Nursing With Ahmed Bakry

التقديم شغال ف المنيا 4 دفعات

قرار تعديل التكليف رقم 446 لسنة 2026 من وزارة الصحة لفنيين التمريض..

مساء الخير.. تعالى ننهي الجدل حوالين البكالوريوس التخصصي عشان وجع الدماغ ده.. قبل ما ابدأ محتاج ناس تفهم وتستوعب الكلام ناس ناضجة!! مش كل ما عيل عامل صفحة وملوش لازمة يقول كلمتين نجري وراه.. لمؤاخذة كده انت بالنسبالي شبه القطيع ها!!! البكالوريوس التخصصي معتمد من المجلس الاعلى للجامعات والا مكانش هيبقى ف جامعة حكومية مثلاً يعني طلبة البكالوريوس التخصصي ف كلية تمريض جامعة القاهرة بيدرسوا ف كلية التمريض جامعة القاهرة مع الطلبة الحكومي ومع بتوع المكثف كمان.. وكمان المجلس الاعلى للجامعات هم اللي حاطين شروط القبول ف البرنامج.. ف اذن موضوع الاعتماد ده منتهي كده كده معتمد غصب عنك طالما بيتم تدريسه ف جامعة حكومية وشهادة تخرجك هتتخم بنفس الختم بتاع كلية تمريض الحكومي والمكثف برضو.. عايز تتأكد من الاعتماد تقدر تروح المجلس الأعلى للجامعات وتتأكد.. هتيجي تقولي محمد قالي مش معتمد وملوش لازمه ولا محمود قالي ده فلوس ع الفاضي هقولك انت لمؤاخذة قطيع عشان اي كلمتين بيودوك ويجبوك.. تفتكر يعني كل عميد ف كل كليات التمريض الحكومي ورئيس الجامعة بتاع كل محافظة اللي عندهم علم بوجود البكالوريوس التخصصي دول بيضحكوا عليك مثلاً وهيخلوك تدرس ف جوه كلية التمريض الحكومي وهو مش معتمد!! 😂😂 انضج يحبيبي وفوق كدا الله يرضى عنك😂😁 اما بالنسبة لموضوع التكليف ف بقولك اهو ان كل التمريض المعتمد ليه تكليف اي تمريض معتمد ف مصر ليه تكليف حكومي.. زي اي طب بشري معتمد ف مصر ليه تكليف نفس الموضوع مع التمريض.. يعني تفتكر هيكلفوا كليات التمريض الخاص والمعاهد الخاص والمكثف وميكلفوش البكالوريوس التخصصي اللي اصلاً بيتم تدريسه جوه الجامعات الحكومية وتحت اشراف الجامعة والمجلس الاعلى للجامعات؟! ايعقل؟! دي مؤامرة بقا ع خريجي البكالوريوس التخصصي!! 🙄 ده التقني لما كان موجود كان ليه تكليف برغم كل المشاكل والمسمى اللي كان عليه!! ف هييجوا ع البرنامج اللي معمول بدل التقني وبدل المشاكل اللي كانت عليه وعشان طلبة المعاهد اللي ملحقتش كلية او اللي عندهم ظروف تمنعهم من تكملة الكلية يحسنوا من تعليمهم ومستواهم الدراسي ويضحكوا عليهم ويقولولهم مفيش تكليف؟!! أيعقل؟! هي مؤامرة انا عارف😂 اه يعني هيكلفوا بتوع المكثف اللي من بره المجال وهيكلفوا بتوع الكليات والمعاهد الخاصة ويسيبوا بتوع التخصصي اللي بيدرسوا جوه جامعة حكومية وهم اصلاّ متكلفين!! انت اصلاً گ طالب معهد بتكمل تخصصي انت كدا كدا متكلف بالمعهد يدوبك هتتكلف تاني بالتخصصي.. مش هيخسروا حاجة ما انت كده كده متكلف😂😂 طب لو بيضحكوا عليك انت گ طالب معهد وملكش تكليف... هيعملوا اي ف اللي داخلين البكالوريوس التخصصي بعد ثانوية عامة ملهمش تكليف هم كمان!! 😂 ولا هيكلفوا بتوع الثانوية ويسيبوا بتوع المعاهد!! 😁😁 يجدعان اعقلوا يجدعان كفاية علينا الIcu اقسم بالله تعبتونا😂 واي الكلية اللي قالتلكم ان التخصصي ملوش تكليف؟! مال الكلية بالتكليف!! يعني لو الوزارة قامت لغت التكليف بكره هتيجي الكلية بتاعتك تقول للوزارة لا مينفعش تلغوا التكليف عشان احنا قولنا للطلبة فيه تكليف!! اللي عايز يسأل عن التكليف يحبيبي انت وهو يطلع ع الوزارة ويسأل.. الكليات ملهاش دعوه بالتكليف ولا تقدر تجبلك تكليف ولا تقدر متجبلكش.. واي حوار محدش بيتكلف مرتين ده؟! بنتكلف مرتين عادي يخواتي زمان كان ينفع تكمل كلية تمريض حكومي وانت معاك تكليف المعهد وانا حضرت ده بنفسي.. والشخص كان بيخلص سنة رابعه وقبل الامتياز بيلغي تكليف المعهد وبعدين كان بيتكلف بالكلية الحكومي.. نفسي اعرف بتجيبوا الكلام ده منين😂 التخصصي بكالوريوس كامل متكامل مفيهوش غلطة وجه بعد دراسة طويلة والتعديل ف اللايحة بتاعته بيتم عن طريق المجلس الاعلى للجامعات.. بتتخرج منه اخصائي تمريض متخصص ع الدرجة التالتة...فكرة التخصص ف حد ذاتها احسن بكتير من انك تكون General.. ينفع تكمل بعده دكتوراة ماجستير زمالات دبلومات أكاديمية الشرطة لو جبت تقدىر عالي ليك انك تختار مكان التكليف زي التأمين الصحي الشامل او مديريات الشئون الصحية او غيرهم.. بص ع التعليقات👀❤ #بكالوريوس_التمريض_التخصصي #تمريض

لو فيه حد هنا ف مستشفى كفر الشيخ العام لو ينفع يكلمني هسأل ع حاجة @AhmeddBakry

مساء الخير بالنسبة للناس اللي هتكمل كلية بعد المعهد اللي جاله الكلية الف مبروك خطوة جديدة وتحدي جديد ف حياتك.. محتاج تجيب مجموع كويس عشان لو حابب تتعين معيد مشرف ع طلبة الامتياز تختار مكان التكليف بمزاجك التقدير مهم جداً جداً ف الكلية وهيفرق ف كل حاجة ف متخليش حد يضحك عليك ويقولك انجح وخلاص.. اللي جاله استنفاذ رغبات واللى ملحقش اصلاً من الاول گ تنسيق ومجموعه كان اقل من الحد الادنى خلاص قدر الله ما شاء فعل شوف طريقك الجديد.. ادخل امتيازك واجتهد وطور من نفسك عشان تشتغل برايفت ع ما التكليف ييجي.. شوف لو عايز تكمل عندك الكليات الخاصة او البكالوريوس التخصصي.. عندك كمان طريق السفر تقدر تستعد من دلوقتي وتجهز نفسك.. اللي عمل تقليل اغتراب ومتقبلش خلاص برضو ده مكانك الجديد واتأقلم.. اللي جاله كليه ومش عايز يكمل عادي ولا كأن حاجة حصلت.. اللي جاله كلية خلاص كده ملكش امتياز بالمعهد.. لو عندك اي سؤال بخصوص الموضوع ده اتفضل وان شاء الله هرد عليك.. #تكملة_كلية_التمريض_بعد_المعهد #كليات_التمريض_2026

رسمياً الحد الادنى لكلية التمريض بعد المعهد لعام 2026 هو 89.82%

الكليات المتاح انك تقدم ف برنامج بكالوريوس التمريض التخصصي بحد أقصى 4 سنوات من التخرج لخريجي معهد فني تمريض ومعهد فني صحي شعبة تمريض عام هم:_ • كلية تمريض جامعة كفر الشيخ • كلية تمريض جامعة المنصوره • كلية تمريض جامعة اسوان • كلية تمريض جامعة بورسعيد • كلية تمريض جامعة بنها #بكالوريوس_التمريض_التخصصي

بُشرى سارة لخريجي المعاهد الفنية للتمريض والمعاهد الفنية الصحية – شعبة التمريض تعلن كلية التمريض – جامعة كفر الشيخ عن الموافقة على مد فترة التقدم للبكالوريوس التخصصي في علوم التمريض إلى أربع سنوات بعد التخرج، بدلًا من عامين فقط. وبناءً عليه، تتاح هذا العام فرصة التقدم والالتحاق لخريجي الأعوام التالية: 2021 / 2022* 2022 / 2023* 2023 / 2024* 2024 / 2025* فرصة جديدة لاستكمال الدراسة وتطوير المسار المهني والأكاديمي، والالتحاق ببرنامج البكالوريوس التخصصي في علوم التمريض.

امبارح ف الشفت كنت ماسك حالة واحدة بس... كان شاب 18 سنة جاي ف RTA وجايلنا Post Concussion.. وده مبيحصلش كتير وخصوصاً ف الIcu بسبب العجز اللي ف الرعايات وف المستشفيات بشكل عام.. افتكر اني كنت مظبط الInfection بطريقة حلوة جداً تقدر تقول الحالة مفيهاش ولا غلطة بفضل الله... كنت بقلب المريض كل ساعتين براحتي وقاعد جنبه وبتكلم معاه بحاول افوقه.. بعمل للمريض eye Care و Mouth Care كل اربع ساعات.. اديت للمريض الأدوية ف وقتها بالظبط ومشيتله الMeronam ع 3 ساعات ف Syringe pump.. كاتب الNursing note بتاعتي بخط حلو ومترتب من غير ولا غلطة والفايل كله مكانش فيه ولا غلطة.. حافظ كل حاجة ف الحالة من اول ما دخل من 26 يوم لحد امبارح وحافظ كل الLabs بتاعته.. واقف ف مرور الدكاترة ومعنديش غلطة مع الحالة وبيسألوا اي سؤال ف الحالة بجاوب عليه ومستعد لأي order جديد وهيتنفذ at once.. قاعد بVital الحالة كل ساعة وبعمله كمادات وبغيرها باستمرار.. يعمل للمريض Physiotherapy كل ساعتين براحتي مانا مش ورايا غيره.. استلمت المريض ف اول الشفت بConscious Level 10/15 المريض اخر الشفت كان 13/15.. لازم الناس تعرف ان العيب مش فينا والله العظيم العيب ما فينا گ تمريض.. لما تسلمني الحالة One To One هعرف اظبط الحالة واديلك احلى شغل.. بس بقا اما تسلمني حالتين وابقا One To Two والحالتين واحدة منهم ع جهاز Vent والتانية Stand By والحالتين ليهم CT وحالة منهم هتاخد دم وبلازما والتانية بنجهزها عشان هتدخل عمليات ومش عارف ادي العلاج ف وقته بضمير ومش عارف اعمل حتى اعملMouth Care للحالة.. ومش لاقي وقت حتى اني اصلي او اكل او حتى ادخل الحمام.. وتلاقيني طول الشفت عمال اجري من هنا لهنا وبلف الرعاية كلها ومش عارف اخد نفسي.. ونيجي ف اخر الشفت تلاقيني مش مقفل ورقة الFluid ولا كاتب Nursing note بخط يتفهم وملحقتش ادي المرضى حقهم ملحقتش اقلب المريض لسه مصليتش لسه مفطرتش.. بييجي علينا شفتات بنفطر الساعة 4 العصر من ضغط الشغل.. بس قبل ما تتكلم عن التمريض وتقول اننا بنقصر ف حق المريض.. اعرف الاول اي اللي بيحصل معانا ف الشفت.. اسأل الاول واعرف الممرض بيمسك كام حالة.. بصوا ع عدد ساعات شغل التمريض.. احنا مبنشوفش اهالينا ومن مستشفى لمستشفى عشان بس نقدر نكفي احتياجاتنا.. شوفوا مرتبات التمريض عاملة ازاي.. #التمريض_بيعاني_ف_الIcu

مساء الخير... عشان تبقوا عارفين من دلوقتي ومتتصدموش.. المعهد التكنولوجي للتمريض ف المنيا: الوزارة رافضة تعملهم مزاولة المهنة بسبب ان مفيش اي اثبات ان المعهد خلص للخريجين إجراءات معادلة درجة الدبلوم.. وتقدر تفهم كل التفاصيل بخصوص المشاكل اللي ف المعهد من هنا https://www.facebook.com/share/p/1dbrxXZUGS/ • مفيش تكملة كلية تمريض حكومي بعده.. • الجامعات اللي فيها تخصصي مش هتقبل خريجين المعهد.. • السنتين اللي هتكملهم بعد المعهد ملهمش اي لازمة ومش هيضفولك اي حاجه وملهمش اي تسوية او غيره.. #المعهد_التكنولوجي_للتمريض_بالمنيا

رسمياً فتح تسجيل الرغبات لخريجي المعاهد اللي عايزين يكملوا كلية تمريض ❤ https://tansik.digital.gov.eg/application/ للتذكير الحد الأدنى لاقل كلية تمريض بعد المعهد السنة اللي فاتت كان 89.58%

مساء الخير... عشان تبقوا عارفين من دلوقتي ومتتصدموش.. المعهد التكنولوجي للتمريض ف بني سويف: • مفيش تكملة كلية تمريض حكومي بعده.. • الجامعات اللي فيها تخصصي مبتبقلش خريجين المعهد.. • السنتين اللي هتكملهم بعد المعهد ملهمش اي لازمة ومش هيضفولك اي حاجه وملهمش اي تسوية او غيره.. #المعهد_التكنولوجي_للتمريض_ببني_سويف

يقول أحدهم : بعد مدة من توبتي كتبت في ورقة آية من القرآن تحذر من العودة إلى المعاصي.. وهي ( وإن عدتم عدنا ) والمقصود إن عدتم للمعاصي عدنا للعقاب.. وعلقتها في غرفتي، كلما هممت بفعل ذنبي تذكرت هذه الآية وتذكرت أن الله يراني حتى تركت هذا الذنب بل وكرهته.. اللهم اهدنا واهدي بنا واجعلنا سبباً لمن اهتدي، اللهم صلّ وسلم وبارك على سيدنا محمد صل الله عليه وسلم 🤎.

فنيين التمريض دفعة 2024 اللي منزلهمش تكليف ع الموقع مع زمايلهم لما التكليف نزل تم صدور قرار التكليف بتاعكم قرار رقم 432 لسنة 2026... أولهم: محمد خالد فؤاد محمود واخرهم: يوسف احمد سليم محمد تم ظهور قرار تعديل التكليف لفنيين التمريض وعددهم 40 واحد القرار رقم 431 لسنة 2026... أولهم: اميره سيد عبدالعليم عبد الرازق واخرهم: عفاف عزوز محمد علي الف مبروك يشباب❤ #تكليف_دفعة2024_فنيين_تمريض #تظلمات_التكليف_دفعة2024_فنيين_تمريض

مساء الخير يخواتي... خدوا بالكوا من نفسكم ومن الضغط اللي بتحطوا نفسكم فيه ف المستشفى وخصوصاً الناس اللي شغاله ف الIcu، لأن تمنه غالي أوي.....وبياخد من صحتكم، وراحتكم، وعمركم، وف الغالب من حياتكم نفسها.. مفيش مكان ولا شغل يستاهل إنك تخسر نفسك علشانه أو تعيش مضغوط بسببه.. اللي بيعرف يعيش مرتاح، هو اللي فاهم الدنيا دي ع حقيقتها ومديها حجمها الطبيعي... #تمريض_الIcu