكانك ومش ناسك.. يمكن كل اللي محتاجه إنك تمشي بهدوء، وتسيب كل حاجة مش شبهك؛ علشان تلاقي نفسك ف المكان اللي تحس فيه إنك أخيرًا ف مكانك وسط ناس شبهك وع الأقل تكون مرتاح نفسياً.. #شخص_بيكره_المستشفى_والIcu

مساء الخير من علامات قوة شخصيتك واتزانك ف المستشفى إنك تعرف إمتى تبقي هادي ومحترم، وإمتى تحط حدود واضحة مع اللي بيتجاوز معاك، لأن الأدب مش معناه إنك تسكت على حقك أو تسمح لحد يقلل منك لمجرد إنك شخص محترم.. في ناس للأسف بتفهم الهدوء على إنه ضعف، ولما تفضل ساكت على تجاوزاتهم بيتمادوا أكتر وأكتر.. لما حد يتعدى على كرامتك، اتكلم... ولما حد يظلمك، دافع عن حقك.. ولما تتعامل مع شخص قليل الذوق، متخليش احترامك لنفسك يتحول لخضوع.. مش معنى إنك متربي ومحترم إنك تفضل ساكت في كل موقف حتى لو كان قدام مدير المستشفى ذات نفسه....بالعكس، من حقك تعبر عن غضبك، وتوضح موقفك، وتحط حد لأي شخص بيتجاوز حدوده معاك، من غير ما تتحول لشخص مؤذي أو قليل الأدب.. اتعلم إن عندك قدر من الحزم تستخدمه وقت ما تحتاج....خليك ثابت في حقك، واتكلم بثقة، ومتخليش خوفك من إن الناس تشوفك وحش يخليك تقبل الإهانة أو الظلم أو ان حد يتعدى حدوده معاك.. الأصل إنك تبقي حسن الخلق مع الكل، لكن حسن الخلق عمره ما كان معناه إنك تسمح لأي حد يكسر حدودك ويشوف نفسه عليك... خليك محترم، بس مش ضعيف.. خليك هادي، بس مش مهزوز.. خليك طيب، بس عارف إمتى توقف اللي قدامك عند حده.. لأن احترامك لنفسك بيبدأ من إنك تعرف قيمة نفسك، ومتسمحش لحد يتعامل معاك بأقل من اللي تستحقه...

مساء الخير اي حد تكليفه جه ف مستشفى بني سويف الجامعي ومستلمش لحد دلوقتي....ياريت يروح يستلم عشان ده اخر اسبوع وبعد كده تكليفه هيتلغي.. المستشفى بدأت تجمع اسماء الناس اللي مستلمتش وهيبعتوهم للوزارة عشان تكليفهم يتلغي.. احنا بلغنا الناس اهو عشان بعد كده اللي تكليفه هيتلغي وهييجي يقولي اعمل اي مش عارف هرد عليه بايه😂😂 بالتوفيق ❤ #الغاء_التكليف #مستشفى_بني_سويف_الجامعي

رسمياً ظهور نتيجة التظلمات الورقية لخريجي معاهد التمريض دفعة 2024... القرار رقم 404 لسنة 2026 الف مبروك يشباب استلموا قبل 3/9/2026 عشان دي اخر مدة مسموحة لاستلام التكليف❤ #التظلمات_الورقية #دفعة_2024_معاهد_التمريض

رسمياً تم فتح بكالوريوس التمريض التخصصي ف كلية التمريض جامعة اسوان لعام 2026.. وده لينك التقديم https://forms.gle/3dpapSphbZ1HMoYBA

الناس اللى جالهم معهد فني تمريض بنها ❤

رسمياً تم فتح البكالوريوس التخصصي ف كلية التمريض جامعة اسوان😂❤❤❤❤❤❤❤❤❤❤

مساء الخير كل الناس اللي جالهم تمريض سواء معهد او كلية حابب من وقت للتاني أفكركم بحاجة مهمة:_ ربنا مبيختارلكش حاجة فيها شر، حتى لو انت مش فاهم حكمته في الوقت الحالي.. كون ان جالك تمريض ف ده هو الأنسب ليك في المرحلة دي، ولما ييجي الوقت اللي ربنا كاتبهولك وتنتقل لمكان تاني، هيبقي هو كمان الأنسب ليك وقتها.. مش كل حاجة بتمناها لازم تحصل دلوقتي، ومش كل تأخير معناه إن في حاجة غلط.....ساعات انت بتشوف جزء صغير من الصورة، لكن ربنا عالم الصورة كلها وعالم إيه الأصلح ليك.. ف احمد ربنا في كل الأحوال، وارضى بنصيبك واختياراته، وخلي جواك يقين إن تدبير ربنا ليك أرحم وأحكم من تدبيرك لنفسك.. اطمن، طالما الأمر في إيد ربنا، ف أنت في أمان❤

• للتذكير قبل أسبوعين من فتح موقع تسجيل الرغبات لخريجي المعاهد الفنية للتمريض والمعاهد الفنية الصحية شعبة تمريض عام عام 2026.. • تنسيق سنة 2025 الحد الأدنى كان 89.58% كلية تمريض جامعة جنوب الوادي.. • حابب اقولكم كمان ان تنسيق الثانوية العامة ملوش اي علاقة تنسيق المعاهد للناس اللي هتكمل كلية تمريض.. • يعني لو تنسيق كليات التمريض بعد الثانوية العامة قليل ده ملوش علاقة بان تنسيق كليات التمريض بعد المعهد يقل.. • الموضوع كله بيعتمد ع مجاميع الناس اللي هتكمل كلية تمريض بعد المعهد.. • كليات التمريض بتاخد 10% فقط من طلبة المعاهد.. • التنسيق بين معهد فني صحي شعبة تمريض عام ومعهد فني تمريض مش منفصل.. الأولوية للمجموع.. #تكملة_كليات_التمريض_بعد_المعهد

للأسف زي كل سنة لا جديد يذكر ولا قديم يعاد معظم مجاميع معهد فني صحي شعبة تمريض سنه تانية معدية ال97%🙂🙂

تنسيق معاهد التمريض الحكومية لعام 2026 •فني تمريض بفاقوس 255 79.69% •فني تمريض كفر الشيخ 253 79.06% •فني تمريض المنصورة 250.5 78.28% •فني تمريض سوهاج 249.5 77.97% •فني تمريض طنطا 249 77.81% •فني تمريض قناة السويس بالإسماعيلية 248 77.50% •فني تمريض أسيوط 246 76.88% •فني تمريض قنا 244.5 76.41% •فني تمريض بنها 244 76.25% •فني تمريض السويس 243.7 76.16% •فني تمريض المنوفية بشبين الكوم 243 75.94% •فني تمريض الإسكندرية 241 75.31% •فني تمريض أورام القاهرة 240 75.00% •فني تمريض المنيا 239.5 74.84% •فني تمريض أسوان 239.5 74.84% •فني تمريض القاهرة 238.5 74.53% •فني تمريض العاصمة بحلوان 236.5 73.91% •فني تمريض عين شمس 235.5 73.59% •فني تمريض بني سويف 235 73.44% •فني تمريض الفيوم 234.5 73.28% •فني تمريض مستشفى تخصصي عين شمس 233.5 72.97%

تنسيق معاهد التمريض الخاصة المعتمدة لعام 2026 • المعهد الفني للتمريض بالدقهلية – شربين 235.5 73.59% • المعهد الفني للتمريض بالجونة 234.5 73.28% • المعهد الفني للتمريض بمستشفى وادي النيل 230 71.88% • المعهد التكنولوجي للتمريض ببني سويف 228 71.25% • المعهد التكنولوجي للتمريض بالمنيا 225 70.31%

رسمياً الحد الأدنى لعام 2026 كلية تمريض بني سويف. 81.72% معهد فني تمريض عين شمس التخصصي 72.97%

الموقع بتاع تسجيل الرغبات لخريجي كليات التمريض بيتحدث دلوقتي وهيشتغل كمان شوية..