Infinity Group
ကန့်ဘလူမြို့နယ်နှင့်ကျွန်းလှမြို့နယ်တွင်း သတင်းများဖော်ပြနေသော လွတ်လပ်သည့် ပြည်သူ့ကွန်ယက်သတင်းချန်နယ်လ် သတင်းပေးပို့ရန်နှင့်စုံစမ်းမေးမြန်းရန် – ကိုအနန္တ @iggp21 ကိုရွှေကြာ @shwekyarinfinitygroup ရင်ငြိမ်းမိုး @iggp23 ကိုဉာဏ်ဇင် @nzigp
Show more2 975
Subscribers
-124 hours
+157 days
-1130 days
- Subscribers
- Post coverage
- ER - engagement ratio
Data loading in progress...
Subscriber growth rate
Data loading in progress...
ကန့်ဘလူခရိုင်၊ မလည်ရွာ စစ်ကောင်စီစခန်းအား တိုက်ခိုက်
မေလ ၁၁ ရက်
စစ်ကိုင်းတိုင်း၊ ကန့်ဘလူခရိုင်၊ ကန့်ဘလူမြို့နယ်၊ မလည်ရွာရှိ စစ်ကောင်စီ၊ ရဲ နှင့် ပျူစောထီးအဖွဲ့ အခြေချစခန်းအား ကန့်ဘလူခရိုင် တပ်ရင်း (၂၊ ၃)၊ ရွှေဘိုခရိုင် တပ်ရင်း-၃၊ အမှတ် (၅၁၀) တပ်ရင်းတို့မှ မေလ (၇) ရက်တွင် တိုက်ခိုက်ခဲ့သည်။ ကန့်ဘလူမြို့နယ် ပကဖနှင့် ခင်ဦးမြို့နယ် ပလဖ တို့မှ ထောက်ပို့နှင့် ဖြတ်တောက်ရေး ပါဝင်ခဲ့သည်။
၎င်းတိုက်ပွဲတွင် စစ်ကောင်စီထံမှ (၆) ဦး သေဆုံးပြီး လက်လုပ်သေနတ်အပါ လက်နက်ငယ် (၁၄) လက်၊ ကျည်မျိုးစုံ (၇၀၀) ကျော်၊ ကျည်အိမ် (၁၁) ခု၊ လက်ပစ်ဗုံး (၁) လုံး၊ အီနာဂါ (၆) လုံး၊ Jammer (၁) ခု၊ Equipment (၄) ခု၊ Uniform (၃) စုံ၊ စစ်သုံးပစ္စည်းအချို့ သိမ်းဆည်းရမိသည်။
တိုက်ပွဲအတွင်း ရန်သူ့ဘက် တတက-၁၃ မှ လက်နက်ကြီးဖြင့် ဗုံးအလုံး (၆၀) ကျော် ပစ်ခတ်ခဲ့ပြီး ပြင်ဦးလွင် (အနီးစခန်း) မှ Mi-35 (၁) စီးဖြင့် လေကြောင်း ပစ်ခတ်မှု (၁၀) ကြိမ်ပြုလုပ်ခဲ့သည်။ ထို့အပြင် တံတားဦးမှ Jet Fighter (၁) စီးဖြင့် (၄) ကြိမ်ဗုံးကြဲ တိုက်ခိုက်ပြီး Y-12 ဖြင့် ဗုံးအလုံး (၆၀) ကျော်ကြဲချ တိုက်ခိုက်ခဲ့သည်။ ပြင်ဦးလွင်ခရိုင်၊ သပိတ်ကျင်းမြို့နယ်၊ ကျောက်ဖျာရွာရှိ စစ်ကောင်စီ အင်အား (၇၀) ခန့်မှလည်း ကျောက်လုံးကြီးရွာသို့ ရေလမ်းကြောင်းဖြင့် လာရောက်ပြီး စစ်ကူပေးခဲ့သဖြင့် တိုက်ပွဲအတွင်း မိမိတို့ဘက်မှ ရဲဘော် (၁၀) ဦး မြင့်မြတ်စွာ ကျဆုံးခဲ့ရသည်။ ထို့အပြင် ပြည်သူ (၁) ဦး သေဆုံးပြီး (၁၇) ဦး ထိခိုက်ဒဏ်ရာရခဲ့သည်။
အမှတ် (၁) စစ်ဒေသ
👍 17😢 6❤ 5😁 3
တလောက ပကဖတာဝန်ခံတယောက်နဲ့တွေ့လို့ ခဏတဖြုတ်စကားပြောဖြစ်တယ်။လူတွေက သူ့ကိုစရိုက်ကြမ်းတယ်ဆိုပီး သိပ်မကြိုက်ကြဘူး။သူကလည်း ဆိုးတဲ့နေရာတွေကျတော့ တကယ်ဆိုးတာကိုး။
သူ့ရပ် သူ့ရွာမှာ ပြဿနာတွေဖြစ်လို့ အချင်းချင်း ပြေလည်အောင် အဆင်ပြေအောင်ညှိကြပါလားလို့ ကျနော်ကပြောတော့ ပြုံးစိစိနဲ့ အကြောင်းပြချက်တွေပဲပြောပြသွားတယ်။ပြဿနာတွေတော့ ဆက်တက်နေတုန်းပါပဲ။
ကျနော်တို့က ပကဖ တွေ PDF တွေ ပအဖ ထဲကလူတွေအကြောင်းရေးတာ ဘယ်လိုမြင်လည်းဆိုတော့ ကောင်းပါတယ် ရေးပေါ့တဲ့။ခင်များတို့ရေးတော့ မဟုတ်တာလုပ်မယ်ဆိုရင်တောင် နည်းနည်းတော့ လက်တွန့်တာပေါ့တဲ့။ဒါပေမယ့်လည်း မဟုတ်တာလုပ်တဲ့သူတွေလည်း လုပ်နေကြတာပါပဲ။
ကျနော်ပြောချင်တာကတော့ အထက်က ကျနော်နဲ့ဆုံခဲ့တဲ့ ကျနော့်မိတ်ဆွေပကဖတာဝန်ခံအပါအဝင် မိမိကိုယ်မိမိ ပြည်သူ့အတွက်လုပ်နေတာလို့ ခံယူထားတဲ့ ဘယ်ပုဂ္ဂိုလ်မဆို ဒီအချိန်ကာလမှာ မာန်မာနတွေလျှော့ကြပါ။
ကျနော်တို့သွားနေတဲ့ တော်လှန်ရေးဟာ စစ်အာဏာရှင်တို့လုပ်တဲ့လုပ်ရပ်မျိုးစုံကိုမကြိုက်လို့ သွားနေတဲ့ လက်နက်ကိုင်လမ်းစဥ်ဖြစ်တာကြောင့် ကိုယ့်တဦးတယောက်ထဲကိုပဲ ထိခိုက်တဲ့ အပြောအဆို၊အမူအယာမျိုးဆိုရင်တောင် သည်းခံပီး သဘောထားကြီးပေးကြပါ။
ငါ့ကို ဒီကောင်က ဒီလိုပြောရသလား၊ဒီလိုဝေဖန်ရသလားဆိုပီး ဖမ်းဆီးတာ၊ရိုက်နှက်တာဆိုတဲ့ကိစ္စရပ်တွေဟာ မိမိတို့အဖွဲ့အစည်းအတွက်တင်မက တော်လှန်ရေးအတွက်ပါထိခိုက်နိုင်တဲ့အတွက် မလုပ်ခင် ခေါင်းအေးအေးနဲ့စဥ်းစားပါ။
ကိုယ့်နယ်မြေမှာ တော်လှန်ရေးလုပ်နေတဲ့သူအချင်းချင်းကြား ပြေလည်အောင် မျက်နှာချင်းဆိုင် ဆွေးနွေးပါ၊အဖြေရှာပါ၊ညှိနှိုင်းပါ။အထက်ပုဂ္ဂိုလ်ဆိုတဲ့ လူစားမျိုးတွေကလည်း စာထုတ်တဲ့နေရာလောက်ပဲရကြတာ။တကယ်ပြဿနာတက်လာရင် ဘာမှမဖြေရှင်းနိုင်ပါဘူး။ကိုယ့်နယ်မြေထဲက ကိုယ့်အချင်းချင်းကြား အဆင်ပြေမှသာ တော်လှန်ရေးဟာ ရှေ့ရောက်မှာပါ။
တခါ ပြည်သူငြိုငြင်မယ့် ကိစ္စရပ်တိုင်းကို အတတ်နိုင်ဆုံး ရှောင်ပါ။ဒီကာလမှာ ပြည်သူမထောက်ခံတဲ့ပုဂ္ဂိုလ်၊အဖွဲ့အစည်းဟာ ဘယ်တော့မှ အောင်မြင်နိုင်မှာမဟုတ်ပါ။ပြည်သူသာ အဓိကပါ။
~ကိုအနန္တရေးသည်~
#infinitygroup
❤ 12👍 7😁 1
ဒီမိုကရေစီစနစ်ကို အမှန်တကယ်သွားချင်ရင်
ကိုယ်တိုင်က ကွမ်းသွေးကို တွေ့ကရနေရာမှာ မထွေးပါနဲ့။ထွေးခံတခုခုထဲထွေးပီး စနစ်တကျ စွန့်ပစ်ပါ။
#infinitygroup
👍 17❤ 2😁 1
ရွှေဘိုမြို့ပေါ်၌ စစ်ကောင်စီတပ်က နေ့စဥ်လူဖမ်းပွဲပြုလုပ်နေကာ ဖမ်းခံရသည့်လူများအား ငွေဖြင့်ရွေးခိုင်သည်ဟုဆို
မေ ၉ ၊ ၂၀၂၄
စစ်ကိုင်းတိုင်း ရွှေဘိုမြို့ပေါ်၌ စစ်ကောင်စီတပ်က နေ့စဥ်လူဖမ်းပွဲပြုလုပ်နေကြောင်း သိရသည်။မေလဆန်းပိုင်းမှစတင်ကာ ရွှေဘိုမြို့ပေါ်ရှိ လူသွားလူလာအများဆုံးဖြစ်သည့် လမ်းများ၌ အိမ်စီးကားများအသုံးပြုကာ ရှောင်တခင်စစ်ဆေးသည့်ပုံစံဖြင့် နေ့စဥ်ဖမ်းဆီးခြင်းဖြစ်ကြောင်း သိရသည်။
စစ်ကောင်စီတပ်သားများသည် လမ်းသွားလမ်းလာပြည်သူများအား တားဆီးကာ ကား၊ဆိုင်ကယ်များအားစစ်ဆေးခြင်း၊ဖုန်းထဲ၌ နှံ့နှံ့စပ်စပ်ရှာဖွေစစ်ဆေးခြင်းများပြုလုပ်သည်ဟု ကိုယ်တိုင်ကြုံတွေ့ခဲ့သူ လူငယ်တဦးကဆိုသည်။
" အခုက မြို့ထဲမှာတော်တော်ဆိုးလာတယ်။ဆိုင်ကယ်နဲ့ပဲဖြစ်ဖြစ် ကားနဲ့ပဲဖြစ်ဖြစ် အသေစစ်တယ်။ဖုန်းထဲဆိုရင်လဲ ဖေ့စ်ဘုတ် မက်ဆင်ဂျာ ဂယ်လာရီ အကုန်စစ်တယ်။ဖေ့စ်ဘုတ် မသုံးဘူးဆိုရင်လည်း ဘာလို့မသုံးတာလဲဆိုပီး ရစ်တာ။ဖုန်းထဲမှာ နိုင်ငံရေးနဲ့ဆိုင်တဲ့ဟာတွေ့မှမဟုတ်ဘူး ၂ လုံး ၃ လုံး ထိုးထားတဲ့လူလဲ ဖမ်းပီး ငွေညစ်တာ။ " ဟု အဆိုပါလူငယ်က ပြောသည်။
စစ်ကောင်စီသည် ရွှေဘိုမြို့နေပြည်သူများအား ညနေ ၆ နာရီမှ နံနက် ၆ နာရီထိ ညမထွက်ရအမိန့်ထုတ်ပြန်ထားကာ နံနက် ၆ နာရီမတိုင်ခင် လှည့်ကင်းပတ်လေ့ရှိပြီး ဈေးခင်းရန် နံနက်စောစောထွက်သည့်ဈေးသည်များကိုလည်း ပစ်မှတ်ထားဖမ်းဆီးကာ ငွေဖြင့်ရွေးခိုင်းလျက်ရှိကြောင်း သိရသည်။
ရွှေဘိုမြို့ပေါ်၌ စစ်တပ်ကလူဖမ်းနေသည့် အခြေအနေနှင့်ပတ်သက်၍ " အခုက တွေ့ရာလူဖမ်းတာပါ။အဓိက,ကတော့ လူငယ်ယောကျ်ားလေးအများစုကို ပစ်မှတ်ထားဖမ်းတာ။ငွေနဲ့ရွေးနိုင်သူရွေးပေါ့။မရွေးနိုင်တဲ့လူလဲ စစ်မှုထမ်းပေါ့။တချက်ခုတ် နှစ်ချက်ပြတ်လုပ်နေတာ။ပြန်ရွေးရတဲ့သူတွေဆိုရင်လဲ အနည်းဆုံး ၅ သိန်းကနေ သိန်း ၂၀ ထိတောင်းတာများတယ်။ " လို့ အခြေအနေသိရှိသူတဦးက ရှင်းပြသည်။
ရွှေဘိုမြို့နယ်သည် စစ်ကောင်စီတပ်အား ခုခံတော်လှန်သည့် တော်လှန်ရေးအင်အားစုများ အားကောင်းသည့်အပြင် မြို့တွင်းရှိစစ်ကောင်စီတပ်ဆွဲထားရာနေရာများအား တော်လှန်ရေးတပ်ဖွဲ့များက မကြာခဏ ပြောက်ကြားဝင်ရောက်တိုက်ခိုက်လေ့ရှိသည်။
#infinitygroup
😢 11👍 7😁 2
မလည်ရွာတိုက်ပွဲနဲ့ပတ်သက်ပီး ဝါသဝဘာပြောလဲ
မေ ၈ ၊ ၂၀၂၄
ဒီနေ့ညမှာပဲ အရေခြုံဝါသဝက စစ်တပ်လော်ဘီချန်နယ်လ်ကနေ မလည်ရွာတိုက်ပွဲအကြောင်းနဲ့ပတ်သက်ပီး ပြောသွားတာတွေ့ရပါတယ်။သူပြောတဲ့အကြောင်းအရာတွေထဲမှာ တစွန်းတစလောက်ရတဲ့ အချက်အလက်တခုတလေနဲ့ ပြည်သူကို ဝေဝါးအောင်လုပ်သွားတာတွေ့ရပါတယ်။
တစ်အချက်အနေနဲ့ မလည်ရွာစခမ်းသိမ်းတိုက်ပွဲမှာ PDF အယောက် ၅၀ ကျတယ်၊တပ်ခွဲမှူး ကိုမုတ်ဆိတ်ကျတယ်လို့ ပြောသွားတယ်။
(တပ်ခွဲမှူး ကိုမုတ်ဆိတ် တိုက်ပွဲတွင်းကျသွားတာ မှန်ပါတယ်။PDF အယောက် ၅၀ ကျတာ လုံးဝမဟုတ်ပါဘူး)
နှစ်အချက် ရင်း ၁ ၊ ရင်း ၄ က ဖြတ်တောက်ရေးလိုလို ဘာလိုလိုနဲ့ ရှောင်သွားတယ်။ရင်း ၂ က တပ်ရင်းမှူး ရဲဝင်းနိုင်နဲ့ ရဲဘော် ၆၀ က ထွက်ပြေးသွားတယ်လို့ဆိုတယ်။
(ဒါလည်း လုံးဝမှားပါတယ်။လေကြောင်းရန်၊လက်နက်ကြီးရန်ကြားကနေ ကန့်ဘလူခရိုင်တပ်ရင်းတွေဟာ ဟန်ချက်ညီညီ ရန်သူ့စခမ်းကို တိုက်ခိုက်ခဲ့တာပါ။)
သုံးအချက်အနေနဲ့ အခါတိုင်း Videoတွေမှာလို PDF တွေကိုဆဲတာလုံးဝမတွေ့ရတဲ့အပြင် " ငါ့ညီကိုတို့ " ဆိုတဲ့စကားလုံးကို မကြာမကြာသုံးသွားပီး " နိုင်ငံရေးဆိုတာရှုပ်ထွေးတယ်၊သူများပါးစပ်တင်လမ်းမဆုံးစေနဲ့ " ဆိုပီး စကားချိုချိုနဲ့ သပ်လျှိုလာတာတွေ့ရတယ်။
အရေးကြီးဆုံးအချက်က " ဆရာတော့်ထံကို အချိန်နဲ့တပြေးညီ သတင်းပေးပို့လာတဲ့ ရင်း ၁၊၂၊၃၊၄ အဖွဲ့က ညီကိုတွေကို ကျေးဇူးတင်တယ် " ဆိုတဲ့ စကားကိုပြောသွားတာ တွေ့ရတယ်။ဒါဟာ တပ်ရင်းတပ်ဖွဲ့တွေအချင်းချင်းကြား၊တပ်ရင်းထဲက ရဲဘော်တွေအချင်းချင်းကြား၊ပြည်သူနဲ့PDFတွေကြားက ယုံကြည်မှုကို ပြိုကွဲအောင်ပြောနေတာဖြစ်ပါတယ်။
မလည်တိုက်ပွဲအခြေအနေနဲ့ပတ်သက်ပီး PDF အယောက် ၅၀ ကျတာမှန်ကန်တယ်ဆို ဝါသဝဟာ တဟီးဟီး တဟားဟားနဲ့ လက်သီးလက်မောင်းတန်းပီး ပြောနေမှာဖြစ်ပါတယ်။အခုတော့ ယုံကြည်မှုပျောက်ဆုံးပီး မျက်နှာက ညှိုးနွမ်းနေတဲ့အပြင် စကားချိုသွေရင်း သပ်လျှိုသွေးခွဲစကားတွေပဲပြောသွားတာဖြစ်ပါတယ်။
ဘာလို့ဒါတွေပြောနေရလဲဆိုရင် တချို့ပြည်သူတွေဟာ လော်ဘီချန်နယ်လ်တွေကတင်ရင် သတင်းအမှန်လို့ ထင်လာတာကတကြောင်း၊တချို့သော မီဒီယာက သတင်းသမားတွေက လော်ဘီချန်နယ်လ်တွေကသတင်းတွေကို ဟုတ်သလားလို့ လာလာမေးတာကတကြောင်းမို့ ပြောပြရခြင်းပါ။
ဓာတ်ပုံ-မကြာခင် ပိန္နဲသီးတဝကြီးစားရတော့မယ့် စိတ်ဓာတ်ကျနေသော ဝါသဝ
#infinitygroup
👍 28😁 5❤ 4
မီဒီယာတွေရေးတဲ့ မလည်ရွာစစ်ရေးသတင်းတွေဖတ်ပီး မိုတီတွေတက်မနေကြနဲ့ဗျ။
ကိုယ့်ဘက်ကလည်း ကြီးကြီးမားမားပေးဆပ်ထားရတဲ့နေ့တနေ့ပါ။
ဒါကြောင့် အသက်စွန့်တိုက်ပွဲဝင်ရဲကြတဲ့ PDF တွေအတွက် တက်နိုင်သလောက်လှူကြပါ။
သက်ဆိုင်ရာတပ်ရင်းတပ်ဖွဲ့တွေက ကမ်ပိန်းတွေလုပ်တဲ့အခါ တတ်စွမ်းသမျှ ပါဝင်ကြပါ။
#InfinityGroup
👍 21😁 5😢 3
CDM ဆိုသောစကားလုံးသည် လူတိုင်း၊အမည်နာမတိုင်းအတွက်မဟုတ်
မေ ၇ ၊ ၂၀၂၄
တခါတလေကျရင် ကျနော်စဥ်းစားမိတယ်။လူတွေက တခုခုဆို ရှေ့ကနေ စကားလုံးလေးတလုံး လွယ်လွယ်ကူကူကောက်တပ်ပစ်လိုက်ကြတာ။
ဥပမာ "CDM" ဆိုတဲ့ စကားလုံးပေါ့။ဆရာဝန်တယောက် အာဏာရှင်ကို မကြိုက်လို့ "CDM" လုပ်လိုက်တယ်။အဲ့ဆရာဝန်ကို CDM ဆရာဝန်လို့ အလေးအမြတ်နဲ့ခေါ်ကြတယ်။တခြား CDM ကျောင်းဆရာ၊CDM သူနာပြု၊CDM မီးရထားဝန်ထမ်း၊CDM ကျောင်းသား အစရှိသဖြင့်ပေါ့လေ။
သို့ပေမယ့် CDM ဆိုတဲ့စကားရပ်ဟာ အမည်နာမတိုင်းရဲ့ရှေ့ကနေ တပ်ဖို့တော့မသင့်ဘူး။CDM ဆိုတဲ့စကားလုံးဟာ အာဏာသိမ်းစစ်တပ်ကို အာဏာရှင်လို့သိပီး ဘယ်သူမှဖြောင်းဖျစရာမလိုတဲ့အချိန်ကတည်းက လစာမယူတော့ပဲ မိမိတို့သက်ဆိုင်ရာအလုပ်ခွင်ကနေ ထွက်ခွာပီး အာဏာရှင်ကိုမကြိုက်ကြောင်း ငြိမ်းချမ်းစွာဆန္ဒပြခဲ့ကြတဲ့သူတွေအတွက်ပဲ ရည်ညွှန်းသင့်တာမို့ပါ။
တချို့အရပ်မှာရှိတယ်။စစ်တပ်ကို တော်လှန်ရေးသတင်းတွေပေးပီး ဒလန်လုပ်ခဲ့တဲ့လူတယောက်က အခြေအနေမကောင်းချိန်မှ တော်လှန်ရေးဘက်ကို ဘက်ပြောင်းလာတယ်။ဒါကိုလည်း CDM လုပ်တယ်လို့ တချို့ကသုံးကြတယ်။သူတို့အပြောအရဆို CDM ဒလန်ပေါ့လေ။
အဲ့လိုပဲ အာဏာသိမ်းချိန်က စစ်တပ်အလိုကျ လစာတွေယူအလုပ်တွေလုပ် အခြေအနေမကောင်းချိန်ကျမှ ပြည်သူနဲ့လာပူးပေါင်းတဲ့သူကိုလည်း CDM လို့ပဲ ကင်ပွန်းတပ်ကြပြန်ရော။ဒီလိုဆိုတော့လည်း တောထဲမှာ လူခိုင်းသမျှလုပ်နေရတဲ့ ဆင်လို သတ္တဝါမျိုးကိုတောင် CDM ဆင် လို့ ကင်ပွန်းတပ်တာ မဆန်းတော့ပါဘူးပေါ့လေ။လူတွေကိုက နာမည်ရှေ့မှာ ကင်းပွန်းလှလှလေးတပ်ရတာ ကြိုက်ကြတာကိုး။
#infinitygroup
👍 19😁 3
တချို့ဆို ဘီယာဝိုင်းမှာ
တချို့က ဇိမ်ခံကားဗျ
တချို့တချို့တော့ အိမ်ယာဆောက်ကြ
တချို့ကျ ခရိုနီဖြစ်ကြ
တချို့က တမလွန်ဘဝမှာ
တချို့တချို့တွေများ ဒုက္ခိတဘဝ
တချို့က ပြာပုံကြားမှာ။
အကုန်လုံးတော့မဆိုလို။ဒါပေမယ့် ငြင်းမရတဲ့ ရင်နာစရာဖြစ်ရပ်မှန်တွေပါလေ.....
photo;crd
😢 9👍 6😁 2