Subject Nazar | Jamshid Muslimov

Нурбек ёзманг деса ҳам ёзяпман. ФИКРАТ таҳлилий дастурида ҳар куни 5-6 соат уникал (янги) кўрсатув тайёрланади. Бу эса кўрсатувда фойдаланиладиган камераларнинг катта юклама билан ишлашини билдиради. Шу кунларда дастурда фойдаланиладиган 3 та камерадан иккитасида жиддий муаммолар кузатилиб турибди. Биттаси ҳатто қаттиқ қизиб кетганидан ўчиб ҳам қоляпти. Айримлар ўйлаганидек кетма-кет рекламалар йўқ, ходимлар маоши асосан "Фикратонлайн" клуби семинарларидан. Техникага алоҳида маблағ ажратиш ҳозирча имконсиз. У эса эскиряпти. Агар кимда фойдаланилмай турган камера, объектив бўлса (вақтинчаликка бўлса ҳам, чунки мақсад фақат кўрсатув) ёки бошқа таклифлари бўлса @Nurbekgofurov га алоқага чиқишини сўраб қоламиз. Мавжуд техника билан амалласа бўлади, лекин кўрсатувлар сифати бузилаётганини кўриб ёзишга қарор қилдим @Hamid_Sodiq

Kitoblarga ishonib qolish haqida savollarga javoblar https://youtu.be/qqyL57fi0CQ

Ўзингизни банд қилинг, ўзингиздан озод бўласиз. Қизиқ машғулот, гўзаллик, китоб, меҳнатга берилинг, ўзингизни топасиз. Ўзимиз билан овора бўлишни ўзимиздан нарироқ қилсак, чин ўзимизни топамиз.

Елкан устуни (мачта) тепасида ўтирган денгизчи узоқдан қуруқликни, тўфон булутларини кема палубасидагилардан олдинроқ кўради. Юқоридаги кузатувчига кўринган нарсалар, вақт ўтиб пастдагиларга кўринади. Бошқача қилиб айтганда, келажак тепада жойлашган назарга олдинроқ етиб келади. Киши ўз ақл идрокини юқорироқ поғонага кўтара билиши керак. Ўз идрокини нафақат олдинга, балки юқорига йўналтира олмаган шахс кутилмаган зарбаларга дуч келади, қулай имкониятларни ўтказиб юборади. Даракчиларига ишонмай қўйган жамият эса олдинни кўра олмай кемани қояларга уриб, чўкиб кетган денгизчиларга ўхшайди.

Ассалому алайкум Болалик дўстларимдан бирига бошига шу қишда оғир бир синов тушди. Уйи тамоман ёниб кетди. Ҳозир оиласи билан ижарада турибти. Ногиронлиги сабаб уйни тиклаб олиш қийин кечяпти. Кимда имкон бўлса, ватандошимизга ёрдам беришларини сўрайман. Унинг ҳисоб рақами: 5614 6821 2335 4740 Ashurov Alisher

– Наҳотки ҳеч қачон атом ва субатом оламини тушуна олмасак? Ахир илмимй таърифлар ҳаммаси мос келмаётибтику?, сўради Вернер Ҳайзенберг Нильс Бордан. – Тушуниб олиш мумкин. Лекин аввал “тушуниш”га таъриф топишимиз керак бўлади. Суҳбат сокин ўрмонда пиёда борар эди. Икки буюк физик метафизика олдида тўхтаб қолди. "Ҳодиса феноменологияси" туркуми маърузаларидан

~ Халққа кўринадиган ҳақиқатлар керак, мавҳумлари эмас. ~ Фикрга қарши муносиб қурол билан чиқиш зарур, бу ишга милтиқлар ярамайди. ~ Чинакам мулк ҳимояланганлиги ва шахс даҳлсизлиги – мана шу чинаккам ижтимоий эркинликдир. ~ Давлат ишларида арифметик кўпликни сиёсий кўпликдан фарқлай билиш керак. ~ Дарҳақиқат, халқ йиғинларида ҳамиша эҳтирослар ваъзхонлик қилади. ~ Вольтер одамлар қанча маърифатли бўлсалар, шунча эркин бўлишларини назарда тутган. Унинг издошлари эса халқ қанча эркин бўлса, шунчалик маърифатли бўлади деишди. Ҳамма бало шундан. ~ Подшоҳлар ўзларини мулкдордек тутиб, мулкдорлар эса ўзларини подшоҳдек тутсалар давлат хасталанади. ~ Сиёсат афсонавий Сфинкс ялмоғизига ўхшайди. Жумбоқларнини еча олмаганни ямлаб ютади. ~ Биз шундай замондамизки, арзимас бўлиб яшаш қонунлардан кўра кўпроқ асрайди ва айбсизликдан кўра виждонни кўпроқ тинчитади. ~ Тил бу – ташқарига юзланган тафаккур, тафаккур эса – ички суҳбат. ~ Китоб босма санъати ғоялар артилериясидир. ~ Ҳозирги аслзодалар – аждодларининг шарпалари холос. ~ Аксар атеистларимиз исёнкор католиклардан ёлланган. ~ Хотира ҳамиша қалбга малайлик қилишга тайёр. ~ Ақл – тарихчи, эҳтирослар – актрисалар. ~ Ғайриоддий ақллар биринчи галда одатий, кундалик нарсаларга қаратилган бўлади. Оддий ақллар кўзларига эса фақат ғайриоддий нарсаларга тушади. ~ Қоринда ғоя туғилади (яъни ғоя туғилиши учун қорин тўқ бўлиши керак). ~ Биз ҳақимизда гапирадиганларнинг тўққизтаси ёмонлайди, ва яхшилайдиган биттаси шуни ҳам яхши уддаламайди. ~ Монтескьенинг «Қонунлар руҳи» асари Нил дарёсидек улуғвор ва сермаҳсулдир, шу билан бирга Нилдек ирмоқлари қоп-қоронғу (мураккаб демоқчи). ~ Қабрим тошига ёзиб қўйинглар: «Уни биздан дангасалик ўлимдан аввал олиб кетди» Антуан Риварол афоризмлари Эрнст Юнгернинг "Риварол" таржималари тўпламидан

“Том, Дикининг узугини қути ичидан топиб олдим. Нима учун узук у ерда?”, ҳайрат ичида сўради Марж. Том Рипли ўгирилмай: “Чунки узукни қутига мен солиб қўйдим”, дейди. Томнинг жавоби мутлақо ҳаққоний ва мантиқли гап. Аммо Марж назарда тутган савол бошқа, у нима учун Дики доимо тақиб юрадиган узуги узоқ сафардан олдин дўстига қолдириб кетганлиги ҳақида эди. Том саволнинг ички маъносига чап бериш учун саволнинг ташқи шаклига монанд фактуал ва мантиқли гап билан қайтарди. Инсон ўз олдида қўядиган буюк саволларни фанга йўналтирса, ҳудди Томнинг гапидек жавоб олади. Фактуал ва мантиқли, аммо маънидан ташқарида… Фарқи шу-ки, Том жавобни билиб яширади, фан эса “Марж” саволини умуман тушунмайди. Жиддий фан олимлари буни билишади ва шунинг учун кўп ҳақиқатларга эгаликни даъво қилишмайди, улар фан ташқарисидан ҳам туриб фикрлашга уринишади. Фан барча нарсага жавоб беради дейдиганлар эса Маржга ўхшаб алданиб юришади.